|
|
|
 Re: يومين وأدخل شهر العسل (Re: عمر التاج)
|
قبل دخولنا القفص الذهبي أتمنى للجميع كل خير..
وان يرزق ويمنح كل منكم بقدر نيته
فمن كانت نيته للوطن فرزقه من الله بقدر سماحة هذا الشعب
ومن كانت نيته لمنصب يصيبه أو لحزب ينكحه فحسبه مانوى..
| |
 
|
|
|
|
|
|
|
|
Re: يومين وأدخل شهر العسل (Re: نصر الدين عشر)
|
لا يعني اسي الورم الورّمتنا ليه وكل يوم بوستين تلاتة شي لفحي من الواتس و شي خالف تذكر و اموت في الجغرافيا و الهري دا كلّو وانت عزّابي!!
يمين بالغت!
هههه
الف مبروك يا قريبك ربّنا يتم على خير و بالرفاء و البنين
| |
|
|
|
|
|
|
|
|
Re: يومين وأدخل شهر العسل (Re: محمد البشرى الخضر)
|
هو قاصد يومين ويبعد من المنبر لمدة شهر كامل ...
ويقوم يفك لينا مولانات حديث السبيلين وخبراء
التحليل السياسي والبترولي والترمبولي ...
والله عاقل يا عمر ... ربنا يقدرك اصلا دودة
سودانيز نقازه ....
| |
|
|
|
|
|
|
|
|
|
Re: يومين وأدخل شهر العسل (Re: Abdullah Idrees)
|
يا تاج ..
رمضان مباركـ عليك وعلى كل من تحب ..
وللسودانيين وعموم المسلمين غالي التبريكات ..
كان احتسبت وأخلصت النية للاصلاح ..
الكتابة في سودانيز برضها فيها حسنات ..
عدا الاعتكاف في العشر الأواخر ..
ــــــــــــــــــــــــــــــــــــــــــــــــــــــــــــــــــــــــــــــــ
أما الإيحاء بتاع شهر عسل عرس الزين وكده ..
فيا عمك راحت عليك إندمس في واطة الله دي ..
شن قدّرك على هزّ الجميز الغلاد وتبعاته .. 
دمت يأخ ...
| |
|
|
|
|
|
|
|
|
|
Re: يومين وأدخل شهر العسل (Re: جمال ود القوز)
|
Quote: سيفتقدك الواطس والفيس وستفتقدك كل المصادر المجهولة والخاصة وسنفتقدك نحن ايضا
لو متخيل انو كراعك حتكون خفيفة على سودانيز زي زمان تكون غلطان. |
سلامات يا قريبي عبد الله
سيجدني الوطن حيث عهدني بإذن الله؛ ولكن بأسلوب جديد في حب هذا الوطن
و سودانيز عامرة بغيابنا وحضوركم بإذن الله؛ وما زواجنا بالقضية الا زيادة حب لهذا الاسفير
Quote: أما الإيحاء بتاع شهر عسل عرس الزين وكده ..
فيا عمك راحت عليك إندمس في واطة الله دي ..
شن قدّرك على هزّ الجميز الغلاد وتبعاته |
تحياتي ود القوز يا جميل؛
العسل الحقيقي سيخرج من بين نقدنا الموضوعي وحبنا لتطور هذا البلد
وثمرة زواجنا سيشهد الجميع انها ذرية صالحة تسهم في استقرار هذا الشعب
اما الزواج الطبيعي فهو مجرد استقرار شخصي وسنجعله عندما يتحقق لاحقا
طريقا لاستقرار البلد بإذن الله...
| |
|
|
|
|
|
|
|
|
|
Re: يومين وأدخل شهر العسل (Re: muntasir)
|
| Quote: يا عم علي عرفناك قادي عربي كمان قادي يا عم علي عرفناك قادي عربي كمان قادي دين زول يسوي شهر عسله في رمضان ده مفروض يقام عليه الحد ، يا عمر العرس لا يعد من رخص الإفطار في رمضان عشان تكون عارف |
يا منتصر خليك محضر خير يا اخي؛
الشى ده من علامات قوة الإيمان وتقوى القلوب..
و بالإضافة لانه إكمال نصف الدين فنحن نكمل به عشر الوطنية الفارغ..
ثم يا اخي الزواج لا يفطر، بل يحدث العكس اذا كانت العروس جميلة
تشرق في وشك من الصباح وتفتحها عليك دنيا واخري
وتعينك على الطاعات واعمال الخيرات..
