|
كتب الكاتب الفاتح جبرا المتوفرة بمعرض الدوحة
|
|
 Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
اجابات حميدتى تنم زكاء ودهاء
ارسل رسايلو للخصوم انه ماهو
الشخص البتخم وعندو مستشارين
مختصين
ياسر العطا كان نرجسى وانه صاحب
عبقرية عسكرة صدام اجتمع به عشان
يعرف نظرياته فى التكتيك وأخبره
انه حايحكم السودان والبشير كان من ياسر رائد
بناديهو ويوكل له مهام قتالية بعينها
وكانن الحرس الشخصى لنميرى حتى يومه الاخير
فى الحكم ثم انبرى لمدح ابنعوف والاشادة به
وارسل له تحياته
| |
  
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
ود على يامحجوب
حميدتى حول الدعم السريع
لضحايا وحملان وديعة
وشتت ليهو رؤس اقلام
بعض الملفات وقال النقيب
قدام وشايف ناس قناة الجزيرة
ريحهم وجابو مقتطفات من اللقاء
خصوصا عن المؤامرة التى حصلت
عن عدم استقبال وزير الخاجية القطرى
من اعضاء فى المجلس العسكرى وانو
ووافق على التوسط بين حكومة الوفاق وحفتر
بس الاخير رفض الواسطتة ورافض سياسة المحاور
والاخيرة دى مابتنبلع
| |
|
|
|
|
|
|
|
|
 Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
سلام عليكم وكل سنه وانتو بخير
حضرت فقط جزء من لقاء ياسر العطا ومقتطفات من لقاء حميدتى .
لقاء حميدتى سياسى تماما ولقاء ياسر العطا ذكريات واجتماعيات بشكل عام لكن كلها تصب لخدمه هدف واحدمنها خلق قاعده شعبيه(عند البسطاء) لبعض العسكر ربما لادوار مستقبليه . ضمن توزيع ادوار وجوه عسكريه تلمع وتقرب من المجتمع بين واحد يبدو انو يمارس فضيله الاعتراف والاقرار بالخطاء والشفافيه والتانى من خلالالبساطه (اللقاء فى البيت) واستثمار القرابه مع هاشم العطا محاوله للتقرب والتلميع عند بسطاء الشرفاؤ ومؤيدى اليسار.
-----
ملاحظه
المذيعه المحاوره لياسر العطا مختلفه عن النماذج الحاليه مذاكره المعلومات كويس عشان تقدر تدير الحوار بسلاسه خلاف اولاد وبتات قنوات اليومين (الموديلات) عيونهم تكون معلقه طول الوقت بالورق قدامهم وعيب المقاطعه المخله والمزعجه مع الضيف ومشوشه على المشاهد
تحياتى
| |
|
|
|
|
|
|
|
|
 Re: مقاربة بين لقاء حميدتى على سودانية٢٤ وياس (Re: Asim Ali)
|
ملاحظه تانيه
انا غايتو مامتابع مباشر للقنوات السودانيه لكن ليه القنوات دى عملت اللقاءات حاصه بطابع لقاء ياسر العطا (حفيف بعيد عن السياسه) كانت مع افراد من المكون العسكرى ؟
وين المكون المدنى ؟
خاصه الوزراء المثيرين للجدل زى اكرم مثلا او مع شخصيات زى أ.عاشه موسى مثلا او حمدوك ذاتو
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: Asim Ali)
|
| Quote: خاصه الوزراء المثيرين للجدل زى اكرم مثلا او مع شخصيات زى أ.عاشه موسى مثلا او حمدوك ذاتو |
الاخ عاصم
لقاء حميدتي مرسوم ومخطط ضمن استراتجية
وليس عشوايي او سبق نالته القناة .
هي رسالة لكل الاطراف في الداخل والخارج
وبالتاكيد لها تبعياتها
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: MAHJOOP ALI)
|
اعصام وود على
تحياتى
زى ماقلت فى عدد من البوستات
حميدتى بدأ يعد نفسه كزعيم سياسى
وليس مقاتل لاجل غيره واعد لذلك
فريق عمل من الخبراء والمختصين
وماعاد الرجل الببسمك المكرفون ويطلق
فرقعات كلامية
المذيع الاجرا الحوار مختار بعناية
وقد سبق له ان حاور حميدتى على
نفس القناة غير كونه نال نجومية
فى برنامجه الحوارى بعد نجاح الثورة
وهو مصنف من شباب الثورة الاعلامين
حميدتى فى هذا الحوار وزى ماقال ود على
ارسل العديد من الرسائل وهبش بعض الملفات
البتخدم اجندته بدون الاسهاب او التوضيح
يعنى مثلا كشف عن الموامرة اوما اسماها فتنة
عن موضوع رفض استقبال وزير الخاجية القطرى
بعد نجاح الثورة حيث قال كانت مؤامرة دبرها
بعض اعضاء المجلس العسكرى وقال نحن ماعندنا
اى مشاكل مع قطر لكنه لم يبين مازا فعلو بعد كشف
تلك الموامرة لتخريب العلاقة مع قطر وليش سحبو السفير
ونحن لحدى اليوم ماعندنا سفير فى قطر
ثم قال السعودية والامارات وعدونا يدونا
اتنين مليار دولار لكن لم تصلهم حتى اليوم ودى
رسالة لمحور بن سلمان وبن زايد وانه قد
دخل فى وساطة بين حكومة الوفاق وحفتر
فى ليبيا وقال انه بعرف ليبيا جيدا وعاش فيها
عشرة سنوات لكن حفتر رفض وساطته والملاحظ
ان قناة الجزيرة ركتزت على تلك النقاط من حوار حميدتى
فى نشراتها الاخبارية طوال يوم امس على عكس قنوات
محور بن سلمان وبن زايد
وبجيكم راجع لباقى حوار حميدتى
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
يا أمير كل عام وانت بخير
أعلام العيد عسكري بامتياز خاصة وأن نسب المشاهدة عالية جداً مع حظر الكورونا
الإعلاميين المستلبين للعسكر حتى اسئلتهم لا تركز على الوطنية واستقرار المدنيـة وكرامـة الشهداء
مستعدين ينسوا ثوابت الشعب السوداني بسرعة وسهولة مع لمعان الدبابير الفارغة
تحياتي
أحمد الشايقي
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: منتصر عبد الباسط)
|
حميدتي جرابو مليان سلاح وقوات خاصة
ونحن جرابنا مليان تحزب وفاضي من أي وطنية
حميدتي دا لو مات بكرة أها قواتو دي مصيرها شنو ؟!
نحن دائما نعلق أمورنا على الأشخاص وليس على النظام
الناس سيموتون وتبقى النظم رهن أمورنا بأشخاص يشكل خطر
كبير واستهتار بمصير الوطن.
سبحان الله
صار ضباط القوات المسلحة محل سخرية والتمجيد لأصحاب القوات الخاصة
والجنجويد؟!
التي هي الأن مرهونة بالسيد حميدتي وإذا ضمناه فلا ضمان لبقائه حياً
حتى تستكمل المرحلة ويعاد هيكلة هذه القوات وضمها للقوات المسلحة
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
Quote: اسمو الرئيس المخلوع
ولاماعندك خبر كيف تم
خلعه |
أياً كان الأمر هذه مسائل لا تغني ولا تثمن
حميدتي البتكيلو ليهو المدح دا حاول فض الإعتصام مرتين
مرة يوم 10ابريل ومرة بعد سقوط النظام
في يوم 10 أبريل جس الجماعة لقاهم ثابتين وقرر حينها الإنحياز للثورة
والمرة الثانية حينما جاء ملبس قواته لبس عمال النظافة
أما القوات المسلحة البتسخروا الأن من ضباطها هي من حمت الثوار من أول دقائق
وأول لحظات وهم من حموا الثوار حتى اسقاط نظام الكيزان
وكانوا ضباطاً قبل عهد الكيزان ومنذ عهد مايو
وليس كحميدتي الذي صنعه الكيزان
وأنتم يا شيوعيين من صنع حميدتي بسبب صراعم مع القوات المسلحة من أجل كراسي
المجلس السيادي
أنتم يا شيوعيين لستم ضد الكيزان بقدر أنكم ضد القوات المسلحة وتريدون
نسفها ومحوها ولكن بيننا وبين ما تريدون وتشتهوت قوة الله وحول الله
ورحمة الله ولطفه .
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: منتصر عبد الباسط)
|
لو كان الشيوعيون يرغبون في التداول السلمي للسلطة لما ذكروا القوات المسلحة بسوء
وهم يعلمون بأنها لم يكن لها مستقبل قريب في ممارسة الحكم ولم تكن في يوم من الأيام
حاكمة بغير تحريكها واستغلالها من قبل حزب من الأحزاب وعهد تولي الكيزان الحكم عبر العسكر انتهي
فالشيوعيون يريدون محو وجود القوات المسلحة واستبدالها بالدعم السريع
كتمهيد مرحلي تليه سناريوهات لاحقة ....لكن الله لطيف بعباده
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
Quote: المذيع الاجرا الحوار مختار بعناية
وقد سبق له ان حاور حميدتى على
نفس القناة غير كونه نال نجومية
فى برنامجه الحوارى بعد نجاح الثورة
وهو مصنف من شباب الثورة الاعلامين |
ما اختلفنا
لكن ملجوظتى كانت عامه - جانبيه- وعن اختلاف المقدمه عن النمط الشائع لاعلاميى اليوم . حتى مقدم برنامج حميدتى اظن اسمو راشد من المذيعين ليهو اسلوب تقليد- واضح اثناء اداره الحوار فالاعلامى المميز ليهو بصمتو فى اللغه ولغه الجسد وهكذا
تحياتى
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: Asim Ali)
|
منتصر
انت تهرف بملاتعرف
شيوعين شنو ومحو جيش شنو
دا جيش مخصى كان قاعد فراجة
اولادنا بسحلو إلا من بعض الافراد
الشرفاء وبعدين الجيش دا كان قايدو
المخلوع على مدى ٣٠ سنة يعنى اطول مدة
قضاها قائد للجيش السودانى منذ أن أسس
والمخلوع ونظامه المباد استبدلو الجيش بدفاعهم
الشعبى وكتايب ظلهم وبعدين انت مابتفرق بين
تحليل المعلومة والمدح منو البشكر في حميدتى
وتانى فى زول بعرف التكتح فى السياسة بقول
حميدتى صناعة الشيوعين اللهم طولك ياروح
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
الحبيب الامير
كلام حميدتي كان خطير
الرجل يتحدث بلغة الفطرة وليس بلغة السياسة
لاحظ كرر عبارة الفشل عدة مرات
والاخطر أنه قال : طلب استقالة جماعية فكان الرد من
من الحكومة والمجلس وقحت ( السكوت )
الخطير برهان وحميدتي شرعية القوة العسكرية وبالاضافة الى الجهوية لحميدتي
وتعاطف القوى المسلحة مع حميدتي
وحمدوك وقحت ( الشرعية الثورية ) ..
القراءة بدقة وعمق لمقابلة حميدتي .. يجعلنا نشعر بنوع من الريبة في بقاء
الوطن كما نريد ونتمنى ونهفو اليه ..
مصداقية حميدتي تكمن في اسلوب الخطابة ( الفطرة ) بدون اي رتوش
كما لم يخرج أحد لينفي ما قاله حميدتي .. ربما لديه اكثر وتفاصيل اخطر
لذا لاذ الجميع بالصمت ..
لا أظن الحبيب الامير .. الموضوع ليس بهذه السهولة التي نتداولها
هذا البوست لا بد قراءته بكل تجرد .. لنعرف الحقيقة ..
نرجو من الاخوان الحضور
وابداء الرأي بكل هدوء لنعرف الى أين نحن ذاهبون ..
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: علي عبدالوهاب عثمان)
|
مهلا صديقى على عبدالوهاب
حميدتى منذ فترة بدأ نيو لك
للمرحلة القادمة وعلى ان يكون
المعادلة الصعبة والجاهزة لقيادة
البلاد هل تعلم ان حميدتى عندو
مدرسين لغة الانجليزية وفرنسية
تفتكر بدرس تلك اللغات عشان يشتغل
معلم ولامترجم وغير كدا عندو مدربين برتوكول
وبرستيج امس دشن مواقعو وحساباته على وسائل
التواصل الاجتماعى تقولى بداوة وبدوية حميدتى
غير مهتم وغير معنى بالسيدين عارف زمانهم فات وغنايهم
مات وفى تقديرى لو فى عقبة كبيرة امام حميدتى هى فى كيفية
الوصل لاتفاق مع الحركة الشعبية قيادة الحلو وهو عارف ان مجلس
السيادة بشقيهى المدنى والعسكرى فيه اتنين من ابناء جبال النوبة
بس العسكرى كوز والمدنى عروبى كباشى وتاور وهو قنعان منهم الاتنين
لذا كباشى شغال لتكبير كوم عقار عرمان عشان يصعب المهمة على حميدتى
وحميدتى ناقش الموضوع انو ماعندهم التكتح على ارض الواقع ولاعندهم قضية
ولاكرامة ولا خلاق لذا رسل لهم غافلة محملة بالأدوية والاغزية قبلوها وهم فرحين
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: بدر الدين الأمير)
|
حبيبنا الأمير ... تحياتي
هذا ما كنت انتظر من البوست لمعرفة المزيد عما يجري في الوطن
شكرا كثير الامير على المعلومات
زمان الأمر كان مختلف تماماً في السودان كان الجيش والشعب
أو يمقراطية وديكتاتورية
المشكلة اليوم أكثر أربعة جيوش مسلحة السودان غير الفروع الصغيرة
حلو وجيشه ، الدعم السريع ، القوات المسلحة وفيها فصائل ما زال ولاءها للكيزان
عقار ربما بدون جيش ، عبدالواحد نوعا ما ، مناوي ايضا
هذه مكمن الخطورة .. الكل يتطلع الى حكم السودان
شكرا على المعلومات .. نرجع نفكر بطريقة أخرى
الخطر هو السلاح ..
تحياتي الحبيب الامير .. نرجو المزيد من المداخلات عشان نشوف وطن بديل
يبدو أن الأمر فيه خطورة .. ولاننسى دول الاقليم .. ونموذج السيسي
| |
|
|
|
|
|
|
|
|
|
Re: مقاربة بين لقاء حميدتى على سودانية٢٤ وياس (Re: علي عبدالوهاب عثمان)
|
ياعلى
منو الكضاب العناهو حميدتى ايام المجلس العسكرى
القاليهم البشير واخوه فى كوبر واكتشفو انو كضب
واضح انه يعنى بكلامه الكضابشى بس المذيع او المحاور
ماساله مين المنع اعتقال صلاح قوش ومين
السمح لصلاح قوش بمغادرة السودان والغريب والمهدش
انو قوش الان مستقر فى مصر بدل الامارات التى كان فيها
شغال سمسار بترول فى دبى حتى قبل عودته للمرة التانية رئيس لجهاز
الامن بختصار تقاطعات مصالح حميدتى مع صلاح قوش وحميدتى
قال للامارتين يا ا نا ياقوش قامو الاماراتين قالو لقوش انزل مصر حتى
تمر العاصفة قوش نقش انو بقى كرت محروق بالنسبة لمحمد بن زايد ومحوره
قال يمشى امريكا قامو قصو ليهو تقعد لينا فى مصر وبس
| |
|
|
|
|
|
|
| |
بدر الدين الأمير
MAHJOOP ALI
عبدالعظيم عثمان
جمال ود القوز
Asim Ali
أحمد الشايقي
منتصر عبد الباسط
علي عبدالوهاب عثمان
فيس بوك
تويتر
انستقرام
يوتيوب
بنتيريست