|
|
|
 Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
ولتأكيد مكانة هذه الاغنية ( عزة في هواك ) وسوف أنقل لكم بعض
الحكايات عن عمق هذه الاغنية ..
============================
مثال أغنية ( عزة في هواك ) لديها وقع خاص في النفوس ..
نحن طبعا نشأنا في جزر مغلقة وبعيدة عن أي تأثير .. ولكن كان اجدادنا وآباءنا يسافرون
الى مصر .. وكان جدنا على عبدالله نصر .. وأتشرف أني احمل اسمه .. جاء من مصر
باسطوانة وكان ذلك عام 1946م وهي سنة الفيضانات التي سبب كوارث في ذلك الزمان
وسمعت من كبارنا أن الناس كانوا يأتون من كل سواقي الجزيرة لسماع الاسطوانة وقيل
أن الاغنية الوحيدة كانت أغنية ( عزه في هواك ) ومن كثرة تزاحم الناس .. جاءه العمدة
وطلب منه التخفيف من تشغيل الاسطوانة لأن الترابلة تركوا ترس النيل وردم الفيضان
بل أخرج الناس من كآبة فقدان الزرع والنخل والغرق وجعلهم في عالم من الطرب
وأذكر ان خالي رحمه الله كان يردد اغنية عزة بلحن جميل وكان يقلد الخليل كما سمعها
ولعدم فهمه العربية كان يردد ( عازة برتكان ) أو ( آسا برتكان ) .. وانتشر اسم عزة
وبالنوبية ( آسا ) في كل الجزيرة وأغلب مواليد ذلك العصر من الاناث سميت باسم
(عازة) والى يوم بعض الخالات والعمات مازالن على قيد الحياة ..
لذا فإن هذه الاغنية مرتبطة بوجدان أجيال ..
تحياتي الاستاذة الكرام ..
| |
 
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
أستاذ على عبد الوهاب
رمضان كريم
ننتظر إجابات المتخصصين. وحديثك شيق عن أسطوانة عزة وإعجاب أهلكم فى الأريعينيات بها.
ويبدو من أسباب الإنجذاب الأول بها معلومة خليل فرح من عنديهم، فردد منهم كلماتها العربية
رغم عدم فهمه بها. من ناحية أخرى الموسيقى لغة عالمية.
أغنية عازة حسب علمى لحنها الخليل مستخدماً البيانو فقد تكون أنغام الموسيقى للمستمع
شوية مختلفة رغم (أعتقد) أنه سلم خماسى. إجتهادات معهد الموسيقى فيها متعددة
مفروض أنه التطوير فيها يلتزم باللحن الأصلى والتطوير يكون فى توزيع الموسيقى
أى أداء اأفضل للأوركسترا .. التوزيع يحتاج لدراسة أكاديمية ولم يكن متوفر زمان
ربما تجد المفنان الوحيد التى كانت موسيقاه موزعة (بفطرته) هو الفنان عثمان حسين.
وعذراً التغول على تخصص أساتذة الموسيقى
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: نادر الفضلى)
|
غنية عازة حسب علمى لحنها الخليل مستخدماً البيانو فقد تكون أنغام الموسيقى للمستمع
شوية مختلفة رغم (أعتقد) أنه سلم خماسى. إجتهادات معهد الموسيقى فيها متعددة
مفروض أنه التطوير فيها يلتزم باللحن الأصلى والتطوير يكون فى توزيع الموسيقى
أى أداء اأفضل للأوركسترا ..
==========================
الحبيب نادر .. شكرا على المداخلة
كلامك الفوق هو المحك الرئيسي في البوست
اذا تجاوزنا ( عزة في هواك ) مثلا اغنية اسماعيل حسن ( ديل أهلي )
ملاحظ يتم التغيير في لحنها .. ده طبعاً حسب فهمي .. لأنني عندما أطرب لأي لحن
لابد ان يكون تلقائياً وليس بعد الشرح مثلا ديل أهلي يؤديها ميرغني النجار بصوت ملائكي
وعندما يؤديها كورال وبعدها يتم شرح موسيقى الاغنية ..بأن السلم كدا .. وطبقة الصوت كدا
عندما سمعنا الاغنية من ميرغني النجار اطربنا بدون مقدمات .. كما عزة وكثير من الاغاني
بعض الاغنيات لا تطرب لها إلا بعد أن تسمع الشرح في التلفزيون من الموسيقيين
وكذلك في اغاني الحقيبة ..
