***** ذو النون مواصلا الكذب *****

Quote: سلام أبوحسين قرأت الخبر في الشريط الإخباري لقناة طيبة منقولاً عن ذوالنون وغضبت لماذا يفعل وزير الصحة هذا وقلت في نفسي البنقول عنه موسى كله يطلع هارون

Quote: الحكومه محاربه من السواد الاعظم من الشعب بلا سبب الا الجهل والتخلف الذي استشري في فئات الشعب وان كانت هنالك نقطه مضيئه في هذه الحكومه فسيكون الوزير د. اكرم هو النقطه المضيئه رمضان كريم يا عادل

Quote: قرأت الخبر في الشريط الإخباري لقناة طيبة منقولاً عن ذوالنون وغضبت لماذا يفعل وزير الصحة هذا

Quote: كنت ماشي كويس الصين، طرمبة، أفلام. النوع ده ما تجيب طاريهو بفسد الصيام.

Quote: من صفحة بشري احمد علي بالفيس : و المشاتر وصورة معبره. في موضوع زوجة الدكتور أكرم التوم.. وزعم الكيزان ان زوجة الوزير دخلت السودان مع شحنة أدوية قادمة من دبي .. طبعاً دا تفكير كماسرة وكبسنجية والفكرة الأساسية لم تكن كذلك .. الدكتورة أميرة عثمان في القاهرة وملتزمة بالحجر الصحي.. الدكتور أكرم الان لا يهتم بمسألة عائلته او سلامته الشخصية، فهو يقود الصفوف الأمامية في مواجهة المرض، والعائلة لا تمثل قمة اهتماماته في الوقت الراهن. الذي حدث ، ان الناشط عثمان ذو النون تزوج من سودانية طبيبة تعمل لدي وزارة الصحة السعودية، بالتحديد في وادي الدواسر بالسعودية .. وقد استخرجت له تأشيرة مرافق، وقد ذهب للسفارة السعودية في الخرطوم اكثر من ثلاثة مرات وهو يطلب منها المساعدة في السفر ، وقدم تنازلات عديدة مثل انه مستعد يركب في باخرة (الخرفان) الحية المتجهة الي جدة ان لم يتوفر طيران، ولكن تم رفض طلبه ، وفكرة العفش بدأت من هنا .. وفي الخبر الذي يخص الدكتور أكرم حدث الاتي : ضياء الدين بلال نقل الخبر من ذو النون.. ومصدر ذو النون كان احمد الضي.. ومصدر احمد الضي كان اخوه مصعب ومصدر مصعب الضي بقول شاف واحدة (بتشبها) في سير العفش.. بشري احمد علي

Quote: الشياطين مش بربطوهم في رمضان دا مالو مفكوك.

Quote: ضياء الدين بلال نقل الخبر من ذو النون.. ومصدر ذو النون كان احمد الضي.. ومصدر احمد الضي كان اخوه مصعب ومصدر مصعب الضي بقول شاف واحدة (بتشبها) في سير العفش.

Quote: طبعا الهوا ضربو امس مع الصيام و عمل لايف عبيط جدا نبّذ فيه وكلاء النيابة نبذ شين وطبعا حذفو في النهاية لكن اولاد الحلال مسيفنه غايتو لو فتح فيه بلاغ اليومين ديل مع شتيمته لوكلاء النيابة شكله بعيّد في الحراسة

Quote: ذا النون ده ألحقوهو بي كباية موية صااااقطة وصحن قراصة رمضان مسخّن معاهو ... الزول روحو مكركره الناس الجنبو ما يخلوهو يطلع لايف .. ههههههه قال شنو ! .. لقيتوني عطشان ماتقيفو قدامي .. لقيتوني جعان ماتقيفوا قدامي لقيتوني صاحي من النوم ماتقيفوا قدامي لقيتوني لابس كدارتي ما تقيفو قدامي ما تعرف وضعي شنو ما تقيفو قدامي .. أي وقت ما تقيفو قدامي .. الزول ده فاقد المنطق ما فاضل ليهو الا يتسولب عريان ... ويقول للناس يمكن دي الحالة العايز الناس يقيفوا قدامو ... هههههههههه الناس دخلها بيك شنو سمنت ولا ضعفت شنو .. غايتو نرجسية مبالغة ... مرتي ومرتك ده شغل نسوان ومشاطات ساي شكلو حارقاهو حكاية ما قادر يسافر لي مرتو ... ههههههه

