عيال لينين ما عندكو دين بقلم عبد الله علي إبراهيم:
كنت نسبت إلى "طمسة" ولاد المدن الزعم بأن حشد الأنصار الذي جاء للعاصمة ليعزز مطلب الأحزاب بحل الحزب الشيوعي كان يسأل من يلقاهم من الناس عن "حلة الشيوعيين" لتأديبهم. وكتب لي أكثر من صديق على صفحة الفيس بوك يقول إنه التقى بجماعات منهم وسألوه عن حلة الشيوعيين. فالذائعة حق. وتذكرت أنني كنت نقلت على صفحتي حكايتين لم يسأل فيهما الأنصار عن حلة الشيوعيين فحسب بل اجتمعوا ببعض "سكانها" من غير يعرفوا إلا مؤخراً. وكانت بينهما خوة دامت.
علق الأستاذ ساتي بكري ساتي على بوست لي عن حل الحزب الشيوعي 1965 وتجربته مع الأنصار ما يلي:
الشيوعيون دافعو عن حزبهم ببسالة. أتذكر لحظات هيجان الاحزاب بقيادة الإخوان المسلمين جاء حزب الامه بالأنصار من الجزيرة أبا يهتفون: "عيال لينين ما عندكو دين". كانوا نازلين في الديوم الشرقية بديم التعايشه بمنزل شيخ الطريقة القادرية. كنا جيران بعض. كان الأنصار بعد أن ينتهوا من مظاهراتهم نأتي كلنا نتغدى معاً في بيت الشيخ. نسألهم هل وجدتم الشيوعين فيقولون مالقيناهم أولاد أيه وأيه. شتيمة طبعاً. وحين جاء وقت رجوعهم قال لهم الشيخ القادري: "لو لقيتو الشيوعيين بتعرفوهم؟". فقالوا لا. قال لهم "الأولاد البتتغدو معاهم كل يوم ديل، وبصلو معاكم، والبحضرو معانا الذكر كل خميس واثنين، ديل شيوعيين". استغرب الأنصار وسألونا: إنتو شيوعيين؟" فقلنا لهم نعم. وتواصل النقاش حول شيوعيتنا معهم حتى سفرهم. والغريب أن المودة اتصلت بيننا وبينهم بفضل المرحوم شمس الدين من أبناء الجزيرة أبا الذي صار حلقة الوصل بيننا.
حلة الشيوعيين 2 كتب خليل الياس، من قادة اتحاد الشباب في الستينات، في جريدة الميدان كنت أحمل في سيارتي قدراً من الخبز من باب كوستا وطحينية وجبنة والماء لدعم المتظاهرين ضد حل الحزب الشيوعي. انتهى الحشد في العصر وقفلت عائداً إلى منزلي بالخرطوم بحري عبر المحطة الوسطى بالخرطوم. أوقفني ثلاثة رجال واضح أنهم من الأقاليم. -إنت من الخرطوم كان العطش والجوع بادياً عليه. -وبتعرف حلة الشيوعيين -داير منهم شنو؟ -جينا هنا عشان نكاتل الشيوعيين الملاحدة. نظرت إليهم مرة أخرى وبان لي إرهاقهم الكبير -باين عليكم تعبانين -والله من أمس لا أكلنا لا شربنا -اتفضلو معاي على البيت وبعد الغداء أوريكم حلة الشيوعيين. وسرنا إلى حي المزاد الدرجة الثالثة بحري. توضأنا لصلاة العصر وقدموني إماماُ. ثم تغدينا. وتصادف أن كان غدائي جيداً لأنه مما جاء به جار سماية. نام الجميع حتى صلاة المغرب. ايقظتهم. وكان بينهم شاب فيه معرفة وكلامه ليس ريفياً خالصاً. -كتر خيرك يا خوي. والله يبارك ليك ويبعدك من الشيوعيين الكفار. خلاص بعد دا ايرين نمشي لحلة الشيوعيين. الله أكبر عليهم. -لو قلت ليك أنا شيوعي بتصدقني. وقف الشاب مندهشاً مضطرباً: -عليك الله إنت شيوعي. إنت صليت معانا. وأديتنا أكلاً سمح. الشيوعية ما بصلو ولا بعرفو الرسول. -الناس البقوليكم الكلام دا ناس كضابين. ولا بخافو الله. وبقولو ليكم الكلام دا عشان ما تصوتو للشيوعيين. اسع ليكم تلاته أيام لا أكل لا شراب ده هس كلام ناس مسلمين؟ نحن الحق بنصلي وبنصوم وبندي الزكاة ونساعد المساكين عموماً. وبيوتنا مفتوحة ليكم أهلاً ومرحب في كل وقت. وأخذتهم لأم درمان ليحقوا بمن تبقى من الأنصار العائدين إلى قراهم. بعد مدة جاء من جماعة بابنوسة من سأل مني في البنك. وقال له إنه جاءهم في بابنوسة شيوعي اسمه عثمان. وصار ابنه وبنته هو بنفسه بفضله شيوعيين. وسأل: هل لسع بتقروا في لياليكم السياسية سورة "ورأيت الناس يدخلون في دين الله افواجا" وكان الشيوعيون يكثرون منها في بدء مناسباتهم السياسية. وقيل إنه حدث في ليلة سياسية للإسلاميين افتتح أحدهم الليلة بالسورة. فقال أحدهم: -يا مولانا ما تقرا لينا سورة الشيوعيين دي -لكين الشيوعيين ما عندهم سورة.
06-24-2020, 01:16 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
سلام ابوبكر بعد فشل انقلاب هاشم العطا تم اعتقال عدد كبير من الشيوعيين في عطبرة وتحركت بهم عربة الحكومة الى الخرطوم ولكن حدث عطل للسيارة جوار احدى القرى .. واضطر البوليس لوضعهم في مدرسة القرية حتى يتدبروا امرهم بعربة اخرى .. اهل القرية سمعوا بوجود شيوعيين في مدرسة قريتهم وهبوا كبارا وصغار وتوجهوا للمدرسة ليحظو برؤية الشيوعيين لكن البوليس كان لهم بالمرصاد ولم يسمح لهم بدخول المدرسة احد اهل القرية استطاع مغافلة البوليس ودخل المدرسة واسترق النظر الى داخل الفصل ورأى المعتقلين ثم ولى هاربا بعد ان رآه البوليس ... طارده اهل الحي ليصف لهم الشيوعيين فقال لهم : شيوعيين شنو ؟ والله العظيم فضل الله سواق البنطون معاهم ..
