قوش VS قحت

مرحبا Guest
اخر زيارك لك: 03-28-2024, 07:33 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف للعام 2020-2023م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
04-07-2020, 10:21 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
قوش VS قحت

    10:21 PM April, 07 2020

    سودانيز اون لاين
    عمر التاج-KHT
    مكتبتى
    رابط مختصر



    القيادي في التغيير محمد وداعة: تواصلنا مع “قوش” قبل 6 أبريل وتلقيت معلومة منه بفتح مسار للقيادة

    الخرطوم- باج نيوز: لينا يعقوب

    قال القيادي في قوى الحرية والتغيير وحزب البعث، محمد وداعة، إنّ الدخول إلى القيادة العامة وإسقاط النظام تمّ بعزيمة المواطنين الثائرين ودماء الشهداء ومواصلة العمل الجماعي لعدّة أشهر، مضيفاً أنّ وصول الثوار إلى أبواب القيادة أقنع المترددين في اللجنة الأمنية أنّ الإنحياز للثوار هو القرار الصائب.

    وأشار إلى أنّ الفريق ياسر العطا هو من تقدّم بمقترح ِعزل البشير بعد رفضه التنحي و عزمه فضّ الاعتصام بالقوة باستخدام مجموعاتٍ شبه عسكرية من الكوادر الإسلامية تمّ تجميعها لهذا الغرض.
    وكشف وداعة لـ”باج نيوز” عن تنسيقٍ واتصالاتٍ بين مدير جهاز الأمن الأسبق صلاح قوش وبعض قيادات قوى الحرية والتغيير قبل السادس من أبريل كان هو أحدهم، وعن اجتماعاتٍ بين قوش وقيادات المعارضة داخل المعتقلات وقيادات خارج المعتقل.

    وأكّد على تلقيهم معلومة من قوش بفتح مسارٍ مؤدٍ للقيادة في الواحدة والنصف من قرب مباني الجهاز، موضحاً أنّه لم يتمّ الاعتماد على هذه المعلومة لأنّ المواطنين دخلوا من أماكن متفرّقة بهدف الوصول إلى القيادة، و اتضح فيما بعد أنّ المعلومة صحيحة وأنّ قائد القوة المكلّفة بتأمين الجهاز أمر قواته بعدم اعتراض المتظاهرين..

    وأشار إلى أنّ ما تحقّق يعود الفضل فيه إلى الشعب أولاً وأخيراً ،لكنه عاد وقال إنّ هناك أدوارًا أخرى ساعدت على هذا الأمر سيتمّ الكشف عنها لاحقًا.






                  

04-08-2020, 04:02 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Up
                  

04-08-2020, 08:30 AM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)
                  

04-08-2020, 09:28 AM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)


    ما الذي استجد بالنسبة للسفاح قوش ؟ هل صحا ضميره فجأة ؟
    اعتقد بأن الثوار قد وضعوا الجميع امام الامر الواقع،قوش كان يقتل وينكل طوال 5 اشهر والثوار في تزايد، كانوا امام خيارين:
    القيام بمجازر جماعية حتما ستصل لبيوتهم او عزل البشير ..
    كان على قوش واللجنة الامنية قتل عشرات الالاف امام عدسات الكاميرات وامام كل العالم للقضاء على الثورة ، هل هذا ممكن
    في هذا العصر؟ اي ضابط عظيم او مسئول كبير كان عندو قريب من الدرجة الاولى من بين المتظاهرين ، يعني لو ضربوا المتظاهرين
    اي واحد فيهم بعد العملية حيمشي لصيوان عزاء مباشرة ، في بيتو او بيت اخوه او اختو او بن عمو الخ الخ اضافة لذلك اعتقد بأن
    اللجنة الامنية وقيادات الجيش خافوا من غطرسة وغرور البشير والحركة الاسلامية ، خافوا ان يتم توريطهم في مذابح جماعية
    سيعقبها تدخل دولي بدون شك وستتم ازاحتهم بالقوة ومحاكمتهم خارجيا جميعا او الاستسلام للثورة والخروج باقل خسائر.
    قوش مؤمن بالثورة يعني ؟
    نظام البشير سقط فعليا قبل 11 ابريل ولو بتتذكروا الايام الاخيرة اختفى اغلب الوزراء والكيزان الكبار والحكاية كانت واضحة جدا
    انو النظام انتهى ..
                  

04-08-2020, 10:30 AM

Hassan Farah
<aHassan Farah
تاريخ التسجيل: 08-29-2016
مجموع المشاركات: 8878

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    (الحرية والتغيير): الحديث عن اتصالات مع (قوش) للوصول للقيادة (غير صحيح)
    وصف القيادي بقوى الحرية والتغيير خالد عمر الحديث عن وجود تنسيق واتصالات من قيادات الحرية والتغيير بمدير جهاز الامن الاسبق صلاح قوش للوصول للقيادة العامة بأنه ” كلام فارغ ” وغير صحيح.

    وقال عمر خلال تصريحات لتلفزيون السودان امس، إن اختيار القيادة العامة للجيش كانت بقصد استمالة القوات المسلحة لإرادة الشعب، مشيراً إلى أنهم كانوا بصدد تسليم مذكرة للقوات المسلحة لمطالبتها بالانحياز للشعب ووضعها أمام خيارين إما أن تكون مع الديكتاتور أو تختار الشعب.

    واعتبر عمر اختيار تاريخ السادس من ابريل وتحديده قبل ثلاثة أسابيع من اليوم المحدد لكونه يوما ذا رمزية تاريخية.
    ولفت إلى أن قرار الاعتصام أمام القيادة لم يكن مقررا مُسبقاً وتم الإعلان عنه استجابة لرغبة الثوار وفي نفس يوم السادس من أبريل.
    السوداني
    4
    مشاركة FacebookTwitterGoogle+
    الخبر السابق
    القبض على (65) تاجر عملة في حملات مفاجئة بالخرطوم
    الخبر التالي
    المالية تقترح رفع الدعم عن الوقود واعفاء ضريبي لثلاثة أشهر


    قد يعجبك ايضا المزيد عن المؤلف
    المجلس المركزي ل”قحت” يؤيد الاغلاق الكامل
    المالية تقترح رفع الدعم عن الوقود واعفاء ضريبي لثلاثة أشهر
    النيابة العامة: نتخذ من الاجراءات ما يمنع تكرار انتهاكات ثلاثين عامًا
    السابق التالي
    4 تعليقات
    منير عبد الرحيم 16 ساعة منذ
    ما جبت جديد ، عارفين إنو قلعناها رجالة و حمرة عين و بي ضراعنا، وجه كلامك لي لينا يعقوب و محمد وداعة الطلعو لينا دايرين يلمعو قوش و اللجنة الأمنية ديل…لحدي الآن حافظين أدبنا معاهم ، لكن محاولة استغفالنا و اعتبارنا لافين بريالتنا ، حيسمعو الكلام البستحقو.

    الرد
    خواجة 14 ساعة منذ
    التوفيق من رب العالمين .لاتذهبوا بعيدا .احمدوه.

    الرد
    Samer 3 دقائق منذ
    (مشيراً إلى أنهم كانوا بصدد تسليم مذكرة للقوات المسلحة لمطالبتها بالانحياز للشعب ووضعها أمام خيارين إما أن تكون مع الديكتاتور أو تختار الشعب.)- جيش السجم يتبع الى دوله؟؟؟ كلام غريب جدا انو عندك وزير دفاع معين و يقدم تقريره الى رئيس الوزراء و كبف تخاطب الجيش بدون وزير دفاعه؟؟ انتو يا جماعه البلد دى ماشه الى وين؟؟؟؟ هنالك قوى اخرى داخل الجيش تملك قرارها بدون رئيس الوزراء؟؟؟هذه اشياء لم تحصل فى العالم اساسا الا فى السودان انو الجيش تحول الى دوله اخرى يملك مصانع و راس مال خارج عن سيطرة وزير الماليه و بعض ضباطه يصرحون لوسائل الاعلام انو لن نسلم البشير و لا احد يسالهم حتى قياداتهم و يا جماعه ثورتكم انسرقت عديل من الاحزاب الضعيفه تربية الكيزان .
    هذه الثوره مفروض يقودها الثوار و يكونوا جيش وطنى عقيدته الدفاع عن السودان و ليس جيش عبارة عن شركان و الكيزان عملوا نظام system سيروا به البلد حتى فى حالة صفوفهم الاولى فى السجن و يا شباب قوموا الى ثورتكم يرحمكم الله

    الرد
    قصاص القيادة العامة 54 دقيقة منذ
    لينا يعقوب ومحمد وداعة كم دفع لكم مقابل هذا التلميع لقوش واللجنة الامنية؟



                  

04-08-2020, 11:20 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hassan Farah)

    في البدء أثبت حقيقة أن صلاح قوش هو أكثر مخلوقات الأرض بغضا في نفسي
    أعرف الكثير عن أسراره وأشراره ، وأثبت له حقيقة أنه شديد الذكاء خارق الغبن
    ولو تذكرون ما قلته عند عودته الظافرة لجهاز الأمن في مرته الأخير ، قلت بالحرف الواحد
    أن قوش عاد لينتقم من ثلاثة ( البشير، وبكري و نافع )
    وقد تمكن من ذلك في ظرف عامين فقط
    وفي بوست ( أنقروني قبل أن أنقركم ، ماذا كان يعمل صلاح قوش بعد شيله من الجهاز ) قلت :
    Quote:
    نجي لي قوش
    سيد بيه قوش عشان مايكون معانا في البورد ده ولا حاجة ..
    الراجل ده يشهد له انه يفرق تماما بين العمل والعلاقات ..
    و ما بفرق في الشغل والتعذيب بين اخوه وصاحبه والشيوعيين وزملاؤه في الحزب
    وأكثر ما ظهرت فيهو الملكات دي أيام المفاصلة بين القصر والمنشية
    جهاز الأمن وكل الأجهزة الرسمية اتقلبت 180 درجة
    وأي واحد كان فيهو شك في علاقته بالترابي اتفصل واتعذب زي الترتيب
    نجاح قوش الهائل في تنظيف الجهاز وانقلابه التام على زملائه بدون شفقة اهلته تماما ليقود أي مرحلة مفصلية في المستقبل
    ومع المفاصلة الجديدة المرتقبة داخل الحزب الرافض لترشيح البشير لم يجد البشير بد من إعادة الرجل
    بعد أن قدم نفسه في أيام الزنقة الأخيرة كصاحب أقوى امبراطورية للنفط والدولار ومراكز القرار الداخلي والخارجي
    المفاصلة التي يتوقع أن يكون لقوش دور كبير فيها في الحقيقة هي مفاصلتان :
    - مفاصلة داخل الحزب بين انصار البشير وأنصار نافع
    - مفاصلة على مستوى الدولة بين العسكريين ( بكري وعبد الرحيم والركابي)
    وبين المدنيين ( طه وحسبو والمتعافي واسامة عبد الله)
    والحكم الفيصل مابين هؤلاء هو الامبراطور قوش.

    وكذلك وصفت طريقة عودته بقولي :
    Quote: اها نجي لرئيسنا ..
    تلاتين سنة مدور فينا بثلاثة انفار يوديهم ويجيبهم
    والمواطن منتظر الثورة ..
    ياتو ثورة دي؟ بالنص ولا اخت الثور
    اها .. قوش ده قال الشعبيين وناس الحركة الشعبية شنو كدة ما متذكر
    وود ابراهيم صاحبه وشريكه كان قيادي هناك
    والفريق طه جا بعد موافقته كتابيا .. ومشى بعد مشيهو
    والثلاثة الذين ابعدو يملكوا الان ثلاثة ارباع ثروة السودان
    ومعهم من الرجال اسراب في الجهاز كانت تشتري وتخزن تحت امرهم
    ولما حصلت الزنقة بوش قال للبشير بنزلك الدولار في يومين ..
    ادى تعليماتو لناسه ويومين الدولار نزل ..
    يومين تاني والشعب اتفاجأ برئيس قديم جديد للجهاز

    كل هذا لا يقف دون رغبتي الأكيدة في أن أكون ضد عودة قوش لأي منصب سياسي مادمت حيا ..
    ولا يعكس موقفي في رفض أي عسكري يتولى سلطة سياسية في البلاد بعد اليوم
    وأن حمدوك بسوء ادارته وضعفه و عدم فلاحه أفضل ألف مرة من صلاح قوش ..
    ولكن ..
    لنبدأ البوست من أوله ..
    وبداية الأحداث الجديدة بزيارة قوش البلاد سرا خلال الأسابيع المنصرمة ..
    وبزوغ نجمه في سماء السياسة بعد التقائه بثلاثة رؤساء دول قبل عودته للخرطوم
    وذيوع الاخبار والاشاعات بقرب عودته بديلا لحمدوك .
    ثم جاءت الصحفية المخضرمة لينا يعقوب بهذا المقال الذي هز أوساط القحاته ..