الحبيب نادر شكرا يا جميل ألاحظ عندك خبرة في الموسيقى
خليك معانا يا جميل سوف أحكي لك قصة فنانا الرائع أبوعركي البخيت
عندما زار الشمالية مع وردي وعلى ابراهيم يمكن عام 1967 او نحو ذلك
تحياتي الحبيب نادر
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
تحياتي يا علي
رفقة التقدير والمحبة
قبل ما يجوك اساتذتنا المختصين
اغنية عزة عندها قصة عجيبة
وسبحان الله ما كان يفترض أنه نسمع خليل فرح يغني بنفسه
لولا حادثة شهيرة جدا وعجيبة كما يلي
اصلا القصيدة مفروض يغنيها محمد أحمد سرور ومعاه فى الكورس
عبد الكريم عبد الله المختار الشهير ب كرومة والأمين برهان
الكلام ده بالضبط سنة 1931
قبل وفاة الخليل بسنة واحدة
كانت مجموعة سرور وكرومة وبرهان اتفقت اصلا على تسجيل مجموعة اسطوانات فى شركة الأرمني ميشيان
لكن بي تحت تحت مشى السماسرة واقنعوهم يسجلو فى شركة اسطوانات تانية إسمها اوديون
الساعة ديك الخواجة ميشيان كان عمل التجهيزات المطلوبة كلها ومنتظر الجماعة
ولما عرف الحصل زعل جدا واشتكاهم لخليل فرح
الخليل وبكل النخوة السودانية والجدعنة المحسية
قال ليه ما عندك اي مشكلة وانا حاعوضك كل الخسائر
وفي وقت قصير جدا جهز اغنيتين
عزة فى هواك من كلمات الخليل طبعا
و
قصيدة عبدة لا ينسى مودتك القلب
من أشعار عمر بن أبي ربيعة
اشترك بالعزف على الكمان موسيقار أمني برضو كان أستاذ فى معهد فؤاد للموسيقي
وبكده الأقدار خلتنا نسمع ونسعد بصوت الخليل
لحن عزة لصلاة الخليل اخده من مارش عسكري شهير اسمه
مارش ود الشريف بتعزفه فرقة موسيقي قوة دفاع السودان
ود الشريف رايو كمل
جيبو لى شلايتو
من دار قمر
بالله يا علي اسمع المارش ده فى اليوتيوب
وقارن بينه وبين مقدمة عزة
شفت إبداع الخليل كيف
بالنسبة للتغيير الانت بتحسه فى النسخ الجديدة ل عزة
هو ما تغيير فى اللحن الأساسي بقدر ما هو تنويع فى التوزيع الموسيقي ودخول آلات إضافية
وبرضو بكون فى تغيير فى إيقاع وزمن الريتم الإداري "ال تيمبو"
والموسيقيين اكيد ح يفيدونا اكتر فى الكلام ده
مع تحياتي
واسف للنضمي الكتير ده
| |
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: أبوذر بابكر)
|
الحبيب أباذر .. تحياتي
يا سلام الحبيب أول مرة اسمع هذا السرد عن أغنية عزة
خليل كان مبدع في كل اغنياته ربما عزة أخذت البعد لأنها وطنية
ما شاء الله انت من الرواة .. اثرت دهشتي بهذا التوثيق
يا ريت الفنانين ما يلجأوا لتغير اللحن الاصلي بغرض التحديث
تحياتي وشكرا كثير على الاثراء
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: أبوذر بابكر)
|
الاحباب الكرام ..
وردي رحمه الله كنا في زيارة للمنطقة في الشمال حسب ما اذكر
كان 1967م ايام الديمقراطية ..
زار المنطقة وبرفقته الفنان على ابراهيم اللحو .. وأبوعركي البخيت
ومعه قريبنا عازف الكمان حمزة سيد بدري وهو من جزيرتنا وأذكر عازف مشلخ 111 نسيت الاسم
وكانت الحفلة في المساء في مسرح المدرسة الاولية عندنا .. غنى وردي فاصل .. ثم على ابراهيم اللحو
ثم جاء دور ابوعركي البخيت كان شاب وسيم جداً .. وغنى اغنية ( بكرة اهديك دبلة الحب والخطوبة)
تخيلوا ناسنا اللحن ما كان عاجبهم ظهر لهم وكأن اللحن مصري .. في الفاصل ظهر القامة وردي
وأخذ المايك وتحدث الى أهلنا بالنوبية وقال هذا شاب فنان جديد ولو ما فنان بالجد ما كان رافقني
وهذا الشاب يوما سيكون أحسن فنان في السودان وبدون منافس ..
أوردت هذا الكلام لأن لحن أبوعركي كان مختلف شوية عن ألحان الفنانين في ذلك الوقت
وعلي ابراهيم اللحو .. اندمج الناس معه الى قمة الطرب ..
