|
|
|
 Re: خبير مصرى : نفوذ امريكا سيضعف وستحتل الس� (Re: Hassan Farah)
|
سلام يا حسن فرح.
أنا ما عارف ليه بعض العرب في ظل هذه الازمة الصحة العالمية والتي لم تتضح معلنها بعد، أنهم مصرين على تناول موضوع النفوذ الامريكي هذ؟
ده إصرار غريب جدا وأمنيات لن تتحقق في الزمن القريب. أي شخص متابع جيدا ويعرف حجم وامكانيات الولايات المتحدة يصرح بمثل هذه التصريحات.
ال "خبير" المصري يتحدث للقناة الروسية، وهو يريد ان يتحدث بما يعجبهم.
| |
  
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Deng)
|
Quote: أنا ما عارف ليه بعض العرب في ظل هذه الازمة الصحة العالمية والتي لم تتضح معلنها بعد، أنهم مصرين على تناول موضوع النفوذ الامريكي هذ؟
ده إصرار غريب جدا وأمنيات لن تتحقق في الزمن القريب. أي شخص متابع جيدا ويعرف حجم وامكانيات الولايات المتحدة يصرح بمثل هذه التصريحات.
ال "خبير" المصري يتحدث للقناة الروسية، وهو يريد ان يتحدث بما يعجبهم. |
مساء الخيرات دينق
مصر مرشحة تلعب النهائي مع إيطاليا أو أمريكا على كأس (كورونا)
شعب بقول كورونا دي إيه ده نحن المصريين الراقصة العالمية فيفي عبده بتقول مكرونة وحتسمع اقولوا (مزيكة حسب الله) فقيرة النغم والطرب أفضل فرقة شعبية في العالم
قصص شعب ........ الباقي تمو
تحياتي
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: جلالدونا)
|
هه
الحديث عن أمريكا والسيطرة على العالم ليس هو المقصود في المقال
بل أدوات إستخدمها عمك اللواء عمرو الزيات للفت النظر لبقية المحتوى
الراقل ببساطة عايز يكسر تلج للسيسي ولحكومته
إدخال سيطرة العالم وأمريكا والصين أدى الكلام زخم وزخارف مما يجعل المتلقي يحس بأن الكلام كلام خبراء
بينما الموضوع كله داير يقول للسيسي "أهو إحنا بنكسر تلج حتى في زمن الكورونا وبنرفعكوا لمستوى حكومات دول كبيرة اوي"
وإحتمال كبير السيسي يكون سمع كلام عمك اللواء وضحك حتى بانت نواجزه ثم قال له "درعتها كبيرة شديد"
بصراحة التكنيك الإستخدمو في كسير التلج تكنيك جاضم
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hassan Farah)
|
الاخوان عثمان موسى وجلالدونا سلام
يا جماعة لو العالم كله ضحك وسخر من المصريين نحن فى السودان علينا ان نلزم الصمت
نحن لازل يتملكنا الشعور بالدونية امامهم ولا زلنا منبطحين تحت ارجلهم ولازالت لنا احزاب تتمسك بشعار الاتحاد مع مصر ولا زال مدير المخابرات المصرى يواصل لقاءاته برئيس مجلسنا السيادى
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hassan Farah)
|
| Quote: قال الخبير الأمني المصري اللواء عمرو الزيات، إن العالم سيتغير بعد انقضاء أزمة كورونا، وسيضعف النفوذ الأمريكي في العالم، لتحتل دول أخرى الساحة كالصين وروسيا والهند ومصر. |
لا يخالجنى ادنى شك انّ هذا الخبير الامنى المصرى يبيع الوهم للشعب المصرى المسكين كما كان يفعل حزب الكيزان المحلول فى السودان
ففى مصر ازمات خانقة كثيرة منها :
- أم الازمات الامطار والسيول والفيضانات وماخلفته من كوارث كبيرة جداً تقدر بمليارات الجنيهات ولا زالت بدون حلول .
