عاجز عن الشكر وتعجز حروفي .. يا سلام مكالمات من الاخوان والابناء في سودانيز وخارج سودانيز ( فقط قراء ) أنا مشكلتي ما عندي موبايل حديث .. فقط أبوكشاف .. ونحن من ميز المدرسين متعودين على عبارة ( كلام الليل يمحوه النهار) بس دي كمان ما تكون عنصرية ايام الليالي الصح .. المقال أدناه بعد بحث طويل .. لأن اللغة العربية أكثر اللغات في عالم ثراء بالمفردات والمترادفات كانت المفردات اكثر من 12 مليون مفردة أختصرها سيبويه إلى 6 مليون اللغة الانجليزية التي تحكم عالم حوالي 600 الف مفردة والفرنسية أقل ============= عندنا في الجمعية عندما يدور النقاش في أي موضوع أولادنا المتحدثين بالعربية هم من يفرضوا رأيهم .. ما شاء الله عليهم .. كمان لو في أي عدوان خارجي (ههههه) هم من يواجهون وخاصة صاحب العقار المؤجر .. نحن على طول نستسلم (حاضر ) ولكن هم ما شاء الله لكن مشكلتهم لو اشتبكوا مع بعض في الكوتشينة .. لا بد من تدخل الكبار هنا بدأت استحضر الماضي والحاضر والتجربة العمرية الطويلة فوجدت أن ابناءنا الناطقين بالعربية أو المولودين في المدن هم يكسبون الجولة غير هؤلاء اخوانهم واشقاءهم القادمين من ضواحي الدنيا .. لا أعرف احيانا الجدال كان حتى بين الاباء بالنوبية .. وبمجرد الانفعال مثلا ( يلعن أبوك ، يلعن أمك ، يا ابن كلـــب .. الخ لا توجد في النوبية وربما في لغات محلية اخرى
04-02-2020, 12:36 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
اللغة النوبية في معظمها فيها قلة من مفردات القذف والشتائم ولا تجد مقابل بالنوبية لكلمات عربية كثيرة جداً في مجال الشتم على سبيل المثال لا الحصر ( مغفل ، عوير ، اهبل ، بليد ، مفتري .. الخ عشرات الالفاظ ) وربما في اللغات المحلية الاخرى ، وكما يقول خبراء اللغة ان كل انسان يفكر باللغة التي يتحدث بها ( والمقصود هنا اللغة الام ) ومن ثم يمكن ترجمتها من الذاكرة عند الانفعال مع وقوع الحدث .. فعلى اساس اللغة النوبية ليست بها الا القليل من مفردات ذات غلظة وهجاء وشتم فبالتالي فإن المتحدث لن يكون لديه ما يكفي من المفردات لرفع وتيرة الحديث الهجائي حتى يبلغ الى درجة الخصومة والحرب والايذاء والقتل مما جعل هناك نوع من الأمن المجتمعي .. وما دام ان اللغة فيها مفردات محدودة من تلك الالفاظ .. وطالما ان الشخص يفكر بلغته فإذن كمية العدوانية ومستوى وهامش التعدي والقذف سوف يكون عند ادنى نقطة بالنسبة للناطقين بالنوبية .. وهذه قيمة واساس لا يمكن التغاضي عنه عندما نقول ان نسبة الجريمة في مجتمعاتنا تكاد تكون في الصفر .. لأن العداوات التي تنمو وتكبر وتصبح جرائم معظمها تبدأ بغلظة اللفظ .. وكما في الاثر فالمرء بأصغريه واللسان هو اوله ثم القلب .. وفي المقابل تجد ان كلمات الشكر والتي تفوت الحد الى النفاق والتضخيم والتأليه للافراد تجدها قليلة ايضاً لأن العطاء عند أهلنا واجب والكرم اوجب والتكافل مأصل في شخصية انسان المنطقة فلذا لا يمكن ان تمدح الشخص بالمسلمات والثوابت الموجودة اصلاً في شخصيته إلا بعض الالقاب التي تدل على وظائف عليا تضبط المجتمع ( مثل اور ، سمل ، ساتي ، قرو ، امباب ، آبه ، ).. وهي درجات مأخوذه في الغالب من الرتب الكنسية وتجدها كانت تطلق على من وصلوا لدرجات من السمو الروحي والايماني .. وتمت تصريفها على الرتب الادارية في المجتمع لاحقاً ولكن الشكر والتمجيد دائماً ما يكون للتربال المنتج صاحب أعلى انتاج من المحصول .
لنرجع لموضوعنا السابق .. في طريقة العبادة وكيف أن اهلنا كانوا يصفون انفسهم ببعض الحيوانات مجازاً وليس على سبيل التطابق الفعلي وهذا يأتي ايضاً من منطلق تكوين الفكرة في البداية كما ذكرنا سابقاً من خلال التفكير باللغة التي يتحدث بها الانسان .. فالانسان في منطقة النوبة عموماً ازدهرت اجتماعياته وتطوره الطبيعي من خلال النشاط الزراعي .. والزراعة هي علم وحياة اجتماعية وقيم .. وفي البداية بعد مرحلة الرعي كيفية تطويع الحيوان لخدمة البشر كعامل مساعد في الحياة .. ففي المجتمعات غير الزراعية ينظر الى الحيوان على انه وجبه دسمة بها لحوم من مختلف الانواع والمذاقات وبها جلود للفرش وعظام للزينة .. الخ ، ولكن نظرة اهلنا كانت مختلفة تماماً وحتى زمن قريب فمثلا الابقار والثيران مهما كانت جميلة ومنتكزه اللحم والشحم فإن أهلنا ينظرون اليها على بأنها من عوامل الانتاج وعنصر في استمرار الحياة وبقائها وهي احدى ركائز المجتمع .. ماذا لو اعجبه ذلك العجل او تلك البقرة او ذلك الثور .. وانقياداً لشهوة البطن ذبح هذا الحيوان واكله ثم قام بهضمه ولفظه كبقايا بشرية نتنه .. بهذا يكون انسان بدون قيمة او رسالة فقط يتبع شهوة بطنه وسلطان رغبته .. ولكن عندما ينظر الى البقرة ( انها تدير الساقية وتجلب النماء و تمنع الجوع ) والثور ( لحراثة الارض وتجريف ورفع الجداول ) الى آخره .. وهكذا يكون للحيوان قيمة .. لذا فلدى أهلنا عمق في معرفة الحيوانات واحساسها صفاتها الجميلة وغير الجميلة .. لذا فإن صفات الحيوانات أخذت حيزاً كبيراً في الوصف والتشبيه والمدح والذم من خلال اللغة النوبية فكان من اهلنا ممن لا يعرفون القران والسور يتعبدون في صلواتهم لله بقيم يستقونها من سلوك الحيوانات ويصف نفسه ( باورتي .. وبرتي .. الخ والمقصود هنا يا الله انا حيوانك المطيع) فهذا يمثل عمق ايماني لهذا الشخص وتكوين شخصيته المتصالحه مع ذاته حتى لو وصفها باي صفة.. وفي حالة الذم والمدح عندما يوصف الشخص باي من صفات البهائم او بإسمها او مدلولها فكأنما يترك له المجال لسبر غور هذه الصفة ومراقبة الحيوانات المعني في سلوكه وعاداته .. وبهذا يكون اهلنا قد جسدوا للشخص مثالاً حياً يستطيع ان يستنتج منه خطأه او يعرف كيف جاء مدحه بصفة هذا الحيوان ..
04-02-2020, 12:42 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
كان عندي صاحبي محسي دائماً في حالة ثورة ضد نفسه لانه بيشوف انه النوبة عموماً ناس مسالمين لدرجة العباطة والاستغلال.. ومابيعرفوا للشكل .. انا كنت شايفها ميزة .. وهو بيشوفها معاناة ..
04-02-2020, 01:13 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
كنا في المدرسة الوسطى زمان نمزح مع بعضنا لأننا في مكون واحد .. زمان كنا نحن المزارعين وهم من يحتكرون المواصلات ونقل الانتاج الزراعي على ظهور الجمال الاسواق البعيدة واخيرا اختلطت الانساب بالتزاوج وخاصة وبصراحة بناتهم كانت سمحات هم كانوا يرددون في شكل كورس : لعن الله قوماً يقولون للغنماية ( برتي ) bairti وللجزيرة ( آرتي ) aarti وللرحمن ( أرتي ) arti
ونحن نرد عليهم بنفس الطريق: عراباً جراباً اشد كفرا ً وقبر ناراً
ومعظمهم كانوا يجيدون النوبية تماماً ثم اللعب العادي ..
مودتي .. وتحياتي ..
برضو لسع خايف من العنصرية
04-02-2020, 12:46 PM
أبوذر بابكر أبوذر بابكر
تاريخ التسجيل: 07-15-2005
مجموع المشاركات: 8610
شاعرنا الجميل أبا ذر تحياتي .. حاولت آخذ الموضوع من العمق ومن خلال ملاحظاتي .. حتى داخل العائلة وجدت أن العربية بها مترادفات ومخارج وتبريرات يمكن لمتحدثها أن يتفوق ويكون له حضور قرأت مرة بأنها هي اللغة التي سوف تبقى الى النهاية وأن الامريكان عندما يدفنون بقايا المواد النووية بالاضافة الى الانجليزية يكتبون أيضاً بالعربية بأنها مواد مشعة وضارة مشكلتي في الاسماء عندما تم سؤال شاعر جزائري لماذا تكتب الشعر بالفرنسية وليس بالعربية .. قال العربية لغة واسعة وسوف تتم مقارنتي بالافذاذ واخسر الجولة دعني متفوقا بالفرنسية
تحيات أباذر .. بوست النعام آدم .. قادم إليه مع خواطري في نوري زمان
04-02-2020, 02:21 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 10624
سلامات علي أمبس .. عارفك بترجع لأنك ما وش حردي وزعل.. معنى أمبس كان سأل عنه عارف امبس وهي تعني أخي.. بالإضافة لما جاء في مقالك البحثي الجميل .. إنسان هذا الجزء من العالم مرت عليه كل العقائد الوثنية والسموية .. أكيد كلها تركت شيء من أثرها .. وإن كان زي ما تفضلت ربما الأثر المسيحي كان الأعمق في التركيبة اللغوية والأخلاقية.
04-02-2020, 04:41 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
حبيبنا الملك .. تحياتي .. نعم الملك .. تعاقب الديانات .. ترك موروثات فيها كل القيم والفضائل من كل الديانات
والحكم على الفرد من منطلق سلوكه
وليس بما يردده أو ما يقوم من العبادات خاصة في منطقة شمال دنقلا الى النوبة المصريين
قصة الفقرا والشيوخ كان قليل .. ثم اجتاحت المنطقة دعوات انصار السنة في بداية الثمانينات ثم ايام الانقاذ
مشكلتنا بقت في عدد السكان اقل من المساحات إلا في مناطق معينة البرقيق وكرمة البلد وكرمة النزل وبدين ازدياد الضغط على سكان الخرطوم في صالحنا يساعد في عودة الناس مناطقهم
امس طول اليوم كنت أقرأ بوست مملكة أرقو .. اعادة القراءة كانت مفيدة جداً البوست داك تاريخي حافظ عليه
موضوع الجازولين وحصاد القمح عامل لينا هم كبير .. السنة موسم تاريخي .. باقي موية واحدة فقط والحصاد
تحياتي الملك امبس .. حفظ الله الجميع من الكورونا
04-02-2020, 04:44 PM
يوسف الطيب احمد إدريس يوسف الطيب احمد إدريس
تاريخ التسجيل: 03-03-2014
مجموع المشاركات: 1226
الحبيب يوسف .. تحياتي شكرا على حضورك الجميل وسؤالك عن الصحة .. الكورونا عامل رعب هنا ما مشكلة مشكلة هناك في البلد حصاد القمح الجازولين يشكل خطر .. باقي سقية واحدة والحصاد السنة دي القمح عندنا مبالغة
دعواتك يا الحبيب ..
04-02-2020, 05:19 PM
يوسف الطيب احمد إدريس يوسف الطيب احمد إدريس
تاريخ التسجيل: 03-03-2014
مجموع المشاركات: 1226
رعب شديد وقالوا مكة والمدينة حظر كامل 24 ساعة واغلاق كامل للمحلات التجارية
Quote: تضمنت منع أي أنشطة تجارية داخل الأحياء بالمدينتين عدا الصيدليات والتموينات ومحطات الوقود ضوابط منع التجول 24 ساعة بمكة والمدينة.. التنقل داخل الحي لشخص واحد مع قائد المركبة
صحيفة سبق الإلكترونيةالرياض
شدد القرار الذي صدر اليوم بمنع التجول في أرجاء مدينتي مكة المكرمة والمدينة المنورة كافة على مدى (24) ساعة يومياً على منع ممارسة العمل بأي أنشطة تجارية داخل الأحياء السكنية بمدينتي مكة المكرمة والمدينة المنورة، عدا عمل الصيدليات ومحلات بيع المواد التموينية ومحطات الوقود والخدمات البنكية.
كما أشار إلى قصر التنقل بالسيارات داخل الأحياء السكنية في أضيق نطاق من 6 ص إلى 3 مساءً على شخص واحد فقط، بالإضافة إلى قائد المركبة، لتقليل المخالطة إلى الحد الأدنى.
