|
Re: لم أنتمي يوماً لليسار ولكن ..!! (Re: صديق مهدى على)
|
Quote: أحمد موسى بتاع القانون سؤال يطرح نفسه :- ما هو لونك السياسى؟ |
مشتاقين والله ...
تصدق لحظة سالت انا كنت بفكر تعرف ياصديق ؟ انا من قمت قمت مهتم بالمسرح وكنت كدرامي بعتقد أنو الفن أكبر من أي أيدلوجيا وبخليك حر عكس الإنتماء إمكن بحكم اننا فنانين كنا اقرب لليسار باعتبار اليسار مهتم بالفن وبحترمه لكن عمري ما كنت منتمي امكن في فترة انتميت لمؤتمر البجا وبعده لمن جات الحركة الشعبية حسيتها مشروع اكبر من مؤتمر البجا اها لمن مشت بقيت محامي بس ودرامي مرة مرة
| |
|
|
|
|
|
|
Re: لم أنتمي يوماً لليسار ولكن ..!! (Re: Deng)
|
مشتاقين ياخ ورمضان كريم تعرف يا دينق والله ماخاتف ولا لون امكن في لحظة انا كنت مغيوظ من شكل المعارضة وحاسي انها ما حتحل مشكلة وصاح انا لحظتها اتعاملت بطريقة غلط طريقة اقرب للمكايدة بس نبهوني اصدقاء ووقفت من الطريقة الغلط والمنبر زاتو وهسه الحاصل ماعاجبني لكن صابر لاعتبار الوضع الان برغم اي شي افضل من الفات
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
مرحبا يا أحمد موسى.
كده خلينا من حكومة ومعارضة، ولكن خلينا نلتزم بدعم الثورة ومساعدتها في الوصول الى إيجاد نظام حكم ديمقراطي منتخب يسع للجميع . نظام خالي من الهووس الديني ومن لصوص الكيزان الفاسدين
| |
|
|
|
|
|
|
Re: لم أنتمي يوماً لليسار ولكن ..!! (Re: Deng)
|
Quote: مرحبا يا أحمد موسى.
كده خلينا من حكومة ومعارضة، ولكن خلينا نلتزم بدعم الثورة ومساعدتها في الوصول الى إيجاد نظام حكم ديمقراطي منتخب يسع للجميع . نظام خالي من الهووس الديني ومن لصوص الكيزان الفاسدين |
بالضبط كدة ... وده فهمنا ... نقيف مع الحكومة الانتقالية قدر قدرتنا ونحن حاليا شغالين على مستويات مختلفة من مستوي الحي .. نشوف كيف نقدر نساعدهم ونساعدهم حسب طلباتهم واولادنا وسطهم شغالين بمجهوداتهم ونحن بقدر خبراتنا وجهدنا وزي ماقلت نقفل باب الرجعة للهوس الديني ولصوص الكيزان الفاسدين
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
طيب بعيدا من أناشيد الثورة ويارذاذ الدم حبابك وياشهيد الشعب أهلا وبعيدا من كتلوك الناس العزل كتلوك ياقاسم أمين وبعيد من لنا جعفر ومعاوية عبيد وبقية الرهط أنا ومن بدت الثورة متابع مواقف الحزب الشيوعي وبجد مواقفه متسقة تماما مع الثورة ومع الشارع و مطلوباته
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
طيب بعيدا من أناشيد الثورة ويارذاذ الدم حبابك وياشهيد الشعب أهلا وبعيدا من كتلوك الناس العزل كتلوك ياقاسم أمين وبعيد من لنا جعفر ومعاوية عبيد وبقية الرهط أنا ومن بدت الثورة متابع مواقف الحزب الشيوعي وبجد مواقفه متسقة تماما مع الثورة ومع الشارع و مطلوباته
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
Quote: اها زي نوعك ده بشوف الكوز احسن منه ..! |
شوفك غير موضوعي وغير مبرر ومبني على إنفعالك للدفاع عن موقفك الشخصي هنالك نماذج لناس كتيرين مواقفهم تتحول حسب تحول السلطة من فئة لأخرى. أنا لم أجزم بأنك أحدهم ولكن قلت أن ذلك إحتمال وارد وليس هنالك ما يمنع صدق هذا الإحتمال وليس هنالك ما يمنع كذبه.
| |
|
|
|
|
|
|
Re: لم أنتمي يوماً لليسار ولكن ..!! (Re: Hafiz Bashir)
|
شوفك غير موضوعي وغير مبرر ومبني على إنفعالك للدفاع عن موقفك الشخصي هنالك نماذج لناس كتيرين مواقفهم تتحول حسب تحول السلطة من فئة لأخرى. أنا لم أجزم بأنك أحدهم ولكن قلت أن ذلك إحتمال وارد وليس هنالك ما يمنع صدق هذا الإحتمال وليس هنالك ما يمنع كذبه.
