|
كتب الكاتب الفاتح جبرا المتوفرة بمعرض الدوحة
|
|
 Re: غموض وطلاسم في دكتوراة الداعشي الجزولي ه (Re: كمال عباس)
|
سلام يا كمال
أفتكر الهندسة النفسية هي نفسها البرمجة اللغوية العصبية (Neuro Linguistic Programming).
وهي علم كاذب (pseudoscience) ولا توجد جامعة تمنح أي شهادة أكاديمية فيه.
فلا توجد درجة أكاديمية بمسمى ماجستير او دكتوراه في الهندسة النفسية.
| |
 
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: النصرى أمين)
|
. في صفحته علي النت كُتب
..........
Quote: ..........
بكالوريوس شرف في الاقتصاد والعلوم سياسية .
17. ماجستير في الهندسة النفسية .
18. دكتوراة في الهندسة النفسية .
..........
|
https://ar-ar.facebook.com/pg/dralgzouli20/about/https://ar-ar.facebook.com/pg/dralgzouli20/about/
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
سلام عزيزنا النصري.Quote: ....اهلا كيمو اجد صعوبة شديدة فى تحديد الشهادة التى يدعى انه حصل عليها من كندااظن اسمها شهادة المدربين الكنديين. جارى البحث لكن التوقعات انها ماسورة تنقيط اربعة بوصةشهادة مدرب معتمد من المركز الدولى للتدريب بكندا
What the hell,,,,,,,,,,,
, |
.
في الحقيقة هو خاتي أكثر من عشرين شهادة - تدريب وخبرات و كورسات ودي ما إشتغلت بيهااللي لفت إنتباهي هونمرة 16/17/18...
Quote: ..
..16.بكالوريوس شرف في الاقتصاد والعلوم سياسية .17. ماجستير في الهندسة النفسية .18. دكتوراة في الهندسة النفسية......... |
. ودي كمان بإعتبار إنها still loading جارية التحميل:-
..| Quote: والان اعمل في تحضير ماجستير ودكتوراه في الاقتصاد |
.
(عدل بواسطة كمال عباس on 05-01-2020, 05:54 PM)
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: النصرى أمين)
|
هاك يا النصري - زيادة شهادات تدريب
.Quote: .............
19. الشهادة الدولية للتدقيق والرقابة الشرعية على المؤسسات الاسلامية المالية من هيئة المحاسبة والمراجعة للمؤسسات المالية بالبحرين .
20. شهادة المصرفي المعتمد في المعاملات المصرفية من المجلس العام للبنوك والمؤسسات المالية الإسلامية في البحرين .
21. شهادة مدرب معتمد فى مهارات التفكير من مركز دوبونو بالاردن .
22. شهادة مدرب معتمد من جامعة السودان المفتوحة .
23. شهادة مدرب معتمد من المركز الدولى للتدريب بكندا .
24. مدرب محترف من مركز التعلم السريع بالولايات المتحدة الأمريكية .
25. شهادة دورة مدربين معتمدة من المؤسسة العامة للتعليم المهنى والفنى بالمملكة العربية السعودية .
26. عضو مركز دوبونو لتعليم مهارات التفكير بالاردن
........ |
........
بس أنا دا كلو ماهميني قُدر ماجستير "الهندسية النفسية ودكتوراة الهندسة النفسية ودرجة
ماجستير ودكتوراه في الاقتصاد ' تحت التحضير.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
شكرا عزيزنا حافظ بشير- علي الإضافة المحفزة
........
Quote: ........
سلام يا كمال
أفتكر الهندسة النفسية هي نفسها البرمجة اللغوية العصبية (Neuro Linguistic Programming).
وهي علم كاذب (pseudoscie
.......... |
..........
وعشان كدة سألنا ;أين ومتي وفي إي جامعة حصل علي هذا الدرجات ونال التخرج ؟
وين الجزولي -؟
مافي حواري أو مناصر للزول أو عضو في حزبه - يضع النقاط فوق الأحرف؟
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
مولانا كمال عباس، عساك طيب
لا يوجد شيء اسمو علم الهندسة النفسية. فتشت عليه تحت وفوق ما لقيت شيء. هؤلاء البشر أشك في أنهم يؤمنون بالله ...ولا بالقرآن الواااااحد دا. شاهدت هذا الدكتور في فيديوهات وهو يبايع داعش ويدعو لنصرتها!!!!. والجزولي ليس وحده. السودان تعرّض لغزو ... وغزو ناجح كمان ... من السلفية والدين الشيطاني الذي لا همَّ له غير التكفير ومراقبة الفروج واللباس واللحى والشوارب، وهم أكثر الناس حباً للدنيا وطيباتها، بنصوصهم.
أتمنى أن يُدفن فكر هؤلاء، وأن تُمنع عنهم المنابر، ويحاكمون إذا لزم الأمر لأن فكرهم هو من أدخلنا في هذه الورطة الأممية حيث أصبحنا إرهابيين. هؤلاء هم الإرهابيون ويجب أن نتحلى كلنا بالشجاعة ونرميهم بعيداً عنّا.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: Shinteer)
|
تحياتي أخي عبد الله إدريس
Quote:
ما سمعنا بيها قبل كده
اكيد طلس بتاعين التنمية البشرية
المامعروف شنو ده ، شهادات وهمية من مراكز وهمية
عشان يجو يسمعو كلام وهمي ما عندو اي فايدة
يقول ليك مدرب معتمد من وين كده ما عارف ! |
حاجة تحير الماب يتحير ياعبد الله !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: ترهاقا)
|
شكرا عزيزي شنتير وعودا حميدا
.........Quote:
مولانا كمال عباس، عساك طيب
لا يوجد شيء اسمو علم الهندسة النفسية. فتشت عليه تحت وفوق ما لقيت شيء. هؤلاء البشر أشك في أنهم يؤمنون بالله ...ولا بالقرآن الواااااحد دا. شاهدت هذا الدكتور في فيديوهات وهو يبايع داعش ويدعو لنصرتها!!!!. والجزولي ليس وحده. السودان تعرّض لغزو ... وغزو ناجح كمان ... من السلفية والدين الشيطاني الذي لا همَّ له غير التكفير ومراقبة الفروج واللباس واللحى والشوارب، وهم أكثر الناس حباً للدنيا وطيباتها، بنصوصهم.
أتمنى أن يُدفن فكر هؤلاء، وأن تُمنع عنهم المنابر، ويحاكمون إذا لزم الأمر لأن فكرهم هو من أدخلنا في هذه الورطة الأممية حيث أصبحنا إرهابيين. هؤلاء هم الإرهابيون ويجب أن نتحلى كلنا بالشجاعة ونرميهم بعيداً عنّا. |
تأييد هذا الإرهابي ومبايعته لداعش موثق -ورفضه للديموقراطية وإتهامه للصحفية شمائل النور بالزندقة وأباح قتل الأبرياء والعزل بواسطة داعش ,,
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
تحياتي أخ أحمد عمر
.
Quote: .
اسمه Engineering Psychology
......... |
.........
وشكرا علي التداخل ولكن يبقي السؤال ملحا إي جامعة بالسودان يوجد به Engineering Psychology؟ أو ما أطلق عليه الجزولي الهندسة النفسية؟
(((أين ومتي حصل السيد محمد الجزولي علي ماجستير الهندسة النفسية؟
أين ومتي حصل السيد محمد الجزولي علي درجة الدكتوراة في الهندسة النفسية؟
وأين وتحت إي مشرف يحضر الان ماجستيره ودكتوراه في الاقتصاد . ؟
هل تخرج محمد علي كدكتور - طبيب في الطب النفسي ؟
هل نال ترخيصا بممارسة الطب النفسي ؟أم أن الهندسة النفسية التي تخرج منها لاعلاقة بالطبالنفسي وعلم النفس العام؟
ماهو الحقل العملي الذي تؤهل له دراسة الهندسة النفسية؟
| |
|
|
|
|
|
|
|
|
 Re: غموض وطلاسم في دكتوراة الداعشي الجزولي ه (Re: كمال عباس)
|
تحياتي استاذ كمال و كل المتداخلين.
ايو الجزولي دكتور و الدليل انو طلب مناظرة مع دكتور حمدوك.
و برضو طلب معلومات شخصية عن مرضي الكورونا بالسودان و طالب دكتور أكرم بنشرها علي عموم الناس.
طيب ما أهو دكتور كامل الدسم و لا يخاطب الا الدكاترة و أنداده من حملة الدالات .
