ك تب عضو المنبر السابق احمد الشريف الشهير بامادو علي صفحته باالفيس بوك :
Quote: الحزب الشيوعي: هوس الانتقام، وفوبيا السلطة سرعة الاندفاع نحو الحلم، تتناسب طرديا مع سرعة العودة للكابوس. سنة ١٩٦٤ الشيوعيين عبر سيطرتهم على تجمع المهنيين بتاع الزمن داك (جبهة الهيئات) مع انهم حزب صغير حصلوا على وزارات كتيرة، ومناصب عليا في القضاء والخدمة العامة. وضربوا خصومهم في الخدمة العامة المدنية والعسكرية عبر لجنة تفكيك التمكين بتاعة الستينات (لجنة التطهير). يعني اندفعوا من واقع كابوسي بتاع حزب صفوي منبوذ وقليل الحيلة، اندفعوا نحو السيطرة والازاحة التامة. بنفس سرعة اندفاعهم دي كانت سرعة ارتدادهم لي واقع أسوأ من واقع ما قبل ثورة اكتوبر. سنة ١٩٦٥ الحزب اتحل واتعرض لي اضطهاد رسمي وشعبي، ولا لقوا بلح الشام ولا عنب اليمن. قاموا تاني من واقع ١٩٦٥ الكابوسي دا اندفعوا في ١٩٦٩ بي انقلاب جعفر نميري، وطلعوا من الكابوس وغنى مغنيهم "انت يا مايو الخلاص، يا جدارا من رصاص يا حبالا للقصاص من عدو الشعب في كل مكان" وسارت مواكبهم في تهتف "سايرين سايرين في طريق لينين" شكلو حكومة من عضويتهم وحلفاءهم، خلال اول اسبوع اعترفت بي ألمانيا الشرقية المنبوذة دوليا. قبل ما يشوفو الخزنة العامة فيها كم ذاتو، ودا بيوريك "اغتراب الحزب الشيوعي الأبدي عن الواقع السوداني" وبدل ما يتعظوا من تجربة الاندفاع والارتداد بتاعة ٦٥ تااااااااني طمعوا اكتر وقالوا ليه نتقاسمها مع نميري والقوميين العرب ما نشيلها كلها، وعملوا انقلاب هاشم العطا سنة ٧١. حكموا تلاتة يوم، وقبل ما يشوفو في شنو ومافي شنو، خرج السفهاء منهم يتوعدون الناس بالويل والثبور وعظائم الأمور، وطبعا ارتدت عليهم بأسوأ كارثة في حياتهم وانتهى الحزب الشيوعي تماما وللابد سنة ٧١، وما تبقى من الحزب هو مجرد لمسة وفاء، وصدقة جارية لروح شهداء الحزب سنة ٧١. لم يبق من الحزب غير حلقوم عملاق صاخب أكثر بلادة من المستنقع، ولم يتعلموا من التاريخ اي شي، والليلة لو كانو قادرين حيكررو نفس متلازمة الاندفاع الشديد والارتداد السريع المدمر. اتكونت عند من تبقى من ايتام عبدالخالق الأوفياء عقيدة "فوبيا السلطة" انطبع في وعيهم بعد تجربة حل الحزب واضطهادو في ٦٥ والاعدامات والمطاردات في ٧١ انو قدر ما يقربو من السلطة حتحصل ليهم كارثة. الموقف المتشنج بتاع ناس الخطيب دا هو تمظهر الخوف المرضي من السلطة وحب موقع المعارضة الامن، وناس صديق يوسف والعاقلين الشوية ديل هم الأكسبتهم التجارب حكمة. لم يغن وردي اغنية قط بنفس الروح التي غنى بها لانقلاب مايو، وانا فناني المفضل هو وردي وبعرفو تماما، كما لم يكتب محجوب شريف ابدا مثل ما كتب لمايو، خاصة قصيدة "في حكاياتنا مايو" ليه؟ لأنو وهم حينها كانو شباب سغار - لجان مقاومة الستينات- كان احساسهم نفس احساسنا يوم ١١ ابريل، عبرنا السراط والجنة تلوح في الأفق. لكن هيهات 😂😂 المهم، اتمنى الناس تحاول تسمع أغنية "في حكاياتنا مايو" ركزو مع الكلمات مع يا احتفالا للقصاص، اتذكرو لجنة التطهير ٦٤، ووعيد تصفية الرجعية في ٦٩ و ٧١ وشوف كيف انو حب التشفي والانتقام مكون أساسي لشخصية الشيوعي. وحاليا مطالبهم لا تتجاوز اشباع رغبة التشفي باسم تفكيك الفساد او محاكمة العسكر او اغاظة البنك الدولي - تقول هو فاكر ليهم- واغاظة القوى الاقليمية. وهذا العولاق أيها السيدات والسادة هو نتيجة حتمية لمن يظن ان بضعة اقتباسات مدوية من ماركس، ستنقله من وعي القبيلة التي تقدس الثأر، الى الوعي الأممي الانساني الطليق. ولكن هيهات 😂😂😂
06-23-2020, 02:44 AM
adil amin adil amin
تاريخ التسجيل: 08-01-2002
مجموع المشاركات: 37022
بوست ممتاز وهسة برضو لانهم الابلد والاجهل سيلاقو نفس المصير https://top4top.io/ يموت الزمار واصابعه تلعب والله لمن اشوف صديق يوسف يلهث في الغضائيات والثورة قالو حقت شباب بتذكر الاية ومن نعمره ننكسه في الخلق الجيل الفاشل بتاع بابكر عوض الله وابو عيسي وصديق يوسف والترابي والصادق المهدي هو السبب في كل ما خاق بالسودان والسودانيين وواحد فيهم اتصالح مع نفسه ولي كتب مذكراته واعتذر ذى المحجوب او ابيل الير او جزيف لاقو او منصور خالد او عرفاات او ابو القاسم حاج حمد والمرض واحد النرجسية التي اعيت من يداويها
06-23-2020, 03:33 AM
كمال عباس كمال عباس
تاريخ التسجيل: 03-06-2009
مجموع المشاركات: 17155
الخلاصة انو صاحب المقال الركيك والمتهافت دا يأخذ علي الحزب الشيوعي حاليا : ١- تفكيك التمكين والفساد ٢- محاكمة من العسكر ممن قاموا بمجزرة القيادة ومحاكمة من خطط ودبر ونفذ انقلاب. الإنقاذ ! - والغريبة ان الحزب الشيوعي ليس لهو عضو بلجنة تفكيك. التمكين. ولا يوجد. عضو ينتمي له هيئات محاكمة عسكر الإنقاذ ومن خطط ونفذ لمجزرة القيادة ! * ولا ادري ماهو سر رفض صاحب المقال لمحاربة التمكين والفساد والمشبوهين من العسكر الذين. نفدوا انقلاب الإنقاذ. او خططو ونفذو مذبحة. القيادة !
06-23-2020, 04:05 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: الخلاصة انو صاحب المقال الركيك والمتهافت دا يأخذ علي الحزب الشيوعي حاليا : ١- تفكيك التمكين والفساد ٢- محاكمة من العسكر ممن قاموا بمجزرة القيادة ومحاكمة من خطط ودبر ونفذ انقلاب. الإنقاذ ! - والغريبة ان الحزب الشيوعي ليس لهو عضو بلجنة تفكيك. التمكين. ولا يوجد. عضو ينتمي له هيئات محاكمة عسكر الإنقاذ ومن خطط ونفذ لمجزرة القيادة ! * ولا ادري ماهو سر رفض صاحب المقال لمحاربة التمكين والفساد والمشبوهين من العسكر الذين. نفدوا انقلاب الإنقاذ. او خططو ونفذو مذبحة. القيادة !
المقال ما بتحدد جدواه انت فيه حقائق دامغة وتاريخية في حاجة اسما الاشتراك الجنائي الشيوعي مشترك مع البعثيين والناصريين في انقلاب مايو بكل مخازيه وجبهة الهيئات ايضا وليس ما تفرضه قح ت من برنامج سقيم عقيم منزل وتفكيك الانقاذ ما بتم بهذه الطريقة المبتزلة كل زول رجع ناسو وخلي باقي المفصولين واسال مسؤل اعادة المفصولين بعاني من شنو في قحت وحكومة حمدوك في برنامج الراي شنو الشيوعي والناصري والبعثي ملة واحدة وهسة ده انقلاب 2019 وانتهازية سمجة الثورة الحقيقية ما بدت لسه والحساب عند المطوع عايز ترقص وتغطي دقنك الكلام الكتبو الزول دخ حقائق ولي لا فندا قول ما حصلت زمان وحاصلة هسة ؟؟؟ يا اجرار البورد تابعو في شروق برنامج الراي شنو
06-23-2020, 04:26 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: ٢- محاكمة من العسكر ممن قاموا بمجزرة القيادة ومحاكمة من خطط ودبر ونفذ انقلاب. الإنقاذ !
ده يتم بي المحكمة الدستورية المراجع العام الاعلام الحر والمحترم وكمان نفتح ملف الانقلابات 1969 وانقلاب 1958 نحن في حلفا عندنا مشكلة من انقلاب عبود المشين والانصار والسودان كلو عندهم مشكلة مع انقلاب مايو1969 القبيح المدعوم من المخابرات المصرية المفضوحة وعندي طعن دستوري في كل ما عملتو الانقلابات دي في السودان وندفع ثمنو لحدي هسة بانتهازينك الرخيصة وحصر لامر علي انقلاب 1989 مع ساطع المستهبل رجع لي دستور 2005 والمحكمة الدستورية ولي انتظر المحكمة الجنائية الدولية قاااااعدة ودخلت خدمة والجرائم المشينة ما بتسقط بي التقادم وكل الانقلابات دي 1958 و1969 و1989 و2109 ردة حضارية مقبوحة وليس لها علاقة بي السودان الدولة والحضارة والثورات الحقيقية فعلا تدليس وتغبيش للوعي ومتاجرة بي وعي الشباب المتدني ولن يعمر طويلا
06-23-2020, 04:44 AM
كمال عباس كمال عباس
تاريخ التسجيل: 03-06-2009
مجموع المشاركات: 17155
يا مستر عادل امين انا أصلا لم أتطرق للمعلومات التاريخية وأنما تحدثت عن عما كتبه. صاحب المقال عن الراهن -:- لجنة التفكيك. والفساد ومحاكمة. العسكر وديل. الاثنيين. الشيوعيين ما طرف فيهم -فيهم. اتحادي وبعثي وحزب أمة وغيرهم ! وطبعا انا اقف تماما مع تفكيك التمكين ومحاربة الفساد واسترداد الأموال المنهوبة ومحاكمة. مدبري. ومنفذي انقلاب الإنقاذ والمذبحة ! * ولكن ما دمت جبت سيرة التاريخ اركز هاك ! الشيوعيين ايدوا انقلاب مايو وشاركوا فيه وقامت بعض كوادرهم بانقلاب هاشم العطا وطبعا كل هذه الانقلابات. مرفوضة ومدانة ! ولكن عجلة التاريخ لم تتوقف في هاتين المحطتين وانما. وقائع التاريخ. تذكر وتدون :/ 1- ان السيديين علي وعبد الرحمن المهدي أيدا انقلاب عبود ! فهل تملك الشجاعة في ادانة هذا ؟ ٢- ان السيد محمد عثمان الميرغني ابرق قادة انقلاب مايو مؤيدا ومساندا خطه العروبي ! فهل تملك الشجاعة لتدين هذا ؟ ٣- وان أيقونتك د. منصور خالد كان وزيرا للشباب والرياضة في حكومة مايو وقت ان كان بعض الشيوعيين مشاركيين فيها ٤/ وان الأستاذ والمفكر محمود محمد طه الذي تتمسح به أيد مايو هذه. لانها ضربت الطائفية ! ٥- وان السيد احمد الميرغني كلن عضوا في. المكتب السياسي للاتحاد الاشتراكي المايوي ! ٦- وان الأحزاب التي تؤيدها هذه قد قامت بانقلاب مدني وخرقت الدستور وقوضت نظام فصل السلطات عام ١٩٦٥ بحل الحزب الشيوعي السوداني ! ٧- وان حزب الميرغني ظل شريكا في حكومة الإنقاذ. حتي سقوطها ! * فهل تملك الشجاعة لإدانة كل هذا ؟ كما فعلت وافعل انا ؟ ** هذا هو التاريخ ياعادل امين ! لا ادري ماهو سر هذا العداء غير الموضوعي الذي تتحمله للحزب الشيوعي علما بان ؛- ١- جون قرنق الذي تتمسح به نصيره وحليفه الأول في السودان هو الحزب. الشيوعي ! ٢- وان الأستاذ محمود محمد طه هو اول من دافع. عن الشيوعين. ورفض حل حزبهم ورفض هو وهم مشروع الدستور الإسلامي وأن الحزب الشيوعي هو اول حزب ادان اغتيال. الأستاذ محمود محمد طه ! ٣- وان السيد محمد عثمان كان حليف الشبوعين في التجمع الوطني الديموقراطي وصديق شخصي لقيادتهم في التجمع ! ٤- وان السيد عبد الرحمن المهدي الذي. تتمسح جوخه لم بكن له اي عداء مع الشيوعيين ! ولم يكن السيد علي خصما لهم ! + * انت تعادي الحزب الشيوعي بعقلية الوهابية وحسن البنا والترابي - ولا تمارس معهم خلافا فكريا متحضرا كما فعل الأستاذ محمود محمد طه
06-23-2020, 05:35 AM
adil amin adil amin
تاريخ التسجيل: 08-01-2002
مجموع المشاركات: 37022
Quote: انت تعادي الحزب الشيوعي بعقلية الوهابية وحسن البنا والترابي - ولا تمارس معهم خلافا فكريا متحضرا كما فعل الأستاذ محمود محمد طه
الشيوعي بفر من مواجهة الحقائق دي مشكلتو عشان كه بدمن الفشل وانت الحوار معاك عقيم جدا منصور خالد كان حزب امة وكان مايوي وبقى حركة شعبية انت لحد هسة شيوعي لي شنو؟؟؟ وعندك ثلاثة نواب في انتخابات 1986 وقاعد في راس الناس بي المحاصصة وفارض برنامحك العقيم ده لحدي 2020 واجه مخازيك المزمنة والمستمرة قبل ترفس الختمية والانصار ومنصور خالد وتلوك لي اسطوانة الانقلابات المشروخة شغل مخك ده مرة واحدة بس التزم بي دستور 2005 رجع المحكمة الدستورية والمراجع العام والاعلام الحر عشان نشوف الاضرار التي نجمت عن انقلاب مايو 1969 وانقلاب عبود وندين المشاركين فيها ونجدعم بي لمحكمة الدستورية مع اهل الرجس الكيزان والسلفيين ...انقلاب 1989 ونقطع وش صديق يوسف ده انت كشيوعي اسوا من الكوز والسلفي في هذه المرحلة لان ادعاء الوعي اخير عدمو
Quote: المهم، اتمنى الناس تحاول تسمع أغنية "في حكاياتنا مايو" ركزو مع الكلمات مع يا احتفالا للقصاص، اتذكرو لجنة التطهير ٦٤، ووعيد تصفية الرجعية في ٦٩ و ٧١ وشوف كيف انو حب التشفي والانتقام مكون أساسي لشخصية الشيوعي. وحاليا مطالبهم لا تتجاوز اشباع رغبة التشفي باسم تفكيك الفساد او محاكمة العسكر او اغاظة البنك الدولي - تقول هو فاكر ليهم- واغاظة القوى الاقليمية. وهذا العولاق أيها السيدات والسادة هو نتيجة حتمية لمن يظن ان بضعة اقتباسات مدوية من ماركس، ستنقله من وعي القبيلة التي تقدس الثأر، الى الوعي الأممي الانساني الطليق. ولكن هيهات 😂😂😂
ثم التذاكي والتحايل علي الشعب السوداني :-
Quote: الحزب الشيوعي لم يرشح وليس له أي عضو بترشيح منه في مجلس الوزراء.