اها ده كلام حترم وممكن اتفق معاه في اجماليه طيب انا السلطة الفاتت دي 30 سنة ما اشتغلت فيها والحمدلله ولمن اترشحت كم مرة اعتذرت والحمدلله وندي منها موقف واضح واتضررت منها على المستوى العام والخاص اها الحكومة دي ناسي واصحابي ورفاقي وداعمها علنا من اول يوم وحتى اخطاءها شئ بنكتمه عشان مانضعفها وشئ بغلبنا بنقول بس بنخففه حبة ودي ذاتها انا ماداير منها شئ غير تخدمني وتخدم اهلي واهل بلدي ما اكتر ولا اقل ـــــــــــــــــــــــــــــــــــــــــــ كسرة قصة اللبن دي نقولها تاني ماعندها علاقة بنظام ولا سياسة ده رؤية ربنا قال لي فيها الصف الاول خيره كتير . فل أستوب اما مواقفي من الحكومة الفاتت دي خش الراكوبة او سودانيز دي زاتها بتلقى كتاباتي المعارضة للحكومة علنا
| |
|
|
|
|
|
|
Re: لم أنتمي يوماً لليسار ولكن ..!! (Re: صديق مهدى على)
|
Quote: حافظ رمضان كريم مالك داخل توش لا قزازة لاكنتوش مالك ما شوفت المرحوم أحمد سليمان المحامى دخل الانقاذ مهروش وسبدرات لابس طربوش دا اليسار ياحافظ سيد رايحة دايما بدخل عشان الجاه والقروش |
هههههههههههههههه قلنا مشتاقين قول بالاكتر قول ما ضروري اي شي
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
الحبيب احمد .. تحياتي في الستينات كان اليسار جاذب وكنا في قمة الحماس شباب أيام مصطلحات الامبريالية والرجعية .. إلخ ارهاصات كاسترو وجيفارا وباتريس لوممبا وهوشي منه ( خاصة هذا الفيتنامي ) ونوعا ما ماوتسي تونغ .. عبدالناصر .. سوكارنو سوهارتو .. كنياتا ..
تتخيل الحبيب أحمد نحن آخر الدنيا في الشمال ريفي دنقلا كنا نتابع اخبار هؤلاء ونتعاطف معهم ( حتى عبدالناصر رغم انه أغرق حلفا ايقوتنا للابد ) ..
الاحزات التقليدية طبعا حزب الامة كان للعمد والمشايخ والادارات الاهلية نحن كنا كشباب بأعداد محدودة ننشط مع الحكومات الديكتاتورية في الحكومات الديمقراطية ما عندنا مرشح .. المشكلة عندنا اسم الشيوعي كان مشكلة .. المخرج كان مصطلح ( اشتراكي ) والأجمل كنا نقرا الكتب ( كوبا الجزيرة التي احببت ) وكتاب يغلاف أحمر عليه صورة ماوتسي تونغ و( همبول الاشتراكية ) اغاني وردي والكابلي خاصة اغنية باندونق ( تاج السر الحسن )
الاخوان المسلمين لم يكونوا بذلك العدد .. وبين الشباب قلة من الامة والاتحادي ( كنا نطلق عليهم رجعية )
آه .. ليته يعود يوماً .. تحياتي الحبيب أحمد .. معليس تمددنا في البوست
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
الحبيب احمد قادة الحزب كانوا جاذبين في اللبس والشكل عبدالخالق والشفيع وفاطمة كنا نشوف صورهم في الجرايد التي تصلنا من العاصمة بعد اسبوع كان نادر الشيوعي يكون بجلابية وعمة كما حاليا قريبي الخطيب وشيخنا صديق
تحياتي الحبيب احمد
| |
|
|
|
|
|
|
Re: لم أنتمي يوماً لليسار ولكن ..!! (Re: علي عبدالوهاب عثمان)
|
Quote: الحبيب احمد قادة الحزب كانوا جاذبين في اللبس والشكل عبدالخالق والشفيع وفاطمة كنا نشوف صورهم في الجرايد التي تصلنا من العاصمة بعد اسبوع كان نادر الشيوعي يكون بجلابية وعمة كما حاليا قريبي الخطيب وشيخنا صديق |