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: نادر الفضلى)
|
فعلا يا نادر
هو الأستاذ الموسيقار علي ميرغني
وكان معاهم الموسيقار عبد الله عربي برضو ضمن مجموعة العازفين
وديل الاتنين مع عبد الفتاح الله جابو و حسن بابكر
ديل كانو بمثلو مدرسة الخرطوم الفنية ومعاهم المطربين عبد الحميد يوسف وحسن عطية وعثمان حسين وأحمد المصطفي فى بداياته قبل ما ينتقل لامدرمان
ودي هي المجموعة الاحتوت واتبنت محمد وردي مع المطرب والملحن عمر أحمد إضافة للشاعر إسماعيل حسن
وانضم ليهم فى زمن لاحق فنان الرميلة والقوز عثمان مصطفى وكان وردي معجب بيه جدا لدرجة أنه اهداه اغنية مشتاقين
طال علينا فراقكم
والله يا غايبين
الرحلة دى يا على أتذكر حكى عنها وردة فى لقاء إذاعي من سنين طويلة
تعرف يا نادر
العازفين البارزين فى اوركسترا الإذاعة الكانو مشلخين وشلوخهم ظاهرة كعلامة
أولهم أستاذ علي ميرغني وجاء بعده بفترة من فرقة موسيقى الشرطة
جنابو محمد الحسن الشايقي عازف الساكسفون الأشهر
الزول المشلخ برضو فى فرقة الإذاعة بس شلوخ على خفيف وما ظاهرة زى الاتنين ديل
هو عمنا عازف الإيقاع خميس مقدم
بالمناسبة الموسيقار على ميرغني من كبار رجال التربية والتعليم
ووصل درجة "ناظر" مدرسة وبعدها موجه فني فى الوزارة
وهو الأشرف على ملحمة وردي البديعة "يقظة شعب"
هام ذاك النهر
وهو الرتب كورال الأغنية النشيد من تلاميذ وتلميذات مدرسة بري المحس
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
علي شنو يا علي
نحن والله البنشكرك
على وجودك السمح وحضورك الجميل
نسيت ناس مهمين برضو من مدرسة الخرطوم الفنية
المطرب حسن سليمان الشهير ب الهاوي
ومحمد حسنين الشهير ب أبو سريع
وانضم للمدرسة دى فى مطلع الستينات المطرب علي ابراهيم اللحو
وبرضو كمان صاحبة الصوت الفريد المطربة آمنة خير الله الشهيرة ب منى الخير
بالمناسبة الأخ الكبير للمطرب حسن سليمان هو عبد القادر سليمان وهو صديق وجليس خليل فرح
وهو العلم عزف العود لحسن عطية وعثمان حسين ومعاه معلمهم الكبير واحد من أعيان الخرطوم اسمه
حسين زهري باشا
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: muntasir)
|
ايقونة الغناء السوداني
تحياتي للاساتذة الاجلاء
سؤال مهم جدا من استاذنا الجليل علي عبدالوهاب وهو يعني الآتي:
هل زيادة مساحة التوزيع الموسيقي ( الاوركسترالي)تضعف اللحن؟
والتوزيع الموسيقي ودون ان ندخل في مصطلحات كثيرة هو اضافة موسيقية تضيف ابعاد جمالية للحن.
ونفس احساس علي كان عند الكثيرين عندما قام اثنين من الاساتذة الكوريين
في معهد الموسيقى والمسرح مستر ( كيم) ومستر( اوشانفو) بتوزيع اعمال شهيرة
كيم قام بتوزيع ( عزة في هواك) لكن ادخال ال كورال يرجع لمستر اوشانفو
ونحن موسيقانا دي ( وحيدة الصوت) والالات تدخل بدون توظيف هارموني لها . عشان
كدة الجمل الموسيقية هي ال ( بتسك) الفنان.
اشهر عملين فيهم توزيع اوركسترالي ( الود) لوردي
واندريا رايدر ..و( قصة ثورة) او الملحمة محمد الامين وموسى محمدابراهيم
وعمل اخر لمحمد الامين ( بتتعلم من الايام)
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: Ahmed Yassin)
|
هل زيادة مساحة التوزيع الموسيقي ( الاوركسترالي)تضعف اللحن؟
======================
حبيبنا احمد .. تحياتي يا فنان
نعم لقد هو ده السؤال
وردي ومحمد الامين أدخلوا التحديث في اغنايهم الجديدة
فكانت مقبولة جداً .. ولكن المشكلة عندما يتم تغيير لحن جميل
في وجدان الناس كأغاني الحقيبة وغيرها
شكرا على الشرح المبسط .. وبلغة مفهومة
تحياتي الحبيب أحمد ننتظر الكثير
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: أبوذر بابكر)
|
الحبيب أباذر تحياتي
أبداع ابداع وتوثيق ..
طبعا زمان أيام السودان المرتب والمنظم
في الاجازة الصيفية 3 شهور اجازة المدارس تقريبا من 7-10
كل سنة فنانين في المديريات .. أذكر كمان الجابري بطلعة نالت دهشة أهلنا
ومعه فنان حقيبة اذا لم تخني الذاكرة بابكر ود السافل لم اسمع به كثيراً .. كل صيف فنان
ولكن وردي وعلي ابراهيم الجمهور معهمم آخر اندماج .. في تلك الفترة الناس في ضواحي الدنيا
ما كانوا فاهمين غناء أبوعركي كان يعتبروا صوته غريب عليهم .. فنان نخب
قبل شوية في قناة ساهور في شاب اسمه معتز .. لخبط المديح بطريقة غريبة
حتى لم المديح لم يسلم من التحديث .. لماذا حشر هذا النغم العريب في الفن السوداني
هل ما يسمى بالسباعي يأتي به الفنان عمداً أو يأتي تلقائياً مع اللحن
ما أظن أن اللحن الشبيه بالغناء المصري يكون موروث سوداني .. طوال عمرنا لم نسمع به
ربما بعد معاهد الموسيقى ظهرت هذه الألحان .. ليست في الموروث السوداني
تحياتي الحبيب أباذر .. مبدع
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
والله يا علي
نحن بنفرح لما نلقاك هنا
أخشى أكون احتليت الموضوع بالنضمي ده
قبل ما المعازيم يجو وهم المختصين طبعا
بابكر ود السافل زول مطرب
هو من المدرسة الشعبية السموها ناس إذاعة أمدرمان ب
غناء الربوع
والاسم جاي من برنامج "من ربوع السودان"
ده برنامج أسبوعي كان واظنه لسه شغال بجيب الأغنيات الشعبية من كل مناطق السودان
ود السافل من منطقة الميرفاب لو ما تخوني الذاكرة
وبغني بطريقة اهلنا الجعليبن بالايقاع فقط والكورس المصاحب
أشهر اغنياته الباوقة اللذيذ تفاحا و من فريع البان و اغنية آمنة وغيرها العشرات من الأغنيات السمحة
ما كان ضمن مدرسة اغنية الحقيبة طبعا
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: أبوذر بابكر)
|
الحبيب أباذر تحياتي ..
يا سلام تذكرت ( فريع البان ) وأغنية اخرى ( نقلوك من جنبنا .. وا ناري )
شكرا كثير أيوه اغنية فريع البان الكلمات صعبة ولكن اللحن جميل
الجمهور اندمج معاه أكثر من الجابري اذكر حتى الجلابية كانت غريبة شوية
جلابية مشابهة ( لجلابية الخليج )
تحياتي الحبيب أبا ذر .. أنا مستمتع جداً بالذكريات
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: يحي قباني)
|
نأسف للحضور المتأخر وتحياتي جمع المشاركين
عزة فعلا أيقونة عظيمة ولاشك
واثبتت أن الخليل كان سابقا لعصره
بالنسبه للتغيرات التي تحدث بين الفينة والاخرى
فهذا ليس غريبا في تاريخ الموسيقى العالمية القديم والحديث منه
تحت مسمى قالب التنويع الموسيقي vareation
خصوصا التنويع على الالحان الشعبية أو التقليدية تقريبا استخدمه ما لايقل عن ٩٠٪ من المؤلفين في التاريخ اذكر منهم
بارتوك بيلا المجري
وارام خاتشاتوريان الأرميني
لانهما تميزا بجمع التراث ومعالجته
ولكن كي نكون منصفين للذين عالجوا عزة نجد أن الخليل نفسه استعار مارش ود الفكي الذي ألفت كلماته حكامة وأضافه للحنه العظيم
وهنا تكمن عبقريته
ولم يتهمه أحد بسرقة او تشويه المارش
وعزةالخليل وزعها أولا أوشان سونغ لي سبعينات القرن الماضي و قدأعاد توزيعها كيم اوغمان بعد أن ووجه اوشان بنقد شديد من التقليديبن في الموسيقى السودانية انذاك الا أنني أميل لتوزيع أوشان زكلاهما كان استاذا لي
اذا مسموح بالاضافات للعمل الفني ولكن غير مسموح بالانقاص
وللأسف فإن
هو ما فعله جميع من عالج عزة من السودانيين بلا استثناء
لأن هذا يناقض الأسلوب المتبع في أسلوب التنويع
منذ عصر الباروك وحتى هذه اللحظة
كسرة
انتظروا توزبع الموصلي لعزة كانلة بلا نقصان مع الإضافة طبعا
تنفيذ
أوركسترا وكورال الخرطوم الفيلهارموني
قريبا ان شاء الله
كل الخب
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: يحي قباني)
|
نأسف للحضور المتأخر وتحياتي جمع المشاركين
عزة فعلا أيقونة عظيمة ولاشك
واثبتت أن الخليل كان سابقا لعصره
