كتب الكاتب الفاتح جبرا المتوفرة بمعرض الدوحة
|
Re: يجب اقالة الفريق شمس الدين الكباشي (Re: jini)
|
يا جني اهو.... انت انت لا رحت لا جيت...واقف سلك مكانك قف!
و لسة عامل فيها ود فلهواني بن فهمان! و طيب نفهمك اكتر البخلي كضباشي كوز و برهان ود بلد "رضي الله عنه" شنو يا شاطر...
اللهم الا في عقلية بتع النخب الفاشلة بشار بتغيير لمان نوعية عقليتك ده يتغيير
| |
|
|
|
|
|
|
Re: يجب اقالة الفريق شمس الدين الكباشي (Re: الفاتح شلبي)
|
ههههه ياخوانا خضر عندو مداخلة واحدة فى اليوم الداير خضر يرد عليه يكلم بكرى يزيد ليهو الغلة يعنى واحد زى الظلامى معتز القريش بستلم حصته كاملة ولا بجى حايم على المنبر وخضر يحبس فى مداخلة واحدة مش كفاية عليه حبس الكرونا اوع حد يسألنى خضر هبب شنو
| |
|
|
|
|
|
|
Re: يجب اقالة الفريق شمس الدين الكباشي (Re: بدر الدين الأمير)
|
سلام يا خضر المشكلة منو العندو قدرة وسلطة لإقالة كباشي او البرهان او حميدتي؟ الثورة لم تكتمل بعد والمرحلة التي أنجزتها الثورة حتى الآن هي فقط إشراك للمدنيين في الحكم ولكن مازال القسم الأكبر من السلطة في يد العساكر وأنا لا أقصد بالحكم هنا المناصب وتشكيل الحكومة فقط ولكن أقصد من الذي عنده القوة الحقيقية المتحكمة في صناعة التغيير. الطريق الوحيد لإقالة كباشي الآن هو العودة للترس
بشار صقر تحياتي صدق المشكلة ليست في أن برهان وكباشي كيزان او اولاد هامش ومركز المشكلة في إنو مازالت السلطات مركزة عند هؤلاء العساكر الذين لا يمثلون لا مركز ولا هامش بل يمثلون وجهاً من وجوه الدكتاتورية العسكرية.
| |
|
|
|
|
|
|
Re: يجب اقالة الفريق شمس الدين الكباشي (Re: Hafiz Bashir)
|
ألخ خضر سلامات
فعلا يجب مساءلته ثم إقالته...
المشكلة أي من ممثلي المكون المدني أو العسكري لم يفتح الله عليهم بكلمة أو تعليق على هذا الخطاتب البائس
الذي يعبر عن بؤس قائله..
أما عن لماذا لا تتم إقالة البرهان أو حميدتي ززلأنه هذا من ابتدر العداء بخطاب سقيم
و هؤلاء و أولئك لا يزالون يتخفون حول العبارات المنمقة..و هم ليسوا بعيدون عن المساءلة متى ما أخذت الثورة رونقها و سطوتها..
| |
|
|
|
|
|
|
Re: يجب اقالة الفريق شمس الدين الكباشي (Re: محمد عبد الله الحسين)
|
بعدين البحير حشر كلمة كوز في غير محلها المستفيد الأول والأخير من العراك المدني العسكري هم الكيزااااااااان شنو كوز وسجم رماد البحشروها إبتزازاً دي أنا لمن ألصق لي زول وصف كوز عارف لماذا مافي عسكري حقيقي كوز وأي واحد يصف الكباشي أو البرهان بأنه كوز هو إما غبي أو انتهازي مبتز ليس أكثر. بعد ذلك يبقى الكباشي غلطان في كلامو ول ما غلطان دا موضوع تاني بعدين نجي للتفاصيل ناس الحرية والبتغيير وحكومتهم سمن على عسل مع العساكر حصل شكو ليكم تغول حصل العسكر ؟! تاني العلف مما يصنع كيد الكيزان لزومو شنو ؟!