ياخ و الله الدكتوراة دي تغير دايت الزول و جيرانو و لون البدلة و نوع الجزمة و حروف الكلام ، لكن دكتور داعش دا لا يعرف سوي الكذب و النفاق فعند الحديث للدواعش يلبس الشال الأسود و يهتاج كما الثور و عند الحديث عن الحريات يسمي حزبه حزب دولة القانون و هو داعشي لا يؤمن بالدولة و لا بالقانون و انما فقط كلام غير مدفوع العواقب و الأجر و يتحرك بين هذا الموقف و ذاك كمن يأمن علي نفسه من غوائل الدهر و فتنة اليوتيوب ، و كلو موثق لكن لا يهم طالما أن الذين يستمعون اليه يقاسمونه الغرض و العشق.
الآن دواعش السودان بقيادته تركوا دكتور حمدوك و دكتور أكرم و فرغوا انفسهم تماما لعداوة دكتور القراي و أخشي أن يكونوا يخفون لشعبنا شرا يريدون شغل الناس عنه بهذه الحملات المفتعلة و التي لا أجد لها مبررا الا أن تكون اثارة غبار كثيف لأجل حجب الرؤية عما يمكن أن يفاجئوا به الناس و يأخذونهم علي حين غِرة من أمرهم كما فعلوها من قبل.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
شكرا عزيزي السنجك عثمان
!| Quote: ده مخبول وهو فى الاصل يحمل دكتواره فى الهوس والشعوذه النفسيه لا اكثر |
تخيل إنو شيخو منو؟ دا ذكر وبإعتزاز وفخر شديد إنو الإسلاميين عندهم مفكر هو الترابي وإنو العلمانيين ماعندهم مفكر !
التعيس وخايب الرجا !
الجزولي علاوة علاوة هوسه المعروف فهو مضطرب ومشوش وفاقد للبوصلة الفكرية ..من بن لادن للبغدادي ومن شيوخ الوهابية ومحمد عبد الوهاب لي الطيب مصطفي ومنبر السلام العادل!
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: Hafiz Bashir)
|
هو فرع دقيق في علم النفس يا كمال
يا حافظ نعم الترجمة الحرفية ممكن تكون كدة لكن من خلال تعريفه بتلقاهو قريب للهندسة الاجتماعية | Quote: The Engineering Psychology PhD program focuses on understanding the capabilities and limitations of human performance from the perspective of perception, cognition, and movement control and applying this knowledge to the design of systems and environments that accommodate those capabilities and limitations. |
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
يا أحمد أنا ما ترجمت من عندي
أنا شوفت الإستخدام الموجود في صفحات النت عن طريق البحث في قوقل
جرب دخل "هندسة نفسية" في قوقل وشوف نتيجة البحث
وجرب دخل "علم نفس هندسي" في قوقل وشوف نتائج البحث
إذا الجزولي فعلاً عندو ماجستير في الEngineering Psychology
وقال إنو عندو ماجستير في الهندسة النفسية يبقى أخطأ في الترجمة وإستخدم مسمى غريب على التسمية المعتادة.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
تحياتي أخ حافظ بشير .وأخ أحمد عُمر | Quote: يجوز ذلك يا أبو حميدلكن Engineering psychology ترجمتها المستخدمة بالعربي هي علم النفس الهندسي علم النفس الهندسي بالترجمة والفهم دا |
بالترجمة والفهم داأيوة ودا موضوع عندو علاقة بالسلعة - في الإقتصاد ومحددات العرض والطلب والسعر وتحديدا الطلب:ستجد عامل الذوق taste أو consumer tastes وعامل السن والثقافة الخ ودي فيها العامل النفسي وخصوصا الذوق وعشان كدة بجي دور الإعلان والدعاية لتخاطب نفسية الشخص وتطلعاته سعيا لجذبه للمنتج .. وتوسع في العصر التكنولجي ليشمل أنسنة التلنوجيا وإستخدمت الشركات product design َ تصميم المنتج أو التصميم السلعي الخ دراسة سايكلوجيا وسلوك الإنسان (المشتري -الناخب -مشاهد السينما - الفن الخ) مسألة هامةجدا - ويتم تشخيصها ودراستها للحصول علي نتائج أفضل - شراء ومشاهدة أو تصويت وهي حقل تابع ومكمل
.-بس يبقي السؤال إي جامعة بالسودان يوجد بها حقل Engineering Psychology.........
موضوع البوست وإطروحته لم تكن في آثبات -الهندسة أو علم النفس الهندسي وإنما تركز Quote:
((أين ومتي حصل السيد محمد الجزولي علي ماجستير الهندسة النفسية؟أين ومتي حصل السيد محمد الجزولي علي درجة الدكتوراة في الهندسة النفسية؟وأين وتحت إي مشرف يحضر الان ماجستيره ودكتوراه في الاقتصاد . ؟هل تخرج محمد علي كدكتور - طبيب في الطب النفسي ؟ .......هل نال ترخيصا بممارسة الطب النفسي ؟أم أن الهندسة النفسية التي تخرج منها لاعلاقة بالطب النفسي وعلم النفس العام؟
وماهو الحقل العمل الذي تؤهل له الهندسة النفسية |
الجزولي ذكر إنو الآن يحضر ماجستير - ودكتوراة في الإقتصاد تزامنا -لاتعاقبا وبطيبعة الحال نعرف إن حقل الإقتصاد تُحضر بالدكتوراة والمجاستير ولكن الطريقة التي ذكر بها الجزولي هذا المُعطي جعلنا نسأل وأين وتحت إي مشرف يحضر الان ماجستيره ودكتوراه في الاقتصاد . ؟
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
بالإرقام الحساب ولد
محمد علي الجزولي تخرج بكلاريوس من جامعة النيلين 2006 وعمل مديرا للإعلام والثقافةالتأمينية لشركة شيكان للتأمين من عام 2006 وحتي 2010 يعني بمجرد تخرجه إشتغل كمدير ...بحثت ووجدت إن صفة دكتور إلتصقت بإسمه= علي الأقل منذ عام 2011.
.Quote: ----
-----May 26, 2011 - بسم الله الرحمن الرحيم خطبة جمعة بعد استشهاد الشيخ اسامة بن لادن بعنوان بن لادن رجل خذلته امة لفضيلة الشيخ الدكتور : محمد علي الجزولي زمن الخطبة ...اخطر خطبة جمعة بعد استشهاد الشيخ اسامة بن لادن بعنوان بن لادن ... May 17, 2011الشهيد أسامة بن لادن ::: مرئيات - صوتيات - فلسطين.نت May 19, 2011...
..... |
..
.........| Quote: إلى عبدالله النعيم دعوة للمناظرة «1 3»..د. محمد علي الجزولي الانتباهةنشر في الانتباهة يوم 26 - 07 - 2012 |
,,,,,,,,,,
,, ...| Quote: دورة الإستراتيجيات الحديثة والمتطورة في القيادة Dec 31, 2013 - عقب ذلك قام الدكتور/ طارق سنان أبو لحوم والمهندس / عثمان الحمادي مساعد رئيس ... من هنا تبدأ الحياة) للمدرب الدولي الدكتور / محمد علي الجزولي |
بالإرقام الحساب ولد
تخرج بكلاريوس 2006 وإلتصقت صفة الدكتور بإسمه منذ عام 2011 علي الأقل حسب بحثي - ولو بحثنا أكثر فربما نجده زين إسمه بالدكتوراة عام 2010 أو 2009 أوربما قبل تخرجه من البكلاريوس من جامعة النيلين عام 2006! -
بحثي وجد إنه الرجل إطلق عليه دكتور في مايو 2011 إثر خطبته عن بن لادن فإذا إفترضنا إنه تخرج بدرجة الدكتوراة في نفس العام2011 - وشرع في عمل رسالة الماجستير في نفس عام تخرجه البكلاريوس ثم بدأ وإكمل الدكتوراة قبل مايو 2011
فإن الرجل الذي كان يعمل بشركة شيكان وقتها يكون قد خلص الماجستير والدكتوراةفي أقل من خمسة أعوام !/......