وأهابت وزارة الداخلية بجميع المواطنين والمقيمين استخدام خدمات التوصيل السريعة عن طريق تطبيقات الأجهزة الذكية، لطلب الاحتياجات الغذائية والدوائية وغيرها من السلع والخدمات المستثناة وتوصيلها إلى المنازل.
وكان قد صرح مصدر مسؤول بوزارة الداخلية بأنه في إطار الجهود التي تقوم بها المملكة في مواجهة جائحة فيروس "كورونا"، وتنفيذاً لتوصيات الجهات الصحية المختصة برفع درجة التدابير الاحترازية والإجراءات الوقائية بمدينتي مكة المكرمة والمدينة المنورة، للحفاظ على صحة المواطنين والمقيمين فيها وسلامتهم، فقد تقررمنع التجول في أرجاء مدينتي مكة المكرمة والمدينة المنورة كافة على مدى (24) ساعة يومياً، مع استمرار منع الدخول إليها أو الخروج منها، وذلك اعتبارًا من تاريخه وحتى إشعار آخر. ولا يشمل منع الدخول والخروج الفئات المستثناة من منسوبي القطاعات الحيوية في القطاعين العام والخاص، الذين تتطلب أعمالهم الاستمرار في أدائها أثناء فترة المنع، وذلك بحسب ما ورد في الأمر الملكي الكريم رقم 45942 وتاريخ 8/ 8/ 1441هـ.
شايف قالوا منعوا تصدير الذرة من السودان.. اعتقد انها خطوة مهمة في صالح المستهلك السوداني زيادة صادرات السلع السودانية أدى لارتفاع اسعارها وبالتالي صعبت الحياة على الناس
ربنا ينجح موسم القمح والخضروات لينعم اهلنا في السودان بخيرات البلد
تسلم
04-02-2020, 05:36 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
الحبيب يوسف خبر مهم جداً بكرة من الصباح على السوق التلاجة فاضية والسوق اكيد حيكون زحمة ============= قصة الذرة عندنا مصيبة كبيرة بسبب الكساد واستهلاك القمح انخفض الانتاج السودان اصبح تخزين وكسب سريع وتجارة عملة ما في انتاج ربح سريع .. يخرب بيت الكيزان
شكرا الحبيب يوسف
04-02-2020, 06:12 PM
عباس محمود عباس محمود
تاريخ التسجيل: 11-26-2004
مجموع المشاركات: 1441
على أمبس سعدت جدا بعودتك وأرجو أن تواصل الكتابة فى موضوع البوست الأساسى ...مهم جدا بالنسبة لى. على أمبس انا طبعا حصيلتى من لغتنا الأم ماشة فى النازل لعدم الأستخدام .. المهم .. عندنا كلمة ماقادر أكتبها ليك .. لما تتضايق ولا تزهج من واحد تقول :- هن جوب Chop .. هى تعبير أكثر من كلام عنده معنى محدد .. اشرح اللى يرضى عليك
04-02-2020, 07:01 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
علي أمبس انا طبعا حصيجلتى من لغتنا الأم ماشة فى النازل لعدم الأستخدام .. المهم .. عندنا كلمة ماقادر أكتبها ليك .. لما تتضايق ولا تزهج من واحد تقول :- هن جوب Chop .. هى تعبير أكثر من كلام عنده معنى محدد .. اشرح اللى يرضى عليك ======================== عباس امبس .. تحياتي مخزون اللغات مهم جدا يجعلك تكون ملماً بثقافات متعددة وليس اتجاه واحد يكون لديك عالم واسع ومجال مفتوح .. مثلاً يمكن لك ان تسمع الغناء بعدة لغات تماماً مثل طريق اتجاه واحد وطريق متعدد المسارات .. بالنسبة لعبارة ( جوب ) هي عبارة خاصة بالنساء .. تطلق عندما يبلغ الغضب آخر درجة ويتوقف الكلام نهائيا والعبارة تكون مصحوبة بحركة اليد .. حسب قراءتي هي عبارة من عمق عقائدي حتى في العربية ( تباً لك ) .. البعض ينطقها ( توب ) فهي موروث انساني مشترك بين كل الناس ربما يكون موروث ديني ..
واحياناً ويكون هناك رد فمثلا تقول : جوب ترد الاخرى : جوباد إكي اوريل .. ( جوب عليكي انت )
واحياناً تأتي على سبيل الدلع والدلال والغنج وخاصة للرجل او الحبيب وبنغمة جميلة ( يويو جوب ) مع تعبير جسدي
الحبيب عباس امبس .. يا سلام دخلتنا في عواللم رائعة ,, اصيل ووو عباس أمبس
اللغة النوبية في معظمها فيها قلة من مفردات القذف والشتائم ولا تجد مقابل بالنوبية لكلمات عربية كثيرة جداً في مجال الشتم على سبيل المثال لا الحصر ( مغفل ، عوير ، اهبل ، بليد ، مفتري .. الخ عشرات الالفاظ ) وربما في اللغات المحلية الاخرى ، وكما يقول خبراء اللغة ان كل انسان يفكر باللغة التي يتحدث بها ( والمقصود هنا اللغة الام ) ومن ثم يمكن ترجمتها من الذاكرة عند الانفعال مع وقوع الحدث .. فعلى اساس اللغة النوبية ليست بها الا القليل من مفردات ذات غلظة وهجاء وشتم فبالتالي فإن المتحدث لن يكون لديه ما يكفي من المفردات لرفع وتيرة الحديث الهجائي حتى يبلغ الى درجة الخصومة والحرب والايذاء والقتل مما جعل هناك نوع من الأمن المجتمعي .. وما دام ان اللغة فيها مفردات محدودة من تلك الالفاظ .. وطالما ان الشخص يفكر بلغته فإذن كمية العدوانية ومستوى وهامش التعدي والقذف سوف يكون عند ادنى نقطة بالنسبة للناطقين بالنوبية .. وهذه قيمة واساس لا يمكن التغاضي عنه عندما نقول ان نسبة الجريمة في مجتمعاتنا تكاد تكون في الصفر .. لأن العداوات التي تنمو وتكبر وتصبح جرائم معظمها تبدأ بغلظة اللفظ .. وكما في الاثر فالمرء بأصغريه واللسان هو اوله ثم القلب .. وفي المقابل تجد ان كلمات الشكر والتي تفوت الحد الى النفاق والتضخيم والتأليه للافراد تجدها قليلة ايضاً لأن العطاء عند أهلنا واجب والكرم اوجب والتكافل مأصل في شخصية انسان المنطقة فلذا لا يمكن ان تمدح الشخص بالمسلمات والثوابت الموجودة اصلاً في شخصيته إلا بعض الالقاب التي تدل على وظائف عليا تضبط المجتمع ( مثل اور ، سمل ، ساتي ، قرو ، امباب ، آبه ، ).. وهي درجات مأخوذه في الغالب من الرتب الكنسية وتجدها كانت تطلق على من وصلوا لدرجات من السمو الروحي والايماني .. وتمت تصريفها على الرتب الادارية في المجتمع لاحقاً ولكن الشكر والتمجيد دائماً ما يكون للتربال المنتج صاحب أعلى انتاج من المحصول .
******
كما تفضلت فإن قاموس الكلمات التي تدخل في قاموس الشتائم قليلة في الذخيرة النوبية بشقيها إن غضب زولنا النوبي فإن أول جملة تنطلق من عقالها هي :
TERTIG ELMENER أو ERON KOYINGELMAINA
والمعنى : إن شاء الله ما تلقى أهلك ، والمعنى في بطن الشاعر هو : ربنا ياخدك
لنا عودة
04-02-2020, 07:30 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
حبيبنا الأديب الأريب أبوجهينة لأن المنطقة ملت الحرب منذ معركة رماة الحدق في الفتح الاسلامي وجنحوا إلى حياة السلم .. وخاصة بعد انهيار ممالكهم المسيحية ووصلوا درجة التشبع .. وهناك مجتمعات يمكن ان تنتصر بالسلم والتسامح وسلاح التسامح اصعب من السلاح الدموي وتطبيقه كسلوك لا يأتي إلا من خلال التجارب والتعايش الاجتماعي ومعرفة حدود التصرفات الشخصية والممتلكات فالبعض يظن أن ضرب الرؤوس واراقة الدماء هي البطولة والرجولة والنخوة ولدى شعوب اخرى ان التسامح وحسن المعاملة يمكن احتواء الاخر مهما بلغ من العنف قرأت أن السويسرين آخر معاركهم كانت عام 1860تقريبا وكانت المعركة بالعصي بين اصول مختلفة وإلى يومنا هذا اصبحت سويسرا نموذج عالمي ولدينا لم يحدث إلا معركة صغيرة في منطقة السكوت مع العثمانين مع ملوك أرقو جاء اسماعيل باشا ومر كيتشنر مرور الكرام والعكس فقد عانى أهلنا من حملات ودالنجومي إلى مصر لذا تجد الامن المجتمعي .. زمان لم يكن هناك حتى بوليس بمعنى الكلمة .. لأن كل الامور محددة حدود الزراعة .. ونسب الشراكة .. وكيفية القسمة والمكاييل والموازين
تحياتي أديبنا الجميل أبوجهينة
04-03-2020, 09:03 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
نواصل : رغم ذلك أذكر بعض السلوكيات بين امهاتنا في ذلك الزمان .. كانت هناك مواجهات لفظية بينهن وفي الغالب كانت تكون في الفترة التي يذهب فيها اباءنا الى الساقية وتكون القرية خالية من الرجال فقط النساء لأن الجميع في السواقي .. كل واحدة تقف أمام باب منزلها ومعها مجموعة من قريباتها وكأن تلك المجموعة كانت تلقن تلك المرأة ببعض العبارات وكانت في الغالب تكون في نطاق الفخر والرفع من قيمة العائلة وتستمر حتى انتصار احداهن على الاخرى أذكر بعض العبارات رغم مرور عشرات السنوات : ( سوف أحاول أترجمها من النوبية ) نحن طولنا يضاهي النخلة وامتدادنا الى نهاية شعاع الشمس كمان نحن سقف بيتنا السماء نحن ما جينا من محل تاني نحن ربنا نزلنا هنا من السماء بسلسلة من الذهب هذه المناظرة كانت تسمى بالنوبية ( جالييه ) وكل وحدة تفتخر بالذهب والمصوغات طبعاً الحاجات دي زمان كانت تأتي من مصر ( العكش والشف والجلادة .. الخ ) ثم بعد ذلك الصلح .. وهذه المناظرة لم تكن إلا والقرية خالية من الرجال .. والغربية لم تكن هناك تقاطعات كل واحدة تعطى الفرصة لأختها ثم تتداخل .. كلما أري مناظرة سياسة استحضر ذلك المنظر .. ربما كان نوع تفريغ الغضب حتى لا يتطور الغضب إلى مراحل وخيمة .. والغريبة يكون هناك صفاء تام بعد مقاطعة لاسبوع تقريباً .. لذا احب اشاهد المناظرات السياسية ( انتخابات الامريكية ) وبعض البرنامج الاتجاه المعاكس ..
04-03-2020, 09:37 PM
جلالدونا جلالدونا
تاريخ التسجيل: 04-26-2014
مجموع المشاركات: 9389
سلام يا على ز ضيوفك الكرام بوست جميل و مفيدو فيهو شى من ابداع اهلنا بعدين ما تاكلنا حنك اهلنا الدناقلة ديل اكتر ناس بتاعين شكل زمن القطر و بابور البحر فى كريمة الشكل بكون مدّور من محطة كريمة و ما يقيف الافى الخرطوم ____ مولاى الملك
Quote: معنى أمبس كان سأل عنه عارف امبس وهي تعني أخي..
اخوي يا مولاى اكثر حنّية و حميمية
04-03-2020, 10:16 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
بعدين ما تاكلنا حنك اهلنا الدناقلة ديل اكتر ناس بتاعين شكل زمن القطر و بابور البحر فى كريمة الشكل بكون مدّور من محطة كريمة و ما يقيف الافى الخرطوم ==================================== الحبيب الجميل جلالدونا .. صاحب المصطلح داك أهلنا المسافرين بالقطر والبابور ديل كانوا عندهم حاجة اسمها تصاريح نسيتب التفاصيل .. تقريبا تذكرة حكومية لموظفي الدولة ولكن معظمهم كان السفر باللواري صدقني يا جلال لا سكين ضراع ولا عكاز ديل عاشوا مع الانجليز في الخرطوم في أمن وأمان تجارة ووظائف وأملاك .. حتى أهلنا الجموعية استغربوا منهم وقالوا ( الدنقلاوي حلاب التيس) تحقيق المستحيل ومعايشة الخواجات
لو قرأت كتب الرحالة تجدهم في معظم مدن السودان عشان كده على طول تجد اسم الدناقلة في مدن كثيرة في السودان .. أجمل ما قرأت عن حي الدناقلة في الابيض والذي تحول الى حي القبة عام 1902 بعد وفاة الشيخ يمكن الولي قال الرحالة وهو ألماني نسيت الاسم .. أن المسجد في حي الدناقلة كان مبني من الطوب الأحمر وكذلك بيوتهم .. ورغم انهم يصلون ولكن في المساء كانوا يتناولون البراندي ..