    وأعقبته بالتغريدة

    ثم حديث صريح بأن قيادات قحت كانت (مصادر قوش) وسط المعارضة عندما كان قائدا للجهاز ..
    ثم حديثها توضيحها في ها الفيديو ..

    ونواصل ..
                  

04-08-2020, 11:35 AM

Abdullah Idrees
<aAbdullah Idrees
تاريخ التسجيل: 12-05-2010
مجموع المشاركات: 3692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: وأثبت له حقيقة أنه شديد الذكاء


    Quote: الصحفية المخضرمة لينا يعقوب

    ديل بالغت فيهم غايتو ..
    عمر التاج
    قوش راكب مع البشير ونافع وبكري في سرج واحد فقصة جايي ينتقم منهم دي
    زي "خضرمة" لينا يعقوب
    ينتقم من اكبر روسين بالسهولة دي، وعشان يسلم رقبتو للمعارضة بي حبلها ؟
                  

04-08-2020, 11:46 AM

Asim Ali
<aAsim Ali
تاريخ التسجيل: 01-25-2017
مجموع المشاركات: 13492

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Abdullah Idrees)

    نسيتو التسجيل بتاع قوش فى اجتماع المؤتمر الوطنى الاخير لما قال ليهم ماتتكلمو تانى الا بعد الناس تلبي كاكى ......
                  

04-08-2020, 01:58 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Asim Ali)


    هناك فرق بين التوثيق والتحليل

    https://youtu.be/Ov2ZPRWEpPwhttps://youtu.be/Ov2ZPRWEpPw
                  

04-08-2020, 01:58 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Asim Ali)
                  

04-08-2020, 02:08 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Asim Ali)
                  

04-08-2020, 02:10 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Asim Ali)

    حبابك بت المشرف ..
    ومع البوست القديم الذي أوردته فوق
    أرجو الإشارة لبوست لي قبل عام يحمل نفس المعنى
    فتحته فيه يوم 5 أبريل بالضبط - أي قبل الاعتصام بساعات - وكتبت فيه
    Quote:
    يوم السبت في السادس من أبريل 1985م
    تم النصر لثورة الشعب السوداني على أحد طغاة العسكر،
    وفرق الله فيه بين حق الشعب وباطل السلطة وأمنها ومفسديها.
    وغدا السبت بإذن وبعد ٣٧ عاما يعيد التاريخ نفسه ليوم سبت آخر
    يفرق الله فيه بين حق الثوار في الثورة وحق الشعب في الحياة الكريمة
    وبين باطل المؤتمر الوطني والنظام القمئ ممثلا في البشير ودولة المنتفعين
    معركة اللحظة الأولى ستكون مع كتائب على عثمان ونافع، وباقي المعركة ستستمر
    مع احمد هارون والذي جاء به البشير ليخمد الثورة على طريقه امسح أمسح
    وجهز جيشه أمس بعد لقاء قطاع المرأة، وقبلها الشباب والطلاب
    ولكن يبقى التفوق العددي في مليونية ٦ ابريل هي الفاصل الحقيقي بين الحق والباطل
    لا أقول لكم جهزوا مليون ثائر، ولكن انزلوا بربع المليون فقط للشوارع
    فرسانا احرارا وكنداكات باسلات يهتفون في الشوارع الرئيسية يومين أو ثلاثة
    وتسلموا بعدها عاصمة البلاد خالية من المرتزقة والرباطة والمفسدين

    ومع بداية الدخول للقيادة تأكد لي أن قوش قد أوفى بما وعد به ..
    إذ كان قد وصلني منه وعد للثوار بأنه سيمكنهم من مفاتيح شارع القيادة إذا جاؤوا بأعداد كبيرة
    وفي تلك اللحظة كتبت ما يلي :
    Quote:
    اللحظة الان ماثلة أمام اعتصام دائم
    اعداد المتظاهرين في شارع القيادة وماحولها كافية لخلق القوة التي لا تقهر
    إذا ضاقت بالناس شوارع القيادة وازقتها فالقصر قريب ويمكن ان تنبثق لاحقا
    جماعات تعتصم هناك.
    أهم شى الان الصمود، وعدم التراجع اجبارا أو اختيارا

    السادس من أبريل يوم فرقان عظيمالسادس من أبريل يوم فرقان عظيم
    تلك اللحظة كانت النهاية لعلاقة البشير وقوش ..
    وفي تلك الأيام كان شباب الحركة الإسلامية في اجتماع عاصف في العيلفون
    وحين حضر اليهم أحمد هارون وصفهم بالجبن ، وقال لهم أن اجتماعهم هذا يجب أن يكون أمام بوابة القيادة مثلهم مثل شباب الثورة
    الى أن قال قائلهم ( اذهب أنت وبشيرك فقاتلا إنا ها هنا مجتمعون )
    وقال آخر ( البشير وقوش لا يمثلان الحركة الإسلامية ولا المؤتمر الوطني ، وعلى كل كيان أن يأكل ناره )
    عندها تباينت المواقف ، وعرف الجميع أن قوش باع البشير بعد أن باع الحركة الإسلامية
    ولكن هل كان الجنرال قوش يعني بسقوط البشير قيام أولاده في مقام السلطة ؟
    هذا ما سوف نشرحه في هذا البوست ..

    (عدل بواسطة عمر التاج on 04-08-2020, 02:13 PM)

                  

04-08-2020, 02:37 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 12692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    بت مشرف ده الفيديو حقك

                  

04-08-2020, 02:51 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Arif Nashed)

    شكراً يا عارف

    وهذا يحي الحسين

    https://youtu.be/HzOSMeScFF0https://youtu.be/HzOSMeScFF0
                  

04-08-2020, 02:58 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 12692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)

                  

04-08-2020, 03:12 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Arif Nashed)



    اللت والعجن في اللاموضوع
    نفرض قوش فتح مسار للثوار للوصول إلى القيادة في يوم 6 ابريل
    ماذا سنستخلص من ذلك؟
    هل ذلك سيجعل من قوش ثورياً او سيغسل له تأريخه المخزي في الإنقاذ؟
    أم أن ذلك توثيق فقط للوقت الذي إنهزمت فيه الإنقاذ أمام الثوار؟

    قوش هزمته الثورة وأسقطت نظامه الذي خدمه بأقذر الطرق والوسائل لمدة 30 عام
    ولا فرق بين قوش والبشير وعلي عثمان في موقفهم أمام الثورة.
    ________________

    يجي بعد شوية واحد تاني يقول لينا البشير ذاتو ساهم في الثورة
    لأنو لما مشوا العساكر يعتقلوه، أخوه عبدالله قال ليهم "الدوشكا حتدور" والبشير قال ليه "أسكت يا عبدالله"
    أسكت يا عبد الله دي مساهمة ول ما مساهمة؟


                  

04-08-2020, 03:16 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    طبعا ما قام بالثورة ده توثيق ,😂😂

    نمشي للبرهان وبرضو نوثق
                  

04-08-2020, 03:17 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    الحكمة يا حافظ ان أي ثورة
    إذا ما حققت للأمة مرادها
    يمكن أن يسقطها بنوها
                  

04-08-2020, 03:22 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)



    Quote: نمشي للبرهان وبرضو نوثق


    البرهان وحميدتي وكل الكورجة العسكرية
    ما مختلفين عن قوش في عدائهم للثورة والثوار
    الفرق في أن الثورة عجزت عن هزيمتهم


                  

04-08-2020, 03:26 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)



    Quote: الحكمة يا حافظ ان أي ثورة
    إذا ما حققت للأمة مرادها
    يمكن أن يسقطها بنوها


    الحكمة جيدة يا عمر التاج
    ولكن ماهي علاقتها بمحتوى البوست؟

    قوش واحد من أبناء الإنقاذ
    ولم يكن له أي دور في إسقاط الإنقاذ مهما تعددت الروايات
    قوش هزمته الثورة مثلما هزمت نظامه
    ولم يكن له أي دور في الثورة أكثر من دور المهزوم.



                  

04-08-2020, 03:23 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)



    من هم البعثين المشاركون في حركة رمضان
    https://youtu.be/7QmtkJkRy-Yhttps://youtu.be/7QmtkJkRy-Y
                  

04-08-2020, 03:29 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)

    فعلاً يا مولانا دكتور حافظ
    كلهم أعداء للثورة ، في افادة الاستاذ يحي الحسين
    يقول انهم اتصلوا بعسكريين ووعدوهم ( يختطفوا الثورة ده
    تفسيري ) . نأمل في معرفة بمن اتصلوا حتي لا يكون الأمر
    تخميناً.

    مجزرة القيادة لم تأتي من فراغ
                  

04-08-2020, 03:35 PM

اخلاص عبدالرحمن المشرف
<aاخلاص عبدالرحمن المشرف
تاريخ التسجيل: 03-04-2014
مجموع المشاركات: 10314

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)

    هذا هو يوم الثورة الفاصل
    يوم عرف العسكر تصميم الشعب
    يوم ردالشعب علي المجزرة
    يوم سيتكرر كلما حاول ذكي أو متذاكي
    اختطاف الثورة

    30 يونيو.
    https://youtu.be/v8GTzYoCQaghttps://youtu.be/v8GTzYoCQag

    (عدل بواسطة اخلاص عبدالرحمن المشرف on 04-08-2020, 03:37 PM)

                  

04-08-2020, 04:43 PM

Mutasim Idris
<aMutasim Idris
تاريخ التسجيل: 04-03-2019
مجموع المشاركات: 2435

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: اخلاص عبدالرحمن المشرف)

    ودالتاج ازيك..
    غايتو الا يرجعوه مكان ما جاء بالدرب الطلع بيه..
    لكن لا غسيل الا تلميع مااا بنفع.
                  

04-08-2020, 04:55 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Mutasim Idris)

    Quote: إذ كان قد وصلني منه وعد للثوار بأنه سيمكنهم من مفاتيح شارع القيادة إذا جاؤوا بأعداد كبيرة
    يخسي عليك يا ود التاج! ما كان تكلّم الثوار وقتها عشان يطمنوا و يطلعوا بأعداد أكبر طالما "وصلك" من قوش!!

