|
Re: دموع ابوي غالية ياحمدوك الله يسامحك (Re: عبدالعظيم عثمان)
|
Quote: عاجل الشفاء للوالد وطول العمر ويرجع سالم وغانم ومعافى لبلده وأهله وناسه |
الله يسلمك عبدالعظيم من كل ردي و ما يمتحنك في عزيز واكبر امتحان انك تكون عاجز وانت شايف اعز انسان عندك مسلوب الحولا والقوه يارب ماتهونا علي انفسنا ولا علي من وليتهم علينا
| |
|
|
|
|
|
|
Re: دموع ابوي غالية ياحمدوك الله يسامحك (Re: Shinteer)
|
Quote: كيف حالك يا عفاف؟ ربنا يشفي الوالد ويرجّعو لعقابو بالسلامة. السودان أصلاً امتحان لصبر البني آدم السوداني وعنوان لقلة حيلتو في كل شيء. خلينا نحلم حتى لو بكِذَاب الأماني. ولا حول ولا قوة إلا بالله |
حباب شنتيير الجابتك ما ساهله انت عارف الناس دي ضاقت ضيق ولسان حالهم (ضاقت ولما استحكمت حلقاتها فرجت ) لكن قدر ما اتمسكو بأنها تنفرج الفرج بيمشي منهم بعيد الحال بينشكي لي الله بس عنا عندي كتير مرورك
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
نسأل الله الملك الأوحد الذي لا شريك له في ملكه الذي يؤتي الملك من يشاء ويعز من يشاء ويذل من يشاء بيده الخير وهو على كل شي قدير نسأله وهو القدير لا شريك له في قدرته والملك لا شريك له في ملكه أن يصلى على نبينا الأمين وآله وصحبة أجمعين عدد خلقه وملء أرضه وسماه وأن يهب والدك تمام الصحة والعافية ويعود لوطنه سالماً آمنا ملئه الصحة والعافية وكذا جميع مرضانا ومرضى المسلمين وأن يزيح هذا الوباء عن جميع البشرية أجمعين وأن يولي علينا وهو مالك الملك من يشفق على شعبه ويسهر ويهم ولا يتهاون في أن يرد وينحي ما يضرهم ويؤذيهم وأن يولي علينا من يكون أحكم وأعلم وأرحم وأسخى وأعدل وأن ينحى عنا الظلمة الجفاة أو الضعاف أو الغافلين إنه ولي ذلك والقادر عليه
| |
|
|
|
|
|
|
Re: دموع ابوي غالية ياحمدوك الله يسامحك (Re: منتصر عبد الباسط)
|
Quote: نسأل الله الملك الأوحد الذي لا شريك له في ملكه الذي يؤتي الملك من يشاء ويعز من يشاء ويذل من يشاء بيده الخير وهو على كل شي قدير نسأله وهو القدير لا شريك له في قدرته والملك لا شريك له في ملكه أن يصلى على نبينا الأمين وآله وصحبة أجمعين عدد خلقه وملء أرضه وسماه وأن يهب والدك تمام الصحة والعافية ويعود لوطنه سالماً آمنا ملئه الصحة والعافية وكذا جميع مرضانا ومرضى المسلمين وأن يزيح هذا الوباء عن جميع البشرية أجمعين وأن يولي علينا وهو مالك الملك من يشفق على شعبه ويسهر ويهم ولا يتهاون في أن يرد وينحي ما يضرهم ويؤذيهم وأن يولي علينا من يكون أحكم وأعلم وأرحم وأسخى وأعدل وأن ينحى عنا الظلمة الجفاة أو الضعاف أو الغافلين إنه ولي ذلك والقادر عليه |
اللهم امين ربنا يقبل دعاك
| |
|
|
|
|
|
|
Re: دموع ابوي غالية ياحمدوك الله يسامحك (Re: علاء سيداحمد)
|
Quote: من اهم الا ولويات كان رجوع الناس الطلعه المرض حررررام تكونو انتو والمرض عليهم الرحمه ياخ |
هو فى مرض عضال أكتر من حمدوك؟! مناداتك له ينطبق عليها (لقد أسمعت إن ناديت حياً
نسأل الله أن ينعم على والدكم بالشفاء وبالصحة والعافية ويرجعة إليكم سالماً غانماً
البلد عاوزة ليها أبو حريرة جديد بصحوة ووعى وهمة ومبادرة .. لا يعرف التواكل والتباطؤ!
