|
Re: امتثال عبدالله الكحة ولاصمت الخشم دى بتقد (Re: muntasir)
|
الكحة ولا صمت الخشم،، في معنايين للمثل ده،، الاول :اساسا صمت الخشم معناها الموت،،،والمثل بيقول اخير لي الكحة ولا الموت ،،والكحة ذاتها اساسا مرض ثقيل ،،وطبعا الناس كلها بتخاف الموت،،،والمثل معناه ما خلاني اختار المر الا الامر منه ،،بتشديد الراء،،، والمعنى الثاني انت اعرفه من النكتة دي: واحد عنده كحة ومشى الدكتور يتعالج ،والدكتور عاوز يكشف عليه قال ليه :كح ،قال للدكتور: والله ما عندي ولا مليم،،،، هنا كح يعني دخل يدك في جيبك واديني حاجة بدل سكاتك ده،،،، وانت كمان كمل جميلك واشرح لينا المثلين ديل:: الفي بطنه حرقص براهو برقص،، سيد الرايحة بفتش خشم البقرة ،،،، والله يبعد عنكم الكحة هذه الايام،،،لانك اذا بديت تكح الناس ببلغوا عليك البوليس،،، ويبعد عنكم العطس ،فاذا عطست وبدل ما يقولوا ليك يرحمك الله ينادوا ليك البوليس،،،
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: امتثال عبدالله)
|
هوووي يا بدر ما تتريق على بلدياتي علي :) الرطاني وردي مرة قال هو والهندندوي الراحل الشاعر ابو آمنة حامد كانوا يدرّسون اللغة العربية كاستاذة في شندي ومن طلابه الفنان الطيب عبد الله. نحن ناس " الدهشة اخت الهُمار " ما ناكرنها تب .. ونُعلّم الجدهم العباس العربية بلسان مبين ايه رأيك - شكرا إمتثال على شرح المثل .. حقيقة ما كنت عارف معناه
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: حيدر حسن ميرغني)
|
الحبيب الامير .. تحياتي حبس الكورونا خلاني مشهور في المنبر تحياتي يا جميل شكرا للابنة امتثال على الشرح مئات الامثال السودانية تحتاج إلى ترجمة زمان كنت أقرأ في كتاب يمكن للطيب محمد الطيب
حبيبنا حيدر كمان .. ما شاء الله
الدولة النوبية في الشمال لا بد منها المشكلة في المصريين ممكن يعملوا ابادة لاخوانا نوبة مصر صدقني يا امير بينا وبين السودان سنوات ضوئية من ترهاقا للمهدي اول مرة حكومة بدون دنقلاوي
تحياتي الحبيب الامير
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: أبوذر بابكر)
|
شكرا ابا ذر لتبسيط المعنى وبكده يكون المعنى الاول ،بتاعك انت : شئ خير من لا شئ والثاني :اخير اقبل المر هربا من الامر منه الثالث :البقشيش:ياخي طلع حاجة من جيبك بدل سكوتك ده،،، ...والان ساعد الامير في حل معضلة المثلين ديل لانه احتمال نسى طفولته في ارياف اربجي وسكن الدوحة ،اجمل مدينة بعد نيويورك وقبل باريس ، ونسى امثالنا الشعبية والمثلين : الفي بطنه حرقص براهو برقص سيد الرايحة بفتش خشم البقرة...
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: امتثال عبدالله)
|
Quote: اساسا صمت الخشم معناها الموت |
ما صَمتْ يعني سكوت يا بتنا ...
العربي ده كاتبها غلط ... اسمها ( صمّت ) او صَمّة الخشم ...
بعدين انحنا قاعدين نقول قحة في السودان ... سيبك من زولنا ده ...
ترجمي دي لي عمك علي ...
" يا تِفّه .. يا طاقية بريال "
وخلي العربي يساعدك ...