(عدل بواسطة كمال عباس on 05-03-2020, 04:12 AM)
(عدل بواسطة كمال عباس on 05-03-2020, 04:13 AM)
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
نعم يا كمل يمكن إكمال الماجستير والدكتوراة في 5 أعوام عادي
سنتين للماستر و3 للدكتوراة .. لا يوجد ما يمنع ولا اعتقد أن العلوم النظرية تحتاج لأكثر من هذه المدة
علم النفس جزء من كلية الاقتصاد فلا تعارض إطلاقاً
يمكن عمل أي عدد من رسائل الماجستير والدكتوراة في أي وقت ولا شئ يمنع حامل الدكتوراة من تحضير ماجستير في مجال جديد
لم يقل الجزولي بأنه حضر الهندسة النفسية داخل السودان
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
الاخ / كمال عباس
تحية وسلام ورمضان كريم على الجميع
هذا الجزولى
................
فاليكن صادقا ويقول انّه درس فى كوستى
فاليذكر اسماء المعلّمين الذين درّسوه فى الابتدائى
او زملاء الفصل الذين درسوا معه
فالياتى ويذكر اسماء معلمين وزملاء الدراسة فى الاهلية ( علما بانّ عمره اقلّ من التاريخ الذى تحوّلت فيه المدرسة )
فالياتى ويذكر اسماء معلّمين او زملاء دراسته فى المدرسة الشعبية .
فاليذهب الى اىّ قناة تلفيزيونية سودانية ويحدد زمن ظهوره لنكون له بالمرصاد فى موضوع كوستى على وجه الخصوص
غايتو الله يكون فى عون التابعين لحزبه
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: ANWAR SAYED IBRAHIM)
|
تحياتي أخ أحمد عمر
Quote: نعم يا كمل يمكن إكمال الماجستير والدكتوراة في 5 أعوام عادي
سنتين للماستر و3 للدكتوراة .. لا يوجد ما يمنع ولا اعتقد أن العلوم النظرية تحتاج لأكثر من هذه المدة
علم النفس جزء من كلية الاقتصاد فلا تعارض إطلاقاً
يمكن عمل أي عدد من رسائل الماجستير والدكتوراة في أي وقت ولا شئ يمنع
لم يقل الجزولي بأنه حضر الهندسة النفسية داخل السودان |
......
عزيزي أحمد عمر الرجل كان يعمل بشركة شيكان للتأمين بين عامي 2006 -2010
ثانيا ومن قال إنه هناك مايمنع حامل الدكتوراة من تحضير ماجستير في مجال جديد؟
الزول حضر ماجستير ودكتوراة في مجال واحد وهو الهندسة النفسية
والان يقول إنه يحضر في ماجستير ودكتوراة في الإقتصاد
قولك
نعم يا كمل يمكن إكمال الماجستير والدكتوراة في 5 أعوام عادي
سنتين للماستر و3 للدكتوراة .. لا يوجد ما يمنع ولا اعتقد أن العلوم النظرية تحتاج لأكثر من هذه المدة
بهدوء الرجل تخرج في جامعة النيلين 2006
- إستخرجت شهادته وقدم لماجستير وتم قبوله -حسنا - فلنقل إنه قد بدأ دراسة الماجستير 2007
ونال الدكتوراة 2010
ليه تجد إن الرجل وبحسب بحثي - قد إلتصقت الدكتوراة بإسمه في مايو2011 إثر خطبة في نعي بن لادن وممكن جدا أن يكون - يكون قد زين بها إسمه قبل ذلك بكثير -
ولكن فلنحسن الظن -ونقول إنه قد نالها في 2010 -- قبل خطبته عن بن لادن بشهور أو نحو عام
هنا ستجد إنك أمام- ماجستير ودكتوراة -نيلت في ظرف ثلاثة أعوام أو نحوها ....
-* حينما ن تم التحدث عن خطبته عن بن لادن في مايو 2011 تحدث عنه بإعتباره دكتور -
- كمعرفة وأمر مفروغ منه ولا أظنه قد نال الدكتورة -التي أصبحت معلومة في يوم وفاة بن
لادن !
يقول Quote:
نشأت في حي المرابيع بمدينة كوستي ودرست بمدرسة كوستي الثانوية الجديدة حتى السنة الثانية ثم تركت الدراسة الأكاديمية متفرغاً للعلم الشرعي لمدة ست سنوات وعدت للمدرسة مرة أخرى وامتحنت للجامعة حيث درست الاقتصاد والعلوم السياسية بجامعة النيلين ونلت الماجستير في الهندسة النفسية ثم الدكتوراه في ذات المجال وعملت لفترة في التدريب بدبي (مركز المعالي) ثم عدت للسودان |
* عموما يبقي السؤال حاضرا ومشروعا
أين حضر الجزولي الدكتوراة والماجستير ؟ داخل السودان أم خارجه؟
متي نال درجة الماجستير؟ ومتي نال درجة الدكتوراة؟
وفي إي الجامعات؟
-ذكر المدينة التي درس بها التعليم العام
وذكر إنه تخرج من جامعة النيلين وذكر عام التخرج 2006
..... فماذا عن الماجستير والدكتوراة ؟ لماذا سكت عنها وصمتت عنها سيرته المبثوثة بالنت؟
هذه إسئلة بسيطة وتتناول أبجديات السيرة الذاتية فلماذا لم يجيب عليها ؟ ولماذا
لايجيب عليها أتباعه؟
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
تلاحظ إنه وحينما جاءت سيرة شهادة الدكتوراة خاصته هرب ليحدثنا عن شهادة خواجة عنه
قال فيها إنه أذكي شاب عربي يقابله وذكر
| Quote: مستنكراً تشكيك البعض في مؤهلاته الأكاديمية وحصوله على درجة الدكتوراة موضحاً بأن إمكانياته الذهنية تسمح له بنيل هذه الدرجات العلمية. |
لماذا لا يقطع هذه الشكوك بذكر الجامعات التي نال منها شهادات الماجستير والدكتوراة في الهندسة
النفسية؟
أحجية إنو(إمكانياته الذهنية تسمح له بنيل هذه الدرجات العلمية. ) دا مادليل ولاسند
ومجرد تبرير سطحي زي مقولة مثلي لا يُسأل عن مصدر !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
يا كمال الحسابات ما كدة
أولاً ماف ما يمنع إنه يتخرج في 2006 ويستلم شهادته ويبدأ فيها الماجستير
ثانياً في جامعة النيلين الماجستير بالكورسات بتحدد بالساعات المعتمدة من 36 لي 45 ساعة وعادة بكون سمسترين يعني في سنة ممكن تمتحن وتناقش، والماجستير بالبحث مدته الأدنى 18 شهر يعني سنة ونص بتستلم شهادتك
والدكتوراة مدتها الأدنى 30 شهر .. سنتين ونص
يعني بالحسابات خريج 2006 ممكن يكمل الماجستير 2007 والدكتوراة 2010 عادي
نعم يا كمال حاجة غريبة كونه الواحد ما يذكر اسم الجامعة في مؤهله الدراسي والسلوك دة مرتبط بالناس البتجيب الشهادات اونلاين من الانترنت لكن مجرد عدم الذكر دة ما سبب كافي للتشكيك فيها.
انت بتقول لماذا لا يجيب عليها وانا بقول ليك هو السألو منو؟
يعني لو تم طرح السؤال عليه في لقاء مباشر ممكن اتساءل معاك اقول ضللنا لكن ما بالضرورة يجاوب على شكوك حايمة في فيسبوك ومن حقه يحتفظ ببياناته الشخصية ويطرح منها ما يرغب
الشئ الأخير مالم تكون في بينه نصب واضحة أنا ما شايف أي سبب للتشكيك في الدكتوراة حقة الجزولي
لأنه باختصار ما أكاديمي
والدكتوراة خارج محيط الجامعة ما عندها أي تأثير
بمعنى إنه لم يتسلم منصب عام بهذه الدرجة الأكاديمية عشان نسكها كدة
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
أنا أخدت ليك النيلين كمثال لأنك ذكرتها لكن دي المعايير العامة للدراسات العليا في السودان وأغلب الدول
بل في مسارات أسرع زي الـ PhD by publication مثلاً ودي ما عندها زمن بس بترتب أوراقك المنشورة في رسالة دكتوراة ويجيزوها ليك
لكن الفكرة العامة إنه أي شخص مجتهد أكاديمياً يستطيع الحصول على الدرجات في الزمن دة سواء في السودان أو خارجه
ما بعرف للجزولي ترشيح ولا عارف هل حزبه مسجل رسمياً أم لا ومسألة (يجب الإعلان عنه) دي عاوزة منك شوية تدقيق عشان نعرف منو البيوجب! هل هو مسجل الأحزاب مثلاً؟ وشنو متطلبات الوجوب دة؟ عشان نقدر نقارن هل أوفى بالاستحقاق أم لا
هو أيضاً حر يدفع التشكيك بالطريقة البتناسبه وحر في إعلان ما يشاء من تفاصيله الأكاديمية وأنشطته الإعلامية
أنا دايرك تركز لي على (وقوع الضرر)
هل هنالك أي متضرر من عدم إعلان الجزولي لجامعته؟
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
لا يااحمد عمر
مسجل الأحزاب ماعندو شغلة بالحكاية دي وأظن أقصي حاجة مطلوبة للمرشح البرلماني مثلا انو يكون ما أمي وبعرف بفك الخط !