    __________________

    واحد ممسوخ كتب تعليق على الموضوع
    Quote: حاجة سغيرونة كدا
    الناس الخشت القيادة من جهة مكاتب الأمن..
    حسب كلامكم انه الكلام دا كان الساعه ١ ونص..
    طيب..
    الناس كانت اصلا خشت القيادة قبل كدا باكتر من نص ساعه او قول أربعين دقيقة...
    الموكب الكان من بري كان في بوابة المطار الشمالية بالضبط الساعه ١٢ و ١٠ دقائق...
    لما وصل قدام بوابة القيادة او بالاصح البرية كانت الساعه قبل واحدة تقريبا ب ١٠ دقائق..
    والناس الكانت ماشة في شارع الجمهورية بركنت عرباتها وبدت تنزل وتخش مع الناس..
    لما وصلنا قدام بوابة القيادة العامة كنا بنشوف البمبان بصورة كبيرة جدا بتضرب اتجاه الناس الجاية من شروني ومستشفى الأسنان والشوارع الجانبية الجاية من ألمك نمر....
    بدت الناس تتحرك عشان تدعمهم من الخلف.. ولما الناس بقت كتيرة شديد انسحبت تاتشرات الجهاز ...
    قلتو لي قوش فتحها..
    بالضبط في اللحظة ديك قوش كان فاتح أربعة أصابع...
    وشكرا
                  

04-08-2020, 05:12 PM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    اجتماع الصادق ومحمد وداعة مع قوش تم يوم ٨ ابريل
    ودخول القيادة العامة ٦ ابريل

    وحتى الاجتماع كان فيهو تهديد
    افضل من عبر عن موقف قوش الصحفية درة قمبو
    قالت قوش كان يريد تسويق نفسه كبديل ثم فى مرحلة أخرى أراد أن يحظى بشاهد ملك

    الحديث عن دور لقوش حديث بائس يروج له من يعمل بطرف خفى مع الكيزان

                  

04-08-2020, 05:20 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    صلاح قوش ومعلومات جديدة عن إجتماع ما قبل فض الاعتصام
    Last updated أكتوبر 3, 2019
    9
    مشاركة