فهلموا الي الزواج مثنى وثلاث ورباع وواحدة
والدال على الخير كفاعله.
| |
|
|
|
|
|
|
|
|
|
Re: يومين وأدخل شهر العسل (Re: دفع الله ود الأصيل)
|
Quote: اثبُتْ ود التاي ، فإن حولك كم و كم
متشدقٍ بتفويج فتسريح المدام . و لكن كلو
كلام (بنادق في بحر ) .و من لم يمت شهيداً
بكرونة، مات بالساطور ، لابد تحت المخدة. |
أتخوفني بالساطور يا اصيل؟
وانا من حملت قضايا هذه البلدة
وتزوجت قضيتها العانس
انا لله وانا اليه راجعون..
..
..
يا اخوي اتوكل وأعملها،
فالعمر واحد والفرص أربعة فلا تضيعها
(اقصد لا تضيع الصلاة) ..
| |
|
|
|
|
|
|
|
|
|
Re: يومين وأدخل شهر العسل (Re: عماد الدين الطيب عمر)
|
اولا الف مبروك التاج لدخوله القفص الذهبي ..
ويا منتصر ما رمضان براهو الذي يحرم فيه العرس ، وما تنسى
اننا في زمن الكرونا وما أدراك ما الكرونا ..وكان مفروض التاج ينتظر
سنتين تاني لغاية ما الكرونا تنتهي ويتزوج....لان الكرونا يتقيد الافراح
وما في لمة وما في حفلة....وما في جرتق ....وان شاء الله يتم مل شئ على خير..
| |
|
|
|
|
|
|
|
|
|
Re: يومين وأدخل شهر العسل (Re: امتثال عبدالله)
|
التحية لجميع الأصدقاء الأحباب ..
ومبارك عليكم هذا الشهر الفضيل
كما أشكر لكم تمنياتكم الطيبة ..
وأرجو أن تكتمل هذه التمنيات وتتوج في القريب العاجل بزواج اجتماعي ثاني ..
أما زواجي الذي يبدأ من يوم غد فهو في الحقيقة زواج سياسي ،
إذ أن شهر رمضان المبارك هذا سيكون شهر عسل بيني وبين الحكومة الانتقالية ..
لا أهاجمها و ولا أعيبها ولا أشتمها ولا أنتقد أفعالها ولا أقوالها
ليس طمعا ولا حبا ، وليس لمالها ولا جمالها ولا حسبها ولا نسبها ولا دينها ،
فهي الآن في أضعف حالاتها في كل هذه النواحي
بل رغبة في إعطائها فرصة أكبر للعمل ومساحة أوسع للحركة بحرية
وأتمنى أن يجعل الله على أياديها الخير والبركة على هذا البلد ..
وأن يجعل بعد العسر يسرا وفرجا قريبا ..
هذا البرنامج قد يشمل كافة أنواع التغاضي عن الأخطاء ،
والحلم عن الجهل والصبر على المكاره لأبعد الحدود
وقد يشمل دعما معنويا وسياسيا وثقافيا وماديا ، ورعاية كاملة لبنود عقد غير ملموس
كما يشمل نوعا من الدلع اللطيف والشكر الموضوعي الخفيف
ويستمر وجودنا في قفص ذهبي واحد لمدة شهر كامل ..
وقبلها نقول مبرووك، ونتمنى للقحاتة أطيب التهاني .. ولعزة أحلى زغرودة
وبعدها ننتظر النتائج والبشريات ..
ونتمناها أن تكون خيرا وفألا ، وفتحا وسلاما ، وفرحا وتبات ونبات
ونتوقع أن يباركها الله بعظمة الشهر العظيم وبركة هذا الجمع الكريم
لا نطمع في المستحيل ، ولا نطلب في هذه الفترة غير الممكن السهل الممتنع
لانرجو تحرير حلايب وشلاتين، ولا عقود ضخمة لتصدير البترول والماس ،ولا أن نكون في قائمة الدول الصناعية الكبرى..
كل ما نرجوه .. شوية رخاء في الأسعار، وتوفر للمواد الأساسية ، وارتفاع قيمة الجنيه السوداني
وبعد ذلك تتقدم ، أو تنتهي لجان فض الاعتصام، ولجان إزالة الفساد التمكين بكل خير،
وتنصف العروسة الثائرة وتقتص لكل من ظلم وأوذي أو مات ..
وبعد هذا العسل فإننا لا نكذب ولا نتجمل و، ولا نتباهى ولا نتماهى ، ولا نعذر من أنذر ..
وتالله ان لم ينصلح الحال ، وتمسك حكومتنا دربها من قعره ..
لنجلدنها جلدا ، نقرعنها قرعا ، وننسفنها نسفا ، وننتفن ريشها نتفا ،
ونضربنها ضرب غرائب الابل حتى ترعوي أو تستقيل ..
