|
Re: حليل الفليي (Re: اخلاص عبدالرحمن المشرف)
|
انتشرت في دولة موضة استعمال القمل قال شنو يطول الشعر ، فكرت وقلت اي نظرية في احتمال صحتها ، تخضع للتجربة ولكن لو كان الضرر واضح لا حوجة لها.
الكورونا معاها العلماء فتحوا خشم البقرة
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
بعد اSARS وقفوا أبحاث الكورونا وتجاهلوا الملاريا تركوها تفتك بالناس والان يجربون كل شئ
خلونا في السليم الي ان يتوصلوا لحل ف نحن لا مراكز أبحاث لا غيروا ويمكن يجربوا فينا وتكون تلك مساهمتنا في تقدم البشرية الله غالب
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
منظمة الصحة العالمية تطلب من الدول الافريقية الاستعداد لمواجهة الجائحة . السودان دولة لا تستطيع استيراد اجهزة تنفس صناعي ولا ماسكات ولا غيره من المعينات ولم تصلنا معدات الا من الصين. ف شكراً لها .
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
اسع يا استاذ حسام الدين. لو قلنا الكلوروكوين مشهور ويستعمل ضد الملاريا التي تصيبنا نتيجة طفيل الملاريا ( فالسيبرم - واخواتها ) هذا مع وجود استعمالات اخري له . والقمل معروف ، الكورونا دي نقول عليها شنو
الصبر
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
ملكة بريطانيا خاطبت شعبها. الاتحاد الأوربي يفكر في تحويل الاقتصاد لاقتصاد حرب. امريكا تبدأ حظر التجول. كسينجر ظهر !!!
والعلماء بدأوا بما هو معروف من الأدوية والغريبة النتائج المبشرة كانت للكلوروكوين
بعده بدأ بعضهم يفكر في علاج يستعمل في مكافحة القمل .
اخيراً جاءتني ال جرأة وكتبتها 😳😳😳😳😳😳🤓🤓
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
بت مشرف تحياتي. علي قناة الحدث كان هناك لقاء مع طبيب (عالم) أمريكي متخصص في علاج الرؤساء الامركان تحدث عن بحث أصدرته أستراليا عن علاج الجرب أثبت فعالية في علاج الكرونا وليس له آثار جانبية بما يعني بأنه علاج جاهز للإستخدام ويجب استخدامه عند ظهور اعراض الكرونا ليكون فعالا.
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
تحياتي اخلاص وضيوفها ضحكت جدا من عنوانك قلت بت المشرف تكون اجتهدت في كتابتو . صدقيني مافي زول بقدر ينطقو ليك الا سوداني بعرف فلي القمل اهلنا الهوسة بعالجو الكورونا بصفق النيم في كوستي . حمام وشراب وقالوا الاطباء صفق النيم فيهو مادة سامة لو زدت الجرعة بتموت وبرضو النيم مبعد للباعوضة تمسك ليك فرع نيم مخضر في يدك وتتهبب بيهو باعوضة واحدة بتجيك مافي عن علاج الملاريا للكورونا زي ماقال لي صديق دكتور شركات الادوية ما بتعترف بيهو لانو رخيص ودايرة تتكسب
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
والله يا دكتورة طريتي ليك حاجه عجيبة فعلا
التفلي أو الفليي كان شى شائع جدا لغاية زمن قريب اصلا طبعا كان مربوط ب القمل والصباب
الصباب ب ضم حرف الصاد وهو بيض أو ربما يرقات القمل
لكن طبعا مع انتشار ثقافة النظافة والاستحمام وتغير العادات وطبيعة حياة الناس انتهي القمل تلقائيا وتلاشى التفلي
أحرف الكائنات فى التفلي هى القرود خصوصا فصيلة الماكاك و البابون
التفلي عندهم زى الأكل والشراب هههههههه
يا حليل دارون
| |
|
|
|
|
|
|
Re: حليل الفليي (Re: أبوذر بابكر)
|