    حوار: عبد الوهاب همت
    كشف رئيس حزب البعث السوداني يحيى الحسين معلومات جديدة عن لقاء مدير جهاز الأمن السابق صلاح قوش مع رئيس حزب الأمة القومي الصادق المهدى والقيادي في حزب البعث السوداني محمد وداعة، منوها إلى أن اللقاء تم تغييره من منزل محمد وداعة لمنزل عبد الرحمن الصادق المهدي في آخر لحظة.
    ولفت الحسين إلى أن احمد هارون حضر اللقاء وتحدث بغرور وتعالٍ، مشيرا إلى أن محمد وداعة طلب منه ان يتحدث باحترام.
    هناك كلام كثير جداً عن الاجتماع الذي دار بينكم وبين صلاح قوش فمن اين جاءت الدعوة للاجتماع؟
    – طيب.. بحكم إنه الأستاذ محمد وداعة هو معانا في المكتب السياسي وهو من نفس منطقة صلاح قوش.. في الفترة التي أبعد صلاح قوش من الحكومة وقُبض عليه كان هو واحد من الأسرة أو المجموعة بتاعة أهلهم الكانت بتتابع الموضوع ده.. أو مكلفين بإنهم يتابعوه.. طبعاً هو في النهاية صلاح قوش جاء وبقى نائب دائرتهم في الحلة هناك… ففي علاقة يعني أصلاً..
    * تقصد علاقة أسرية واجتماعية؟
    – علاقة أهلية بين محمد وداعة وبين صلاح قوش.. وصلاح قوش كان كثير الاتصال به في الفترة التي أُبعد فيها من الجهاز… وبعد ما أُعيد طبعاً للجهاز استمرت العلاقة.. يعني هو حتى لما طلبوا منه إنه يعيدوا تعيينه شاور عدد من الناس من بينهم محمد وداعة.. يبدو لي إنه ما نصحه بإنه يرجع…. المهم هو يوم 10 أبريل اليوم السابق ليوم التغيير ده.. اتصل بي محمد وداعة حوالي الساعة 5:30 صباحاً وقال لي إنه دايرني في موضوع مهم جداً ما بتقال بالتلفون وكدة.. وهو متحرك ماشي على مكتبه.. واتحركت عليهو في مكتبه في مطبعة الأشقاء في بحري.. فقال لي جاني صلاح قوش وقال لي ياخي أنا محتاج أقابل الصادق المهدي وعمر الدقير ويحيى الحسين من نداء السودان وصديق يوسف من قوى الإجماع.. أنا اتصلت بصديق لكن ما ردّ علي.. وصلاح قال لمحمد وداعة أنا دايرك تكون شاهد لأنه داير أجتمع بيهم في بيتك. و على كل حال الموضوع وما فيه إنه أنحن بنفتكر إنه حالة الاحتقان دي يجب أن تنتهي.. و الحالة بتاعة الاعتصام لازم تنتهي بشكل سلمي لأنه هناك إرهاصات بتاعة أنه المسألة دي تُفض يعني.. وأنا شخصياً ما داير المسألة دي تفض بشكل عنيف.. بالإضافة إنه في نفس اليوم ده.. الليلة السابقة ليوم 10 ده أو ليلة يوم 10 دخلت الخرطوم ما لا يقل عن 1300 تاتشر تابعة للدعم السريع واتمركزت في مناطق استراتيجية من ضمنها القصر الجمهوري.
    ماذا حدث بعد ذلك؟
    محمد وداعة قال لي الراجل ده أداني ليها مكتوبة.. وقال نحن نعمل مجلس عسكري وحكومة قومية.. ونبقي على دستور 2005 على أساس نوفر الحريات العامة ومسألة الحقوق يعني بالتحديد وقال ليهو الرئيس.. قال ليهو الرئيس ده يكون بدون سلطة.. لكن يكون قاعد البشير ذاته.
    – يقعد.. لكن بدون سلطة.. المهم محمد وداعة قال لقوش دي ذاتها خلينا النقعد نناقشها.. مع الناس ديل وخليها تكون بعض من الأجندة نشوف الناس ديل..
    * والناس ديل من ضمنهم الصادق المهدي؟
    – الصادق المهدي وعمر الدقير ويحيى الحسين من نداء السودان وصديق يوسف من الإجماع… ده النقاش الدار بينه وبين محمد وداعة.. ومحمد نقله لي أنا.. قلت لي محمد وداعة أنا عملت رسالة للصادق المهدي.. فقاموا ردّوا لي قالوا الصادق بينتظركم الساعة 11:00.. الكلام ده كان بالضبط زي الساعة 8:00 صباحاً..
    * ده عشان تمشوا الاجتماع ده ولا عشان تناقشوا الكلام ده وتقرروا إنه ماشين ولا ما ماشين؟
    – عشان نقرر ماشين ولاّ ما ماشين.. أنا في تقديري إننا نقابله نشوفه بيقول شنو؟ ونناقش المسألة ونسأل من الحركة العسكرية الماشة دي.. ماشة بتعمل شنو؟ ونشوف نعمل محاولة للحيلولة دون فض الاعتصام بالقوة.. فمشينا وأنا قلت لي محمد وداعة أحسن الكلام ده الصادق المهدي يسمعوا منك بأذانه.. ما أقول ليهو نقلاً.. نقلاً.. سُقت محمد وداعة ومشيت..
    * مشيتوا للصادق؟
    – مشينا بعربية محمد وداعة.. وأنا ذاتي خليت عربيتي..
    * في نفس اليوم؟
    – في نفس اليوم أيوة.. مشينا ليهو.. فقلت للصادق قبل محمد وداعة ما يكلمك أنا داير أقول ليك حاجتين.. نحن عندنا معلومة إنه الناس ديل دايرين يفضوا الاعتصام.. قال لي المعلومة دي عندنا.
    * الصادق قال ليك عارف ان الاعتصام سوف يتم فضه؟
    – عارف إنه الناس ديل دايرين يفضوا الاعتصام..
    – قلت ليهو دخلت قوات بشكل كبير جداً.. جداً.. أمبارح بالليل لحدي اليوم الصباح.. قال لي المعلومة دي أيضاً عندنا.. قلت ليهو طيب إنت ما عندك علاقة بحميدتي ده؟ قال لي ما عندي علاقة بيهو غير إنه زارني في مناسبة اجتماعية.. جاء عزّاني في أخوي.. ولكن شلنا تلفونه.. هناك طلب الصادق من فيصل وبشرى لكن حميدتي ما ردّ ليهو.. ضرب تاني ما ردّ ليهو.. قال لي بشرى رسل ليهو رسالة قول ليهو الشيء الحصل في دارفور ده شغلته براها.. لكن لو الناس ديل جايبنك عشان تقوم بعمل في الخرطوم ده حيكون عمل خطر جداً جداً والأفضل إنك الناس ديل في ظروفهم دي ما تنساق وراهم..
    كيف سارت الامور بعدها؟
    المهم الرسالة مختصرة كدة رسلوها ليهو بالتلفون.. قلت الشيء الثاني محمد وداعة ده حيقولوا ليك.. محمد وداعة حكى ليهو قال لي جاني صلاح قوش قال كدة.. كدة.. كدة.. الصادق قال ونحن ضربنا للدقير وعد إنه يلاقينا هنا في بيت الصادق..
    * كنتوا محددين زمن تتقابلوا الساعة كدة في بيت الصادق؟
    – الصادق أدانا المواعيد 11:00..
    * وعمر عارف الحكاية دي؟
    – نعم عارف الحكاية. و إنه المواعيد 11:00.. والصادق قال هو مع مقابلة قوش.. لحاجة واحدة إنه نحن نقول ليهو ؟؟؟؟ أي حاجة متعلقة بالسياسة مفهومة نحن بننقلها لي حلفاءنا ونناقشها بشكل إن شاء الله إيجابي ونشوف نعمل فيها شنو؟ بشرط إنه ما يحصل عنف..و ما يحصل هجوم على الاعتصام..
    – على الاعتصام.. بس نخلي دي.. دي رسالتنا بس في الحدود دي.. اتفقنا على كدة قلنا لمحمد وداعة أضرب ليهو راجع قول ليهو موافقين.. وضرب ليهو نحن قاعدين الناس ديل قالوا عندهم اجتماع الساعة 7 بالليل بعد الساعة 7 – 9 – 10 – 11 بيجوك في البيت بتاع محمد وداعة.. البيت المتفق عليه يعني.. قال لا.. الموضوع ده اتغير.. الحكاية دي دايرنها هسة دي..
    * يعني خلال سويعات..
    – خلال سويعات.. ما أكتر من كدي.. لأنه لو ما في بيت محمد وداعة.. لو جيتونا يكون أفضل..
    * لو جيتونا دي وين في القيادة العامة؟
    – قال في مكتبي.. قلنا ليهو ما بنجيك.. أنا رديت على محمد قلت ليهو قول لي ما بنجيك..
    * والباقين أمّنوا على كلامك؟
    – أمّنوا على كلامي طوالي.. آي قلت ليهو ما بنجيك.. نجيك كيف؟ بقولوا الزول طالبنا يجينا.. قام ضرب لينا بعد ما أكتر من ثلاثة دقائق.. قال طيب نتلاقى في بيت عبد الرحمن الصادق المهدي.. عنده شقة في نمرة (2) نتلاقى فيها.. عاينت لي الصادق قال لي: خير مالوا.. قلنا كويس خلاص الساعة كم.. قال الساعة 2:00.. كان الوقت بالضبط الساعة فاتت 12:00 يعني..
    * باقي ليكم ساعة مش كدة؟
    – آي ساعة.. والواطة كلها تروس ومقفلة طبعاً البلد.. فاتحركنا مشيت محمد وصلني عربيتي هناك دوّرت عربيتي وطلعت وهو عنده شنطة في مكتبه شالها وجاء لاحقني.. قلت ليهو برجاك بالقرب من البنك الفرنسي السوداني في نمرة (2) وقفت عربيتي ولما نزلت عشان أركب مع محمد وداعة لقيته بهرج بيقول ليهو ده ما متفق عليهو الكلام ده..
    * بهرج مع صلاح؟
    – ايوة مع صلاح.. قال لي ما متفق عليهو الكلام ده.. قلت شنو؟ الكلام ده شنو؟ قال لي الزول ده قال جاي معاه زول.. أنا قلت لي نحن طلعنا من الراجل ده وده ما متفق عليهو.. انا قلت لمحمد أضرب للمهدي نشوفوا.. فضربنا ليهو.. قال كان جاء معاه زول خلّي كان جو معاه عشرة اليجو.. ما مشكلة..
    * لكن ما حدد ليكم الزول ده منو لسة؟
    – لا ما حدد لينا الزول.. طلعنا من الحتة دي الشقة كانت على مقربة.. وكلها أمتار ولقينا نفسنا قريبين يعني.. دخلنا وقعدنا زي 10 دقائق ولاّ ربع ساعة وصل الصادق المهدي وولده بشرى.. لما جاء الصادق قلت للصادق ياخي إنت ما بتعرف عبد الله صافي النور قال كيف ده زول حزب أمة قلت ليهو ما حزب أمة لكن يعني.. المهم هو أقرب لي حميدتي ده حقوا تضرب ليهو.. قال لي ولده أضرب لي عبد الله.. عبد الله صافي النور الفريق طيار.. ده واحد من الناس المجندين حميدتي على موسى هلال الشغل ده كله بتاع دارفور ده.. فقام ضرب لي عبد الله.. عبد الله ردّ ليهو قال ليهو ياخي أنحن رصدنا حركة كبيرة واسعة بتاعة دخول مركبات عسكرية وكدة في الخرطوم..ودي مسألة ما مطمئنة.. الزول ما يكون دايرين يستغلوهوا في شغل يعني ضد الاعتصام ده.. لأنه نحن المعلومات العندنا إنه الناس ديل دايرين يهاجموا الاعتصام…. عبد الله قال ليهو دي ما بتحصل من من حميدتي .. وعلى كل حال وعشان أطمنك أكثر.. أنا ماشي عليهو بخلّي يضرب ليك…. أنا أتذكر دخلت في غرفة في الشقة دي قعدت أصلي في الظهر..
    * في بيت عبد الرحمن؟
    – في بيت عبد الرحمن.. في اللحظة دي هم جو داخلين.. صلاح قوش وأحمد هارون.. أنا صليت لما طلعت برة لقيتهم قاعدين.. جاء صلاح قوش قعد في مكاني الأنا كنت قاعد فيها.. كنت قاعد جنب الصادق في كنبة صغيرة حتى موبايلي قاعد ونظارتي فشلتهم سلمت عليهو وشلتهم من قدامو جيت قعدت جنب أحمد هارون الذي قال لي الصادق المهدي أمبارح المؤتمر الصحفي بتاعك أنا شفته كله.. الفقرة (3) دي بتقصد بيها شنو ما واضحة.. وداير تقصد شنو بالتنحي يعني؟ فقال له الصادق الفقرة بتقول إنه النظام يتنحى وتتكون حكومة قومية ويمشي.. قال ليهو كدة ساكت تنحي كدة بس لوجه الله يعني كدة يعني عقد إذعان؟ عقد إذعان يعني؟ أنحن كدة بقينا هينين كدي بقينا هناي؟ قال الكلام ده وهو بيتكلم بلؤم شديد.. نحن هينين خلاص كدي انتهينا للدرجة اليعني هناي.. أنا قلت ليهو إنت بتقصد شنو يعني؟
    * لي أحمد هارون؟
    – لي أحمد هارون..
    قال لي يعني كدة لا حوار لا مفاوضات ولا.. قلت لي ياخي الحوار ده ما انتهى.. الحكومة دي نهت الحوار.. أي باب حوار اتفتح هي سدته.. الحكومة ذاتها يبدو إنت لأنك كنت بعيد من الملف ده زي ممكن ما متابعه.. قال لي أنا جوة الملف ده.. أنا ما بعيد من الملف أنا جوة الملف ده.. جوة.. جوة…. (قالها بتحدي) .. قلت لي طيب هسة الشعب قرر انه ما في حوار.. الشعب هسة في ثورته دي قال ما في حوار..
    * وقرر يدخل المواجهة..
    – قرر يدخل المواجهة.. قال لي الشعب ياتو؟ ديل؟… المسألة دي سويعات.. عمل بأصابعه الأربعة.. ما حتلقوا اعتصام.. وما حتلقى يا الإمام زول تصلي بيهو..
    * الكلام موجه للصادق؟
    – أيوة.. ما حتلقى زول تصلي بيهو لأنك ما حتلقى زول موجود.. محمد وداعة هنا دخل في الكلام.. قال لي ياخي أسلوبك ده أسلوب ما محترم.. إنت بتتكلم بي طريقة ما محترمة.. مع رجل يعني يكبرك سناً وعلماً.. وكدة.. انت قايل نفسك شنو؟ يعني لدهشتي أنا ما انفعل يعني للكلام بتاع محمد وداعة ده.. همد كدة.. قال لي ألما محترم شنو يعني أنا بتكلم في كلام في وقائع يعني شيء طبيعي الناس إذا جايين يقولوا لي بعضهم إنت كتر خيرك أمش وبتاع بيجوا يقعدوا مع بعض وبتاع وهناي.. قال لي يقعدوا مع بعضهم شنو؟ ما الناس قعدت برة وجوة كدة يعني.. المهم حصل زي احتكاك وكلام عنيف جداً..
    * من جانب محمد بس..
    – من جانب محمد… هنا دخل صلاح قوش.. الوقت ده كله صلاح قوش ما قال ولا كلمة.. هنا دخل صلاح قوش بدأ يتكلم.. تقديراتنا نحن في النهاية عرفناها صحيحة.. إنه صلاح قوش الكلام الجاء اتقال ده في الاجتماع ما هو ده الكلام المفروض كان جاي يقولوا…. هو كان جاي يقول كلام منتهي لكن قصة جية أحمد هارون دي فرضت عليهو..
    * الفرضها عليهو منو؟
    البشير .. هو ضرب للرئيس في آخر لحظة خاف إنه يمشي وحكايته تتكشف إنه لاقى ناس المعارضة .. قام ضرب للبشير وقال ليهو ناس المعارضة قالوا دايرني.
    * كذّب يعني؟
    – كذّب.. قال ناس المعارضة دايرني…. أنا طبعاً ما سمعتها منه مباشرة.. سمعتها عبر محمد وداعة الذي ابلغني ان البشير طلب من قوش ان يصطحب معه عوض ابنعوف فقال ليهو أبنعوف عنده تنوير في الجيش.. قال لي سوق معاك.. أحمد هارون.. هنا بتوريك إنه البشير في الظرف ده بقى لا يثق إلا في ناس الجنائية.. بس الناس المطلوبين معاه في الجنائية.. تاني ما بيثق لا في صلاح.. ولا غيرو.. فقال ليهو تسوق معاك أحمد هارون.. ضرب لي أحمد هارون.. أحمد هارون جاء.. أحمد هارون الوقت داك هو رئيس المؤتمر الوطني وأهم زول فيهم كلهم وكدة.. صلاح بعد داك اتكلم وقال يا جماعة القصة دي أنحن بنفتكر إنه الحالة بتاع الاعتصام دي وصلت درجة يعني ممكن تؤدي لانفجار.. والانفجار ده والله لا نحن ولا إنتو بنقدر نعرف العواقب بتاعته.. الصادق قال ليهو ياخي العواقب بتاعته مفروض إنتو تكونوا بتعرفوها.. لأنه الناس دى تخلوها.. الاعتصامات دي في الدنيا كلها قعدت بالشهور يعني ما فيها عنف.. قال ليهو لا.. أنا بالنسبة لقواتي أنا أقولها ليكم ما قاعدين نصرف ليهم ذخيرة ذاتو.. ذخائر ما قاعدين نصرفها ليهم عشان ما تحصل مواجهة و موت.. لكن الموت بيحصل.. الموت بيحصل.. وحيحصل.. يعني كان ديل ما قتلوا في ناس بقتلوا..