06-24-2020, 01:34 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
بالرغم من انو يا خالد، الاحزاب التلاتة نجحت في تخويف عامة الناس من الشيوعيين، لكن في نفس الوقت صنعت للشيوعيين هيبة، ما زالت صورة الشيوعي عند الناس انو زول محترم، مثقف لا يغش ولا يسرق
06-24-2020, 06:17 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: شهادة الشيوعي السابق د. صلاح البندر في الشيوعيين https://top4top.io/ للأسف أيادي الحزب الشيوعي تلطخت بالمال الحرام .. وهذا سبب اختلافي وخلافي معهم وكتبته بالتفصيل عند استقالتي من الحزب في منتصف 1996.. وقبل الانقلاب في 1989 بدأت موجة تأسيس منظمات المجتمع المدني. وكانوا من المؤسسين لمنظمات حقوق الإنسان وقد كانت وقتها الكيكة صغيرة لم تتجاوز سقف 620 ألف دولار كل اربعة اشهر ... ولكن بعد الانقلاب ا انتبه الحزب وفرغ عدد كبير من عضويته لفرض سيطرته على موارد هذه المنظمات (منح+ تدريب+ بعثات+ وظائف+ معدات..الخ) وبحلول عام 1995 وصل مجموع موارد هذه المنظمات التي كانت تعمل في مجالات حقوق الإنسان والمرأة والاعلام *106 ملايين دولار* تزيد بنسبة 15 % سنوياً او حسب النشاط و المشروعات هنا ظهر الفساد والاستحواز والاحتكار. وزيد على ذلك استلام الحزب الشيوعي لنصيبه من اموال المخابرات الامريكية لتمويل المعارضة في أسمرا والقاهرة ولندن وكمبالا. وهي مبالغ قدرت بحوالي 87 مليون دولار في العام سنويا حسب كشف المنح القديم لا ندري كم هي الان !! شخصياً كنت اقود حملة منذ اوائل 1995 لمحاسبة المسؤولين الذين شاركوا في الفساد واستمرت المعارك لسنوات مسجلة على صفحات سودانيزاونلاين ... ولكن بحلول 2008 وبعد ان فشلت كل محاولاتي لمحاسبتهم من خلال الحزب او لجان التحقيق (وكان تقدير قيادة الحزب الشيوعي ان الانقاذ ستستفيد من المحاسبة لتشوية المعارضة) وفشلت مساعي المرحوم محمد ابراهيم نقد في اقناعي بالتراجع اضافة للاعتراضات المتكررة من لوبيهات المصالح داخل الحزب قررت توثيق هذا الفساد كنموذج وحتى لا يعتقد اي شخص انها معارك تصفية حسابات وتشوية لتاريخ الحزب الشيوعي فرفعت قضية بمحاكم لندن و ضد شخصيات شيوعية مسؤولة عن هذا الفساد المتوارث حتي اللحظة . استغرقت مداولات المحكمة 4 سنوات وصدرت احكامها بالادانة ضدهم في التصرف في اموال عامة دفعها الاتحاد الاوروبي لتمويل هذه المنظمات وطالبهم بارجاعها ولم يتم ارجاعها حتي اليوم بل و تتراكم و تضاعف كل شهر و كل عام ...
كما رفض الحزب الشيوعي والى الآن وبإصرار كشف المبالغ التي استلمها من المخابرات الامريكية والمخابرات العامة المصرية والمخابرات السعودية !! انتهي الاقتباس
.
االمحكمة الدستورية المراجع العام الاعلام الحر الانتخابات هي البتنظف السودان وصلاح البندر قاااااااااااااااااااااااعد يموت الزمار واصابعه تلعب صدقت ديل يراهنو علي الشعب ولي صدقت دي ثورة المهدية الثالثة بتجي من الجنوب ما من الشمال او ل شي تزحنا من مصر وعربان الخليج السوداني المحترم بجي بي صناديق الاقتراع والحثالة الامريكية في العالم الثالث بتجي بي الانقلابات والثورات المزيفة وخلو الطلس الما مفيد الشعب سوداني لا غبي ولارعاع عشان يضللو زول في الانتخابات الا يزروا بس ذى ما حصل في انتخابات 2010
06-24-2020, 07:55 AM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
نفسي ألاقي شيوعي في المنبر دا غير النعيم والشريف وخالد وعبدالله حسين ... ليه الشيوعي بخاف يكشف شيوعيتو ... هل الشيوعية عيب لامن يدسوها؟ من منهم يفتخر بي شيوعيتو هنا؟ نثق في منو ونحترم منو يا أبوبكر .. الأربعة ديل بس؟ ما كفاية عشان تحكم ... لعبة الدسوسيه دي لامتين ... اكتر زول بدافع عن الشيوعيين والحزب الشيوعي في المنبر دا اخونا كمال عباس قال أنا ما شيوعي ... دي يفهموها كيف؟ الشيوعي داخل في حاله نفسية صعبة بي سبب المنهج والتاريخ ...
06-24-2020, 09:07 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: وأكبر وأجل خدمة للشيوعيين قدمها لهم الكيزان، حتى أصبحوا نقيضهم القيمي ولم يبق لهم إلا أن يقولوا خذوا نصف دينكم من الشيوعيين!
فعلا واحد الكيزان والشيوعيين انقلاب 1989 اهل الرجس اتقلاب1969 اهل السفاهة والله وهمة الشيوعيين انهم كويسين دي عجيبة جدا شوف انا في البورد ده ما عندي علاقة بي حياة الشخص البيولجية او محيطه البيولجي السقوط السياسي هو المدان عندي واحقر واحط انواع سقوط السياسي هي الانقلابات المدعومة من المخابرات الاقليمية والدولية الزول الما بجي بي الانتخابات ساقط ورخيص لو جاء بي انقلاب او محاصصة وبرعاية المخابرات الاقليمية الدولية وعايز يغطي دقنو الشعب السوداني اكثر شعب محترم في العالم وواعي لو كان الشيوعيين او الناصريين او البعثيين محترمين كانو شكلو اغلبية في انتخابات 1986 ذى الاحزاب الاشتراكية في افريقيل ناس مدرسة جولويس نيريري https://top4top.io/
الكوز والشيوعي عميل ورخيص وروت ليس ودمر السودان حضاريا بدعم مصري وسخ مستمر في الكاااار لحدي هسة ورهاناتو كلها خارجية ولا يحترم الشعب السوداني اطلاقا ولا خياراته الدينية ولا السياسية وخلو الطلس البليد
06-24-2020, 09:09 AM
Deng Deng
تاريخ التسجيل: 11-28-2002
مجموع المشاركات: 52569
الحزب الشيوعي السوداني وأعضائه يحملون متناقضات غريبة جدا.
فهم لا يترددون في أدعاء التدين الاسلامي والمواظبة على الصلاة والصوم. وفي نفس الوقت الشيوعية نفسها لديها مشكلة مع ذلك وفي نقيض له. الحزب الشيوعي السوداني في أخر أنتخابات فاز فيها بمناطق تعتبر مناطق وعي ومناطق تنوع ديني وثقافي وتنوع عرقي أيضا ولكن تلك المناطق يصنفها الحزب الشيوعي نفسه بأنها يسكنها الرأسمالية والبرجوازية ايضا. أنا أتحدث هنا عن الدائرة التي فاز فيها مرشح الحزب الشيوعي عز الدين علي عامر والدائرة التي فاز فيها محمد إبراهيم نقد. وأنا هنا أتحدث عن مناطق الديوم الشرقية والعمارات. و الخرطوم واحد وأتنين وتلاتة.
06-24-2020, 09:27 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: الحزب الشيوعي السوداني وأعضائه يحملون متناقضات غريبة جدا.