- الازمة الاقتصادية الخانقة التى تمر بها مصر والتى ادّت فى نهاية المطاف الى ظهور طوابير وصفوف المواطنين وبأعداد مهولة
امام البنوك لسحب مدخراتهم تماما كما كان يحدث فى السودان فى آخر عهد المخلوع والبيان الذى صدر خلال الايام السابقة انّ المصريين
سحبوا اكثر من 30 مليار جنيه من البنوك خلال ايام قليلة والدعوة التى انطلقت فى الاعلام الموالى للنظام لتقنين السحب بحدود معينة
( بالظبط كما كان يحدث فى السودان ايام ازمة السيولة النقدية ) .
- ثالثة الاثافى جائحة الكرونا والتى فاقمت الازمات الى ازمات جديدة لا حدود لها وشاهدنا فى الفيديوهات كيف انّ العشرات قد ماتوا فى
المستشفيات لعدم وجود الاكسجين - والتعليمات المشددة بعدم نشر عدد المرضى والمتوفين الا من خلال السلطات .
الزول دا بيبيع الوهم للشعب المصرى الغلبان كما كان يفعل النظام الفاشى الكضاب والمحلول مع الشعب السودانى .
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: علاء سيداحمد)
|
مصر بعد الكورونا لن يكون حظها أفضل من اسبانيا ودول الخليج
المستقبل الواعد بعد الجائحة لافريقيا لو أحسنت حكوماتها اداراتها
والسودان سيكون على رأس قائمة الدول المرغوبة منتجاتها الزراعية والصناعة اذا إدارته حكومة زي الناس.
الفرصة مواتية تماما ليستفيد السودان من أراضيه ومياهه وعقول وسواعد بنيه لينهض مارد أفريقيا العظيم
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: عمر التاج)
|
Quote: المستقبل الواعد بعد الجائحة لافريقيا لو أحسنت حكوماتها اداراتها
والسودان سيكون على رأس قائمة الدول المرغوبة منتجاتها الزراعية والصناعة اذا إدارته حكومة زي الناس. |
هسه دا فرقو شنو من كلام الخبير المصري؟
الكورونا ستزيد الأعباء على كل الحكومات في التجهيز لإحتمالات أي وباء قادم.
الكورونا سيكون لها أثر قليل في الحد من العولمة، إذ أن حكومات الدول ستسعى لتوطين إنتاج بعض السلع الضرورية للحياة بدلاً من الإعتماد على الإنتاج في دول أخرى.
الدول ذات الإقتصاد القوى والمبني على بنية ذات أساس متين تستطيع إنجاز المهمة
والدولة الفاشلة ستظل فاشلة، فالكرونا ليس لديها رافعة لرفع الدول الفاشلة.
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hassan Farah)
|
تحياتي يا حسن والزملاء الأفاضل
قبل كم سنة طلع تقرير اكاديمي وعلمي مفصل ومحسوب بالحقائق والوقائع
ومبني على دراسات دقيقة وموثقة
وأظن تم التعتيم على التقرير أو الدراسة دى عمدا ولمصلحة أطراف وجهات كتيرة فى العالم
خلاصة وفحوى التقرير هي
العالم وبداية من سنة 2030 وتدريجيا ح يعتمد في كل شى وأي شى من الموارد وبكل أنواعها على أربع دول فقط
روسيا
كندا
أستراليا
السودان
معليش نسيت اسم الجهة العملت الدراسة
ونسيت تفاصيل مهمة تانية
اكيد في ناس سمعو أو قرو عن الشي ده
يا ريت لو في زول عنده معلومات وثيقة وأدق من دى يمدنا بيها
تحياتي
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Abureesh)
|
عن الأثر الاقتصادي نتحدث، دول الخليج الان كلها تتجه لمنتجات السودان،
أفريقيا المريضة بما فيها دولة جنوب السودان التعيسة تبحث عن بصل وسكر وذرة مريسة السودان
| Quote: الكورونا ستزيد الأعباء على كل الحكومات في التجهيز لإحتمالات أي وباء قادم. |
انت بتتكلم جد؟
بتتكلم عن دولتنا البنعرفها دي ولا سودان تاني معشش في رأسك؟
سودانا بتاع الملاريا والدسنتاريا والتايفوئد ولا سودان جديد الحايتحسب لأي وباء قادم؟
| |
|
|
|
|
|
|
|
|
 Re: خبير مصرى : نفوذ امريكا سيضعف وستحتل الس� (Re: Deng)
|
Quote: يا دينق ما تقوم نفسك ساى..