| |
|
|
|
|
|
|
Re: يجب اقالة الفريق شمس الدين الكباشي (Re: Hafiz Bashir)
|
Quote: سلام يا خضر المشكلة منو العندو قدرة وسلطة لإقالة كباشي او البرهان او حميدتي؟ الثورة لم تكتمل بعد والمرحلة التي أنجزتها الثورة حتى الآن هي فقط إشراك للمدنيين في الحكم ولكن مازال القسم الأكبر من السلطة في يد العساكر وأنا لا أقصد بالحكم هنا المناصب وتشكيل الحكومة فقط ولكن أقصد من الذي عنده القوة الحقيقية المتحكمة في صناعة التغيير. الطريق الوحيد لإقالة كباشي الآن هو العودة للترس
بشار صقر تحياتي صدق المشكلة ليست في أن برهان وكباشي كيزان او اولاد هامش ومركز المشكلة في إنو مازالت السلطات مركزة عند هؤلاء العساكر الذين لا يمثلون لا مركز ولا هامش بل يمثلون وجهاً من وجوه الدكتاتورية العسكرية.
|
شكرا لك يا حافظ
مع التحايا لخضر وبشار ولك
| |
|
|
|
|
|
|
Re: يجب اقالة الفريق شمس الدين الكباشي (Re: Hafiz Bashir)
|
ايواااا يا مولانا حافظ دا اسمه الشوط التاني من الثورة.. المرة دي ما ح تكون مشاركة للعسكر زي ما متعطشي السلطة وبائعي الثورات عملوا.. نستلمها من العسكر وكل حزب يمشي يشوف قواعده وين يجهزوا للانتخابات بعدما يعملوا مؤتمراتهم ويقدموا برامجهم للشباب والاجيال اللي ما بتعرفهم. تعيين حكومة كفاءات بعيد عن محاصصات تمهد لبناء دولة حقيقية ما وقوع في احضان محاور وعمالة عسكر وارتزاق. لحظتها الحركات تجي بما يناسب المرحلة مش ما يناسبهم هم من قسمة في (الكعكة)..
Quote: سلام يا خضر المشكلة منو العندو قدرة وسلطة لإقالة كباشي او البرهان او حميدتي؟ الثورة لم تكتمل بعد والمرحلة التي أنجزتها الثورة حتى الآن هي فقط إشراك للمدنيين في الحكم ولكن مازال القسم الأكبر من السلطة في يد العساكر وأنا لا أقصد بالحكم هنا المناصب وتشكيل الحكومة فقط ولكن أقصد من الذي عنده القوة الحقيقية المتحكمة في صناعة التغيير. الطريق الوحيد لإقالة كباشي الآن هو العودة للترس
|
سلام يا خضر الراكز وزوار البوست وعيدكم سعيد.
| |
|
|
|
|
|
|
Re: يجب اقالة الفريق شمس الدين الكباشي (Re: بدر الدين الأمير)
|
Quote: ههههه ياخوانا خضر عندو مداخلة واحدة فى اليوم الداير خضر يرد عليه يكلم بكرى يزيد ليهو الغلة يعنى واحد زى الظلامى معتز القريش بستلم حصته كاملة ولا بجى حايم على المنبر وخضر يحبس فى مداخلة واحدة مش كفاية عليه حبس الكرونا اوع حد يسألنى خضر هبب شنو |
بالله خضر في الاقامة الجبرية والعذل السياسي يا حليلو ياخ جرائمو كثيرة في البورد احرجتني في الامم المتحدة خلي يجي ندي درس عصر في العلوم السياسية بدل شالو السيدة وخلو حرم دي في مواهيم في البورد ده لحدي هسة ما شيلو فلان وختو فلان ياخ انت البديل يا خضر قول لي الكعوك بتاعين الانتقالية اعملو كده وكده ولي بارو جون قرنق ومنصور خالد الانتخابات بس عاش ابوهاشم اسياسي النظيف في السودان بجي بالصناديق بس من الاستقلال
| |
|
|
|
|
|
|
Re: يجب اقالة الفريق شمس الدين الكباشي (Re: بدر الدين الأمير)
|
Quote: عادل ياحوثى خليك محارب نبيل خضر اعزل وماعندو غير رصاصة واحدة الرصاصة مازالت فى جيبه هههه |
والله قصدي شريف وعفيف وخضر ذاتو ما من اعدائي في البورد من الاساس بس يطلعو لينا من قصة شالو السيدو وخلو حرم دي ياخ ناس الانتقالية دي جدعو دستور 2005 ضر ساكت حتي اعلانهم الدستوري القبيح ده ما ملتزمين بيه ما عرفنا وظفية الناس 5+1+5 شنو غير حراسة مصالح الدول المقبوحو الباع ليها البشير كل السودان تاني ما عندهم اي حاجة واضحة تخدم الشعب السوداني وهم عالة علي المرحلة فعلا ياخ ناس قاعدين 30 سنة في اجرام الانقاذ ده مش احسن يقعدو سنة واحدة بس في خدمة الشعب ده يعملو ليهم وش يقابلو بيه رب العالمين
| |
|
|
|
|
|
|
Re: يجب اقالة الفريق شمس الدين الكباشي (Re: ترهاقا)
|
Quote: البخلي كضباشي كوز و برهان ود بلد "رضي الله عنه" شنو يا شاطر...