بالنسبة لقادة الأحزاب مفترض من باب الشفافية والوضوح كشف السيرة الذاتية والمؤهلات العلمية والأكاديمية -
هل تذكر حينما تم اكتشاف حقيقة وزير عدل إنقاذي - طرح شهادات أكاديمية مطعون فيها واضطروا لإبعاده من التعيين ؟
وفي الغرب مؤهلات وشهادات الوزير تطرح للإعلام وللكنوقرس ويناقش فيها بصورة تشبه سلخ جلد النملة ، والقصد هنا مش انو المسؤول
غير مؤهل اكاديميا -ممكن يكون خريج ثانوي او جامعة وهذه تكفي ولكنه تقدم وبشلاقة بشهادة أكاديمية غير صحيحة
* الناس في الغرب يتمحص وتدقق -اختبارا لأمانة وصدق واستقامة المرشح والشخصية العامة!
* انت او انا كناخب او مواطن من حقي ان اعرف عن الشخصية العامة المتقدمة لمنصب او قيادة !
واختبر مصداقيته واتساقه وأتعرف علي شهاداته ومؤهلاته !
المسالة مش إلزام قانوني وانما شفافية ووضوح وكشف لمعالم وأساسيات السيرة الذاتية للناس !
*
وعشان كدة طلبنا ودا حق مشروع -التعرف علي ماهية الجامعات التي حصل منها علي شهادته!
وكمان ممكن نطالب بمعرفة ملف الضريبي ومدي التزامه بدفع الضرايب - واقرار زمة مالية - وماذا يملك ومن اين له هذا !؟
*
نرجع لموضوع شهادات الماجستير والدكتوراة
انت مرة بتقول انو عادي انو الزول يتخرج من الماجستير والدكتوراة في ٥اعوام ٢+٣
وبعدين رجعت وقلت انو يمكن ان يفعل كل هذا في ثلاث سنوات !
وأخشي لو اتضح انو حمل الدكتوزاة والماجستير في اقل من سنتين ان تقول برضو عادي !
وعادي في سنة واحدة المافي شنو ؟
يا للا علينا ماجستير ابو سريع -! ابو سريع مسجد بأطراف حي العرب بأمدرمان والسوق الكبير -يمكن ان تحضر الخطبة وتودي الصلاة في بضعة دقائق
وياللا عينا جاي دكتوارة. القطر قام ! والقطر قام هي حلة تطبخ علي السريع !
* الهم ما مشكلة -
عمل الماجستير والدكتوراة في زمن وجيز او في فترة معقولة -المهم اين ومتي وفي اي جامعة حصل علي الشهادات العليا !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
سلام يا كمال
| Quote: أين حضر الجزولي الدكتوراة والماجستير ؟ داخل السودان أم خارجه؟ |
إذا كان المقصود هو Engineering psychology فأظن أنه مجال من مجالات علم النفس وهنالك عدد من الجامعات السودانية تمنح درجة الماجستير والدكتوراه في علم النفس.
كما أن هنالك عدد من الجامعات في العالم تمنح هذه الدرجات عن طريق الدراسة عن بعد.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: Hafiz Bashir)
|
شكرا
عزيزنا خافظ
تمام
العاوزنو ان نعرف متي واين وفي جامعة حصل علي هذه الدرجات فوق الجامعية ؟
زي ما عرفنا انو نخرج بكلاريوس اقتصاد وعلوم سياسية من جامعة النيلين عام ٢٠٠٦ !
- دي النقطة الأساسية
بالجنبة ودا كلام عام
هل هذا الفرع -ما اسماه بالهندسة النفسية يدرس في السودان وتحضر فيه ماجستير ودكتوراة ؟
* مر علي في الاقتصاد دراسة سلوك وسايكلوجيا المستهلك - في العرض والطلب -ومحددات ذوقه -
وفي الإدارة يدرس -سايكولحيا وسلوك العامل - والمؤثرات النفسية والإيجابية التي ترفع روح العامل المعنوية وتزيد إنتاجيته وتجود أدائه -زي التحفيز الايجابي !
وفي حقل السياسةفي الغرب يتم الاهتمام بسلوك الناخب ومحاوره جذبه وإقناعه ،
وكذلك في الدعاية والإعلان !
* ودا بدرس هنا ضمن الحقل الأساسي - اقتصاد-علوم -سياسية - اجتماع / علي الرغم من ارتباطه بحقل علم النفس الغام !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
Quote: انت مرة بتقول انو عادي انو الزول يتخرج من الماجستير والدكتوراة في ٥اعوام ٢+٣
وبعدين رجعت وقلت انو يمكن ان يفعل كل هذا في ثلاث سنوات !
وأخشي لو اتضح انو حمل الدكتوزاة والماجستير في اقل من سنتين ان تقول برضو عادي ! |
أيوة عادي ممكن اجيب ليك كيس بتاع سنتين
زي كليات الهندسة في روسيا البتخرج بي ماجستير بدلاً عن بكالريوس مثلاً
الفكرة في كلامي إنه احتجاجك بالأرقام لا يستند على ساق لأنه دي حاجة ما عندها قانون موحد
حالياً الجزولي ما مرشح لمنصب دستوري عشان نمحص في شهاداته ولا داخل انتخابات عشان نصنف روحنا ناخبين ليه .. عشان كدة مسألة (حق مشروع) دي ما معاك فيها .. ببقى حق لمن يولى علينا
لكن ما أي ناشط سياسي اتكلم في قناة معناها نطلب ملفه الضريبي!
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
الجزولي رئيس حزب وطارح نفسو بديل سياسي -وزعيم معارض - بل انو اعلن عن نفسو مقدما كمرشح رئاسي للسودان للعام ٢٠٣٠ !
وبعدين الزول اعلن سيرتو مفصلة للرأي العام بما فيها التعليم العام والحامعة التي تحصل منها علي البكلاريوس وعام تخرجه - وكمان ذكر انو عندو ماجستير ودكتوراة في مجال محدد ولكنه لم يذكر الجامعات التي تخرج منها !
من هنا حاء السؤال المشروع-
دا علاوة علي انو ذكر كل الدورات والكورسات والتدريبات التي نالها ذاكرا اسم البلد وكمان كل القنوات الفضائية والإذاعات التي استضافت شخصه !
*
الموضوع مش بالبساطة دي !
فالزول ما بقي حر نفسو وانما مرتبط بحزب سياسي - وكوادر وقواعد الحزب تقع تحت ضغط كبير وعبء شديد - حينما تواجه بأسئلة تتعلق بمثل هذه. النقاط !
فماذا سيكون موقفهم حينها ؟
* عندك عادل عبد العاطي
القيادي في الحزب الليبرالي حينما اعلن عن ترشحه للرئاسة - مقدما تمت مواجهته بكتاباته ومواقفه منذ الجامعة وسودانيز اون لاين وعندمصادر دخلهم !
بل تمت مواجهة عضوية حزبه - حول مواقف وكتابات عادل -"وشكلاته" الاسفيرية !
*
* دا العمل العام ودي القيادة السياسية -اللمي حار واللا لعب كعونج !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
الجزولي رئيس حزب وطارح نفسو بديل سياسي -وزعيم معارض - بل انو اعلن عن نفسو مقدما كمرشح رئاسي للسودان للعام ٢٠٣٠ !
وبعدين الزول اعلن سيرتو مفصلة للرأي العام بما فيها التعليم العام والحامعة التي تحصل منها علي البكلاريوس وعام تخرجه - وكمان ذكر انو عندو ماجستير ودكتوراة في مجال محدد ولكنه لم يذكر الجامعات التي تخرج منها !
من هنا حاء السؤال المشروع-
دا علاوة علي انو ذكر كل الدورات والكورسات والتدريبات التي نالها ذاكرا اسم البلد وكمان كل القنوات الفضائية والإذاعات التي استضافت شخصه !