Quote: ههههههه غايتو هرتلة من أمها .. وحاة الله زول سكران واقف لط وبيلغلغ ما حيقول كلامو ده ... معقول رمضان صعب قدر ده عمرنا ده كلو صايمين في سخانة السودان اللحام يوم وااااااحد ما لغلغنا بالطريقة المريعة دي اخير ليهو يسكت .. لقد صنع ما بعد افطاري .. ما تقول التلفزيون فاضي ومافيهو برنامج يقولوا عليهو ولا حتى مواعيد التمرين لتفريق المويات مع كرونا دي ماااااف .. أحييي يا بطني والله يا ابو حسين وود البشري شريتو ذا النون كراع شرموط في حبل او بمعنى اصح هو براااااهو شررررا روحوووو .. خخخخ

Quote: هي قناة طيبة لسه شغالة ... في ياتو قمر؟ و بأي تردد؟ السياسي الذي يستحق الاحترام هو من يقدم برنامج و حلول أما من يقدم اشاعات و اتهامات فهو ليس ب سياسي بل ...... اللهم إني صائم نقول (( متلقي حجج و كيسو فاضي) و دي مدرسة حسين خوجلي التي تخرج منها أمثال هؤلاء ((بكالريوس قالوا و قلنا)) تحياتي أبو حسين و ضيوف البوست و رمضان كريم

Quote: ذو النون مريض حمانا الله واياكم.. عيان شديييييد. مريض بمزمن الكوزنة.. دا مافي علاج ليه.. فااا كل قرف متوقع منه.. الكيزان خلوووووهم ما نساعدهم بالنشر.. ابوحسين بوستك دا شكله كفارة علي (بلدوزر الثورة) وفي رمضان تجمع الحسنات.. سلام لزوار البوست ورمضانكم كريم..

Quote: غايتو بوست معولق زي سيدو

Quote: اعتذر قال عشان الاسلوب و الاذى الممكن يكون سببه للدكتورة زوجة الوزير وليس عن الترويج لخبر خاطئ! و عايز يكابر ويقول عادي الناي بتغلط في الاخبار حتى تلفزيون السودان غلط في رفع اآذان قبل موعده!! مكابر و مغرور بشكل غريب

Quote: الخبر الذي يخص الدكتور أكرم حدث الاتي : ضياء الدين بلال نقل الخبر من ذو النون.. ومصدر ذو النون كان احمد الضي.. ومصدر احمد الضي كان اخوه مصعب ومصدر مصعب الضي بقول شاف واحدة (بتشبها) في سير العفش..

Quote: الناس دييل طفح بهم الكيل، وناسنا بسيطين وبيصدقوا ، يا خوانا مافي قانون بيلجم المروجين للشائعات دييل؟ لازم قرصة أضان

Quote: وشهدت الساحة السياسية السودانية الأسبوع الماضي، ظهور مرشح آخر مثير للجدل، اشتهر ببرامج الفيديو والتسجيلات المباشرة الساخطة على النظام الحاكم، وهو المحامي الشاب عثمان ذو النون، الكادر المنشق عن حزب المؤتمر الشعبي المشارك في الحكومة الحالية، ويعتبر ذو النون أحد أبرز الناشطين في مجال العمل المدني، ويحظى بدعم مجموعة شبابية تنظر إليه كمعبر وحامل لهمومها وتطلعاتها. وأعلن عثمان عبر مقطع فيديو نيته الترشح بالفعل، ونشر في صفحته في موقع فيسبوك عبارة "مرشح رئاسي"، وبالرغم أنه ووجه بحملة ناقدة وساخرة قللت من إمكانية فوزه وعبوره المراحل الأولى من التنافس، إلا أنه اعتبر تلك الحملة دافعًا له، وقال إن أنصار الحزب الحاكم والمعارضة أدركا خطورته ولذلك حاولا "تكسير مجاديفه".

Quote: ظهور عدة نكرات في الساحة السياسية مثل ذو النون.

Quote: انتو ظروط دا بتحتملو السماع له كيف بكمامات ولا بدون

Quote: ذو النون وتابعه ضياء الدين بلال! : : .إعلام بلا ضمير!

