|
|
|
 Re: ارتفاع سعر العرقي!!! (Re: HAIDER ALZAIN)
|
دا هو المهم فعلا
السلع الحيوية
عرقي شنو كمان
الله يكطع العرقي
اكعب شراب روحي علي ظهر هذا الكوكب
بعدين غير كدا كمان
خطر جدا جدا جدا
مش عشان بسكر
لا ابدا
عشان الكحول البتطلع من عملية التقطير
ال distillation
الزول البقطر بالتاكيد ما بكون فارز ياتو نوع من الكحول الطلع دا
لانه ما كل الكحول بتنفع مع البشر
في انوع معينة بس البتصلح للاستخدام الادمي
وسبحان الله
نوع الكحول البتطلع نتيجة تخمير الذرة، وخصوصا الفتريتة، هو أفضل نوع كحول صالح للاستخدام البشري
لا وشنو كنان، مغذي جدا جدا جدا
عشان كدا انا بقدر المريسة جدا والله
مدد يا سيدي ابو فركة
| |
  
|
|
|
|
|
|
|
|
Re: ارتفاع سعر العرقي!!! (Re: ABUHUSSEIN)
|
Quote: مصدر : ارتفاع سعر زجاجة العرقي البكرية إلى 250ج (جوافة أو تمر).
وكذلك زجاجة توشن عادية عيش فتريتة إلى (150)ج. |
كيفك ابو الزوز ...
هل يمكن الإفصاح عن مصدرك؟
حجم (الزجاجة) ٣٣٠ او ٥٠٠ مل؟
توشن دي شنو؟
اخبار الدولار شنو قالو دبش ال ١٦٠ جنيه ...
| |
|
|
|
|
|
|
|
|
|
Re: ارتفاع سعر العرقي!!! (Re: Salah Zubeir)
|
Quote: دي شني ...
نعلها بليلة العدسيه بالطحنيه ...
غايتو اكلتها في بورتسودان قبل
فتره ... كل ملعقه تاكلا ال Jack
يرتفع صنتي ... لو أسرفت حا
تلقى نفسك واقف عليهو ...
دا إذا فيك عمار ... |
ياها نفسها ... كورتها دي بضربوها العمال في المنطقة الصناعية
والناس البتطلع من الصباح كايسة رزقها بتديهم طاقة وتسندهم
لحدي ما يرجعوا لي بيوتهم بالليل ...
الكورة اسعارها بدت من جنية واسي دقت 90 جنية
علما انو طلب الفول قفل 100 جنية
| |
|
|
|
|
|
|
|
|
|
Re: ارتفاع سعر العرقي!!! (Re: زهير عثمان حمد)
|
Quote:
مصدر : ارتفاع سعر زجاجة العرقي البكرية إلى 250ج (جوافة أو تمر).
وكذلك زجاجة توشن عادية عيش فتريتة إلى (150)ج |
صراحة يا أبو الزهراء الناس ديل عصروا على السلع الاستراتيجية..
كامل التضامن 😁
| |
|
|
|
|
|
|
|
|
|
Re: ارتفاع سعر العرقي!!! (Re: توفيق عيسى مكي)
|
في ظل الدولة المدنية .. وإكرام الإنسانالسوداني
يجب أن يتاح الأفضل والأجود للمواطن السوداني
زول تاني يكر ليه زول من أضانه ويدخله الجنة ما دايرين
دي مهمة لا يدعيها حتى الرسول (ص).
| |
|
|
|
|
|
|
|
|
|
Re: ارتفاع سعر العرقي!!! (Re: Amin Eltaib)
|
أبشر يا أبو الزوز محمد جمال من نواحي الفيسبوك قال ليك التمر النضيف بي 140 Quote: Mohamed Jamal
نقلت الخبر لأحد قروبات الواتس جاني الرد التالي:
كاااااااااااااااااك
140 تمر عجيب
تصريح وزارة امس ليلا |
شكراً حمدوك
أو كما قال المحامي الكوز معاوية عوض الكريم الداخل المنبر يتسحّب براحة براحة قايل البلد ما فيها أطرش 
| |
|
|
|
|
|
|
|
|
|
Re: ارتفاع سعر العرقي!!! (Re: Deng)
|
زمان الحكومة السودانية كانت عندما تريد أن تفرض زيادات، كانت بتفرضها على منتجات التباكو والخمور، ولم تكن هنالك أي احتجاجات أو مظاهرات، ولكن عندما هبشت الحكومة المواد التمونية وفرضت زيادات عليها بدأت الاحتجاجات والمظاهرات.
