《 كورونا .. و حَظْرُ التَّبَوُّلِ 》

▪ و نعني به التبول في الكُوَش و على الحيط و في الطرقات.
طبعن الدافعنا لكدا الحكومة كان البايدة و لا كان القحاطة ديل،
فارضين رسوم باهظة تصل إلى شلنغ بالقديم لحمامات عمومية
على شعب مفلس و أصلن جنو يتهرب من الضرائب . فبدل ما ننفع
غفير الحمامات في الأسواق و المواقف و الرجال أصلن مواغف قلنا
أحسن الواحد يشتتو فوق ركبينو ساي يبول زي بولة البعير واقف.
وأهلنا ناس ألبل في البطانة هنا عندنا مثل : ( الشُّقوق و لا المخلوق ) .
▪ لكن جانا هدا كرونا رضي الله عنه و أرضاه، و رجع (الأمواه) قسراً
إلى مجاريها في بيوت ( الحبس ) حفاظاً على صحة البيئة العامة.

● علا كان جينا للحق ؛ عشان برضو نكون منصفين و دقيقين كمان ،
ليس تهرباً من الرسوم وحدها ، بقدر ما هروب حقيقتن من وضعية
(المنافع) نفسها المبنية على أساس إنها (قبانات) للجباية و حِتحَيْت
جيوب المتبولين في الأرض ، و هي خاوية الوفاض على عروشها .

● ياخي المرافق دي لا مؤاخذة، عليها جنس ريحة أكرم الله
السامعين تخلي حال الجوَّاها يشحد في الله: يحلني الحل بلة
لكن مو جايب خبر للواقف مستني برة حالو ألعن و ( أظرط ) و
هو يدافع الأخبثين: يا رباً تدخلني تذهب عني الأذى و تعافيني.

♧ سأني واحد: طيب كلاب الزمن ديل ما عليهن رسوم و لا ضرايب يتهربن منها . و نان مالن بنتكلن على حيوط الناس يتبولن فيه. قلنالو: لا ياحبوب ديل سببن براهو : بنتلكن يتبولن في الحيطان من شدة  الضعف و الهزال الحاصل. فمرة حكي لي واحد كلب، و هو يغالب دموع التماسيح وغصة العبرة واقفة في الحلقوم تحسُّراً على أيام الزمن الجميل، زمان الناس هداوة بال و ربع الرطل يرسف القزازة لحدها قال : كان الواحد مننا كان يمرق على جيهة السلخانة دي قشة عينو من صباح الرحمن فتاح يا عليم رزاق يا كريم يلاقي ليك أخوانَّا الجزارين ديل فضلت خيرك راميين لينا الغفشة دي هنوووك و مصران العرنون دا أكان ما أخاف من الكضب تقول يجيب لو تلاتة ياردات؛ ودا ناهيك عن لضلافين ديل زي الشيء الكعب؛ كنا نشيلن نشدَّهن بالليل نظبط ليك منهن حلة بوش كوارع طاعمة بازول تعضي أصابعينك وراها، نمخمخ و نقزقز فيهن و نمزمز لي شقة
حَمار اليوم التالي 

حتي حمامات الاجرة ،أعاذك الله تزكم الانوف ،
من الروائح الكريهة ،دا اذا كان باب الحمام ،
فيهو ترباس اصلاً ،يااااااااا بلد ،
عزالدين عباس الفحل – ابوظبي

.......................................

