٢ % شايلين السلاح وقالوا ما حنخته الا الكبسة تبقة الوجبة الرسمية للسودان ، الناس البتحب الكبسة وهم ١% قعدوا يحنكوا في ال ٩٧ % يا جماعة باركوها عشان السلام ، والله عالم انه غرضهم الكبسة مش السلام ، والعقلاء قالوا ليهم خلاص اتلموا كلكم في حتة ونفتح ليكم مطاعم كبسة وخلوا بقية الشعب في اكلاته المعروفة المتعود عليها. قالوا لا ، الا تاكلوا معانا الكبسة. ياخ نحن ما بنحبها انتوا البتحبوها اكلوها وخلونا ماعندكم معانا شغلة. ابدا ، اكلاتكم دي هي سبب الحروب والمجاعات والرجعية وبتعمل عجز جنسي كمان 😂 وغالبية الشعب رافضها والغالبية معانا . كلام جميل ، نعمل استفتاء. هنا حركات الكبسة ثارت : استفتاء لأ ، المباديء مافيها استفتاء ، اكل الكبسة من الحقوق الاساسية وما ممكن نساوم فيها 😂. يا ابني خلافنا مافي انك تاكل كبسة ، خلافنا في انك عاوز تأكله لينا بالرجالة ونحن ماعاوزنها . طيب السلام حتجيبه كيف ؟ لا زولك شايل سلاح عشان يفرض علي اكل الكبسة ليه من اساسه؟ دي مش قضية عادلة عشان اجامله فيها . كدة الحرب حتستمر . خليها التستمر وحتقع عليك المسؤولية التاريخية؟ يا جنا انت عبيط؟ 😂 ( منقول من صفحة عبدالدائم نوري وعلي مسؤولية كاتبه 😂 )
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
عبدالله محمد احمد بلة
فيس بوك
تويتر
انستقرام
يوتيوب
بنتيريست