فهم لا يترددون في أدعاء التدين الاسلامي والمواظبة على الصلاة والصوم. وفي نفس الوقت الشيوعية نفسها لديها مشكلة مع ذلك وفي نقيض له. الحزب الشيوعي السوداني في أخر أنتخابات فاز فيها بمناطق تعتبر مناطق وعي ومناطق تنوع ديني وثقافي وتنوع عرقي أيضا ولكن تلك المناطق يصنفها الحزب الشيوعي نفسه بأنها يسكنها الرأسمالية والبرجوازية ايضا. أنا أتحدث هنا عن الدائرة التي فاز فيها مرشح الحزب الشيوعي عز الدين علي عامر والدائرة التي فاز فيها محمد إبراهيم نقد. وأنا هنا أتحدث عن مناطق الديوم الشرقية والعمارات. و الخرطوم واحد وأتنين وتلاتة.
الشيوعية في السودان برستيج ولي عوائل معروفة ومعينة وذي ما قلت في الحضر بس ولا يحترم الشعب السوداني وقناعاتو الدينية والسياسية اطلاقا هسة يا دينق بي العقل كده الشيوعية دي تقليعة1070 وانتهت ذى القميص تحرمني منك وجون ترافولتا
الحركة الشعبية جات 2005-2010 صنعت ثورة حقيقية متكاملة بي دستور ومحكمة دستورية وانتخابات ابوها الكيزان معذورين لانهم قرود ابها الشيوعيين والناصريين والبعثيين لي شنو ؟؟ وليه هم لحدي هسة قاعدين في راسنا بي جماهيرم صفر حتي في المدن الاقليمية خليك من الريف وحتي انتخابات 1986 ومصرين يقعدو في راسنا بي المحاصصة جو بي انقلاب 1969 مسخو العلم والشعار والتعليم والله بي المحاصصة دي ومع نفس الكعوك الناصري والبعثي يسمحو السودان ذاتو ويدقو يافطة هنا كان في بلد اسمو السودان ومنافقين كمان علي مستوي البورد ما قادرين يواجهو الحقائق ويقولو ليك انت بتشتم العقد شديدة والبلادة اشد
06-24-2020, 09:39 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
ببساطة يا صلاح زبير، عشان تكون شيوعي لازم تكون عضو بالحزب الشيوعي. كمال عباس* ما ممكن نكسر رقبتو نقول ليهو إتّا شيوعي، وهو غير منظم بالحزب الشيوعي. السؤال هو: جيب لينا زول بالمنبر شيوعي ناكرها؟ أنا بحب الجمهوريين وبدافع عنهم، لكن ما جمهوري. —— * كمال عباس ختمي شيوعي (حزب جديد).
06-24-2020, 10:38 AM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
وأنا هنا أتحدث عن مناطق الديوم الشرقية والعمارات. و الخرطوم واحد وأتنين وتلاتة. ----------------------------------------------- والمركز العام للحزب وجريدة الميدان في الخرطوم اتنين المشكلة وين ؟
06-24-2020, 11:40 AM
adil amin adil amin
تاريخ التسجيل: 08-01-2002
مجموع المشاركات: 37022
االمحكمة الدستورية المراجع العام الاعلام الحر الانتخابات هي البتنظف السودان وصلاح البندر قاااااااااااااااااااااااعد يموت الزمار واصابعه تلعب صدقت ديل يراهنو علي الشعب ولي صدقت دي ثورة المهدية الثالثة بتجي من الجنوب ما من الشمال او ل شي تزحنا من مصر وعربان الخليج السوداني المحترم بجي بي صناديق الاقتراع والحثالة الامريكية في العالم الثالث بتجي بي الانقلابات والثورات المزيفة والمحاصصة وخلو الطلس الما مفيد الشعب سوداني لا غبي ولارعاع عشان يضللو زول في الانتخابات الا يزروا بس ذى ما حصل في انتخابات 2010 يا خالد عملنتها ليك بي اللون الاحمر انت ما بتشوف الكلام الحق وبحرقك الصمم اوالعمي الايدولجي يعيق الوعي والتفكير ودي نظرية قرود بافلوف البوست ده ما يستحق الحبر المسكوب فيه من الاساس انتو ما ناس حق المصحة هي محل الشيوعي البعثي والناصري والكوز والسلفي
06-24-2020, 12:01 PM
معاوية مصطفي معاوية مصطفي
تاريخ التسجيل: 02-16-2020
مجموع المشاركات: 7
يا دينق، خلينا نثبت انو دستور الحزب لا يشترط في عدم الدين كشرط للعضوية. تناقض الشيوعيين مع موضوع الدين الاسلامي دا ينسحب على كل الأحزاب الديمقراطية التي تدعو لقانون وضعي.
بالمناسبة دي، رأيك شنو في شيوعية الجنوبيين المسيحيين؟
06-24-2020, 01:30 PM
Deng Deng
تاريخ التسجيل: 11-28-2002
مجموع المشاركات: 52569
Quote: يا دينق، خلينا نثبت انو دستور الحزب لا يشترط في عدم الدين كشرط للعضوية. تناقض الشيوعيين مع موضوع الدين الاسلامي دا ينسحب على كل الأحزاب الديمقراطية التي تدعو لقانون وضعي.
بالمناسبة دي، رأيك شنو في شيوعية الجنوبيين المسيحيين؟
بس موضوع الشيوعية وأيدلوجيتها واضحة جدا من موضوع الاديان هذا. والشيوعية هي نظام أجتماعي، أقتصادي وسياسي ايضا. والاسلام هو أيضا نظام اجتماعي،سياسي وأقتصادي. فكيف يمكن أن يحمل الانسان هذا التناقض الغريب؟؟
أما الديانة المسيحية فهي لا تفرض على الفرد نظام أجتماعي،أقتصادي وسياسي صارم مثل الاسلام. ورغم كل ذلك أنا أهلي الذي كانوا أعضاء في الحزب الشيوعي السوداني لم يكونوا من المواظبين على الذهاب الى الكنيسة.
بس لكن يجب أن لا ننسى أن الشيوعية بقت خشم بيوت، مثلا عندك الرجل الإنتهازي عبد الله علي إبراهيم يدعي بأنه شيوعي ماركسي، ولكنه عايش في أمريكا وحاصل على الجنسية الامريكية أو القرين كارد، وفي كل الحالتين أن ذلك يعتبر تناقض واضح. وعندما حدثت مشكلة المرأة السودانية المسيحية مريم يحى، كان رأي عبد الله علي إبراهيم مثله مثل أي مسلم متطرف.
على المستوى الدولي اليوم شوف الحزب الحاكم في روسيا. هل هو حزب شيوعي أم نظام شيوعي؟ ونفس الشئ في الصين. الحزب الحاكم هو الحزب الشيوعي الصيني ولكنه لا علاقة له بالشيوعية أصلا.
القصة بقت جايطة ساكت.
06-24-2020, 02:09 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: عشان تكون شيوعي لازم تكون عضو بالحزب الشيوعي.
غير صحيح ... الشيوعية دين يا بكري ... والحزب تنظيم فقط ... مرافيد الحزب الشيوعي لازالو أكثر شيوعية" من أعضاء الحزب .. في عهد ستالين تم سحق وحرق كل من لم يكن يدين بالشيوعية حيث مات الملايين ...