من المشاهد التي لن انساها في بري امام منزل المرحوم مامون مبارك امان وكانت ليلة سياسية وكانت فاطمة احمد ابراهيم تخطب بشكل جميل المهم والذي لفت نظري وتوقفت عنده لزمن انها كلما بدأ أعلى ثوبها الأبيض يسقط عن شعرها رفعته بطريقة آلية هذه التفصيلة ومع صغرها جعلتني احبها كأمي
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
الآن يا أحمد موسي ترسيخ الديمقراطية و قيم العدالة يجب أن يكون هم كل مخلص للوطن. يسار وسط أو يمين كلنا في الهواء سوا (الوضوح من القوي السياسية مهم)
ترسيخ الديمقراطية في السودان يتعارض مع أغلب أنظمة دول الجوار و سوف تسعي لإجهاضة بأي سبب أو وسيلة.
علي الشعب اليقظة ... و كشف عملاءهم بالداخل. محاولة استثمار الأزمات الحالية لتقويض التجربة الديمقراطيه, تمهيدا لنظام دكتاتوري يسمح ب قدر ضئيل من الديمقراطية. فكرة يجب كشف من يسَوِقْ لها؟
| |
|
|
|
|
|
|
Re: لم أنتمي يوماً لليسار ولكن ..!! (Re: Hamid Elsawi)
|
سلامات ابو حميد مشكلة والله موضوع الولاة دا وكمان جاية ازمة التشريعي! لو عملت قرعة عشوائية لتختار 18 سياسي سوداني ح يطلع 17 ينتمون لأحزاب نشطين أو سابقين و الأخير مستقل و المستقل دا زاتو ح يصنف يساري أو يميني منصب الوالي منصب سياسي وليس تنفيذي عشان تجيب ليه موظف خبرة في العمل الاداري و كفى! يبقى لابد من سياسيين منتمين في النهاية, طيب كيفية الاختيار معضلة حقيقية في ظل ان كل حزب بما ليدهم فرحون ولا يعترفون بمن لا ينتمي على الاقل لتيارهم إن لم يكن حزبهم كان على الشيوعي و الامة و الجبهة الثورية و كل من يعترض على المحاصصة أن يطرح تصوره لكيكفية الاختيار بطريقة ترضي اهل الولاية المعنية أولا وتضمن تعيين شخص سياسي يفهم متطلبات المرحلة ولا يقع هذا الاختيار في فخ المحاصصة!
| |
|
|
|
|
|
|
Re: لم أنتمي يوماً لليسار ولكن ..!! (Re: محمد البشرى الخضر)
|
Quote: قصة اللبن دي نقولها تاني ماعندها علاقة بنظام ولا سياسة ده رؤية ربنا قال لي فيها الصف الاول خيره كتير . فل أستوب |
الموضوع ما بالبساطة دي في البوست الفات جبت ليك الصورة دي
اللاعب الفوق دة يا مولانا معجب بهتلر من حقه يقرأ التاريخ بزاوية مختلفة ويطلع بهوى ونتائج مختلفة لكن هل تحية هايل هتلر العملها في الميدان عادية؟
| |
|
|
|
|
|
|
Re: لم أنتمي يوماً لليسار ولكن ..!! (Re: أحمد محمد عمر)
|
Quote: اللاعب الفوق دة يا مولانا معجب بهتلر من حقه يقرأ التاريخ بزاوية مختلفة ويطلع بهوى ونتائج مختلفة لكن هل تحية هايل هتلر العملها في الميدان عادية؟ |
يلا يا احمد في فرق بين النقاش والغلاط سؤال هل في زول في المنبر ده او خارجه ممكن يجبرني اكضب او ممكن اكضب عشانه ؟؟ هل انا عندي مصلحة اني اكضب ؟؟ عشان اقول شي تقول لي لا القصة ما كدة وتحدد القصة انت ؟؟ نحن ممكن نتناقش لزمن بس مابعرف اتغالط لزمن ولو اقل انا فسرت قصة الرؤية انت ما مصدقها من حقك بس ما تلاحقني بقصة انك ما مصدقة دي بين البوستات