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
Quote: والله بكيتينا يا عفاف |
سلامتك يمه من البكاء تعرفي يا امتثال لو كانت البلد مقفوله ومافيها حالات نقول يمكن يكون وان كان ده زاته ماعزر لكن البلد مليانه حالات ومافي اي كنترول علي اي شي يمكن يكون الناس الفي الهند ديل معرضين للموت اكتر ناس في بلد غريب عنهم في كل شي والموت حوليهم من كل ناحيه لو ماجاتهم كرونا يكفي الرعب الدخل فيهم ناهيك عن هم اصلا كبار في السن والله يا امتثال ابوي ده عنده جلطه في الدماغ ما ابوي بس ناس كتار يمكن ابوي احسن حال علي الاقل نحنا عرفنا نرسل ليه مصاريف في ناس حق الدواء ما عندهم حق الاكل ماعندهم يشحدو يعني ياخ عيب كده كتير شديد
| |
|
|
|
|
|
|
Re: دموع ابوي غالية ياحمدوك الله يسامحك (Re: نادر الفضلى)
|
Quote: البلد عاوزة ليها أبو حريرة جديد بصحوة ووعى وهمة ومبادرة .. لا يعرف التواكل والتباطؤ! |
الله يرحمه يانادر ويرحم حالنا وهو القايل
إيدي شريفة زي ايد جدي وايدي على البيجيب الريبة ما بتودي ايدي بتكتب الفكر المأصل ومجدي وايدي بتدخل الوكر السلاحه بيجضّي
والله يانادر الناس دي صبرت وكمل الصبر صوتكم معانا عشان يرجعو انا ما عاوزه الناس تتحمدلي سلامته انا عاوزه الناس تتضامن معاي عشان سلامته وعافيته في بيته ووسط ناسه
| |
|
|
|
|
|
|
Re: دموع ابوي غالية ياحمدوك الله يسامحك (Re: elsharief)
|
ما اريد ان اقوله في نقاط بخصوص السودان وفايروس كورونا وحكومة حمدوك والتناقضات اولا كان يفترض ان تتعامل الحكومه في السودان مع هذا الوباء بما يسمي مناعة القطيع في السودان لاسباب المواطن السوداني بطبيعته يخرج من الصباح ليكسب رزقه من عمل ضراعه الشي التاني قصة حجز وعدم دخول الموجودين في الخارج لا فائده منه تضرر كل العالقين بالخارج ضرر بليغ ولم تقدم لهم اي خدمه تذكر الشي الاخر هولاء الناس لو سمحوا لهم بالدخول ما كان في مشكله لان غالبيتهم في الاطراف انا افهم تماما الاجراء الصحي والعزل والاجراء الصحيح بخصوص هذا الوباء ولكن ليس في السودان ما رايناه في الاسواق ومراسم العزاء هنا وهناك كان واضح جدا بان المواطن ما كان ملتزم بالبقاء في البيت اذن كان من المفترض ان يترك الامر بدون اي قيود ودا الحاصل رقم وجود قرار المنع ..الملاحظ الوزراء الذين جاءوا من خارج السودان وضعوا ما يجب ان يكون ولكن جانبوا الصواب ولم يقدروا الظرف والمكان كل ما ذكرته قد يكون من الناحيه الاجرائيه غير صحيح فيما يخص الجائحة ولكن الواقع بقول كان يفترض ان يوخذ في الاعتبار يعني قصة حاكو حاكو دي الا زادت الطين بله وتضرر منها كل كان عالقا خارج البلد .. السودان يختلف يا وزراء حكومة حمدوك عاوز تعامل يتناسب مع وضعه المختلف جدا ..
| |
|
|
|
|
|
|
Re: دموع ابوي غالية ياحمدوك الله يسامحك (Re: خالد المحرب)
|
B]السلام عليكم اختنا الغاليه عفاف ابو حريرة .. حقيقي مشكلة العالقين اصبحت الصوت الاعلى الان وكل العالقين خارج السودان الان بدو في العوده .. ناس مصر و السعودية و الامارات . يمكن ناس الهند عان عددهم بسيط و بلدهم بعيده صوتهم ما وصل يجب التنسيق مع السفارة السودانيه بنيودلهي ... و الشروع في تسجيل الاسماء و حجز طائرة للعودة لانه الان السودان فتح الحدود و بدأ يستقبل ابناؤه .. احمد يوسف ممكن يكون عنده تواصل مع ناس السفاره في الهند ونحن برضو ممكن نساعد في اننا نصل ليهم و نشوف خطتهم في اجلاء العالقين كيف تحياتي ام احمد ...