    * معناها هو عارف في ناس بقتلوا؟
    – أي نعم.. أيوة.. إذا ديل ما قتلوا في ناس بقتلوا.. نحن دايرين نوقف الشغل ده بعمل سياسي..
    * الكلام لي صلاح لحدّي هسة؟
    – الكلام لي صلاح.. دايرين نوقف الشغل ده بعمل سياسي نحن نقول إنه يتكون مجلس عسكري يسيطر على الوضع مؤقتاً… تتكون حكومة والرئيس ده يكون بدون سلطات.. ويقعد.. بعد داك الحكومة هي تقرر تعمل انتخابات مبكرة…. تنتظر 2020 .. المهم..
    * قوش ما جاء بخطة واضحة يعني؟
    – لا ما جاء بخذة واضحة.. دي كلها مقترحات.. يعني نحن نفتكر إنه كان عنده خطة لكن أجهضها ليهو حضور أحمد هارون.. يعني ما قلب الموضوع.. قال جاي بناءً على طلب مننا نحن وده ما حصل طبعاً..
    * والكلام بتاع إنه أنا جاي لكن معاي لغم دة شنو؟
    – نعم؟
    * في كلام إنه أرسل رسالة مفادها ان معه لغم، ما صحة ذلك؟
    – أيوة.. هو كلمة لغم دي قالها لمحمد وداعة… يعني أفهموها كدة.. يعني إنه المسألة ما هناي.. نحن المعلومات العندنا إنه في نفس اليوم داك كان في احتمال يشيلوه..
    * يشيلوا صلاح؟
    – يشيلوا صلاح.. برضها من الحاجات الكانت مسربة يعني.. إنه.. وهو ذاته قال كلام زي ده..
    * قال ليكم في الاجتماع ولا قبلها؟ ولا قال لمحمد وداعة؟
    – لا.. يعني قبلها بي شوية زي قال إنه هو.. يمكن في نفس اليوم ده احتمال ما بتذكر لكن.. احتمال في نفس اليوم ده يعني.. رمى كلام كدة بتاع إنه هو بقى مقنطر يعني.. المهم على كل حال هو قال كلامه ده.. وقلنا ليهو الكلام بتاع إنه أنحن الكلام السياسي ده عندنا حلفاء وعندنا ناس بنرجع ليهم وبننقل ليهم الصورة والناس يقرروا بشأنها بشرط إنه ما في زول يقرّب من الناس بتاعين الاعتصام ديل.. والموت ده يقيف وكلام زي ده..
    * وافق؟
    – وافق أيوة..
    * وأحمد هارون ساكت؟
    – أحمد هارون قال حاجة لكن صلاح قال أنا بلتزم ليكم.. أنا ملتزم بإنه ما حيحصل فض نهائي للاعتصام.. وإن شاء الله ما يحصل موت مم جهات تانية ولاّ كدة.. إلى أن تقرروا وتقولوا رأيكم في القصة دي.. ده تقريباً ملخص الشيء الدار يعني الحاجات الهناي..
    * طيب من المحاولات بتاعة فض الاعتصام يوم 7 و8 و9 ابريل و فيها شهداء.. تفتكر إنه المسألة دي وراها صلاح قوش؟ ولا وراها جهات تانية؟
    – لا أنا بفتكر في تقديري إنه وراها.. يعني هي اختبارات للمحاولة بتاعة فض والقوات الموجودة لجهة ما (كتائب ظل) غيرها..
    * لكن ما جهاز الأمن بتاع قوش؟
    – لا ما الجهاز.. الجهاز أدونا معلومات تانية من غير صلاح إنه هو أشركوه في واحدة من العمليات دي.. الضابط الأشركوه مشى ما نفذ الأوامر بقوته ومشى وقف في امتداد ناصر.. قواته ثبتها هناك أظنه سحبها ووداها شارع (61) ولا وين ما عارف..
    * يعني ما نفذ الأوامر بتاعة صلاح؟
    – ما نفذ.. الأوامر دي ما أظنها صادرة من صلاح.. مش من صلاح براهو أقصد هي صدرت من اللجنة الأمنية ويبدو لي المسألة صادرة لكن يبدو ليك بتكون في مناورات بين الفصائل المشتركة في… يعني كل زول ما داير يعني يتهم بانه هو من فض الاعتصام..
    و عملية الفض في الوقت داك كانت شبه مستحيلة لكبر العدد.. وحماس الناس.. الناس يعني قدر العدد ده ممكن يبقى أضعاف.. أضعاف..في حالة إنه تحصل أي عملية بتاعة فض.. حتى واحدة من الكلام القاله محمد وداعة لأحمد هارون قال لي أمش فضهم وقتلهم وأقتل معاهم الإمام ده ذاتو باكر حنجيب ليك قدرهم خمسة مرات.. حتعمل ليهم شنو؟ الوقت داك البلد كلها standby لانها الناس يموتوا يحصل ما يحصل..
    * مستعدين لأي حاجة.؟
    – أيوة.. والناس في حالة حركة.. ميدان الاعتصام ده ما عنده ليل ولا نهار.. باستمرار الناس داخلة ومارقة.. داخلة ومارقة.. لكن العدد القاعد هو عدد كبير يعني..عدد خرافي..
    * والاجتماع انتهى لي شنو واستمر لي كم من الزمن؟
    – الاجتماع قول من 2:10 كدة لغاية 4 وشوية كدة..
    * يعني الحاجة الوصلتوا ليها إنه أحمد هارون جاء بشكل عدواني؟
    – نعم.. لكن فجأة همد.. صلاح قوش قال إنه الاعتصام ما حينفض بالقوة.. باقي الناس كان رأيهم شنو؟ مثلاً الصادق محمد وداعة صديق يوسف؟
    – صديق يوسف ما كان موجود..
    * ما جاء؟
    – ما جاء ولا الدقير ما جاء.. كان الاجتماع أنا والصادق ومحمد وداعة.
    * ماذا كانت مخرجات الاجتماع؟
    – التزم احمد هارون وقوش بعدم فض الاعتصام بالقوة.. وما تحصل حالة بتاعة فض للاعتصام بالقوة.. ومن جانبنا نحن أنه ننقل المقترح بتاعهم بتاع التغيير للقوى السياسية.
    هل كان صلاح قوش وأحمد هارون يمثلون نفسهم ام يتكلمون باسم النظام وقتها؟
    – لا أبداً الشيء الاتضح لينا.. الشيء البيعمل فيه صلاح قوش أحمد هارون ما بيعرفه.. ولو عرفه كان قطع رأسه… هارون جاء عشان يتأكدوا إنه صلاح قوش ما جاي يتآمر ضدهم.. لكن هم في الوقت داك الثقة بيناتهم مفقودة..
    * يعني أحمد هارون داير يجي يشوف صلاح حيقول شنو؟
    – أيوة بيراقب صلاح..
    * تفتكر إنه القصة دي تمت بايعاز من الرئيس ولا بايعاز منشخص آخر؟
    – لا بتوجيه من الرئيس..
    مباشرة.. بتوجيه هو ضرب تلفون للرئيس قال ليهو الناس ديل طالبني وده ما صحيح..
    * قلب الآية..
    – قلب الآية..
    * قام قال ليهو سوق معاك أبنعوف.. قال ليهو أبنعوف عنده تنوير في الجيش.. قال لي سوق معاك..
    * أحمد هارون..
    – أحمد هارون.. يعني..
    * الصورة بقت واضحة..
    – يعني لو ما واحد من ديل ما يمشي.. هو براهو بالنسبة ليهو القصة دي ما موثوقة.
    * طيب شنو الكلام بتاع إنه صلاح قوش فتح جبهة عشان الثوار يقدروا يدخلوا بيها القيادة العامة حسب معلوماتك؟
    – والله ياخي ده كلام اتقال.. أنا بالمناسبة النفرين ديل ده أول وآخر اجتماع حضرته معاهم… صلاح قوش أصلوا ما قعدت معاهو غير تلك المرة.. او في تحقيق قديم زمان في التسعينيات.. أحمد هارون ما حصل في يوم من الأيام قعدت معاهو نهائي.. لكن الحاجات الرشحت من آخرين إنه المسألة بتاعة فتح المدخل بتاع القيادة.. من شارع الجامعة…. دي مسألة كانت مقصودة.
    * العملها منو يعني؟ عملها صلاح؟
    – عملها صلاح قوش..
    * والكلام ده مؤكد ولاّ كلام غير مؤكد؟
    * الكلام ده انا سمعتوه من ناس في السلطة.. أو ناس بيفتكروا صلاح قوش خانهم..
    * وديل ناس مسؤولين كانوا كبار في السلطة؟
    – يعني كان متواطئ مع الثوار.. وإن له تواصل مع عناصر كثيرة من الثوار .. وانه عمل على إنه يزج بيهم في داخل لجان المقاومة.. مسمنهم أولاد قوش.
    * ديل زي منو؟ وهل هناك أسماء معروفة من أولاد قوش كانوا هم مع قوش يعني عملاً وشكلاً كانوا معارضين؟
    – والله هو ذاتو بقول الكلام ده..
    * ما هو بقول باعتبار أنه يعني السلطة طشت من يده وداير يلعب دور تاني ويقدم روحه لحاجة تانية ومتوقعة من رجل أمن لأنه هو بعمل دسائس؟
    – أيوة طبعاً.. آآي.. هو ذاتو بيقول أنا ما قال لي.. ولا لاقيته لكن هو قالها لي ناس كثيرين وناس من الناس الحوله وناس يمكن تقول يعني الناس بالنسبة ليهم هو ولي نعمة.. و أعاد تعيينهم في الجهاز.. بيفتكروا إنه الشغل ده هو لعب فيهو دور كبير… وفي عناصر من العناصر دي كانت بتشتغل معاهو مباشرة يعني..
    * في عناصر من العناصر المعارضة ولاّ عناصر حقته هو؟
    – العناصر الشبابية..
    * اللي هي المعارضة؟
    – اللي كانت في لجان المقاومة..
    * لكن ما القيادة الحالية؟
    – يعني هو مخترق..
    * ما القيادة الحالية مثلاً بتاعة تجمع المهنيين ولاّ؟
    – لا.. لا.. فيهم يعني.. حتى الحالية يعني..
    * في ناس في الحالية دي في ناس بيشككوا فيهم.. ديل ناسوا يعني؟
    أيوة.. لكن زي ما قلت ده شغل يعني.. ناس الأمن ممكن يقولوا أي كلام.. المهم اليوم الناس الاتفقوا إنه يمشوا القيادة ده.. أنا كنت بالعربية بتمم على المداخل كلها..
    * اي المداخل؟
    – المداخل بتاعة القيادة.. أي حتة ممكن تدخلك القيادة..
    * يعني كنت داير تمشي تخش ولاّ ده واجب جهة مكلفاك؟
    – لا.. بس براي أنا بستطلع يعني.. إنه الناس حيخشوا كيف وبتاع.. والناس طبعاَ حاولت تخش بعدة حتات.. وصدّوهم.. في حواجز قوية..
    * ديل الناس المشوا يقدموا المذكرة ولاّ ديل الثوار براهم؟
    – ديل الثوار براهم.. الحواجز كانت كبيرة في..
    * ما كان في طريقة يدخلوا؟
    – ما كان في.. لكن الحتة اللي الناس دخلوا بيها دي.. يعني تحتمل حاجتين.. اللي هي المنطقة بتاعة شارع الجامعة وما حولها.. بتحتمل حاجتين.. بتحتمل إنه يعني أمنياً الناس ديل كانوا فاشلين في إنه يقفلوا كل المنافذ.. والشيء التاني بتحتمل إن هناك جهة ما حاولت تحدث ثغرة في الحائط الأمني ده للناس عشان يخشوا..
    * واللي هو كان في شنو؟ كان في باب مفتوح ولاّ ما في حرس كتير فيهو؟
    – مثلاً شوف شارع الجمهورية ده.. مثلاً من جهة بري دي مقفّل لي المعرض.. يعني منتهي مقفّل لي امتداد ناصر.. مقفّل لي البحر.. حواجز أمنية يعني ما بتديك فرقة…. منيعة.. نحن حتى لما جينا طلعنا بي فوق المطار.. دي كلها تمّمنا عليها لقيناها مقفولة.. كويس.. لما تجي هنا الشوارع الجاية من شروني من شارع المطار.. الشوارع دي كلها مقفّلة لحدّي ما تجي شارع البلدية لحدي ما تجي شارع الجمهورية..
    * شارع الجامعة؟
    – ما عدا الحتة بتاعة شارع الجامعة دي.. اللي نفسها ممكن إنت تخش بيهو جوة.. اللي هي دي الحتة المفتوحة يعني.. فهي قد تكون نتيجة لخلل أمني عندهم هم.. قد تكون نتيجة لإنه فعلاً الناس.. هم بيقولوا أصلاً إنه نحن قصدنا الناس تجي من هنا.. يعني الناس يجوا من هناك ويدخلوا من هنا.. وده الحصل يعني. إنه الناس دخلت بكمية.. يعني أنا كان معاي زول بنتكلم بالتلفون قال لي الحتة دي ما فيها أي مدخل.. وما في زول ذاتو حايم بي هنا.. الناس التجمعات الجات على القيادة لأنه معظم الناس كانوا بتكلموا عن القيادة بمدخلها الرئيسي..
    * بالباب الرئيسي..
    – أيوة.. قال لي كل الناس ديل فرّقوهم وانتهوا.. قلت ليهو ياخي إنت هسة بي تلفونك البتضرب لي بيهو هسة ده هم الناس ديل كانوا قدام باب القيادة.. أنا عندي بث مباشر..
    * مصوّره إنت براك؟
    – لا مصوّره زول مرسل لينا يعني.. الناس ديل قدّام باب القيادة من الناحية الشمالية.. قال لي أنا هسة جيت بهناك.. قلت ليهو أنا والله ذاتي لفّيت.. لكن دخلوا الناس.. يعني الحاجات الناقشناها نحن في بيت الإمام أنا قلت ليهو ياخي بيت محمد وداعة ده نحن ما بنضمن سلامتك إنت ذاتو ولا سلامة زول ولا هناي.. لأنه الحتة بعيدة..
    * بيته وين؟
    – في جبرة.. فياخي هناي.. قال لي لا.. طالما هم قالوا في بيت محمد وداعة نمشي.. فهم جو طبعاً غيروا رأيهم.. قالوا ما هناي.. أنا قلت ليهم بيت محمد وداعة ده فيهو مخاطر كتيرة.. فيه مخاطر بتاعة القفّيل بتاع الشوارع.. وبعدين ما في تأمين يعني.. عشان ما يجوا يقولوا بعد داك البعثيين ساقوك قتلوك أو..
    * أيوة.. ممكن يلصقوا فيك أي حاجة..
    – أيوة.. قال لي لا بنمشي.. كان في نفس اليوم المفروض..
    أنا بعتقد لما صلاح قوش جانا في الاجتماع ده كان already عمل ترتيبات التغيير مع الآخرين يعني.. مع أبنعوف.. مع حميدتي والآخرين.. يعني يمكن ترك لأبنعوف قصة الجيش وقدر يستميل حميدتي لإنه يقيف مع الانقلاب.
    * هو انقلاب يعني؟
    – نعم..انقلاب باعتبار إنه الكلام القاله الرئيس في اللجنة الأمنية زي ما هو قال.. قال يعني هو قال للناس الكلام القاله الرئيس ده كلام زول معتوه يعني.. ما زول طبيعي إنه الناس يضربوا الناس ويسووا كدة وكدة.. المعلومات العندنا في وقتها إنه أحمد هارون ذاته كان عنده قوات لفض الاعتصام.. وكان محضرة عربات كثيرة جداً جاية من الأبيض.. جايب عربات ليهم هم عشان يتحركوا بيها يعني وإسعافات على أساس إنه تشيل الناس اذا حصلت ليهم حاجة..و الناس الميتين و ينظفوا المنطقة يعني.. المنطقة دي يضربوها البموت يموت.. المهم الناس يلقطوهم سريع..
    * في كلام عن إنه أحمد هارون جاب 300 عربية هل المعلومة دي صحيحة أو سمعت بيها؟
    – المعلومة الصحيحة إنه استأجر دفارات عدد كبير.. دي معلومة مؤكدة.. يعني دفارات استأجروها ناس.. ناس المؤتمر الوطني.. هو طبعاً الوقت داك كان رئيس المؤتمر الوطني. في تقديري إنه الدفارات دي عشان يستغلوها في الشغل بتاع نظافة المنطقة يعني..
    * بعد ما يهجموا عليها وكدة يعني.. أنا أفتكر أنه الاستدعاء بتاع القوات بتاعة الدعم السريع يعني كان من صلاح قوش ما كان من الرئيس..
    * عشان تنحاز ليهو ولا عشان يتحكم فيها بطريقته؟
    – لا عشان تنحاز ليهو… والاستدعاء ده ما تم يعني قول مباشرة من صلاح.. هو زارع ناس في الدعم السريع.. ضباط.. عدد كبير يعني ما شوية
                  