06-24-2020, 02:32 PM
علاء سيداحمد علاء سيداحمد
تاريخ التسجيل: 03-28-2013
مجموع المشاركات: 17162
Quote: نفسي ألاقي شيوعي في المنبر دا غير النعيم والشريف وخالد وعبدالله حسين ... ليه الشيوعي بخاف يكشف شيوعيتو ... هل الشيوعية عيب لامن يدسوها؟ من منهم يفتخر بي شيوعيتو هنا؟ نثق في منو ونحترم منو يا أبوبكر .. الأربعة ديل بس؟ ما كفاية عشان تحكم ... لعبة الدسوسيه دي لامتين ... اكتر زول بدافع عن الشيوعيين والحزب الشيوعي في المنبر دا اخونا كمال عباس قال أنا ما شيوعي ... دي يفهموها كيف؟ الشيوعي داخل في حاله نفسية صعبة بي سبب المنهج والتاريخ ..
جابت ليها نبش ضمائير ومحاكم تفتيش كمان؟ إنت كمان ممكن يجيك أكتر من واحد يقول ليك إنو إنت كوز وناكرهاا وإنك تمارس التقية والتخفي ! أنا لست بحاجة لإيراد مواقفك من الإنقاذ ومن معارضة الإنقاذ وكلو موثق * إنت عاوز إي زول يكون زيك مايشوف ليه بوست معادي للحزب الشيوعي وإلا يتصدر بلا قدرات حوارية أو إضافة نوعية أو مايشوف بوست فيهو إشادة بالشيوعيين وإلا تداخل ليفسده ! *سألتني قبل كدة وقلت ليك أنا مع الإقتصاد المختلط ال mixed economy يعني ما الإقتصاد الإشتراكي * أها بالنسبة للحزب الشيوعي أنا الإسم زاتو مختلف معه وشايف إنو مفترض يكون إسم آخر * وهاك الحزب الشيوعي يطرح دولة مدنية وأنا أطرح علمانية *وعلي مستوي المواقف القريبة إختلفت مع الحزب المعني في الدخول في برلمان نيفاشا وفي نية الدخول في إنتخابات ٢٠١٠ وقبل شهور في قرار مقاطعة المجلس التشريعى القادم ومع هذا سا أقوم بالدفاع عن الحقائق والوقائع التاريخية -إحقاقا للحق ومو اجهة إي تشويه وتزييف في الحاضر - ضد الهوس الديني والإسلام السياسي واليمين المتزمت ومع قضايا التغيير الإجتماعي والتنوير والمراة والإقليات والفقراء والمسحقويين - وفي هذا الإتجاه دافعت عن الجمهوريين وعن الشريف حسين الهندي وأبوحريرة والأمير نقد الله وبكري عديل وحيدر إبراهيم والخاتم عدلان -وبطبيعة الحال ساندت كثيرا من مواقف وأطروحات اليسار السوداني * ولكن كيف تستوعب أنت هذا طالما إنك مصنف إي علماني أويساري أو مناهض للإسلام السياسي أو داعية للتغيير الإجتماعي بأنه شيوعي ! * ثانيا كثيرا ممن يدافعون عن بعض مواقف الحزب الشيوعي أو يلتقون معه في بعض المواقف يختلفون معه في غيرها أو حتي يختلفون معه فكريا وفي ناس يمكن يكونو منتمين للبرنامج ولكن غير منظميين ولكنهم غير ملتزميين بمواقفه -لذا لايمكن الإدعاء بأنهم ينتمون تنظميا للحزب الشيوعي * المتناقض والمنفصم تنظيميا هو إي كوز إو من يحمل عقلية كوز يمارس التقية والتخفي -ويعيش في حالة فصام فكري - إنتماء لحزب اللصوص والمفسدين -وعجز عن إعلانه بسبب العجز الفكري -أو الخوف من خسارة الناس ا
06-24-2020, 02:48 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
Quote: الحمد لله يا دينق، انتا مولود في بحر الغزال وما ممكن تصبح رئيس لأمريكا، كان شلت مننا الجوازات والاقامات ومنعت التأشيرات.
شنو الفرق بين ما يدعو إليه ع ع إ وبيرني ساندرز؟
أنا مولود في الخرطوم. بعدين القصة لا تحاتج الى شخص مثلي، ولكن قوانين الولايات المتحدة هي التي تحكم الناس. كده أمشي راجع شروط الهجرة الى أمريكا ونوع الاسئلة الموجودة في الفورمات.
هل أنت بكامل عقلك عندما تقارن رجل متصالح مع نفسه مثل بريني ساندرز مع العنصري الإنتهازي عبد الله علي إبراهيم؟
بيرني ساندرز مولود في أمريكا ولم يختار أن يهاجر اليها، وهو رجل يحمل أفكار أشتراكية. ولكن عبد الله علي إبراهيم مضطرب ومشوش الافكار والتفكير. فهو يقول أنه شيوعي ماركسي ولكنه أختار أن يعيش ويعمل في الدولة التي يعتبرها حسب أفكاره عدوه الاول. عبد الله علي إبراهيم يدعي عروبة زائفة في السودان ولكنه في أمريكا يعمل أستاذ جامعي في جامعة سوداء ويدرس فيها دراسات أفريقية. شفت كمية التشويش والاضطراب الذهني والفكري ده كيف!
Quote: الشيوعية هي نظام أجتماعي، أقتصادي وسياسي ايضا. والاسلام هو أيضا نظام اجتماعي،سياسي وأقتصادي. فكيف يمكن أن يحمل الانسان هذا التناقض الغريب؟؟ أما الديانة المسيحية فهي لا تفرض على الفرد نظام أجتماعي،أقتصادي وسياسي صارم مثل الاسلام.ما الديانة المسيحية فهي لا تفرض على الفرد نظام أجتماعي،أقتصادي وسياسي صارم مثل الاسلام. .
فترنا من التأكيد من إنه دينق أصولي مسيحي متعجرف وترصده للإسلام والإسلاميين ما جاي من منطلق علماني زينا بل من منطلق نصراني صليبي بعدين دينق الشايف إنه عندو في إمريكا أكتر من الآخرين عشان جندي ولا مخابرات في اليانكي مافي حاجة بتخليه يتجرأ بإستمرار على عبدالله علي إبراهيم بس لأنه عبدالله بدت عنده مواقف إسلامية دينق شخصية مؤذية في المنبر لا تعرف غير الإساءة والإنتقاص من الناس لكنه لا يمارس نفس الإنتقاد لما يكون ضد إنتماءه المسيحي أو الجنوبي (بالذات الدينكا) أسألوه لو إنتقد يوم عمل أهله في الحكومات العسكرية الفاشية أسألوه لو إنتقد يوم بونا ملوال الكان مستشار للبشير أو جوزيف لاقو سفير متجول للإنقاذ عشان تعرفوا هل هو زول مبدئي ولآ أصولي وإنتهازي
Quote: الشيوعية هي نظام أجتماعي، أقتصادي وسياسي ايضا. والاسلام هو أيضا نظام اجتماعي،سياسي وأقتصادي. فكيف يمكن أن يحمل الانسان هذا التناقض الغريب؟؟ أما الديانة المسيحية فهي لا تفرض على الفرد نظام أجتماعي،أقتصادي وسياسي صارم مثل الاسلام.ما الديانة المسيحية فهي لا تفرض على الفرد نظام أجتماعي،أقتصادي وسياسي صارم مثل الاسلام. .