*
الموضوع مش بالبساطة دي !
فالزول ما بقي حر نفسو وانما مرتبط بحزب سياسي - وكوادر وقواعد الحزب تقع تحت ضغط كبير وعبء شديد - حينما تواجه بأسئلة تتعلق بمثل هذه. النقاط !
فماذا سيكون موقفهم حينها ؟
* عندك عادل عبد العاطي
القيادي في الحزب الليبرالي حينما اعلن عن ترشحه للرئاسة - مقدما تمت مواجهته بكتاباته ومواقفه منذ الجامعة وسودانيز اون لاين وعندمصادر دخلهم !
بل تمت مواجهة عضوية حزبه - حول مواقف وكتابات عادل -"وشكلاته" الاسفيرية !
*
* دا العمل العام ودي القيادة السياسية -اللمي حار واللا لعب كعونج !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
هل في انتخابات عام 2030 ؟
وهل بدأ التسجيل الرسمي للمرشحين عشان نعتبره مرشح ؟
هل تم تسجيل حزبه رسمياً ؟
لو انت عاوز تنضم لحزبه ممكن تمشي مواقع وصفحات الحزب وتسأل قبل الانضمام
لكن مساءلته من قبل العامة بتتطلب وقوع الضرر عليهم
أنا مثلاً ما شايف إنه الدكتوراة بتزيده مكانة .. وما فارق معاي اسم الجامعة ولا البلد ولا طريقتها ما إذا كانت اونلاين أو حضورية
مشكلتي بس مع دكاكين الشهادات في النت لكن أي جامعة معتمدة في أي مكان في العالم ما عندي معاها مشكلة
في بعض الجامعات أسماءها ممكن تجيب مشاكل كمثال الجامعات الاسرائيلية في مراكز متقدمة في التصنيف العالمي وفيها منح وجودة تعليم تسعد أي باحث لكن لو قلت قريت في اسرائيل الناس ما حتعاين للكسب الأكاديمي وحيرفضوا درجتي الأكاديمية لأسباب سياسية ودينية
حتى هذه اللحظة أنا ما شايف ما يستدعي مساككة الجزولي لكونه لم يذكر اسم الجامعة
لكن إذا كان هناك من يملك معلومة أكيدة عن أن الجزولي لم ينل درجة الدكتوراة بتبقى قضية
فهل توجد أي بينة ؟
علماً بأن عدم ذكر اسم الجامعة في سيرته المبذولة للعامة يعتبر شأناً شخصياً وهو يملك كامل الحق في إخفاء أي معلومات غير مطلوبة لمنصب عام
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
هل في انتخابات عام 2030 ؟
وهل بدأ التسجيل الرسمي للمرشحين عشان نعتبره مرشح ؟
هل تم تسجيل حزبه رسمياً ؟
لو انت عاوز تنضم لحزبه ممكن تمشي مواقع وصفحات الحزب وتسأل قبل الانضمام
لكن مساءلته من قبل العامة بتتطلب وقوع الضرر عليهم
أنا مثلاً ما شايف إنه الدكتوراة بتزيده مكانة .. وما فارق معاي اسم الجامعة ولا البلد ولا طريقتها ما إذا كانت اونلاين أو حضورية
مشكلتي بس مع دكاكين الشهادات في النت لكن أي جامعة معتمدة في أي مكان في العالم ما عندي معاها مشكلة
في بعض الجامعات أسماءها ممكن تجيب مشاكل كمثال الجامعات الاسرائيلية في مراكز متقدمة في التصنيف العالمي وفيها منح وجودة تعليم تسعد أي باحث لكن لو قلت قريت في اسرائيل الناس ما حتعاين للكسب الأكاديمي وحيرفضوا درجتي الأكاديمية لأسباب سياسية ودينية
حتى هذه اللحظة أنا ما شايف ما يستدعي مساككة الجزولي لكونه لم يذكر اسم الجامعة
لكن إذا كان هناك من يملك معلومة أكيدة عن أن الجزولي لم ينل درجة الدكتوراة بتبقى قضية
فهل توجد أي بينة ؟
علماً بأن عدم ذكر اسم الجامعة في سيرته المبذولة للعامة يعتبر شأناً شخصياً وهو يملك كامل الحق في إخفاء أي معلومات غير مطلوبة لمنصب عام
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
يا احمد عمر
حتي لو لم يترشح لانتخابات ٢٠٣٠
فانه للناس الحق في توجيه أسئلة له ومن حقه ان يرفض. الإجابة !
وعدم الإجابة او او التجاهل سترتب. عليه فواتير سياسية يتوجب عليه دفعها !
* كونك تعلن في سيرتك الذاتية كافة مراحل الدراسة بما فيها البكلاريرس. الجامعي وسنة التخرج وجامعة التخرج. -وتسكت عما فوق الجامعة فهذا سيجعل الناس او بعضهم يتسألون لماذا اًو يبنون أحكاما. علي هذا. السكوت ! وقد تكون مكلفة سياسيا !
ثانيا ليس بالضرورة ان يكون هناك ضررا عاما - علي الجماهير من عدم ذكره لمنبع نيله للشهادات
ولكن هناك ضرر سيقع عليه وعلي حزبه في معادلة الشفافية والوضوح وتمليك الحقائق للجماهير - انت ماعايز تكون واضح وشفاف. -انت حر ولكني لن انضم او أتعاطف مع حزبك !
*. هناك في محك اختيار الانتماء السياسي. - مفاضلات وموازنات وترجيح - لا يقف عند عتبة المفاضلة السياسية بين البرامج وانما يتعداها لتقييم القيادة -مواقف وقدرات وسيرة شخصية وشفافية ووضوح ،
فمثلا ستجد هناك زحمة شديدة في منصة التيارات السلفية والجهادية والأصولية - رغما من التشارك في كثيرا من الاهداف- والتيار الجماهيري المتعاطف مع الاطروحات الا ان المفاضلة -والمزايا الفردية للقيادة ستلعب دورا حاسما في الاختيار هنا- عبد الحي ام محمد عبد الكريم ؟ ام الجزولي ام ..ام -
* وهناك مواطن التناظر والندوات في الجامعات - سيواجه كوادر حزب الجزولي بالسؤال عن هذه النقطة بتاعت - الشهادات دي وموقفه من داعش/"-والإمارات والسعودية -والاعتصام -
حينها ماذا ستكون إجابتهم ؟
سيجيب تلاميذ عبد الحي انه -تخرج في كذا وعمل الماجستير في هذه الجامعة -والدكتوراة في تلك وهذا هو الكتيب او الرسالة التي حصل بموجبها علي الدكتوراة وقداشرف عليه فلان وأجازه وناقشه كل من .. ومن !
* عموما يا احمد عمر سعيد بمشاركاتك التي عبرت عن الرأي الاخر والحجة المضادة - مقابل أطروحة البوست المركزية والمحاور الفرعية للمشاركين - الأخريين مما يتيح للقاري والمتلقي معرفة الرأي والرأي
الاخر ليقيم بعدها - او يواصل البحث بطريقته ليصل لخلاصاته واستنتاجاته-!
*
انا افترعت هذا البوست مركزا علي نقطة محددة وهي مصدر الشهادات - وقمت من خلال الحوار معك بتفصيل أهمية وردوها في السيرة الذاتية -وسلطت الضوء علي سكوته عنها مع ولعه بالتحدث عن تفاصيل تقل أهمية عن هذا -وتطرقت لاهمية هذه النقطة في ميزان المقارنة والمفاضلة بين القيادات - وفي اركان النقاش والندوات الطلابية
* افترعت البوست - محرضا علي التفكير والسؤال وساعيا لزرع بذرة -وهادفا لتكون هذه النقطة مدخلا او مجرد بداية - ستتبعها محاور اخري - قد غرست بعضها في هذا البوست -موقفه من داعش - ومن بن لادن وقتل الابرياء والعزل ورفض الديموقراطية
الديموقراطية وهي محاور قد تري انت او غيرك انها اهم واخطر من قضية الشهادات !