بالنسبه للتغيرات التي تحدث بين الفينة والاخرى
فهذا ليس غريبا في تاريخ الموسيقى العالمية القديم والحديث منه
تحت مسمى قالب التنويع الموسيقي vareation
خصوصا التنويع على الالحان الشعبية أو التقليدية تقريبا استخدمه ما لايقل عن ٩٠٪ من المؤلفين في التاريخ اذكر منهم
بارتوك بيلا المجري
وارام خاتشاتوريان الأرميني
لانهما تميزا بجمع التراث ومعالجته
ولكن كي نكون منصفين للذين عالجوا عزة نجد أن الخليل نفسه استعار مارش ود الفكي الذي ألفت كلماته حكامة وأضافه للحنه العظيم
وهنا تكمن عبقريته
ولم يتهمه أحد بسرقة او تشويه المارش
وعزةالخليل وزعها أولا أوشان سونغ لي سبعينات القرن الماضي و قدأعاد توزيعها كيم اوغمان بعد أن ووجه اوشان بنقد شديد من التقليديبن في الموسيقى السودانية انذاك الا أنني أميل لتوزيع أوشان زكلاهما كان استاذا لي
اذا مسموح بالاضافات للعمل الفني ولكن غير مسموح بالانقاص
وللأسف فإن
هو ما فعله جميع من عالج عزة من السودانيين بلا استثناء
لأن هذا يناقض الأسلوب المتبع في أسلوب التنويع
منذ عصر الباروك وحتى هذه اللحظة
كسرة
انتظروا توزبع الموصلي لعزة كاملة بلا نقصان مع الإضافة طبعا
تنفيذ
أوركسترا وكورال الخرطوم الفيلهارموني
قريبا ان شاء الله
كل الحب
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: Elmosley)
|
اذا مسموح بالاضافات للعمل الفني ولكن غير مسموح بالانقاص
وللأسف فإن
هو ما فعله جميع من عالج عزة من السودانيين بلا استثناء
لأن هذا يناقض الأسلوب المتبع في أسلوب التنويع
منذ عصر الباروك وحتى هذه اللحظة
كسرة
انتظروا توزبع الموصلي لعزة كاملة بلا نقصان مع الإضافة طبعا
تنفيذ
أوركسترا وكورال الخرطوم الفيلهارموني
=================================
قريبي الفنان الجميل الموصلي .. مودتي
شكرا لهذا السرد التاريخي العلمي .. هذا ما كنت انتظره لأعرف الحقيقة
لقد اتيت بالمفيد .. رغم أن فهم الكلام في موسيقى صعب جداً
ولكن المهم الذي ورد مداخلتك بأن مثل هذه التغييرات ليس غريبا على الموسيقى
تحياتي الموصلي الرائع في انتظار ابداعاتك
شكرا للحضور الجميل
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: يحي قباني)
|
تشابي للنجوم و أنا ضافر* الهلال ...
=====================
الحبيب قباني والحبيب نادر
أيام المنتديات النوبية كانت مناقشاتنا بلا حدود لأغاني الخليل
بعض الروايات بأن خليل كان يتحدث عن بلدته صاي .
وجنائن جده بلال بيرم ( ما نسيت جنة بلال ) وكذلك تجمع الشباب في القيزان
الرملية في الليالي قمرية في قرى الشمال .. ( كما يقول أهلنا الشايقية يا رمال حلتنا ) وهي للان موجودة
ورمز الهلال والنجمة تشير الى الاسلام والمسيحية .. الهلال للاسلام والنجمة من قداسات والقيم المسيحية
حتى في اعلام بعض الدول كشعار
تحياتي الاحباب .. مودتي
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: يحي قباني)
|
حبيبنا الجميل .. قباني ..
تحياتي يا رائع .. شكرا لهذه النماذج من غناء الخليل
بالله شوف اداء الخليل فرق بينه وبين الكورال
مع أن منظر الكورال رجعنا للزمن داك .. حيث الزي وتسريحات الشعر
مخصوص كنا نجي العاصمة من ضواحي الدنيا .. آمن يا زمن
يا سلام شوف جمال الزي والتسريحة .. وحتى الرشاقة
شكرا على الجمال حبيبنا قباني .. صدقني نسيت الغناء ورجعت بي
الذاكرة الى أيام كورس معهد المعلمين في أمدرمان ..
لو ما الصيام كنت لخبطت الموضوع .. مودتي يا جميل
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: نادر الفضلى)
|
أذكر عند بداية صدور الأعمال الموسيقية الموزعة بواسطة الكوريين
أن آذان المستمعين لم تتقبلها وكان الكلام أنه تم كورنتها (أى طابع
ومذاق كورى) رغم أن الموسيقى الكورية خماسية. الصينين
أيضا عندما عزفوا موسيقى سودانية كان مذاق التونات المستخدمة
صينيا ولكنه جميل.
