(adsbygoogle = window.adsbygoogle || []).push({}); ما السكوت كمان ح يبقي تواطوء اكتر من كدا. في نص الخرطوم وعلي عينكم يا ثوار وفي ذكري ثورتكم.. لا وكمان قدام مجلس الوزراء..لمتين؟؟
ماشييين يتضرعوا لا خايفين من بمبان لا من اعتقال ولاااا في زول ح يسالهم لانهم هم بتاعين الاعتقالات والبمبان. معقولة بس؟!!!! اعترضوا الكوادر الطبية (جيشنا الابيض) مرة بالاعتقال او قلة ادب ساااي كدا والليلة في تحدي ساااااااااافر لاجراءات السلامة والحجر المنزلي وحظر التجول.
04-09-2020, 03:56 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12481
مفرةض ايام الكورونا والمعاناة يمنعوا أي حشد ( حالة طواري )
اللمة بتاعتهم دي كانت الليلة وفجاءة طبعا تمت لانه شغل امنجية مع بعضهم, واكيييييد للاسف لا مساءلة لا طلس في بلد ماشة امفكو. الوطن قائم يدعم في روحه والكيزان كعادتهم لا يرمش ليهم جفن في تعميق الجراح.
04-09-2020, 04:10 PM
علي عبدالوهاب عثمان
علي عبدالوهاب عثمان
تاريخ التسجيل: 01-17-2013
مجموع المشاركات: 12481
وبرضو تقولوا سقطت!!!! تواطؤ واضح من الأجهزة الأمنية والدعم السريع طبعا الأوامر صدرت بعدم الاعتراض. غندور وأنس عمر وغيرهم الكثيرين يضرعوا في وسائل الإعلام.
04-09-2020, 04:27 PM
Arif Nashed
Arif Nashed
تاريخ التسجيل: 05-12-2014
مجموع المشاركات: 12692
عشان الناس تعرف انو ازاله التمكين موضوع ماعندو تاثير واحد مرصود بالصوره والاسم فى مظاهره اليوم ومعلومات ىتحتاج تعليق اكثر مننا
Quote: السكن : الكلاكلة الوحدة. التصنيف : كوز،دفاع و امن شعبي. ايام الحراك كان شغال بجيب تاتشرات الامن عشان يعتقلوا الشباب ، و اخر ايام المظاهرات نهاية شهر 3 كان بنفسو سايق بوكس الامن الشعبي و مُشارك في جرائم القمع ضد الثوار في الكلاكلة وكيل دقيق و عنده توكيل غاز
عاااااارف ازيك.. يتضرعو بالحكومة ياااخ,, جات كدا ما كتر خيري لسة في شوية عربي فضل في الراس ههههههه.
Quote: وبرضو تقولوا سقطت!!!! تواطؤ واضح من الأجهزة الأمنية والدعم السريع طبعا الأوامر صدرت بعدم الاعتراض. غندور وأنس عمر وغيرهم الكثيرين يضرعوا في وسائل الإعلام.
ومن السخرية يجوا يقولو ليك ماااا تخدم الكيزان في حين الكيزان ما محتاجين خدمة وجايبنها ضراع. بس اللي ماقدروا عليهم هم رجال الاحياء تفتش بيوتهم متي ما ارادوا والراجل يسأل..قالوا يقننوهم او يهيكلوهم عشان ولاد الهرمة يجو يصيدوهم واحد واحد.. ختوا لينا قزم ياااخ نص النهار ما بعمل ضل. تف يا دنيا تفففف. يا ناس قوووا انفسكم واهليكم مرض اسمه الكرونا. وربنا يحفظ الجميع.
04-09-2020, 04:54 PM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الحبيب عاصم.. غندور قاااعد والجقة خوجلي وبقية العوالايق يمشوا بين الناس ويقلوا في ادبهم وانس يهدد ويتوعد الني قناته شغااالة. ووزير الاعلام يخصص وقت من حقنا يرد علي تافه منهم.. فقدونا الشرعية الثورية ومنتظرين قزم راقد للعساكر نتكل فيه من مكتب لمكتب ما بقدر يقيف في الشمش زي الثوار ولا بهش لا بنش شايل شوكة وسكين قال بفكك فيهم.
Quote: عشان الناس تعرف انو ازاله التمكين موضوع ماعندو تاثير واحد مرصود بالصوره والاسم فى مظاهره اليوم ومعلومات ىتحتاج تعليق اكثر منن
04-10-2020, 00:08 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الشارع قال كلمته واااااضحة وهتف بيها مطلب.. ا الايام ديك كل الكيزان اتمنوا ان يكونوا ترابا.. بس دارت دورة الايام وبقوا حتي ما اغراب.. كتائب الظل يطلع في مظاهرة ينادي بعودة البشير او اذاعة البرهان لبيان الانقلاب..
04-10-2020, 05:52 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
تجرأ الكيزان ومنسوبيهم في الاجهزة الامنية بتسيير العشرات منهم لموكب يطالب البرهان بتقويض الديمقراطية والانقلاب علي الثورة يتطلب حزم وحسم من الحكومة الانتقالية. سار العشرات منهم دون الخوف من الاعتقال او الهراوات والبمبان المصاحب لمسيرات الشارع السلمية ومواكبه المطالبة باصلاح حال الحكومة المائل والتسريع بهيكلة اجهزة الانقاذ الامنية وتقديم الزواحف و المتفلتين للحساب. المجاهرة بالعداء للثورة والثوار واستفزاز الشارع يوضح بجلاء تواطؤ وزير الداخلية ومساعديه مع منسوبيهم ويفضح تقاعس العسكر الدائم بالالتزام والوفاء بمواقفهم تجاه التغيير.
04-10-2020, 05:20 PM
Asim Ali
Asim Ali
تاريخ التسجيل: 01-25-2017
مجموع المشاركات: 13492
لهم كل الحق في الصفاقة والتبجح ولم لا وهم مسنودي الظهر من المكون العسكري في السلطة ... وفر لهم الحماية ووسائل النقل او فلنقل غض النظر عما كان يجري في الخفاء من استعدادات لتظاهرتهم .... سلطة (عضيرة) بالفعل.
04-11-2020, 05:26 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
شوية ذر رماد في عيون المكندكة رماد.. بيان تجمع المهنيين. رئيس الوزراء استلم مذكرتين علي الاقل من موكبين سيّرهم الثوار بخصوص هيكلة الاجهزة الامنية. وفي الموكبين قابل صعاليك البوليس ومشردي الامن الثوار بالهراوات والبمبان مما دفع حمدوك بالمطالبة بلجنة تحقيق في الاحداث.. لقد اسمعت لو ناديت حيّا.. ولكن لا حياة لمن تنادي. غااااايتو..
04-14-2020, 05:08 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
بقينا زااااتو ماعارفين نشكو هوانا مذلتنا لمنو بعد ربنا.. رئيس وزراءنا قبل ما يعفوه من بعض المهام وكنا بنشكو كان برد بتغريدة زينا والحال في حالوا. بعد المصفوفة ودغمسة المهام وتواطؤ وزارة الداخلية مع (حاضنتها) من الاسلاميين في حمايتهم والسماح بتسيير المواكب غلبنا نشكو لمنو.. الله المستعان.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة