|
Re: نحتاج لحظر تجوال هنا في البورد اكثر من الش (Re: احمد عمر محمد)
|
التحايا والمودة الاخ احمد .. معليش لكن والله انا الليلة فرحان فرح كأني اكتشفت لقاح كرونا :)
يآخي معقولة زي اللي زمن موزوز بانه الشغلة دي فيها دبل كيك.. وهيثم وهواري بس الحمد لله الليلة حسمتها
2010 و 2013م
Quote: أحمد محمد عمر
تاريخ التسجيل: 03-03-2010 مجموع المشاركات: 3583 للتواصل معنا
FaceBook |
بالنسبة للحظر ابشرك بكري حا يشيل البوست
تحياتي
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: عبدالحفيظ ابوسن)
|
يتخيل لى يا احمد محمد عمر ,, اتمنى انو الاسم يكون صاح و ما نقع فى المحظور ... ما محتاجين لى حظر التجوّل عشان نقدر نفهم الحاصل شنو ناس كتار لولا النشر كان الناس تكون مغشوشة فيهم عندك ظىّون اولاد الضى الجبّوري و غيرهم و قس على ذلك فى منبرك ده ف شنو ما معاك فى دعوة الحظر دى و ما تنسى كمان جايانا مهلة الزول القالو اسمو صادق و مهدى مع حظرك ده الفيلم ح يفوتنا و ما ح نعرف الكتل البطل منو بالنسبة لى منتصر عبد الباسط الناس ورّتو خطأ موقفو و هو مصر عليهو اى زول يمشى بى كلامو ده و تجيهو كورونا و يموت قاتله منتصر و متأكّد مولاكم لو جا بى جاى حيفتى بى صحة الفتوى دى و لو ان فتاويهو لا يعتد بها
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: احمد عمر محمد)
|
يا جلالدونا الواحد يعني يقعد يدعي على الناس الزي كده في نهار رمضان ولا شنو في حاجات الواحد والله يبلعها من سكات بس في حاجات مستفزة و لا عندها علاقة بالمعارضة ولا علاقة بالسياسة حاجات انسانية وليها الناس المختصين فيها.
بس الحمدلله وناخذ بكلامك ده عسى عدم الحظر يفتح لنا طاقات اخرى اشد ظلاما غائبة عنا فنستبين خطلها
الحمدلله
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: احمد عمر محمد)
|
أوووو شيخ العرب أبو سن شوق الشوق ياخي أوعى يفوتك الانبراش البي هناك غايتو البرلوم الاسمو معاوية مصطفى دة ما عافي ليه كلو كلو .. طير مننا الحمام :)
يا أسامة أول ما تلقى الزول بتكلم جادي كدة وملامح وشه صارمة دة ما أنا
أحمد عمر أعمل ليك صورة شخصية حمامة سلام ولا أي حركة يفرقوك بيها عشان ما تجيك بنية طايرة بالغلط :)
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: أحمد محمد عمر)
|
و الله بلاحظ كم مرة القى لي روحي في موقف لا احسد عليه شي شلاليت و شي بنة طائرة اتاري الجامعة يكون قاصدينك انت و هم بلطشنوا فيني يا زول حماماة سلام شنو في المنبر ده هنا الا تجي بي وش مرعب ولا مكان لحمام السلام هنا
بس الواحد معتبر نفسه دائما في الاشهر الحرم ومقدم الخير
غايتو الواحد بعد ده يفكر يعمل ليه رمز ان شاء الله رمز القطية والفانوس بس كمان ما يجي عادل امين يقول لي شن عرفك برموز الانصار والختمية
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: Arif Nashed)
|
يا احمد شايف جلالدونا مع انه حاول ما يخطأ
Quote: يتخيل لى يا احمد محمد عمر ,, اتمنى انو الاسم يكون صاح و ما نقع فى المحظور ...