حتى توزيع أعمال وردى بأمريكا رغم روعتها وعندما تستمع لأى أغنية
تعطيك إنطباع بأنه عمل إحترافى وجميل وبديع. إلا أ ملاحظتى على
نغمات الكمنجات والتى أشرف على توزيعها وضبط أجهزة الصوت
عند تسجيلها قام بها موسيقار أجنبى من أمريكا اللاتنية، فملاحطتى
عليها أن نغمة الكمنجات تختلف عما تعودته (أذنى على الأقل) فى
الإستماع للموسيقى السودانية .. وجدتها أكثر نعومة وحدة
أما عن توزيع أندرية رايدر للود فحتى الآن لا أستسيغه كعمل
لموسيقى سودانية .. أراه عربها أو مصرنها. وهذا يختلف
عن موسيقى محمد الأمين أو موسيقى كردفان التى
تخلط بين الخماسى والسباعى ولكن بمزاج سودانى
=================================
الحبيب نادر .. تحياتي
نعم آذان المستمعين لم تتقبل الكثير من أعمال
إلا من لديهم الخلفية الموسيقية
الناس العاديين طبعا ما يعرفوا السلم السباعي شنو والخماسي شنو
فقط يقول ليك يأخي ده لحن مصري وترتفع الحساسية
ضد اللحن ..
تحياتي الحبيب نادر .. واصل هذا الاثراء ..
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
سؤال بالجنبة يا أستاذ على .. ليه منتشر إسم خليل عنديكم خاصة عند الحلفاويين
======================
تحياتي الحبيب نادر ..
نعم اسم خليل منتشر عندنا بكثرة
وكذلك خيري
رغم أننا لدينا حساسية مع حرف ( الخاء ) لأن حنجرتنا
لم تتعود على مثل هذه الحروف التي فيها غلظة ..
تعمل لينا وجع حلق ( لوز ) .. خليل ( هليل ) .. خيري ( هيري)
مشكلة العربية فيها حروف أحياناً تنثر اللعاب في وجه المستمع
رغم ان هذه الاسماء فيها بعد ديني ولكن ما لاحظته في أهلنا
لم يكن هناك أي نوع من الطرق الصوفية .. ليلة المديح كان في المولد النبوي فقط
هم كانوا اقرب الى الليبرالية دعنا نسميها ( التربالية ) سلوك اهلنا الزراعيين
كانوا ناس انتاج فقط ..
كمان ربما تسربت إلينا من مصر ..
تحيات يالحبيب نادر ..
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: أيمن الفاضل)
|
حبيبنا أيمن .. تحياتي
شكرا على الاضافة لهذا النوبي العملاق
المشكلة ان البعض بدأ يغير في الألحان بدون دراسة
حتى التشويه بلغ معظم الاغاني النوبية
مثال بنتنا انتصار ولوليه ابنة الفنان النوبي الكبير صالح ولوليه
شوهت كل اغاني والدها .. غيرت الالحان ..
كما ذكر الفنان والموسيقار انه يمكن عمل التغييرات ولكن
من موسيقيين متخصصين
تحياتي
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
الاستاذ نادر الفضلي تحياتي
Quote: الأساتذة الكوريون وزعوا بعض أعمال
المبدع إبراهيم الكاشف وكانوا معجبين بإمكانيات صوت الفنان
عثمان مصطفى فكان يؤديها .. ولكن إستغربت لماذا لم يوزعوا
للفنان عثمان حسين فقد كان عبقرياً آخر فى الموسيقى وسابق
زمانه مثل الكاشف .. أم لأن موسيقى عثمان حسين موزعة
جاهزة وأى تدخل فيها قد يشوهها؟
|
عثمان حسين يانادر حالة تانية خاصة في الفراش الحائر
عثمان حسين الحانه بتلقاها مكتملة العناصر وكأنها من عالم آخر
هو والكاشف رغم انهم لم يدرسوا موسيقى لكنهم فطرتهم كانت
عجيبة لحنا وتوزيعا و الكاشف في اغنية ( رسائل) اتى بما لم يأت له فطاحلة الموسيقى في العالم.
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: Ahmed Yassin)
|
عثمان حسين يانادر حالة تانية خاصة في الفراش الحائر
عثمان حسين الحانه بتلقاها مكتملة العناصر وكأنها من عالم آخر
هو والكاشف رغم انهم لم يدرسوا موسيقى لكنهم فطرتهم كانت
عجيبة لحنا وتوزيعا و الكاشف في اغنية ( رسائل) اتى بما لم يأت له فطاحلة الموسيقى في العالم.
