|
كتب الكاتب الفاتح جبرا المتوفرة بمعرض الدوحة
|
|
 Re: / المجلس التشريعي الانتقالي / (Re: Mutasim Idris)
|
اسئلة كثيرة ومافي اجوبة ليها. ليه تأخر قيام التشريعي اهمها.
نسب التمثيل المعروفة هي 67% لقوي الاعلان و 33% للعسكر.
من هم مرشحي الفرقتين؟.. نترك خيارات ترشيح العسكر و
نشوف منو ح ترشح قوي الاعلان ممثلين في البرلمان الانتقالي.
| |
 
|
|
|
|
|
|
|
|
Re: / المجلس التشريعي الانتقالي / (Re: جلالدونا)
|
الحبيب جلال كيفك يااااخ.
Quote:
الحركات المسلّحة يا معتصم
ربطت قيام هياكل السلطة الانتقالية يتحقيق السلام
و التفاوض بالعقلية القديمة حقّى و حقّك
و دخلو بينا الدائرة الجهنمية دى
بدل ما تقيف مع الشعب لانجاز مطالب الثورة ال لهىّ نفس مطالب الحركات و تزيد كمان |
فعلا يا جلال.. الدقداق لسة ما خشيت عليه ههههه.
قوي الاعلان والشفافية اعداااااء.
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
كانت السمة العامة والصبغة الطاغية علي اختيارات القوي
لممثليها المدنيين في المجلسين هي تكنوغراط كفاءات حمّلتهم
المسؤولية التاريخية لادارة شئون الوطن في شراكة شرسة مع
عسكر الانقاذ ولجنتهم الامنية.
من وين ح تختار قوي الاعلان ممثليها في التشريعي؟
اي لونية او صبغة وسمة ح تكون مطبوعة علي الخيارات؟
كوادر حزبية ح تزج بيهم القوي في تفكير منهم لمنح تجربة
حقيقية لشباب الاحزاب تحت قبة البرلمان في تمارين حيّة
بعد سنوات جفاف عجاف عن التمثيل الديمقراطي الحقيقي
قبل تجربة الانتخابات؟ يعني ح يفكروا يقدموا ناسهم
اللي ح ينزلوا بعدين قوائم ترشيحات الاحزاب دي بعد
الانتقالية؟؟
ام ح يسمحوا لثوار الشارع لاول مرة بتمثيل ثورتهم خاصة
كنداكات الثورة في نسبة ال 40% وهي(80) مقعد مخصصة
في الوثيقة للتمثل النسوي.
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
هنا ح نتعرف علي شاغلي مقاعد التشريعي واوصافهم حسب
الوثيقة الدستورية الموقعة بين الشريكين.
قوي سياسية ومهنية وطرق صوفيه واهلية وكل الوان الطيف
السوداني بإختصار (اااي زوووول).
مع العبارات الفضفاضة الغير مضبوطة بتعريفات واضحة ح
ح يخش هواء كتييير.
كيف ح تكون النسب بين الوان الطيف دا؟
واضح الكلام دا منقول نقل من مكان ما لانه ما بشبه حال
الشارع والثورة. الخيارات كانت متوقع تكون مضبوطة.