|
برضو وقع في المحظور لاني بعض الرسائل من كلامه ما فهمتها فعرفت انه قاعد يكلمك انت وليس انا لاني ما قاعد اغطس في البوستات واتحاوم بي جوة كتير، وبالمرة بالله ورينا الحاصل شنو والمولد حق مولانا بي وين عشان نجي نحضر السيرة اساسا الحبس ما مقصر مدينا فرقة زمن كويسة
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: احمد عمر محمد)
|
Quote: المشكلة سيد الحوش يكون شايل مقشاشتو ويتلخبط فيكم |
وحاة الله صدقت قبيل جاء صايم ومصدع وعيونه مطششات شاف عنوان البوست دق جرس والكاتب أحمد عمر طوالي سلّ ليك الطبلة وكرزن البوست بعد فطر وشرب الجبنة عيونه فتحن لقاهو تبع أحمد الرايق .. طوالي فتح البوست
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: HAIDER ALZAIN)
|
حيدر الزين تباااااااااالغ يا حنين ايش جاب لجاب (محمد عمر) دا صاحبنا من زمان شديد زمن حاتم مهران والكرتونة ونلاين والكاونترا وعلى قدر الشوق ما يمد مديت انا زي ود ابسن بفتش لمداخلاته تفتيش وتسعدي الله عالم ومتابع المحامي داك بهناك ومتابع العصرة قدر ما يحاول يتفلفص يزداد عصرة عصرة عصرة الكوز نعدو دخلت البوست دا على التفتيش لقيت وش البامية ما ياهو قتا ياربي الحاصل شنو زولي دا ما يكون (كبر) بس وعلمنا ان قلمه ما زال شابا وممتعا ومقنعا وجميلاااا تحياتي
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: عبدالمنعم الطيب حسن)
|
تصدق يا احمد وانا اصلا ما جايب خبر
Quote: طوالي سلّ ليك الطبلة وكرزن البوست
|
انا قلت يا ربي الحاصل شنو اول مرة تحصل معاي قلت خلاص الله كريم البوست ده انا اتبرعت بيهو وخليتو وقلت كلام ود الزين صاح حيجوا يقفلوا البوست واتاريه ما كضب بس بعد دخلت وقريت رده احاول ارد ما في احاول ارد مافي قلت مع السلامة الا بعد الافطار لقيت الموضوع سلك
شكلك يا اخوي انت متهم وبلاويك كتيرة وانا قاعد اشرب من كأسك ههههههه كده حلو نتبادل الادوار وقت اللزوم واخوك جاهز
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: احمد عمر محمد)
|
ههههههههههههههه الحمد لله الما براي .. شايف حتى ود اب سن وجلالدونا جو يستغربوا فيني وزوزوو .. حقيقة في فرق بسيط في المداخلات والاسلوب الهادئ بعدين العريبي بتاع 2010 بيستخدم وشوش كتيرة
ذكرتني قصة عبدالكريم الامين الما كيكي وكيكي في النهاية خت توقيع ابو فؤاد :)
ثم دالتك قويـة يا احمد عمر 2013م..
هسه انا والله عاوز اسأل بكري من امس بس مستحي .. بوست التوقيع من اجل حث عاطف عمر للإنضمام شالو لي شنو؟ لافيهو تدخل في الإدارة ولا شكل ولا اي شئ جبببطك شالو ! لكن زي ما قال 2010 مرات بيكسح ويمسح باسم الكاتب ساي :)
تحياتي واعفى لأي زول عمل معاك فاول بدون سبب بيكون مبهكساي ولا ابرئ نفسي
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: HAIDER ALZAIN)
|
سلامات عبدالمنعم ورمضان كريم
Quote: زمن حاتم مهران والكرتونة ونلاين والكاونترا و |
حاتم مهران دا بتاعنا بتاع اقتصاد الجزيـرة والا انا زمهرت بالصح ! لو هو .. طيب ودخل 2010 شنو؟
ـــــــــــــــ.. شفت يا 2013 في بوستات 2010 عادي ممكن تخرم وتتناول مواضيع مختلفة بالبوست
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: HAIDER ALZAIN)
|
اQuote: حاتم مهران دا بتاعنا بتاع اقتصاد الجزيـرة والا انا زمهرت بالصح ! لو هو .. طيب ودخل 2010 شنو؟ |