============================
ياسلام حبيبنا احمد ياسين .. يا رائع
يعني لو ما البوست ده ما كنا عرفنا هذه الحقائق
من بداية رمضان برنامج معاني الاغاني ما متأكد من الاسم في قناة الخرطوم
يومين شغالين في اغاني الكاشف ..
الشخص الموثق في البرنامج عن اشياء كان ساكن في حلة شنو .. كان كورس مع واحد اسمو شبلي ..
والغريب هو شاب ظاهر من شكله .. لم يتعمق في البعد الموسيقي للاغاني ..
تحياتي الحبيب احمد .. الى المزيد
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: علي عبدالوهاب عثمان)
|
Quote:
تحياتي الحبيب نادر ..
نعم اسم خليل منتشر عندنا بكثرة
وكذلك خيري
رغم أننا لدينا حساسية مع حرف ( الخاء ) لأن حنجرتنا
لم تتعود على مثل هذه الحروف التي فيها غلظة ..
تعمل لينا وجع حلق ( لوز ) .. خليل ( هليل ) .. خيري ( هيري)
مشكلة العربية فيها حروف أحياناً تنثر اللعاب في وجه المستمع
|
عزيزى على عبد الوهاب
سلام
يعنى أنتم مثل خواجات بريطانيا وإنجلترا صعب عليكم نطق الخاء
مع إنه فى خواجات تانى لغتهم فيها الخاء مغلظة كمان زى
الفرنسية والروسية والرومانية وعموم دول شرق أوربا
واليونانية. وربما مشكلتهم الهاء والحاء ينطقونها
خاء ( يا خبيبى). شفت المفارقات دى كيف ههههه
والخواجات تبعكم وأنتم سبحان الله بعضكم عند النوم
بيكون بيعزف أعظم سفونية لشخير خخخخخخخخخ ..
فى اللاوع الخاء مدورا بس كيف إكتشاف سرها.. هههه
فى طريقة تانية لأخراج صوت الخاء فى السقف
الأعلى للفك لو الزول عنده حساسية بتعمل
ليهو (أكلان) تلقاهو بيحاول يخففه بطريقتين:
(1) فى المنطقة الخلفية المجاورة للهاة
بيعمل حركة بيقبض ويبسط الحلقوم وبيهبش
معاهو بيحرك المنطقة الخلفية لسقف الفك الأعلى.
(جربها) قبلما تواصل القراءة
(2)أها عند المنطقة الوسطى للسقف الأعلى للفك(للأمام
شوية بعيد من اللهاة نحوإتجاه الفم. بيقوم بيفعل تلك المنطقة
بيطلع صوت شبيه بشخير أو زئير خخخخ، صادر من منطقة
وسط السقف الأعلى للفم وليس من الخلف عند اللهاة.
أنتم تتعبوا فى نطق الخاء لأنكم رابطين نطقها وكأنها
تطوير لنطق الهاء، فتجاهدون مع اللهاة واللوز جهاداً أكبر،
هى أداة ومنطقة خطأ لا تصلح لنطق الخاء. وهى منطقتها
كما وصفت منتصف سقف الفك الأعلى، أو قول شوية
حبة بعيد من اللهاة. بعد التدريب ستنطقها بإرتياح نسبى
يخيل لى فى العقل فى جزئية تتحكم فى النطق ومرجعيتها
ما تعود الإنسان على نطقه. الغريبة الإنجليز أو الأمريكان
لا يعلمون الحروف العربية وترتيبها ج ح خ ولكن أيضا
يقعون فى نفس شرك الحاء (اللهاة)
* عندنا ناس لا يستطيعون نطق حرف P ينطقونه B (باء)
وآخرون لا ينطقون حرف V فاء غايتو بضرسنى
يقول ليك Fictory بدل Victory
** الفلبينيين أزاملهم كثير فى العمل مشكلتهم حرف F
ينطقونه P مثلاً رقم 5 بالأنجليزية ينطقونه PAIP
(بايب) ب تقيلة (p).. يعلنون ذلك بسبب تأثرهم
باللغة الإسبانية.
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: نادر الفضلى)
|
يعنى أنتم مثل خواجات بريطانيا وإنجلترا صعب عليكم نطق الخاء
مع إنه فى خواجات تانى لغتهم فيها الخاء مغلظة كمان زى
الفرنسية والروسية والرومانية وعموم دول شرق أوربا
واليونانية. وربما مشكلتهم الهاء والحاء ينطقونها
====================================
الحبيب نادر تحياتي .. يا سلام ده تخصص
الحروف العربية الغير موجودة في النوبية
ث ، ح ، خ ، ع ، ض ، ص ، ز ، ذ ، ط ، ظ ، غ
كمان لا يوجد التأنيث والتذكير
نفس الانجليزي فقط بالاسم : Ali is going ،،، Fatima is going
مثلا بالنوبية : ألي (علي ) نوقبوا ... فاتما ( فاطمة ) نوقبوا ( لاحظ عبارة نوقبوا لم تتغير )
حتى عندنا ضمائر ( he .. she ... his ... her )
شفت المساواة كيف .. الفرز بينهم إلا بالاسم فقط ..
