كتب الكاتب الفاتح جبرا المتوفرة بمعرض الدوحة
|
Re: بينهم مصري وآخر سوداني- أثرياء من أصول عر� (Re: زهير عثمان حمد)
|
أسس محمد إبراهيم بريطاني الجنسية والمولود بالسودان شركة "Celtel International" عام 1998، وهي من أوائل شركات الهواتف المحمولة في أفريقيا والشرق الأوسط، وتبلغ ثروته 1.1 مليار دولار.
===================================== حبيبنا زهير تحياتي
حبيبنا (( مو )) من عندينا ما شاء الله أقرباءنا الحلفاويين عندهم مهارة في الاعمال مثال : أسامة داؤود ( دال ) وكمان وجدي ميرغني
زمان كان أهلنا ناس الخندق مشهورين بالتجارة والى اليوم كمان ناس كورتي ( كوارتا )
| |
|
|
|
|
|
|
Re: بينهم مصري وآخر سوداني- أثرياء من أصول عر� (Re: علي عبدالوهاب عثمان)
|
الحبيب زهير .. خلينا ندخل في شوية تفاصيل حلفا طبعاً منفذ السودان لكل الحضارات وثقافتهم كانت عالية جداً
على عكس أهلنا في أعماق دنقلا .. هناك حقيقة ربما لايصدقها البعض هو أن التجارة كانت مهنة غير مرغوبة لدى أهلنا بل كانت تدخل ضمن المهن المنبوذة حتى في الغناء الشعبي التراثي كما في أغنية تراثية مشهورة على امتداد دنقلا تقول الاغنية وهي لفتاة اسمها ( آمنه برشوت ) :
فلاه شتا جانقي باياوي .. جاد غريب كي باياوي
بالعربي : يا جاد غريب لا تقرب من آمنه .. لأنك فلاح بياع شطة في السوق رحم الله عمنا جاد غريب صاحب المعهد والجامع في أرقو .. طبعاً الى اليوم أهلنا في أرقو هم اصحاب المال والجاه ( بقوا كفلاءنا ) أحسن ناس واجمل ناس .. حسنوا لينا النسل وشبابهم اليوم يمتلكون مزارع واسعة للقمح والفول والتوابل .. ووكلاء الغاز
أما في دنقلا المدينة فهم أصحات الاعمال والعقار وكان اشهرهم واكثرهم ثراء احمد النزهي رحمه الله وهم عائلات لها امتدادات في كل مناطق دنقلا .. القناوية والسيسية والاقندية والنزهية والفيايمه (الفيوم)
وغيرهم .. ثم كان الاقباط .. اسحاق وشوتي ومنقريوس .. صاحب البار الشهير .. وطبعاً أهلنا كانوا عندهم ثقافة الشراب بدون أي مشاكل .. عادي الواحد يربط الحمار ويمشي البار يأخذ نصية في جيبو .. أول بار جرى تكسيره كان في القولد وكان قائد الجماعة ( عبيد ختم ) قبل الانقاذ كان طالب في دنقلا الثانوية
واهلنا في أرقو ودنقلا من ذكائهم وجدوا هذه الثغرة واستوطنوا في أرقو ودنقلا وبنوا لنا اصول تجارة وانعشوا الحياة وطوروها
أما الخندق فكانت ميناء تجمع حتى تجار من شمال أفريقيا ( ده موضوع طويل ) وأشهرهم عائلة وديدي وهم من أصول موريتانية ..
فقط المتاح كانت تجارة المحاصيل وخاصة تجار التمور من كردفان ( الابيض ) كانوا يحضروا في الموسم الى دنقلا
أما حلفا فكانت منارة العلم والثقافة والحداثة .. فهم استثناء .. ومنهم والد خليل فرح ( فرح بدري ) كان من كبار التجار
تحياتي يا زهير ..
| |
|
|
|
|
|
|
Re: بينهم مصري وآخر سوداني- أثرياء من أصول عر� (Re: ترهاقا)
|
جاد كريم ده يا استاذ علي مش كان سواق معروف في الخط في الستينات والسبعينات وإلا زول تاني؟
======================= ترهاقا أننقا مسكاقمي .. فنانا الجميل داك جاد كريم .. ده جاد غريب مقلد .. من أهلنا المقالدة عندنا يسموهم ( فلاليح أرقو) ده كان في الستينيات عندو عربية اسمها ( فولقا ) تقريبا ..عربية ملاكي يمكن صناعة روسية
يوم السوق عندنا الناس كان يتفرجوا عليها .. يرددوا عبارة ( يا سلام عربية ورا وقدام كله واحد )
المقالده معروفين في ارقو ودنقلا كبار التجار من زمان .. ومن عائلتهم المناضل على محمود حسنين رحمه الله وعمه سعيد حسنين والدة التيجاني سعيد حسنين شاعر وردي قلت أرحل ..
كمان اسمو ورد في اغنية ( امنة بوروشوت ) هي اغنية تراثية من أغاني الرواويس لحنها في غاية الروعة .. كان يتغنى بها أهلنا الترابلة في ليالي البوقانا بأصوات جميلة جداً ,
آه الزمن الجميل .. حياة بدون تعقيد .. ليالي بوقانا طرب ونغم ودكاي .. مودتي فنانا الجميل ترهاقا ..
| |
|
|
|
|
|
|
|