تعرفي لو تعمقتي في دراستك دي بتوصلي لي شيئ ،،،،، كنت كل عام أصاب بالملاريا مرتين وربما ثلاث ،،، 3 أيام الملاريا تفري أجسامنا وتهرس عظامنا ، ونعالجها بحقن الرزشين والكلوروكوين أو بالحبوب كورس 4 حبات ثم إثنين وإثنين وإثنين كل يوم ،،، حتى وصلت اولى ثانوي عالي وبعدها توقفت الملاريا ،، مع إني كنت أعيش في الدويم مركز الملاريا وبعدها فترة الجامعة بالخرطوم ،، لم تعود الملاريا مرة أخرى حتى اليوم ،،، ما الذي جعلها تختفي مرة واحدة ولا تعود لا أدري ولكني أتوقع بأن جسمي قد طور مناعة ضدها جعلها لا تعاودني مرة أخرى ... لا علاقة لي بالمختبرات أو المجال الطبي عموماً ،،، ولكن أتوقع العلاجات المتوفرة يمكن أن تكون فعالة في الكورونا بنسب متفاوتة ،، ولو قلنا علاج الملاريا مثلاً مثلاً يعني ،،، فعال بنسبة 65% فيمكن الوصول لأدوية فعالة بنسبة 90% ربما بالتركيز على تكوينه وطبيعته كفيروس أو للأجهزة التي يستهدفها في جسم الإنسان أو لنوعية الأجسام المضادة التي تنتج في الجسم عند إصابته ،،،،، يمكنك المقارنة بينها وبيم أمراض أخرى مشابههة ،، والأدوية التي تعالجها ،،، متابعين ،، وشكلك مسكتي طرف الخيط
| |
|
|
|
|
|
|
Re: حليل الفليي (Re: حسام الدين حمودة)
|
اخلاص عبدالرحمن المشرف
سلام دكتورة بت المشرف I finally understood your title افتكرتو Philly cheesesteak ويتحدث عن fast food وناس ال KFC
عزالدين عباس الفحل ابوظبي
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
غالباً يا استاذ حسام الدين تكونت عندك مناعة وأجسام مضادة ، والان برضو الأبحاث في الاتجاه ده ماشيه كويس عن طريق أخذ البلازما ممن تعافي وتكونت عندهم اجسام مضادة واعطائها للحالات الحرجة تحت إشراف أطباء علي درجة عالية من الاحترافية .
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
اهلاً استاذ عزالدين الفحل الأكلات السريعة طاعمة عشان زايدينها ملح غير الخلطات السرية وغالباً فيها بكون سكر وبهارات حراقة وحريفة ، امس شايفة الناس طلبت من الصين قفل محلات بيع وذبح الحيوانات المختلط wet markets متأكدة انك ما بتأكل اللغاويس 😂😂
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
قالو مما الناس بطلت تفلي الشعر قلت المحنة =============== د. اخلاص .. تحياتي معليش زي ما قال الامير بدرالدين ( رطانة سودانيز) بأختصار المقصود من ( الفليي ) عشان أفهم الفيلم كويس
معليش ناس ضواحي الدنيا
تحياتي د. اخلاص
| |
|
|
|
|
|
|
Re: حليل الفليي (Re: Mustafa Eisa)
|
القمل كان لما يجي في الرأس وغالباً بكون عند الأطفال الأمهات يمسكوا الطفل يقعد امامهم ويفتشوا شعره باليد جزء جزء ، مما يلقوا قملة تقتل باستعمال الأظافر ، ============================ تحياتي د. اخلاص .. فهمت الموضوع .. القمل وخاصة عندنا في الشمال لأننا عندنا شتاء بارد جداً كان قبل التكنولوجيا يمكن أكثر منطقة فيها قمل هي شمالنا البارد .. الحمام طبعاً نادر البرد قاتل وخاصة في شهر كيهك وطوبة
كان للتدفئة يشعلوا النار في منتصف الغرفة وعندما كنا في سن اصغر كانوا يأخذوا العراقي ويقربوه من النار عندها يخرج القمل من بين خطوط الخياطة حتى سراول الاباء رحمهم الله كان يعرضوه بالقرب من النار التدفئة في نص الغرفة أما بالنسبة لقمل الراس عندما تسطع الشمس حوالي الساعة العاشرة صباحاً تجد الامهات صف طويل كل واحدة تبحث في شعر الاخرى عن القمل في سلسلة طويلة أقرب للنفير وإذا كان القمل أكبر من الحجم العادي كنا نسمع ( فرقعة ) واحياناً يظهر الدم على الاصابع ( الاظافر) .. القمل يحب البرد يختفي في الصيف ويظهر في الشتاء .. اكثر ما كان يثير الشفقة هو الحمار هم مثل البشر يصابوا بالقمل وخاصة في الشتاء تجد الحمار يضرب الأرض برجله يتمرغ في الارض أما الماعز ( الغنماية ) فهي اكثر ذكاء تذهب الى الحائط تحتك بها
المشكلة نحن اطفال كنا ننوم في سرير كبير وفي الشتاء حك للجلد ورفس بالاقدام حتى الصباح
تحياتي د. اخلاص ..