وما كان أوله شرط فان آخره نور .. والسلام ختام .
| |
|
|
|
|
|
|
|
|
|
Re: يومين وأدخل شهر العسل (Re: عمر التاج)
|
الله يجازي محنك يا التاج..افتكرناك عايز تدخل القفص الحديدي بالجد...
لان الزواج في زمن الكرونا هذا مكروه..والقفص ما حيكون قفص ذهبي ،بل قفص حديدي..
...والمهم ناس قحت حيسعدوا بالهدنة الاجبارية دي ..
وان شاء الله الحال ينصلح قبل ما نسمع المارشات العسكرية والبيان العسكري الأول من الملازم
محمد محمد محمد احمد ، والذي سيلقب نفسه برئيس مجلس قيادة ثورة الشعب التصحيحية..
| |
|
|
|
|
|
|
|
|
|
Re: يومين وأدخل شهر العسل (Re: Arif Nashed)
|
بعملوها في اول ابريل مش في نهاياتو ..
طبعا لانك زرعت في عقولنا انك زول جاد وبتاع مغايس الحكاية مشت علينا ..
وشايفا لسه ماشيا ..
لكن الشفوت زي منص وحاج صلاح ديل واقعين من السما  ..
في النهاية رمضان كريم وربنا يقبل منك ومنا ..
لكن ح تكون مسيخ لو بقيت عسولة وناس ود البشرى الا يشوفوا ليهم شغلانه تانية.
| |
|
|
|
|
|
|
|
|
|
Re: يومين وأدخل شهر العسل (Re: محمد على طه الملك)
|
Quote: وبعد هذا العسل فإننا لا نكذب ولا نتجمل و، ولا نتباهى ولا نتماهى ، ولا نعذر من أنذر ..
وتالله ان لم ينصلح الحال ، وتمسك حكومتنا دربها من قعره ..
لنجلدنها جلدا ، نقرعنها قرعا ، وننسفنها نسفا ، وننتفن ريشها نتفا ،
ونضربنها ضرب غرائب الابل حتى ترعوي أو تستقيل ..
وما كان أوله شرط فان آخره نور .. والسلام ختام . |
هوووي يا أخوانا وأخواتنا، ول أبا التاج .. ماشي يعملها فينا .. الشيئ دا إنذار مبكر عدييل!
أنا شخصياً قبلان ب ول أبا التاج لو يعدل ويجلب الخير ..
لو جاء زول قرد عنده ضنب .. ويفعل الخير ويقلل الضائقة المعيشية برضو قبلان ..
يا التاج، ناس قحت ما محتاجين هدنة .. الناس ديل دايرين الشعب يركبهم بسطونة لما يفروا من الوزارات فرار.
يا أخي الأبيض تغلي من الغلاء .. الناس البتصلوا علينا بقولوا ح يكون هناك موت بسبب الجوع ..
هناك مناطق مثل حلايب الأمم المتحدة رصدتها فيها فجوة غذائية ..
بريمة
| |
|
|
|
|
|
|
|
|
|
Re: يومين وأدخل شهر العسل (Re: Biraima M Adam)
|
التحية لكم مجددا في يوم عسلنا الثالث
والأمور بحمد الله تمضي نحو الأفضل ..
الطلمبات ممتلئة بالوقود رغم تحدي الصفوف
الضأن السوداني وصل الامارات وسلطنة عمان والسعودية ، رغم الباخرتين المرتجعتين
البصل السوداني غطى الكويت وعمان وقطر ودخل السعودية بكثافة
..
ثم التحية للذين هنأوني على زواجي الاجتماعي
وأثاروا الفكرة في رأسي من جديد ..
وأنبئهم بأن زواجي سيكون باذن الله بين العيدين (الفطر والضحية أو الضحية والفطر)
ونخص بالشكر :
- حبيبنا علي عبد الوهاب
- أخونا حمد يس
- الصديق نصر الدين عشر
- الزميل محمد البشرى
و ...
| |
|
|
|
|
|
|
|
|
 Re: يومين وأدخل شهر العسل (Re: عمر التاج)
|
المشاكل كثيرة ، والمعوقات متوفرة .. لا يصح أن نلقيها على عاتق غيرنا أو نلوم غير أنفسنا أو نسترجع بفشلنا التاريخ ..
بل يجب أن نتحدى هذه الصعاب ونعترف بها ثم نعمل ونكد حتى ننجح في تفاديها ..
المكون العسكري بوضعه الحالي لايصلح أبدا لبناء دولة ، ولكن هذا لايعني أن المليشيات المسلحة الأخرى هي البديل
العالم الخارجي لن يمدنا بفلس اخر حتى يخلص حقه القديم ، ولكننا نستطيع ان نساوم ونأخذ بحقنا لا بقرعتنا ..