التحية اولا لقراء وقارئات بشاشا، لانهم فعلا اخجلو تواضعنا او ماخلو لي جنبا ارقد عليها!
اعتذر بشدة، ولكن ماحاقدر لو بالغ اكتر من يوم في الاسبوع او اقلاه مرة في الشهر..
الزملاء والزملاء، نرجو ايضا تعذروني لو غلطتا في سرد اسماء من سالو عنا وافتقدونا وطلبو عودتنا. اما الصديق بكري، فجو المنبر، زي ماقتا ليك، يازول لابعرفك لابتعرفني، الصاح من حيث السفافية كدة، اما خارج المنبر نظل اصدقاء او علاقتنا اسرية!!!! جاييك يا ابو علوة للبوست لانو مهم، مهم للغاية!!
لاحظو انا زول بتاع تاريخ او ابو علوة ماعندو شغلة بالتاريخ، وانما واقع حال اسلوب حياتنا، اي ثقافتنا كسودانيين، كوشيين، نوبيين.
رغم هذا الفارق، كلام شيخنا ده مذهل من حيث حقايق التاريخ!
شئ مذهل بالنسبة لي كتلميذ في مدرسة تاريخ ثقافتنا، انو ورغم انف قرون الاستعباد الثقافي، يا للهول، الي هذا التاريخ، ارثنا الحضاري، حضورو طاغي، طاغي، للحد البعيد، ولكن علي مستوي اللاوعي!! للاسف وعينا محتل!!
ولكن اللاوعي بمثل 90% من مكونات الفرد منا!
لهذا طبيعي او منطقي انو ارث عشرات الاف السنين يكون هو الاساس، او هو الجبل الما بهزو ريح ارث وعي الاسترقاق، الاستعمار، العروبي، الاوربي، الحالي المهمين، علي وعينا المحتل البمثل 10% فقط، من خبوب، تراش، وعينا الحالي، اللي انجب نماذج امثال علي عثمان، نافع، البشير، "الرساليين" افتراضا، يا للمغسة، وهؤلاء هم افسد من مشي علي قدمين في السودان المازال مصري، انجليزي!!
04-04-2020, 06:24 AM
Bashasha Bashasha
تاريخ التسجيل: 10-08-2003
مجموع المشاركات: 25803
كمدخل، عايز تاني انبهك، كيف المسيحية او اليهودية او الاسلام، هو بضاعتنا نحن، وليس العكس!
نعم كقـــــــــاعدة، ولكل قـــــــاعدة شواذ، متي ماكان هناك قاسم مشترك مابين قيم المسيحية مثلا، وارثنا نحن، فاعلم انو البتنسبو انت للمسيحية، هو اشياءنا نحن، وليس العكس!
باختصار شديد، مايسمي الان "دين" في مرجعية غير السود اي السودانيين اي الافارقة، هو من حيث الاصل، بضاعتنا نحن، وليس هم، ولكن تما صياغتو من منظور مرجعية ثقافتم هم!
اكرر لاعلاقة لهولاء، كقاعدة، بما يطلقون عليه "دين" من حيث الاصل!
لهذا لما ظهر هذا الجانب من ثقافتنا نحن، في حياتم هم، كانعكاس للاثر الطاغي الاسطوري لارثنا نحن علي "حيرانا" هؤلاء، او تلاميذنا، فهم حاربوهو حرب ضروس وهذا طبيعي او منطقي!!!
لذا الانتا باستمرار بتسميهو ارث "مسيحي" اعلم انو ده، ارث سوداني كوشي نوبي خمشو "المسيحيين" شغل محاكاة او تقليد، كما نفعل نحن الان، لما نقشر بالقميص الما محشي في المنطلون، والاكمام الما مزررة!
04-04-2020, 06:37 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22970
النوبة هم السود اين ماكانو، وليس فقط الافارقة بمعني سكان قارة افريقيا، او السودان فقط، دعك من خزعبلات خبوب وعي الاسترقاق العروبي القبلي، بتاع دناقلة او محس!!
رجاءا ثم رجاء، ياسودانيين اطلعو من الحتة دي!
اذا لابد، وانا اسف مقدما اتكلم بالضيغة دي، "النوبة" بالالف واللام، في السودان، تاريخيا، هم اهلنا نوبة الجبال، اللي دفعو تمن فادح لحملهم هذا الاسم عبر القرون، وحدهم لاشريك لهم، لانهم بالفعل كانو "الطبقة" الحاكمة في العصر النوبي، اي بعد سقوط عرش كوش في مروي!
اذن كلنا نوبيين علي قدم المساواة، مع الاعتراف انو سكان اقصي الشمال، لاي سبب، لاوعيهم النوبي الكوشي داقي في الاضنين مقارنة بي اهلهم البقارة مثلا اللي لاوعيهم الكوشي داقي في الكتافين!!
نعم خبوب وعي الاسترقاق العروبي في اقصي الشمال علي مستوي الوعي، بسيط جدا، مقارنة بامثال بريمة، وهذا حقيقة بحير الواحد، بالذات لما نضع في الاعتبار، الموقع الجغرافي علي الحدود، لسكان اقصي الشمال مقارنة بامثال بريمة في اعماق الاعماق في الجنوب!!!
حاجة تموخل حقيقة!!!
04-04-2020, 09:56 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
البوست الجاب بشاشا ده ما ساهل كلام بشاشا ده صحيح 100% والله لو كتنشر مدة السكة الحديد بي الغرب طوالي لحدي دنقلاب وقاد كرري من الغرب ما كان اهلنا المحس نزحو الخرطوم بهذه الكميات المهولة واتطبعو بي طبع ناس الخرتوم الشين ...
يا علي انا عندي قصص طريفة جدا مع اهلنا الرطانة من دنقلا الي حلفا في الجامعة طلاب او عاملين في البركس ولعبت معاهم 7 كومي في صفرة الغالي وكانو بدوني سبشل قايليني محسي اتذكر رئيس الصفرة اسمو محمد مشا معانا رحلة بورتسوادن تور بتاع كلية علوم كان انسان راقي شديد الزمن طال اتمني يكون بخير بس قلت اهلنا الكوشيين ما عندهم مفردات نابية صحيح لكن لمن يتعلمو العربي بمعطو الكبار والقدرهم ذى الزول السمح في اغنيىة الكابلي لكن اشهد لله ناس في السودان كلو قلوبهم صافية ذى اهلنا المحس مافي ديل اكثر ناس بسبو دين في السودان وفي نكت كثيرة في الامر واطاولو علي ذات الالهية والفريق عبود بعد غرق حلفا (حلفا دغيم ولا بيروت يهرق دينيك يا أبود ) قالو الامام مالك طلع فتوي في بطلان ادانة الحلفاويين بسب الدين والجعليين بي بالحليفة بي الطلاق بحكم العادة وعدم واستحضار النية فيه انا عاجبني في الحلفاويين ما معترفين بي اي زول غير محمد وردي في العالم وليهم حق الما ببقي نفسو زول ما في زول ببقيه
وردي بقى شيوعي كلهم بقو شيوعيين دي الرجالة ولي بلاش وردي فنان اموم الشأب السوداني مننا ومن اندنا .. عون الشريف اخو المصحف الشريف مننا ومن ا ندنا **** وردي فنان السودان الاول وفنان جون قرنق والجنوبيين ايضا وهسة الاغنية دي سمعتها في هارموني زمان ومشيت مصر ليقتا ممتدة من الاقصر لحدي اسوان وكل اغاني السودان الشمالية النوبية منتشرة شديد جنوب مصر وفضائية هرموني الاولي جنوب مصر والحديث شو شجون
04-04-2020, 06:55 AM
Bashasha Bashasha
تاريخ التسجيل: 10-08-2003
مجموع المشاركات: 25803
هذه سمة عامة في الريف السوداني، وليس الشمال او ده مهم، مع تسليمنا انو هناك كثافة اعلي لي ارثنا الكوشي النوبي علي مستوي اللاشعور لدي انسان اقصي الشمال، ربما لانو الشمال جغرافيا كان بمثل الموقع التاريخي لهذا الارث، او علي كده، حتي الهوا البتشمو في اقصي الشمال معتق بي ارثنا الحضاري اللي كان كثيف في اقصي الشمال!
نعم وطن وشعب، للسلم اجنحتو او ضد العنف اسلحتو، وهذا مجسد في الريف باكثر من مدنا، والسبب بسيط:
بنية الريف هي الاقرب لتاريخ اثرنا الحضاري، لاننا من قمنا مزارعين كقاعدة، وهكذا اسلوب انتاج لايسمح بتركيز عالي للسكان في رقعة اصلا للزراعة.
بنية المدن هي الاقرب لنمط اسلوب الحياة في الثقافة الارية، لما استقرت او تركت حياة التنقل اي البداوة بالذات بعد الثورة الصناعية.
ماسر السلمية؟
04-04-2020, 07:02 AM
يحي قباني يحي قباني
تاريخ التسجيل: 08-20-2012
مجموع المشاركات: 18708
Quote: عادل أمين ... ما تخريج ساي احنا حضرناها ( حلفا دغيم و لا باريس ... )
بيروت دي كانت سنة كم ؟
حياك يا يحي عمك جقود ده ما بنقل ساييي قلت ليك انا كنت محتال في البركس وعامل فيها حلفاوي عشان الرمرمة في صفرة الغالي القصص دي حكوها لي عجايز في الصفرة والهتافات دي كانت في حلفا ايضا مش الخرطوم والتهجير القسري ده كان ماساة شديدة والله غرقت الاثار وملاييين النخيل بت مود عشان خاطر الخرع عبدالناصر وحثالته ودي ماساة السودان مع الانقلابات ولا ادو السودان فولت واحد كهربا ومشا كمان عمل وحدة مع سوريا وخلي المساكين الناصريين البلهثو وراه لحدي هسة .... **** بعدين انتو ناس الخرتوم حتي الهتافات بتاعة اهلنا الحلفاويين عايزين تخربو القافية بتاعتا بيروت بتمشي مع عبود باريس دي تمشي مع عبود كيف خربت القافية عديل كده اهم حاجة سب الدين بس والاغنية دي ليك
04-04-2020, 07:39 AM
adil amin adil amin
تاريخ التسجيل: 08-01-2002
مجموع المشاركات: 37007
الحبيب بشاشا .. تحياتي يا سلام بشاشا .. أمبس يكفيني حضورك يا جميل .. يوم رائع وجميل مداخلات دسمة .. مستندة على التاريخ بعمق ومداخلاتي طبعاً طبعا عن الموروث والعادات والسلوك حسب اجتهادي .. وهذا قابل لأي تأويل رائع بشاشا أمبس
يوم جميل .. حضرت وحضر معك التاريخ والعمق
04-04-2020, 06:59 AM
adil amin adil amin
تاريخ التسجيل: 08-01-2002
مجموع المشاركات: 37007
Quote: نعم خبوب وعي الاسترقاق العروبي في اقصي الشمال علي مستوي الوعي، بسيط جدا، مقارنة بامثال بريمة، وهذا حقيقة بحير الواحد، بالذات لما نضع في الاعتبار، الموقع الجغرافي علي الحدود، لسكان اقصي الشمال مقارنة بامثال بريمة في اعماق الاعماق في الجنوب!!!
حاجة تموخل حقيقة!!!
حياك الله با بشاشا اطلع من بوست علي عبدالوهاب ده زول حساس عايز ينفس شوية قايل الناس زعلانيين منو كلامد ده واضح فعلا الحاجات دي نحن بنقولا من زمان في البورد ما في زول سمعا الليلة شافوها عديل (الاستلاب الحضاري الفكري السياسي الثقافي الاجتماعي النفسي ) ده مشكلة السودان الان واقبح اشكاله علم مايو1969 ده كلامك صاح ضاح 90% من الكوشيين عشان خاطر 10% النسبة بس عندي 95% من الكوشيين ضاعو بسبب 5% من الاقليات المستلبة في المركز وبي مشروع الدولة المركزية وهيمنة المخابرات المصرية والمشاريع المصرية والانقلابات بعد الاستقلال
04-04-2020, 07:24 AM
فيصل محمد خليل فيصل محمد خليل
تاريخ التسجيل: 12-15-2005
مجموع المشاركات: 26041
Quote: لو قرأت كتب الرحالة تجدهم في معظم مدن السودان عشان كده على طول تجد اسم الدناقلة في مدن كثيرة في السودان .. أجمل ما قرأت عن حي الدناقلة في الابيض والذي تحول الى حي القبة عام 1902 بعد وفاة الشيخ يمكن الولي
سلام يا على عبدالوهاب اننقا
فى مدينة صغيرة فى ولاية الينوى فى امريكا اسمها دُنقلا .. وبرضو ايام الثورة فى واحد كان عرض فيديو بيقول فيه انه من حي " بُرى " تقريبا فى ولاية كلفورنيا وقال بأن معظم السكان سودانيين واتفقوا على تسميته حي بُرى وقد عرض مشاهد بالفيديو من الحي ,
04-04-2020, 10:00 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
شكراً الحبيب الجميل عادل أمين متى ما حللت احضرت معك الروعة يا سلام فيديو اسمر اللونا أجمل اغانينا والايقونة .. وجميل ان تكتب عن عشرة وتجربة وصداقة نعم الجامعات كانت من المجالات الخصبة للتعارف
تحياتي الحبيب عادل حلفا كانت بوابة الحداثة ومعبر كل الثقافات حزننا الجميل حلفا
04-04-2020, 10:12 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
فى مدينة صغيرة فى ولاية الينوى فى امريكا اسمها دُنقلا .. وبرضو ايام الثورة فى واحد كان عرض فيديو بيقول فيه انه من حي " بُرى " تقريبا فى ولاية كلفورنيا وقال بأن معظم السكان سودانيين واتفقوا على تسميته حي بُرى وقد عرض مشاهد بالفيديو من الحي , ============================
علاء اننقا .. خطير يا علاء يا سلام .. هذه هي جمال امريكا كل يجد نفسه .. عالم لوحده يبدو أن أهلنا ذهبوا إلى هناك في وقت مبكر حتى قبل شيخنا ساتي ماجد ( القولد )
تحياتي علاء امبس
04-04-2020, 10:14 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
التحية للاعزاء هنا، وحارد عليكم، ولكن خلوني اواصل...
