|
Re: خرمجة (Re: اخلاص عبدالرحمن المشرف)
|
البوست ده ح يكون ظريييييف بس قولو بسم الله أولاً مشيت بوست Abureesh لقيت عزيز القارئ بشاشا في حالة اشتباك تذكرت ( منطقة عمليات ) بوست بلدي يا حبوب فيه هندبه رفعت يدي الاثنين أتلفت يمين شمال قلت احسن شئ اكتب عن الحجاج بن يوسف ( السخفي ) معقولة يا جماعة ، يخوفوننا ويردعونا وكمان يكبعونا .
| |
|
|
|
|
|
|
Re: خرمجة (Re: اخلاص عبدالرحمن المشرف)
|
منقولة من الواتساب
( اعرف صديق حسن منذ زمن بعيد ... اسمه صديق حسن كما كنا نعرفه في المدرسة ، البشير دي ما عرفناها الا بعد الانقلاب ... صديق دفعتي في بحري الثانوية ثم كلية الطب ، اغترب هو في ابوظبي واغتربت انا في السعودية .... ثم التقينا مرةً اخري في بريطانيا ... زهو الان يسكن جاري في سوليهل منذ اكثر من ١٥ سنة واعرفه حق المعرفة ... وهو رجل فاضل ونظيف وعفيف .... لا اعتقد انه دخل مع اخوانه والا لما كان محتاج انه يقعد معانا مزعمط زينا كدة .. اعرف من تجربة شخصية انه كان يتجنب يوري أهله هو حايصل متين عشان ما ياقابلوهو بهيلمانة في المطار ... واعرف بيته في سوليهل متواضع وعربيته متواضعة وتشبهو ... شغال لواكم في كارلايل أقصي شمال انجلتر ما بيشوف أولاده الا في الويكند ... نعم هو كوز ما فيها شك لكنه لم يلغ في الفساد مادياً زي اخوانه ... وبيته في كافوري بناهو من حر مالو حسب علمي ... اشتري الأرض لمن كان في ابوظبي ، يمكن قبل الإنقاذ ، وبناها فيما بعد ... وهي لا تعدو طابق ارضي وعمدان في السطوح لم تكتمل ... اعتقد انه خطأ من لجنة التفكيك ولو عارف اتصل بيهم كيف كنت كتبت ليهم جواب يراجعوا القرار بتاعهم ....)
| |
|
|
|
|
|
|
Re: خرمجة (Re: اخلاص عبدالرحمن المشرف)
|
Quote: انا عندي قضية إخلاء ليها قريب السنتين . |
القضاة فى السودان لا يفهمون ان تأخير العدالة هو عدم عدالة.. البلد كلها هابطة و الحال من بعضه. حين يسقط الطائر لا يترك أحد جناحيه فى السماء
| |
|
|
|
|
|
|
Re: خرمجة (Re: Abureesh)
|
اهلاً استاذنا Abureesh العدل أساس الملك . تاخير العدالة يجعلها بلا فائدة . وهي الظلم بعينه
| |
|
|
|
|
|
|
Re: خرمجة (Re: Abureesh)
|
Quote: أن شاء الله يستأنف وينظر في أمر سكنه قريب ، القضاء في السودان |
إن شاء الله ما يحوجوا متظلم للمحاكم لأنه لو احتاج متظلم للمحاكم سيكون يكون دا الظلم بذاته وإن شاء الله تكون أبواب هذه اللجنة مفتوحة لكل متظلم عبر مكتب وقسم داخل لجنة إزالة التمكين متفرغ لأي متظلم ومظلمة لتقديم مظلمته ويتعامل معها بسرعة منطقة كافوري كمنطقة امتداد لكوبر التي كان تسكن بها أسرة حسن البشير ربما جعلت بعض إخوة عمر البشير وأقربائه خاصة المغتربون منهم أن يشتروا قطع سكنية في نفس المنطقة فالأمر يحتاج بحث ومراجعة من هم الذين اشتروا وبنوا بحر مالهم ومن هم وما هو الذي حازوه باستغلال منصب أخوهم ؟! أنا لا أعرفهم رغم القرب الجغرافي لبعض أقربائهم في الجزيرة أعرف فقط بعض بنو عمومتهم في مرة سألت والدي رحمه الله عن صديق أحمد البشير رحمه الله المسمين عليهو ابن اخيه هذا قلت ليهو أنا مشيت لي مدرسة لقمان الحكيم طابت الشمالية وكنت بتكلم مع مدير المدرسة قال لي والله كنا عايزين نعمل تسوير للمدرسة ومشينا لصديق أحمد البشير في صراصر عشان يتبرع لينا بالسور للمدرسة لمن رجعت البيت وقتها في عام 2006م قلت للوالد رحمه الله : صديق أحمد البشير دا عندو قروش قدر دا من زمان ؟ قال لي والله ما عارف ليهو غير حواشتو معانا في مكتب العمارة كاسر! الله يرحمهم
| |
|
|
|
|
|
|
Re: خرمجة (Re: منتصر عبد الباسط)
|
اهلاً استاذ منتصر عبدالباسط تعرف يا منتصر معرفة الفاسدين منهم ساهلة الوحيد ال ما سمعنا له بفساد بل زملاءه من زمن البشير أثنوا عليه هو أخوهم صديق ، حتي عمو صديق ما في زول شكره ، مهمة اللجنة صعبة لان طول فترة الحاكم تغري كثر ويصعب ( اقتفاء اثر ) ما سرق وعوائد وأرباح ما سرق ، البيوت دي اسهل حاجة وما أظن هي المهمة.
| |
|
|
|
|
|
|
Re: خرمجة (Re: اخلاص عبدالرحمن المشرف)
|
غشيتيني يا خية قايلو بوست خرمجة وشفت رئيس الخرماجين ابوحسين لقيتو جادي 😆😆 بطء المحاكم من ثقافة الانقاذ عندك ضهر شدة من المحاكمة سريعه الخصم الواصل ولا بشوف المحكمة زاتو
| |
|
|
|
|
|
|
Re: خرمجة (Re: عبدالحفيظ ابوسن)
|
كيفك يا حفيظ وان شاء الله رمضان بارد وناس الكهرباء اتستروا وتصوموا وتفطروا علي خير. مشكلة السودان أن الإنقاذ أدخلت مفاهيم جديدة ما بتشبه السودان ، اصغر منك دوسو
والمحاكم والقضاء زي الباقي ، ما جزيرة معزولة أصابه ما أصاب البلد .
| |
|
|
|
|
|
|
|