|
كتب الكاتب الفاتح جبرا المتوفرة بمعرض الدوحة
|
|
 Re: بكرة إضراب الصيادليات وبعد يومين تنتهي مه (Re: عبدالعظيم عثمان)
|
وزير الصحة دا قاعد يعمل شنو يا ناس
لا قادر يحل مشكلة الدواء
لاقادر يحل مشكلة المستشفيات
لا قادر يحل مشكلة الأطباء
إذا بنك السودان أخل بالتزاماته تجاه دولار الدواء
اطلع اتكلم يااخ
إغلاق المستشفيات المسؤول منه
التأخير في اجازة قانون حماية الكوادر الطبية
المسؤول منه منو
الكلام الفوق دا كله حيقع على راسك يا وزير الهنا
| |
 
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: عبدالعظيم عثمان)
|
الحمدالله الصين وصلت السودان مع 30 طبيب و 70 طن ادوية
عرفو درب الصين ما في اي مشكلة
خلي الهرطقة السياسية دي تنفعك
الادولية مفروض ترجع للامدادات الطبية فقط والمؤسسات مش يستوردا بنك فيصل الاسلامي وصعاليق الاخوان المسلمين عبر 30 سنة من الابتزال
لازم ترجع الادوية عبر مؤسسة الامدادات الطبية زي زمن الرشيد 1989 وهي مبانهيا في الخرطوم جنوب
الدواء ما مسخرة راسمالية طفيلية
اي وزارة ترجع اقتصاد المؤسسات بس
وزارة الصحة ترجع الامدادت الطبية وتحصر الدواء مداخلو ومخارجو
| |
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: Hasheem Karouri)
|
يا هاشم الوزير دا فاشل
انا موضوعي مع وزير صحة في حكومة الثورة
ما قدر المسؤلية وشغال يدير وزارة الصحة
بي طريقة حتعرض الحكومة لي مخاطر كان
يمكن تلافيها اذا كان من يدير الوزارة شخص
له خبرة في إدارة الأزمات أو حتى خبرة إدارية
بالله الصبر عليه لشنو؟
الصيادلة قالوا رفوف الصيدليات فاضية
وما عندهم دواء
الوزير ما قادر يصل لي صيغة تحفظ إمداد الدواء
ولا قادر يقلع من بنك السودان ال %10 الخاصة بي
واردات الدواء
الزول دا تعبان يا هاشم
احسن يمشي والناس تفتش ليها وزير تاني
| |
|
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: عبدالعظيم عثمان)
|
غايتو زي غباء وزارة الصحة الزول ما ممكن يشوف
بنك السودان يلغى تخصيص 10% من حصايل الصادر
للدواء... يقوم وزير الهنا برفض تسعيرة الدواء
بدل ما يضغط الحكومة توفر دولار الدواء بي سعر
بنك السودان.. الوزير يا ناس تعبان تعب الموت
لا رجاء ولا أمل في تحسن أدائه في الوزارة
خلوه يمشي ماتوجعوا قلب الناس على الفاضي
Quote: ويعاني السودان من ضعف في الخدمات الطبية وشح في الأدوية خاصة المنقذة للحياة مع ارتفاع سعرها، نتيجة ضعف الاستثمار الحكومي في القطاع الطبي طوال عقود.
وقالت اللجنة، في بيان، تلقته "سودان تربيون"، الخميس: "سعينا منذ فترة لتحسين واقع انعدام الدواء وتخفيض سعره وتحسين بيئة عملنا بالتواصل مع الجهات ذات الصلة ولكن للأسف لم نجد آذان صاغية لتحقيق ذلك. وبناء على ذلك نعلن إضرابنا الشامل عن العمل من السبت وحتى الاثنين المقبل".
وأشارت إلى أن الخطوة تهدف للضغط على الحكومة لتتخذ قرارات بشأن توفير الدواء ودعمه، وأكدت على أن انعدام الدواء وصل حد الكارثة الصحية.
وقالت اللجنة إنها اتخذت قرار الإضراب بعد "خلو أرفف الصيدليات من الدواء بسبب توقف الشركات المستوردة والمصانع المحلية"، إضافة إلى التضارب في أسعار الدواء.
وألغى وزير الصحة أكرم علي التوم في نهاية أبريل الفائت، تسعيرة جديدة للأدوية صادرة من المجلس القومي للأدوية والسموم (حكومية)، قضت برفع أسعار الدواء المصنعة محليًا بنسبة 100%.
وحذرت تقارير صحفية في أبريل ومايو من انهيار قطاع الدواء، بعد تراجع الحكومة عن قرار تخصيص 10% من حصائل الصادر غير البترولية لاستيراد الأدوية، حيث يستورد السودان حوالي 60% من احتياجاته الدوائية من الخارج. |
| |
|
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: عبدالعظيم عثمان)
|
النصيحة يا عظمة تركيزك على دكتور أكرم بقى مريب جدا
ليه مركّز عليهو كده
الحكومة دي ملانة وزراء وفاشلين أكتر من أكرم
يأخ كان مسكت أي واحد فيهم بتملا يدك فشل
كونوا عيّن كوادر شيوعيين ما معناه فشل للاداء
ممكن يكون الموضوع ده يفتقد للعدالة والانصاف
لكن ليس معناه فشله في ادارة وزارة الصحة
الراجل الاقل فشلا حتى الآن بين الوزراء جميعهم
وده البخلي الزول يندهش لهجومك المتكرر عليهو
انت ما تشوف لينا وزراء الاعلام - المالية - الري
ديل ما تتناول لينا أدائهم شوية
يأخ قبّل على حمدوك ده مره مره كده من باب التنويع
لكن شغلك كله على دكتور أكرم !!