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
تحياتي معتصم
المجلس التشريعي و الولاة المدنيين, دي القنبلة الموثوتة الجديدة المضبوطة انّها تنفجر في الفترة الجاية
عدم تشكيل المجلس و تكليف الولاة ووب, تشكيله و تكليف الولاة ووبين
والوبيين سينقسمان لعشرات الووبات, من الآن يسن الليّافة مايككرفوناتهم و الكاميرات الأمامية لنقد التشكيل و الصراخ في المحاصصات الحزيسة في تكليف الولاة و البكاء على سرقة الحرية و التغيير للثورة و تحريض لجان المقاومة
الجبهة الثورية اولريدي بدت الووب بتاعها
داخل الحرية و التغيير الحرب الكيتة على اشدها في كتابة القائمة ومنو وزنه كم ومنو ياخد كم مقعد وياتو ولاية
لجان المقاومة لساتكها جاهزة لحرق الجميع - إلا ماسكاها الكورونا ساي
الصف التالت من المؤتمر الوطني متغلغل هنا وهناك وجاهزين لحقن ناسهم في المجلس و في حصص الولاة
شوية انتهازيين ربطوا كرافتتاهم من قبل اعلان الحكومة الانتقالية ولسة ما قلعوها في انتظار التشريعي و الولاة
ربنّا يعدّيها على خير, بس الحجة الكويسة نحن شعب نسّاي و ظريف, تجوط تجوط يومسن تلاتة وبترجع تستقر الأمور و يمش الحال و المجلس التشريعي كيفماكان تكوينه يبدا يشتغل ويحلّنا من رئيسة القضاء ومن عدد من الملفّات العالقة أهمّها تحجيم تمدد البرهان من جهة وميزانية البدوي من جهة تانية
لكن اهم نقطة هي اعداد المؤتمر الدستوري و التجهيز لمرحلة ما بعد الانتقالية
| |
|
|
|
|
|
|
|
|
Re: / المجلس التشريعي الانتقالي / (Re: محمد البشرى الخضر)
|
والله برلمان كامل يعيين في دولة عرفت الديمقراطية من 1954 اكبر اهانة للشعب السوداني ونفس سواطة البشير والسعلوة بدرية سليمان والاصم البوظت دستور 2005 واتفاقية نيفشا
ده في كوريا الشمالية مافي برلمان معيين كله ويصدر تشريعات
يا اخ قاعدة جوهرية في التشريعات والدساتير كلها
الشعب مصدر السلطات وليس البعثيين والشيوعيين والناصريين والكيزان والسلفيين وناس المركز
الشعب بجيب البرلمان المركزي والبرلمان بعمل الدستور والدستور بنزلو للشعب لاجازته بعد مشورة شعبية كبيرة جدا
هسة المحاصصة جابت حكومة مركزية وفشلت في تحقيق اي شيء ملموس
حيعين ولاة برضو حيكون نفس الشيء
| |
|
|
|
|
|
|
|
|
|
Re: / المجلس التشريعي الانتقالي / (Re: adil amin)
|
ود البشري سلامات..
Quote: المجلس التشريعي و الولاة المدنيين, دي القنبلة الموثوتة الجديدة المضبوطة انّها تنفجر في الفترة الجاية
عدم تشكيل المجلس و تكليف الولاة ووب, تشكيله و تكليف الولاة ووبين
والوبيين سينقسمان لعشرات الووبات, من الآن يسن الليّافة مايككرفوناتهم و الكاميرات الأمامية لنقد التشكيل و الصراخ في المحاصصات الحزيسة في تكليف الولاة و البكاء على سرقة الحرية و التغيير للثورة و تحريض لجان المقاومة
الجبهة الثورية اولريدي بدت الووب بتاعها
داخل الحرية و التغيير الحرب الكيتة على اشدها في كتابة القائمة ومنو وزنه كم ومنو ياخد كم مقعد وياتو ولاية |
قوي الاعلان دفّعت الشارع - تمن قلة خبرتهم (نقول) وبعدهم عن
الممارسة السياسية في اجواء حرة ومنابر اعلي من مستويات
ترابيز أحزابهم الكتييرة العاملة زي دعوة العشاء- مرتين. الاولي
لما أختارت الشرعية الدستورية في محاربة دولة الكيزان وعسكرهم
والثانية لم وافقتهم علي تاخير التشريعي والولاة وربطهم بالسلام
في خرق كبيييير لوثيقتها القالت عنها مكسب للثورة.
الدقداق جاي يا محمد.. نربط الاحزمة.
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
Quote:
قوي الاعلان دفّعت الشارع - تمن قلة خبرتهم (نقول) وبعدهم عن
الممارسة السياسية في اجواء حرة ومنابر اعلي من مستويات
ترابيز أحزابهم الكتييرة العاملة زي دعوة العشاء- مرتين. الاولي
لما أختارت الشرعية الدستورية في محاربة دولة الكيزان وعسكرهم
والثانية لم وافقتهم علي تاخير التشريعي والولاة وربطهم بالسلام
في خرق كبيييير لوثيقتها القالت عنها مكسب للثورة. |
سلامات يا معتصم ..
