|
|
|
 Re: سيصرخون... (Re: محمد البشرى الخضر)
|
واحد - أو واحدة - عنده القطع دي كلّها وشركات و بيوت و استثمارات و قيامة رابطة
من المنطقي انه يصرخوون عادي جدا
لكن الما مفهوم المقطّعين الامس ديل يكوركوا في السخانة ومنفعلين و قلتتوا لينا تعالوا و حاربنا معاكم وما تبكي يا راكز وتعب وقومة نفس وجري و غمران وانت جايبنك بي حق فطورك وحق تعبك!
حارق رزك فوق كم عشان الحرامية ديل!
لماذا تصرخون يا صغار الكيزان ومقطعيهم!
اي نعم البلف قفل لكن انتو اساسا ما كنتو بتاخدوا حاجة مع الهوامير ديل
اسي بالله الواحد احساسه شنو وهو شارب بمبان و تعبان لمّا يسمع بعدد قطع الاراضي التي تمتلكها هند زوجة كدير الشرطة السابق
أو التي يمتلكها الأمين العام لمنطة الدعوة الاسلامية!!
بالله الواحد ما بحس بالاحتقار لنفسه! كونه طلع يدافع عن الحرامية ديل وينادي باسقاط حكومة الثورة القامت عليهم!
| |
  
|
|
|
|
|
|
|
|
Re: سيصرخون... (Re: محمد البشرى الخضر)
|
حقو يا زاحف - ويا زاحفة - تاني ما تمرق تصرخوون ساي كدا! خلّي الصراخ للمبلولين الاتقلعت منهم الاراضي و الموارد المستولين عليها بلا وجه حق
انت تصرخووون على شنو وانت مقطّع, ارض زاتو يقلعوها منك ما عندك
| |
|
|
|
|
|
|
|
|
|
Re: سيصرخون... (Re: محمد البشرى الخضر)
|
من المنطقي انه يصرخوون عادي جدا
لكن الما مفهوم المقطّعين الامس ديل يكوركوا في السخانة ومنفعلين و قلتتوا لينا تعالوا و حاربنا معاكم وما تبكي يا راكز وتعب
----------------------------------------
خلو ( اخوات نسيبة ) وجرو
علبة بمبان واااحدة وعينك ما تشوف الا النور
| |
|
|
|
|
|
|
|
|
 Re: سيصرخون... (Re: علاء سيداحمد)
|
| Quote: نشوة الانتصار فى صراخ الكيزان المهزومين .. وحات الله ياكيزان نحنا فراحنين فرحة بصراخكم |
أي والله،
بل ومستعدين لما بعد الصراخ، حتى نزيدكم بَــلاّ ونوسِعكم حَــلّا يا هؤلاء الفاسدين كيزانيين
ــــــــــــــــــــــــــــ
التحايا للجميع
والصراخ الشدّاخ للكيزان آل-مبلولين..
| |
|
|
|
|
|
|
|
|
|
Re: سيصرخون... (Re: محمد أبوجودة)
|
هلا بالزملاء هلا والله
نوع آخر من يصرخون اجتاح المنابر من أمس, تسجيلات صوتية تشكك في قانونية القرارات و تبحث عن مبررات وواحد الغريبة قال كان رجال امسوا اقلعوا اراضي حميدتي!!
قول ما بقدروا يقلعوها اها يعني خلاص يسيبوا الحرامية ديل!
حجج غريبة و محيرة من ناس لا يملكون واحد على مية من الثروات المنهوبة التي يدافعون عن قرارات اقتلاعها واعادتها لولاية وزارة المالية!
____________________________________________
اي فيديو تقصدي يا دكتورة ؟
| |
|
|
|
|
|
|
|
|
|
Re: سيصرخون... (Re: محمد أبوجودة)
|
ياخي أنا بقيت ما فاهم أي حاجة
كيف بس مفسد يسجل 133 قطعة بي اسم زوجته و 128 قطعة بي اسمه؟
دة فسد كيفن بس ؟!!!! اتعلم الفساد وين؟
ماهو لما تصل العدد دة معناها انت محترف! غالبك تبيع في بحري وتشتري في القاهرة أو تركيا!!