Quote: الفرق بين الشيوعي عضو الحزب والشيوعي في لجان قحت (الشفيع مثال) او في الحكومة (اكرم التوم مثال) كالفرق بين السلفي ابوبكر آداب الذي يخطب في الكلاكلة و السلفي عبدالحي الذي يخطب في جبره بل إن الشفيع وأكرم أكثر شيوعية من جل أعضاء الحزب
Quote: الفرق بين الحزب الشيوعي والجبهة الديمقراطية كالفرق بين الحركة الإسلامية وأخوات نسيبة
06-23-2020, 06:08 AM
wadalzain wadalzain
تاريخ التسجيل: 06-16-2002
مجموع المشاركات: 4701
Quote: لم يبق من الحزب غير حلقوم عملاق صاخب أكثر بلادة من المستنقع
الحلقوم العملاق الصاخب دي مفهومة وواضحة لكن بلادة المستنقع دي كيفنها المستنقع ممكن يكون آسن لو قاصد الجمود وعدم قابليته للحراك والتماهي مع المجتمع السوداني المسلم وعاداته وتقاليده ممكن لكنه وصف بعيد شوية عموما الشيوعي حزب دكاكيني لم يستطيع ان يتجاوز عقبة الدين مع انه كان ممكن افضل من ما كان لو تم الاسترشاد برؤى مستنيرة ومنفتحة على الدين والمجتمع جاد بها في زمنا الحالي المفكر الشيوعي الشفيع خضر لكن تم طرده وابعاده من الحزب لاجل رؤاه المنفتحة والمستنيرة طول ما ظل الحزب الشيوعي كامن في قوقعته وانعزاله وتشبثه بالافكار القديمة التي فنيت بفناء المعسكر الشرقي وانهياره سيظل موقعه مكانك سر الشيوعيين زي الكيزان حساسين جدا تجاه النقد لحزبهم وده نفسه دليل عزله لانه بدون نقد لايوجد تطور
06-23-2020, 07:21 AM
adil amin adil amin
تاريخ التسجيل: 08-01-2002
مجموع المشاركات: 37022
الجاهل عدو نفسو الشيوعي عدو نفسو الشيوعي جاهل بلد الجنرالات فيها يتكلمو عند الديمقراطية والتحول الديمقراطي والشيوعي يلهث ورا المحاصصة وبرلمان كوريا الشمالية وولاة معنين من عينة وزراء حمدوك دي هسة معقول لحدي 2020 ما عارفين حجمكم في الشارع\ طيب لو انتو كتار اكثر من الختمية والانصار والحركة الشعبية قاعدين في راسنا بي المحاصصة ليه قلنلن ليك رجع الاقليم بنجدع الكيزان بي المحكمة الدستورية والمراحع العام والاعلام حر انت مشكلتك شو مع الانتخابات ؟؟؟ حجمك الانتخابي لحدي 1986 ثلاثة مقاعد بس الحزب القومي السوداني فليب عاس اكثر منكم والله صحي جد كنت قايل زمان ابلد ناس في السودان الكيزان لكن لقيت الشيوعي هو الابلد علي الاطلاق وكونو شيوعي لحدي هسة دي ذاتا مشكلة انا ختمي مركب مكنة حركة شعبية دخلت وسجلت في انتخابات 2010 انت لا واعي ولا اذكي ولا انظف مني اعمل انتخابات بي 2020 وزح من راسي ياخ فى أنتخابات 1986 م وهى انتخابات شهد المجتمع الدولى والإقليمى والمحلى بنزاهتها وشفافيتها كانت النتائج النهائية كالآتى.. 