كلما تجي سيرة الوثيقة بصيبني احباط ..
لأن اللجوء لترقيع الوثيقة الدستورية كان امر منظور ومتوقع من الأيام الأولى ..
بسبب العجلة و نقص الخبرة والتكويش ..
مع ان عدد من القانونيين كانوا يفكرون ويعملون على صياغة مسودة تحكم الفترة الانتقالية من قبل سقوط النظام ..
هنا أذكر أخونا الناظر هباني عمل لينا قروب جمع له عدد من القانونيين وكان على رأسنا المرحوم علي محمود حسنين المحامي ..
على ضوء النقاشات المسودات التي عرضت في القروب ..
قمت يصياغة مسودة تحت عنوان (ميثاق التغيير والبديل الانتقالي )..
عالجنا فيها ثلاثة محاور ضرورية ..
المحور الأول: إطار و صيغة التحالف بين القوى الداعية للتغيير سواء مدنية أم عسكرية ..
المحور الثاني :المهام المنتظر انجازها في الفترة الانتقالية ..
المحور الثالث : هياكل الحكم في الفترة الانتقالية ..
ليكون بمثابة الدستور الانتقالي الحاكم للفترة الانتقالية ..
للأسف لم يلتفتوا اليه على الرغم من نشره في الصحف الالكترونية ومنابر الحوار ..
لو أن قوى الحرية والتغيير نظمت تحالفها ابتداءا على ضوء تلك المسودة ..
ومن ثم حملته للمجلس العسكري واصرت ان ينضموا لحلف التغيير والتوقيع عليه ..
لما كنا اليوم أمام هذه السيولة في اعمال الدولة وتداخل الاختصاصات ..
وغياب استراتيجية منضبطة لإدارة الدولة ..
ولما لجأت مجموعات عديدة تبحث عن حقوقها في منبر جوبا ..
لكن اقول شنو ؟ البكاء على اللبن المسكوب لا يجدي.
| |
|
|
|
|
|
|
|
|
|
Re: / المجلس التشريعي الانتقالي / (Re: محمد على طه الملك)
|
استاذي عادل امين.. تحاياي.
Quote:
والله برلمان كامل يعيين في دولة عرفت الديمقراطية من 1954 اكبر اهانة للشعب السوداني ونفس سواطة البشير والسعلوة بدرية سليمان والاصم البوظت دستور 2005 واتفاقية نيفشا |
نحن لاقنوا حتي المعين دا يا عادل؟ طالما الهيكلين التانيين
السيادي والتنفيذي قبل بتعينهم (تسيير) حتي الانتخابات
اظن لا يضير تعيين سيادي حتي تكتمل الهياكل اولا خاصة
التشريعي (كما نظن) ممكن يحمي ما فضل من وماء وجه
او قول مكتسبات للثورة.
الاسد ما قادر يتلفت يا استاذ عادل.. لكن يوموا اللي ح
يحصل ح يعدمهم نفاخ النار.
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
مولانا الملك.. سلام وتحايا..
ارد بشنو هسي علي كلامك دا؟ ما عندي غير اقول اللهم اجرنا
في مصيبتنا واخلف لينا خيرا منها..
Quote:
سلامات يا معتصم ..
كلما تجي سيرة الوثيقة بصيبني احباط ..
لأن اللجوء لترقيع الوثيقة الدستورية كان امر منظور ومتوقع من الأيام الأولى ..
بسبب العجلة و نقص الخبرة والتكويش ..
مع ان عدد من القانونيين كانوا يفكرون ويعملون على صياغة مسودة تحكم الفترة الانتقالية من قبل سقوط النظام ..
هنا أذكر أخونا الناظر هباني عمل لينا قروب جمع له عدد من القانونيين وكان على رأسنا المرحوم علي محمود حسنين المحامي ..
على ضوء النقاشات المسودات التي عرضت في القروب ..
قمت يصياغة مسودة تحت عنوان (ميثاق التغيير والبديل الانتقالي )..
عالجنا فيها ثلاثة محاور ضرورية ..