| |
|
|
|
|
|
|
Re: دموع ابوي غالية ياحمدوك الله يسامحك (Re: طارق عبد اللطيف نقد)
|
القومه للسودان والقومه لي ابوي استحلفتكم بالله كل من يمر علي الموضوع ده او مر عليه انه يتضامن معانا عشان الناس دي ترجع لي اهله عليكم الله صوتكم معاي عشان مشكلتنا تنحل بقت مسالة كرامه والله الواحد لما ضاقت بيه الدنياواتقطعت السبل اتزكر الحوش ووقفتكم مع بعض ومناداتكم ودعمكم للحق استجديكم بكل ماهو عزيز عليكم بهامات ابواتكم لو عايشين وبرحمتهم لو ميتين توصلو مشكلة ابوي لي حل بلدي وان جارت علي عزيزه
الرحمه
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
الاخوه الاعزاء
تبلدي بشير حسن الصائم منتصر العزيز ليمو صلاح الزبير منتصر عبدالباسط الشريف خالد نقد الله يقبل دعاءكم استحلفتكم بالله بالله ماتكتفوبالمرور عشان الله ايدكم معاي ابوي يرجع ياخ الواحد لا حولا ولا قوه ليه ياريت لو مشكلته دي بتتحل بالقروش والله لو بتتحل بانه الواحد ياخدو منه اي شي كان عمله والله الواحد لحدي الان ملتزم بالموضوعيه يارب الصبر والفرج من عندك
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
من هذا المنبر نناشد مرة أخرى حكومة السجم والرماد التي عجزت حتى الآن تحقيق امال وطموحات الثورة ،أن تتخذ القرار الصائب لعودة العالقين من السودانيين في الخارج...وعند عودتهم تضعهم في الحجر الصحي لمدة أسبوعين كما تفعل دول العالم ...
| |
|
|
|
|
|
|
Re: دموع ابوي غالية ياحمدوك الله يسامحك (Re: عبدالحفيظ ابوسن)
|
يا بنية بدور اجر فيهو الكلام يابنية جري القدح للاسد الما انفضح ابوي مما قام قرح بحر المالح طمح
يابنية جري الكلام للاسد الفي الملم ابوي مما تب قام ابوي قدحه سبق السلام
لا بزعل لا بضيق ولا بتغابي الرفيق يسلم ضو الفريق يشيل حملو بلا طبيق ................
يا بنية ما كى بطحانية .. اقوليك قولا انبطحى نامى .. ابوكى محروس من الطاشة و الغاشة باركين فيهو شيوخ ود هاشة ..ود بدر البيتر الفقر ..شيخ الامين لامين تامين من عد الهبوب وعد الضراء و شعر الكليب لى عند الشيخ طلحة.. اقعدى ساى ما تخلينا نجر فوقوا النم ذى طه ود الضرير .
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
Quote: من هذا المنبر نناشد مرة أخرى حكومة السجم والرماد التي عجزت حتى الآن تحقيق امال وطموحات الثورة ،أن تتخذ القرار الصائب لعودة العالقين من السودانيين في الخارج...وعند عودتهم تضعهم في الحجر الصحي لمدة أسبوعين كما تفعل دول العالم ... |
تحيه واجلال للابنه امتثال وربنا يحفظك ايدك وصوتك معانا بيكم انتم يبقي العشم انه مشكلتنا يكون ليها حل وسريع
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
والله يابكري بكيتني وحسيت كاني لميت ابوي في حضني الواحد جد بحس بكامل الانتماء لحوشك والله لما ضاقت واتقفلت كنت انت زي طوق النجاه لانك صوت من لا صوت له وابوي صوته انبحه من البكاء بكاء الكبير بوجع شديد ودموع الرجال غاليه وهو في الرجال ضرس
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
قبل قليل فقط يا عفاف كنا بنتكلم مع ضابط في القوات المسلحة، وهو قريب زميلتنا في الجامعة ونتناقش معه دائما في امور السياسة ، وتنتقد له الحكومة ، ومع أنه ضابط برتبة صغيرة ولكنه ثوري ووقف مع الثورة والثوار ، واثرنا معه مشكلة السودانيين العالقين في الخارج، وطمننا أن الحكومة الآن تناقش حل هذه المشكلة بجدية.. ونرجو أن نسمع قريبا حل لهذه المشكلة ...