الناس دى ما عارفة قاعدة تتكلم عن شنو.. |
ولا دايره 100 سنه عشره سنه الفتنه وضرب حاله السم الاجتماعى حيعمل زى ماعملو فى السودان .
المهم المقام مقام شىء تانى لكن الايام حتورى قدر شنو امريكا حتضيع بسبب التنظيم الدولى وسمومو وفتنتو وديل اسوء من الكورونا واحيانا من غير اعراض
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Asim Ali)
|
Quote: انت بتتكلم جد؟
بتتكلم عن دولتنا البنعرفها دي ولا سودان تاني معشش في رأسك؟
سودانا بتاع الملاريا والدسنتاريا والتايفوئد ولا سودان جديد الحايتحسب لأي وباء قادم؟ |
اللهم لا تمحنا ولا تبلينا
دي مصيبة شنو دي الوقعنا فيها دي؟
أقول ليك كل الحكوموووووواااااات
تقول لي بتكلم عن دولتكم؟
حكومات دي كلمة تشمل كل حكومات العالم بما فيها حكومة السودان وحكومة امريكا
تعرف يا عمر التاج إنت أخير منك الكرونا
لأنو قديماً قالوا "لكل داء دواء يستطب به إلا البلادة أعيت من يداويها"
فيروس الكرونة هين لأنو حيتلقي ليهو دواء
فشنو؟ أختاني يا زول
عشان ما تقوم كمان تعاديني بفيروس البلادة الماعندو دواء
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hafiz Bashir)
|
Quote: الناس ديل يا أبو الريش ما عارفين أن شريان الحياة للصين هي الولايات المتحدة الامريكية.
|
الناس دي بتتكلم ساي
لو انهار الاقتصاد الامريكي ، بعدو بساعتين الصين حترفع الراية ، ارتباط سيامي
الصين بتصدر للسوق الامريكي سلع بحوالي نص تريليون دولار سنويا ، يعني عشرات او مئات
الالاف من المصانع الصينية حتقفل ، عشرات الملايين من الصينيين حيصبحوا بدون شغل
عندها استثمارات مباشرة في امريكا ما بين 2-3 تريليون دولار .. لو انهار الاقتصاد الامريكي
كل الاستثمارات دي قيمتها حتهبط هبوط فظيع وبعضها ولا حيساوي قيمتو الاسمية.
بخلاف الصين، كل الدول العندها صناديق سيادية بتعتبر امريكا الملاذ الاول لاستثماراتها
وكل الدول دي بالاضافة للصين ، احرص على عدم انهيار الاقتصاد الامريكي اكتر من امريكا
ذاتا ..
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Abdullah Idrees)
|
ياعبدالله ادريس ماقصه كلام ساى
اذا بلد دخلها وتمكن فيها شيطان الاخوان فى بلد زى امريكا اثاره الفتن والنعرات وتفكك الدوله وولايات تستقل انتو شايفين انو امريكا حاجه كبيره من ناحيه تكنولوجيا واقتصاد ونسيتو انو سوس الاخوان شغال فى امريكا وشغال براحتو كمان وكان عشنا 10 او 15 سنه لى قدام تشوف العين وتسمع الاضان مالم تتدارك امريكا امنها القومى وتقطع دابرهم على اراضيها واوربا (شرحو).
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Asim Ali)
|
سلام يا دينق
Quote: الناس ديل يا أبو الريش ما عارفين أن شريان الحياة للصين هي الولايات المتحدة الامريكية.
وعدد كبير من شركات التكنلوجية العالية هي شركات أمريكية في المقام الاول. |
أنا لا أظن أن الكرونا سيكون عندها أثر كبير في إقتصاد العالم أكثر من الآثار التي نراها الآن من توقف إنتاج وإرتفاع بطالة
وهذه الأثار ستزول خلال فترة قد لا تتجاوز الستة اشهر بعد إنقشاع الوباء.
