|
كتب الكاتب الفاتح جبرا المتوفرة بمعرض الدوحة
|
|
 Re: شكرا وزير المالية .. فرح الغلابا .. عز يوم و� (Re: علي عبدالوهاب عثمان)
|
نص كلام الوزير في موقع اخبار السودان :
حدّدت الوزارة مبلغ 500 جنيه لكل فرد من أفراد الأسرة، وأكدت أن المبلغ يُخضع للتعديل بشكلٍ دوري وفقاً لحالة التضخم، وأوضحت أن تحويل المبلغ الإجمالي المستحق سيتم تحويله لرب كل أسرة. بحيث تحصل الأسرة المُكوّنة من 6 أفراد على مبلغ “3000” ألف جنية شهرياً.
وقال وزير المالية د. إبراهيم البدوي، بحسب بيان للوزارة أمس، إن مشروع الدعم النقدي المباشر للأسر يأتي في إطار الرؤية التنموية طويلة الأجل للحكومة الانتقالية، معلناً أن البرنامج يستفيد منه مُستقبلاً “32” مليون شخص أي ما يعادل 80% من جملة السُّكّان.
| |
 
|
|
|
|
|
|
|
|
Re: شكرا وزير المالية .. فرح الغلابا .. عز يوم و� (Re: علي عبدالوهاب عثمان)
|
بالله 80% من سكان السودان يستحقوا دعم
يخرب بيت الكيزان 20 مليون دولار في الشهر لبشه
وعصام احمد البشير يمتلك أكثر من نصف قناة النيل الأزرق
بالله حبيبنا شيخ عصام كان ليبرالي للدرجة دي ..
يعني دخله كان من أغاني وأغاني
من ابناءنا وبناتنا ناس هدي ، وطه وغيرهم
طيب المنظمة الاسلامية .. تأخذ قروشهم من هنا
وجلد وجرجرة من هناك ( بنطلون ضيق .. كشف الشعر ) دي من اسباب الدخل
يا جماعة ما بعرف بالعربي .. واحد يستلم البوست بحكي طاعم
مع الحفاظ على حقوق صاحب الفكرة ( أنا )
| |
|
|
|
|
|
|
|
|
|
Re: شكرا وزير المالية .. فرح الغلابا .. عز يوم و� (Re: علي عبدالوهاب عثمان)
|
يعني قريبي اللي في دروشاب هناك
اذا الليله صرفوا ليه 3 الف جنيه كان ماهية استاذ
وهو وأولاده ظبوا عشاء تمام ( فقط عشاء )
مش افضل سياحة ليهم ..
غايتو ده أجمل وزير مالية منذ الاستقلال
اذكر زمان الهندي وبند العطالة
وفي واحد نسيت اسمو ( صلاح مين كدا ) عدل الرواتب ايام النميري
أذكر اني صرفت الفرق 94 جنيه .. في ضواحي الدنيا
خليت للوالد الله يرحمه 30 جنيه .. باقي طوالي الخرطوم
سياحة .. شارع الجمهورية .. أيام العز ..
| |
|
|
|
|
|
|
|
|
|
Re: شكرا وزير المالية .. فرح الغلابا .. عز يوم و� (Re: علي عبدالوهاب عثمان)
|
ابن عمي يمزح معاي
قال لو عايز مصاريف ممكن ليك نحولها ليك من ضواحي الدنيا للخليج
هو مرتبه 32 الف وابنته طبيبة تخرج جديد 22 الف جنيه
بالريال سعودي حوالي 1300 ريال بالدولار حوالي 300 دولار
احسن من واحد في السعودية براتب 4 الف ريال يدفع الايجار ورسوم الاقامة والاعاشة
كمان في ضواحي الدنيا لا ايجار بيت والخضار واللبن من الحواشة
لازم تمثال لحبيبنا بدوي في اكبر ميدان في العاصمة
شكراً كثير بدوي الحبيب .. أجمل وزير مالية في تاريخ السودان
المهم أهلنا اليوم آخر انبساط وخاصة المعلمين والممرضين ..
عز يوم ولا بهدلة سنة ..
| |
|
|
|
|
|
|
|
|
|
Re: شكرا وزير المالية .. فرح الغلابا .. عز يوم و� (Re: Arif Nashed)
|
أصبحنا نسير في ركب الدول المحترمة.
=========================
حبيبنا عارف أمبس
أنا قياسي للوضع برأي أهلنا الغلابا
قبل فترة كانوا زعلانين بتسعيرة القمح للشوال 3500 جنيه وأنا كنت محبط
المهم البنك الزراعي ما قدر يطبق السعر والمزارعين قالوا الاستلام في قيساب
داخل الحواشة .. المهم عندنا البنك الزراعي ليس لديه القدرة على نقل كل المحاصيل
يعني من كل حواشة .. الحكاية عايزة قافلة من الشاحنات
شخصياً كنت زعلان من التهديد بالسجن لعشرة سنوات للمزارع الذي لايسلم محصوله
بالله يا الحبيب عارف عمرك سمعت واحد هدد ليهو مزارع بالطريقة دي
يا خي ده الجيش الاخضر في خط الدفاع الأول عن الجوع .. التربال ده يستحق الدلع
ديل في مقام الملائكة .. ناسنا زرعوا بدون أي تمويل من البنك الزراعي .. طيب كيف ؟
المهم مع تواصلي مع البلد مرة لقيت الايامات دي الفرحة بلا حدود .. بسبب قرارات حبيبنا بدوي
تحياتي الحبيب عارف امبس ... مع رجوعي للحبس الاختياري .. المكتب منتهى الفوضى ما في إلتزام
بتعليمات كورونا ..
| |
|
|
|
|
|
|
| |
علي عبدالوهاب عثمان
Arif Nashed
فيس بوك
تويتر
انستقرام
يوتيوب
بنتيريست