حتى توتو كورة كانت بتوفر عائد مادي كبير للدولة، وكانت هنالك نسبة من عوائد توتو كورة كانت تذهب الى دعم المدارس في السودان.
عندما هاجرت الى أمريكا وجدت أن نظام اللوتري المعمول به في أمريكا يشبه توتو كورة بتاعت السودان تماما.
الذين لا يعرفون توتو كورة ممكن يسألوا كوامر المنبر.
| |
|
|
|
|
|
|
|
|
|
Re: ارتفاع سعر العرقي!!! (Re: Deng)
|
الى كل المستلبين من العروبيين في الدولة وناس حزب البعث العربي
كل السياسات والافكار الاقتصادية الخاطئة ادت الى الارتفاع الجنوني في سغر
هذا المشروب الروحي الاصيل .مفروض تدعموه وحتى تسهلوا امر تصديره
لما فيه من فوائد اقتصادية جمة على البلد وبجيب عملة صعبة لدعم الشرطة. الم تقراوا قول عمرو بن كلثوم
صبنت الكاس عنا ( ام عمرو) *** وكانت الكاس مجراها اليمينا
ام عمرو دي ست العرقي
| |
|
|
|
|
|
|
|
|
|
Re: ارتفاع سعر العرقي!!! (Re: HAIDER ALZAIN)
|
| Quote: وكذلك زجاجة توشن عادية عيش فتريتة إلى (150)ج |
التوشن دا شنو يا أبو الزهور؟
دا اسم الدلع للمريسة؟!
والله يا أبو الزوز انتو عايشين في نعمة،
لو لفيت العالم دا كلو ما ح تلقى مريسة إلا بس في السودان وجنوب السودان
ياريت نسجل براءة الاخترع
ألا ليت شعري هل أشربن مريسة إني إذن لسعيدٌ
| |
|
|
|
|
|
|
|
|
|
Re: ارتفاع سعر العرقي!!! (Re: النذير حجازي)
|
باقى لى زياده الاسعار بسبب العرض والطلب
يوم طالع من البيت الصباح ماشين قدامى صنايعيه فيههم سباك اتعاملت معاهو قبل كدا زولنا فجاه اتاخر من الجماعه ورفع الجلابيه اظنو رابط نص العرقى فى مع السروال رفع الكريستاله جغم كم جغهه ورجعها مكانها وواصل .
مره واحد معانا فى صف العيش وشايل النص بتاعو ويهضرب
الخلاصه القصه بقت ساهلهه والناس كان طفاسه ساكت راضعين العرقى 24 ساعه
| |
|
|
|
|
|
|
|
|
|
Re: ارتفاع سعر العرقي!!! (Re: النذير حجازي)
|
تحیاتی النذیر حجازی.
انا كنت فاهم انو المریسة بس فی السودان و جنوب السودان و احتمال تشاد بس فی واحد من الٱفلام المصریة اكتشفت انو المصریین برضو عندهم مریسة و اسمها البوظة و علی كدا احتمال انو كتیر من دول الجوار السودانی عندهم مریسة لكنها تحمل اسم اخر.
اما عرق الشوام اعتقد انو لا یشبه عرقینا و الذی هو الاكثر شبها بی تكیلة ناس امریكا الجنوبیة و هذا حسب رٱی الخبراء السودانیون و انا بالطبع لیس واحدا منهم فٳن كان احدهم معنا بحوش بكری اتمنی ان یخبرنا بٱوجه التشابه و الفرق.
| |
|
|
|
|
|
|
|
|
|
Re: ارتفاع سعر العرقي!!! (Re: علي دفع الله)
|
السلام عليكم
بوست الناس كلها طاشمه . وانت ياود دفع الله قلت لي
| Quote: التوشن يا سادة هو عرقي العيش ابو حمار والبعض بسموه قشو |
بسمو قشو ، عشان ريحتوا طبعا بتمسك في الزول .
كانت لهم ايام .