أمر مريب وعجيب
الزول ده ما يكون عاصر ليك جماعة من الاتحاديين
ومقوّمنك عليهو ..
لانه ما أظن انت شخصيا عندك تقاطع مع دكتور أكرم
لكن صراحة انا شايف هجومك جائر ووراءه هدف
لا دخل له بنقد اصلاحي لاداء وزراء المدنية
والا كان اتناولت غيره من الوزراء الفاشلين أكتر منه ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هذا مع كامل شجبي وادانتي لكل من يتعرض لك بساقط القول والشتم
و التخوين لانه عيب يحصل ليك كلام زي ده
لكن انت كمان خليك منصف وراجع نفسك
انت ظالم دكتور أكرم فالمساواه في الظلم عدل ..
كيل للوزراء الباقين فهم والله افشل من اكرم في اداءهم
| |
|
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: جمال ود القوز)
|
الاخ عبد العظيم / جمال ود القوز .
Quote: هذا مع كامل شجبي وادانتي لكل من يتعرض لك بساقط القول والشتم
و التخوين لانه عيب يحصل ليك كلام زي ده
لكن انت كمان خليك منصف وراجع نفسك
انت ظالم دكتور أكرم فالمساواه في الظلم عدل ..
كيل للوزراء الباقين فهم والله افشل من اكرم في اداءهم |
حتي لايسئ فهم مداخلتي مع الزميل عبد العظيم . لكن الهجوم الغير مبرر ، وفتح اكثر من خيط بهذا الخصوص ، والذم في الرجل وامكانياته وعمله ، ( رغم انه شئ صحي ان ننتقد الوزراء ) فنحن في عهد ديمقراطي ، والكل يحاول الاصلاح قدر مايمكن ، بعد دمار ربع قرن من الزمان .
وكما قال الاخ جمال ود القوز ، هناك فعلا وزراء ضعاف ، او لنقل اقل خبرة ، او ان مخرجاتهم لم تكن بالشئ المامول . فلما لانوجه سهام النقد لهم ، ويتم النقاش والحوار حولهم ، عسي ولعل تصلهم الرسالة ، بان عليهم تعديل مسارهم . ويتم الاصلاح .
وزير الصحة حتي الان اعتبره من اشجع الوزراء واكثرهم صراحة ووضوح ، فصرح كما سمع الجميع عن امكانيات الوزارة التي استلمها " للتو " . ومازالت تعج بالحانقيين علي الثورة ، ويفعلوا كل ماوسعهم لافشال الاعمال وتعطيلها .
اضراب الاطباء والصيادلة ، غير صحيح ، فهم لهم ممثلين في قوي الحرية والتغيير ، وتصدر التوجيهات من ذلك الجسم . ولا يتصرفوا فرادا .
اشاعات الاضرابات عن العمل ، ولي وقتها ، فلاتوجد حكومة بالمعني المفهوم لاسقاطها ، فيجب علي الجميع ان يعلم ان وقت الحصاد لم ياتي بعد ، فقطار الثورة يسير بصعوبة ، وسط العراقيل الكثيرة امامه ، وفي الغالب سيصل . اذا غلبت روح المصلحة العامة .
مع التحيه ،،،،
| |
|
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: Hasheem Karouri)
|
الاخ / عبد العظيم
Quote: بالله الصبر عليه لشنو؟
الصيادلة قالوا رفوف الصيدليات فاضية
وما عندهم دواء
الوزير ما قادر يصل لي صيغة تحفظ إمداد الدواء
ولا قادر يقلع من بنك السودان ال %10 الخاصة بي
واردات الدواء |
طيب يعمل شنو الراجل ؟
لقي وزارة فاضية ، كلها استثمارات ، وبزنس بين كيزان وزارة الصحة ، دون اي وازع او ضمير . ودون اهتمام بصحة الناس .
الشئ الطبيعي يعمل حسب امكانيته المتاحة ، فحاول التصحيح ، واقالة القطط السمان ومافيا الدؤاء في الوزارة ، فقامت القيامة عليه .
وفي وقت هذه الجائحة ، قام بالاجرأأت الطبية المتبعة في كل الدنيا ، وواجه الناس بالحقائق . ايضا لم يشفع له هذا .
سنعرف مقدرات هذا الرجل ، مع مرور الزمن .
تحياتي ،،،،
-----
| |
|
|
|
|
|
|
|
|
|
Re: بكرة إضراب الصيادليات وبعد يومين تنتهي مه (Re: جمال ود القوز)
|
يا ود القوز
الزول دا نطنش منه لغاية ما البلد كلها تلحق أمات طه
الوزارة دي حساسة لأنها مرتبطة مباشرة بحياة وموت الناس
صدقني لا عندي مصلحة في قطاع الصحة ولا لي اي علاقة
او منفعة او حاجة تخصني او تخص من له علاقة معي
موضوعي مع وزارة الصحة الوزير الفاشل دا المنفوخ وحولو جداد
أحمر شغالين قمع في اي رأي مخالف وشغالين تغبيش
تحياتي
| |
|
|
|
|
|
|
| |
عبدالعظيم عثمان
adil amin
Hasheem Karouri
جمال ود القوز
Asim Ali
فيس بوك
تويتر
انستقرام
يوتيوب
بنتيريست