كلام شيخنا اب علوة ده عن بعض سمات ارثنا الحضاري كسودانيين، في اقصي الشمال، ينبغي اخدو كنموذج لي باقي السودان او مش قيمة حصرية خاصة باهلنا في اقصي الشمال كما قد يفهم البعض،
من منطلق قبلي، جهوي، وانا حساسيتي عالية تجاه قيم او مفاهيم القبلية والجهوية الوافدة الولعت بلدنا او عدمتنا حق اللقمة يا للمغسة، رغم انف خير القرون المدولق في
"ارض الالهة" واول قبلة، اي السودان اللي سعدت باروع ايامي منذ غادرتو في ثمانينات القرن الماضي في يناير الماضي!
سودان من دون كيزان، شئ عجيب، رغم انف المعاناة، وهي معاناة ولادة حراك وعي كوشي قادم، لامحالة!
نرجع للموضوع: السوداني مسالم بطبعو ولايميل للعنف اللي ما من طبعو، والسؤال لماذا؟
قبلها هل غيرنا العنف طبع مؤصل في تكوينم الثقافي؟
نعم!
ليه؟ لانهم تاريخيا كانو بدو، رحل، اي رعاة، والعنف سمة اساسية من سمات حياة البداوة، وهذا واضح جدا حتي داخل السودان في المجتمعات اللي تحولت للرعي مؤخرا كاسلوب حياة، ويكفي كمثال قصة ود ضحوية او بامسيكا، ثم الجنجويد كابشع مثال لاسلوب حياة البداوة!
اكرر كلامي هكذا اسلوب حياة رعوية، شئ وافد، اجنبي من حيث حقائق التاريخ، اوبالتالي حديث.
ده، بالفهم المادي طبعا!
نضيف، البعد الروحي في مثلث مكونات هرم شخصية السوداني التاريخية، المساوي حاصل جمع الضلعين الاخرين، هو السمة الاساسية في مكونات شخصية السوداني التاريخية، واللا عنف اللي تبلور بجلاء، في ثورتنا العظيمة،
في سمات شخصية السوداني، مصدور هو الروحــــــــــــانية اي "الدين" بي رندوق الاعراب والخواجات!
زي ماقتا قبل كده، لامقابل لمفردة "دين" في لسانا الكوشي خالص، خالص، اقلاه، لهجة دنقلا، اكرر حيث لامعني ولاوجود لمفردة او مصطلح "دين"!
لهذا لو اشتهرو بسب "الدين" فهذا اتساق ثقافي مذهل!!!
نهدي هذا للرفاق في مفاوضات جوبا، وان كنا نرفض ايضا، رفض قاطع مفاهيم علمانية المدمرة، الوافدة، الاجنبية، اللي لامعني لها اطــــــــلاقا في مرجعية ثقافتنا النوبية الكوشية السودانية، اكرر اطلاقا يا عزيزي الحلو، رجاءا ثم رجاء!
اذن كلام شيخنا علي اعلاه عن نموذج سليمة انسان اقصي الشمال، نواحي دنقلا، بلاش دناقلة او كده يا احبابي، يتناول جانب عميق، او متجذر في تركيبة السوداني،
وهذا يفسر كيف رغم انف محارق الابادة للملايين بواسطة جهاز الدولة، العنف ابدا مانزل الشارع مابينا كافراد، وهذا مدهش، مفصلي لو نعلم، يفسر سر نجاح ثورتنا المذهل، الاسطوري بكل المقاييس!!
ليه العنف مانزل الشارع بينا كافراد؟
ارجع لي وتر الروحانية المشار اليه في مثلث هرم شخصية السوداني، اللي في اللحظة القاتلة هذا الارث هو النجد شعبنا!
ده بوريك كيف ترهات خبوب "غرابي حاقد" او "جلابي" قيم وافدة، اجنبية، تعبر عن ايدز وعي الاسترقاق الحالي الوافد الاجنبي، في السودان المازال مصري، انجليزي!!
الضلعين الاخرين، في مثلث مكونات هرم الشخصية السودانية هما:
A) الامــــــوية اي البعد الاموي في تكوينا.
B) صلة الرحم اي الدم النجم عن اسلوب العلاقة الزوجية.
يا اعزائي اعلمو، غيرنا اي الاريين، البشمل الساميين والاسيويين، ماكان عندهم مفهوم زواج من اساسو!
ليه؟
لانو المراة كانت مملوكة لنوع الرجال كما اي قطعة اثاث او بالذات العرب تحديدا، او من هنا جا مفهوم "ماملك ايمانكم" كاساس للعلاقة بين النوعين الكان "امفكو" من دون اي زواج!
صعب جدا نوصل افكار كهذه، لاننا نفترض ان هذا سمة عامة في المجتمعات البشرية اوماقيمة ماخوذة من السودان الحالي، والمرأة السودانية تحديدا وحصريا، اللي اخترعت صيغة الزواج الحالي، كما الكثير من جوانب حياة بشرية اليوم اللي اصلها سوداني وحصريا!!
باختصار شديد الاضلاع التلاتة ديل اعلمو هو تجسيد، تنزيل، لي ارث اموي صرف، بالمناسبة، ابتدعتو المراة الســـــودانية تحديدا، وليس الرجل السوداني، اللي دورو ظهر لاحقا!!!
غايتو مصيبة طرحنا ده،مصائب!
صعب جدا توصيل كلام طير كهذا، مخاطبين لي خبوب وعينا الحالي، الذكوري، المحتل، البمثلو بريمة ادم كنموذج كابشع مايكون التمثيل!!!
04-04-2020, 04:33 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
نهدي هذا للرفاق في مفاوضات جوبا، وان كنا نرفض ايضا، رفض قاطع مفاهيم علمانية المدمرة، الوافدة، الاجنبية، اللي لامعني لها اطــــــــلاقا في مرجعية ثقافتنا النوبية الكوشية السودانية، اكرر اطلاقا يا عزيزي الحلو، رجاءا ثم رجاء!
=======================
تحياتي بشاشا أمبس ليتك جمعت هؤلاء القوم وألقيت عليهم هذه المحاضرة القيمة المشكلة انهم فقط اهداف سياسية ..
لو لا حبس الكورونا كنت حملت هذه الفقرة كطرح في منتدى الاربعائية ومن قبل نقاشنا الكثير من طرحك ..
واصل الحبيب بشاشا متابعين
04-04-2020, 04:48 PM
Bashasha Bashasha
تاريخ التسجيل: 10-08-2003
مجموع المشاركات: 25803
ياشيخنا علي، زي ماقتا ليك، لسانا الكوشي النوبي هذا، لايهم وين في المليون ميل مربع، اعلم انو كنز بمعني المفردة لونعلم، لانو مخزون غني جدا، بي خام دهب ارثنا الحضاري، وهذا بيحتاج لي منقبين من امثالك من علماء اثار متخصصين في التنقيب في حقول لسانا الكوشي.
كمثال، من يومين فقط، انتبهتا لي شكل الانسان المرموز اليه، في المدونتر، اي الهيروغلوفية، كانسان بالمعني المطلق، بالنسبة لاجدادنا منذ اكثر من 6,000 سنة!
قصدي لما عايزين يقولو او يكتبو "زول" كان برسمو صورة للانسان في وعيهم، في زمنم، تنطلق اي الصورة دي، من محيطم هم في زمنم داك.
اها الزويل بتاع "المدونتر" ياسبحانه، لايختلف عن سوداني اليوم في شئ!
قصدي ابجديات او بديهيات كهذه في لسانا ماقاعدين نقيف عندو خالص، كادلة دامغة، مفصلية، تجيب علي سؤال من نحن!
قصدي اقول مجهودك ده، ضخم، ضخم، لوتعلم، في سوح الصراع الكوني المدور حول تاريخ السودان بطول وعرض ال200 سنة الماضية.
ياريت تعرف يا ابوعلوة، محورية واهمية كلامك ده في هذا الصراع، اللي سلفا اتحسمت نتيجتو، ولكن محاربي المعسكر الاخر لازالو بحاولو يعملو حاجة!!
للاسف السودان في الصراع ده لازال ارض محتلة ولم يتحرر بعد، بل مشوار ومشروع التحرر لم يبدأ في شكل جيش باحثين نظامي، للاسف!
04-04-2020, 05:58 PM
Bashasha Bashasha
تاريخ التسجيل: 10-08-2003
مجموع المشاركات: 25803
بناءا علي اعلاه، طبيعتنا الروحية وقبلها طبيعة أسلوب حياتنا المستقرة فوق لي صلة الرحم مابين أفراد المنطقة المعنية ادي الي الانضباط المشهورين بيهو اكثر اهلنا نوبة الجبال! انتبهتا مؤخرا كيف المنطقة اللي نشاتا فيها في دنقلا من أقصاها والي أقصاها الناس بينم نسيج متماسك من صلة الرحم وهذا مدهش! في تركيبة اجتماعية زي دي متماسك نسيجا بي لحام الدم؛ حتكون عنيف كيف عشان تحل مشاكلك؟ هذا كقاعدة مستحيل بالذات في مجتمع يحترم أو محكوم بواسطة كبار السن بي صورة لامثيل لها في مجتمعات ثقافة الوعي الرعوي. ليه؟ لانو طبيعة أسلوب الحياة المتنقلة بتجعل من الغريب عدو تلقائيا وعلي نحو الي ميكانيكي عكس الوضع في مجتمعات الحياة المستقرة اللي بتجعل من "الغريب" بين قوسين رب البيت او الحلة اللي بصبحو هم الضيوف! في زمنا استقبال الضيف مش الغريب كان مسؤولية شيخ المنطقة أو اسرتو تحديدا في مبني مخصص في الحي أو المنطقة لخدمة الضيوف هؤلاء! قارن هذا بواقع الحال في اوربا مثلا! يا الهي! نعم لو كنتا من نواحي أيرلندا او جيت سكة عابر بي نواحي انجلترا فالله قال بي قولك! نعم كانو بهجمو عليك طوالي او يقبضوك عشان يبيعوك كرقيق في الدلالة! اذا مافهمتا الجانب ده لايمكن تفهم طريقة تفكير راعي البقر المدعو طرمبة حاكم امريكا او عدلي المتجذر لل"الوافدين" مع انو هو زاتو وافد؛ لاحظ او دي ما بلدو اللي أمثالنا جوهو من عصر ترهاقا لا ليظلمو أحدا ولا لاضطهاد من امنو هناك!!
04-04-2020, 06:42 PM
Bashasha Bashasha
تاريخ التسجيل: 10-08-2003
مجموع المشاركات: 25803
نجي لي كلمات الشكر أو الاعتذار: لاوجود لي مفردة "شكرا" في لسانا الكوشي في دنقلا!! اليس هذا عجيب بحق؟ نعم لاوجود لي مفردة "اسف" اليس هذا عجيب؟ قبل ما أواصل عايز شيخنا يراجع كلامنا ده او دينا الضو الأخضر لو صاح عشان نواصل. للاسف عندي باقي اليوم ده يا ابو علوة! معزتي.
04-04-2020, 07:06 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
من الفيس بوك في اسفل البوست med Suliman مرحباً بعودة الاستاذ بشاشا احد الركائزالمهمة لهذا المنبر- ورغم اختلافي معه في معظم مايطرحه الا انه يظل من الاقلام المهمة التي اعطت هذا المنتدى العريق بريقه والقه
شكرا حبيبنا احمد سليمان نعم الحبيب بشاشا رقم مهم في هذا المنبر شكرا على الحضور في انتظار مشاركاتك شكرا الحبيب احمد
04-04-2020, 07:42 PM
ابو جهينة ابو جهينة
تاريخ التسجيل: 05-20-2003
مجموع المشاركات: 22492
بشاشا أمبس دي ملاحظة قوية جداً نعم ليست هناك عبارات مباشرة لشكراً أو آسف .. وكأن كل ما تنجزه هو واجب عليك .. صحيح مهما ننجز لم نكن نتلقى أي شكر .. بل يعتبر من المفروض عليك .. كل الصياغات المستخدمة كشكر اصلها عربية وعلى سبيل المثال لا الحصر: قسريكومو .. بالدنقلاوية .. يعني ما قصرت ( لاحظ اللفظ عربي ) قسرامو .. بالمحسية .. نفس المعنى وهكذا تعابير الرضا ولكن لا توجد كلمة مباشرة شكرا .. thank you وكذلك تعابير الاعتذار آسف sorry كنت ألاحظ ان التعبير عن الشكر يكون في غياب الشخص المشكور ويذكر بالخير أما أي تصرف جميل أو مساعدة تجاه ناسك أو بلدك كان يعتبر واجب وخاصة اذا كان مقدم الخدمة من الشباب .. الملاحظ ان عبارات التضخيم والالقاب كلها من التراتب الكنسي في التي كانت في دنقلا عجوز وفرس : أمثال ( سمل ، اورسد ، شمت ، قرو ، سمد ، أور ، أورباب ، آبا ، انباب ، ساتي ..الخ ) لدي كتابات سابقة عن التراتب الكنسي والالقاب .. سوف ابحث عنها .. مشكلتي أنا ما زول مرتب .. صحيح شكرا ليس لديه مقابل حرفي وكذلك آسف
ملاحظة جميلة جداً يا سلام يا بشاشا فتحت لي نافذة للبحث واصل ..