04-08-2020, 05:23 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)

    المصدر
    صحيفة الراكوبة
    حوار عبد الوهاب همت
                  

04-08-2020, 05:47 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)

    طبعا دا موضوع واضح القصد منه
    تبخيس ثورة الشعب السوداني العظيمة
    وتخوين قوى الحرية والتغيير
    لا قوش ولا غيره ساعد الشعب العظيم دا
    في الدخول لمحيط القيادة.. كلام محمد وداعة
    عن لقاء تم يوم 10ابريل والثوار كانو في القيادة
    من يوم 6 أبريل.. وقوات قوش وهيئة العمليات
    حاولت تفض الإعتصام.. أكثر من مرة
    حتى المواكب الجات من بري او من وسط الخرطوم
    اتردمت بمبان بكثافة
    بس الحاجة الما قادرين يفهموها الامنجية ديل
    انو الشعب السوداني عقد العزم للاطاحة بالنطام
    يوم 6.. مجموعات الثوار الجات من الأقاليم
    قبل أيام.. التحضير لليوم العظيم دا
    شارك فيه كل الشعب السوداني

    بلا يخمكم
    ثورة ما تمت ليها سنة عاوزين تجيروها
    لي مدير جهاز أمن البشير
    ياخي اختشوا
                  

04-08-2020, 07:26 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 17162

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عبدالعظيم عثمان)
                  

04-08-2020, 07:34 PM

علاء سيداحمد
<aعلاء سيداحمد
تاريخ التسجيل: 03-28-2013
مجموع المشاركات: 17162

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: علاء سيداحمد)

    Quote: بلا يخمكم
    ثورة ما تمت ليها سنة عاوزين تجيروها
    لي مدير جهاز أمن البشير
    ياخي اختشوا


    الشئ دا يا عبدالعظيم اخوى تم التخطيط له وقد حذّر منه صحيفة السوداني الدولية منذ شهر تقريباً .
    والغريب فى الامر انّ من يقوم بتسويق الموضوع هى الصحفية والكوزة كاملة الدسم : لينا يعقوب !!!
    الكوز عمرو ما بيبقى بنى آدم .


    Quote:
    [QUOTEحسب صحيفة السوداني الدولية :
    حميدتى التقى ب صلاح قوش فى مبنى المخابرات العامة فى القاهرة
    صلاح قوش يشترط للخروج من المشهد السياسى السودانى :
    الغاء مطالبات الانتربول الدولى بالقبض عليه .
    حقه فى انه احد صناع ثورة التغيير
    الصحيفة تقول خلال الايام القادمة سيتم الترويج لصلاج قوش انه احد صناع ثورة التغيير .. اصحى يا ترس


    السودان الان #أهم شرطين وضعهما صلاح (قوش) أمام المسؤول الرفيع للخروج من المشهد السياسي
                  

04-09-2020, 01:04 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: علاء سيداحمد)

    الثورة يا علاء سيد أحمد اتضافرت جهود وعوامل كثيرة لنجاحها ، وخاصة في موسمها الأخير ..
    وعلينا ألا نبخس الناس عملهم .. وليس بالضرورة أن يكون كل هؤلاء الناس ممن تحب وترغب
    المجاهدين أبغض خلق الله اليك يا علاء ساهموا في سقوط البشير .. لأنهم ما كانوا راضين عنهم وعن بيعه لهم
    الحركة الإسلامية وأعلنت بوضوح أنها لا تؤيد استمرار البشير في السلطة ، وحلقات العربية كشفت ذلك صورة وصوت ..
    المؤتمر الشعبي قدم أكثر من شهيد ، ودخلت جماعات منه للسجون والمعتقلات وما خرجوا الا بسقوط النظام
    اللايفوبيات ، ذو النون واولاد الضي والتنين وعلي هباني الذين يقفون ضد قحت اليوم هم أكثر من حمس الشباب ودفعهم للخروج الى الشوارع
    صلاح قوش ، ورغبته في الانتقام وفكرته في إزاحة خصومه البشير ونافع وبكري كانت سببا كافيا لدخول الناس الى شارع القيادة ..
    شارع القيادة يا علاء في الأيام العادية يمكن قفله بتاتشرين ودفار شرطة وتاني ما بتدخله ذبابة ..
    قبيل يوم 6 أبريل أخذت قيادات قحت الضوء الأخضر من صلاح قوش لامكانية التجمع والاعتصام بشارع القيادة ..
    ورغم قوة الاعتصام وأنظار العالم تم فض الاعتصام في ساعات بواسطة قوة من الامن والجنجويد
    وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف أرادوا ذلك ..
    فعشان كده ما تبخسوا الناس أشياءهم وتحملوا حكومة فاشلة زي حكومتكم دي نياشين النجاح والثورة
    وكان عندكم فلاحة ونجاح أعلملوهو في معيشة المواطن وسعر الدولار
                  

04-09-2020, 02:37 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)



    Quote: وعلينا ألا نبخس الناس عملهم


    يا عمر التاج يا إبني دا حنك عاضي
    ولا يمكن تسويق قوش من هذا المدخل أبداً

    الثورة دي كان ممكن تقوم في تسعينيات القرن الماضي لولا قوش
    وحمياته للنظام الفاسد
    والثورة أصلاً قامت ضد قوش وطغمته الفاسدة
    فحكاية الترويج والتسويق بأنه ساعد الثورة دي قوة عين مبالغ فيها.

    أنا غايتو بقول إنو هو كان مدير لجهاز الأمن أفضل من نافع
    حاولوا الترويج له من هذا المدخل، ودي نصيحة مني ليكم


                  

04-09-2020, 03:07 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    الجنرال قوش ما كان له أن يتجرأ ويفتح شارع القيادة للثوار إلا بعد أن جلس صباح يوم 5 أبريل مع حميدتي وأكد له أن موضوع الثورة والمظاهرات شأن أمني وعليه ألا يتدخل فيه من جديد،
    وقبل أن يجلس مع البشير ويقدم تقريره الأخير عن الموقف مساء ذات اليوم كان قوش يجلس مع وزير الداخلية ليقنعه بأن مهمة مواجهة الثوار في شارع القيادة هي مسؤولية الجهاز لما تتصف به المنطقة من خصوصية عسكرية،
    وأن على الشرطة أن تمارس دورها كالمعتاد في مكافحة الشعب في الشوارع البعيدة وحفظ أمن المواطن في السوق العربي وبقية الشوارع والأحياء البعيدة حينما يتفرق اليها الثوار،
    الرئيس البشير اجتمع باللجنة الأمنية فجر يوم 6 ابريل واستمع لتقرير مفصل من كل جهة ثم انفرد بصلاح قوش وفي حضور أحمد هارون، ليستمع لكامل الترتيبات .
    صلاح قوش حاول أن يقلل من تواجد الثوار بجوار القيادة العامة وقال لصاحبيه أن جهاز الأمن والجيش يرفضان أي تجمع وسيتعاملان معه بالقوة المفرطة ان استدعى الأمر ،
    وأن على البشير أن يطمئن ولا يأمر بتحرك أي وحدات عسكرية أو شرطية في اتجاه القيادة العامة لأنه سيكون هناك بكامل قواته ،
    البشير لم يكن ليطمئن لهذا القول لذا أرسل أحمد هارون ليتأكد من الموقف، صلاح قوش كان متحسبا لموقف كهذا ومجهز ثلاثة كتائب من الامن والعمليات
    على أهبة الاستعداد في المبنى الرئيسي للجهاز القريبة من القيادة ، وما أن خرج الرجلان حتى أعطى قوش التعليمات لخروج الكتيبة الأولى محملة بالخراطيش والعصي في زي الشرطة
    لتتطوف بشارع القيادة ، وهم في طريقهم لمبنى الجهاز شاهدوا الكتيبة الثانية محملة بالأسلحة الخفيفة تحتل كامل الشارع المؤدي للقيادة في اتجاه مبنى الجهاز ،
    وعندما دخلوا كانت الكتيبة الثالثة تنتظم داخل المساحة الخضراء داخل المبنى محملة بالأسلحة الثقيلة ، وبعد اجتماع مع قادة الوحدات استمر ساعتين تقريبا خرج الرجلان يجوبان شوارع العاصمة
    للتأكيد على ارتكاز عربات الشرطة وقواتها عند المداخل ، و حوالي الساعة 9 صباحا عاد أحمد هارون ليطمئن البشير على الموقف وأن اليوم سيعدي على خير، ثم كانت المفاجأة ..
                  

04-09-2020, 03:16 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف أرادوا ذلك ..
                  

04-09-2020, 03:37 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    كتب عمر التاج
    .....
    Quote: : وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف أرادوا ذلك

    أين تضع عقلك حينما تكتب ؟ لماذا تصر علي مواصلة حرق نفسك بهذه الصورة المهينة
    والمؤسفة؟
    لماذا تصر علي الكذب الصريح وتلفيق الحقائق؟

    أضخم مظاهرات في السودان.في إعتقادي كانت بعد فض الإعتصام وإحتجاجا عليه وتحديا للسلطة... وأعني مظاهرات 30 يونيو 2019.. التي عمت السودان
                  

04-09-2020, 04:25 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)

    Quote: لماذا تصر علي الكذب الصريح وتلفيق الحقائق؟

    أنت الذي تزييف الحقائق وتبيع الوهم يا كمال ..
    أنا تحدثت عن الأيام التي تلت فض الاعتصام وتلك أيام عشتها بنفسي
    كنت أتجول في شوارع الخرطوم وهي خاوية على عروشها وليس فيها غير تاتشرات الدعم السريع تؤنب وتضرب المارة من غير سبب
    شارع القيادة والنيل وصل الامر فيه منع الناس من مجرد الاقتراب او العبور به ، تم هذا بعد فض الاعتصام لفترة تجاوزت ثلاثة اسابيع
    ولم ينقشع هذا الوضع الا بعد تدخل الوسطاء والضغط على اللجنة الأمنية لضرورة التفاهم مع تجمع المهنيين ، ومن ثم خروج الكباشي للحوار والتفاهم
    ..
    ..
    نكمل
                  

04-09-2020, 04:38 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    كتب عمر التاج

    Quote: :أنت الذي تزييف الحقائق وتبيع الوهم يا كمال ..أنا تحدثت عن الأيام التي تلت فض الاعتصام وتلك أيام عشتها بنفسي كنت أتجول في شوارع الخرطوم وهي خاوية على عروشها وليس فيها غير تاتشرات الدعم السريع تؤنب وتضرب المارة من غير سببشارع القيادة والنيل وصل الامر فيه منع الناس من مجرد الاقتراب او العبور به ، تم هذا بعد فض الاعتصام لفترة تجاوزت ثلاثة اسابيعولم ينقشع هذا الوضع الا بعد تدخل الوسطاء والضغط على اللجنة الأمنية لضرورة التفاهم مع تجمع المهنيين ، ومن ثم خروج الكباشي للحوار والتفاهم

    وين كذبي ؟ أ نا لم " أتبلي' أو أتجني عليك أنا أحاكمك وأحكم عليك بمنطوق ونص كلامك
    إنت قلت حرفيا .
    .
    Quote: : وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف أرادوا ذلك
    وين التلاتة أيام التالية للإعتصام والثلاثة أسابيع في إفادتك دي؟إنت تفبرك وتزييف وتطلق الكذبة بكل خفة وبلا أدني قدر من التريث ثم وبعد الزنقة تبحث عن مخرج وعن "تأصيل' لكذبك !

