|
Re: || التشريعي للجان المقاومة.. وبس || (Re: Mutasim Idris)
|
الشارع لم يمثل في ثورته.. وحان الوقت. مقاعد التشريعي نسبة ال 67% او ما يعادل ال 201 مقعد هي نصيب الشارع للمشاركة في ثورته والحفاظ علي مكتسباتها. 80 مقعد للكنداكات اللي كان ولم يزلن وقود ومحرك الشارع. اما نسبة ال 33% فهي خيار العسكر. علي كيفهم يتقاسموها مع الثورية او يخلوها فاضية..
| |
|
|
|
|
|
|
Re: || التشريعي للجان المقاومة.. وبس || (Re: Mutasim Idris)
|
نبيل اديب لما يمثل قدام التشريعي المقام من لجان المقاومة اكيد ح يجاوب بنزاهة وعلي كل الاسئلة عمن فض الاعتصام. وزراء الحكومة لما يتم استدعائهم اكيد ح يكون عندهم اجوبة عن حال وزاراتهم.. وحمدوك ح يترك التناغم مع العسكر للتشريعي ويباشر مهامه كرئيس للوزراء بصلاحيات رئيس جمهورية زي ما جاء في الوثيقة الدستورية.. الثورة اتسرقت وحان موعد اعادتها لاسيادها..
| |
|
|
|
|
|
|
Re: || التشريعي للجان المقاومة.. وبس || (Re: Mutasim Idris)
|
وقوي الحرية والتغيير!! امشوا شوفوا وين قواعدكم واعملوا لياليكم السياسية ومارسوا ديمقراطيتكم لانه البلد محتاجة لخبراتكم السياسية في تداول السلطة والحفاظ عليها مش سرقتها زي كل مرة منكم وتقويضها من العسكر. منو الفض الاعتصام وقتل الشهداء ح يتعرف دا ما شغلكم.. جبتوا حمدوك يلا خلوه يشتغل.. الشارع ح يكون حاضنته.
| |
|
|
|
|
|
|
Re: || التشريعي للجان المقاومة.. وبس || (Re: Arif Nashed)
|
بسيطة يا عارف.. كل اقليم, مدينة. حي او منطقة جغرافية (يمارس) ديمقراطيته ويتعلم ابجدياتها ويقدم مرشحه.. لو قعدوا مع بعضهم ح يجدوا الية المشاركة وكيفية الاختيار.. ممكن نجرب؟ لجان المقاومة معروفييييين وان حاول البعض طمس هويتهم او تشبيههم بالرعاع..
| |
|
|
|
|
|
|
Re: || التشريعي للجان المقاومة.. وبس || (Re: Mutasim Idris)
|
آلت مفوضيتي الانتخابات والحدود لعسكر السيادي!! يمكن تعديل الوثيقة الدستورية وتتبيع مفوضية الانتخابات للوزارة حتي يتثني قيام التعداد السكاني وبالتالي تحديد الكثافة ومن ثم عدد الدوائر الجغرافية لمقاعد البرلمان المنتخب. الظروف مواتية جدا لبدء الترتيبات وتجريب تعيين اعضاء التشريعي من كل مناطق الوطن ليساعد في عكس صورة حية حقيقية للمفوضية لعمل ترتيباتها علي الاقل في عدد المقاعد. التعداد السكاني مهم جدا لفترة ما بعد الانقاذ للتغيرات الكبيرة الحصلت من جراء الحروب والنزوح بسببها او حتي بسبب الضائقة المعيشية. شن عرف العساكر بشغل الانتخابات يا قوي الاعلان.!! معقولة بس!! مشوار الميل يبدأ بخطوة (جادة)..
| |
|
|
|
|
|
|
Re: || التشريعي للجان المقاومة.. وبس || (Re: عبدالعظيم عثمان)
|
استاذي عبدالعظيم سلامات..
Quote: كدا حتسلم التشريعي للفلول بالمزيكا وحتعرض لجان المقاومة لإستقطاب حاد جدا |
الفلول يا عبدالعظيم حدهم زحفهم دا وما ح يزيدوه. الكيزان ومن دار في فلكهم مستفيد معروفين للشارع اكثر من حكومة حمدوك. ايام المواكب الاولي وفي فترة العراك الثوار كانوا بكتبوا في حيطان بيوت الكيزان والامنجية. يعني قصة لجنة مقاومة تقدم ممثل (فلولي) وللتشريعي دي ماااا اظنها تحصل.. معليش قول (للشيوعين) هههههههه. اما الاستقطاب يا الف مرحب بيه ياااخ. من الامنيات كانت, انه الاحزاب تعطر ليالي الجيل دا ببرامجها وتعدل من حالها وتمارس ديمقراطية حقيقية في نفسها قبل بداية الحراك الحقيقي. احزابنا محتاجة نفض وضخ دماء جديدة فيها عشان تفضل, تبقي وتتجدد. الشباب ديل اكيد محتاجين لصقل قد يجدوه في (الاستقطاب) دا, اما انخرطوا في الاحزاب دي او أفرزوا( احزاب جديدة) بعد كسب الخبرة وممارستها. علي الاقل محتاجين لدورة كاملة من الديمقراطية وتداول السلطة وعلينا نعمل عشانها وفي البال صعوبة ووعورة الطريق. الكيزان تاني مااا ح يجوا بشكلهم القديم.
| |
|
|
|
|
|
|
|