04-04-2020, 08:01 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
باقي يوم شنو يا بشاشا نحنا ما صدقنا إنك جيتنا زاير ههههههه بعدين أنا من زماااان منتظر بوست عن (يويو) زي ما وعدتنا والله يا أستاذنا علي براوا عليك قلعت لينا بشاشا من بياتو الشتوي (لاحظ براوا عليك = برافو) ولو تسمح نهديك وضيوفك الكرام خاصة بشاشا أغنية وو يو للفنان عبد المجيد منور
04-04-2020, 08:39 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
حبيبنا قاضنتود امبس .. شكرا على الفيديو الرائع اغنية فيها عمق معاني رائعة طبعاً انا أفهم المحسية كما الدنقلاوية بالغ الفنان في الوصف بعاطفة عميقة جداً مصطلح ( يو) ورد حتى في كتب الديانة اليهودية ( يو كابد ) أم سيدنا موسى عليه السلام الأم طبعاً في تراث النوبي كانت هالة وقداسة ووراثة الحكم من سلالة الام وفي فترة ما كان ذكر اسم الام أو حتى النداء ( ووو يو ) كان بالنسبة للذكور نوع من المنقصة إلى جاء الحل من أهلنا الشايقية في موجة رائعة جداً من الغناء وفي عبارة واضحة يا (يمة ) في بداية انتشار هذه الاغاني كان كبار السن من الاباء يستغربون كيف ( يا يمة ) ثم بعد ذلك انكسر حاجز الحياء وتحول إلى فخر
قاصنتود دعني اهديك هذا الجزء من مقال عن حميد ( زنوبة ) شوف جمال أهلنا ا لشايقية عالجوا بالفن ما استعصى على الناس لدهور ناس حلوين .. أنا اعتبرهم جزء مننا ونحن جزء منهم ..
04-04-2020, 08:40 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
الحبيب قاضنتود اهداء لك لحين حضور بشاشا ====================== مجتزأ من مقال طويل
وريني شن طعم الدروس ما دام بكانا مشي قطر وكيف ذاتا ترتاح النفوس تقبل قرايتاً في سفر يا يمة حان الامتحان من وقتو بس فاضل شهر ما اظنِي من جور الزمان انجح واجيب ليكم نمر
لأن المجتمع في ذلك الوقت كان ابوياً محضاً لا تستطيع ان تتحدث مع الوالد او الاخ الاكبر او لي الامر في مثل هذه الامور والتي تبدو كنوع من ( عدم اللباقة ) او خروج عن النص .. ولم تكن هناك صراحة متبادلة بين الاب والابن بل مجرد اوامر وتعليمات يتلقاها الابن من والده .. فكان الحل هو الام لتلعب دور الوسيطة ما بين الاب والولد .. وعلى هذا القياس جاء معظم شعر اهلنا الشايقية على نسق مخاطبة الام ( يا يمه ) وقد اعتبرها البعض نوعاً من الدعة او خصم من مقومات الرجولة ولكن الامر ليس سطحياً الى هذا الحد الفطير .. فالأم في ديار الشايقية لها شخصيتها المميزة كما الشاعرات ( مهيرة .. وبت حمد ) وحتى اجمل شعرائهم ا سماعيل حسن تشرف بأن يطلق عليه ( اسماعين ود حد الزين ) وهذه القداسة صفة نوبية موروثة من ايام كنداكات مروي والبجراوية وكان القانون النوبي بأن تؤول ورثة الحكم الى ابناء الاناث لذا نجد أن القبائل العربية التي استوطنت بأرض النوبة ( استنوبت ) شكلاً وموروثاً رغم لغة العربية .. فجاء من رحم امهاتنا النوبيات اخواننا الشوايقة والجعليين بل وتقلد ابنائهم مقاليد الحكم خلال تاريخ الممالك النوبية قبل وبعد دخول العرب .. فهذه هي قداسة الام لدى اهلنا في الشايقية ونحن في النوبة ليس اقل منهم في هذا المجال ولكنهم اشجع منا في اطلاق هذه الدعوة التي كانت تعتبر عندنا من بعض المحرمات ..
زينوبة كل ما افتح كتاب القاك في اول سطر القى الجداول والصحاب القى الجناين والتمر
وعبارة ( زينوبة ) حتى اذا كانت رمزية هي اسم الدلع ( لزينب) وهنا يبلغ تعلق الشاعر بأمه اعلى الدرجات .. فهذه العبارات تطلق في الغالب للحبيبة او من تعلق القلب بها على سبيل الغنج والدلال .. بلغ حميد قمة الوفاء للام وهو يوشح اسم امه بلقب ( زينوبة ) ففيه دلال الانثى وقداسة الامومة والحب اللانهائي لهذا الشاعر الجميل لأمه .. وكان الأحرى بشاعرنا حميد ان يدبج القصائد لحبيبته ويغوض في غياهب الغزل المبتذل والوصف المخل لملاح الانثى وخاصة في هذه السن المبكرة وفي مرحلة الاندفاع الغريزي والمراهقة ولكنه فضل عن ذلك ان يخاطب امه وهي الرمزية الابقى والانقى لأن هذا الاحساس لا يتغير الى ان تقوم الساعة وحتى عندما قيامها فسوف تتم مناداة الناس على اسماء امهاتهم .. وهنا يتضح جلياً ان شاعرنا حميد كان صاحب قضية وفكر منذ نشأته ونعومة اظفاره ولا يعبأ بصغائر الامور ..
04-04-2020, 08:50 PM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
د. اخلاص مرحب بهذا الحضور شهادة نعتز بها من كتابة واديبة لقد ظهرت مهاراتك جلية في بوست القصة القصيرة ومعك الحبيب ابوجهينة قدر ما حاولت لم استطيع مجاراتكم واكتفيت بالقراءة والاعجاب
كم انا سعيد بهذا الحضور تحياتي الدكتورة
04-04-2020, 10:08 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
الأخ الحبيب / على عبد الوهاب عثمان التحيات لكم من الأعماق وللمتداخلين من الإخوة والأخوات
أنا نوبي .. ومجرد العنوان ( اللغة النوبية ومفردات القذف فيها ) جذبني إلى ساحتكم .. ثم جلست أتابع الملحقات وأنت تصول وتجول في مميزات تلك اللغة التي تخلو من مفردات القذف .. وأنا أقول في نفسي ( إن كوماري ) لو أمسك شوية كأن أفضل !! .. وكلمة ( كومارى ) من مفردات القذف في اللغة النوبية .. وهنالك الكثير من تلك المفردات .. ورغم ذلك كنت أقول في نفسي : ( لماذا لا أسكت ) ,, وأنا اعرف أن الآخرين سوف لن يعرفوا تلك الحقيقة !!.. وفي نفس الوقت فإنهم سوف لن يرطنوا بالنوبية في يوم من الأيام .
حكاية السكوت تعمداُ رغم المعرفة ذكرتني بتلك القصة النوبية الطريفة :
في إحدى القرى النوبية جلس الصبيان على الأرض يتبادلون الأحاديث بعد أن انتهوا من مباراة لكرة القدم .. ومازالت تلك الأحذية والملابس تتواجد عند حافة الميدان .. فجاءت إحدى الأمهات بالصدفة .. وحين وجدت أبنها تجلس مع هؤلاء الأولاد والوقت قد شارف على المغرب تناولت حذاءُ جديداُ من تلك الأحذية وقالت لابنها فلنذهب الآن إلى البيت .. ولكن تنبه صاحب الحذاء الحقيقي للأمر فركض ليأخذ حذائه من يد المرأة .. وهو يقول لها ذاك هو حذائي وليس حذاء ابنك .. فأصرت المرأة وهي تقول أن ذلك الحذاء هو حذاء ابنها .. ثم دار الجدال بين المرأة وذلك الولد لأكثر من نصف ساعة .. وولدها جالس يستمع ولا يتدخل في الأمر والجدال .. وحينها تدخل أحد الأولاد وسأل ولدها : ( هل ذلك الحذاء هو حذائك فعلاُ ؟؟ ) .. فرد الولد بمنتهى البساطة قائلاُ : ( ذلك الحذاء ليس بحذائي وأنا أعرف حذائي جيداُ فهو ذلك الحذاء القديم المتواجد هنالك ) .. فسأله الرفاق في دهشة شديدة قائلين : ( فلماذا أنت لا تكلم أمك وتقول لها بأن ذلك الحذاء ليس حذاءك ؟؟ ) .. فضحك الولد وقال : ( أنا ساكت من الصباح وأقول في نفسي لعل وعسى هي تكسب المعركة وأنا أطلع بالحذاء الجديد !! ) .
وفي الختام لكم خالص التحيات
04-04-2020, 10:36 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
وأنا أقول في نفسي ( إن كوماري ) لو أمسك شوية كأن أفضل !! .. وكلمة ( كومارى ) من مفردات القذف في اللغة النوبية .. وهنالك الكثير من تلك المفردات .. ورغم ذلك كنت أقول في نفسي : ( لماذا لا أسكت ) ,, وأنا اعرف أن الآخرين سوف لن يعرفوا تلك الحقيقة !!.. وفي نفس الوقت فإنهم سوف لن يرطنوا بالنوبية في يوم من الأيام .
=====================================
الحبيب عمر تحياتي يا جميل لا ليس خالية تماماً مستحيل ولكن مقارنة بالعربية هل لاحظت حتى من ليس لهم إلمام بالعربية عندما يصل بهم الغضب إلى حد الاخير تجدهم يأتون بمفردات قذف من ا لعربية أما بالنسبة لكوماري بالمحسية ( بدون كنترول ، فوضجي ، ما عندو سيد ) والمقابل لهذه العبارة في الدنقلاوية هي ( ترتي كنجي ) Tirti kingi ( نفس المعنى ) حتى القذف بأسماء الحيوانات دائماً تأتي بالعربية ( كلب ، حمار ) ملاحظ لا يقال : بالمحسية ( موق ، كج ) أو بالدنقلاوية ( ويل ، هنو ) استغفر الله .. حتى سب الدين ( إنال .. د....ك ) بالعربية
ليست خالية بالمطلق .. ولكن قليلة
تحياتي الحبيب عمر .. شكرا على الحضور ليس انقاص من قيمة العربية ولا يمكن لأنها من أجمل واوسع اللغات في العالم كانت عدد مفرداتها 12 مليون تم اختصارها الى 6 مليون هي لغة واسعة وشاملة وجمالياتها بلاحدود .. وتوسع اللغة وشمولها فيها حلول ..
مودتي
04-04-2020, 11:46 PM
Bashasha Bashasha
تاريخ التسجيل: 10-08-2003
مجموع المشاركات: 25803
ترحيب حار بالزملاء والزميلات، جاييكم قبل نهاية اليوم.
اها يا شيخنا علي، رجعتا البيت، فقط عشان اسال خالتي اللي صادف او كانت معانا هنا، بخصوص مفردتي "شكرا" او "معليش"!
لاحظ بالنسبة لي "شكرا" بنقول بالعربي " الله لاجاب يوم شكرك"!!!
زي ماقتا، ماقاعدين نقيف كتير عند المفاهيم العجيبة دي، في ثقافتنا.
طيب ليه مافي "شكرا" او "عذرا"؟
في تقديري، هذا مرتبط بالسلوك في مجتمعات الثقافة الارية، الابتدعت مفهوم و"اتوكيت" {دبلوماسية} في التعامل مابين البلدان حول العالم!
نعم ده مرتبط بالسلوك في مناطق الكثافة السكانية العالية، فيما بعد العصر الصناعي، في محيط ثقافة اصلا فردية او ذاتية، انانية بالسليقة، مطلقة، اي فيما بعد حياة التنقل!!
ماهو السبب؟
الطبيعة المادية، او قبلها الفردية، البسموها "براغماتية" لانسان الثقافة الارية اي "العملية" كما يسوقون شغل تمرير طبعا، منذ عصر العيش في الكهوف في العصر الجليدي،
اللي كان عادي الواحد فيهم بياكل اخوهو الميت to sruvive، هي السبب في هكذا اسلوب تعامل اساسو التمثيل لوتعلمون، لانو المعيار هو المصلحة الذاتية اولا والمصلحة الذاتية اخيرا!