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
لك الشكر يا ريس وانت تدعم كل قضايانا التحيه لك وتمني ان يدوم الود بيننا ...يا سلام يا يا مهندس علي الايام الجميله والاقلام التي كتبت وما زالت تكتب كلام رصين في هذا المنبر العتيق المعتق كان وما زال واحه نجد فيها الندامة والاحباب عبره تعرفنا علي اصدقاء وصديقات كانوا وما زالوا نعتمد عليهم في امور كثيره في شتي بقاع الارض تحياتي لك ولكل المتداخلين واتمني ان يعود كل افراد الشعب الي ارض الوطن كما ارجو من حكومتنا ان تراجع كل الحسابات لاننا غير راضين ابدا عن الاداء في امور يمكن ان يكون ادائهم فيها غير الذي نراه
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
Quote: قبل قليل فقط يا عفاف كنا بنتكلم مع ضابط في القوات المسلحة، وهو قريب زميلتنا في الجامعة ونتناقش معه دائما في امور السياسة ، وتنتقد له الحكومة ، ومع أنه ضابط برتبة صغيرة ولكنه ثوري ووقف مع الثورة والثوار ، واثرنا معه مشكلة السودانيين العالقين في الخارج، وطمننا أن الحكومة الآن تناقش حل هذه المشكلة بجدية.. ونرجو أن نسمع قريبا حل لهذه المشكلة ... |
بطبيعتنا نحنا ناس صبارين وبناثر علي ا نفسنا انتي عارفه اسوا حاجه لما تكون متفهم لكامل الوضع وتتمتحن في الفهم زاته مشكلة شنو دي البتتحل بالشهور والله بقينا البشتنه مخوفانا اكتر من الموت بعدين البلد مليانه ماتسمعي الكلام ده نحنا اسرة ابوحريره اتوفي من اهلنا ناس كتار بالكرونا ولا في زول جايب ليهم خبر اصلا مافي كنترول يعني وقفت علي شوية ناس اتقطعت بيهم السبل مامطالبين غير حقهم في الرجوع لي اهلهم والله ده اكبر ظلم ممكن يمارس في حق انسان
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
المشكلة الحقيقية يا عفاف أن ارخص شئ في السودان هو حياة الإنسان شوفتي براكي كيف قتلوا الثوار بدون رحمة أيام الاعتصام..والان يريدون أن يقتلوا الناس بفقع المرارة...وبقرارتهم العشوائية ... وكان علينا إلا أن نقول حسبنا الله ونعم الوكيل ...
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
ورب الكون ابو حريرة ما بنضام يا عفاف كان علم كان معرفة وكان مرجلة وكان عنطزة خليك من حمدوك والحكومة والمكاتب المكيفة وديل اصلا كلامنا دا كلو ولا بشوفوهو ولا عارفنو لكن رجال حول ابوحريرة بعرفوا دربو وبخبروهو ابشري بالخير تسمعي خير قريبا جدا يا بت عمي انا اخوك اتي دي
| |
|
|
|
|
|
|
Re: دموع ابوي غالية ياحمدوك الله يسامحك (Re: عبدالله ود البوش)
|
Quote: ورب الكون ابو حريرة ما بنضام يا عفاف كان علم كان معرفة وكان مرجلة وكان عنطزة خليك من حمدوك والحكومة والمكاتب المكيفة وديل اصلا كلامنا دا كلو ولا بشوفوهو ولا عارفنو لكن رجال حول ابوحريرة بعرفوا دربو وبخبروهو ابشري بالخير تسمعي خير قريبا جدا يا بت عمي انا اخوك اتي دي |
ده الكلام البخلي الواحد يقعد في الواطه ويخت اديه فوق راسه صاقعة النجم اخوي البحمي الشهاده والنضم والله ياعبدالله كلامك يخلي الواحد يتطاول لما يحس السماء تلمس راسه
ناديت عليك خابرك تجيب النادى
وماك مدسوس فعل للقريب والغادى
ستار للعروض يوت للضيوف بتنادى
شامل هيبة صاحب سمتة قادل عادى
| |
|
|
|
|
|
|
Re: دموع ابوي غالية ياحمدوك الله يسامحك (Re: عفاف أبو حريرة)
|
جنيات البطانة البطون مو عقرانة .. شبل اسد البطانة للشيعب ركانة.. وكت الحوبة ما فز ولى بكانة . اكربوا صلبكم يا البطحن ادخلوا الميس .. ناس تمبول ان قفلت السماء الارض فاتحة .. ود ابراهيم .. تور الخلاء .. اسد البطانة .. اولاد بابكر . ود ضحوية يقول ليكم الدرب البجيب كمش النقود موهين مابمشيهو ديك بيتو اب جلدا لين الولد البقوم من ام حمد متدين غصبا عنو يا السحار يسوقن بين الفزع جنيات البطانة .. ان غلبكم تب قولوا عوووك .. نجيبوا ليكم بى كاودة .
| |
|
|
|
|
|
|
Re: دموع ابوي غالية ياحمدوك الله يسامحك (Re: عمر نملة)
|
Quote: سلام و محبة
لكن انت في يدك تحل مشكلة ناس لا حول ولا قوة ليهم
ربنا يرجع ليكم الوالد بخير وضع الدوله التي يراسها حمدوك برضو لا حول و لا قوة لها... ما في إمكانيات.. و المعادلة صعبة.. يا يفتحو المطار و تزيد احتمال دخول المرض يا يواصلو قفله و الضحايا كثر... امران خيرها حنظل.. |
يعلم الله اخوي عمر نحنا مقدرين وضع البلد وانه الناس دي الحمل العليها ماساهل والبلد خرابه كتير وعشان الامور تترتب لازم كلنا نتضامن ونتعاضد مع بعض ويكون همنا الاول نقوم بالبلد دي ونوصله بر الامان واول شي الصبر ونطول بالنا كل زرع لازم ياخد وقته عشان يااتي اكله لكن كمان في حاجات مابنصبر عليها وان كان كملنا الصبر والجمره بتحرق الواطيها
| |
|
|
|
|
|
|
دموع ابوي غالية ياحمدوك الله يسامحك (Re: عفاف أبو حريرة)
|
نسال الله الواحد الأحد الفَرد الصمد الذي لم يلد ولم يولد ولم يكن له كفواً احد ان يعافي والدك ويرده سالماً، أخت عفاف... وان ينعم عليه بشفاء لايغادر سقم وان يرزقه عافية لاتزول...ونساله تعالي ان يعين الدولة في هذه الظروف للوصول بالوطن الي بر الأمان والخروج به من كل ما ورثناه من معوقات أمنية واقتصادية وسياسية لخدمة ترتقي لسقف وطموح المواطن السوداني الذي صبر بما فيه الكفاية..وصلّ اللهم وسلم علي سيدنا محمد وعلي الله وصحبه.
| |
|
|
|
|
|
|
Re: دموع ابوي غالية ياحمدوك الله يسامحك (Re: امتثال عبدالله)
|
Quote: ود البوش رجل الخير والبر والإحسان، كما تصفك الأميرة النوبية بت السيد.. عرفناك دائما من ذوي الأيادي البيضاء ...وكنت متأكدة انك حتجيب لينا أخبار سمحة تسرنا جميعا.. مع وافر التقدير والامتنان |
زينة الشباب كلهم اهلك الكبار زمان لما الواحد ينبسط من زول يقول فلان ده ودعته لي الله اسي ود البوش ده انا ودعته لي الله
| |
|
|
|
|
|
|
Re: دموع ابوي غالية ياحمدوك الله يسامحك (Re: عبدالله ود البوش)
|
Quote: خدي يا بت القبائل تم الحصول على القرار الصادر قبل قليل بعد اتصالات مكوكية بين مجلس الوزاء والخارجية وسفارتنا بالهند شكرا الاخ الصديق الامين بمجلس الوزراء شكرا حمدوك |
حلال البغيث عند زقرة الكوراك القومه ليك ياعبدالله ودالبوش والقومه ليك يابلد
| |
|
|
|
|
|
|
Re: دموع ابوي غالية ياحمدوك الله يسامحك (Re: بكرى ابوبكر)
|
وحتى الإستجابة كانت مربوطة بمنفعة لشركة بدر للطيران!!