تحياتي ،،،
| |
|
|
|
|
|
|
|
|
|
Re: ارتفاع سعر العرقي!!! (Re: Hasheem Karouri)
|
غايتو لو أي واحد دقّ صدرو وأنشأ معامل/مصانع علمية للعرقي وبخبرة دنقلاوية أصيلة، علىّ الحلال الفودكا حقها راح ونجمها طاح. حنستلم كل الزباين محبي الفودكا في العالم، ومعاهم ناس التكيلا والجن (الأبيض ما الأزرق).
ومكنات التقطير ما غالية، حسب ما ورد في مجلة "التقطير البديع". على المستثمر الاستعانة بالخبرات المحلية. غايتو عرقي دنقلا مشكور ومذكور ولا يُعلى عليه.
المرحلة التالية تكون المريسة لأنها محتاجة شوية تنظيم وترتيب عشان تتطور وتتم صناعتها في جملونات خاصة وتبقى معبأة في قوارير مخصصة تحت رعاية خبراء مختصين.
الله يستر على التنباك أو التمباك.
| |
|
|
|
|
|
|
|
|
|
Re: ارتفاع سعر العرقي!!! (Re: عبدالحفيظ ابوسن)
|
Quote: لأنو فيهو رغوة وبتلصق في الشنب . ولو ماعندك شنب بتعمل ليك شنب
فعشان كدة بتقشو |
هههههه الله يجازي محنك يا ابوسن ، مافي عرقي فيه رغوة ، تكون مريسة ولا كجومورو ممكن .
في عرقي سكسك ، اسال منو ودفع الله هههههه
| |
|
|
|
|
|
|
|
|
|
Re: ارتفاع سعر العرقي!!! (Re: Hasheem Karouri)
|
| Quote: غايتو لو أي واحد دقّ صدرو وأنشأ معامل/مصانع علمية للعرقي وبخبرة دنقلاوية أصيلة |
حبيبنا شنتير .. تحياتي يا جميل
زمان الحكاية كانت حصرية عندنا في ضواحي الدنيا ( ماركة مسجلة )
توسع الموضوع الى ( عرقي عيش ) فإختلط الأمر وضاعت الحكاية
الأصل ( عرقي التمر ) بدرجاته الثلاثة ( البكر ، والوسط ، والخفيف ) حاولت الترجمة ( معليش)
ده عايز نوع معين من التمور ومن ليس لديه خبرة في طعم وأنواع التمور يكون خارج السياق
لأن نوع التمر هو الذي يتحكم على المذاق والرائحة ..
الأدوات كلها كانت من الفخار والانابيب من نبات اسمه ( قووا ) نوع من القصب .. يمكن بالعربي (بوص) أنا ما متأكد حسب ترجمة زميل سوداني
أول مرة حضرت الى العاصمة قالوا عرقي عيش دون تناوله عندما تراه فقط من منظره يصيبك الدوار
بعدين عرقي التمر الاصلي كان فيه دواء للناس يتناوله المرضى .. على قول المسيح عليه السلام ( القليل منه يشفي المعدة)
أجود الانواع كانت تصنع من تمر يسمى ( أوسميدان )
اليوم طبعاً بقى في ذمة التاريخ اصبح من التراث لا تسمع عنه إلا الحكايات والذكريات
تحياتي الاحباب
| |
|
|
|
|
|
|
|
|
 Re: ارتفاع سعر العرقي!!! (Re: عزالدين عباس الفحل)
|
أهلا بكم الاحباب والاصدقاء في مقام الراحة والعرق والبهجة والحبور
هدوء الفوضي شنو يا عالم أنتو ماعارفين الوقعالي السوداني رجل رقيق مشاعر وفنان ومابحب الفوضي والازعاج
المهم القصة بقت مسالة دفاع عن المشروب الوطني العرقي الذي أصبح مهدد بالانقارض من موائد الكرام والابتهاج
لغلاء الاسعار وضعف الصناعة والجودة وتغول المنتجات الاثيوبية علي الاسواق المحلية والمنافسة الغير منطقية
ولكن هنالك معاقل في شمال الوطن الحبيب لاتزال تمارس أرقي انواع التصنيع لهم منا التحية
عليكم بالاهتمام والاهتمام الجاد في وضع هذا المنتج القديم قدم الحضارة الكوشية موضع الصدارة ودعمه
ولن نتظر السيد عباس مدني للقيام بدوره كوزير تجارة هو ذاتو مغادر التشكيل الوزاري
