|
كتب الكاتب الفاتح جبرا المتوفرة بمعرض الدوحة
|
|
 Re: الجبهة الثورية السودانية...مطالبها غير قا� (Re: مدثر صديق)
|
وأكدت الورقة على تخصيص نسبة “30”٪ من مقاعد المجلس التشريعي ورؤساء اللجان لإقليم دارفور وتخصيص “80”٪منها لمكونات مسار دارفور .
ونادت الورقة على ضرورة التفاوض حول وضعية العاصمة مع مكونات مسار دارفور، ومشاركة مكونات مسار دارفور في حكم الولايات بنسبة “80”٪ بجانب منحهم نسبة “40”٪ في المفوضيات الولائية
وحكومات ولايات دارفور على أن يمنح أصحاب المصلحة نسبة “20”٪.
وإتفقت مكونات دارفور على المشاركة بنسبة “80”٪ في الحكومة الإقليمية بعد إنشائها على أن تؤل رئاسة الحكومة الإقليمية لمكوني المسار.
ونصت الورقة على أن تلتزم الحكومة الإنتقالية والحكومات المتعاقبة بدفع مبلغ “500” مليون دولار سنوياً ولمدة عشرة سنوات بجانب مبلغ “300” مليون دولار بعد شهر من التوقيع على إتفاق السلام،لإقليم دارفور
كذلك اتفقت الأطراف على تخصيص نسبة “60”٪ من الإيرادات المستخرجة من موارد الإقليم وتخصيص نسبة “7”٪ من الإيرادات للسكان المحليين.
وأشارت الورقة إلي الاتفاق على إنشاء صندوق خاص لدعم أعمال المحكمة الخاصة لجرائم دارفور، تلتزم الحكومة بتوفير مبلغ “50” مليون دولار في فترة لا تزيد عن الثلاث أشهر من التوقيع على إتفاق السلام مع
سعي الأطراف على إستقطاب الدعم الإقليمي والدولي.
وكشفت الورقة عن إتفاق الأطراف على إنشاء صندوق خاص لدعم ترتيبات التوطين وإعادة النازحين واللاجئين وتلتزم الحكومة بتقديم دعم مالي للصندوق سنوياً ولمدة خمس أعوام
لدعم العودة وإعادة التوطين،وإقترحت الورقة منح كل فرد من النازحين واللاجئين مبلغ “500” دولار لدعم عودتهم.
| |
 
|
|
|
|
|
|
|
|
Re: الجبهة الثورية السودانية...مطالبها غير قا� (Re: ABUHUSSEIN)
|
اغلبها مطالب معقولة وفي اطار قسمة الثروة و السلطة عدا اقتراح الزام الحكومة بدفع 500 مليون دولار, اللهم لو كانت تخصيص بدل دفع للتنمية و اعمار المناطق المتأثرة بالحرب و غيرها ممكن تكون معقولة بل واجبة في اطار التمييز الايجابي, لكن دفع كاش دا البجيب المشاكل و المأكلة
عموما في سبيل السلام لابد من تضحيات هنا و ترضيات هناك و مصالحة وجبر ضرر حقيقي للمتضررين على الأرض وإلّا سيظل سلام مكاتب ساي
لكن المخيف أن هذه المفاوضات حتى الآن ينقصها عبد الواحد في دارفور و الحلو في جنوب كردفان ممّا يعني أن كل التفاهمات و الحلول تزال ناقصة
| |
|
|
|
|
|
|
|
|
Re: الجبهة الثورية السودانية...مطالبها غير قا� (Re: محمد البشرى الخضر)
|
| Quote: عموما في سبيل السلام لابد من تضحيات هنا و ترضيات هناك و مصالحة وجبر ضرر حقيقي للمتضررين على الأرض وإلّا سيظل سلام مكاتب ساي |
سلام ود البشرى
بصراحة ما زول محتاج يضحي بشئ و لا زول يحاول يمن علي الاخرين بحقهم.
الطريق السليم هو تخصيص محاصصة متساوية لكل اقاليم السودان بأعتبار التقسيم الجغرافي (دارفور, كردفان, الجزيرة الشمالية والشرق) و لا داعي لانتظار اى اقليم يشيل سلاح او يدخل مفاوضات عشان ياخد حقو او حق زول اخر. و في نفس الوقت تفويت الفرصة لناس المصالح العايزين مناصب لانفسهم او ايا كان لان معظم الناس او لنقل بعض الناس دائما نفوسهم ضعيفة و بميلو لمصالحهم والشئ ده ياهو ظهر في اول لفة اعادة المفصولين للخدمة المدنية.