ودي شنو القروش البخزنوها عقارات مثبتة بي اسمك في السجلات الحكومية؟؟
غالبك تمشي تعمل ليك شركة في أي دولة اوربية مثلاً؟ أو حتى تستثمر في الامارات؟
يا ربي المحترفين بكونوا ياهم الهربوا قروشهم ماليزيا زي ما قالوا زمان؟
كونه الواحد يكون عارف الكيزان حرامية دي حاجة وكونه يستمع لي سرقتهم صوت وصورة دي حاجة تانية! بصراحة شعور مرعب
معقولة بلدنا كانت مستباحة للدرجة دي!
ولا النقل النهري!
ولا شيخنا الأمين العام لمنظمة الدعوة الاسلامية!! عامل تسجيل قال اشترى مزرعة في 2011 وبالصدفة بقت مخطط نبتة وانقلبت 71 قطعة!
أنا سكنت السامراب 2004 ومخطط نبتة كان قاعد بشوف لافتته قدامي
وحاة الله ما فاهم أي حاجة
سيصرخون أنا دة ما هم
| |
|
|
|
|
|
|
|
|
|
Re: سيصرخون... (Re: أحمد محمد عمر)
|
Quote: كيف بس مفسد يسجل 133 قطعة بي اسم زوجته و 128 قطعة بي اسمه؟
دة فسد كيفن بس ؟!!!! اتعلم الفساد وين؟
ماهو لما تصل العدد دة معناها انت محترف! غالبك تبيع في بحري وتشتري في القاهرة أو تركيا!!
ودي شنو القروش البخزنوها عقارات مثبتة بي اسمك في السجلات الحكومية؟؟
غالبك تمشي تعمل ليك شركة في أي دولة اوربية مثلاً؟ أو حتى تستثمر في الامارات؟ |
النصيحة السرقة نفسها فاشلين فيها . .
وده كان مدير عام الشرطة . .!!!
| |
|
|
|
|
|
|
|
|
|
Re: سيصرخون... (Re: عمر سعيد علي)
|
والله يا عمر مشكلتهم وقعوا في وجدي دة
الباقين كانوا بتباصروا ويتعطلوا ويحرشوا عليهم رتب كبيرة لكن صامولة مان دة ما بتصاقع
| |
|
|
|
|
|
|
|
|
|
Re: سيصرخون... (Re: عمر التاج)
|
| Quote: كيف بس مفسد يسجل 133 قطعة بي اسم زوجته و 128 قطعة بي اسمه؟ |
اظنو يا قريبك كان مؤمن بقصة لن نسلمها إلّا لسيدنا عيسى! دا ما شغل فساد و سرقة دا شغل اطمءنان وقوة عين و عدم حوف من زوال السلطة أو المساءلة يوما ما
ولكن يعز من يشاء و يذل من يشاء
لامناسب يا احمد السكرين شوط النشرو وجدي دا فيه خطأ في رقم التلفون المفتاح مفتاح السعودية لكن باقي الرقم خطأ, اعتقد انه هناك من تلاعب به
وفي رايي وجدي كان يتخذ الاجراءات القانونية من سكات, عموما منتظرين اكتر من كدا من اللجنة عشان يصرخون تكون جاية من جووووة1
يا ود التاج انت التعليق الهنا قبل بوستك بتاع اراضي حميدتي ولا بعده!
بالمناسبة من الصباح - او من امس تحديدا - استراتيجية يصرخون في القروبات انقسمت لقسمين واحدين يروجوا لتسجيل عطا المنان و التشكيك في سلامة قرار اللجنة وواحدين ياهو حايمين باراضي حميدتي وليه ما سألوه
| |
|
|
|
|
|
|
|
|
|
Re: سيصرخون... (Re: محمد البشرى الخضر)
|
سلامات ود البشرى
الغريق قدام و الجاي احلى
مسلسل بل الكيزان كل يوم جمعة و ح يكون مكسيكي
البجيبوهم ديل ناس مساكين ساي و منظمات ، ديل حرامية صغار
تخصص داخل السودان، الكيزان السيوبر قروشهم و عقاراتهم بره البلد.