المهم
لي عودة
لعرقي البلح مناصرين بالملايين
لعرقي العيش عشاق لاحصر لهم انه ملجأ الفقراء بهجة وانعتاق من الضجر
| |
|
|
|
|
|
|
|
|
 Re: ارتفاع سعر العرقي!!! (Re: زهير عثمان حمد)
|
تعرفو السكر بقي في الاحوال الاقتصادية الحالية شيء غالي ومشقه
لاسباب كتيره اولها
ضعف الاحوال المالية للسواد الاعظم من الناس
تجد ان قزازة العرقي الان البلح الاصلي واد شمال السودان اصبحت بالفين وسعمائة وخمسون جنيها
الكش مشي بالف مائتين جنيه
عراقي العيش 700جينه
المريسه العبار مائة جنيه
العسليه ونادر ان تجدها 800 جنيه
الجكمور مصنوع من السمسم مسكر جدا الجردل الصغير بالف جنيه
السكر بقي غالي الحل شنو يا رفاق
| |
|
|
|
|
|
|
|
|
|
Re: ارتفاع سعر العرقي!!! (Re: muntasir)
|
انا يا زول طبعي وتطبيعي قزازتي وهنا اتقوقع
انتو مثقفاتيه مهزميين امام الازمة الاقتصادية وح تصيبكم في مقتل
انتو عالم من جماعات سكرانه دهشه وغرور ومرضانه بالانا ح تضيعوا الوطن بالعاميل حقتكم دي
كب يا ولد عرقي البلح الاصلي معليش الليله مافي مزا
خلينا من سخف حملة المؤهلات العلمية العالية
| |
|
|
|
|
|
|
|
|
|
Re: ارتفاع سعر العرقي!!! (Re: زهير عثمان حمد)
|
السكر بقي في الشهر مرة التكلفة مع الحلة أموال طائلة
الناس ح تحتفل براس السنة كيف
انتو ما تدعموا الكتاب المدرسي بس
كمان ادعمو الصامدين بعرض الوطن انهم في العقاب
في مثل سوداني بقول (اللي بقعد في الققاب بضوق العذاب)
| |
|
|
|
|
|
|
|
|
|
Re: ارتفاع سعر العرقي!!! (Re: زهير عثمان حمد)
|
العرقي شراب كعب جدا
ممكن تقول عليهو شراب بليد
ممكن يقتل الزول
والله جد
لانو مرات بصادق يكوم الكحول النتج من التقطير من النوع السام
مش بتسمع يقولو ليك فلان شقاهو عرقي
بس ياهو دا
ما عشان العرقي الشقاهو دا كان سمح وقوي
لكن عشان نوعية الكحول الفيهو كانت سامة وقاتلة
المريسة احسن شراب في الدنيا
وبعدها الكونياك
ال هينيسي والكورفوازير
وبعدو الويسكي
خصوصا الأنواع الخفيفة زي ال J and B
اب قزازتن خدرا
| |
|
|
|
|
|
|
|
|
|
Re: ارتفاع سعر العرقي!!! (Re: زهير عثمان حمد)
|
بعدين يقولو ليك فلان بايته معاهو
دا لامن الزول ينوم ويصحى وتكون آثار العدوان لسه معاهو
شي صداع وشي طمام بطن وشنو وشنو
دا كلو من العرقي الكعب
لانو الكحول عملت تأثير سلبي كعب جدا في الجسم
عشان اصلا هي ما صالحة
لكين لما تشرب حاجة نضيفة
كان شربت ليك برميل الحبة دي ما بتجيك
لا للعرقي
| |
|
|
|
|
|
|
|
|
|
Re: ارتفاع سعر العرقي!!! (Re: أبوذر بابكر)
|
العرقي السوداني يا أبا ذر محتاج شوية "بَربَحة علمية" لأنه من أنقى المشروبات الكحولية إذا وجد العناية التي يتمتع بها منافسوه. وذلك قبل أن يدخل الغش في الصنعة وعدم مخافة الله في أبناء المسلمين السكرجية.
يا زول ها، والله لو قامت معامل محترمة لتقطير العرقي وتمت تعبئته في زجاج نضيف ومضمون، عليّ "الغسم" ينافس كل المشروبات البيضاء. وبهذه المناسبة، المشروبات البيضاء لا تسبب صداعاً صباحياً. أسعلني منها.
العرقي الدنقلاوي تحديداً رصيد مُهمَل وفي حاجة لتطوير شكلي فقط، وبعد داك يا أسواق أوربا وأمريكا وآسيا جاك بلا.