هههههههههههههها يا حيدروف تبرأ من الزمهرة زمن حاتم مهران رواية لنجيب محفوظ قاليك المساطيل عملوا ندوة بعنوان نجيب محفوظ ول ما نجيبو اقولك الكونترا بوينت والكرتونة وعلى قدر الشوق ما يمد و(محمد عمر) تقول لي اقتصاد الجزيرة!!!! الجزيرة ول العربية اعذرك قد لا تكون متابع تلك الفترة في المنبر اخدتا ليك غيبة طويلة جائز تكون الايامات ديك
المهم لا دا حاتم سبانا* احب طرفو الكحيل
.......... * تُقرأ بنانا
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: عبدالحفيظ ابوسن)
|
ابسن يا حبيب رمضان كريم البصمة البصمة هي الفيصل يعني هسا انا لو قريت ليك في اي حتة بحس بهدوء وهكذا ....................... احب الغنا ومعرفتي بالموسيقى بسيطة والجماعة مغلطني في الحتة دي المهم مرة اغنية لصلاح ابن البادية الجماعة قالوا لي اها اعرف دي قتا ليهم ما عارف اسم الاغنية لكن من الموسيقى دا هي اغنية لوردي طلعت الاغنية ملحنا وردي الجماعة انبسطوا واعترفوا باضاني نجيضة دي البصمة البقصدقا ............\ معليش 2013 لو الموضوع متعلق ب2010 تفتح اي حاجة حسب نظرية حيضروف
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: عبدالحفيظ ابوسن)
|
Quote: بوست التوقيع من اجل حث عاطف عمر للإنضمام شالو لي شنو؟ لافيهو تدخل في الإدارة ولا شكل ولا اي شئ
|
عشان كده يا حيدر انت الصباح شايف بصمت بالعشرة بوستيني حيتشال لكن الحمدلله اهو على حالوا برغم انه ضل طريقه للتمييز بين الاحمدين الا انني في مناشدتي في البوست كنت احث الادارة على غلق الباب دون من يروجون لمعلومات مغلوطة يدفع ثمنها الابرياء وانت كنت تدعوا لاجل عاطف عمر. طبعا الادارة ترسب لي قفل الراد كااااام ساعة حتى بعدين رضت عني تحياتي 2013
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: يحي قباني)
|
Quote: زول الآي تي فيكم منو ؟ لانه التاني كان كوز ما بعرف |
نبز واحد قام عمك جاط فيه قال ليه يا زول أنا الزول دة خاله قال ليه هو عندو خالين واحد هناي والتاني مات قال ليه أنا المات
أها بي سؤالك دة بنبقى الاتنين آي تي :)
زمان كنت بقول سيف اليزل الكوز وسيف اليزل المعارض قام سيف اليزل المعارض طلع صاحب ود الباوقة ومدخله في قروبات الوزراء الانقاذيين .. بعدها بقت ما فارقة :)
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: Mahjob Abdalla)
|
الفصيح البتلادح في بوستات الناس وتلقاهو ناطي في أي موضوع كمبيوتر ويستخدم لك كلمات انجليزية من نوع web development - التقول ما عندها مقابل عربي :) - وعامل فيها بل جيتس .. دة أنا يا محجوب أحمد الرايق بعمل بوستاته براهو وبتكون هادية ومكيفة ممكن تنوم فيها ولما يتداخل في البوستات برضو بتداخل بهدوء بكلام خير وايمان بينما أنا النوع البكش بالشبشب في المشي ويكورك ويتكلم بي يدينو يدقك في كتفك عشان يلفتك . يعني أينما دخلت العجاجة وراي
| |
|
|
|
|
|
|
Re: نحتاج لحظر تجوال هنا في البورد اكثر من الش (Re: أحمد محمد عمر)
|
غايتو احمد حسيت كده ما عندي لحل وارد لي محجوب واقول ليه كلنا بتاعون web developer على وزن نحن بتاع الاتوبيس لانه قلت ممكن الجماعة كايسين ليهم كوز هرب من الحديقة وكان ما اتلصقت في زولي ده الجماعة يقول التاني كوز كوز ويكون عصروا علي شديد والخوف كمان يجوا تاني يقروا المداخلات الاخيرة ويثبتوها فيني.
حكمة الله غايتو مرات يركيوبك ماسورة تستلمها وتبلعها في حنانك وانا اثق تماما في التداخل اللطيف الذي قام بها محجوب وقباني واتاريهم كايسين ليك عاوزين يطمنوا من الزول المزوزو بيهم في البوستات
| |
|
|
|
|
|
|
|