Quote: الحبيب أبوحسين .. تحياتي أنا معجب بتصرف الدكتور مكرم مع ذالنون هذه المداخلة مكررة من بوست آخر ======================== هذا ذو النون بعد أن تم كشف اكاذيبه يصف الدكتور مكرم بأحسن السيئين استغلال سيء للتسامح .. ولكن حقيقة عجبني الدكتور مكرم .. عندما لم يجعل له قيمة وتعامل مع كطفل قاصر هو كان ينتظر بلاغ وحبس ليتوج نفسه بطل ولكن الدكتور بخس من قيمته وانه غير مؤثر ولا يحتاج الى ضياع الوقت في انسان قاصر الدكتور مكرم في قمة الذكاء والحنكة .. هو دا البل والفتيل الحقيقي ========================== الخبر ورد هكذا (((وتداول نشطاء التواصل الإجتماعي يوم الإثنين تصريح منسوب لوزير الصحة الدكتور اكرم التوم بحسب متابعة كوش نيوز (لن اقاضي ذو النون فلا املك زمنا لهذا كل وقتي وطاقتي الان مبذولة بالكامل لمحاربة جائحة الكورونا بالبلاد حفظ الله شعبي من كل سوء). وكتب الناشط السياسي عثمان ذو النون فجر الثلاثاء على حسابه بموقع فيسبوك بحسب ما نقلت عنه كوش نيوز (بالنسبة لدكتور أكرم … إحتراما لإسلوبه المحترم .. سنصمت … وندعم إلي أن تنتهي الأزمة … يظل أكرم أفضل السيئين ويعمل في أسوأ ظروف .. ندعم الآن … ونتصادم لاحقا). ووصف المتابعون على فيسبوك أن منشور عثمان يعتبر إعتذار غير مباشر عن الخطأ الذي إرتكبه بنشر أخبار كاذبة عن زوجة الدكتور أكرم علي، وزير الصحة السوداني. الخرطوم (كوش نيوز) ==================== مسكين ذالنون كان منتظر بلاغ ويتم حبسه ويصور نفسه كبطل ومستهدف ولكنه اصبح صفر على الشمال

Quote: سلام ابوحسين و ضيوفك الجماعة المذكورين في المقتبس و خاصة زفتون يشبهو اسلوب الأمنجية و كبار بلطجية الكيزان نفس الكذب و إختلاق و ترويج الإشاعات، نفس الخسة و الخبث. و يختم الكذب بالدعاء و الإستغفار! الواحد لو خايف من غضب الله بيكذب ليه؟ زفتون قال ( خلي يفتحو فيني بلاغ و يرموني في السجن زي الحرامية)، أصلاً لغة الجسد تدل على انه يكذب و حتى القميص الأسود مخطط بالأبيض يشبه الحرامية في الكرتون، ربما تجلي لما في العقل الباطن. حتى الإعتذار الما مفهوم يدل على الوهمة العايش فيها لدرجة تزكية النفس، قال مسيرتو كلها ما فيها غير خطأ واحد أو خطأين، نبي مثلاً؟ بالله كملو عمل الخير و جيبو الفيديو العملو ايام الإعتصام لما كان بيخطط للشباب يمشو يهتفو قدام المنصة و يقولو عايزين ذو النون! حضرتو عاوز الناس تنسى كذبته عن الدكتورة فقام نزل لايف شتيمة لوكلاء النيابة يشغل بيهو الكيزان و من لف لفهم! قال محامي قال، طيب خلى شنو للمجرمين؟

Quote: ختيت المداخلة هنا لأنه بوستات ابوحسين خسائر خلقة .. بتلصق فيها أي مشاركة في أي مكان بتلفق مع باقي الشخبتة

Quote: لقيتها بتاعة مشاكل وقلة أدب دة اللي ما يتسماش

Quote: الفيديو أعلاه يوضح ان الكيزان كانوا زارعين ناس وسط الإعتصام و كذلك أجهزة الأمن و كتائب الظل الآن بدت تتكشف للناس هذه العناصر منهم من أجاد الدور و كان ممثل بارع لكن حبل الكذب قصير جداً

Quote: حيدر بالانجليزي دا عندو بوست رايح مني من الصباح بفتش فيهو اتكنو راح مع صفوف البنزين والرغيف ....