| |
|
|
|
|
|
|
Re: حليل الفليي (Re: علي عبدالوهاب عثمان)
|
Quote: القمل يحب البرد يختفي في الصيف ويظهر في الشتاء .. اكثر ما كان يثير الشفقة هو الحمار هم مثل البشر يصابوا بالقمل وخاصة في الشتاء تجد الحمار يضرب الأرض برجله يتمرغ في الارض أما الماعز ( الغنماية ) فهي اكثر ذكاء تذهب الى الحائط تحتك بها
المشكلة نحن اطفال كنا ننوم في سرير كبير وفي الشتاء حك للجلد ورفس بالاقدام حتى الصباح
تحياتي د. اخلاص ..
|
حبيبنا على عبد الوهاب من ما سالت دكتورة اخلاص عن انك ما ب تعرف فللى القمل تاكدت تماما انك حتجيب ليك تفسيرات كبيرة للقمل نعم كلامك كله صحيح لكن ناس الشمالية الدناقلة والمحس بيعرفوا الفلى وهم من هاجروا الى المدن الكبيرة وبالاخص عندما بدا مشروع الجزيرة فى الثلاثينيات والاربعينات اية قرية من ممدن الجزيرة فيها فريق الداناقلة والمحس يعنى كمان ما قدر دة تدى فرقة لى ناس الخرتوم ينطوا لينا فوق راسنا
| |
|
|
|
|
|
|
Re: حليل الفليي (Re: احمد حمودى)
|
هههها بوست تحفة القمل هيّن المشكلة فى الصواب* ____ *الصواب ده خلطة بهارات بيستعملها ناس الكفسى فى ساندوتش الجيس استيك فيليه لتفليل الجِكِن او كما قالت حبوبتى لميا
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
سلام د. اخلاص و ضيوفك الظراف خاصة استاذنا علي
الحجة السعودية دي زعلتني و ضحكتني في نفس الوقت. و في الاول
افتكرت الفيديو تمثيلية.
يارب علاج حتى لو علاج الجرب و القمل.
| |
|
|
|
|
|
|
Re: حليل الفليي (Re: نعمات عماد)
|
كيفك يا دكتورة تصدقي الموضوع حقيقي وكنت شغالة في منطقة زي دي ، مرة جاءتني واحده وانا زهجانة وهي تبع احدي الجامعات وعندهم أظن مركز أبحاث غايتو علي زهجتي ديك قلت اشوف ردت الفعل ، نحن في منطقة كل ال فيها يعتمد علي أبحاث دول اخرى ومشاكلنا ما بنعرف نحلها . العشرة باتباع في سوق الجمعة بخمسين ، وكان في مناطق أخرى تباع في محلات التجميل. وقامت حملة كبيرة أقفلت فيها بعض المحال .
| |
|
|
|
|
|
|
Re: حليل الفليي (Re: Arif Nashed)
|
اهلاً الاستاذ عاصم علي ما القمل الي الان علاج القمل وطفيليات أخرى ivermactin تحت الاختبار ، الرابط موجود فوق . و فعلاً الثقة في شركات الأدوية نتيجة لجشع بعضها قلت .
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
تعرف يا عارف الكورونا فايرس ده متعذي كويس شفت ال wet markets ال بقولوا نقطة انطلاقه محل خطر جداً ، الدماء من ذبح الحيوانات و توفر البروتين الحيواني ديل بيئة مؤاتية للفايرس عشان ينمو ويتطور ، فايرس خطر بجد
مرحب بك يا عارف
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
بوريس جونسون اعطي أكسجين ، لم يكن هناك intubation وده يطمئننا نحن الذين لا نملك إمكانيات كبيرة ، الان العلاج قد يتجه نحو إعطاء الأكسجين ، ما في داعي ل invasive procedure قد يكون تجمعت معلومات اكثر عن الفايرس والميكانيزم الذي يعمل به ، قد تتجه المعالجة نحو (أيون الحديد )
والله اعلم
| |
|
|
|
|
|
|
Re: حليل الفليي (Re: اخلاص عبدالرحمن المشرف)
|
السلام عليكم يا دكتورة و لي ضيوفك الكرام علاج الملاريا علاج القمل علاج الجرب العلاجات دي قالو اظهرت نتائج كويسة لعلاج الكورونا هل في رابط علمي بين الأمراض دي .... ؟؟؟؟؟
تحياتي و احترامي
| |
|
|
|
|
|
|
|