اللهم الا في عقلية بتع النخب الفاشلة |
لا يا د. بشار صقر كباشي كذب قبل كدة في موضوع اخ البشير كباشي برر تبرير هزيل بعد فض الاعتصام كباشي صرح ب تصريحات غير مسئولة في الايام القليلة الماضية. و فيها تحريض للقوات المسلحة ضد المدنيين لو كان ده عملوا البرهان أو العطا او اي واحد آخر كان ح يجد نفس الاستنكار من الرأي العام كون انك تفتكر انها قضية اثنية ما صاح عشان كده جني قال ليك
Quote: الواحد يغيب مليون سنة ويجي يلقى بشار صقر في نفس سقفه العقلي ياخ لانه كوز انقلابي وليس مكون اثني جني |
| |
|
|
|
|
|
|
Re: يجب اقالة الفريق شمس الدين الكباشي (Re: Hamid Elsawi)
|
Quote: لا يا د. بشار صقر كباشي كذب قبل كدة في موضوع اخ البشير كباشي برر تبرير هزيل بعد فض الاعتصام كباشي صرح ب تصريحات غير مسئولة في الايام القليلة الماضية. و فيها تحريض للقوات المسلحة ضد المدنيين لو كان ده عملوا البرهان أو العطا او اي واحد آخر كان ح يجد نفس الاستنكار من الرأي العام كون انك تفتكر انها قضية اثنية ما صاح عشان كده جني قال ليك |
يا عزيزي كباشي مجرد لسان لرئيسه و ناطق عنهم... و تساؤلي من باب التهكم ......
لانو مثل هذه الدعوة يذكرنا بقصة تغيير البردعة و ترك الحمار ليرفس الناس.... فهل هذا علاج.....
| |
|
|
|
|
|
|
Re: يجب اقالة الفريق شمس الدين الكباشي (Re: د. بشار صقر)
|
هل تطوى صفحة الخلاف المحتدم بين حميدتي وكباشي بوفاة نجوى عباس مستشارة رئيس مجلس السيادة ؟
يتساءل كثير من المراقبين للشأن السوداني ما اذا كان رحيل نجوي قدح الدم سيؤدي الي طي صفحة الخلاف بين الجنرالين ( حميدتي وكباشي) الذين وصل التلاسن بينهما حدا خرج بِه من اروقة المكاتب المغلقة في القصر الرئاسي وقيادة الجيش ليصبح اتهامات في العلن في وسائل الاعلام وحديث المجالس في العاصمة والولايات، وكانت مصادر مطلعة تحدثت لمونتي كاروو قد كشفت قبل اسابيع ان قائد قوات الدعم السريع قد طلب اعلان الاستاذة نجوي شخصية غير مرغوب فيها وطردها خارج البلاد بعد رفضها اخذ مبلغ مالي من سفارة دولة خليجية بالخرطوم مقابل التعاون معها
الفريق اول دقلو برر في اجتماع للمكون العسكري بالمجلس السيادي ، طلبه بإبعاد المستشارة في القصر الجمهوري المهندسة نجوى قدح الدم من عملها مع رئيس المجلس السيادي بحجة ان لديها ارتباطات مع دول اجنبية حيث عملت مستشارة للرئيس الاوغندي يوري موسيفيني كما انها لها دور كبير في ترتيب اللقاء التاريخي بين رئيس مجلس السياده البرهان ورئيس الوزراء الاسرائيلي نتانياهو بيوغندا كما انها ممسكة بملف الفرقاء في جنوب السودان وهو ما يشكل خطراً على الدولة وامنها القومي بتواجدها في هذا المستوى حسب "حميدتي " ، الأمر الذي رفضه الكباشي ورد عليه قائلا : " ما اهو انت لديك ارتباط بالامارات السألك منو" فرد عليه حميدتي مذكراً إياه بضرورة إحترام التراتيبية العسكرية وقال" ارجو يا كباشي تراعي الاقدمية انا فريق اقدم منك" فداعبه الكباشي قائلاً "إنت صدقت ولا شنو " في إشارة لعدم إنتساب الفريق أول حميدتي لأي كلية عسكرية في حياته بعكس كباشي الذي تدرج في الرتب العسكرية من الكلية الحربية والدورات الحتمية