|
|
|
 Re: هو فعلاً سلة غذاء العالم (فيديو) (Re: Kostawi)
|
سلام بابا كوستا
Quote:
أنت صاحي؟
قلت لي أبو جبيهة؟ |
و الله يا بابا كوستا انحنا ذاتنا ما عارفين وضعنا شنو
ابوجبيهة دي ابوي الله يرحمو اشتغل فيها فترة
و عبرك تحياتي للأخت الراكزة دي
الكلام دا قالتو في ظل النظام البائد الفاسد
محبتي ليها و لكل الماجدات من بلادي
ألعن .. الكيزان
| |
 
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
حبيبنا خضر تحياتي
تخيل الشمالية فقط 14 مليون فدان صالحة للزراعة
المساحات المزروعة أقل من 150 الف فدان
كان ايام البترول قبل الانفصال لو تم الصرف على الانتاج
كنا بقينا زي ناس كندا واستراليا
عمليا يا خضر المياه الجوفية التي تكفي الزراعة الى اكثر من عشرة فدان
تكلفة اخراجه اقل من 300 دولار ( في الخليج يمكن أن يكلف 200 مليون ريال وبعد ذلك يحتاج تكرير )
السنة دي أنا زارع قمح تعرف الفدان حتى الحصاد أقل من 100 ريال تقريباً 30 دولار
الشمالية عشان بردها شديد والارض مستوية لا تحتاج لأي تعب وخاصة محاصيل الشتوي
يا خضر الناس ديل السجن وكوبر سياحة بالنسبة لهم زي محاكم النميري
معقول نحن نستورد قمح المانيا وروسيا .. يعني الخواجات شغالين لينا ترابلة
معليش خضر الحبيب .. زعل بلغ القمة
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: علي عبدالوهاب عثمان)
|
استاذنا علي أمبس
Quote: حبيبنا خضر تحياتي
تخيل الشمالية فقط 14 مليون فدان صالحة للزراعة
المساحات المزروعة أقل من 150 الف فدان
كان ايام البترول قبل الانفصال لو تم الصرف على الانتاج
كنا بقينا زي ناس كندا واستراليا
عمليا يا خضر المياه الجوفية التي تكفي الزراعة الى اكثر من عشرة فدان
تكلفة اخراجه اقل من 300 دولار ( في الخليج يمكن أن يكلف 200 مليون ريال وبعد ذلك يحتاج تكرير )
السنة دي أنا زارع قمح تعرف الفدان حتى الحصاد أقل من 100 ريال تقريباً 30 دولار
الشمالية عشان بردها شديد والارض مستوية لا تحتاج لأي تعب وخاصة محاصيل الشتوي
يا خضر الناس ديل السجن وكوبر سياحة بالنسبة لهم زي محاكم النميري
معقول نحن نستورد قمح المانيا وروسيا .. يعني الخواجات شغالين لينا ترابلة
معليش خضر الحبيب .. زعل بلغ القمة |
ما عاش اليزعلك يا عم علي و كونك انت زارع دي حاجة مبشرة و من لا يملك قوته لا يملك قراره
لكن بيني و بينك الغبن حاصل من نظام ضيع البلاد و العباد
المساحات الصالحة للزراعة في السودان كبيرة جداً تكاد تساوي مساحات عدد من الدول في اوروبا
و مساحات عدد من دول الخليج
و منظمة الاغذية العالمية و العربية و الافريقية تعلم ذلك
و لكن سياسات النظام الخرقاء لم يكن يعنيها النهوض بالسودان و وضعه في مقدمة الدول الزراعية
و كما تعلم بأن هناك انواع و مصادر متعددة للزراعة مطرية و بالري الصناعي و مياه جوفية و نيلين و اودية
الخطأ لم يكون في يوم هو خطأ الارض لكنه خطأ الممارسات الحكومية و جهلهم بهذه الثروة
التي حبا الله بها السودان
الآن يمكن تدارك الأمر و يمكن النهوض بالثروة الزراعية و كذلك الثروة الحيوانية و الثروة السمكية
و بعدها لا يحتاج السودان للبترول الا ما يكفي احتياجه
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
مرحب ود الزبير يا فلة
اخبارك و امورك يا جميل
ياخ شكراً لمشاركة الصورة لكن فتلت البوست خلتني امشي يمين و يسار
دي مش فتلت البوست بس .. صورتك دي عملت ليهو شلل رباعي هههههه
ياريت تحذفا و انا حفظتها بنزلا ليك هنا
https://www.0zz0.com
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
Quote: يا خدر ... كيفنك ...
