|
كتب الكاتب الفاتح جبرا المتوفرة بمعرض الدوحة
|
|
 Re: قصة الكعبة المشـرفة الظهرت في الدمازيـن ش (Re: muntasir)
|
| Quote: واحد حبرتجي قال للجماعة الكعبة ظهرت في أوضتي ودور البيزنس غايتو لو عمل فرانشايز بنقدم |
سلامات حيدرنا ... زولك ده بكون قايل الكيزان لسه قاعدين ...
مونتا ،،،
كلما اقرا كلمة فرانشايز
اتذكر اول التسعينات واحد من الاخوان كان شغال في السكة حديد في كندا و حصلت ليه اصابة عمل فقبض تعويض محترم
لما سالوه حترجع شغلك تاني ؟
خلف كراعه جادي جدا و قال .. ابدا .. انا بفكر اشوف لي اي (فرنش فرايز) و ادخل عالم التجاره ...
| |
  
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: walid taha)
|
| Quote: حسب المنطق لا يمكن تواجد شئ واحد فى مكانين مختلفين فى نفس الوقت ! |
يا زول دة كلام شنو! الدين كمان فوقه منطق؟
ماهو دة عمر بن الخطاب قاعد في المدينة المنورة صوته وصل لحدي نهاوند لا موبايل لا ثريا وكمان سارية المحاصر من كل الجهات لما جاهو صوت أمير المؤمنين يقول ليه يا سارية الجبل طوالي جرى اتدسى هناك ونجا المؤمنون
يا زول إن دخلت المنطق الحج كلو بمرق كيت والله جد 
بدءً من اللبس العريان لحدي فليق الشيطان :)
_______
لكن يا اخوانا الدمازين بعيدة لو فتحوا لينا واحدة في مدني ولا حتى الخرطوم وتكون هادئة ومكيفة ما بطال
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: أحمد محمد عمر)
|
| Quote: لكن يا اخوانا الدمازين بعيدة لو فتحوا لينا واحدة في مدني ولا حتى الخرطوم وتكون هادئة ومكيفة ما بطال |
يا ابوحميد ..
زمان واحده مصرية مشت الحج و كان شهر ٨ و مكة مولعة نار
بعد طواف القدوم قربت تدوخ ... قالت لي جارتها ..
هو سيدنا ابراهيم ما شافش هوا و طراوة اسكندرية في الصيف ؟
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: MOHAMMED ELSHEIKH)
|
يعني كلكم عاوزين تفهموني انه الناس ديل غلطانيين والا داقسين !
ما اظن .. لانه الحديث بيقول لا تجتمع امتي على ضلالة دا من ناحية
من ناحية تانية الماتع شنو يعني الكعبة تظهر بالدمازين عندكم شك في قدرة ومشيئة الله !
الناس طالما إنداحت ودفعت قروش وجبجبت معناها الموضوع يستاهل ..
لو 2010 دا ختف كراعه ومشي هناك عسى ولعل العليـهو دا ينزل ..
عموماً عندي كم قصة كدة بمشي وأجي احكيهن ..
باقي الأيام دي لامي في طبقات ود ضيف الله هههههههه
الشيخ إدريس ود الأرباب كما يثحكى عنه في الطبقات قال بحرمة التنباك وأفتى انه لا يجوز
وإستند في دعواه وفتواه على إنه الرسول صلى الله عليه وسلم جاءه في المنام وأفتى ليهو بحرمة التمباك ..
الجماعة الحللو التمباك وأباحوهو لم يقتنعو واشتكوهو للسلطان ..
بعد مداولات ختو واحد من القضاة حكم ..
القاضي مشى مسافة أخد نومة وجاهم بتأييد تحريم التنباك
قال في النومة جاهو الرسول ( ص ) واخبره انه فعلاً جاء لإدريس ود الأرباب وقال ليهو قلت ليهو التمباك حرام ..
المهم قبل ما تخلص القصة قوم يا واحد من حوار الارباب رسلوهو بواسطة السلطان مصر عشان ينشر فتوى تحريم التمباك الفيهم جماعة اباحوهو منهم على الاجهوري
حوار الارباب جاء للاجهوري في الجامع شايل منشور الأرباب كاتب فيهو :
سمعت رسول الله صلى الله عليـه وسلم يقول .....
قال ليك الاجهوري رمى للحوار كتاب الارباب وقال ليهو ..
يابربري شيخك كان صحابي ؟؟!