التقسيم او التحاصص يكون بأسس مبينة و مكتوبة و تشمل المناصب السياسية و الخدمة المدنية. يعني كوتة الوظائف الموجودة في اى مؤسسة بتكون فيها مراعاة الكوتات بدون دغمسة لكل الجهات الجغرافية.
| |
|
|
|
|
|
|
|
|
|
Re: الجبهة الثورية السودانية...مطالبها غير قا� (Re: Mahjob Abdalla)
|
الجبهة الثورية دي ختها تحت المجهر بس لا عمد ولا اطيان ولا عندهم علاقة بالرؤية الفدرالية العظيمة للراحل د جون قرنق
ازرقية انتهازيين
ياسر عرمان الهرول من الانتخابات وبوظ مشروع الحركة ويتسكع مع مالك عقار في الامارات ملعونة والديها التبخرب في كل المنطقة وعايزة تجينا في السودان بي الارزقية ديل ...ناس لعدل ولمساواة 50 حركة في دارفور ما فايتن فتو بونو والطنية وكورنوي
ديل ناس الدفاع لشعبي زمان زمن جهاد الفطايس وازرع لقطر وتركيا لحدي هسة
وسيرك جوبا لالهاء ناس ق حت وتضيع الزمن
ناس ق حت ديل قانو يرجعو الاقاليم اخمسة ودستور 1974 باسس جديدة
ويعملو انتخابات
حاكم اقليم
برلمان اقليم
ومع محكمة دستورية فيش وتشبيه واعلام حر
نشوف لو زول فيهم بترشح ساكت خليه يفوز
ديل ما بستحو ذى التجاني لسيسي
قروش وحوامة وابتزاز ومحاصصة انتهازية
ولا عمد ولا اطيان وكانو في ندا ء السودان ما الفاشل الصادق المهدي وفي ق حت ذاتا مضيعيين لينا السنة كاملة لي شنو ؟؟
الناس تهيكل البلد والشعب يولي من يصلح دي دايرة درس عصر
وقحت دي ذانا عقاب بعثيين وشيوعيين وناصريين وناس مايو 1969
والشعب السوداني لازال في متاهة شعب اسود للاسف
| |
|
|
|
|
|
|
|
|
|
Re: الجبهة الثورية السودانية...مطالبها غير قا� (Re: Mahjob Abdalla)
|
فعلا يا هبيب تضحيات ليس تعبيرا دقيقا في شكل السياق الطرحته بيه
لكي اكون دقيقا أكثر ممكن اقول "نضحّي" بمعايير مثالية في الاختيار للمناصب زي الكفاءة كمعيار مطلق مثلا او أوّل و ذو وزن أكبر لإختيار المنصب على الأقل في الفترة الاولى بعد الاتفاقية
يعني حتى في حصّة الاقليم الواحد نفسها ممكن ان تضاف معايير أخرى مع معيار الكفاءة و الخبرة, فكرة ازالة الغبن التاريخي مهمة جدا و لو كانت المناصب الحكومية احد اسباب ازالته فليكن, فمصلحة ازالة الغبن مقدّمة على ضرر اختيار الأقل كفاءة.
| |
|
|
|
|
|
|
|
|
|
Re: الجبهة الثورية السودانية...مطالبها غير قا� (Re: محمد البشرى الخضر)
|
طيب اذا الموضوع قسمة سلطة "محاصصة" شنو موقف الوزراء واعضاء مجلس السيادة
المن دارفور ، هل حيكونوا ضمن ال30% دي ولا لا؟
ولو كانوا ضمنها ، هل سيتم تغييرهم ام تثبيتهم ؟
لو تم تغييرهم فهذا يعني نفي احقيتهم في تمثيل دارفور وان الجبهة الثورية فقط من يمثل دارفور
الموضوع ده ما حيمشي لي قدام ابدا حتى ولو تم الاتفاق ..
| |
|
|
|
|
|
|
| |
مدثر صديق
ABUHUSSEIN
محمد البشرى الخضر
Mahjob Abdalla
adil amin
Abdullah Idrees
فيس بوك
تويتر
انستقرام
يوتيوب
بنتيريست