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: يحي قباني)
|
ود قباني المثل بتاعك ده بحوله لي ابو ذر ،،،، وكمان بحول ليه مثل ثاني مثلين اذا ترجمهم وجاب لينا القصة من قولهما بحول ليه جوال اخر موديل زي الصخرة اذا دقيتو بيد الفندق ما بتكسر،،، والمثلين هما : الما شاف البحر بتخلعو الترعة،، الحوت ما بيهددوه بالغرق،،،
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: ABUHUSSEIN)
|
والله المثل ده نحن عندنا معناه كالآتي ،،، المعنى المباشر هو تكون قاعد مع ناس وسااااااكت بس بعاين بعيوني ،،،، فيقولوا ليك ياخ قول أي شيئ إن شاء الله حتى لو تقح ،،، وطبعاً يضرب بمعنى لو الناس بتعمل شيئ شارك بأي شيئ أو أقل شيئ أفضل من عدم المشاركة ، ولو عايز حاجة من زول دين مثلاً ،،، وما عايز يديك ليها برضو تقول ليه المثل ده يعني ياخ جيب أي شيئ وما تلبد مرة واحدة ..
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: بدر الدين الأمير)
|
منتصر ياامدرمانى نص كم ابعد دمك انا الفينى مكفينى مدين الاجنبى دينق عشرة الف دولار نكرها حطب مدين الظلامى معتز عشرة الف ريال بقى مابرد على اتصالاتى بل وحظرنى نجمة زميلة المكتب والبيت الشركة اغلقت بسبب كرونا ومافى شغل تصحى من النوم وتسالنى متى بنزل الراتب مش كدا وبس سمعتها وهى تتكلم مع ابنها أمير وتقول له خلى بابا يدى ماما فلوسها عشان ماما تجيب ليك لعبات كتار بقى أمير كل شوى يجينى ويقول لى بابا ادى ماما فلوسها والهندى بتاع الدكان واقف لى فى باب العمارة ويزرزرنى مدير مدام يشيل كتير سامان ويقول انت يدفع فلوس انت ليش مايدفع انانفرات مسكين انت حرامى انت على بابا انت اول فى زين بس الحين مافى زين انا يروح شرطة
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: بدر الدين الأمير)
|
يا امتثال بالمناسبة انتي البوست بتاعك فيه آكشن ولا ناكل باسطة؟ أنا ما عندي حاجة للجيش السوداني الأصلو ما سمعت بيه أطلق رصاصة على عدو خارجي .. رصاصه كلو موفره لصدور الشعب البطولة الوحيدة البتمناها في الجيش إنهم يمشوا أطراف البلد ويحرسوا الثغور ويسيبوا السياسة في حالها عشان كدة ما دخلت البوست بس شايفو كل مرة ناطي المقدمة وبشوف فيه اسم عمر نملة وعمر دة بتاع مشاكل بس نحن داسين منه الموضوع دة وهو ما عارفه يعني من ما تلقيهو متردد على البوست الاحتمال الأكبر إنه يكون بتاع آكشن ما بقدر أقرأ البوست كلو ولا داير ادخل واتورط فدحين إن فيه آكشن نضيف كلميني النشيل عدة الشغل واقوم عليه وإن بقى ياهو غلاط بيت الضيافة النمشي ألحق الجبنة مع عارف ناشد
| |
|
|
|
|
|
|
Re: امتثال عبدالله الكحة ولاصمت الخشم دى بتقد (Re: أحمد محمد عمر)
|
احمد محمد عمر انت الجابك البوست بتاع ود الامير شنو ما دام انت قاصد تتكلم عن بوست شجاعة الجندي السوداني وكان مفروض تكتب سؤالك ده في نفس البوست عشان عمر نملة يديك ضربة بالحتة الفيها الحديدة،،ههههه ....وبالمناسبة البوست فيه اكشن لقدام !!!بالله انت عاوز اكشن اكتر من صوت هدير الدبابات وهي تحتل القصر والرصاص ينهمر على ناس ابرياء في بيت الضيافة ، وطيارة مدنية يحاصروها بطيارات حربية وينزلوها بالقوة في ليبيا ،،،،اكشن اكثر من كده الا نجيب ليك فلم ترنتي او فلم دينجاقو لا يرحم ،،،هههههههه وبالمناسبة انت احمد محمد عمر ولا احمد عمر محمد ،،،،
| |
|
|
|
|
|
|
|