|
Re: المغالطات المنطقية فى المنبر (Re: النصرى أمين)
|
حبيبنا النصري .. تحياتي يا جميل محاضرة لا بد من الجميع اطلاع عليها مفروض أي واحد عضو في سودانيز يقرأ هذا الموضوع
حبيبنا بكري أبوبكر ,, رجاء خاص .. تثبيت هذا البوست في الأعالي
حسب قراءتي الاولى .. سوف ارجع للمرة الثانية
| |
|
|
|
|
|
|
Re: المغالطات المنطقية فى المنبر (Re: Sinnary)
|
هلا النصرى
Quote: مثال: عبد السلام انتقد عبد الفتاح عندما تجاوز الإشارة الحمراء، فرد عبد الفتاح بانتقاده عبد السلام بأنه لم يربط حزام الأمان. |
هههههههه. و زى دى المنبر مليان منها للطيش.
لكن زى دى تقع وين: المتهم: يا مولانا أنا لم اسرق القاضى: لكن فى نفرين شافوك المتهم: وانا أجيب ليك 100 نفر ما شافونى
| |
|
|
|
|
|
|
Re: المغالطات المنطقية فى المنبر (Re: Abureesh)
|
أهم أسلوب للمغالطة ،، ومستخدم بكثرة في المنبر هنا ،،، وفي قروبات الكورة بصورة ظاهرة ،،، وهي حرف النقاش من موضوع الى موضوع آخر ،،، ويحدث ذلك غالباً عند التسليم بأن حجة المتحدث قوية ولا غبار عليها ولكنك من منطق سياسي أو للإنتصار لفريقك المفضل لابد من أن تنتقده ،، فتذكر له إخفاقاً في موضوع آخر لا علاقة له بالموضوع الأصلي ،، (أقرب مثال لها عندك حكاية الإشارة والحزام ،،، لكن الفرق هناك الإتنين إخفاق ،،، وهنا مقابلة حجة نجاح بحجة إخفاق آخر مثلاً ،،، مثلاً عز الدين بيناقش عبادة ،، وذكر له بأن وزيرة الخارجية تقوم بعمل جيد في خفض النفقات وقفل السفارات في الدول التي ليس لنا معها أي نشاط سياسي أو تجاري وليس بها مواطنون سودانيون وكذلك خفض البعثات في الدول الأخرى ،،، فيرد عبادة ،،، وطيب ومالك ما قلت وزير العدل ماسك الناس في السجن بدون محاكمة ،، فينحرف النقاش عن موضوع الخارجية الى موضوع السجن ،، ولا يوسف مريخابي يناقش في حسن الهلالابي ،، فيقول ليه نحن ياخ عندنا بطولة أفريقيا ،، أحرزنا كأس مانديلا ،،، فيضحك حسن ههههه مالك نسيت سبعة الوحدات ،،،،
| |
|
|
|
|
|
|
Re: المغالطات المنطقية فى المنبر (Re: محمد على طه الملك)
|
Quote: أهم أسلوب للمغالطة ،، ومستخدم بكثرة في المنبر هنا ،،، وفي قروبات الكورة بصورة ظاهرة ،،، وهي حرف النقاش من موضوع الى موضوع آخر ، |
دي يا حسام كنا بندرب عليها مندوبي المبيعات عندما يعصلج التاجر ويتماطل في اتمام صفقة الشراء بتشتيت التركيز واكمال الصفقة والمخارجة بسرعة.
| |
|
|
|
|
|
|
Re: المغالطات المنطقية فى المنبر (Re: Arif Nashed)
|
Quote: بتشتيت التركيز واكمال الصفقة والمخارجة بسرعة |
ههههههههه تطلع منه وهو يقول بالله شوف الزول ده دخلني بي حمد وطلعني بالطريفي طبعاً في الزول البيغالط بدون سبب ويجي بس يكتب ليك ،،،، * ما عندك موضوع ،،،، * ده كلام ما منطقي ،،، * غير مفيد
| |
|
|
|
|
|
|
Re: المغالطات المنطقية فى المنبر (Re: محمد عبد الله الحسين)
|
لك التحية عزيزنا النصري و ضيوف البوست أولاً غيابك يا عزيز من المنبر أو إنقطاعك حرمنا من مواضيعك المحفزة علي التفكير, طرحت موضوع مهم جداً لاننا إذا تمكنا من تطرير مستوي نقاشنا, ح نستفيد جداً و ربما كانت الحرب دي زاتا ما قامت إساساً. أكتب هذه الحروف و في زهني بوستك الذي سألتنا فيهو إنت مع الدعم السريع ولا مع الجيش؟ السؤال مفخخ لانه فرض إجانتين فقط يا ابيض يا اسود؟ لكن بعد أن واصلت في المداخلات عرفت قصدك و الفكرة الذكية من البوست, عموماً, محتاجين مجهودات كبيرة من متخصصين و باحثين و مدربين نفسيين عشان تطور مستويات نقاشنا, مثلاً المتخصصين قالوا ما نقول جملة " صراع الثقافات" و يستحسن أن نستخدم جملة "حوار الثقافات" لان الصرع يولد في العقل الباطن فكرة منتصر و مهزوم و لكن الحوار يمكن أن ينتصرفيه الاثنين و لا يكون فيه طرف أحسن من الثاني, و الامثلة كتيرة. الله يدينا زمن نستفيد من المدخلات و ندلي بي دلونا معاكم,,, مرة أخر للمرور و لك التحية بي مداخلاتك دي ح تشجعنا علي متابعة المنبر بعد إنقطاعة إستمرت مده من الزمن.
| |
|
|
|
|
|
|
|