حتى كلية القادة والاركان وهو ما تسبب في الغضبة العارمة للنائب الأول على زميله والتعريض به علناً في حوار تلفزيوني تم بثه اول ايام عيد الفطر عندما قال حميدتي ان هناك مسؤولا افقد المجلس العسكري مصداقيته عندما ادلى بتصريحات اكد فيها وجود العباس شقيق الرئيس المخلوع في السجن ثم تبين فيما بعد عدم صحة حديثه والمسؤول الوحيد الذي ادلى بتصريحات متعلقة بهروب العباس شقيق الرئيس المخلوع هو عضو المجلس العسكري انذاك شمس الدين كباشي خلال مؤتمر صحفي بتاريخ 17 ابريل 2019 رغم انه صحح تصريحاته في مؤتمر صحفي اخر واستدرك قائلا (كنا قد أعلنا اعتقال عبد الله والعباس شقيقي الرئيس المخلوع (البشير)،.. لكن المعلومة لم تكن دقيقة: ذاك اليوم تم القبض على عبد الله البشير فقط )
في ثاني ايام العيد نشرت وكالة السودان للانباء ( سونا) تسجيل فيديو للفريق اول كباشي مخاطبا لقاءا تعبويا في ولاية جنوب كردفان قال فيه ( المحاسبة ستطال كل من شارك في الاحداث مهما كان من وراءه او من يسانده.. لان خطورة الامر حاليا انه صارت للمجرم مؤسسة وقبيله..) في اشارة الى تورط افراد من الدعم السريع في الاحداث الاخيرة بكادقلي لم يكتفي كباشي بتلك التصريحات بل امر قوات من الدعم السريع قدمت من الابيض الى كادقلي بالعودة ادراجها ، ويرى مراقبون ان هذا ياتي كرد مباشر من كباشي علي تعريض حميدتي به في الحوار التلفزيوني بقناة سودانية ٢٤ رحلت المهندسة نجوى قدح الدم عن الدنيا متأثرة باصبابتها بفيروس كورونا فهل تطوى صفحة الخلاف بين كباشي وحميدتي ؟ ام ان الخلاف ليس مجرد خلاف شخصي بين جنرالين له ابعاد اخرى بصراع يدور في الخفاء متعلق بهيكلة القوات المسلحة والدعم السريع واستحداث قوات جديدة بمسمى الحرس الوطني ؟ هذا ما ستكشفه الايام خدمة ما وراء الاخبار من #مونتي_كاروو
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
Quote: هل تطوى صفحة الخلاف المحتدم بين حميدتي وكباشي بوفاة نجوى عباس مستشارة رئيس مجلس السيادة ؟
|
ديل مجرد ضباع تخدم ضباع او كانو وطنيين فعلا ما اختلفو لان الوطن واحد وقضيتو واحدة التحرر من اصر وعار الانقاذ بس حميدتي يخدم المحور ده مصر السعودية الامارات كباشي يخدم محور قطر تركيا وكل واحد اضل والعن من التاني والسودان عالق مع الدول الخمسة المجرمة دي الدمرت كل المنطقة ولازالو يخدمو نفس اجندة الانقاذ الوسخة المضطربة لو قحت كان عندها برنامج واضح وملكتو الشعب ما كان وصلنا الحضيض ده لا خير في العرب المزيفين ووجود السودان معاهم ولا اسرائيل ملعونة والديها نحن دولة وحضارة ومواردنا تكفي العالم كلو المشكلة في مخ نسخ بتاع بعاعيت مايو 1969 وايتام الترابي 1989 والاصر الابا بترفع من الشعب السوداني نهائي حتي الان مالو لو قفلتا نفسنا خلاس ورتبنا البلد دي وجهزناها للانتخابات
| |
|
|
|
|
|
|
Re: يجب اقالة الفريق شمس الدين الكباشي (Re: أيمن نواى على)
|
Quote: الطلقة مابتكتل بكتل سكات الزول ياخضر طلقتك اليوم وقعدت لعادل الحوثى فى فهم مستنين طلقة الغد |
طلقة شنو يا ابو الأمير انا عندي سلاح نووي و ابو صلعة دا حبيبي و هسي لو كان عمل المنبر دا شركة مساهمة كان حيكون عندي فيهو 60%
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
مرحب حبيبنا الشاعر ود موسى
Quote: خضر زول مخرج وفنان ومن الداعمين لتجميل المنبر . وما بتخيل يكون في سبب يحدد حريتو في الكتابة ودفقو لتفانينو . .. عاش خضر وعاش ابو هاشم زاتو . تحياتي للتلب أستاذ خضر . |
و الله مرات ابوصلعة دا بختني في راسو و في كيزان و رماديين مفروض بكري يتخلص منهم كفاية قرفونا تلتين سنة المهم الكضباشي دا يطلع من شباك حياتنا لانو شخص سمج و كذاب و لا قيمة له اذا اولاد صغار في السن كبار في الهمم استخفو بيهو تاني منتظر شنو ؟ ارجع الى السكنات يا كضباشي او اتقاعد يا ثقيل الدم اذا هو شايف انو في رتب ادني و هو بتأمر عليهم انحنا رتب أعلى منك
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
كتب صاحب البوست : ..................... المهم الكضباشي ..................... انتهى يا رب يا ذا الجلال والإكرام تفضح الكذابين الحقيقين فضحا مبينا يا رب لا تتكرك لأي حاكم للسودان الأن عورة ذات خيانة لشعبه إلا فضحتها ولا كذبة إلا فضحتها .................................. عليكم الله صلاح قوش قاعد يدفع ليكم ولا كدا بلاش خدمة للكيزان مجانية ؟
| |
|
|
|
|
|
|
Re: يجب اقالة الفريق شمس الدين الكباشي (Re: منتصر عبد الباسط)
|
الصلاحيات التي يملكها حمدوك واتباعو من الوزراء المجلس السيادو كلو وعسكريه ومدنييهم بما فيهم الفريق الكباشي لا يملكون مجتمعين ربع العشر منها أو ريع عشر مما يملك حمدوك أو أي وزير سايبين الماسكين السلطة وخريانين في روسين الشعب وماسكين في الما عندهم ذرة من سلطة أمثال الفريق الكباشي؟! إنتو بتفتشو لانقلاب وبتلقوهو بالعوارات البتسوو فيها دي على أفضل الفروض أن هناك سيسي سوداني يترقب دا لو كنا محظوظين وما حصل انفلات كامل
| |
|
|
|
|
|
|
Re: يجب اقالة الفريق شمس الدين الكباشي (Re: منتصر عبد الباسط)
|
مرحب حبيبنا ايمن نواي انت لسه في ضلالك القديم
Quote: خضر سلام اقعد فى الواطة |
يازول واطات شنو اقعد انت و خالك في الواطة لمن وطاتكم تصبح الزول دا لو عاجبكم خلوهو يكون والي في جبال النوبة عشان تشوفو شعاع .. الكضباشي بالإضافة للكذب هو قاتل و ساهم في قتل اهلكم في جبال النوبة و صمت عن القتل الذي يحدث في بلدكم
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
Quote: كباشي كذب قبل كدة في موضوع اخ البشير كباشي برر تبرير هزيل بعد فض الاعتصام |
دليلك شنو يا أخونا على إنو كذب وما ذكره ليس الحقيقة؟! مصلحتهم شنو مع العباس ؟ الشي الآخر كيف عرفتو إنو هزيل ! إنا عندي الحزب الشيوعي كلو من ساسو لي راسو هزيل وممكن لولا شفقة بكم لأتيت بـ 100 دليل على هزلانه وبطلانه حزب مرض ونشاطائه سبب المرض وأصحاب الغرض سبب البلاء ألسنتهم سامة وأيدهم لا تكتب غير يجلب الضرر والفتن والعنصرية والعفن
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
🔷نحن الذين نخجل أنك احد اعضاء مجلس سيادة حكومة الثورة يا كباشي :-