الوقود الخليجي والروسي لن يذهب لامريكا والصين بنفس الكثافة
بل سيأتي للسودان مقابل المنتجات الزراعية وشبه المصنعة
القمح سيصبح سلعة نادرة في العالم وسترتفع الأسعار ..
وتبقى الفرصة لأراضي السودان لتكون مصدرا للإنتاج
وعوضا عن الاستيراد سنعل على تصديره ..
..
..
التحية كذلك للأصدقاء والأحباب:
- عز الدين الفحل
- حيدر الزين
- معتصم ادريس
- عماد الدين الطيب
- حسن فرح
- أبو جهينة
- امتثال عبد الله
..
طبعا ديل وديك
هم الجماعة القدموا التهنئة لي بكل عفوية وحب ..
أما البقية العاملين فيها مفتحين ما هنأوا ، والذين هنأوا لماما ..
فديل حانجيهم بمهلة ..
والذين لم يكونوا في العير ولا في النفير ..
ديل الاصبروا لي لحدي مايعرسوا ...
| |
|
|
|
|
|
|
|
|
|
Re: يومين وأدخل شهر العسل (Re: HAIDER ALZAIN)
|
Quote: هو قاصد يومين ويبعد من المنبر لمدة شهر كامل ...
ويقوم يفك لينا مولانات حديث السبيلين وخبراء
التحليل السياسي والبترولي والترمبولي ...
والله عاقل يا عمر |
هذا هو الوعي الذي نعول عليه في الفترة الديمقراطية يا صلاح
كل الأحلام، كل الآمال، كل الأحلام تصبح للوطن، وكل شئ يبقى للشعب
وكما قلنا سابقا فإن الغرض الأساسي من هذا العسل هو تضافر الجهود والأمنيات لترفع هذا الوطن المنكوب.. تزاوجا لوجه الله وتعاونا على البر والتقوى وإصلاح ذات البين لا نريد منهم جزاءا ولا شكورا
| |
|
|
|
|
|
|
|
|
|
Re: يومين وأدخل شهر العسلئما (Re: محمد على طه الملك)
|
| Quote: الله يجازي محنك يا التاج..افتكرناك عايز تدخل القفص الحديدي بالجد |
الحياة في النهاية كلها اقفاص يا امتثال
نخرج من بطن الام الي بيت الزوجة ثم الي قفص اللحد
وللسياسة في حياتنا نصيب ندفع ضريبته ربما داخل قفص حديدي وأغلال ..
..
شكرا الصديق عارف؛
وكما عهدناك دائما متقهقر في صف التضامن الوطني وتأخير انجاب الوحدة السودانية..
..
..
Quote: بعملوها في اول ابريل مش في نهاياتو ..
طبعا لانك زرعت في عقولنا انك زول جاد وبتاع مغايس الحكاية مشت علينا ..
وشايفا لسه ماشيا . |
ابريل لم ينتهي يا ملك، أوله كذب وآخره تحالفات و تمنى..
والحمد لله مازلنا جديين في مسألة الزواج..
زواج سياسي من أجل إصلاح الوطن
وزواج ثقافي من أجل التنوع والتسامي
وزواج اجتماعي من اجل الوحدة والحب والتسامح
والزواج في النهاية كله خير، وعلى المرء الإكثار من الخير حيث وجده أو افتقده..
قولوا آمين..
| |
|
|
|
|
|
|
|
|
|
Re: يومين وأدخل شهر العسلئما (Re: عمر التاج)
|
| Quote: أها ما بقيتو تلاتة ؟! |
بقينا كثر يا صديقي
بقينا بنزين متوفر في الطلمبات
وبقينا خبز يوزع في البيوت
وبقينا مصافي تعبئ أواني الغاز
وبقينا صادرات متوجه لكل العالم
دي مجرد بدايات وشوية عيال،
ولما يكبروا بيكبر حلم الوطن معانا..
نتمنى أن يديم الله نعمة الحب، والوحدة، الزواج..
ويباعد بيننا والطلاق كما باعد بين حلفا و نمولي..
انه ولي ذلك والقادر عليه..
| |
|
|
|
|
|
|
| |
عمر التاج
علي عبدالوهاب عثمان
دفع الله ود الأصيل
علاء سيداحمد
Ahmed Yassin
نصر الدين عشر
محمد البشرى الخضر
Salah Zubeir
Abdullah Idrees
عزالدين عباس الفحل
جمال ود القوز
HAIDER ALZAIN
Mutasim Idris
Hassan Farah
ابو جهينة
Arif Nashed
محمد على طه الملك
Biraima M Adam
فيس بوك
تويتر
انستقرام
يوتيوب
بنتيريست