كتب الكاتب الفاتح جبرا المتوفرة بمعرض الدوحة
|
Re: جمال المعتق بعيد الكورونا تشرب لما يلغبك � (Re: زهير عثمان حمد)
|
حلوة يا أبو الزهور أوعك تقول لي ده إتــــــــــــا بس ..ههههههههههه أحكي ليك دي فيها حالتك حالة الزول الاتمسح بالويسكي ود خالي جاني زيارة في بلد زي ما قال دي بلد الله راضي عليها مشى خما الويسكي والبيرة وما خلا شي كذا نوع ملص هدومو وبقى بالملابس الداخلية وجاب المزة والذي منو .. جيت من بره هلكان شفت منظر قزازو الراصيهو قدامو .. قلت ليهو لا حول الله ده شنو يازول شن قدرك تشرب ده كلو قال لي أنا بشربو انا شرفان وداير انتقم والعرقي نشّف مصاريني وحاة الله كان ما رويت لامن دشرت بي خشمي مابرتاح خليتو ومشيت نمت لاني جيت من بره فتران والدنيا بقت ليل جاتني صحية مزنوق ماشي الحمام لقيتو راقد في نص الصالة وراقد سلطة ومالي الحتة كلها ومتمسح لامن فنلتو ذاتا شربانه .. ولا نايم عينو مفتحات لكن ما تفهم منو كلام بيلغلغ وما قادر يرفع يدو .. حاولت احركو أو اشيلو اوديهو السرير لانه الصالة باردة ما قدرت الزول سمين وتقيل قمت جريتو من كرعينو وهو ينبز فيني نبز شين .. دخلتو الاوضة ولا فكرت ارفعوا في السرير خليتو قبلو ورجعت نمت .. وحاتك اسبوع قريبي ده سكران وكل ما تفك منو يربطا بي كاسات ملانة .. بعد كم يوم دسيت منو القزاز الجايبو قام زعل مني ونبذني ما خلى لي حاجة .. بعد داك خليتو وما اشتغلت بيهو قلت ليهو البتسويهو ده شناة طبع منك لامن سافر ووديتو المطار هو طاشم ومغبّي هسه نتونس .. ونتذكر سكرتو ديك نقعد نضحك سوا قال لي انا الاسبوع داك جيتك مخصوص عشان انتقم لنفسي الأمارة بالسوء .. غايتو كان بقيت زي قريبي ده يكون شيطانك ماكن وليهو قروون نحن نوبة الشمال مافي زول بلحقنا في الطشمة واظن جذورك من إندينا فعشان كده عاذرنك .. هههههههههههههههههه ناسنا يتمثّلوا قول الشاعر : رمضان ولى هاتها ياساقي - مشتاقة تسعى إلى مشتاقِ تقبل الله الصيام وعيدك مبارك يا ابو الزوز صراحة اضحكتني واعدت لي ذكرى قريبي الشرفان الاتمسح واستحمى
ماتجي تقول لي ده ما أنا ده قريبي بزعل منك ها ..
| |
|
|
|
|
|
|
Re: جمال المعتق بعيد الكورونا تشرب لما يلغبك � (Re: زهير عثمان حمد)
|
Quote: قصتك سمحه بس فيها قولان !!
|
قولان زي قولان قصتك .. ههههههههههه يازول وحاة الله ده ما انا
Quote: جمال المعتق بعيد الكورونا |
جابني اسمي الفي عنوانك ده لكن لقيتك راصي قزازك ومحتفل بالعيد ..
ربنا يتجاوز عنا جميعا ويعتقنا برحمته من النار وعيد مبارك عليك
زي ما قال ليك أخوي المحجوب كان كتّرت لينا من النوع ده تكون ما قصرت صراحة فلتاتك الزي دي حلوة وتلقائية وبترفه عن الزول مع الكتمة دي ..
| |
|
|
|
|
|
|
|