✍🏻✍🏻بقلمي / د.عمر كبير شكرا شباب لجان المقاومة لهذا الوعي والمتابعة الدقيقة والسهر لحراسة الثورة شكرا لكم وأنتم تتفوقون على الأجهزة الأمنية في رصد أي تحرك او تجمع مشبوه يضم عناصر النظام البائد وسريعا ما تزلزلون الأرض تحت اقدام كل من سعى لشر بالثورة والوطن فهذا الجيل الذي صنع ديسمبر جيل مختلف تماما والكبير عندهم هو الله والشهداء وبالتالي فإن كل من يسعى للتقرب من عناصر النظام السابق سرا او جهرا ومهما كانت المبررات سيجد أمامه هذه التروس تحاصره وتفضحه ولن يجد حينها ما يبرر بها فعلته هذه رغم ان هناك كثيرون تطوعوا للكتابة دفاعا عن وجود كباشي المثير للجدل في هذا التجمع فمنهم من ذهب إلى أنها دعوة اجتماعية بسبب الشفاء من المرض وان علاقات اسرية هي التي اتت بكباشي واخرين . تركوا كل تلك الفوضى من عضو سيادي وممثل للعسكري وتمسكوا بكلمة خرجت من احد الحضور تسئ بشكل قبيح لا يشبه اخلاق الثورة لعائلة كباشي كما وصفها بيان لجان الحتانة نفسه ولكنهم تعاموا بخبث عن السبب الرئسي لغضبة الثوار حراس الثورة وهو وجود كباشي في منتدى سياسي معلن هدفه وزمنه ومكانه حسب شهود ، الشئ الذي يظهر في شكل الحضور لكل المشبوهين من صحفيي واعلاميي النظام البائد في منزل الصحفي المشبوهة ارتباطاته بالنظام السابق وغيره . عن أي مناسبة اجتماعية يتحدثون والصحفي عادل سيد احمد احد المدعوين والحضور يوضح تماما سبب الدعوة وما تم نقاشه فيها وطلبهم اعطاء الفرصة لعضو مجلس السيادة ليقول كلمته بعد أن تعالت أصوات الثوار بالخارج وهي تحاصرهم قبل ان يطلبوا منه مغادرة المكان ؟؟ هنا ما كتبه الصحفي عادل سيد احمد انقله لكل من حاول تزيين موقف كباشي وذر الرماد في العيون ولمن حاول لوي عنق الحقيقة من انصار كباشي او من صحفيي الانقاذ حول طبيعة المناسبة وانها اجتماعية ل ( حمدلة السلامة ) للكوز عنقرة او انها لصلة القربى اقدم لكم هنا شهادة الصحفي عادل سيد احمد وهو احد الحضور واحد مبتدري النقاش في منتدي سياسي صحفي وليس ( كرامة ) كما حاول البعض الترويج حيث كتب :
( الأُستاذ جمال عنقره وجه دعوة للإعلاميين،فحضر إليه رؤساء تحرير ومدراء فضائيات وكُتاب،من كافة الطيف الصحفي. كانت الجلسة بحضور الفريق أول شمس الدين كباشي، عضو مجلس السيادة.. عند بداية المنتدى، قدمني مديرها الصحفي،علم الدين، لأبتدر النقاش.. فقلت الآتي: الثورة السودانية العظيمة،مهرها أبناؤنا بدمائهم،فقدموا مُهجهم وأرواحهم ،في سبيلها..وهم الذين قادوا الملحمة،المتفوقة على أكتوبر ٦٤،وأبريل ٨٥..ففي (ثورة ديسمبر) المجيدة،كان الشباب،في المقدمة،بينما النُخب مُستتبِعة هذا الشعب العظيم.. وما كان أمام الجيش،إلا أن ينحاز للشارع.. ولا مجال لعودة عقارب الساعة للوراء.......الى اخره ثم اكمل في عموده : مع بداية المداخلة الثانية،من الصحفي “مبروك”،بدأنا نسمع أصوات طبول،تتعالى،كلما إقتربتْ من منزل عنقرة بالحتانة..بيد أنّ أحد أقاربه،همس في أُذنه.. وعندما تصاعدت الإمور أكثر،حيث تنادى عدد من أبناء الحي،والأحياء المجاورة،أمام الباب،وهم يهتفون بشعارات الثورة.. بالتركيز على(قضية الشهداء)، والهتاف ضد النظام المخلوع. فما كان من صاحب الدار،إلا وأنْ طلب من كباشي أن يقول كلمة مقتضبة..شكرَّ فيها الضيف مُضيفه. ثم أعطى تنويراً،حول قضايا البلد،في المعاش وملف السلام. ماذا جرى؟؟ بدأ عدد الشباب يتزايد..والهتافات تتعالى.. و أصلاً،فإنَّ الشارع ضيق..والخروج صعب،حيث لا توجد(أزقة فرعية)..مما صعبَ من مهمة(الخروج الآمن)..!.......... وقال وهو يواصل شهادته بعد أن خرج لمقابلة الثوار : ثم شرحت لهم طبيعة هذه الدعوة ،أنها لقاء بين صحفيين ومسؤول ،حول قضايا الوطن..) # انتهى كلام الصحفي عادل سيد أحمد واسأل هنا هل كانت هذه مناسبة اجتماعية فعلا كما كتب عبد الرسول النور او كما حاول ان يروج لها المنتفعون الانتهازيون من سدنة النظام البائد؟؟ أم ان النور عنقرة قد دعى كل واحد منهم بسبب مختلف ومن ثم عقد لهم هذا المنتدى و له مقدم ومدير للحوار دون علمهم المسبق ؟؟ الأسوأ من كل ذلك والذي يأتي منسجما تماما مع نوع الحضور والهدف الغير معلن هو ما نقلته الاسافير منسوبا لعضو مجلس السيادة في قوله ان صح ذلك ولم يتم نفيه حتى الآن في قوله ( انه يخجل ان يقول انه مسئولا في هذه الحكومة ) فمما تستحي وانت عضو سيادي أما ان تعمل ما يمليه عليكم واجبكم واما ان تملك الرأي العام انك حاولت اصلاحا وفشلت ومن كان السبب وماذا طرحت ثم تغادر فورا موقعا يجعلك تستحي منه . قاعد لي شنو وانت لا صلحت لا قدرت تقنع المعاك يصلحوا وعامل خجلان؟؟ وهل خجلتم من فض الاعتصام واغتصاب بنات عزة في ميدان الاعتصام ؟؟ هل استحيت وانت عضو للجنة أمنية حاكمة وقتها وابناء وبنات الشعب السوداني يقتلون ويغتصبون في اسوار القيادة العامة لقوات الشعب المسلحة وترمى جثثهم الطاهرة في النيل؟؟ لا أعتقد أن هناك ما يستوجب الخجل والتواري أكثر من هذا في كل تاريخ السودان وعليه يحق لنا نحن أبناء هذا الشعب ان نخجل وانت احد اعضاء مجلس سيادة ثورة مهرها ارواح شهداء كرام لم تستطيع حمايتهم امام بوابات القيادة وانت احد قيادات المجلس العسكري .
والمجد للشهداء المجد لعيون الثوار وهي تحرس ثورتها.
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
Quote: يفترض يقال حميدتي أولا.. ومعه قوات الدعم السريع التي هي اليوم بلا وصف وظيفي محدد تاخذ مرتبات من خزينة وموارد الدولة وتحاورب في الدول الاخرى بمقابل مادي آخر. |
اتفق معك يا عمر فلة يجب تحويلهم لعمال نظافة للخرطوم و كل المدن المتواجدين فيها فهم الأصلح لهذا العمل البلد فعلاً وسخانة و تحتاج لقوى بشرية , و الجنجوبد هم الأنسب لهذه المهمة
| |
|
|
|
|
|
|
Re: يجب اقالة الفريق شمس الدين الكباشي (Re: خضر الطيب)
|
مرحب مولانا الطبي
Quote: سلام يا خضر المشكلة منو العندو قدرة وسلطة لإقالة كباشي او البرهان او حميدتي؟ الثورة لم تكتمل بعد والمرحلة التي أنجزتها الثورة حتى الآن هي فقط إشراك للمدنيين في الحكم ولكن مازال القسم الأكبر من السلطة في يد العساكر وأنا لا أقصد بالحكم هنا المناصب وتشكيل الحكومة فقط ولكن أقصد من الذي عنده القوة الحقيقية المتحكمة في صناعة التغيير. الطريق الوحيد لإقالة كباشي الآن هو العودة للترس |
هي مسألة وقت يا عزيزي و ستبدي لك الأيام ما كان خافياً في اضابير السلطة صراعات بين العسكر و المكون المدني لكن الأمور ستتضح في مقبل الايام او الشهور القادمة هو صراع الفيلة بين المتعلمين و الجهلة
| |
|
|
|
|
|
|
|