كتب الكاتب الفاتح جبرا المتوفرة بمعرض الدوحة
|
Re: و لجنــة التفكيك.. فضيحــــة على الهـــــ� (Re: Arif Nashed)
|
غايتو يا ابوالريش مع احترامي ليك لكن الموضوع دا ما بستحق عنوان لهذه الدرجة الموضوع بسيط جدا كل الشعب السوداني خاصة في المبالغ الكبيرة بقول المبالغ الكبيرة بالعملة المحلية بالرقمين مثلا تلاتة مليون لقطعة ارض بعد شوية بقولك بتلاتة مليار هكذا يتحدث الشعب تحياتي
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: Gafar Bashir)
|
ملخص مؤتمر لجنة ازالة التمكين 9 يونيو 2020
حجز اموال المخلوع الذي كانت له نثرية وصلت من 20 مليون دولار الى 3 مليون دولار حتى في اواخر أيام حكمه الحالكة انهاء خدمة بعض العاملين ب 98 مستشار بوزارة العدل 26 من العاملين بالتأمين الصحي 21 من العاملين بوزارة العمل والتنمية الاجتماعية 16 من العاملين بالصندوق القومي للمعاشات انهاء خدمة 230 من العاملين بديوان الزكاة 148 من العاملين بالوحدات التابعة لشئون مجلس الوزراء 7 من العاملين بالمجلس القومي للسكان مفوضية العون الانساني 42 الامانة العامة لمجلس الوزراء 56 انهاء خدمة عدد 7 من العاملين بالامانة العامة بمجلس السيادة مع طرح جميع الوظائف أعلاه لابناء الشعب السوداني
وضع اليد وحجز اموال وحسابات واسترداد اسهم واموال ومنقولات وعقارات بعض الشركات والصرافات المملوكة والتي كانت تعمل على تمويل الزحف الاخضر والنظام البائد صرافات شركة اليمامة الهجرة ارجين الفجر ديرة الرازي باب المندب الافريقية
الشركات التي كانت تمول الحساب التجميعي في شركة منتجات البترول لتمويل المؤتمر الوطني والحركة الاسلامية والامن الشعبي وانشطتهم ومنسوبيهم
لازوتين للتنمية والاستثمار المحدودة شركة بتروباش المملوكة لشركة النيل وكانت واجهة لتحويل الاموال من القطاع العام للخاص (بشير حسن بشير ) من قيادات الاسلاميين شركة امان للبترول شركة حريص العالمية التي استوردت باصات معطلة لولاية الخرطوم شركة عقاركو الدولية للخمات المحدودة شركة منتجات البترول المحدودة مع استمرار عملها وادارتها تحت اشراف وزارة الطاقة والتعدين شركة جت ون للطيران والحجز على الطائرة
تفعيل لجان إزالة التمكين بالولايات
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: وهبه الشبلي احمد)
|
لو عملوا حاجة كويسة فهذه مهمتهم اساسا التى تشكلت لجنتهم من أجلها.. هل تعتقد أن هذا موضوع خلاف؟ الكتابة دائما عن المطلوب و ليس عن الإنجاز.. من الدروس الاولى فى الصحافة انه لو عض كلب إنساناً فهذا ليس خبر، ولكن الخبر لو عض إنسان كلباً.
بس خايف تقصد نقعد نطبل للجنة و نتغاضى عن عثراتها.. أو تقصد أن عضو اللجنة الموقر مصنوع من زجاج و ممكن يتكسر لو ما كتبنا عليه قابل للكسر. و لم أكتب كلمة فضيحة عبثا، بل لأن المؤتمر يشاهده العرب.. بل الغرب الذى يحتاج مترجمين.. بالله عليك كيف سيترجم خواجة درس اللعة العربية عبارة (بقيمة مية الف جنيه اى مئة مليون جنيه)؟ سيترجمها كالاتى: ًWe have confiscated a property with the value of a hundred pounds which means a hundred million pounds
بعدين أسوأ من كدا.. هذا الحديث عن عملتين يعتبر ترويج لعملة غير قانونية مما يعرض صاحبه للمحاكمة.
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: Gafar Bashir)
|
سلام ابوريش
كان في رفض شعبي جماعي لقرار المخلوع بسحب 3أصفار من العملة
بدلاً عن الإنتاج و رفع قيمة الجنيه. لأن تغيير أسم الألف جنيه إلى جنيه
واحد كان معناه تقنين التضخم بدلاً عن محاربته و ضبط الأسعار.
لذلك أزعم ان اللخبطة كانت عفوية في البداية كدفاع عن النفس بطريقة
غير مباشرة ثم لاحقاً أصبح التخلص منها صعب.
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: نعمات عماد)
|
كلامك تحليل نفسى ممتاز و صحيح.. لكن ما بال مسؤولين على اعلى مستوى فى الدولة .. يعنى عبارات زى: استولينا على عقار قيمته 6 مليار جنيه.. يعنى 6 مليون.. و كذلك عدة بصات قيمتها 200 مليون يعنى 200 مليار..😁 انا متاكد لو الخليجيون سمعوا المؤتمر الأخير ح يجوا السودان و يفتشوا (للنوع دا) ههههه
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: Abureesh)
|
Quote: استولينا على عقار قيمته 6 مليار جنيه.. يعنى 6 مليون.. و كذلك عدة بصات قيمتها 200 مليون يعنى 200 مليار..😁 انا متاكد لو الخليجيون سمعوا المؤتمر الأخير ح يجوا السودان و يفتشوا (للنوع دا) ههههه |
اللجنة تخاطب السودانيين وليس الخليجيين والمعلومات في خطاب اللجنة مستهدفين بيها السودانيين ونحن في السودان لو ما قالوها لينا كدا ما بنفهم المقصود يعني لو واحد قال 6 مليون جنيه طوالي بنسألوا "6 مليون جنيه بالجديد ول بالقديم؟" عشان كدا حسناً فعلت اللجنة ووفرت علينا السؤال.