ولكني هنا اخاطب قطاعات معينة من الناس واعرف تاثير هذا الأمر عليهم
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
كتب الداعشي الكوز محمد الجزولي في نوفمبر 2017 ممجدا بل ومتغزلا بما يسمي بالحركة الإسلامية وقاطعا وجزاما بأن سقوط وبقاء الإنقاذ بيدها ! لاثورة ولاجماهير الحركة الإسلاميةوبس
..الحركة الاسلامية هي التي بمقدورها اصلاح الانقاذ او اسقاطها!
| Quote: د.الجزولي : الحركة الاسلامية هي التي بمقدورها اصلاح الانقاذ او اسقاطهاالسبت, 11 تشرين2/نوفمبر 2017 08:04 ...د.الجزولي : الحركة الاسلامية هي التي بمقدورها اصلاح الانقاذ او اسقاطها كتب د.محمد علي الجزولي المنسق العام لتيار الامة الواحدة على حائطه بالفيسبوك مقالة تعيد نشرها سودان تايمز :هي فقط تستطيع اصلاح الانقاذ أو اسقاطها !!رغم كل ما يقال عنها وعن ضعفها وغيابها الا أنها الجهة الوحيدة الى حين اشعار اخر التي لها القدرة على محاربة الفساد واعادة الثقة في نظام الحكم و بسط الحريات وتحقيق نهضة اقتصادية اذا قررت ذلك وتولى امرها شخصيات قوية وحازمة انها الحركة الاسلامية السودانية فمنها الأكاديميون ورجال الاعمال وضباط الجيش والشرطة والأمن الملتزمون والقضاة والبرلمانيون والقادة الاهليون والطلاب والشباب والمرأة والاعلاميون والمجاهدون الذين عرفوها قبل ان يعرفوا الانقاذ وتولوا مناصبهم لأنهم ابناؤها لا لانهم انقاذيون !!.ان الحركة الاسلامية السودانية هي وحدها فقط التي بمقدورها اصلاح الانقاذ أو استبدالها |
........
.... http://sudantimes.net/index.php/2017-04-02-13-59-13/item/1877-islamic-movementhttp://sudantimes.net/index.php/2017-04-02-13-59-13/item/1877-islamic-movementhttp://sudantimes.net/index.php/2017-04-02-13-59-13/item/1877-islamic-movementhttp://sudantimes.net/index.php/2017-04-02-13-59-13/item/1877-islamic-movement
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
تحياتي كمال...
هو براه !
كتااااار عندهم "ماصطر" و دال ونقطة !
" دور التخطيط الاستراتيجي الإسلامي في تحقيق الأمن الغذائي "...دي رسالة دكتوراة لوداد بابكر من جامعة كرري 😂😂😂
...............................
أعتقد الأهم هو تطبيق معايير صارمة تحكم البحث الأكاديمي ومنح الشهادات العليا وتوقف هذه الفوضى ، مع ضرورة وجود آليات تمنع الانتحال الأكاديمي و تضمن الأصالة في البحوث. فكيف يمكن ضمان جودة هذا الكم من البحوث "الماصطر" على سبيل المثال ، كمنتج معرفي أصيل ذو جودة ؟
البحث الأكاديمي دراسة منهجية تهدف إلى إيجاد إجابات و تطوير المعرفة و يتطلب الأصالة و التفكير النقدي.
و ليس بالضرورة أن يوفر البحث إجابات على كل أسئلة البحث ، بل قد ينتج البحث أسئلة أكثر من التي أجاب عنها.
و لكن عصابة الكيزان المجرمة هوت به إلى هذه الكوميديا.
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
يا كمال القصة في الـ accreditation
جامعة السودان المفتوحة عندها اعتراف من وزارة التعليم العالي وشهاداتها معتمدة
شخصياً لم أعثر على الجامعة اللي قالها دي
لو كانت مفتوحة و accredited خير وبركة .. ولو كان دكان شهادات تبقى ما عندو دكتوراة معترف بيها
وإذا تسلم أي منصب بناء عليها يجب مراجعته ومراجعة معايير الاختيار فيه من حيث توثيق الشهادات
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
.....في حواره مع ضياء الدين بلال في قناةِ النيل الأزرق ذكر محمد الجزولي مجيبا علي سؤال
| Quote: . س : انت متأثر بدكتور الترابي ؟ج : ارى دائماً ان العلمانين في يالسودان ماعندهم مفكر لكن الاسلاميين يملكون الترابي كمفكر ... |
.
كل فتاة بأبيها معجبة .. الجزولي والترابي إتلم التعيس علي خايب الرجاء ... الترابي هو المفكر وسط التيارات الإسلامية بل هو المفكر السوداني الوحيد عند الجزولي!* الترابي الذي لايساوي قلامة ظفر المفكرعلي العلماني د.حيدر إبراهيم أو شعرة من المفكر دكتورمنصور خالد أو المفكر نُقد ولايضاهي قطرة م نمداد المفكر الإسلامي محمود محمد طه وحتي علي مستوي الإسلام السياسي - الترابي لايفوق الصادق المهدي !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
شكرا اخي احمدمحمد عمر
(((
يا كمال القصة في الـ accreditation
جامعة السودان المفتوحة عندها اعتراف من وزارة التعليم العالي وشهاداتها معتمدة
شخصياً لم أعثر على الجامعة اللي قالها دي
لو كانت مفتوحة و accredited خير وبركة .. ولو كان دكان شهادات تبقى ما عندو دكتوراة معترف بيها
وإذا تسلم أي منصب بناء عليها يجب مراجعته ومراجعة معايير الاختيار فيه من حيث توثيق الشهادات)))))
انت اذاتركز علي - جزئية
ان تكون الجامعة معترف بها وشهادتها معتمدة -وان محك مراجعة مصداقية المؤهل الأكاديمي - وصحته يأتي بعد او عند الاختيار للموقع او المنصب هذا اذا ماكان الأهلية للموقع تستند علي الشهادات الجامعية او ما فوقها !
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
تحياتي أخي أحمد عمر
Quote: نعم يا كمال
لا أرى أي جريمة في الدراسة بجامعة غير معترف بها
من حق الشخص أن يطلب العلم بأي مكان وعلى أصحاب العمل التدقيق في توثيق الشهادات قبل الاختيار بناء عليها |
.........
أنا قصدت هنا أن ألخص فهمي لمُداخلاتك الأخيرة..
طبعا - سقراط - بن رشد - أرسطو ماكان عندهم دكتوراة في الفلسفة
- وأبو حنيفة ومالك والشافعي لم يتخرجوا بماجستير
- والعقاد لم يدخل جامعة
- ولاري كنق - لم يتخرج من جامعة ناهيك عن دكتوراة في الإعلام !
* تري كم درجات دكتوراة وماجستير حُضرت في القرون لأخيرة - عمن لم تكون بحوزتهم دكتوراة؟ كم دكتوراة حضرت في فكر أرسطو والفلسفة الرشدية - أو فقه الإئمة الأربعة؟
ولكن تبقي الخلاصة :أن الدراسة الأكاديمية بالجامعات ومايترتب عليها من شهادات وتقديرات في عصرنا هذا محكومة بحد أدني من النُظم والضوابط
ويبقي كلامك هذا:Quote:
لو كانت مفتوحة و accredited خير وبركة .. ولو كان دكان شهادات تبقى ما عندو دكتوراة معترف بيها |
عن الجامعة إي جامعة - أن تكون معتمدة وشهاداتها - مُعترف بها يبقي كلامك هذا نقطة مفصلية
-وأزيد أن تكون هناك هناك جامعة بمعني جامعة في الأساس !
* الدكتور اة في بعض المجتمعات أو كثيرها لها سطوة وحضور وتأثير حاسم -علي الرغم المقولة الحاسمة ( القلم ماب يزيل بلم_) والقبة ( الأكاديمية_) اللي ماتحتها فكي ! وتمديد أبوحنيفة
أقدامه كثيرا في حضرة من يحملون درجات علمية -وأكاديمية وبهرج يستوجب ظاهره التبجيل ليكتشف أبوحنيفة بعدها أن تمجيده وتبجيله ليس في محله ويشرع في تمديد أقدامه !
**-رغما عن هذا تبقي للدكتوراة - الماجستير-سطوة وهيبة وحضور وسط العامة -ويبقي لصاحبها مكانة وحظ من السماع والمتلقي هنا يبجل ويقدر بإعتبار أن الشهادة حقيقية ومعتمدة ودهب عيار21
ومافيها شق واللاطق ..!
