|
Re: فرحة عارمة بإعادة القراند هولدي الي الش (Re: Osman Musa)
|
فعلاً يا استاذ عثمان موسي فرحة كبيرة لا تخالطها ذرة شك في صحة القرار
سرقة بعين قوية لأجمل فنادق السودان وأشهرها سرقة لذاكرة قسم كبير من السودانيين ، تعتبر عودة الفندق الكبير يوم عيد
شكراً لجنة ازالة التمكين علي أعادة هذا الصرح
| |
|
|
|
|
|
|
Re: فرحة عارمة بإعادة القراند هولدي الي الش (Re: اخلاص عبدالرحمن المشرف)
|
بنتنا اخلاص سلامات اتصلت البارح بعد سماع الأخبار الجميلة بي عم من اهلنا الهاربين من جحيم حرامية الإنقاذ رجل في الثمانين . يعيش مع الأسرة في الغرب . الرجل خرج من السودان بعد الخروج من السجن . خرج من السودان وهو في سن ال 52 . عمك كان في قمة الفرحة . وقال لي انشاءالله لو مد الله في الأيام وأبعد بلاء الكورونا . لابد من الخرطوم . و لابد من الدردقة في بهو الفندق الحبيب .
| |
|
|
|
|
|
|
Re: فرحة عارمة بإعادة القراند هولدي الي الش (Re: Osman Musa)
|
ومتى سوف يتم استرجاع ( فندق السودان ) وهو أيضاُ فندق من أفخم الفنادق الوطنية التي كانت ملكاُ لحكومة السودان .. وكالعادة تلاعب هؤلاء الخبثاء في بيع ذلك الفندق لدولة أجنبية ؟؟؟؟؟؟؟؟ ،، وحكاية التلاعب بممتلكات الشعب السوداني تطول وتطول !!!!
| |
|
|
|
|
|
|
Re: فرحة عارمة بإعادة القراند هولدي الي الش (Re: Osman Musa)
|
أتمنى أن تتعاقد الحكومة مع شركة ترميم مبانى تراثية عالمية، ويشيلو (التحديثات) الفارغة و يعيدوا شكل الفندق للطراز الفكتورى القديم.
و كذلك لجامعة الخرطوم.. يشيلوا البوبات الجديدة القبيحة و يعيدوا بوابات الطوب القديمة بتاعة الجامعة.. حتى لو شالوا الطوب من جزء من الجدار القديم من مكان غير اساسى فى سور الجامعة. فى جامعة بكين.. و هى أكبر و أهم جامعة فى الصين، أنشأت فى عهد أسرة شينق عام 1898.. منذ ذلك الوقت فإن البوابة الغربية، و هى البوابة الرئيسية لم تتغير.. بوابة بسيطة و متواضعة و لكنها صارت تراث و تأريخ.. فى الوقت الذى فيه بوابة جامعة الخرطوم الجديدة أو المسخ المشوه تسبب فى تدمير بوابة عمرها أكثر من مائة عام.. عشان يقولوا عملوا البوابة الجديدة على الطراز الإسلامى و لا أعرف مفهوم الطراز الإسلامى هذا جابوه من وين.. من عهد الرسول أم من عهد الصحابة؟
| |
|
|
|
|
|
|
Re: فرحة عارمة بإعادة القراند هولدي الي الش (Re: Abureesh)
|
أهم شى إعادة الترس المسطبة الواسعة الشاسغة المطلة على النيل الأزرق وقعدتها البتد الروح فىلا جلسات المساء .. وبالنهار فى الجزء اليهو الضل والكافتريا الجوانية تستمتع بعصير الليمو البارد فى كباية الشب الضخمة وسندوتشات كونتينتال الشهية.
| |
|
|
|
|
|
|
Re: فرحة عارمة بإعادة القراند هولدي الي الش (Re: نادر الفضلى)
|
و كمان أقترح للجنة تفكيك نظام الثلاثين من يونيو 1989 و إسترداد الأموال العامة بأن تقوم بالتحقيق في المخالفات الإدارية وفق لقوانين الخدمة المدنية و كذلك أي جرائم وفقا للقانون الجنائي حتى يتم جبر الضرر لحكومة السودان عن فوات المنفعة طوال فترة الإيجار. لابد من توسيع المسارات القانونية لملاحقة هؤلاء عن كل فعل و حتى لو أدي لمقاضاتهم بالتعويض لحكومة السودان.
| |
|
|
|
|
|
|
Re: فرحة عارمة بإعادة القراند هولدي الي الش (Re: وليد ابكم)
|
يا سلام الحبيب عثمان .. في احدى اجازاتي زمان قضيت فيهو وقت جميل الواحد كان يشعر بطعم التاريخ والسودان الجميل الصحون والملاعق والشوك والكاسات كلها كان عليها ماركة حصرية بالحروف الاولى من اسم الفندق الوجبات في غاية الاتقان .. أجمل سلطة قريب فروت احمر لازالت طمعها في الذاكرة
بهو الفندق كان فخم والعاملين على مستوى عالي جدا من الرقي لو لم تخني الذاكرة فندق السودان كان في نفس الشارع (النيل ) ولكن الفندق الكبير كان ليه رمزية وخاصة المعمار العريق ..
الكيزان حتى شوهوا القصر الجمهوري الذي يحتاج الى ازالة كل التجاوزات المعمارية
لنرجع الى نموذج 10 واننق استريت
الله على الذكريات الجميلة .. قضيت فيه خمسة ايام وتم منحي يوم اضافي
شكرا الحبيب عثمان .. مودتي
| |
|
|
|
|
|
|
Re: فرحة عارمة بإعادة القراند هولدي الي الش (Re: Abureesh)
|
أخونا ابوالريش سلام الليلة دي لو طلبوا من اهلنا الانجليز متخصصين في إعادة ترميم وصيانة المباني التاريخية. الانجليز النشامة حيجوا في اقل من شهر . والعون ده قاعد يحصل من الانجليز عادي لي مباني مدارس تاريخية في مستعمرات كتيرة. قاعدة تصان كل عشرة سنوات . الانجليز في زي دي الحاجات ممكن يمدوا يد العون . بس جماعتنا فهمهم قليل ومتخلف . وما فاضين غير التفكير في سرقة قطع الأراضي وتخريب المشاريع .
| |
|
|
|
|
|
|
Re: فرحة عارمة بإعادة القراند هولدي الي الش (Re: Osman Musa)
|
من معالم السودان في موقع من اجمل المواقع حديقة الحيوانات التي كانت أعداء السودان عاني منهم البشر والحجر والحيوان
الحمدلله علي سلامة الفندق في عظمة بس الحديقة ( راحت في حق الله ) والأسود تشردت و قدل الورل وعلي عصمان . عزاءنا ان الفندق الكبير سلم و اما الحديقة فقد تحولت الي بيضة فندقية زرقاء .
| |
|
|
|
|
|
|
|