فترنا من التأكيد من إنه دينق أصولي مسيحي متعجرف وترصده للإسلام والإسلاميين ما جاي من منطلق علماني زينا بل من منطلق نصراني صليبي بعدين دينق الشايف إنه عندو في إمريكا أكتر من الآخرين عشان جندي ولا مخابرات في اليانكي مافي حاجة بتخليه يتجرأ بإستمرار على عبدالله علي إبراهيم بس لأنه عبدالله بدت عنده مواقف إسلامية دينق شخصية مؤذية في المنبر لا تعرف غير الإساءة والإنتقاص من الناس لكنه لا يمارس نفس الإنتقاد لما يكون ضد إنتماءه المسيحي أو الجنوبي (بالذات الدينكا) أسألوه لو إنتقد يوم عمل أهله في الحكومات العسكرية الفاشية أسألوه لو إنتقد يوم بونا ملوال الكان مستشار للبشير أو جوزيف لاقو سفير متجول للإنقاذ عشان تعرفوا هل هو زول مبدئي ولآ أصولي وإنتهازي
يا زول ها أنا سألتك وإنتا جاوبتا ... هيك ولا مو هيك ... ضماير شنو ومحاكم شنو ... دفاعك عن الحزب في المنبر معروف للجميع ولا يجاريك في ذلك حتي المعلنين شيوعيتم بالمناسبة لا أري في ذلك مشكلة ... انا مستغرب فقط بعد كل الحبر الاهرقتو دفاعا عن الحزب تقول لست بعضو او منتمي إليه ...
Quote: إنت كمان ممكن يجيك أكتر من واحد يقول ليك إنو إنت كوز وناكرهاا وإنك تمارس التقية والتخفي ! أنا لست بحاجة لإيراد مواقفك من الإنقاذ ومن معارضة الإنقاذ وكلو موثق
أتحدي من يأتيني بمداخله واحده امجد فيها الإنقاذ أو نهجها ... شوف أنا دخلتا هنا أغسطس ٢٠١٥ عشان تعرف تفتش كويس ... إنتا فعلا محتاج إيراد ما يثبت مواقفي المؤيده للإنقاذ دا (1) ... (2) أما وقوفي ضد من يعارض الإنقاذ هنا لثقتي التامه بأنهم أسوء من الإنقاذ ... ما حصل منذ ١١/٤/١٩ وبعد زوال الإنقاذ هو ما كنت أراه في هذه المعارضه التعيسه ...
Quote: * إنت عاوز إي زول يكون زيك مايشوف ليه بوست معادي للحزب الشيوعي وإلا يتصدر بلا قدرات حوارية أو إضافة نوعية أو مايشوف بوست فيهو إشادة بالشيوعيين وإلا تداخل ليفسده !
احاور منو وأضيف شنو لي فكر ونهج مقدس عند معتنقيه وغير مسموح التنظير او الاجتهاد ليواكب هذا الفكر القرن 21 ... وإذا تمت أي محاوله للتغيير والمواكبه سوف يتم ابعادك من الحزب حتي لو كنت من قيادات الحزب التاريخية ... ثم إن هذا الفكر منذ إطلاقه بداية القرن العشرين عرف بأنه فكر ديكتاتوري احادي دموي الحادي ... والاوصاف دي معلومه ومثبته في التاريخ الشيوعي ....
Quote: *سألتني قبل كدة وقلت ليك أنا مع الإقتصاد المختلط ال mixed economy يعني ما الإقتصاد الإشتراكي * أها بالنسبة للحزب الشيوعي أنا الإسم زاتو مختلف معه وشايف إنو مفترض يكون إسم آخر * وهاك الحزب الشيوعي يطرح دولة مدنية وأنا أطرح علمانية *وعلي مستوي المواقف القريبة إختلفت مع الحزب المعني في الدخول في برلمان نيفاشا وفي نية الدخول في إنتخابات ٢٠١٠ وقبل شهور في قرار مقاطعة المجلس التشريعى القادم ومع هذا سا أقوم بالدفاع عن الحقائق والوقائع التاريخية -إحقاقا للحق ومواجهة إي تشويه وتزييف في الحاضر - ضد الهوس الديني والإسلام السياسي واليمين المتزمت ومع قضايا التغيير الإجتماعي والتنوير والمراة والإقليات والفقراء والمسحقويين - وفي هذا الإتجاه دافعت عن الجمهوريين وعن الشريف حسين الهندي وأبوحريرة والأمير نقد الله وبكري عديل وحيدر إبراهيم والخاتم عدلان -وبطبيعة الحال ساندت كثيرا من مواقف وأطروحات اليسار السوداني * ولكن كيف تستوعب أنت هذا طالما إنك مصنف إي علماني أويساري أو مناهض للإسلام السياسي أو داعية للتغيير الإجتماعي بأنه شيوعي !
شوف يا كمال انا ما عندي مشكلة مع العلمانية الما عندها شغله بي ديني ومؤمن جدا بي مناهضة الإسلام السياسي ومناهضة الفكر الماركسي واري أنهما سبب تعاسة هذا الوطن ... قصة يساري دي فيها تقيه ولا تعني إلا الشيوعية ... أما داعية للتغيير الاجتماعي دي طوالي بتزكرني المشروع الحضاري ... الأمة السودانية محتاجه لمن يوفر لها سبل العيش الكريم وليست محتاجه لتغيير مجتمعها وعاداتها وتقاليدها فهي تتطور وفق حركة مجتمعها ...
Quote: * ثانيا كثيرا ممن يدافعون عن بعض مواقف الحزب الشيوعي أو يلتقون معه في بعض المواقف يختلفون معه في غيرها أو حتي يختلفون معه فكريا وفي ناس يمكن يكونو منتمين للبرنامج ولكن غير منظميين ولكنهم غير ملتزميين بمواقفه -لذا لايمكن الإدعاء بأنهم ينتمون تنظميا للحزب الشيوعي
دا كلام متناقض ومنفصم وعندو نفسيات عديييييل ... لأنو لو طبقت كلامك علي الإنقاذ والإسلام السياسي عمن يدافعون عن بعض مواقفها ويخافون في غيرها ويختلفون معها فكريا .... الي اخر كلامك ... فأنت أول من يطلق كلمة كوز لكل الجماعة ديل ... فبالتالي إنتا وجماعتك ديل كلكم شيوعيين فما تنكرو والسلام ...
06-24-2020, 06:40 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: دا كلامن عجيب يا ابوالصلح الكلام دا كيفن !؟
إنتا يا علاء إتا قايله وقفت عند النبي كارل ماركس بس ... كذلك النبي حسن البنا ... وشوف اللتنين ديل بالزات تأثيرم السلبي علي حياة السودانيين عامة ... الغريبه اللتنين بشر زيك وزي لا جاهم وحي من السماء ولا خرو صعقا من الله حين دكا الجبل ... أفكار بتاعت بشر عادي ممكن يصيب وممكن يخطيء نالت من القداسة ما نالت .... في أنبياء صغار صغار زي ديل داخرنهم للأجيال القادمة ... ما تدخلنا في مشاكل مع ابوبكر يا علاء ...
06-24-2020, 07:38 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
Quote: ]دا كلام متناقض ومنفصم وعندو نفسيات عديييييل ... لأنو لو طبقت كلامك علي الإنقاذ والإسلام السياسي عمن يدافعون عن بعض مواقفها ويخافون في غيرها ويختلفون معها فكريا .... الي اخر كلامك ... فأنت أول من يطلق كلمة كوز لكل الجماعة ديل ... فبالتالي إنتا وجماعتك ديل كلكم شيوعيين فما تنكرو والسلام ..