| |
|
|
|
|
|
|
Re: لم أنتمي يوماً لليسار ولكن ..!! (Re: أحمد محمد عمر)
|
Quote: وين أنا قلت إني ما مصدق القصة؟ |
في تكرارك وفي كلامك الفوق يا احمد لو انت في السودان وبتثق في حلفاني مستعد الاقيك حيث ما كنت واحلف ليك على المحف انو قصة نافع دي عندها علاقة بالصلاة في الصف الاول وارجع واقراها تاني لو ما مربوطة بقصة الصف الاول تعال قول لي كذاب تاني مكاجرتي لبعض الناس بيه فده بعترف كان غلط ونبهوني ليه ناس ووقفت منه ومن المنبر لاني ما كنت متحمل طريقة الناس في معارضة النظام كانت رخوة تالت بوست المؤتمر الوطني افضل من الاحزاب حاليا فده كنت قاصده وبررت للكلام في البوست قلت الاحزاب لافه حوله وهو بقى مركز فعل وده كان كلام غايظني انا لعلمك بفسر كتير للبحس محتاج افسر ليه كتير ومابشتغل بالبحس ما مهم اشتغل بيه
| |
|
|
|
|
|
|
Re: لم أنتمي يوماً لليسار ولكن ..!! (Re: أحمد محمد عمر)
|
Quote: وين أنا قلت إني ما مصدق القصة؟ |
في تكرارك وفي كلامك الفوق يا احمد لو انت في السودان وبتثق في حلفاني مستعد الاقيك حيث ما كنت واحلف ليك على المحف انو قصة نافع دي عندها علاقة بالصلاة في الصف الاول وارجع واقراها تاني لو ما مربوطة بقصة الصف الاول تعال قول لي كذاب تاني مكاجرتي لبعض الناس بيه فده بعترف كان غلط ونبهوني ليه ناس ووقفت منه ومن المنبر لاني ما كنت متحمل طريقة الناس في معارضة النظام كانت رخوة تالت بوست المؤتمر الوطني افضل من الاحزاب حاليا فده كنت قاصده وبررت للكلام في البوست قلت الاحزاب لافه حوله وهو بقى مركز فعل وده كان كلام غايظني انا لعلمك بفسر كتير للبحس محتاج افسر ليه كتير ومابشتغل بالبحس ما مهم اشتغل بيه
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
أنا مصدق إنك حلمت بي نافع وما محتاج أي حلفان وما قلت نهائي بكذبك وأصلاً لو قناعتي إنك كاذب في الرؤية أناقش معاك شنو؟
لما قلت ليك (الموضوع ما بالبساطة دي) عنيت بيها حتة (فل استوب) كونك تحب نافع وتشوف فيه نابغة وتحلم بيه دي حاجات خاصة بيك مافي زول بقدر يناقشك فيها لكن كونك تصرح بيها دة الموضوع الما بالبساطة دي حلمت بي زول وجيت حكيت وبس ! لأ هنا لازماك وقفة صغيرة عشان تعرف الناس زعلانة منك السنين دي كلها ليه
لو رجعت لسؤالي حول اللاعب يمكن تقدر تدرك فداحة التصريح بالحلم دة
| |
|
|
|
|
|
|
Re: لم أنتمي يوماً لليسار ولكن ..!! (Re: أحمد محمد عمر)
|
Quote: كونك تحب نافع وتشوف فيه نابغة وتحلم بيه دي حاجات خاصة بيك مافي زول بقدر يناقشك فيها لكن كونك تصرح بيها دة الموضوع الما بالبساطة دي حلمت بي زول وجيت حكيت وبس ! لأ هنا لازماك وقفة صغيرة عشان تعرف الناس زعلانة منك السنين دي كلها ليه
|