لو أن هنالك أثار طويلة المدى، فهنالك بعض التخوفات الصينية من إنسحاب بعض الشركات الأمريكية من الصين.
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Abdullah Idrees)
|
بعد جائحة كرونا وحبسة البيوت كل المؤسسات اصبحت تدير عملها بالانتر نت ..
وزي ما سمعنا قوقل شغال في مشروع بالونات الفضاء المجانية لتوزيع خدمات النت على العالم ..
مجانية دي ما عارفها كيف احتمال بنفس طريقة القنوات الفضائية ..
السؤال المهم غلة الشغل دا بتمشي وين؟
بعد سيطرة النت امريكا من حقها تررد مقولة هارون الرشيد ( أمطري حيث شئت فسوف يأتيني خراجك)..
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hafiz Bashir)
|
والله يا مولانا الطلعت ما مولانا، فت الناس البقروا المداخلات بنخريهم بمراحل،
والمخاطة في مداخلتك الأخيرة دي لو وزعت على المنابر كلها لعفنتها..
البضحك داك عرفناه ربنا خلقه كده، انت مالك بتتعاور؟ انا شايفني بديت معاك؟
ومداخلتك دي لما استفرغتها مالك ماركزت في مداخلتي الأنت بتعلق عليها
| Quote: هسه دا فرقو شنو من كلام الخبير المصري؟ |
ارجع لمداخلتي وشوفها بتتكلم عن ياتو دول،
عشان ماتحتاج فهامة تفهمك دولتي ياتا الاتحدثت عنها وانت علقت عليها
وعشان تقتنع انه فيروس البلادة جزء منك وفيك
| Quote: عشان ما تقوم كمان تعاديني بفيروس البلادة الماعندو دواء |
قال بلادة قال، شنو يازول انت عشان سكتنا ليك
بلا يخمك ويخكم الخنزير المعاك داك
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Arif Nashed)
|
| Quote: انت مالك بتتعاور؟ انا شايفني بديت معاك؟ |
😂😂😂
شوف يا عمر التاج، أنا ما عندي معاك مشكلة في بوستات الونسة والهظار
وإنت زول لزيز للونسة، بس خلي حركات الشُفع بتاعة إنت البديت وأنا البديت دي
وما مشكلكلة تقول لمولانا بتتعاور، فمولاكم روحه عالية ويقبل المزاح والنقد وحتى الشتايم.
فمافي مشكلة تتونس كما شئت
لكن عليك الله في البوستات الشوية فيها فكرة وتحليل أختاني
فأنا أبحث عن محاور ذكي
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Arif Nashed)
|
Quote:
علي ما أعتقد بأن العالم سيتوجه في تدعيم النظم الصحية والاهتمام بالقطاع الصحي فجائحة كرونا كشفت هشاشة النظم الصحية |
دا على مستوى الوقايه وتفادى الكارثه
لكن على مستوى تانى على اساس (نتائج) الابحاث عن اسباب الوباء وتقصير (الحكومات) فى (تمويل) ابحاث عن السارس اتوقع رواج وارتفاع صوت الاحزاب والمجموعات المناصره للبيئه واحتدام المعركه مع السياسيين التقلييدين واصحاب راس المال ممكن يؤدى لصعود نجم اجزاب وجماعات البيئه فى دول كثيره وشراكتها فى الحكم
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Arif Nashed)
|
Quote: ياعبدالله ادريس ماقصه كلام ساى
اذا بلد دخلها وتمكن فيها شيطان الاخوان فى بلد زى امريكا اثاره الفتن والنعرات وتفكك الدوله وولايات تستقل |
اخوان شنو يا عاصم يا خوي !