كلامك كلام زول متطرف ومتشنج ودوغماوي ! أنت هنا تتنافي مع التقييم الموضوعي والمنهج العلمي أنا قلت
Quote: كثيرا ممن يدافعون عن بعض مواقف الحزب الشيوعي أو يلتقون معه في بعض المواقف يختلفون معه في غيرها أو حتي يختلفون معه فكريا وفي ناس يمكن يكونو منتمين للبرنامج ولكن غير منظميين ولكنهم غير ملتزميين بمواقفه -لذا لايمكن الإدعاء بأنهم ينتمون تنظميا للحزب الشيوعي .
من الطبيعي جدا لطلاب الحقيقة والإستقامة الفكرية والعدل والموضوعية أن يدافع بالحق وفي الحق (عن بعض مواقف الحزب الشيوعي أو يلتقون معه في بعض المواقف) وفي نفس الوقت( يختلفون معه في غيرها أو حتي يختلفون معه فكري ) دا ميزان العدل والموضعية : أصبت هنا وأخطأت هناك - التثبيت علي الإيجابيورفض السلبي ! أما قولي
Quote: ] وفي ناس يمكن يكونو منتمين للبرنامج ولكن غير منظميين ولكنهم غير ملتزميين بمواقفه -لذا لايمكن الإدعاء بأنهم ينتمون تنظميا للحزب الشيوعي.
ودا طبيعي في إتحاديين -مع الفكرة ولكنهم ضد القيادة والمواقف وفي حزب أمة كفكرة وأنصار ولكنهم يختلفون مع مواقف الحزب وقيادته وفي سلفية لهم أعداء مع أنصار ا لسنة وفي كيزان فارقو التنظيم والحزبوأختلفو معه ! تقول
Quote: ] قصة يساري دي فيها تقيه ولا تعني إلا الشيوعية ..
خطأ الحزب الشيوعي فصيل واحد من فصائل اليسار -وهناك عشرات اليساريين في هذا المنبر يختلفون معه ! وفي بنفس القدر هنا كثيرا من الأحزاب اليمينية والإسلامية - غير الكيزان وبعضهم يعادي الكيزان وقد ثار ضدهم ! عني نفسي قلت
Quote: ] أنا مع الإقتصاد المختلط ال mixed economy يعني ما الإقتصاد الإشتراكي * أها بالنسبة للحزب الشيوعي أنا الإسم زاتو مختلف معه وشايف إنو مفترض يكون إسم آخر * وهاك الحزب الشيوعي يطرح دولة مدنية وأنا أطرح علمانية *وعلي مستوي المواقف القريبة إختلفت مع الحزب المعني في الدخول في برلمان نيفاشا وفي نية الدخول في إنتخابات ٢٠١٠ وقبل شهور في قرار مقاطعة المجلس التشريعى القادم ومع هذا سا أقوم بالدفاع عن الحقائق والوقائع التاريخية -إحقاقا للحق
06-24-2020, 08:45 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: كثيرا ممن يدافعون عن بعض مواقف الكيزان أو يلتقون معهم في بعض المواقف يختلفون معهم في غيرها أو حتي يختلفون معهم فكريا وفي ناس يمكن يكونو منتمين لبرنامج الاسلاميين ولكن غير منظميين ولكنهم غير ملتزميين بمواقفه -لذا لايمكن الإدعاء بأنهم ينتمون تنظميا للكيزان
كدي أقرأ الكلام دا☝️ بعد تعديله .... الناس ديل كلهم حا تقول عليهم كيزان يا كمال ... هل عندك ليهم اسم تاني ... بعدين التقييم الموضوعي والمنهج العلمي قاصر فقط عليك وعلي دفاعك عن الشيوعيين ... هي الدوغماويه دي مش ياها التعصب لي فكرتك .... وتيب ... ثم دا شنو :-
Quote: كلامك كلام زول متطرف ومتشنج !
حاول عاين لي كلام كمال عباس الأول وكلام كمال عباس بعد التغيير عشان تعرف منو فينا المتطرف والمتشنج ....
06-24-2020, 08:56 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12483
المشكلة هنا هي أن ذلك يتناقض مع أدبيات الحزب وأهدافه وأيدلوجيته. ------------------------------------------ بالجد اندهشت ان هذا الرد من دينق .. فقط سؤال ان كنت قرأت مقالات الشهيد جزويف قرنق التي صدرت في كتاب تحت عنوان : ( ازمة المثقف الجنوبي ) نُشرت لأول مرة فى صحيفة "الجنوبى" السرية التى أصدرتها مجموعة من المثقفين الجنوبيين مطلع عام 1961م .
06-25-2020, 01:14 AM
elsharief elsharief
تاريخ التسجيل: 02-05-2003
مجموع المشاركات: 6709
الأخ دينق بعد التحية والاحترام مثلك والكثيرون يقعون في خلط أو يريدون ان تطبق الشيوعية أو المجتمع الاشتراكي في السودان وفق برنامج الحزب الشيوعي السوداني بالنص مثلها ومثل عندما طبقت في روسيا او دول شرق اوربا سابقا او حاليا في كوبا , في كل وثائق الحزب وبل طرحت جماهيريا في وقت مبكر انو الحزب الشيوعي السوداني يتعامل مع الماركسية وفق المنهج الماركسي للتحليل لا مع النصوص الماركسية استخدم المنهج للتحليل ومن خلاله تم صياغة وثائقة الاساسية :- سبيل السودان نحو تعزيز الاستقلال والديمقراطية والسلم فى عام 1956 الماركسية وقضايا الثورة السودانية 1967 الديمقراطية مفتاح الحل جبهة عريضة للديمقراطية وانقاذ الوطن 1977 مبدأ اللامركزية والحكم الذاتي الاقليمي والتنمية وتقرير المصير لجنوب الوطن الورقة حول تصور الحزب للمؤتمر القومي الدستوري وايضا صاغ الحزب شعار الاضراب السياسي والعصيان المدني عام 1961 وغير ذلك من الوثائق كل ذلك اعتمد على المنهج للتحليل لا النصوص والانفتاح على كل المدارس والتجارب الانسانية استصحب كل ذلك الموروث السوداني لينتج فكرا سودانيا سميت الماركسية وقضايا الثورة السودانية , كما قال راحلنا نقد لايلزمنا أى نص ماركسي يتعارض مع التجربة السودانية الحزب الشيوعي السوداني عضويته مفتوحة لكل السودانيين بغض النظر عن اللون او الجنس او العرق او الدين مفتوح للمسلم والمسيحي واللاديني نحترم كل الديانات السماوية وكريم المعتقدات. الأخ صلاح بعد التحية والاحترام ماذا يزعجك من البعض الذين لاينتمون بشكل تنظيمي لعضوية الحزب الشيوعي السوداني ويدافعون عن برنامج او مواقف او قادة الحزب الشيوعي السوداني ممكن اكتب لك لستة وممكن تتفق معي انو اللستة لا تنتمي لعضوية الحزب الشيوعي السوداني لكن يدافعون عن مواقف الحزب وبرنامجه وقادته واولوهما عضو المنير الشاعر الكبير والمثقف فضيلي جماع وبل هنالك اسلاميين معروفيين , اضف الى كل فترات الانظمة القمعية العسكرية وهجتمها الشرسة على الحزب وقيادته جماهير شعبنا كنت هى التى تفتح منازلهم لاحتواء ولاختفاء للشيوعيون ,
06-25-2020, 03:28 AM
adil amin adil amin
تاريخ التسجيل: 08-01-2002
مجموع المشاركات: 37022
يحبو الجدل البيزنطي كيف هل الحاجة المجوبكة الاسما الحزب اللشيوعي دي حزب ولي تنظيم ولي اداة رخيصة للمخابرات المصرية ولازالت في السودان اماذا تدس مصر انفها في الشان السوداني الداخلي ونحن استقلينا من 1يناير 1956 الحزب الشيوعي السوداني تقليعة واستلاب مخزي وليس لهد علاقة بالاتشراكية من اصلها والاشتراكية موجودة في السودان من زمن خليوت بعانخي ديل شلل سكر وقهوة وفقر وورجغة فاضية هسة مسبرة 30 يونيو بي رعاية المخبارات المصرية ما تنسو تجيبو علم بابكر عوض الله معاكم https://top4top.io/
الضرب علي الميت حرام يا دينق اقفل لبلف اعتز بي نفسك لانك جنوبي ومشروع الحركة الشعبية ود جون قرنق من اذكي السودانيين علي الاطلاق فعلا كل ما قلته انت في البوست ده صحيح الحزب الشيوعي حزب المشوهين في السودان
06-25-2020, 07:28 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
يا خال العبيد، نقلت تعليقك بتاع الشيوعيين في المدرسة بعد انقلاب هاشم العطا لصفحتي بالفيسبوك، داير أرسلو للمؤرخ الكبير جداً صديقي البروفسور عبد الله علي إبراهيم ليحفظه ضمن حكايات الشيوعيين.