    (عدل بواسطة كمال عباس on 04-09-2020, 04:40 PM)

                  

04-09-2020, 04:42 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)




    Quote: وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف


    أبنعوف دا منو؟ وكان شغال شنو في الوقت داك؟


                  

04-09-2020, 04:54 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)

    Quote: البرهان وحميدتي وكل الكورجة العسكرية
    ما مختلفين عن قوش في عدائهم للثورة والثوار
    الفرق في أن الثورة عجزت عن هزيمتهم


    خلاصة جزئية كويسة يا مولانا
    أسه يجيك كمال يقول ليك حميدتي والبرهان وابنعوف ما عندهم أي دور في نجاح الثورة
                  

04-09-2020, 04:59 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)



    Quote: خلاصة جزئية كويسة يا مولانا
    أسه يجيك كمال يقول ليك حميدتي والبرهان وابنعوف ما عندهم أي دور في نجاح الثورة

    هاي
    أكتشفنا إنو في ناس بتقرأ بحاجات تانية غير الرُكَب
    هسه يا عمر التاج عليك أعصر مخك دا وركز بأقصى ما يمكن
    وطلع لي وين أنا قلت حميدتي والبرهان عندهم دور في نجاح الثورة؟


    أبنعوف دا منو؟


                  

04-09-2020, 07:20 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    محمد سيد أحمد كيفنك
    Quote: قالت قوش كان يريد تسويق نفسه كبديل ثم فى مرحلة أخرى أراد أن يحظى بشاهد ملك

    الحديث عن دور لقوش حديث بائس يروج له من يعمل بطرف خفى مع الكيزان

    سطرك الأول صحيح بنسبة 50% ، هو فعلا أراد تسويق نفسه كبديل للبشير ، ولكنه لم يطلب وما اعتقد انه سيطلب بان يكون شاهد ملك..
    الحديث عن دور قوش ليس تلميعا ، بل توضيح حقائق ، واثبات مواقف ..
    لذلك فسطرك الثاني فاطي فيهو سطرين كعادتك ورامي مشاكلك كلها في الكيزان لأنك عاجز عن تقمص دور المسؤولية والسلطة الجاتك من غير تأهيل ووعي
                  

04-10-2020, 07:30 AM

mohmmed said ahmed
<amohmmed said ahmed
تاريخ التسجيل: 10-25-2002
مجموع المشاركات: 8758

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    لأنك بتفكر بالرغبات
    فهمت ترويج نفسه كشاهد ملك غلط
    المقصود ان تروج مثل ترهاتك هذه عن دور مزعوم متوهم لقوش
    يكفل له الإفلات من العقاب
                  

04-10-2020, 07:56 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: mohmmed said ahmed)

    لن ننسى ولن نغفر
    قوات قوش كانت تقتل الثوار بدم بارد
    قصة البندقية الموريس البت الطلعتها من
    شنطتها وقتل الشهيد دكتور بابكر في بري وقتل الشهيد معاوية

    وخطاب قوش في الجامع بعد صلاة الصبح للكيزان
    أيام الإعتصام..
    قوش فعل كل شئ حتى ينتهي من الثورة
    تاتشرات هيئة العمليات كانت تدهس الثوار
    وهم طالعين من عزاء الشهيد محجوب في الصحافة
    قوش وقواته مارسوا كافة الانتهاكات لإخماد الثورة

    لا شاهد ملك ولا شئ
    ينتظر المحاكمة بس
                  

04-10-2020, 08:35 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عبدالعظيم عثمان)

    لن تجرؤ على ذلك يا عبد العظيم
    ولن تجرؤ قحت على محاسبة قوش
    أو تدري لماذا؟
    لانه يحمل ملفات كل واحد من قيادات قحت
    ولانه يعرف كل أسرار المعارضة القديمة البائسة
    وقحت التي تحالفت مع حميدتي وشاركت البرهان السلطة
    لن يهمها ان يكون قوش رئيسا أو حبيسا
                  

04-10-2020, 10:25 AM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    انت يا عمر قايل الثورة دي قوى الحرية والتغيير
    قوي الحرية والتغيير ليها الشرف في انها توجت نضالات
    وتضحيات الشعب السوداني.. وقحت دي جات نازلة
    من السما ما هم بنات وأولاد الشعب السوداني
    الثورة دي ثورة شعب.. قادر يحافظ عليها وقادر
    يصحح مسارها.. حتى إذا إستطاع الأمنجية والكيزان
    شيطنة قوى الحرية والتغيير فلن تستطيعوا سرقة ثورة
    الشعب.. وما قوش الا رجل مجابرات متورط في كثير من الجرائم
    حجمه ما أكبر من كدا كله كله.. مهما حاولتوا تصنعوا منه هيرو
    هو قائد جهاز قمعي والغ في دماء السودانين قتل منهم من قتل
    ووصل به الأمر أن قتل بالخازوق
                  

04-10-2020, 11:55 AM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عبدالعظيم عثمان)

    الثورة ليست قوي الحرية والتغيير يا عبد العظيم
    لكن قحت هي التي سرقت الثورة وسيرت الحكومة الإنتقالية عل هواها
    الشباب الذين كانوا وقود الثورة هم الذين يتفرجون على قحت وهي تتهاوي بسلطتها كما يتهاوي الذباب على البصاق..
    نواصل فيما حدث في ٦ ابريل وما بعدها
                  

04-10-2020, 12:24 PM

عبدالعظيم عثمان
<aعبدالعظيم عثمان
تاريخ التسجيل: 06-29-2006
مجموع المشاركات: 8399

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    قوى الحرية والتغيير لم تسرق الثورة بل قادت الثورة مع كل
    جموع الشعب السوداني حتى الوصول إلى حكومة حمدوك
    وينها هسي الحرية والتغيير بعد تشكيل الحكومة الإنتقالية؟
    وسرقت الثورة ودتها وين؟
    طبعا دا كلام فارغ تستمر كتائب الجداد الإلكتروني ترديده
    ونشره حتى تقطع أوصال القوى الثورية
    وانت قايل ناس قحت ديل منو يا التاج
    دا تحالف عريض يجمع أكثر من 100 حزب وحركة ومنظمة
    اتفقوا على إعلان من تسعة نقاط لإسقاط البشير ونطامه
    قصة سرقوا الثورة ومحاولة شيطنة الناس ديل
    دا خطاب بائس ويائس من الكيزان والفلول
    نقطة سطر جديد
    قوش رجل مخابرات هو وجهازه متورطين في جرائم كثيرة
    دي الحقيقة البتحاولوا تطمسوها (فهت)
    الشعب السوداني كله عارف انه النظام سقط
    وافراده متورطين مكانهم المحاكم والسجون
    وانت جاي تفتش تلمع صورة قوش بالاكاذيب
    التي لن تنطلي على الشعب السوداني
    زولك دا يجهز ويمشي المحكمة بس
                  

04-10-2020, 12:31 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)


    كما قلنا سابقا فإن الاتفاق بين قوش وبعض قيادات قحت كان قائما على أن يفتح قوش شارع القيادة ويمنع عنهم الشرطة والجيش اذا حاولوا الاعتداء عليهم، ولكن بشرط أن تحشد قحت كميات هائلة من الشباب في تلك الساحة والا فإن الكتيبة الاولي ستقوم بتفريقهم في ساعات، تحالف قوش قحت كان قائما على أن تكون قحت حليفا له في الضغط على رموز النظام ليمتثلوا للهبوط الناعم ويتمسكوا به كمنقذ لهم من فتك الثوار، مقابل ان تكون لامبراطورية جهاز الأمن حق السيادة والسلطة وخلافة النظام تحت قبول ورعاية دولية متفق عليها ومعها.
    قوش كعادته يلعب على كل الحبال ويترك باب الخروج مواربا، ولذلك سحب الكتيبة الثانية وظل من مكتبه يلقى التعليمات على قيادات معينة لتتمركز في المواقع التي يعرفها جيدا، وقام بتقسيم الكتيبة الأولى لجزئيتن، الجزء الأول دخل في وسط الثوار وتوزعوا في جماعات صغيرة تراقب الموقف وترسل تقارير الأحداث اول بأول، بينما خرج الجزء الثاني من منطقة الحدث وكون طوقا حول المنطقة، في ذلك الوقت كان الجنرال يتلقى مكالمة البشير ووزير الدفاع ليطمئنهم أن الوضع تحت السيطرة تماما، وان خطته تقتضي حصر قيادات الحراك في مكان واحد والتعرف على القيادات الخفية التي ظلت تدير المظاهرات من بعد وتختفي من عيون الجهاز، ومن ثم اعتقالهم وتفريق بقية الحشود في نفس اليوم، ومع حلول المساء واعلان الاعتصام وصلت البشير تقارير من الاستخبارات العسكرية تفيد بأن صلاح قوش يرتب لإنقلاب كامل على البشير.
                  

04-10-2020, 12:44 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: وانت جاي تفتش تلمع صورة قوش بالاكاذيب
    التي لن تنطلي على الشعب السوداني
    زولك دا يجهز ويمشي المحكمة بس

    انا ساهل يا عبد العظيم، وليس لي حيلة لحماية قوش
    ولكن جماعتك ديل هم البحموه الان..
    وحكومتك المدنية والعسكرية هي التي تتستر عليه خوفا وطمعا
    صلاح قوش دخل الخرطوم وخرج مرتين بعد ابعاده من المجلس العسكري و إقالته من الجهاز
    وقحت صامتة ومطبقة فاهها لا تستطيع أن تقول بغم لانه سيكشفهم بالواحد..
    والكيزان يعرفون ان قوش الذي باعهم بثمن بخس سيبيع غيرهم عند أول منعطف
    ورغم ذلك ينتظرون يوم شكره الذي لن يأتي الا بعد سقوط حكومة قحت.


                  

04-10-2020, 06:46 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: أكتشفنا إنو في ناس بتقرأ بحاجات تانية غير الرُكَب
    هسه يا عمر التاج عليك أعصر مخك دا وركز بأقصى ما يمكن
    وطلع لي وين أنا قلت حميدتي والبرهان عندهم دور في نجاح الثورة؟


    أبنعوف دا منو؟

    اصلا ما بتطلع من الجحر الدخلتك فيهو قحت دي ياحافظ..
    واسه تعال انضم للجوغة دي وقول حميدتي والبرهان برضو ما عندهم دور في نجاح الثورة عشان نقتل الموضوع ده في البوست ده..
    البتسال منه ده معقول نسيتو؟ رئيسك السابق الفريق عوض احمد ابن عوف خلاص مسحتو؟
    ناس الجيش بقولوا له أبنعوف
    نرجع لقوش، ونقرأ له التعليق التالي
                  

04-10-2020, 06:53 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)


    Quote: وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف

    Quote: البتسال منه ده معقول نسيتو؟ رئيسك السابق الفريق عوض احمد ابن عوف خلاص مسحتو؟


    مشكور للمعلومة
    اول مرة أعرف إنو الفريق عوض احمد ابن عوف كان رئيسك وقت فض الإعتصام


                  

04-10-2020, 07:09 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    وين أنا قلت انه كان رئيسي وقت الاعتصام؟
                  

04-10-2020, 07:24 PM

Hafiz Bashir
<aHafiz Bashir
تاريخ التسجيل: 12-04-2004
مجموع المشاركات: 7185

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)



    أنت كتبت في يوم 04-09-2020, 01:04 PM
    Quote: وبعد فض الاعتصام ما كان لأشجع ثائر أن يخرج في شوارع العاصمة ويقود مظاهرة رغم الحزن والغبن .. لأن قوش وحميدتي وابنعوف أرادوا ذلك

    وأنا إقتبست كلامك وسألتك في يوم 04-09-2020, 04:42 PM
    Quote: أبنعوف دا منو؟ وكان شغال شنو في الوقت داك؟


    إنت رديت على سؤالي بسؤالك التالي في يوم 04-10-2020, 06:53 PM
    Quote: البتسال منه ده معقول نسيتو؟ رئيسك السابق الفريق عوض احمد ابن عوف خلاص مسحتو؟


    وبعدها أنا شكرتك على المعلومة
    إذ أنني فهمت من ردك الأخير أن أبنعوف هو رئيسك السابق الفريق عوض احمد ابن عوف
    وعقبت على ذلك بأن المعلومة جديدة علي ولم تكن من ضمن معلوماتي الواسعة قبل ذلك

    عمر التاج النبي فيك ساعدنا بسرعة الفهم

                  

04-10-2020, 07:41 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    وجهة نظر في موضوع البوست قلنا نبرك بيها يا تاج



    Quote: ‏‎Abdalla Gafar‎‏ ‏‏يشعر بـ‏مركّب قنبور‏.
    ‏٨ أبريل‏، الساعة ‏٨:٤٩ م‏ ·
    بصراحة؛
    محاولات تصوير قوش كلاعب رئيسي في نجاح #مليونية6أبريل لا تخلو من غباء، فضلاً عن كونها مزاعم لا سند لها؛
    ما هو لو نحن ح نصدّق إنّه قوش دا ملك الاستهبال والتواطؤ، بدل نصدّق يكون متواطئ مع الآلاف النزلوا الشوارع في ٦ أبريل، ومع مئات الأمنجيّة الكمّلوا بنبانهم وجازهم وهم بيطاردوا فيهم في محاولات يائسة،
    الأقرب للتصديق يكون متواطئ مع حبّة الناس البينسبو ليو الفضل ديل، القصّة راسمالها عدد واحد محمّد وداعة، واتنين لينة يعقوب، وتلاتة أربعة جدادات، يحنّكهم شان يقولوا الكلام دا؛
    ما بالضرورة يكونوا متواطئين، لكن على أحسن تقدير كانوا من السذاجة يشتروا الحنك التعبان دا؛
    زي ما إنّه لي حسّة فيه ناس مشترين إنّه ذا النون هو الصنع الثورة، ومرّة زول بناقش فيني جادّي إنّه أولاد الضي هم الأشعلوا الثورة!
    ياخي في ناس، بعيد عنّكم، لي حسّة بغالطوا جادّين إنّه ماف فيروس إسمه كورونا ذاته، ودا كلّه استهبال شان يبيعوا الدوا!