الجماعات الاسلامية دي لقت فرصتها كويس قبل 11-9 ، بعدها الامور في امريكا اتغيرت صدرت قوانين
وتشريعات جديده غرضها بالطبع التضييق على اي ارهابي اسلامي محتمل، حتى ولو كان امريكي ، اجراءات
التفتيش الشخصي ، اجراءات المراقبة ، الاعتقال وحاجات كتيرة زمان المجتمع الامريكي كان ما بيقبل ابدا
المساس بها وبعتبرا انتهاك خطير للحريات. بقا لعب وهظار مافي ، بالاضافة لتتبع امريكا للجماعات الاسلامية حول
العالم وتجفيف مصادر تمويلهم.
من 9-11 مافي كوز او ارهابي بقل ادبو في امريكا ..
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Abdullah Idrees)
|
اوكى ياعبدالله ادريس نشوف
االاخوان فى امريكا ما الكوز االكوزه بالشكل (التقليدى) لابسين البنطلون الناصل والاسكيرت القصير والبلوزه بلا حجاب والزواج بغير المسلم (اللى بجرموهو فى دول بحكموها) يعنى موجودين بفقه تقيه والمهاجرين مشكلين ليهم خاضنه ودعم للتغلغل فى المجتمعات
كلامى ممكن مايكون مستوعب من كتيرين لكن الايام ه هى البتصدق او تكذب كلامى
تحياتى
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Asim Ali)
|
عاصم علي
أتفهم كلامك كويس، ولكن يا عزيزي المجتمع الامريكي مجتمع مفتوح، والاخوان المسلمين موجودين في أمريكا من زمان، وأنا لدي خبرة 30 سنة في التعامل معهم ومع أذنابهم في المحافل الامريكية المختلفة. من الناحية دي أطمئن تماما. رغم أنشطتهم في أمريكا ولكنها أنشطة محدودة ومرصودة تماما.
للأسف الشديد أي منظمة إسلامية أمريكية عندما نتحقق من جذورها دائما نجدها تتبع للأخوان المسلمين. ولكنهم حتى الان فاشلين تماما في مبتغاهم.
خليني أديك الخبر ده
أنا الأن شغال لي في موضوع كده عندو علاقة بنقشانا هذا وسوف أفتح بوست عنه وهذا البوست قد يحدث ضجة في المنبر وخارج المنبر.
بوست قنبلة خليك قريب علشان تستمتع وتعرف عن أمريكا شوية حاجات جديدة . تحياتي. طبعا البوست المفاجئة ده سوف يكون مفاجئة للجميع خصوصا للقراء وللأعضاء القدامى في المنبر.
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hassan Farah)
|
أنا لا أظن أن الكرونا سيكون عندها أثر كبير في إقتصاد العالم أكثر من الآثار التي نراها الآن من توقف إنتاج وإرتفاع بطالة
وهذه الأثار ستزول خلال فترة قد لا تتجاوز الستة اشهر بعد إنقشاع الوباء.
-----------------------------------------------------------------------------
الاخ حافظ بشير وجميع الاخوة المشاركون لكم التحية
هناك اخبار عن احتمال تعرض الموسم الزراعى فى اوروبا والولايات المتحدة وكندا وبالذات فيما يخص محصول القمح لفشل كبير بسبب وباء الكرونا فايروس الذى يحظر حركة العمال الزراعيين
ا
ماذا سيحدث إذ تعثرت الزراعة في أميركا بسبب كورونا؟
31 مارس 2020
لم يترك فيروس كورونا مجال عمل إلا وأثـَّر عليه، وتتفاوت درجة التأثير بين المجالات، إلا أنها قد تؤدي إلى أزمة كبرى إذا ما تأثر قطاع ضخم مثل الزراعة.
ويعتبر شهرا أبريل ومايو مهمين للفلاحين الأميركيين، إذ يبدأون خلالهما الزراعة أوالحصاد، ما يضطرهم إلى جلب عمالة أجنبية إلى مزارعهم، وإنشاء سلسلة إمداد تمكنهم من الحصول على مستلزماتهم، من دون أن يضيعوا الكثير من الوقت، بحسب تقرير لشبكة "سي إن إن" الأميركية.