ويبدو انو اللجنة ماسكة الملفات من الاحدث عشان ما يتم التصرف في
في الاراضي و العقارات و ماشة للاقدم.
السكة حديد،النقل الميكانيكي،الخطوط الجوية،مشروع الجزيرة،الخطوط البحرية
شركة الاقطان،الحبوب الزيتية، الماشية و تسويق اللحوم، الصمغ العربي ، بنوك ...الخ.
*طبعا وضحت الهجمة الممنهجة و محاولة الاغتيال السياسي لاعضاء
اللجنة و خاصة وجدي صالح وللاسف ساهم فيها بعض النشطاء عن جهل.
| |
|
|
|
|
|
|
|
|
|
Re: سيصرخون... (Re: Nasser Amin)
|
| Quote: المفتاح مفتاح السعودية لكن باقي الرقم خطأ |
ما خطأ
دي شريحة بيانات بتاعة زين بتشتغل واتساب وايمو وأي حاجة
وبعد كم شهر من الاستخدام ممكن تطلب تحويلها لشريحة هاتف
| |
|
|
|
|
|
|
|
|
|
Re: سيصرخون... (Re: أحمد محمد عمر)
|
خشيت يا ودو اقول اني اندهشت للاخطاء الصاحبت مقالك
وانت من الذين يجيدون اللغة
لكن عرفت السبب
زعلان وفرحان ومنفعل
كلنا ونحن بنسمع في الاسماء زي اذاعة اسماء الشهادة زمان
وكل ما نسمع يزيد الغبن الجوانا ونعرف اننا كنا عارفينهم باعو البلد لكن كمان ما للدرجة دي
اهم خبر كان عودة النقل النهري ولنا بشكل خاص اهل كوستي
النقل النهري كان شريان حياة
تحية ليك ولضيفوك
بالمناسبة الصارخون ديل مدفوعي التمن مقدما
| |
|
|
|
|
|
|
|
|
|
Re: سيصرخون... (Re: Asim Ali)
|
طيب ليه ما يعملوا قرعة للأراضي دي منافسة شريفة
ممكن تكون من نصيب المحظوظين بدل ما كانت عاملة
زي الكرتلة اللي وقعت كلها لشخص واحد
| |
|
|
|
|
|
|
|
|
|
Re: سيصرخون... (Re: احمد عمر محمد)
|
يا محمد البشرى يا خوي
الجماعة الخامين نفسهم ومستنشقين البمبان ديل كما ذكرت ، نتحدى أي واحد منهم ما يكون عصرو ليه ميئات من الجنيهات وأقول ميئات فقط ، لأنهم رخيصى النفس شرزمة يعيشون على فتات هوامير الكيزان وكل همهم كم يدخل جيوبهم ويسألون بعباطة متى الزحف القادم حتى يقبضون ، وفيهم الكثير من لا يعلم ، مع من يظاهر ولمن يظاهر ، فهم كقطيع الضأن يوجهوهم أينما يكون ..وعلى أشكالهم يبحثون ويجندون ، نعلة الله عليهم أينما كانوا وحيث ما يحلون ..
وتحيتي ..
| |
|
|
|
|
|
|
|
|
|
Re: سيصرخون... (Re: محمد مختار جعفر)
|
Quote: ودي شنو القروش البخزنوها عقارات مثبتة بي اسمك في السجلات الحكومية؟؟
|
دي اسمها التمكين
ودي لجنة تفكيك التمكين
التمكين دي درجة اعلي من الايمان واليقين
| |
|
|
|
|
|
|
| |
محمد البشرى الخضر
Arif Nashed
Ahmed Yassin
خالد العبيد
ABUHUSSEIN
نعمات عماد
علاء سيداحمد
محمد أبوجودة
عمر سعيد علي
عمر التاج
Nasser Amin
عبدالحفيظ ابوسن
Asim Ali
احمد عمر محمد
محمد مختار جعفر
فيس بوك
تويتر
انستقرام
يوتيوب
بنتيريست