عايزين واحد حريف يعدل الصورة ...
وقبل كدا يورينا نصل لي ابعادا كيف |
انا بخير يا ود الزبير
اتمناك انت و الاسرة الكريمة بألف خير
تعديل الصورة بسيط ما محتاج اي مهارات
تضغط يمين الماوس بتنزل قائمة منسدلة فيها خيارات كتيرة
من ضمنها و دا المهم كلمة Edit
https://www.0zz0.com
بتجيك هناك بتكون 100%
اعملا في الاحداثيات الفوق 30
https://www.0zz0.com
بعدها بتكون حنينة
بعد داك ارفعا براحتك في سودانيز او من اي موقع لرفع الصور
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
حبيبنا ود الزبير
رغم اني ما بحب الفلول
لكن سبحان الله حبيتك انت و عمر التاج
سبحان مؤلف القلوب
غايتو بكون فيكم شئ لله
ههههههههه
Quote: الصورة عند خدر صاحب البوست بعد
شباكين لي تحت .... |
شرحتا ليك طريقة تعديل الصورة و الموضوع بسيط
سواء كان في الديسك توب او اللابتوب البرنامج بجي مع الويندوز
و حتى في الابل ماكنتوش موجود و طبعاً الأبل دا فيهو شغل عجيب
بس محتاج فهم معين و تعرف نوع البرامج الانت محتاج ليها
سواء كان للشغل او الهواية
كن بخير يا حبيب
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
Quote: سيسجل التاريخ بأن هذه البلاد البكر العامرة بكل الخيرات في باطنها و على وجه ارضها البشوش
قد دمرها قومُ من حثالة البشراسمهم الكيزان و الذين لا اخلاق لهم و لا دين و سيسألون |
الكيزان بس......
ولي عايز ترقص وتغطي دقنك
كل الانقلابات الوسخة من 1958 و1969 و1989 و2019
افقدت السودان البوصلة ودخلتنا في متاهة شعب اسود لحدي اللية 8 ابريل 2020 وقرررط علي كده
وقاعدين لحدي هسة تحت حذاء المخابرات المصرية مقاس 11
وصلاح قوش وبن عوف يديرو المشهد السياسي والاقتصادي من مصر
الموية موجودة الشمس موجودة والاراضي موجودة
الما موجود المخ ...مش بقولو الزول ده ما عنده مخ بليد دي مشكلة هل الاستعباد الايدولجي الانقلابات
لمن الناس تكون ربع دماغ وعايزة تتمسخر وتهرلول لي مصر والخليج وامريكا والبنك الدولي
العلة في المخ يا مواطن والكلام قالو زمان بن خلدون
تاس مثلث الحمدي ديل هم سبب بلاوي السودان اهل العروبة المستعارة
كان عندك قبة ولي كجور اتلم عليه وزح من رجرجة البورد والخرطوم ديل
بس تقعد تولول هنا
وينا مشاريعك انت للنهوض بالسودان باسس حديثة ؟؟
ترفس في الختمية والانصار وقايل نفسك الغزالة الفوق في السلم
البوستات التنموية البفتحا وتجي تتمسخر فيها انت والكعوك في البورد فيها مشاريع تنمية حقيقية ومشاريع طاقة شمسية وانت منتظر حمدوك والكعوك وامريكا يجو يعمرو ليك السودان بي القومة ليك يا وطن ومحاسن جيبي فيزا كارد
مش كده
ما شي بزح السفلة من القضاء والجيش والمشهد السياسي من السودان غير الانتخابات فقط
عاش ابو هاشم
https://top4top.io/
| |
|
|
|
|
|
|
|
|
Re: هو فعلاً سلة غذاء العالم (فيديو) (Re: adil amin)
|
سلام عدولي يا دفعة
كيفنكم مع الكرونا و الحوثيين
شكلك كاسر كرونا في البيت يا وغد
بتاكل في الكبسة الكبست مخك و مع المعصوب حالتك بقت صعبة ههههههه
انا قلتا الكيزان لانو دي اطول فترة حكم عسكري و حزبي في السودان
بالمناسبة انا متصالح مع احزاب اليسار و ما عندي معاهم اي مشكلة
مشكلتي مع احزاب البيوتات التجارية رغم انو عندي منهم اصحاب