وفي حال ما لم يجد الفلاحون الأميركيون العمالة الكافية، أو في حال ما لم يستطيعوا الإنتاج بالمعدل المعتاد بسبب فيروس كورونا، فإن الشعب الأميركي قد يواجه أزمة قلة أو غلاء أسعار الطعام هذا الصيف.
نفس هذه المشاكل ستواجه منتجى القمح فى اوروبا وكندا
هذا يعنى ان اسعار القمح فى الموسم القادم سترتفع ارتفاعا كبيرا
كيف سنتعامل نحن فى السودان مع هذه التوقعات ونحن نعيش اليوم ازمة النقد الاجنبى؟
الم يحن الوقت لايجاد بديل للقمح من ما ننتجه من حبوب؟
If coronavirus disrupts staple crop production the impact on food security could be grave
https://www.telegraph.co.uk/global-health/science-and-disease/coronavirus-disrupts-staple-crop-production-impact-food-security1/https://www.telegraph.co.uk/global-health/science-and-disease/coronavirus-disrupts-staple-crop-production-impact-food-security1/
https://www.wipfli.com/insights/blogs/ag-conversations/covid-19-coronavirus-impact-on-agriculture-industryhttps://www.wipfli.com/insights/blogs/ag-conversations/covid-19-coronavirus-impact-on-agriculture-industry
| |
|
|
|
|
|
|
|
|
|
Re: خبير مصرى : نفوذ امريكا سيضعف وستحتل الس� (Re: Hassan Farah)
|
| Quote: وعدد كبير من شركات التكنلوجية العالية هي شركات أمريكية في المقام الاول. |
التكنولوجيا العالية لم تخرج من أمريكا حتى الان يا دينق. و أمريكا ماسكة ناصيـة التقنية.. عارفين ناصية التقنية شنو يا شباب؟
ممكن تتكلموا عن بوش او ترامب او أعضاء الكونجرس وسياساتهم الحمقاء.. أو الإجرامية .. لكن عمتنا أمريكا دى أخطوها. دى حاجة تانية.
| |
|
|
|
|
|
|
|
|
 Re: خبير مصرى : نفوذ امريكا سيضعف وستحتل الس� (Re: Abureesh)
|
| Quote: التكنولوجيا العالية لم تخرج من أمريكا حتى الان يا دينق. و أمريكا ماسكة ناصيـة التقنية. |
سلام ابوريش
ما اختلفنا معاك فى قصه التكنولوجيا زاويه النظر من جهه تانيه رغم انو العالم المتقدم كلو اكثر تضرر و(عجز ) فى مواجهه الوباء . وكما يتداول من اطراف كثيره انو التكنولوجيا لاقول (سبب) وانما من عوامل التاثير على البيئه وربما مناعه الانسان لتسهم فى نمدد وانتشار الوباء وربما يكون الوباء ضربه بدايه لمسلسل ازمات صحيه يكون معها ضروره كبح جماح الاستخدام والانشطه الصناعيه والتكنولوجيه لضمان بيئه نظيفه وانسان سليم.
كورونا ليس شراً مطلقاً...كورونا ليس شراً مطلقاً...
بالنسبه للتكنولوجيا (العاليه) لو ملاحظ انو موجات التطور فى امريكا مرتبطه بهروب-جماعى ان جاز التعبير- لعلماء من دولهم لاسباب مختلفه بدايه من المانيا (هتلر) والروس بعد انهيار الاتحاد السوفييتى وحتى الصينيين والهنود لوجود وواقع يستوعب نبوغهم وابداعهم..
والسؤال فى الجانب دا هل ستجلس الدول دى ساكنه ام تعمل على (الحفاظ) على علمائها ونوابغها ؟
| |
|
|
|
|
|
|
| |
Hassan Farah
Deng
محمد نجيب عبدا لرحيم
Osman Musa
جلالدونا
Hafiz Bashir
علاء سيداحمد
عمر التاج
Arif Nashed
احمد حمودى
أبوذر بابكر
Abdullah Idrees
Abureesh
Asim Ali
محمد على طه الملك
جمال ود القوز
محمد البشرى الخضر
فيس بوك
تويتر
انستقرام
يوتيوب
بنتيريست