لمن تقول تحب نافع معناها انت ما مصدق او مصدق و ما فهمت شوف يا ابوحميد انا لمن نافع كان بستفز في الاحزاب المتهالكة كنت شمتان فيهم بقول يستاهلو وياريت يلحسهم كوعهم ما كان عندي قناعة اصلا فيهم كان قناعتي الشارع بس اما قصة احكي الحلم فحكيته لانه كان عاجبني لاني كنت شايف في الحلم شي شايف انو ربنا اهتم بي ورسل لي رسول (الرؤية) وده كان شي مفرح الناس ركزت على نافع ونافع الدخله الحلم انه كان بصلي في الصق الوراي واصر اني اصلي في الصف الاول وما ارجع لزول مسبوق وده كان رأي ربنا (رسالته) لي دي مسالة (مسجدية) ماعندها علاقة بالسياسة
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
Quote: سلامات ابو حميد مشكلة والله موضوع الولاة دا وكمان جاية ازمة التشريعي! لو عملت قرعة عشوائية لتختار 18 سياسي سوداني ح يطلع 17 ينتمون لأحزاب نشطين أو سابقين و الأخير مستقل و المستقل دا زاتو ح يصنف يساري أو يميني منصب الوالي منصب سياسي وليس تنفيذي عشان تجيب ليه موظف خبرة في العمل الاداري و كفى! يبقى لابد من سياسيين منتمين في النهاية, طيب كيفية الاختيار معضلة حقيقية في ظل ان كل حزب بما ليدهم فرحون ولا يعترفون بمن لا ينتمي على الاقل لتيارهم إن لم يكن حزبهم كان على الشيوعي و الامة و الجبهة الثورية و كل من يعترض على المحاصصة أن يطرح تصوره لكيكفية الاختيار بطريقة ترضي اهل الولاية المعنية أولا وتضمن تعيين شخص سياسي يفهم متطلبات المرحلة ولا يقع هذا الاختيار في فخ المحاصصة! |
والله يا ابوحميد كلامك صاح انا قلت من مشاكل الوثيقة المادة 20 دي دخلت ناس لا هم تكنوقراط نجاض لا سياسييين جد جد وقلت ياريت تتلغي او تتعدل ويجونا السياسيين الجد جد واحزابهم تحاسبهم والناس تحاسبهم يخش عمك ديق والدقير والخ
| |
|
|
|
|
|
|
Re: لم أنتمي يوماً لليسار ولكن ..!! (Re: أحمد محمد عمر)
|
Quote: أنا مصدق إنك حلمت بي نافع وما محتاج أي حلفان. |
ممكن تكون علاقة العمل الوثيقة التي كانت تربط أحمد موسي بنافع ضغطت علي العقل الباطن الموجود في فص المخيخ اليمفاوي فتتحول لأحلام تراود الإنسان وقت النوم والاسترخاء.
احتمال التواصل المستمر في العمل بين الطرفين هو السبب.
| |
|
|
|
|
|
|
Re: لم أنتمي يوماً لليسار ولكن ..!! (Re: Arif Nashed)
|
أنا ما عارف انت مصر على حتة تصديق وما تصديق دي لشنو أنا قلت ليك مصدقك مشكلتي ما في إنك تحلم مشكلتي في إنك تحكي الحلم وتربط نافع بالصلاح من منظورك انت دون اعتبار لمشاعر القارئ اللاعب الفوق دة زيك كدة شايف هتلر زول كويس ومعجب بيه وشايف إنه من حقه يمد يده بالتحية النازية لأنه دي يده هو ما هبش بيها زول لكن الحاصل إنه التحية النازية محرمة في اوربا وفي اليونان بلد اللاعب دة عقوبتها الحرمان من اللعب مدى الحياة عارف ليه؟ لأنه تمجيد الطاغية يعتبر استفزاز لمشاعر الضحية نافع ظل حارس نظام القمع والقتلة 30 سنة وكان مدير جهاز الأمن أيام بطشه وبيوت اشباحه أي محاولة تمجيد ليه تعتبر استفزاز لكل الاتأذوا من نظام القتلة دة
| |
|
|
|
|
|
|
Re: لم أنتمي يوماً لليسار ولكن ..!! (Re: Arif Nashed)
|
Quote: ممكن تكون علاقة العمل الوثيقة التي كانت تربط أحمد موسي بنافع ضغطت علي العقل الباطن الموجود في فص المخيخ اليمفاوي فتتحول لأحلام تراود الإنسان وقت النوم والاسترخاء.