لكن ما بقدر اجامل في قناعاتي .. و لا بقدر اتجاهل حجم الدمار السببوهو
انا ما حضرتا حكومة عبود و لكن حكومة النميري حضرتها و طلعنا مظاهرات
ما بحب الأنظمة الشمولية و لا بحب العسكر
الآن السودان و بعد تلاتين سنة من الافقار محتاج ينبني من الأول و بي فهم و وعي
عشان السودان يكون وطن للجميع . و طن يسع الجميع من شماله و جنوبه و شرقه و غربه
مافي مشكلة اي زول عندو دين عندو قناعات المهم الناس تتوحد في البداية في حب الوطن
و الناس كلها تعمل لأجل الوطن . بدون كدا الوطن حيضيع من بين ايدينا
و بعدين خطك الانت ماشي فيهو دا محتاج تعديل لانو ما بوصل لأي حتة
فهمتني يا بطة ؟
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: خضر الطيب)
|
انت عايز ضبط مصنع في شبشة بس
وخلي الورجغة الانقلاب ما بي الزمن بي الاضرار الاستراتيجية التي تسبب فيها
انقلاب مايو من 25 مايو1969 لحدي اتفاقية اديس ابابا وبعد داك المصالحة الغبية مع الساقط الترابي 1978-1985
سبب كمية خرافية من الاضرار وديل
الشيوعيين والبعثيين والناصريين في الاول والاخوان المسلمين والسلفيين في الاخر
ياخ الانقلابات دي كلها ما شرط تحضرا اقرا عشان توعي
كلها رجس من عمل امخابرات المصرية ومستمر لحدي هسة
اانقلاب بن عوف 2019
ما ترقص وتغطي دقنك في البورد وفي زمن جقود
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: adil amin)
|
Quote: حبيبنا ود الزبير
رغم اني ما بحب الفلول
لكن سبحان الله حبيتك انت و عمر التاج
سبحان مؤلف القلوب
غايتو بكون فيكم شئ لله
ههههههههه
شرحتا ليك طريقة تعديل الصورة و الموضوع بسيط
سواء كان في الديسك توب او اللابتوب البرنامج بجي مع الويندوز
و حتى في الابل ماكنتوش موجود و طبعاً الأبل دا فيهو شغل عجيب
بس محتاج فهم معين و تعرف نوع البرامج الانت محتاج ليها
سواء كان للشغل او الهواية
كن بخير يا حبيب |
حبيبنا خدوري ...
رغم إني ما بحب الجبهجيون الديمقراطيين
لكن سبحان الله كل رفقاء الصبا طلعو هيك ...
سبحان مؤلف ومفرق القلوب ...
ياخي بعد شرحك دا كلو برضو جليت الأنا عايزو ...
انتا القالك منو انا امي لدرجة انو اسال سؤال تكون
اجابتو في الرايت كلك ... اي نعم ال CCNA وال
CCNP بتاعني ديل خليت الشغل بيهم وبقيت
أبيع بصل ... ياخي كدي وريني إجابة سؤالي إذا
كنت بستعمل الجوال وتكون خدوري المعلم ...
| |
|
|
|
|
|
|
|
|
|
Re: هو فعلاً سلة غذاء العالم (فيديو) (Re: Salah Zubeir)
|
مرحب حبيبنا ود الزبير
Quote: ياخي كدي وريني إجابة سؤالي إذا
كنت بستعمل الجوال وتكون خدوري المعلم ... |
انا ما حصل كتبتا حرف في سودانيز من خلال الموبايل لانو متعب
عندي ديسك توب و لابتوب مريحين في الكتابة و برامج تعديل الصور و رفعها
بالنسبة للموبايل في Play Store اكتب Photo Editor بديك برامج كتيرة اختار منها اي واحد و نزلو
و تشيل صورتك الخايف عليها ترميها في البرنامج و تظبط الاحداثيات و حتى الالوان و فنيات كتيرة
لما تحفظ الصورة ممكن ترفعا عادي .. قصدي الصورة :)
بعد كده المسألة بتعتمد على اجتهادك
| |
|
|
|
|
|
|
| |
خضر الطيب
Kostawi
علي عبدالوهاب عثمان
احمد حمودى
Salah Zubeir
adil amin
فيس بوك
تويتر
انستقرام
يوتيوب
بنتيريست