العالقين ديل خسروا أموالهم وتذاكر رجعتهم، يدفعوا تانى ليه .. الحكومة تتحمل قراراتها الخطائة التى لم تعط إعتبارا لمواطنيها .. مفروض تأجر طائرات ومن خطوط طيران دولية مضمونة بسعر جملة لإعادة العالقين
وماذا عن العالقين بدول أخرى
وماذا عن المحتجزين بالقاهرة .. يجب لكل حالة فتح بوست؟!
لماذا لا يكون شععرا هذا البوست ليمثل كل السودانيين العالقين بالخارج
"دموع أبوى وأخوى وأمى وأختى وصديقى وجارى وأهلى غالية يا حمدوك الله يسامحك"
ولو أضيف ليها .. يا ماسورة .. بيكون أحسن
| |
|
|
|
|
|
|
Re: دموع ابوي غالية ياحمدوك الله يسامحك (Re: نادر الفضلى)
|
Quote: وحتى الإستجابة كانت مربوطة بمنفعة لشركة بدر للطيران!!
لماذا لا يكون شععرا هذا البوست ليمثل كل السودانيين العالقين بالخارج
"دموع أبوى وأخوى وأمى وأختى وصديقى وجارى وأهلى غالية يا حمدوك الله يسامحك" |
والله يانادر حال البلد يمحن ويمتحن الواحد ماتعرف تلومهم ولا تحن عليهم
لسان حال الواحد للبيت رب يحميه وانا رب الابل كما قال سيدنا عبد المطلب
| |
|
|
|
|
|
|
Re: دموع ابوي غالية ياحمدوك الله يسامحك (Re: قسم السيد يوسف)
|
Quote: نسال الله الواحد الأحد الفَرد الصمد الذي لم يلد ولم يولد ولم يكن له كفواً احد ان يعافي والدك ويرده سالماً، أخت عفاف... وان ينعم عليه بشفاء لايغادر سقم وان يرزقه عافية لاتزول...ونساله تعالي ان يعين الدولة في هذه الظروف للوصول بالوطن الي بر الأمان والخروج به من كل ما ورثناه من معوقات أمنية واقتصادية وسياسية لخدمة ترتقي لسقف وطموح المواطن السوداني الذي صبر بما فيه الكفاية..وصلّ اللهم وسلم علي سيدنا محمد وعلي الله وصحبه. |
اخوي قسم السيد ربنا يقبل دعاءك ويجبر خاطرك
| |
|
|
|
|
|
|
Re: دموع ابوي غالية ياحمدوك الله يسامحك (Re: ABUHUSSEIN)
|
Quote: اختنا ام احمد سلام الوالد ربنا يتم ليه الصحة و العافية و يصل لي بيتو بالسلامة و ربنا يديه طولة العمر و يحفظه من كل شر
سلامنا و تحياتنا للجميع المعاك و البعيدين تحياتي و اشواقي يا غالية |
اهلييين ياعادل اللهم امين ربنا يوصلهم بالسلامه يوصل سلامك وتسلم من كل ردي سلم علي ساميه والاولاد بالزات امنيه يووووه عمر يا عادل يعلم الله انكم غالين كل الود والاحترام
| |
|
|
|
|
|
|
Re: دموع ابوي غالية ياحمدوك الله يسامحك (Re: Ahmed Yassin)
|
Quote: عفاف طمنينا على والدنا عبدالله نسال الله ان يرده وجميع العالقين.. سالمين معافين. حاولنا الاتصال على رقم يفارة السودان في دلهي ولا مجيب 911126873185+ 91-1126873785+ وياريت ترسلي لي رقم تلفون والدنا العزيز |
ياسلام عليك يا احمد انت انسان جميل وجميله الايام الجمعتنا بيكم كيف سناء والاولاد سلم لي عليهم تلفون الوالد00919611342139
| |
|
|
|
|
|
|
Re: دموع ابوي غالية ياحمدوك الله يسامحك (Re: يحي قباني)
|
Quote: تعرفي يا بت ابو حريره المنصور بإذن الله ... في جزء من دعاء ... هو اكتر ما يهزني بين كل الادعية :
وهو : اعوذ بك من غلبة الدَين و قهر الرجل ...
ربنا يكفكف دمعته و يستركم جميعاً ... دموع الرجال غالية .. |
ومرورك غالي ياقباني ربنا يرجعهم بالسلامه يارب
| |
|
|
|
|
|
|
|