- *
سيسقط هذا التبجيل ويتهاوي لأنه إرتبط بالشهادة لا القدرات الفكرية والمعرفية الكامنةفي الشخص بعيدا عن شهادته -وسبقي الشخص الآخر المنافس -صاحب القدرات والذي لا يملك شهادة دكتوراة مثلا مقدر لعلمه وقدراته الذاتية وما يطرحه -سبقي أكثر تقديرا - إذا سيسقط هذا التبجيل وستسقط معه المكانة والإحترام ويحل محلها السخرية والآحتقار - إذا ما أُكتشف إنه لاتوجد جامعة حقيقية ولايحزنون أو أن هناك جامعة ولكنها غير معتمدة وشهادتها غير معترف بها ! [
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
أنا بس ما شايف التأثير الساحر لحرف الدال الإنت بتتكلم عنه دة
يعني لو طلعت الدكتوراة بتاعة الجزولي من هارفارد برضو حيظل عندي الداعشي الإسلاموي ذو الفكر المتطرف
كمية من الكيزان كانوا أوائل السودان وجابوا درجاتهم العليا من جامعات مرموقة عالمياً فهل دة عصمهم من التطرف؟
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
سيدنا حميد رضي الله عنه وصانا على (الناس التحتانية) وانا كرجل عطوف شفوق محب للمساكين ومتعود من صغير اطلع من البيت ألقى سخلة جيرانا مشربكة في الشوك بشيلها واطلع منها الشوك، عرفت إنه السخل ما ضروري يكون في الحلة
عادي ممكن يلاقيك الإنسان السخل البحاول يتاوق فوق لي غصن الشوك ومافي زول حاسي بي ألمه وصوته المبحوح الما سامعينه الناس ومحبوس تحت راجي زول يتعطف عليه، وانا راجل عطوف والله 
الليلة جاتني رغبة مساعدة المساكين فنزلت تحت
تحت شديد في زقاقات المنبر حيث العالقين الممنوعين من دخول مطارات المنبر ناس عاطف عمر
اتفاجأت بي إنه مشاركاته أكتر من مشاركات البوست ذاتو :)
كالعادة كلو نبز وشتائم وتركيز على حافظ بشير اللي اعتقد جازماً إنه عرس حبيبة عاطف عمر، أصلو التركيز دة ما تركيز مع عضو عادي
المهم معيار الصح عندي هو مخالفة عاطف عمر، وأسوأ موقف بلقى نفسي فيه الاتفاق مع عاطف لأنه بنطلق من عداوات عابرة البوستات وليس موقف مبدئي. وكانت المصيبة إنه بتفق معاي في الرؤية العامة بس الهون المصيبة دي إنه مستمر يشتم فيني مع الباقين ويغلط فيني رغم إننا في نفس الجانب. حلوة فكرة زول يقول بنفس وجهة نظرك ويكون شايفك غلطان :)
من الحاجات الحيرتني إنه مسميني بتاع اللباسات والستيانات ورغم إنه ما عندي مشكلة مع قلة الأدب لكن وحاة الله الحاجتين ديل أنا ما شايلهم كلو كلو .. ديل وقت المرقة بس لكن بمجرد ما جيت من برة بقعد بتريننغ هبابي
غايتو بعد تلتلة وتعب فهمت سبب التسمية إني عاوز الممثلة السودانية لما يجيبوها في غرفة النوم تكون لابسة لبس البيت موش التوب والخمار. انت مستغرب مالك يا عاطف! دة التمثيل كدة أعمل ليكم شنو حبايبي أنا!
يلا سبب المداخلة دي شنووو؟
عجبني خيالك الخصب في موضوع - أو حيلة - المرسال
وحقيقة عديت زمن طويل أحاول افهم منو المرسلني لأنه بصراحة مافي زول قاعد يرسلني بعد شوية جبت سيرة صفحة المقالات أظنك قاصد إني شلت مداخلة من هناك. طبعاً بالتأكيد ما حأعرفك قاصد ياتو مداخلة لأنه ما قاعد امشي صفحة المقالات
أي نعم أنا بفك سخلة جيرانا المشربكة في الشوك بس دة ما بعني إني مبعوث العناية الإلهية لمساعدة كل سخلات المكان .. آآي حنين وشفوق بس حدي المنبر العام دة .. أنا ما الأم تريزا عشان افكفك في أغصان الشوك في كل جنبات المنبر
صفحة الآراء والمقالات دي بتتجدعوا فيها انتو المفلسين البعاينو بي حيطة الاستاد وينتظروا يفتحوا باب الملح عشان يحضروا آخر 5 دقايق من الكورة لكن انا عندي قرين كارد بدخل المنبر العام بالباب توووش ما بتاوق بالحيطة. بطلع لبتاع الباب بطاقة صحفية يفتح الباب ضلفتين ويقول لي اتفضل يا استاذ.
ناس المقالات ديل انتو يا عاطف عمر البورلتاريا البأشروا للملح عشان ما عندهم حق المواصلات. ما حأسألك عن المقال البتتكلم عنه واللي بتزعم إنه رسلوني فيه لأني ما قاعد امشي بهناك. أيوة عطوف وأي حاجة لكن برضو البريستيج عندو حدود
هسة انت جبت السيرة عشان تدردقني لصفحة المقالات وتتكلم معاي الند للند كدة زي ما بتكلموا معاي الأعضاء المحترمين؟ يعني نقعد أنا وانت في طاولة حوار عادية كدة كإثنين متساوين؟
لا معليش والله تلقاها عند الغافل
ما بطالعك بهناك .. حدي معاك هنا بس أنا الفوق وانت التحت - الله يكرم السامعين 
الوضع دة حاول استمتع بيه وأوعك تفكر في المقاومة وتسمع كلام حيدر الزين تجي بي فوق لأنه من أول بوست حيتنتف ريشك وتبقى في البخارجك :)
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
سلام اخونا احمد عمر
فيما يختص ب ،،.... بالله هو قاعد تحت -!
التجاهل ... التجاهل !!
وعدد مداخلته في عالمه السفلي -اكثر من جميع مداخلات هذا البوست بكل مشاركيه
سباب وهتر ! واسفاف ..غل وحقد وتصفية حسابات قد لاتدري عنها شئ تقرأ وتقول في سرك -الزول مالو معاي ! عاوز شنو واجندتو شنو ورسالتو شنو ؟ وين طرحو وماهي فكرته ؟
تراه. تغلف وبشقف ونهم مداخلاتك الأولي وبني عليها وصار يغمز ويلمز الاخر بناء عليها لا علي إنتاجه الخاص !
ولكن اذا اختلفت معه ١٠٪ فأنت عدو !
*
الناس السوية والموضوعية تحترم بعضها وتحرم رؤية الاخر وان اختلفت معه في بعض التفاصيل .- تحاور بأدب واحترام للذات والآخر !
الناس تطرح فكرتها وتدافع عنها وتتفهم رؤية الاخر وتمارس حقها في الاختلاف معه -تتلاقح افكارهم -تأخذ وبلا تحرج من فكرة محاورك وتستفيد من الحوار معه
ولكن صاحبنا لايفهم في هذا - النقاش عندها سوق عكاظ وتلاسن وتشاتم !
- عموما بقدر ما في مشاركات ناس نافذة الفيس بوك من إسهام وأضافة وما فيه من شخوص محترمةً! قد تجد الأشباح ومن يمارس التقية والتخفي وعقلية مستر هايد ودكتورجيكل - شخصية محترمة في المنبر ووجه اخر الشخصية يسب ويلعن!
وقد تجد اصحاب العاهات والتشوهات ،،
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
شيوخ الغفلة ودكاترة الزمن الردئ -الجزولي وعبد الحي ومعهم محمد عبد الكريم\ دخلو السياسة علي كُبر لذا تطغي عليهم الشتارة والعوار تجمعهم محبة لادن وعشق التطرف
والإرهاب ......
--اليوم هم مُجرد" كُورَس وشيالين" لي ذو النون وأولاد الضئ...
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
وشهد شاهد من أهلها !!
عارف الركابي يصف الجزولي ب": الاضطراب والتناقض والجهل المركب." وإنه مضطرب، كل فترة هو في اتجاه، !
** والجزولي يصنف بأن حكم الخليفة معاوية بن أبي سفيان بأنه حكم عسكر ! دي إحتمال ورقة قدمها في دكتوراة الهندسة النفسية !
التوثيق
.Quote: حزب دولة القانون والتنمية اكتر حاجة انا سعيد بها في اتفاق العسكر وقحت الإنقلابي ده أنو الإسلاميين كلهم اصبحو يسبوا العسكر ويقولوا خانونا انا سعيد جدا من القصة دي والحمد لله الذي جعلني ضد حكم العسكر من معاوية بن ابي سفيان وحتى عبدالفتاح البرهان .