=============================
مرت في قريتنا سمعت من احدى الاخوات تنادي على ولد
من المتحددثين بالعربية واسم الولد ( اسامة ) وسمعتها تنادي عليه ( يا أزاما .. المقصود يا اسامة )
لدرجة انها تفتكر بأن حرف (س ) تحول الى (ز) عندما يكون الحديث بالعربية و أن السين نوبية وليست عربية
وهناك اسماء مناطق فيها هذه الحروف مثال ( صاي ، صواردة ، عبري .. الخ ) فقط عند كتابة الاسماء
وجمال هذه اللغة عند تتحدث بها الاناث .. تكون فيها رقة .. لأن حروفها ناعمة .. ما فيها حلقيات وخروج اللسان
وانتفاخ الأوداج .. حتى الغناء جميل جداً والاطفال وهم بداية الكلام كانوا مفهومين جداً
لاحظ بين النوبية والعربية هناك ( 11 ) حرف اكثر في اللغة العربية وهي ث ، ح ، خ ، ع ، ض ، ص ، ز ، ذ ، ط ، ظ ، غ
أذكر ونحن في المدرسة الوسطى قصيدة البادية للعباسي
كل الفصل ما عدا الناطقين بالعربية حصل لهم خلط
في بيت الشعر :
رفاق الضيف أنا حل هبوا لهم للضيف ضم والالتزام
المشكلة كانت في عبارة ( حل هبوا ) معظمنا ( هل هبوا ) كان من الصعب
نطق ح والهاء هكذا
مع ذلك فإننا نسخر من لغة وزير الاعلام حبيبنا فيصل وبرهان وحميدتي .. الخ
القاف والغين
حتى وزير الصحة الزول الجميل يردد في كل تصريح الاتصال بالرقم ( تزعين تزعين ) 9090 عند الضرورة
المشكلة عند التعامل مع القنوات العربية الغير سودانية
========================================
أما قصة الفلبين ونطق p F
هذه الخاصية موجودة عندنا في النوبية بين الدنقلاوية والمحسية
فمثلا جزيرة بدين بالدنقلاوية وبالمحسية فدين
مثلا بالدنقلاوية ( بوجو ) بالمحيسية ( فجو ) بمعنى ( سوف يذهب )
الباء في الدنقلاوية ( للمستقبل ) وفي المحسية ( الفاء ) يعني زي ( سوف ) في العربية
أو Future في الانجليزية زي will shall الى آخره
ولدينا كثير من الاسماء تبدأ بـ (ب) في الدنقلاوية وتتحول الى (ف ) في المحسية
بالمناسبة يا الحبيب نادر أنا أجيد اللسانين في اللغة النوبية
لأنني ما بين حدود الدنقلاوية والمحسية يعني زي ما تقول ( أبيي )
تحياتي نادر .. المزاج رائق اليوم .. تحياتي
| |
|
|
|
|
|
|
|
|
|
Re: الاحباب الموصلي .. احمد ياسين .. عزيز .. لماذ (Re: Ahmed Yassin)
|
الحبيب احمد امبس
نعم احمد امبس .. الانسان عندما في النوبية ( ادم )
معناه الانسان أو البشر .. سبحان الله هو اسم سيدنا آدم أبو البشر
بالمناسبة بالدنقلاوية والمحسية ( آدم)
قبل فترة وبالصدفة وجدت كلمة ( توت) أو تنطق ( تود )
بمعنى ولد صغير أو ابن .. وايضا يستخدم في التصغير
مثلا ( هنو توت ) الجحش ( هنو الحمار )
مثلا ( ويل توت ) الجرو ( ويل الكلب )
سبحان الله شوف المعنى في القاموس الانجليزي نفس المعنى
Tot | Meaning of Tot by Lexicohttp://http://www.lexico.comwww.lexico.com › definition › tot
What does tot mean؟ tot is defined by the lexicographers at Oxford Dictionaries as A very young child.
, A small amount of a ... Main meanings of tot in English
سبحان الله البشر يوجد بينهم تواصل يحتاج الى بحث وعمق
تحياتي الحبيب احمد
Oxford Dictionaries as A very young child., A small amount
| |
|
|
|
|
|
|
| |
علي عبدالوهاب عثمان
نادر الفضلى
أبوذر بابكر
Ahmed Yassin
يحي قباني
Elmosley
mohmmed said ahmed
أيمن الفاضل
فيس بوك
تويتر
انستقرام
يوتيوب
بنتيريست