لو داير تترجم بالإنجليزي الجنيه القديم يرمز له بSDP أما الجديد فرمزه SDG يعني لو كتبت We have confiscated a property with the value of a hundred SDG مافي زول حيسألك يقول ليك بالقديم ول الجديد
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: Hafiz Bashir)
|
Quote:
اللجنة تخاطب السودانيين وليس الخليجيين |
بذلت مجهود جبار فى التبرير..
فى جنيه واحد فى السودان.. هو اللى الناس قاعدة تسحبه من البنك و تشترى بيه. اتهى البيان.. بالجديد و بالقديم دا كلام ما عنده أى معنى.. و على الحكومة توعية الشعب بدل مجاراتهم.. زمان فى المدرسة كنا ممنوعين نتكلم بالرطانة.. المانع شنو الحكومة تمنع الحساب بعملة ما موجودة أصلاً.. الجنيه القديم دا مافى زاتو.. بعدين أنا ما قلت اللجنة قاعدة تخاطب العالم، لكن قلت العالم يشاهد لأن هذا تلفزيون يشاهده كل العالم العربى و الدولى.. فلو شاهدوا هذا المسؤول يتحدث بهذه الطريقة الغريبة جدا سيكون منهم من سيعتقد أنه مسطول.. فعلا لزول ما بيعرفه شكلو يقول كلام مساطيل. بعدين ال SDP دا وين.. هل اشتريت بيه قريب دا أى شئ؟
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: Abureesh)
|
تحياتي الحبيب محمد عثمان ، نحن مجهجهين ثلاثين سنة ما نتحمل جهجهة ثلاثون دقيقة ، ربما خلط الأرقام ناتج عن المسيمات في فترة الحكم وعن الأصفار التي أضيفت أو أزيلت .
ولكن أذكر في أحدى إجازاتي كان هناك تغيير في في مسمى العملة ، المهم أخوك شايل أمانات ناس بقيت أوزع بالزيادة وفجأة إكتشفت أن القروش نقصت ، بس الحمد لله الناس طلعوا
أمينين جو راجعين وقال لي رجعنا لوالدنا وقال المبلغ كذا ولذا عدنا لك بالمبلغ الزائد ،،، شخصيا لا أرى فضيحة أن خلط الأمر لدى الرجل ولكن المصيبة ما تم إعلانه عن مخصصات
كان يستلمها رأس الدولة ونحن كنا في حالة (General anesthesia) .
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: ولياب)
|
الجديد دة بتكتب في الأوراق الرسمية فقط لكن مافي زول في عامة الشعب بتعامل بيه لسة الناس بتقول مليون
اللجنة عاوزة تفهم الشعب .. الأوراق الرسمية بتتقدم براها ما في المؤتمر يعني لو قالوا لي الطاهر التوم شال 5 مليون في شهر واحد بقول مبلغ بسيط ما بستاهل كمية التعريض العملها أيام الثورة لكن لما يقولوا لي 5 مليار بفهم إنه الموضوع بستحق
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: أحمد محمد عمر)
|
يا أبو ريش انا اقصد انو ترسخ بعض المفاهيم في اذهان الشعوب من الصعب تبديلها في يوم وليلة وضربت لك مثل بالشعب الليبي الذي عجز عن استيعاب التغيير الدينار 50 سنة فكيف يفهم لك شعب السودان الموضوع في سنوات قليلة وكما ذكر لك الاخوان اللجنة لاتتعامل مع جهات رسمية بل تقرب المفاهيم لشعبها البسيط الذي لايعرف الا حساب الجنيه القديم .
ياخي طوال تعاملنا بالدينار أيام تنزيل الخرمجة الحضارية سمعت سوداني يقول دينار؟ الناس طوالي تضرب في 10
| |
|
|
|
|
|
|
Re: و لجنــة التفكيك.. فضيحــــة على الهـــــ� (Re: MOHAMMED ELSHEIKH)
|
Quote: انا اقصد انو ترسخ بعض المفاهيم في اذهان الشعوب من الصعب تبديلها في يوم وليلة وضربت لك مثل بالشعب الليبي الذي عجز عن استيعاب التغيير الدينار 50 سنة فكيف يفهم لك شعب السودان |
متفقين يا ود الشيخ، و الشعب الليبى له الحق يسمى الدينار جنه.. و حتى لو السودانيين سموا الجنية الجديد بشه الكضاب ما عندى مانع.. لكن الكلام بتاعى عن إسمين يذكروا فى وقت واحد. ما أظن الليبيين يقولوا هاك المية دينار اللهى مية جنيه دى خليها معاك.. ولكن يقولون هاك المية جنيه دى.. لو الحكومة ما معترفة بالجنيه الجديد يرجعوا الأصفار ما عندى مانع. تجى عاوز تشترى حاجة يقول ليك بمية الف.. تسأله بالجديد و اللا بالقديم؟ ونسـة فارغة و مضيعة للوقت . لو حسبت وقت ممثل اللجنة يا باشمهندس الذى قضاه فى البيان و كان 10 دقائق، فلو ذكر عملة واحدة لأختصر الوقت الكلى الى 7 دقائق أو على الأقل 8 دقائق.. هسى قول صحفى عربى يتابع البيان و عاوز يكتب تقرير لجريدته.. حيكتب شنو؟ مليون واللا مليار؟
| |
|
|
|
|
|
|
|