ثم المريسة يا أبا ذر. هذا الخموج نفعنا كتير في أوقات الضيق، مع أن شكلها كعب، زي موية الطملة؛ أو كما قال المرّاسي عليه ألف سلام: (يا ماشي قوم لـ دوبا أرح *** أنا للشراب عقلي انشرح؛ الشيخة تضبح لك عتود *** والدقّة زي زبد القعود).
الدقة وجبة كاملة؛ هي أم المريسة قبل أن تطمبجها الشيخة بالموية وتقطع قلبها.
عرقي العيش سواها فينا ... سكّرنا وخلّانا طينة، أو كما قال أمحد علي البوادري رضي الله عنه.
| |
|
|
|
|
|
|
|
|
|
Re: ارتفاع سعر العرقي!!! (Re: Shinteer)
|
انت يا ابوذر
عايز بالسعر شنو
مش قلت لا للعرقي خلاص سعر ما في ليك
(أن الذين يحاربون العرق المنتج الوطني كأن ما يحاربون المنتجات الوطنية جمعاء )
| |
|
|
|
|
|
|
|
|
|
Re: ارتفاع سعر العرقي!!! (Re: Shinteer)
|
شنتير كيفنك ياخ
كلامك صاح تب والله في شأن المدعو العرقي
فعلا محتاج بربحه مجيهة
كان اتلقت تاني والله الفودكا والجن وكل من يتشح بالبياض
يشوفو ليهن بلد
انا اعتراضي كلو علي طريقة التقطير البدائية
وهي المشكلة الوحيدة لأنها بتطلع ليك كحول ما مظبوطة سواء في النوعية او في النسبة
مشكلتنا الكبيرة نحن السودانيين ما بنعرف نطور حاجاتنا
فابريقة النيل الأزرق زمان مشت كويس والله وقطعت شوط كبير في تطوير البيرة
والجمل الكان شعارها شكلو "عنافي" و بشاري أصيل
والله العزيزة ام جمل كانت ولا سائلة في رصيفاتها
ال هينيكن وال داب وال امستل
و"الشري" إنتاج المؤسسة الوطنية قطع شوط مقدر في التطور برضو
لكن عام الرمادة في ٨٣ قطع ليهم المسيرة الميمونة
الله يجازي الكان السبب
لكين الله في
هههههههههه
| |
|
|
|
|
|
|
|
|
|
Re: ارتفاع سعر العرقي!!! (Re: أبوذر بابكر)
|
إت خابر يا أبا ذر، أنا ما حضرت الشغاليت القلت عليها دي، لا بعرف فابريقة النيل الأزرق ولا البيرة والسودانية ولا الشري السوداني. وحتى ما كنت عارف أنه في إنتاج سوداني للشغاليت دي.
أنا حدي المريسة والعرقي الصافي، عرقي التمر (وأحياناً عرقي العيش الذي لا يطاق، ومعفن). ولو ربنا سهَّل عندي فكرة لتطوير عرقي التمر، لأن يشبه شراب الناس في العالم، ولا يحتاج إلا إلى شوية وجاهة وضبط في مستوى الكحول والتعبئة. يمين بالله تاني ما في شراب ينافسه.
ياخي حتى في عدم ضبطه الكحولي وعدم تعبئته في زجاج، فهو جدير بأن ينافش غيره وراسو مرفوع، كنّا بنطشم ونحن صبيَّن لحد ما نفقد الوعي، وبرضو تنوم وتصحى لا صداع ولا وجع ضهر. إذن هذا العرقي مفيد لوجع الراس الممكن يصيبك من شراب البيرة هههههههههههههههه
اصطغروللاهي.
اللبيض ما في زيو.