اما نحن، فبالنسبة لي اجدادنا، الموضوع كان مختلف اختلاف جذري، لدرجة احيانا احتار لو كنا احنا والاخرين من ذات الكوكب!!
يا اعزائي، كلامي ده ماخوذ من احتكاك مباشر، لصيق بي صورة يومية، او نقاش مباشر، مع بيض امريكا عبر عشرات السنين!!
اعترف ده بحر غريق خلاس ياخلق!!
ياريت، ياريت، كسودانيين نعي طريقة تفكيرنا، اي ثقافتنا الفريدة بحق، اللي قدمت اعظم نموذج حتي الان لي بشر، من حيث السلوك او عشان كده قمة البشرية كان في عصر سيادتنا نحن، وليس هم كما نتوهم!
ليه بقول كده؟
شغل فشخرة؟
حاشا!!
البوبار ما من طبعنا، خالص!!!
بقول كده من المغسة الجواي، او كيف احنا، من فرط كراهية الذات، نتمسح بي قيم غيرنا بل نتوهم اننا هم، شغل تعري او جك من اصلنا الذي لاندري عنه شئ، خارج حظيرة تنميط الاخرين للانسان الاسود، المرذول، منبوذ، ملفوظ، في وعيهم،
اللي هو للاسف وعينا ايضا، لاننا نري انفسنا بعيون مستعبدينا او بي كده زي تيران الساقية، ندور في حلقة مفرغة، جهنمية منذ قرون، نضبح في بعض، بالوكالة، او ندافر في بعضا او نحنا نتمسح او ندعي شخصية مستعبدينا!!
اذن كلامي ده، عشان نعرف بالضبط العالينا شنو!
لانو لو ماعرفتا العاليك شنو، لايمكن تصل لي علاج!
كالعيث، في البيداء، يقتلنا الظمأ، من اللهثي، خلف قيم الاخرين، بحكم مركب النقص الجوانا، بينما اعزب المياه فوق ظهورنا، محمولو!!
زي ما كتبتا قبل كده، مرة سمعتا بي اضاني دي، ممثلة امريكية، بتقول كيف حياتم اليومية، في امريكا، تمثيل في تمثيل! مالم تستوعب الخلفية دي، لايمكن تفهم "اوتكيت" التعامل، بتاع ناس "Sorry" او "Thank You"
اللي احنا، وبكل هبل، او غشامة دراويش بعانو من كراهية الذات، بنقول عليهو كما الببغاوات، "تحضر" او "تقدم" او "استنارة" او "حداثة" او "علمانية" كمان!! حولا ولا قوة ياخي!!
كرهتا تفاهة، طريقة تفكير مثقفاتية يسار الاحتلال الثنائي ياخي من بعد سقم يمين ذات الاحتلال الثنائي، لوعينا المنكوب!!
معليش، وقسما بامون بطني طمت، معليش بحتاج لي "بريك"!!
04-05-2020, 04:53 AM
Bashasha Bashasha
تاريخ التسجيل: 10-08-2003
مجموع المشاركات: 25803
عشان يقع لينا الجانب ده، لازم نستصحب ولع اجدادنا بالفوذ في اليوم الاخر والدخول للجنة، اللي كان محور ومركز دائرة وجود الفرد منهم في الحياة الدنيا، من يوم ميلادو وحتي تاريخ رحيلو، اللي كانت في تصورم مجرد وهم، اقصد الحياة الدنيا.
مالم نستصحب الجانب ده، ما حنفهم مفهوم "يوم شكرك مايجي"!
طيب عشان تفوز بالجنة المعيار في الحساب، في اليوم الاخر،كان هو "القلب" تحديدا، ثم هيئة محلفين من 12 شخص، بذات الطريقة الاقتبسوها الان الامريكان، كاساس لي نظامم القضائي!
الطريف اليوم جاني جواب من البلدية الانا مقيم فيها، طالبين مني اسجل ك"محلف" وهذا موضوع مزعج بالنسبة للناس هنا، من حيث الوقت والشغل او كده، وهذا شئ عام للكل من حين لاخر بتصلك الدعوة دي!
لاحظ الاباء المؤسسين لي امريكا كانو بي جدهم بعتبرو روحم امتداد لي اجدادنا نحن "الكمتيين" اي قدماء "المصريين" باعتبارم هم، ك"بيض" اصل الحضارة، وبالتالي كمت هولة اجدادم هم وليس نحن من "النقروذ"!
بالمناسبة امريكا تم تاسيسا بناءا علي هذه النكتة، لدرجة بعضهم كانو حايميين بذات عراريقنا دي، باعتبارو زي اجدادم هم، الكمتيين!!
عيييييييك!
ده موضوع بنحتاج نتناولو لوحدو لانو بحق عجيب واقرب للخيال!!!
نرجع لي موضوعنا، القلب كان هو كل شئ كمعيار، وبالتالي يوم القيامة بتقوم امنا "مآت" بي عملية الوزن للقلب، او بي كده هي بتحدد حسب الوزن لو بتمشي الجنة او النار!
البهمنا في الموضوع ده هو، كيف عشان تباصي الامتحان ده قلبك لازم وزنو يكون اقلا من وزن الريشة!طيب كيف يمكنك تحقيق هذا في حياتك الدنيا؟هذا بتحقق بي صفاء النية اي القلب!
وقع ليكم؟نعم ما ممكن تكون بتمثل في تعاملك مع الاخرين، او تفوز بالجنة!!ده مستحيل!!
قبل مانواصل، تذكر الاساس في ده كلو هو طريقة معاملتك للاخرين!!لازم تتعامل مع الاخر بي صدق، او بي نية خالصة لوجه اموع رع!!
بالفهم ده لامعني اطلاقا لي مفهوم "دبلوماسية" بتاع تظهر شئ، في تعاملك مع الاخر في الظاهر، وتخفي شئ اخر جواك، في القلب!! كده، حقك راح ضمة!!
لازم تكون صادق مهما كلف مع روحك اولا، ثم الاخرين في تعاملك اليومي، هذا واجبك، او ده حقهم هم!!
وقع ليكم الموضوع ده جاي من وين او غريق كيف؟
لاحظ في حياة المجتمع الاري، كما في امريكا، حتي ناس "شكرا" او "اسف" ككل شئ اخر في حياة الفرد هنا، تحول الي سلعة، نعم الي فكة!!
لما تدخل المطعم شايل قروشك واقف في الصف، "الكاشير" لازم يقابلك بي ابتسامة هي مصطنعة شغل تمثيل اي "مهنية" شغل اكل عيش، او لازم يبتسم فاري السنون، غصبا عنو، عشان الفكة اياها!!!
نفس الكاشير ده، لو لاقيتو شبر واحد برا الدكان، ماتتوقعو يرد علي سلامك، لانو ده غريب، بل مريب، ممكن يكلفك حياتك!!!
نعم مجرد ان تلقي التحية علي غريب في الشارع، مثير للريبة كقاعدة، فاعمل حسابك، او بطل حكاية تسلم علي زول غريب اي زول لاقيتو في الشارع!!!
ولكن مجرد ما الموضوع فيهو فكة، فالشغلة بتختلف تماما، شغل تمثيل من اجل الفكة، اي "المهنية"! طبعا كلمة "مهنية" دي لانها موضة في السودان، كما "استنارة"، "حداثة" او كمان "علمانية" يا للهول انا رحتا حاشرة هنا!!!
العمل العام بي مفاهيم اليوم، لدي اجدادنا، كان وجه من وجوه العبادة، كما الصوم والصلاة، للفوذ في اليوم الاخر، مش "مهنية"!!
حولا ولاقوة!!!
اتمني اكون قدرت اقرب الصورة شوية للمتلقي، عن مدي عمق جملة "ماجا يوم شكرك"!!
لما تخدمني انت، وانا اكون راضي، البشكر هو هو انت، وليس شخصي!!!
لاحظ الشكر ما ورجغة باللسان، وانما سلوك او قبلها "attitude"!
معليش ماعندي ترجمة للمفردة دي!!نعم لما اخدمك، انا غرضي اكسب رضا ربي امون، عشان ده يخش في ميزان حسناتي، او كده لو واصلتا، قلبي بصل لي وزن الريشة!!
لهذا بنقول: صفي نيتك اي قلبك، وارقد حداها!!
نعم اذا صفيت قلبك بالسلوك البرضي ربك امون، بالتفاني في خدمة الاخرين لوجه امون والفوذ في اليوم الاخر، مش الفكة، او الصفقة من الخدمتو، فانت مرشح للفوذ في اليوم الاخر!!
لهذا هل صدفة ان لاوجود لي كلمة "شكرا" كمفردة، في لسانا الكوشي؟
ابو عريب، بدر الدين، مشتاغون ياخي علي قول حمرتي!! فعلا انا مافاهم ليه بقولو علي ناس الجزيرة، عرب؟ نعم نفس بتاع دنقلا لما يمشي الجزيرة يصبح فجاة مصنف كعربي؟
04-05-2020, 05:24 AM
Bashasha Bashasha
تاريخ التسجيل: 10-08-2003
مجموع المشاركات: 25803
العزيز ابوجهينة ليك وحشة. ياريت لو تواصل في الخط البديتو انتا في المنبر ده، او جا ابو علوة او واصل فيهو، لانو محوري او مفصلي. عايزين او بشدة، امثالكم من نواحي السودان الاخري. ده، هو، وكت طرح كهذا تحديدا، لانو حراك الوعي الكوشي النوبي، قطراتو بدت تنزل، او سيلو حينهمر عما قريب!
04-05-2020, 05:38 AM
Bashasha Bashasha
تاريخ التسجيل: 10-08-2003
مجموع المشاركات: 25803
كومارى الترجمة الاقرب بالعامية هو الهامل ===================== يا سلام ميمد .. ايلو ووو اشيري تحياتي الحبيب
ما شاء الله ( الهامل ) علي نعمة اتيت بخبر الكلمة ( الهامل ) عمق في العامية العربية
زمان أيام السودان الجميل المنظم في الستينيات عندنا في سوق البرقيق كان في سجن للحمير السايبة بإسم ( الهوامل ) أو اذا الشخص ربط الحمار في المكان الممنوع داخل السوق كان ضابط الصحة يأمر العمال بسجن .. ويطلق سراحه مقابل (4) قروش تقريبا .. كان بإسم ( الهوامل ) بنفس طريقة مواقف السيا رات اليوم شوف النظام حتى في ضواحي الدنيا .. كان إرث الخواجات
======================
عبارة ( كو ) في دنقلاوية يعني اسد .. مثلا الاسم ( كوكو) اسد الاسود أو القوي ( اسم منتشر بين النوبة وحتى نوبة الجبال) عبارة ( كو ) في المحسية ( السيد ، المالك ، صاحب الشيء ،) يمكن نضيف اليها عبارة (كفيل) ثقافة الخليج ( هههه) بدنقلاوة ( ترتي tirti ) نفس المعنى بالمحسية ( إن كو كومو ) ما عندو السيد ، .الهامل . الخ المترادفات وكذلك ( كوماريه ) وهناك عبارة اخرى للمحس جوار الدناقلة ( كو كنجي ) نفس المعنى بالدنقلاوية ( ترتي كومو ) ما عندو سيد .. الهامل بالدنقلاوية ( ترتي كنجي ) نفس المعنى والمترادفات
التركيبة في اللغة النوبية فيها تناغم بين المحسية والدنقلاوية متعة عندما تتحدث اللسانين
دائما أنا استخدم عبارة (الدنقلاوية والمحسية ) لتسهيل الموضوع للقاريء طبعاً هناك مصطلحات ( اشكر ، فاديخا ، ماتوكي ..... الخ )
شكرا حبيبنا محمد سيداحمد .. جعلتني اغوص في الاعماق
04-05-2020, 11:19 AM
adil amin adil amin
تاريخ التسجيل: 08-01-2002
مجموع المشاركات: 37007
كلمة (يو ) تعني بالكوشية الام وموسي عليه السلام الكوشي بامه اسماها يو كابد (الام الرؤوم) وموسي اسود البشرة لانه ولد في كوش العظيمة النقية ولم يولد في بولندا او اوروبي حتي يجو اسرائليين اخر الزمن يقولو نحن قوم موسي ويهيتو الفلاشا احفاد موسي الاصليية اخلاق الكوشيين امر جيني موثق في معبد البركل ويشكل الوجدان السوداني السليم وهذا الكوجيتو الكوشي اكثر من نشره في البورد وفي العالم عمكم جقود adil amin الاخلاق الكوشية تنحدر جينيا عبر العصور والفرز الاخلاقي في السودان واضح وفي كل حدود 1يناير 1956 ودول الايقاد والحزام المدراي ديل كلهم بقدرو السودانيين ونحن قاعدين في المكان لغلط لحدي هسة =جامعة الدول العربية https://top4top.io/
04-05-2020, 11:25 AM
adil amin adil amin
تاريخ التسجيل: 08-01-2002
مجموع المشاركات: 37007
سطحية وبلادة ناس المركز المتعلمين هي التي ضيعت هوية السودانيين الكوشية الاخلاقية وخلتهم يلهثو ورا مصر فكريا وثقافيا وسياسيا لحدي هسة حاصل فارغ
https://top4top.io/ ولازال الاعلام السوداني القحتي مغيب الحضارة السودانية في وعي الناس وفي 700 فيديو عن كوش في موقع يتويب وفي متخصيين ما عايز يجيبهم في التلفزيون ودي مشكلتنا في 10% بتاعين بشاشا الفي المركز ديل
مفروض الكوجيتو ده يتقال بكل اللغات السودانية يبث في التلفزيون والاذاعة يوميا لحدي يرسخ في وجدان كل السودانيين خليوت بعانخي ده زول عارف ومحقق بالذات الالهية قبل نزول الاديان السماوية نفسها
الحبيب عادل .. تحياتي حضور رائع وجميل .. اضافية حقيقية للبوست كلام علمي وموثق بالصور والوثائق يا سلام عليك يا عادل الحبيب رفعت قيمة البوست تأصيل لعبارة ( يو )
تحياتي لهذا الاثراء
04-05-2020, 11:47 AM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
الأخ الفاضل / علي عبدالوهاب عثمان التحيات لكم وللإخوة المتداخلين
للمعلومية فقط نحن نتواجد في منطقة ( محايدة ) تتواجد بين المحس من الشمال والدناقلة من الجنوب .. وبفضل ذلك التواجد فإن الكبار في منطقتنا يجيدون التكلم باللهجة المحسية بطلاقة وفي نفس الوقت يجيدون التكلم باللهجة الدنقلاوية بنفس الطلاقة .. وهي منطقة ( جزيرة بدين ) .. حيث تلك الجزيرة التي تمثل الفاصل بين الدناقلة والمحس .. ومن غرائب الأحوال أن اللهجة المحسية تمتد عنفوناُ بالساحل الشرقي لجزيرة بدين حتى مشارف ( أرقو ) .. وبنفس القوة فإن اللهجة الدنقلاوية تمتد عنفواناُ بالساحل الغربي لجزيرة بدين حتى مشارف ( أشو ومقجور !!) .. والأغرب من ذلك أن الناس في معظم المناطق الشرقية داخل جزيرة بدين يتحدثون باللهجة المحسية .. وفي نفس الوقت نجد أن معظم الناس في المناطق الغربية داخل جزيرة بدين يتحدثون باللهجة الدنقلاوية .. بالإضافة إلى أن سكان جزيرة بدين قد تمازجوا مع البعض تزاوجاُ وصهراُ منذ سنوات طويلة . أما في الوقت الحاضر فالأحوال في تلك المناطق قد تبدلت كثيراُ .. حيث أن الأجيال الجديدة تتواجد بعيدةُ عن بلاد النوبة .. ويندر من يتكلم بغير العربية .. والذين يتواجدون حالياُ في ( جزيرة بدين ) وما حولها من الأجيال الجديدة قد يفهمون تلك اللهجات المتباينة عند التحدث .. ولكنهم قد لا يجيدون التحدث بتلك اللهجات بنفس الطلاقة كالكبار .