فعلم الله واسع يا إخواننا ما تضيقوها ساي
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: HAIDER ALZAIN)
|
ذكرتني عجلة سيدنا ادم في جدة😅😅
قال واحد باكستاني سواق ليموزين باقي ليهو زي عشرين ريال عشان يكمل الإيراد اليومي قدر ما لف ما لقي ليهو زبون.
شاف ليك معتمرين اسيويين وقف بالقرب منهم وقال ليهم.
صديق انتا شوف عجلة سيدنا ادم قالوا ليهو لا.
قال ليهم لازم شوف وسوس طواف.
المهم اقنعهم وركبوا معاهو وداهم دوار العجلة في شمال جدة عبارة عن مجسم عجلة ضخم جدا ونزلهم هناك وقبض العشرين ريال والجماعة نزلوا يشوفوا.
😅😅😅😅😅
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: Arif Nashed)
|
| Quote: هو سيدنا ابراهيم ما شافش هوا و طراوة اسكندرية في الصيف |
| Quote: عندنا ليك واحد رمضان مظبوط ينفع؟؟؟ |
زمان عزام فرح قال يوم عرفة ما 9 ذو الحجة وممكن يكون أي يوم في أشهر الحج اللي هم 116 يوم
هسة كان الناس خلتو لاجتهاداته دي كان اتصرف لينا في رمضان
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: HAIDER ALZAIN)
|
هلا حيدر
طبعا شيخ ادريس ودالارباب دي جدي وجد كل ناس واوسي
بعدين اهلنا بقول مولود بفركة من بطن امه
حتى لا ترى النساء عورته وهو بعد طفل
عشان كدة اسمو الشيخ ادريس ابوفركة
طبعا انا كمثقف بنيوي حكاية الفركة ما مقتنع بيها
ولكن ذكرتها ليك عشان اهلنا بقولوا كدة ومقتنعين
ولده جدنا الشيخ عبدالقادر يُقال في طبقات ضيف الله دي
انه رفض ان ياكل في بيت ابوهو باعتبار الوالد ياكل من مائدة السلطان
وذهب بعدها من واوسي نحو الجزيرة اسلانج والجزيرة والغرب
ولكنه عاد اخيرا ومات ودفن واوسي في قبة عظيمة هناك
حلتنا اسمها واوسي الشيخ عبدالقادر وهي واحدة من ستة قرى تكون منطقة واوسي الكبرى
طبعا حكاية انو جدنا الشيخ عبدالقادر معارضة
قاعدين نقول لابناء عمومتنا ابناء الشيخ محمد
انو نحن المعارضة دي تجري في دمنا وراثة عديل وجينات منذ السلطنة الزرقاء
من جدنا المناضل الثوري
الرافض لمائدة الحكام
اصالة ووراثة معارضة منذ الازل هههه
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: عبدالمنعم الطيب حسن)
|
Quote: كان اتصرف لينا في رمضان
|
السنة دي يا هندسة مع الحظر دا
رمضان امنقة شيء
تصحى المغييييرب تاكل وتشبع وبعدها تتذكر انو في رمضان تقوم تشرب موية وشاي
اما لو الظرف تغير والشغل في الدهب او الزراعة
فهنالك فتوى لصديقي خلف المزارع
انو مع الزراعة دي ولاحقا الدهب الصيام صعب ويفتي قائلا:-
الله ما مر بالهلاك
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: نادر الفضلى)
|
| Quote: الله ما مر بالهلاك |
أيام الماجستير قلت رمضان دة ولا بقعد في الخرطوم ولا حاجة بقيت أجي المحاضرات المهمة بس أحضرها وارجع مدني في نفس اليوم
وطبعاً أخوك رخصة الإفطار دي ولاااااا بفرط فيها :) بكون شايل معاي باغة الموية الساقطة أول ما البص يتعدى تفتيش مدني بكتحها ليك
مرة طلعنا من المحاضرة لصلاة العصر وانا في الوضاية جمبي سلفي قااااطع من النوع الما بتفاهم داك بقيت بشيل حبة موية بي يدي من الماسورة أبلعها وامرر يدي في وشي وأقول ليه والله صحي زي ما قال العربي لو ما جغيمات الوضوء دي كنا متنا :)
صاحبك يعاين فيني يلقاني ببلع يقول لي يا زول دة افطار عمد أعمل حسابك وانا أقول ليه هو وينو الفطور؟ دي جغيمات ساي ما فوكا حاجة
صاحبك وشه حمر وبقى يرجف من الزعل الجماعة يهدوا فيه ويقولوا لي الدنيا سخانة وأي حاجة لكن أعمل حسابك في المضمضمة وانا أقول ليهم يا اخوانا انتو أول مرة تسمعوا بي جغيمات الوضوء ولا شنو؟