| |
|
|
|
|
|
|
|
|
|
Re: ارتفاع سعر العرقي!!! (Re: Shinteer)
|
واحد صاحبنا يا شنتير أفتى لينا في عرقي العيش
طبعا عرقي العيش ردئ جدا وبجوغر الزول
تشرب ليك منو جردل وما يسوي ليك الحبة
زولنا قال عرقي العيش صاح ميت
لكين بقوم جوه
ههههههه
| |
|
|
|
|
|
|
|
|
|
Re: ارتفاع سعر العرقي!!! (Re: أبوذر بابكر)
|
واحه فى تويتر جابت خبر غريب هن العرقى
المحت الى اشاعه بين البنات انو العرقى بيفتح اللون
Quote:
نفسي اعرف الزول الاقنع البنات و قال ليهم العرقي بفتح اللون و حتستفيدي شنو لمن تفتيحي جسمك و السواد من جوه زي ما هو
|
واحد فى الردود سالها
| |
|
|
|
|
|
|
|
|
|
Re: ارتفاع سعر العرقي!!! (Re: Asim Ali)
|
هههههههه
بكون سفوفه
تعرف يا عاصم
بعد لوثة نميري في سنة ٨٣، في واحد كان ببيع الشربة على مستوى
زى عشه ووكر في الديم وامبن في حي البوستة
الزول دا ابتكر طريقة عجيبة جدا
بقى يعمل طعمية وانت تجي تشتري الطعمية
تاكل حبة حبتين ولا تلاتة ووراها كوز موية
يمين بالله تطشم طشمة اخت الموت
اتاريهو زولنا بعمل عجين الطعمية بالعرقي ويخليهو تاني يخمر يومين
ويجي يرميها في الصاج
غايتو علي حسب تقدير الخبراء
حبة الطعمية الواحدة بتعادل كباية
| |
|
|
|
|
|
|
|
|
|
Re: ارتفاع سعر العرقي!!! (Re: أبوذر بابكر)
|
بالمناسبة ..
في واحد هنا حكى النكتة دي..
البيعرفه ويدل عليهو له جائزة .. كبايـة ؛
Quote: شلة من العطبراويين كانوا بيساهروا مع بعض ويسنسِنو.
وآحد منهم قام إتزوّج وإعتزل الشِلة لمدة شهر. أها بعد
قضى من المرا وطرا راح راجع للشلة. ضرب السِنّة
وساهر مع الجماعة، وحوالي الساعة إتنين صباحاً رجع
البيت لقاليك المرا قاعدة في قلب السرير ومبحلقة.
قال لها، يا مرا مالِك، المصحيك لي هسّع شنو ؟؟؟
قالت ليهو، يا راجل راجياك، إنت إتأخرت وين ؟؟؟
قال ليها، يا ولية ما إتأخّر، كان إتأخرت، أنا مأجّر
مِنِّك عجلة !!!؟؟؟... |
| |
|
|
|
|
|
|
|
|
 Re: ارتفاع سعر العرقي!!! (Re: HAIDER ALZAIN)
|
وضع العرقي والمشروبات الروحية في العاصمة القومية
انا بالجد كدا قررت التوبة النصوحة من عمايل ابليس وبسبب الغلاء الفاحش وجشع ستات العرقي
تعرفوا القزازة بقت بكم 2500الفين وخمسائة جنية للانواع الحقيرةوالنوع السيوير 4اربعة الاف يعني تسكر بس ما فيها اكل دي لا مزه
ولكن هنالك النوع الوصيه
دا تمشي تشتري التمر انت وتدويهو للخبيرة في اخر امبدة او جنب مشروع الجموعية برضو المشوار بعيد
تعرفوا بعد دا كلو تدفع ليها علي التنصيع الراقي خمسة الاف جنيه امس قالت تاني غير عشرة ما تجيني تاني
\شوفوا بالله معاناتنا مع قحت حتي العرقي في عذاب جري مشوار
عشان اخير تكون كائن عايش علي الخيال والمتعة التي بتحلم بيها
دي مش ازمة اقتصادية دي ازمة عقول
معا لدعم العرقي كمنتج سوداني
| |
|
|
|
|
|
|
| |
زهير عثمان حمد
Hamid Elsawi
MOHAMMED ELSHEIKH
Hassan Makkawi
ABUHUSSEIN
HAIDER ALZAIN
أبوذر بابكر
Salah Zubeir
عبدالحفيظ ابوسن
Ahmed Yassin
Arif Nashed
معاوية عوض الكريم
محمد مجيدو
Mahmoud Mustafa Mahmoud
توفيق عيسى مكي
Amin Eltaib
عمر التاج
علي عبدالوهاب عثمان
Deng
النذير حجازي
Asim Ali
بشير ميرغني سعيد
بدر الدين الأمير
علي دفع الله
Hasheem Karouri
Shinteer
Moawia Mohammed
عزالدين عباس الفحل
adil amin
معاوية المدير
زهير ابو الزهراء
فيس بوك
تويتر
انستقرام
يوتيوب
بنتيريست