المقال منقول من صفحة احمد شاويش بللفيس بوك وهو دعوة لان ننسى ونغفر بخصوص منفذي مجزرة الاعتصام
Quote: الناس مفروض تبطل طفولية و تنتقل بعد كده من مربع الفض الاعتصام منو؟ لمربع هل عاوزين نحاكمو و نعمل مشاكل، ولا عاوزينو شريك ونعمل سلام؟ هل عاوزين ننتقم للشهداء ولا عاوزين نعمل مستقبل للبلد؟
حنك البلد ما بنفع فيها مستقبل مع القتلة ده كلام شعارات ساي، و العالم مليان بالقتلة الشاركو في بناء حضارات كبيرة..
الحقيقة إنو لولا العساكر ديل ما كان في سكة للتغيير و لا كان في زول بقدر يزيل الكيزان. و الحقيقة إنو الثوار هم المشو استنجدو بالعساكر في عقر دارهم عشان يزيلو الكيزان. و الحقيقة إنو فض الإعتصام ده ولا حاجة بالنسبة للإتعمل في دارفور و جنوب كردفان و النيل الأزرق. والحقيقة إنو المؤسسة العسكرية و العساكر الفي البلد هم نتيجة للجهل و الفقر و الفساد الأصلاً جات الثورة عشان تغيرهم..
فكرة العين بالعين ح تؤدي لعالم أعمى. أيوة الموضوع صفقة دامية عشان مستقبل أخضر. ياخ أوروبا نفسها اتبنت بالصفقات الدامية و العفو.. و انت منو عشان تختار تنتقم لشهداء إعتصام الخرطوم و تقيم العدل حتى لو حيجيب الفوضى و المستقبل المظلم؟ ياخ حتى لو انت ولدك شهيد، اختيارك ده أنانية ما بعدها انانية. أنانية على مستوى قومي و تاريخي!
الانتقام ما ببني بلد.. و الغفران هو حجر أساس أي سلام و أي تنمية.
05-27-2020, 03:09 PM
عبدالقادر محمد
عبدالقادر محمد
تاريخ التسجيل: 07-09-2018
مجموع المشاركات: 2780
السلطة طااااعمة وكراسيها بااااردة وأي زول يخش فيها تاني ماربمرق بأخوي وأخوك .. حتى أن البشير باع بلدا كاملا وفصل ثلثه من أجل الكرسي حتى أزيح بالقوة ... وأتحدى أي واحد في السلطة الآن (عسكري أو مدني) يضحي بكرسي السلطة الآن من أجل الشهداء وأسرهم ... وينفض يده من مجلس القتل العسكري أو يطالب بدم الشهداء ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة