صلاح عبدالله قوش، رئيس وزراء السودان؟؟

Quote: واكتساح الإسلاميين للانتخابات

Quote: مع الحزبين التقليديين مافي اكتساح حيحصل اللهم الا يكون تزوير تقيل الكيزان فقدوا كثير جدا من قواعدهم ماتشوف الهيلمانه الحاصلة دي دي قلة منتفعة وعندها قروش نهبتها في 30 سنة بتعمل بيها قلاقل وبتحيك بيها المؤمرات وصناعة الازمات حتى تظهر عجز حكومة الثورة الكيزان زيهم وأحزاب اليسار واحد ما دايرين انتخابات ولا بيراهنوا عليها عايزين يحكموا بلا الانتخابات الكيزان حاكمين البلد فعليا عبر المجلس العسكري الانتخابات حتضيف ليهم شنو ؟ .. ولا شيء .. أحزاب اليسار المشاركة الصورية في الحكم مقتنعة بيها تماما والدليل الانبطاح الحاصل منها .. لو جاتهم انتخابات حتطلعم خارج الحكم تماما الفي يدهم مكفيهم .. من يراهن على الانتخابات هم القاعدين في كراسي الانتظار الاتحادي بعد التشرزم الحصل ليهو الا يعيدوا تنظيم صفوفهم كي يكونوا كتلة ثانية ... حزب الأمة كان نزل انتخابات بالمنصورة بس حيجهجه الناس ناهيك عن أبوها الاضناهو الانتظار .. قوش ده ولا يحلم ذاتو اتحرق تماما ... مع انه وراء كثير من أزمات البلد .. شغل سهر الجداد ولا نومو ..

Quote: كل ماهو اسلامى او يدعى الاسلاميه هم حقيقة بعيد جدا عن الاسلام وهذا ما تم اكتشافه للكثير وم يقوم به الصادق المهدى الخازوق الكبير خير دليل لانقاذ ما تبقى من متاسلمين وخاصة الذين هم من عائلته وحاشيته ويريد ان لا تتم محاكمتهم فى واقع الامر انهم اكتشفو وتمت تعريتهم وفائححححهم الان عرفت للقاصى والدانى وكل مايدور حول عودتهم او حتى اقترابهم من السلطه لايمكن ان تتم فالشعب السودانى اوع ما يكون وهههذه الثوره التى شهد لها العالم اجمع لن يستطيع احد النيل منها مهما تكالبو والايام بيننا

Quote: توافق إقليمي عليه، وشبه توافق داخلي

Quote: معلومات..وصل الي الخرطوم واستقبل بموسيقي عسكرية

Quote: فى المشمش ... رهان على حصان خاسر .. وكرت محروق القوى الخارجية لو تدخلت ستفكر فى شخصية مقبولة وصلاح قوش لو بيفكر يحكم بيكون بالغ حتى لو كان هنالك إمكانية ذلك . وسيكون الأسوأ! وعلى السودان السلام

Quote: لكن الرجل لديه مصادره المطلعة

Quote: يا محمود ياخ! أحمد الضي!! بالغت لكن, اوعى تكون دي نفس المصادر المطلعة الورته أنو ما في كورونا في السودان كما قال أو ان الحرية و التغيير هي الوصلت الكورونا - المافي - لسجن كوبر و اصابت بها أحمد هارون! خليك من دا زول يقول ليك انو تم اسنقبال قوش بموسيقى عسكرية هل دا شخص عاقل يتصدق كلامه!