........................ارجو ان يكون طلاقا بائنا
#مدنيااااو_توافقية_لا_ثنائيةد.محمد علي الجزوليرئيس حزب دولة القانون والتنمية |
..
..........ttps://http://http://www.facebook.com/315078http://http://www.facebook.com/315078
عسكرية حكم معاوية دي ممكن ننقاش فيها زول مبدئي - أما الجزولي فنكتفي بتوجيه هذا السؤال له و السؤال ماذا عن عسكر بن لادن وداعش؟
لماذا ينحاز لهم الجزولي ويساندهم ؟
,,,,,,,,,,,/ 2/ والركابي يرد
.Quote: لا يستغرب على محمد علي الجزولي أن يطعن في الصحابة الكرام.. فهو مضطرب " ساكت توصيات من معاوية ستر للصحابة رضي الله عنهم لا يستغرب على محمد علي الجزولي أن يطعن في الصحابة الكرام.. فهو مضطرب، كل فترة هو في اتجاه، وهذا شأن من لم يسر على الكتاب والسنة : الاضطراب والتناقض والجهل المركب. وطعنه في كاتب الوحي خال المؤمنين الصحابي الكريم معاوية بن أبي سفيان رضي الله عنهما يضره هو ولا يضر معاوية رضي الله عنه ولا يضر المؤمنين شيئا. وقد قال أبو زرعة الرازي وهو من أجل شيوخ الإمام مسلم : إذا رأيت الرجل ينتقص صحابة النبي صلى الله عليه وسلم فاعلم أنه زنديق.. وذلك لأن القرآن حق والسنة حق وما أدى إلينا ذلك إلا الصحابة رضي الله عنهم.. نعم لا يضر معاوية رضي الله عنه طعن المتلوّن الجزولي ولا طعن الخميني ولا الحوثي ولا طعن غيرهم ممن ضلوا عن الصراط المستقيم ، وفضائل معاوية رضي الله عنه كثيرة، وحسبكم بواحدة فقط من فضائله التي نثرتها في مقال خاص أضع رابطه في التعليقات، فإن من فضائله : استخلاف عمر – رضي الله عنه- معاوية على الشام ولا شكّ أنها منقبة لمعاوية لأنّ عمر كان شديد التّحرّي في اختيار واصطفاء الأمراء الصّالحين وأقرّه على استخلافه عثمان بن عفان –رضي الله عنهم- فلم ينزله ولم يعزله؛ يقول الذهبي –رحمه الله-: (قال خليفة : ثم جمع عمر الشام كلها لمعاوية وأقره عثمان؛ قلت: -أي يقول الذهبي-: حسبك بمن يُؤمِّره عمر ثم عثمان على إقليم وهو ثغر فيضبطه ويقوم به أتمّ قيام ويرضي الناس بسخائه وحلمه فهذا الرجل ساد وساس العالم بكمال عقله وفرط حِلمه وسعة نفسه وقوة دهائه ورأيه، وكان محبَّبًا إلى رعيته، عمل نيابة الشام عشرين سنة والخلافة عشرين سنة ولم يهجُهُ أحد في دولته بل دانت له الأمم وحكم على العرب والعجم)
. كتبه : أ. د عارف بن عوض الركابي الأربعاء ٢٠ ذو الحجة ١٤٤٠.......... |
التفاصيل هنا:
https://www.alnilin.com/130720https://www.alnilin.com/130720 ..........
(عدل بواسطة كمال عباس on 05-08-2020, 06:52 PM)
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
شكرا أخي عبد الله إدريس ...كتبت مقتبسا ومعلقا
............. Quote: (الجزولي رئيس حزب وطارح نفسو بديل سياسي -وزعيم معارض - بل انو اعلن عن نفسو مقدما كمرشح رئاسي للسودان للعام ٢٠٣٠ )))
دي اسباب كافية جدا انو الناس تتحقق من سيرتو الذاتية على الاقل .. واقصد بالطبع صحة المعلومات الواردة فيها
............. |
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
زمان يا عاطف عمر بعد اتخرجت من الجامعة اشتغلت مساعد تدريس طوالي
الزمن داك طبعاً لسة ساكن في المدينة الجامعية ومعاي عطالة الدراسات التجارية ما عندهم برنامج غير الخلط في الجامعة
يوم كدة فجأة ناس الحرس الجامعي كتموها فيهم وبقوا يدققوا في البطاقات وأي بطاقة منتهية بقلعوها منه ويمنعوهو من دخول الجامعة
وصلنا أنا وصاحبي العاطل لقينا باقي العطالة متلمين قدام الباب يتشكوا ويتبكوا في مواعيدهم اللي ضربت وكيف يخلطوا الليلة
قلت لي صاحبي أرح ندخل قال لي كدي نشوف الشباب ديل حلهم شنو؟ قلت ليه بطريقتك أنا شغال لو داخل معاي أرح ولو داير تقعد معاهم برة بي جازك .. ومشيت طوالي ما انتظرته
وصلت الباب سألوني من البطاقة قلت ليهم استاذ قالوا لي اتفضل صاحبي جاء جاري لحقني في الباب سألوهو من البطاقة قال ليهم : مع الاستاذ :)
قالوا ليه اتفضل أنا طوالي قبلت عليهم قلت ليهم دقايق ما سمعته كويس قال ليكم شنو؟ كدي قولها بي صوت عالي يا ابو الشباب
طبعاً صاحبي رفع يدينو داير يجبص لي وناس الحرس الجامعي بقوا يضحكوا فوقه كررها تاني بي غيظ كدة (مع الاستاذ)
صاحبي دة في الجامعة قدر ما فتشت ليه تاني ما لقيتو كان بتزاوغ مني لكن وصلتي الداخلية كدة فسحتو ليك بالغرف .. بس كل ما ألقاهو مع ناس أقول ليه قلت لي الليلة خشيت الجامعة كيف؟ قلت للحرس الجامعي شنو؟
وهو يشيل وينبز ويسب في الدين وانا أكرر ليه لا لا بس لأنه الناس ما قدرت تدخل أنا حبيت اطمن عليك
يا زول لحدي المطعم بتاع الداخلية عملت ليه حفلة شمشرة هناك وهو يسب ويلعن ويقول لي والله يا خو... لو ما محتاج ليك تدخلني بكرة كان رقدتك مستشفى
فااااا شنو ياحبة! أنا قلت لي زول لو ما منبر بكري دة ما كان بتلاقي بروف في الجامعات الامريكية؟
ما عارف والله قلتها وين ولا المناسبة شنو! لكن قطع شك بتشبهني وبتشبه ت############ـتي الما جادة في الناس
وكان ما بتفرز التدوير من الكلام الجاد فك المستنير وصاحب سيف بابكر عليك الله
وهسة بقول ليك لو ما جيتني مع المستنير ما كنت رديت ليك
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: أحمد محمد عمر)
|
قناة طيبة!
دقون من إستانبول !
" الجهاد " بالوكالة - التركي واللا متورك -
! يديرها عبد الحي باشا
وتستضيف أنس بك الدفترار!
والبك محمد عبد الكريم !
والعين علي الأسكندنافي
الجزولي أفندي!
- الصدر الأعظم أردوغان يشرف والوالي تميم بن حمد يمول...
هذه الجوقة -العثمانية ترمي لإعادة عقارب الساعة للخلف في السودان وإستنساخ نظام الفساد والإستبدادي الإنقاذ
| |
|
|
|
|
|
|
|
|
|
Re: غموض وطلاسم في دكتوراة الداعشي الجزولي ه (Re: كمال عباس)
|
فليبلل الجزولي رأسه!
(
القاء القبض على المتهم الهارب انس عمر -سونا
الخرطوم 2-7 2020 ( سونا)- القت السلطات الامنية القبض على المتهم الهارب انس عمر القيادي في حزب المؤتمر الوطني المحلول وستتولى الاجهزة العدلية التحقيق معه بشان عدد من التهم الموجهة اليه
| |
|
|
|
|
|
|
| |
كمال عباس
Hafiz Bashir
Abdullah Idrees
السنجك عثمان
Osman Musa
Shinteer
ترهاقا
Kostawi
ANWAR SAYED IBRAHIM
Khalid Basheer
ABDALLAH ABDALLAH
فيس بوك
تويتر
انستقرام
يوتيوب
بنتيريست