" شيوعيين شنو؟ والله العظيم، فضل الله سواق البنطون معاهم!"
06-25-2020, 07:37 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3485
"أبا عبد الغني، يا صديقي" على قول رجل الثلوج المعتكف عليه السلام، صديقنا الشاويش دا، ما تديهو بالحديدة في كل الظروف، تنتظر بوستاتو وترشو، البوستات التانية ما تخليهو، لكن أديهو بالجنبة الما فيها حديدة. كلنا بروفسور عبد الله دا ما بنرضى فيهو.
المستنير في دور برز الثعلب
06-25-2020, 08:47 AM
Deng Deng
تاريخ التسجيل: 11-28-2002
مجموع المشاركات: 52569
Quote: بالجد اندهشت ان هذا الرد من دينق .. فقط سؤال ان كنت قرأت مقالات الشهيد جزويف قرنق التي صدرت في كتاب تحت عنوان : ( ازمة المثقف الجنوبي ) نُشرت لأول مرة فى صحيفة "الجنوبى" السرية التى أصدرتها مجموعة من المثقفين الجنوبيين مطلع عام 1961م .
خالد العبيد. ما كتبه الشهيد جوزيف قرنق كان ذلك وجهة نظره هو ، ولقد كان ينطلق من ألافكار والايدلوجية التي يحملها وحاول أن يطبق ذلك على واقع جنوب السودان. كتب الشهيد جوزيف قرنق هذه الاراء في عام 1961ن ولقد مات شهيدا في عام 1971م ونحن الان في 2020م. فأنا لا أتفق معه في ما كتبه انذاك، ولقد أثبتت الايام لاحقا أن المشكلة في السودان تعمقت بشكل أكبر وظهر فيها العامل الديني بكل وضوح، وهو كان العامل الفاصل في عملية تقرير المصير.
06-25-2020, 09:02 AM
Deng Deng
تاريخ التسجيل: 11-28-2002
مجموع المشاركات: 52569
Quote: الأخ دينق بعد التحية والاحترام مثلك والكثيرون يقعون في خلط أو يريدون ان تطبق الشيوعية أو المجتمع الاشتراكي في السودان وفق برنامج الحزب الشيوعي السوداني بالنص مثلها ومثل عندما طبقت في روسيا او دول شرق اوربا سابقا او حاليا في كوبا , في كل وثائق الحزب وبل طرحت جماهيريا في وقت مبكر انو الحزب الشيوعي السوداني يتعامل مع الماركسية وفق المنهج الماركسي للتحليل لا مع النصوص الماركسية استخدم المنهج للتحليل ومن خلاله تم صياغة وثائقة الاساسية :- سبيل السودان نحو تعزيز الاستقلال والديمقراطية والسلم فى عام 1956 الماركسية وقضايا الثورة السودانية 1967 الديمقراطية مفتاح الحل جبهة عريضة للديمقراطية وانقاذ الوطن 1977 مبدأ اللامركزية والحكم الذاتي الاقليمي والتنمية وتقرير المصير لجنوب الوطن الورقة حول تصور الحزب للمؤتمر القومي الدستوري وايضا صاغ الحزب شعار الاضراب السياسي والعصيان المدني عام 1961 وغير ذلك من الوثائق كل ذلك اعتمد على المنهج للتحليل لا النصوص والانفتاح على كل المدارس والتجارب الانسانية استصحب كل ذلك الموروث السوداني لينتج فكرا سودانيا سميت الماركسية وقضايا الثورة السودانية , كما قال راحلنا نقد لايلزمنا أى نص ماركسي يتعارض مع التجربة السودانية الحزب الشيوعي السوداني عضويته مفتوحة لكل السودانيين بغض النظر عن اللون او الجنس او العرق او الدين مفتوح للمسلم والمسيحي واللاديني نحترم كل الديانات السماوية وكريم المعتقدات.
الاخ الشريف. مرحب بك
ملاحظاتي عن الحزب الشيوعي وقياداته هي ملاحظات في الوقت الحالي وقارنت ذلك بأخر أنتخابات أجريت في السودان. ما تفضلت به أنت من أراء ومواقف للحزب تجدني أقارنها بأحدا مشاكل الحزب في الوقت الراهنن وهو تغير أسم الحزب. إذا كان الحزب الشيوعي السوداني يعمل بمثل هذه المرونة التي زكرتها أنت فلماذا التعنت في تغير أسم الحزب والتمسك بأسم الحزب الشيوعي في اخر مؤتمر تم عقده؟ وهنالك ملاحظة أخرى وهي أن كبار السن في الحزب مازالوا يتحكمون في قرارات ومواقف الجزب. فقط اريد أن أنبهك بأننا الان في عام 2020م والذي تم أقتراحه في الخمسينيات والستينيات والسبعينيات قد لا يصلح لعالم اليوم.
06-25-2020, 09:05 AM
Deng Deng
تاريخ التسجيل: 11-28-2002
مجموع المشاركات: 52569
Quote: "أبا عبد الغني، يا صديقي" على قول رجل الثلوج المعتكف عليه السلام، صديقنا الشاويش دا، ما تديهو بالحديدة في كل الظروف، تنتظر بوستاتو وترشو، البوستات التانية ما تخليهو، لكن أديهو بالجنبة الما فيها حديدة. كلنا بروفسور عبد الله دا ما بنرضى فيهو.
المستنير في دور برز الثعلب
مرمي الله ما بترفع.