    كشاهد على الثورة دي، اللاعب الوحيد في نظري الكان عنده دور محوري، وغيابه كان ممكن يعوّق تقدّمها، هو تجمّع المهنيّين؛
    وتحديدا صفحة تجمّع المهنيّين؛
    لا تقول لي قوى الحرّيّة والتغيير، لا الحزب الفلاني، لا غيره؛
    كلّ الناقصنا كان بس بث مركزي وراو زول ثوري، ودا وفّرته الصفحة؛
    فيما عدا ذلك فالثورة نجحت بفضل لا مركزيّتها؛
    وقوش دا حاول يضرب كلّ الناس الممكن يقودوا؛
    اعتقل الأصم، اعتقل أمادو وفكي وقريش، اعتقل القدّال، اعتقل ناس مبادرة أساتذة جامعة الخرطوم، اعتقل الدقير، اعتقل ناس العمل الطوعي، اعتقل الآدمنز بتاعين القروبات، اعتقل الطوب البعملوا بيو المتاريس، اعتقل اللساتك، اعتقل الواتساب والفيسبوك، أعلنوا حالة الطوارئ، والثورة مواصلة!
    ببساطة، لأنّها ميعادها جا، وشروطها اكتملت!

    الكيزان المحاولين ينسبوا الفضل لي قوش ديل، الوطنيّين والشعبيّين، كانوا مقتنعين تماما إنّه الثورة انطفت، وإنّه في ٦ أبريل ما ح يطلعوا ناس؛
    ونافع طلع في الجرايد صرّح قال نشوف جايين كم؛
    فياهو قعدوا يقولوا ٧٠ نفر، و ٢٪؜، وشرزمة، ونتحدّاهم يمرقوا مظاهرتين مع بعض؛
    وصدّقوا الكلام دا، لامن آمنوا!
    عملوا حسابهم على كم ١٠٠ نفر، مرقوا كم ١٠٠ ألف!
    أها يعني قوشكم دا كان ممكن يعمل ليهم شنو؟
    يرشّهم بف باف 😏؟

    والكلام بتاع "فتح الشارع" دا في نفس السياق، ونفس العقليّة الما قادرة تستوعب المظاهرات بتشتغل كيف من أساسه؛
    الصورة المرفقة دي، من معدّل انتشار الكورونا، يمكن تشرح الفكرة؛
    ٦ أبريل دي ركبة المنحنى، زي محل السهم؛
    عقليّة القوشاب إنّه الليلة جوا ١٠ ألف بكرة بالكتير بجوا ٢٠ ألف؛
    بينما المعدّل الثوري الليلة لو جوا ١٠ ألف، وكانت دي النقطة الحرجة، ممكن بكرة يبقوا ١٠٠ ألف، وقد كان!

    بعدين إنتو يعني فاهمين إنّه القيادة دي فيها مكان سرّي بتدخّل فيو باسويرد بيقوم النظام بسقط، وقوش فتح الشارع خلّى الناس تصل الحتّة دي؟
    ٦ أبريل ما سقّطت النظام عشان الناس مشت القيادة، وإنّما لأنّه الناس طلعت بالأعداد دي؛
    ما حصل في تاريخ بلد الناس طلعت بأعداد زي دي، ورجعت مدلدلة يدّينها؛
    ودونكم #مليونية30يونيو: فتحوا ليها ياتو شارع؟
    مشت وين؟
    فيه زول بقدر يحدّد؟
    المهم الناس طلعت، والمجلس العسكري رضخ!

    لكن نمشي معاكم في حكايتكم الظريفة؛
    إنتو عارفين بالمناسبة إنّه الناس جوا على الأقل من أربعة شوارع؟
    من برّي، ومن الخرطوم ٢، ومن السيّد عبد الرحمن، ومن شارع النيل، كانوا مصبّنين في الشجر!
    قوش دا قال ليكم فتح ياتو شارع بالضبط؟
    ونّسونا كمان!

    ياريت لو فيه رسّام كاريكاتير يرسم لينا قوش وهو بيفتح في الشارع للناس، شان نقدر نتخيّل!
                  

04-10-2020, 07:50 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    صلاح قوش !
    من كان يسئ للثوار ويبخس نضالهم سوي صلاح ؟
    الثوار هم من كانو يقتلون الضحايا !
    البنت والمسدس في الشنطة ومقتل الدكتور !
    لن نسمح بإسقاط النظام !
    خطاب قوش أمام الأطباء الإسلاميين أثناء الثورة سمعت بيهو ؟!:
    - أكبر مظاهرة لاتتعدي 2500 شخص
    -وديل شيوعيين ويساريين
    لن نسمح بسقوط الحكومة و... و
    الثوار وقوي الحرية والتغيير هم من أصروا علي طرد قوش وذهابه فأين كانت عدته وعتاده وقواته ؟
    * قوي الحرية والتغيير هي من نظمت وخططت للمواكب زمانا ومكانا وشعارا -دعت وأستجاب
    لها الشعب فيها ولم يثق بإبن عوف وقوش وعلي الحاج والجزولي وعبد الحي !
    * صلاح الكذاب زعم إنه كان يراقب المظاهرات بالستلايت وشاف المسدس في الشنطة ثم
    أقر بأن معظم التقارير التي تصله كاذبة !
    مساكيين ! أصبح قوش هو القشة التي يثعلقون بها بعد إتهامهم له بالتقصير والتآمر !
    وبعدين قوش ماعمل شنو بعد أن طرده البشير من الجهاز ؟ لم يجد نصيرا سوي المحاميين
    اليساريين ليدافعوا عنه !
    قوش ورقة محروقة لايراهن عليها إلا يآئس .. قوش عملة أهل الكهف لا يتسوق بها إلا
    شخص به فصام مع الواقع ويعيش في واقع متخيل !
                  

04-10-2020, 08:04 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: Hafiz Bashir)

    غايتو يالقحاتة المابتدوروه بتلولوا ليه كلامه زي مداخلتك الأخيرة دي
    رئيسي ورئيسك ما قضيتنا ، واثناء الاعتصام أو وبعده ما فرقت كتير
    ودور صلاح قوش خليه لأنه شعرا ماعندك ليه رقبة ..
    المهم ، رايك شنو في دور البرهان وحميدتي وعوض ابن عوف في انهاء نظام البشير ..
    أقصد نجاح الثورة
                  

04-10-2020, 08:20 PM

Arif Nashed
<aArif Nashed
تاريخ التسجيل: 05-12-2014
مجموع المشاركات: 12692

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: لن تجرؤ قحت على محاسبة قوش
    أو تدري لماذا؟
    لانه يحمل ملفات كل واحد من قيادات قحت
    ولانه يعرف كل أسرار المعارضة القديمة البائسة
    وقحت التي تحالفت مع حميدتي وشاركت البرهان السلطة
    لن يهمها ان يكون قوش رئيسا أو حبيسا

    ود التاج الحقنا بالاثباتات عشان نعلن سلفسيلهم.
                  

04-10-2020, 08:24 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)
                  

04-10-2020, 09:08 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

                  

04-10-2020, 09:41 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    هههههههههههههههههههههههه
    وبرضو في تغريدة عمر الدقير ما تنساها

    جادّي الله يسألك؟؟


    ____________________________________

    يبدو ان موضوع تلميع قوش دا ليس امور دجاج هنا وهناك شكله انه يراد له ان يلعب دورا ما و ما يجري تهيئة أرضية لهذا الدور, ولا استبعد اصابع المخابرات المصرية - أو غيرها !


                  

04-10-2020, 09:56 PM

كمال عباس
<aكمال عباس
تاريخ التسجيل: 03-06-2009
مجموع المشاركات: 17056

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    ياعمر التاج هل أنت متأكد من أن الأصم قد كتب هذا التغريدات التي أوردتها هنا؟
    هل توثقت وتحققت من هذا؟
    الأصم يقر أن جهاز الأمن كان دور جليل في تحريك الشعب للتغيير وفق خطة مدروسة من جهاز الأمن!
    جهاز الأمن؟ جهاز الأمن الذي إعتقل الأصم ولم يطلق سراحه إلا بعد سقوط البشير
    والأصم يصم قادة الحكم بالخونة؟
    هل أنت متأكد من أن الأصم قد كتب هذا التغريدات التي أوردتها هنا؟
    هل توثقت وتحققت من هذا؟a
                  

04-10-2020, 10:21 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: كمال عباس)

    تغريدات التويتر ماشايلنها يا ود البشرى، خلينا في محلينا ده
    التأكيد والنفي ليس مسؤليتنا يا كمال .. بل مسؤولية الحكومة والمتضررين
    نحن في هذا البوست نعلق على وقائع المباراة
    ونطرح مختلف الآراء ونقول رأينا حول بعضها..
    وللقارئ الحكم
    ومن ذلك حديث قوش الذي أعتبره بداية التخزيل عن الثوار ..

    الفيديو القادم فيه حديث مسئ للمؤتمر الوطني ، وأعتبره بداية بيع القيادات
                  

04-10-2020, 10:25 PM

محمد البشرى الخضر
<aمحمد البشرى الخضر
تاريخ التسجيل: 11-14-2006
مجموع المشاركات: 28869

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: عمر التاج)

    Quote: تغريدات التويتر ماشايلنها يا ود البشرى، خلينا في محلينا ده
    أمّال الجبتهن منسوبات للأصم ديل من السوق الشعبي!

    كزول معلّم ودكتور و بتاع تامين انظمة بنوك بصراحة بستغرب كيف بتشيل فيك المواسير بالسهولة دي!
                  

04-11-2020, 03:24 PM

عمر التاج
<aعمر التاج
تاريخ التسجيل: 02-08-2008
مجموع المشاركات: 3357

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قوش VS قحت (Re: محمد البشرى الخضر)

    Quote: أمّال الجبتهن منسوبات للأصم ديل من السوق الشعبي!

    كزول معلّم ودكتور و بتاع تامين انظمة بنوك بصراحة بستغرب كيف بتشيل فيك المواسير بالسهولة دي!

    تصدق ديك جبتها من السوق الشعبي، لأنه التويتر ما قاعد استخدمه في منابر السودان اطلاقا
    احتمال ناس السوق الشعبي جابوه. من هناك من غير ما انتبه
    وانت بصحك عايزني اشتغل مع الهمج الافتراضيين ديل زي ما بتعامل مع قروش الناس والحفل العلمي
    المنطقة دي نحن بنعديها تسلية وملء فراغ، وكل واحد معلق من كيبورده بما يكتبه لا بما ينقله، وناسخ الكيبورد ليس بكاتب.
    نعود لصلاح قوش
    صلاح بيه قوش احسن يكون براقبنا وعايز اتواصل معانا عشان يدينا تعبنا معاه هههههه
    وحانوضح مع من التقي في زيارتيه الأخيرتين من قيادات قح ط.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de