وفي الختام لكم خالص التحيات
04-05-2020, 11:57 AM
adil amin adil amin
تاريخ التسجيل: 08-01-2002
مجموع المشاركات: 37007
عجبك التاصيل الكوشي يا ابو علوة شوف التاصيل القراني وَمِن قَوْمِ مُوسَىٰ أُمَّةٌ يَهْدُونَ بِالْحَقِّ وَبِهِ يَعْدِلُونَ (159) سورة الاعراف
القوم هنا اهل موسي وعشيرته ديل الكوشيين في القران من الاساس وان جات المسيحية والاسلام بعد موسي يظلو بنفس الاخلاق الكوشية الورثا موسي عليه السلام من يو كابد وان هذا لفي الصحف الاولي صحف ابراهيم وموسي لذلك اسلام السودانيين من الاساس اخلاقي وليس اسلام طقوس وجبهة مسودة بزيف ولي عبادات وهرولة لي الحج والتراهات الجاتنا مع الاخوان المسلمين والسلفية شوف القاضي ابورنات وشوف عبد المجيد الامام وقضاة وست منتسر كانو كيف ارفع راسك انت سوداني
04-06-2020, 09:29 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
حبيبنا عمر .. شكرا على الاثراء يا سلام بدين في القلب .. ونحن لنا تواصل مع بدين أهل ودفعة في المدارس زمان طبعا ايام البرقيق الاميرية الوسطى .. طبعا كلهم طال بهم العمر وهنا في الاغتراب نتواصل مع جمعية سقدان وسلنارتي .. نحن طبعاً ناس جزيرة ارتقاشا وانت قادم بالمركب من الجنوب الى الشمال ارتقاشا .. وبعدها على طول بدين في الوسط في جزيرة صغيرة عبدالله نارتي وبعدها بدين ببداية سلنارتي .. طبعا جيلنا يتحدث الدنقلاوية والمحسية بطلاقة من الشرق حدود اللسان المحسي هو كرمة البلد أكبر منطقة نوبية كما هي بدين نحن طبعاً في البرقيق ( ارتقاشا شرق ) وحدود اللسان الدنقلاوي هو نهاية البرقيق شمالاً بالضبط منزل عمنا صالح خليل رحمه الله ( كرمه تمييه ) شرق النيل وفي تخوم أرقو نجد المحسية ( دار العوضة ، ابوحجار ، السرارية ، ابتى ) وهي المنطقة خليط من اخواننا العرب والمحس وقليل من الدناقلة .. بعد ذلك يبدأ اللسان الدنقلاوي مرة أخرى كودي دبلا ألى السير وتبو وحامدنارتي ... إلى السليم .. الخ في جزيرة بدين كانوا معنا في الداخلية في الزمن الجميل خاصة ناس ( شبه ) يجيدون الدنقلاوية واليوم معنا في جدة ناس شيخ قرشوم يتحدثوا اللسانين غرب النيل طبعا الكثافة السكانية قليلة .. وتماماً ناس اكد وسروج والقرى المجاورة يتحدثون اللسانين
تحياتي الحبيب عمر .. سياحة في تلك حاضنة نحن طبعا ناس البلد فقط .. كلنا أمورنا هناك
04-06-2020, 09:55 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
الأخ الحبيب / علي عبدالوهاب عثمان خالص التحيات لكم
لقد فرحت جداُ حين قلت : ( نحن طبعاً ناس جزيرة ارتقاشا ) .. لأنني بالذات لدي صلة قرابة شديدة للغاية بالشيخ ( أرصد ) رحمة الله عليه ,, وهو ذلك الرجل الذي كان يتولى الشياخة بجزيرة أرتقاشا في حياته .. والشيخ ( أرصد ) رحمة الله عليه والده من الملوك بأرقـــــو .. أما والدته فهي من ( مشو ) وأساسها من جزيرة بدين من عائلتنا.. وحتى هذه الأيام ونحن نتواصل مع عائلة الشيخ ( أرصد ) بأرتقشا في كل المناسبات .. نذهب إليهم في جزيرة أرتقاشا في مناسباتهم .. وفي حال تواجدهم بالبر الشرقي نذهب إليهم أيضاُ في منطقة البرقيق .. وبالمثل فإن أفراد عائلة أرصد لا يفوتون أية مناسبات لدينا بجزيرة بدين حتى هذه الأيام .
ولكم الشكر كل الشكر يا ابن أرتقاشا ( الجزيرة الحبيبة ) . أخوكم / عمر عيسى محمد أحمد
04-06-2020, 10:57 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
يا سلام الحبيب عمر أمبس الزمن الجميل الشيخ أرصد محمد بشير وكان العمدة صلاح الدين حمد الملك ديل ناس مولانا الملك معانا هنا فيي سودانيز ملوك أرقو .. ام ناس أرصد هي مسكة حماد ... الله يرحمهم جميعاً ويجعل مثواهم الجنة
تحياتي عمر أمبس ..
04-07-2020, 12:51 PM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
""اخوي يا مولاي،،اكثر حنية وحميمية"" جلالدونا: تعليق اوسكار ،،فعلا كلمة اخوي اكثر حنية من اخي "" ..وبعدين هسع انا فرحت فرحة شديدة لمن عرفت انه في مدينة في ولاية الينوي اسمها دنقلا، لاني بشوف في مدينة في ولاية نيويورك في الطريق بين نيويورك وسيراكيوز مدينة اسمها الاسكندرية وكنت بتغاظ واقول اشمعنى مدينة امريكية اسمها على اسم مدينة مصرية ،احتمال سكانها كلهم مصريين، زي ما بنشوف حي من احياء منهاتن في نيويورك اسمه ايطاليا الصغيرة little Italy لانه يبدو ان سكان الحي كلهم ايطاليين ،زي china town كلهم صينيين ،،،، والتحية لصاحب البوست استاذنا علي عبد الوهاب لهذا البوست الاوسكار ، وكذلك على التعليقات المهمة والظريفة في ان واحد وجعلتنا نبتسم في هذا الجو المشحون بالحزن والغم والهم والرعب من جراء انتشار الكرونا في عاصمة العالم وجعلتها مدينة كالاشباح،،،، وهنا في واحد مسيحي ،اظنه متطرف، واقف في نص تايمز اسكواير في منهاتن وهو يلقي موعظة للناس كل يوم ويقول:: يا اهل نيويورك لقد وقع غضب الرب عليكم لان خطاياكم كثرت ونسيتم الرب وانتشر بينكم الفواحش وعمل السوء فسلط عليكم فيروس الكرونا ،فارجعوا الى الرب واتركوا عمل السوء ......""" يا ربي كلامه ده ربما يكون صحي ،،،،، معليس يا استاذ سرحنا وقربنا ننحرف بالبوست الى غير مساره،،، ولكن لقول الحق فانتم النوبيين ناس طيبين وناس عشرة طيبة وزميلاتنا الحلفاويات والمحسيات والدنقلاويات اكثرنا طيبة وعشرة ،،،، اللهم ارفع عنا هذا البلاء والوباء ،،،
04-07-2020, 02:42 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
إلى الأخوات الفاضلات السودانيات بالولايات الأمريكية المتحدة لهن ألف ألف تحياتي :
كنت أتواجد بمطار دالاس بولاية تكساس عند عودتي للسودان بعد زيارة قصيرة للولايات المتحدة .. وهنالك تجمعت حولي فتيات سودانيات ( بأعمار الزهور ) وهن يعملن في نفس المطار ضمن العاملات في تسفير الركاب .. وكالعادة المعهودة في الشعب السوداني بسرعة شديدة تم كسر حاجز المراسيم التي تمنع الصراحة في الحوار المباح بين أفراد الشعب السوداني .. فكانت الأسئلة الشائعة من الأخوات الفاضلات هي : ( لماذا أنت عائد للسودان ؟؟ وأنت قد رأيت كيف أن هذه البلاد جميلة وتستحق التواجد المستدام !! ).. وكنت أجيب على ذلك السؤال وأنا أمزح معهن وأقول : ( أنا لا أريد أن أموت وأدفن في هذه البقاع البعيدة ثم يأتي ذلك الخواجة ويقف عند قبري ليقرأ الفاتحة بالانجليزية !! )) وعند ذلك كان يضحك الجميع .
وفي لحظات الانتظار القليلة تمكنت من معرفة أحوال الكثيرات من الأخوات الفاضلات .. وهن تقريباُ من معظم أرجاء السودان .. وعرفت أن هؤلاء الأخوات السودانيات يحملن الجنسية الأمريكية .. وذلك عن طريق ما يعرف ( باللوتري ) .. وأنهن في غاية السعادة والهناء بتلك النقلة النوعية الجديدة في حياتهن .. حيث تلك البلاد التي تغري الآخرين بالصدق في التعاملات .. ويندر فيها ذلك النوع من الرياء .
وحين آن الرحيل والإقلاع كان الوداع من الأخوات الفاضلات حتى باب الدخول للطائرة الميمونة .. وأنا رحلت عنهن وكأني أعرفهن منذ سنوات وسنوات ,, وحين دخلت الطائرة تركت خلفي ( سودانيات رقيقات عفيفات تتصفن بسماحة الطيبة والمعاملة .. وفي نفس الوقت أمريكيات بتلك الهوية والجنسية ) .. وفي داخل الطائرة كنت اسأل نفسي وأتعجب في حيرة من تلك التناقضات التي فرضتها الظروف على بنات أهلي !!
حبيبنا عمر .. تحياتي بناتنا عموماً وخاصة هذا الجيل منهن يا سلام .. أنا لا اتحدث من فراغ ولكن عن تجربة في عائلتي الممتدة بنات اخواتي واخواني .. متحملين كامل مسئولية العائلة صرف ومساعدة حتى علاج التأمين مع التفوق في التحصيل الدراسي في كل المراحل .. الامانة والصدق اليوم لو عندك مشروع خاص اكيد الادارة المالية تكون من الكنداكات
تحياتي الحبيب عمر
04-07-2020, 03:40 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
وبعدين هسع انا فرحت فرحة شديدة لمن عرفت انه في مدينة في ولاية الينوي اسمها دنقلا،
=================================== الابنة الاميرة امتثال وباقي الاميرات أرجو منكم التواصل مع مسئولي المدينة ومعرفة سبب التسمية لانهم يوثقون كل شيء في حياتهم لنعرف بالضبط سبب هذه التسمية في السودان معروف عدة مدن فيها حي الدناقلة والمحس حتى هذه الحقائق عرفناها جاءت عبر الرحالة الاوربيين في قريتنا في الشمال مع بدايات الشتاء تجد مئات الاوربيين زوار الاثار في كرمة ومتحف شارلي بونيه كنت ألاحظ أن أغلبهم هولنديين . قبل شهر تقريبا حفل منقول من موقع اثار كرمة الحفل نوبيي الصورة الخلفية شارلي بونيه وهو في الصف الأول يبشر وصفق ويحاول الغناء مع الشباب
يا رب تحفظه من شر الكورونا لأنه فوق الثمانين
ومارقريت السويدية التي معنا اكثر 40 عام في مستشفى البرقيق ومؤسس قريتنا هو مسترلانق اسكتلندي
تحياتي الاميرة .. والتحية لباقي الاميرات
04-07-2020, 11:11 PM
Emad Ahmed Emad Ahmed
تاريخ التسجيل: 08-12-2009
مجموع المشاركات: 12705
Quote: لاحظو انا زول بتاع تاريخ او ابو علوة ماعندو شغلة بالتاريخ، وانما واقع حال اسلوب حياتنا، اي ثقافتنا كسودانيين، كوشيين، نوبيين.
رغم هذا الفارق، كلام شيخنا ده مذهل من حيث حقايق التاريخ!
.. إنا لله وإنا إليه راجعون .. اللهم أجرنا في مصيبتنا وأجرنا خيراً منها .. وجع وجع بشاشا رجع .. وكمان عايز يقارن نفسه ب ول أبا علي عبد الوهاب ..!! يا بشاشا شوف ليك جقاوة جزه ..
خربت البوست .. أمش أفتح واحد أخر .. وبعّر كما تريد ..
---------------------------------- ول أبا علي، معذرة .. لكن الزول بشاشا ح يخرب البوست .. خلي نطرده.
بريمة
04-08-2020, 06:53 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 10913
استاذنا محمد .. تحياتي يا مبدع شهادة اعتز بها من أحد مبدعي المنبر نعم الحبيب محمد هنالك عادات وسلوكيات اجتماعية كثيرة كالافراح والاتراح والسمايات وعادات الزواج ... تجدها في كل الوطن كل حسب لغته ولكن المشتركات اكثر معرفة ألسنة القبائل في السودان يجعل الشخص واسع في تفكيره ومساحات المعرفة لدية تكون ممتدة
تحياتي حبيبنا محمد ..
04-08-2020, 09:36 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
حبيبنا عماد .. صاحب التوثيق الرائع المشكلة يا عماد بعد ان بدأ بث قناة الشمالية كنا نأمل عرض تاريخ المنطقة وتوثيق لبعض اماكن الاثار ولكن كما في كل التلفزيونات البث اليومي .. تكريم .. تخريج روضة .. احتفال حصاد وما في حصاد ..الخ وقت الذروة واجمل ساعات المشاهدة الساعة التاسعة مساء (مسلسل اسلامي )
تحياتي الحبيب عماد
04-08-2020, 12:25 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
هي بنت خالة الوالد (مسكة حامد) ناس حامد عبد المتعال وسليمان حامد الله يرحمهم جميعا هم أهلي في شريف إيكي عماتي مسكة وزينب شالي ويوة آشة الشبه بينهن لا يكاد يصدق في الطول والشلوخ والزمام والعكش والحنة والنظافة والترتيب كنا نتسابق أنا وإخواني بالفوز بالأسلي والفول المدمس خاصة يوم سوق البرقيق ونحنا منتظرين معدية الحفير تحت شجرة المنقة قبالة قاشا قصاد بابور سيد احمد علينتود ..... الله يا زمن... رجعتنا سنين يا أستاذ
04-08-2020, 03:29 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
تحياتي قاضنتود أمبس نعم المنطقة كلها متواصلة مع بعض الناس أهل وأقارب ابناء عبدالمتعال يرحمهم الله ( حامد ، سلمان ، ميرغني ) ما شاءالله حتى وضعهم الاقتصادي كان ممتاز كانوا محتكرين اكبر جزارة في المنطقة في سوق البرقيق
تحياتي قاضنتود .. اثرت الذكريات الجميلة ورحم الله هؤلاء الاعمام والعمات
04-08-2020, 03:39 PM
عمر عيسى محمد أحمد عمر عيسى محمد أحمد
تاريخ التسجيل: 01-07-2015
مجموع المشاركات: 1825
الإخ الفاضل / محمد محمد قاضي السلام عليكم ورحمة الله وبركاته :
أعطيك بعض المعلومات حتى ترشدني إذا كانت بيننا وبينكم علاقة قرابة .. لأنني حاولت أن أربط الصلة بموجب قولك : مسكة حماد هي بنت خالة ( مسكة حامد ) .. وكما عرفت منكم فأن ( مسكة حامد ) هي بنت خالة والدكم . ( وأنا بالمناسبة بليد جداُ في تتبع النسب حينما يقال باللغة العربية .. حيث لا أجيد التفريق بين الخالة والعمة .. وذلك بالرغم من أنني من تربية ناس أم درمان !! ) .
والمعلومة هي : أن ( حماد ) جاء من منطقة مشو وتزوج بجزيرة بدين والدة مسكة حماد .. واسمها ( فاطمة بشير ) .. وفاطمة بشير هي أخت ( مياسة بشير ) جدتي بالوالد .. وطبعاُ نحن نعرف كل عائلة حماد بمشو ( مسكة حماد وإخوانها وأخواتها ) .. وبنفس القدر نعرف الكثيرين من الأبناء والأحفاد .. وأكثر المتداخلين معنا في السنوات الأخيرة كان المرحوم ( هاشم الزبير ) يرحمه الله وكذلك أخيه الأستاذ حالياُ ( أمد الله في عمره ) .. وكذلك يتواصل معنا دائماُ الابن ( مامون ) الذي يعرف كافة أهالي جزيرة بدين أكثر مني !!.
ونحن نتواجد حالياُ بالعاصمة السودانية في أكثر الأحيان .. أما إخواني فيتواجدون في البلد حالياُ .. وهم أكثر منى تواصلاُ ومعرفة بالأهل بمشو وأرتقاشة .
وفي الختام لكم خالص التحيات
04-08-2020, 04:08 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
الحبيب عمر .. تحياتي نعم .. مسكة حماد .. ليست من سلالة عبدالمتعال رحمه الله عبدالمتعال كان رجل مميز يميل جسده الى الضخامة وكان زعيم ايام الاحزاب زمان ناس شريفي ايكي يتميزوا بالوسامة والجمال والشخصية القيادية وكانوا ميسوري الحال
الله يرحمها مسكة حماد أنا كنت اشوفها كل يوم كانت حريصة على متابعة نخيلها وكانت ذات شخصية قوية جدا كانت طويلة ومشلخة وبيضاء ومتواجدة تحت لبخ ارصد ولدها .. لأن نحن لينا ورثة في الارض المجاورة لساقية طمبل وهي ساقية ناس ارصد ونحن ساقية فوروشي وسوارمار
العائلة التي ذكرها محمد قاضي هي عائلة عبدالمتعال في شريف ايكي يبدو إني ما لاحظت كويس .. الكبر حصل .. وأنا عندما أكتب عن ذلك الزمن اتخيلهم أمامي .. لا أركز بل عيني تكون دامعة .. الزمن الجميل
بالمناسبة أنا لم افارق ا لبلد اطلاقا الا للسعودية لا اعرف العاصمة يعني بدون خبرة والد ارصد كان يطلق عليه (( سولينتود )) محمد بالعربي ( ابن سهولي ) اليوم احفاده عندنا في جدة يحملون نفس اللقب ..
ارصد كان ما شاء الله فارع الطول .. وسيم جدا .. متحدث لبق .. خط جميل في الكتابة
الحبيب عمر .. معليش تقفز الدمع في عيوني عندما أتذكر هؤلاء الناس .. تحياتي
الاحباب عمر ومحمد .. كما ذكرت البلد كلهم أهل إما عرق أو نسابة
ن
04-08-2020, 04:46 PM
محمد محمد قاضي محمد محمد قاضي
تاريخ التسجيل: 12-23-2014
مجموع المشاركات: 1605
Quote: العائلة التي ذكرها محمد قاضي هي عائلة عبدالمتعال في شريف ايكي يبدو إني ما لاحظت كويس .. الكبر حصل .. وأنا عندما أكتب عن ذلك الزمن اتخيلهم أمامي .. لا أركز بل عيني تكون دامعة .. الزمن الجميل
الظاهر أنا اللي خلطا بين مسكة حامد ومسكة حماد الله يرحمهم رحمة واسعة ومناطقنا كلها مربوطة إما بصلة الدم أو النسابة نحنا عندنا أقرباء وأرحام تقريبا في غالبية قري ومناطق دنقلا وبي كل الجهات. تعرف يا أخ عمر أهل والدتي في سوقدان وجدي أبو الوالدة محمد شمت كان (آرهيس) معروف بين كرمة النزل وبدين وما زال الأخوال وباقي الأهل هناك. معليش يا أستاذ علي طلعنا برة موضوع البوست.
04-08-2020, 05:21 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
الأخ الفاضل / على عبد الوهاب عثمان التحيات لكم وللإخوة المتداخلين الأفاضل
معليش إذا أبتعدنا عن البوست قليلاُ .. والآن نعود لموضوع الوست .. ولدى سؤال يحتاج لمهارة أهل اللغة النوبية : والسؤال هو : من مفردات القذف في اللغة النوبية تلك العبارة التي تستخدم في مناطق المحس كثيراُ وهي عبارة : ( هـــتا إكـــــا ميـــــــــــــرا !!! ) .
أولاُ : ما هو التفسير الإجمالي لتلك العبارة ؟؟؟؟؟؟؟؟؟ ثانياُ : ما معنى كلمة ( هتــــــــا ) في اللغة النوبية القديمة ؟؟؟؟؟؟
أخوكم / عمر عيسى
04-08-2020, 05:48 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12481
اللغة النوبية هي لغة جميع السودانيين حتى و إن تغرّبنا عنها زمناً
فهي لغتنا السابقة.
======================= الحبيب استاذنا محمد عبدالله الحسين يبدو ان النوبية هي المكون الاساسي للعادات والسلوك الاجتماعي لأن المجتمع الزراعي لما فيه من استقرار في جغرافيا ومنظومة واحدة منذ آلاف السنين حدث فيه التطور السلوكي .. يقال أن أكثر من استقر من العرب في مناطق النوبة هم من اصولهم من المدينة المنورة لمعرفتهم بالزراعة .. ================================= كما ذكرت سابقاً في هذا المنبر .. هناك العادات إلى يومنا هذا في كل الوطن حتى مسمياتها عبارة عن ترجمة حرفية من النوبية إلى العربية .. فكان العرب الذين حضروا كدعاة للاسلام تزوجوا من النوبيات .. مثال فقط ( غلام الله العايد ) واحسب أن المرأة هي تنقل الثقافات الاجتماعية ( الولادة ، والسماية ، الزواج ... الخ ) لذا نجد أن معظم المسميات هي ترجمة حرفية من النوبية ولأن العربية اثرى بالمفردات من أي لغة فهي لا تحتاج إلى الترجمة الحرفية .. وهذا ما يؤكد أن هذه المسميات منقولة من النوبية الى العربية وبترجمة حرفية : مثال ذلك :
بيت البكاء : بالنوبية ( اونج كا ) بالدنقلاوية أو ( وانج نوق ) بالمحسية ( اونج .. بكاء ) ونوق أو كا ( بيت ) بالعربية ( مأتم ) قطع الرحط : بالنوبية ( بييه مرر ) بييه رحط .. مرر قطع السماية : بالنوبية ( اريي ) .. هنا في خليج (عقيقة ) على ما اعتقد فتح الخشم : اقيل كوسندي .. في بداية الزواج
وأحسب ان هذه المصطلحات وبهذه الترجمة الحرفية انتقلت عن طريق الامهات النوبيات زمان وكذلك في العصر الوسيط هجرة اهلنا لكل انحاء السودان لقد تفاجأت كثيرا عندما قرأت للرحالة الاوربيين وحديثهم عن أهلنا في كل بقاع الوطن
تحياتي الاحباب
04-08-2020, 06:09 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا صاحب البوست أستاذ علي سلامات بوست مريح شديد يا استاذ علي. وانت يا أخ علي معروف . بوستاتك كلها تهذيب . وانت زول بعيد عن العنصرية . البوست ده جميل . وكمان كرب زيادة بعد دخول الكاتب الكبير بشاشا . بشاشا الزول الاضافة الضخمة لمنبر سودانيز . كاتب مهم جدا ومفيد جدا بي شلاليتو و قبقبتو . طبعا بالقلم .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
علي عبدالوهاب عثمان
HAIDER ALZAIN
أبوذر بابكر
ابو جهينة
محمد على طه الملك
يوسف الطيب احمد إدريس
عباس محمود
جلالدونا
Bashasha
بدر الدين الأمير
adil amin
يحي قباني
فيصل محمد خليل
علاء سيداحمد
محمد محمد قاضي
عمر عيسى محمد أحمد
mohmmed said ahmed
AMNA MUKHTAR
Emad Ahmed
Biraima M Adam
محمد عبد الله الحسين
تماضر الطاهر
Osman Musa
فيس بوك
تويتر
انستقرام
يوتيوب
بنتيريست