1/حزب الأمة القومى الجديد برئاسة السيد الصادق المهدى(101)واحد ومائة مقعد. 2/الحزب الاتحادى الديمقراطي بزعامة مولانا محمد عثمان الميرغنى (63)ثلاثة وستون مقعداً 3/الجبهة الإسلامية القومية بزعامة الشيخ الدكتور حسن عبدالله الترابي (51) واحد وخمسون مقعداً 4/الحزب القومى السودانى برئاسة المرحوم الأب فليب عباس غبوش (7)سبعة مقاعد 5/الحزب الشيوعي السودانى برئاسة الأستاذ المرحوم محمد إبراهيم نقد (3)ثلاثة مقاعد فقط. 6/حزب البعث العربي الاشتراكي برئاسة الرفيق بدرالدين مدثر (صفر) 7/حزب البعث العربي الاشتراكى..جناح سوريا(صفر) 8/الحزب العربي الاشتراكى الناصري برئاسة الأستاذ ساطع الحاج(صفر) الناس ديل ما مشكلتم الشعب بنتخب الكيزان المشكلة لحدي هسة في ناصريين وبعثيين في السودان ليه ؟؟
06-23-2020, 08:04 AM
عمر سعيد علي عمر سعيد علي
تاريخ التسجيل: 08-20-2015
مجموع المشاركات: 885
Quote: لا ادري ماهو سر هذا العداء غير الموضوعي الذي تتحمله للحزب الشيوعي علما بان ؛-
القال ليك غير موضوعي منو كيسهم فاضي ويرفسو في البورد وفي السودان االرؤية العقيمة بتاعة ق حت دي حقتكم وفرضتوها علي حمدوك الكيسو فاضي اصلا وفرضتو عليه وزراء بلا خطط وزارية بمشو عليها وبس عمر القراي النجح في كسب الشباب لانه مدرسة ثانية متواضع ذكي وبسط الشورى في مكان ولايتو والطواويس الباقين عجزو حتي علي اعادة المفصولين في وزراتهم المليانة زواحف هاريين الشعب وبصورة ابشع في الولايات الفشل وادمان الفشل ومشكلتي ما مع الشيوعيين بس انت مستهبل الردم هنا للكل في قح ت ومعاهم الصادق المهدي
06-23-2020, 01:28 PM
يحي قباني يحي قباني
تاريخ التسجيل: 08-20-2012
مجموع المشاركات: 18708
براعم مايو جيب لي حلاوة طلائع الحزب الشيوعي ذاتو مصحة للمنبتين في السودان والذين يعانو من اضطرابات الهوية في المركز وزيو البعثيين والناصريين وعلم مايو القبيح لانفعونا في دنيانا التي فيها معاشنا ولا دين كمان ينفعنا في اخرتنا التي فيها معادنا هسة شوف انت وصديق يوسف تلهثو كيف ذى الترابي انا متزن دينيا ختمي ومولد وفتة وريد متزن سياسيا حركة شعبية اصل وبرنامج واحد واضح دستور 2005 ونيفاشا او اديس ابابا ودستور 1974 وانت في متاهة شعب اسود لا عايز تبقى سوداني ذى السودانيين ولا قادر تبقى مصري مع المصريين العايز علاج منو ؟؟؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله محمد احمد بلة
adil amin
كمال عباس
Salah Zubeir
wadalzain
BAKTASH
جمال ود القوز
يحي قباني
فيس بوك
تويتر
انستقرام
يوتيوب
بنتيريست