احتمال التواصل المستمر في العمل بين الطرفين هو السبب. |
حاحاول اكون جاد معاك .. بغض النظر عن فهمك للكتبته أولاً أنا د. نافع مالاماني بيه أي شغل والحمدلله والحملله انا من إتخرجت من الجامعة مافارقت مهنتي الحالية دي يعني من اتخرجت انا محامي بس ومافكرت اشتغل اي وظيفة ده اول هام تاني هام الفرق بين الحلم والرؤية شنو الحلم ممكن يحصل فيه كلامك الفوق ده المخيخ والخ اما الرؤية فما بخشها مخيخ ولا عقل باطن ولا شيطان تاني هام تالت هام تفسير الرؤيةجزء منها (الاسم) يعني (نافع) كاسم وليس كشخص هو المقصود يعني ممكن تظهر انت لشخص في رؤية هنا ما بتكون المقصود انت كشخص بس اسمك (عارف) تمام ؟؟
| |
|
|
|
|
|
|
Re: لم أنتمي يوماً لليسار ولكن ..!! (Re: Ahmed musa)
|
Quote: حاحاول اكون جاد معاك .. بغض النظر عن فهمك للكتبته أولاً أنا د. نافع مالاماني بيه أي شغل والحمدلله والحملله انا من إتخرجت من الجامعة مافارقت مهنتي الحالية دي يعني من اتخرجت انا محامي بس ومافكرت اشتغل اي وظيفة |
مع الأسف في نقطة عدم عملك مع نافع فأنت كاذب. لانو هناك اعتراف منك بأنك عملت مع نافع وده اعترافك في البوستات التي كتبتها وأحضر روابطها اخونا أحمد محمد عمر في احدي بوستاتك لا اذكر عنوانه وهو موجود.
Quote: ياشاب ماتقوم نفسك ....
انا افخر إن عرفت د.نافع وأفتخر إن عملت معه
د.نافع حاصل على درجة الدكتوراة
وسياسي وقيادي
إنت منو ...؟!!! |
| |
|
|
|
|
|
|
Re: لم أنتمي يوماً لليسار ولكن ..!! (Re: Arif Nashed)
|
Quote: مع الأسف في نقطة عدم عملك مع نافع فأنت كاذب. لانو هناك اعتراف منك بأنك عملت مع نافع وده اعترافك في البوستات التي كتبتها وأحضر روابطها اخونا أحمد محمد عمر في احدي بوستاتك لا اذكر عنوانه وهو موجود.
|
ده سياسة ما وظيفة انا بقول ليك تاني انا من اتخرجت من الجماعة ما اشتغلت في وظيفة ومن اشتغلت سياسة ما اشتغلت في اي واجهة من ةاجهات المؤتمر الوطني انا اشتغلت مع مؤتمر البجا ومع الحركة الشعبية ومع المنبر الديمقراطي لشرق السودان وكلها عندها تقاطعات مع المؤتمر الوطني واكيد بتلم في نافع وغيره المحيرني يا عارف انت مصر على القصة دي كدة لشنو هل نحن متنافسين على وظيفة ؟؟ هل نحن متنافسين على حبيبة ؟؟ هل نحن متنافسين في عمل تجاري ؟؟ كلامي عن نافع قلته ووريت سياقه تصدقه تكذبه دي شي راجع ليك بعدين قول ياخ انا بحب نافع ولا مناسبه ولا مدير مكتبه حتى انت متضرر شنو ؟؟
| |
|
|
|
|
|
|
Re: لم أنتمي يوماً لليسار ولكن ..!! (Re: Arif Nashed)
|
Quote: يا أحمد اتا زول محامي وكلامك واضح في المقتبس تاني تحلل فيهو شنو! واصل في موضوع اليسار. |
تمام موضوع اليسار حافرد ليه بوست تاني محتاج يكون خاص بيه بعيد عن مهاترات المنبر والحزب الشيوعي بقراءات حيفارق الحرية او حيعمل انقلاب او يشارك فيه انقلاب مدني او عسكري وده بوست داير تجميع بيانات ومواقف وتحليل مع عوك وعوك دي صعب
| |
|
|
|
|
|
|
| |