في النهاية السلفي خلى الوضوء وطلع في المسطبة عمل مخاطبة في الحمامات عن المجاهر بالمعصية وتكفيره https://sudaneseonline.com/db/attention/010_Smile.gif وانا أضحك سااااي لحدي ما واحد صاحبي طرشق علي المتعة قال ليهم يا اخوانا أحمد دة فاطر برخصة السفر :)
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: أحمد محمد عمر)
|
| Quote: لو 2010 دا ختف كراعه ومشي هناك عسى ولعل العليـهو دا ينزل |
يا زول نحن لينا كم يوم بناقش مع الشباب موضوع كعبة مدني
قلنا ليهم مارنجان ما بتجيب دخل كلفنا واحد يشيك لينا على مبنى سينما الزمالك فاضي ولا مشغول
ياخي دي كان ظبطت معانا أمانة ما نعمل ليكم حج بتقنيات عالية أولها مزلقانية الطواف
تطلع بالسلم وتتزحلق السبعة أشواط .. دة غير السعي بالركشة
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: أحمد محمد عمر)
|
صاحبنا يا احمد عمر عرس في رمضان
والحنة العصريات ولانو صاحبي شديد قاعد متحنن معاهو وصايمين نفك الحنة
ونفطر فطور رمضان
يوم العرس الحفلة مدورة بالليل واحد قاعد فوق الحوش قال يا جماعة رمضاااااان
رد عليهو واحد من جوة الدارة رمضان منو رمضان زايد
صاحبنا شهر عسلو في كسلا
الصباح فاطر وماشين على كسلا
واستمر في كسلا اسبوع وجاء الخرطوم
وبرضو نزل في الفندق اسبوع كلو فطور
المهم الفطور جاب نتيجة الان تدرس في اولى جامعة
النتيجة دي
ههههههههها
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: محمد على طه الملك)
|
ههههههه لا لا ديك نتيجة صاحبه ما نتيجته
زمان عندنا شيخ كان بتكلم عن مسافة الإفطار قال ابن حزم قال إذا اختفت الديار
صاحبنا شبك ليك في ابن حزم دة ولا شيكنا ذاتو على كلامه صاح ولا غلط
كلما ما اليوم يسخن يقول عربيتي برة أرحكم نصل السوار بس نفطر ونجي راجعين
غايتو الحمد لله لحدي ما انتهى رمضان ما عملناها رغم إنه ما هاين علينا نخالف ابن حزم
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: أحمد محمد عمر)
|
مولانا الملك منور يا باشا
داك صاحبي وبكرو كبيرة
دخلت السنة دي الجامعة خلصت
الكورس الاول ورجعت لمكة
في اخر طيارة تهبط جدة جاية من الخرطوم
بت بركة ورمضانية
...
الفي البروفايل دي فطومة القصب اللحمر
تبع حضروتونا
على وشك الدخول لمتوسطتها
طموحة وحلاتا
تحياتي يا ملك
......
| |
|
|
|
|
|
|
|
|
|
Re: قصة الكعبة المشـرفة الظهرت في الدمازيـن ش (Re: أحمد محمد عمر)
|
Quote: يا منعم ... ياخ جدك ابو فركة ادريس ود الارباب ده انشد فيهو سيدنا مبارك حسن بركات بجمال غير عادي .. بالله انت من العيلفون ..
|
مرحب استاذنا يحيى قباني كيفك يا زعيم
انا من واوسي ولكن اهل واوسي والعيلفون وامضوبان ابناء عمومة
للشيخ ادريس ود الارباب ولدين بواوسي والبقية بالعيلفون والجديد الثورة وهكذا
معظم اهل اسرتنا من جهة ابوي ما زالوا يقيمون شرق ام ضوابان
وبعضهم بواوسي
.................
ابدعت في تسمية مبارك حسن بركات بسيدنا بالفعل هو كذلك
صوت وحضور لاغاني الحقيبة مبالغة ظللت لسنين عندي شريط واحد في العربية لسيدنا مبارك حسن بركات
..............
تحياتي يا زول يا نيل
| |
|
|
|
|
|
|
| |
HAIDER ALZAIN
يحي قباني
walid taha
MOHAMMED ELSHEIKH
Hafiz Bashir
Arif Nashed
عبدالمنعم الطيب حسن
محمد على طه الملك
نادر الفضلى
نعمات عماد
ABUHUSSEIN
كمال عباس
Mahjob Abdalla
Asim Ali
فيس بوك
تويتر
انستقرام
يوتيوب
بنتيريست