المحور الأول: إطار و صيغة التحالف بين القوى الداعية للتغيير سواء مدنية أم عسكرية ..
المحور الثاني :المهام المنتظر انجازها في الفترة الانتقالية ..
المحور الثالث : هياكل الحكم في الفترة الانتقالية ..
ليكون بمثابة الدستور الانتقالي الحاكم للفترة الانتقالية ..
للأسف لم يلتفتوا اليه على الرغم من نشره في الصحف الالكترونية ومنابر الحوار ..
لو أن قوى الحرية والتغيير نظمت تحالفها ابتداءا على ضوء تلك المسودة ..
ومن ثم حملته للمجلس العسكري واصرت ان ينضموا لحلف التغيير والتوقيع عليه ..
لما كنا اليوم أمام هذه السيولة في اعمال الدولة وتداخل الاختصاصات ..
وغياب استراتيجية منضبطة لإدارة الدولة ..
ولما لجأت مجموعات عديدة تبحث عن حقوقها في منبر جوبا ..
لكن اقول شنو ؟ البكاء على اللبن المسكوب لا يجدي. |
ابتسام سنهوري (كفاءة) كتبت الوثيقة الدستورية نقل من دستور
2005 والباقي تمتوا موية مع وداللبات مهندس البيعة..
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
لو في تشريعي حكومة حمدوك دي زمااااان كان سحبوا منها
الثقة والبرهان كان اتشنق بالخيانة العظمي دا لو ما بس
اتجرد من رتبته بعد تخابروا علي بلده.
كنا عرفنا مصادر تمويل العسكر للالوية والفرقاء والجيش
المترهل بدون فائدة دا وكان سهل مهمة لجنة التفكيك في
تتبع مصادر الاموال ومصادرة شركاتهم وحدّ من تغول العسكر
علي المدنية.
كان سرّع بمحاكمات رموز الانقاذ في جرائم حقيقية ما
لعب زي محكمة الرقاص بعد اكتمال تشريعات حقيقية و
قضاء يناسب الثورة وجرائمهم.
حميدتي كان اقر بمصادر تمويله اللي ما قاطعين شكها
دي سواء كانت عبيد جنجويد لحروب المحور او دهب من
جبل عامر..
التشريعي كان ح يتكون من لجان الاحياء وكنداكات الثورة
وكان حسم اااي متراخي او صاحب اجندة او عميل الليلة فينا
ببرطع بدون رقيب او حسيب او خوف من محاسبة..
| |
|
|
|
|
|
|
|
|
|
Re: / المجلس التشريعي الانتقالي / (Re: Mutasim Idris)
|
Quote: الاسد ما قادر يتلفت يا استاذ عادل.. لكن يوموا اللي ح
يحصل ح يعدمهم نفاخ النار. |
حلوة تاخذ فيها اوسكار واالله اوعي دي تكون نكتة الاسد والحمار
طبعا انا قحت لا تمثلني وغير مسؤال ابدا من محاصصتا والا الطريقة التعاملت بيها مع جنرلات منزوعي الحياء
لكن واعي البتحول الديمقراطي بكون كيف وما هي القوى الديمقراطية الحقيقية في السودان واسوا وثيقة دستورية علي اطلاق من استقلال السودان هي بتاعة السنهوري دي 2019
| |
|
|
|
|
|
|
|
|
|
Re: / المجلس التشريعي الانتقالي / (Re: adil amin)
|
كل التسريبات الحايمة عن كشوفات تعيين الولاة (المكلفين) ما
فيها اسم (كنداكة وااااحدة). المحاصصات والشلليات (تقرأ)
جمع ثلة كما ورد في بيان حزب الامة هي عنوان وااااضح
لسرقة الثورة من غير منازع.
تبقت ليلة السكاكين الطويلة جدااا في تعيين ممثلي المجلس
التشريعي.. يا تري ح تخلو (كشوفاتهم) من ااااي تمثيل
للمرأة؟
قاااعدين نعاين..
| |
|
|
|
|
|
|
| |
Mutasim Idris
جلالدونا
محمد البشرى الخضر
adil amin
محمد على طه الملك
فيس بوك
تويتر
انستقرام
يوتيوب
بنتيريست