قدر ما الزول يحاول ان يتعامل معك بنوع من الادب والاحترام ولكنك دائما ترجع لأصلك، مافي فايدة. خليك مع الوسخ والعفن من أمثال هذا الغبي الحمار.
06-25-2020, 09:05 AM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
Quote: ماذا يزعجك من البعض الذين لاينتمون بشكل تنظيمي لعضوية الحزب الشيوعي السوداني ويدافعون عن برنامج او مواقف او قادة الحزب الشيوعي السوداني
حبابك الشريف ... شوف المدافعة عن البرنامج والمواقف والقادة ما عندنا معاهم أي مشكلة ... بس اول ما يطلعو من الحتة دي ويقعدو يصنفو في الناس دا كوز ودا درق سيدو ودا رجعي ... وجب عليهو يوري الناس مرجعيته ... ما ينفع تجدع الناس وإنتا لابد ورا الحيطة ...
06-25-2020, 12:47 PM
Salah Zubeir Salah Zubeir
تاريخ التسجيل: 08-17-2015
مجموع المشاركات: 5239
نعم يا ودالزبير .. زمان في مقتبل الشباب أذكر كنا ننجذب للحزب الشيوعي ناس الشفيع وعبدالخالق وقصص الثوار ناس كاسترو وجيفارا وثوار افريقيا واغاني الكابلي .. حاجات كانت جميلة .. عكس الاحزاب التقليدية طبعاً عندنا في ضواحي الدنيا زمان كل العمد والناس المريشين ( حزب أمة ) والاتحادي كان برضو تجار وكمان الادارسة .. عشان كده على محمود حسنين الله يرحمه كسح دائرتنا (اتحادي)
لكن نحن كنا نميل للحزب الشيوعي لأن رموزهم كانت تتناسب مع مرحلة الشباب وكانت جاذبة ما زي قريبي الخطيب وسكرتير الحزب .. ناس أناقة وحضور ..
لم يكن أحد يتجرأ أن ينطق اسم الحزب الشيوعي .. مع ان المجتمع عندنا في ذلك الوقت كان منفتح مجتمع ترابلة ( دكاي ونبيت وغيره ) كنا نردد نحن اشتراكيين .. واذكر حسن عبدالماجد المحامي وهو متزوج اخت وردي يرحمهم الله كنا نعرفه انو شيوعي ولكن نزل في الدائرة ( مستقل ) بعدين شيوعي بالنوبية ( شووي ) ..
بصراحة الحزب ما كان عايز شروط وما كان فيه طبقية اجتماعية ده ولد تاجر ، عمدة ، زعيم والفرص القيادية متاحة .. فقط الخطابة وتحدث بطلاقة ..
ليت الشباب يعود يوماً .. آه يا زمن ..
06-25-2020, 04:05 PM
كمال عباس كمال عباس
تاريخ التسجيل: 03-06-2009
مجموع المشاركات: 17155
Quote: دي حزب ولي تنظيم ولي اداة رخيصة للمخابرات المصرية ولازالت في السودان اماذا تدس مصر انفها في الشان السوداني الداخلي ونحن استقلينا من أيناير أصخط الحزب الشيوعي السوداني تقليعة واستلاب مخزي وليس لهد علاقة بالاتشراكية من اصلها والاشتراكية موجودة في السودان من زمن خليوت بعانخي ديل شلل سكر وقهوة وفقر وورجغة فاضية هسة مسبرة ع0 يونيو بي رعاية المخبارات المصرية ما تنسو تجيبو علم بابكر عوض الله معاكم
= أين تضع عقلك حينما تمسك بي كي بوردك؟ هل تضع عقلك في ثلاجة أم في بيات شتوي ؟ حزبك = الإتحادي والذي يضم ختمية وغيرهم هو داعية الإتحاد مع مصرـ مصر الخديوية والناصرية إنتهاء بمصر السيسي ! تأث بمصر تحت رعاية الحكومة المصرية وجاء الصاغ صلاح سالم راقصا وداعما لهذا الحزب في إنتخابات ١٩٥٣ وبعد إنشطار الوطني الإتحادي واصل جناح الختمية ـ الشعب الديموقراطي الدعوة للإتحاد مع مصر ! بينما الحزب الشيوعي إعتقل قيادته بواسطة مصر الخديوية وتآمرت عليه مصر السادات مع ـ نميري ! هذا الحزب وقف ضد إغراق حلفا ـ وضد التكامل المايوي وإتفاقية الدفاع المشترك ! ـ * إجتماع السفير المصري بالحزب الشيوعي أمر عادي جدا ولم يكن شغل دكاكيني أو سر وإنما إجتماع معلن بأجندته أعلنه الحزب المعني مصر ـ السعودية ــ الأمارات ديل مع المكون العسكري الذي يعارضه الحزب الشيوعي ــ وموكب ٣٠ يونيو القادم مواجهة للعسكر وقدرفض تيار الهبوط الناعم المشاركة فيه! السفير إستفسر عن هدف الموكب وقد تم إجابته بما هو معلن فمصر وتيار عاصفة الحزم متخوف من الموكب ! تري ماهو موقف حزب عادل أمين من سد النهضةء؟ متفرقات عادل أمين طائفي وإتحادي إتحادي مع من؟ عروبي حوثي يقف مع العرب القحطانيين اليمانية أكثر من وقوفه مع قضايا الأفارقة
06-25-2020, 09:10 PM
محمد الأمين موسى محمد الأمين موسى
تاريخ التسجيل: 10-30-2005
مجموع المشاركات: 3470
Quote: إذا كان الحزب الشيوعي السوداني يعمل بمثل هذه المرونة التي زكرتها أنت فلماذا التعنت في تغير أسم الحزب والتمسك بأسم الحزب الشيوعي في اخر مؤتمر تم عقده؟
هذا أكبر خطأ تواصلي استراتيجي ارتكبه الحزب الشيوعي السوداني، ولا يمكن فهمه إلا في إطار العناد أو الزهد عن تحقيق جماهيرية مستدامة تؤتي أكلها في الانتخابات. فقد ترسخت صورة ذهنية سلبية عن كلمة "شيوعي"، يصعب تغييرها لدى عامة الناس (الحزب الشيوعي المغربي بزعامة المرحوم علي يعتة، غيّر اسمه لحزب التقدم والاشتراكية" فأصبح حزبا جماهيريا وحقق مكاسب في الانتخابات أهلته للمشاركة في حكومات متعاقبة).
06-25-2020, 11:24 PM
خالد العبيد خالد العبيد
تاريخ التسجيل: 05-07-2003
مجموع المشاركات: 21983
يا خال العبيد، نقلت تعليقك بتاع الشيوعيين في المدرسة بعد انقلاب هاشم العطا لصفحتي بالفيسبوك، داير أرسلو للمؤرخ الكبير جداً صديقي البروفسور عبد الله علي إبراهيم ليحفظه ضمن حكايات الشيوعيين --------------------------------------- على طول يا بكور وتحياتنا للاستاذ عبدالله علي ابراهيم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
خالد العبيد
adil amin
محمد الأمين موسى
Salah Zubeir
Deng
معاوية مصطفي
علاء سيداحمد
كمال عباس
علي عبدالوهاب عثمان
elsharief
فيس بوك
تويتر
انستقرام
يوتيوب
بنتيريست