* حيا الله أخوي عز الدين ود الفحل و متشكر جدن لبهاء المرور.
▪ أها ، ما تميت ليك درامة عمنا الكلب : يلا ، تعال هسي شوف حالنا بقى يغني عن سؤالنا. و كان للناس أسيادنا الكانو بحنُّو علينا بقوا هسي يا عبد المعين تتعان و الحال من بعضو . فبقينا الواحد لامن يجي يشخ في الحيطة، أول حاجة يعمل تقدير موغف ، و ينتكل عليها ؛ و دا موش بس من مواتة حيلنا مو شايلنا بقدرما هو خوف على الحيطة ذات نفسها و هي جالوص تقوم تترَّع تنماص تجي واقعة متهايسة فوقنا تلحقنا أمات طه.
▪ قمت ضحكت و علقت بخباثة كدا قلتلو: و الله يا عمي الكلب
تراهو ما في أبد زولن هاين روحو. طبعن نقشا و هي طايرة ؛
فقام كشم معاي كشمة صفراء و قاللي : كيفن عاد يا ولدي و كان ماك عارف كمان ، أهو زييأنا مسلن، أصلن يوم أبوي جرقاس و أمي بُرييبة ولدوني جريوَن كدا حلاة الدنيا علي ، ضابحين لي خروفين و مسميني حاج أبراهيم :علا لكن هسة هانت الزلابية و شايف بعض المتطفللين بعدما سقطتْ و بس بقو بتحت تحت يتنمرو علينا ينبزونا بلألقاب "بئس الاسم الفسوق بعد الإيمان" و ينادوني: يا كلب!!

● و إتا في دا و لا و كمان الشُفع يكوركو فيني اللسان الشايلو أطول من حنكك دا زاتو مو حقك دا حق تمساح و هداك سيد الحق زاتوجاييك مارق من البحر يقلع منك لسانو. و المصيبة أتحخل إني مرات لامن أصدقم و أقوم جاري حرصاُ على لساني و ضنبي.
● فبالله شايف كيف .دي عشرة عمرنا مع بني الإنسان و حلات
يتمشدقو ويقولولك:

Dog Is The Man's Best Friend

ههههههههههاااااايييي ما ترا كبا!!!
( بالله دي ليها نكته براها تكطع الوضو
فتجيني ليها في الخاس و مسدد أضنينك)

● يجازيج و يخلي محنك ود التاي يا فردة يا بتاع
الكوميديا الأرضية السوداء. و تراني مانيختيان عليك ،
أكان لي زمن ما فقعت لي ضحكة زي دي بالهاء المعطشة.
● ثمح كدي تعال هاك دي عشان نوريك إنو نحنا و نحنا
فعلن ، بنفجر المفرقعات في (ساحات فداهن ) صااااح :
فذات مرة راكب من الميناؤ البري ، مدني و قبال ما الباص
يغلق و يتحرك بينا قلت الواحد يعمللو تستة سريع ؛ عوارض
الطريق ميهن مضمونات وكدا.فنزلت فللي على الحمامات الله
يعزكم . لقيت ليك عمك الغفير مصنقر هناك تقول هو زاتو إبريق
عامل كركون فوق خشم الباب ، و قدامو طربيظة مفروشة بي
خيشة و راصين فوقا الأشلان ديل مكوِّشات بالله متل أبراج دبي
و جنبو لوحة إعلانات، أنا لمحتها افتكرتها دعاية يكونو عاملين
بروموشن سبشل أوفر ، مسلن:لزبائننا الكرام بمناسبة بلا و انجلى
(نزِّل تقيل على خفيف بتمن واحد ؛ و لا : بكرة القعاد مجاني )

● الشاهد: بالاستعجال طنشت عمك و أنا داخل؛ فناديلي واحد
من شبيحة نظام اللسطاف جاني مارق من جوة زي المارد و الجرة.
بس تقول المرحوم عمنا حيدر قطامة قام من ترب ود كنان . طوالى
راح مقبقبني ليك و رجعني أدفع أولن. قاللي: مالك أعمى ماك شايف
المكتوب هناك قدام عمك داك . فعلن مشيت طايع مختار دفعت ثم
قريت: لقيتم (المعفنين) أتاريهم بالعكس مشددين الإجراءات كاتبين:
منعاً الإحراج (الدفع قبل الرفع) تصدق. طبعن بالمغسة أصلي ما سكت
بديت أحاجج في عمك قلتلو ياحاج حرام عليكم ، يعني الواحد حتى
لو شرد منكم بيحق (هُووراراية) واحدة فيها شنو بالله . لكن تخيَّلو
أفحمني بمنطق وحجة أقوى لامن قربت زاتي اشرق لكن ما شرقت ؛
خفت كمان يدبسو لي تهمة كرونة قاللي : يا ولدي ، كدي هسي الباص
الأنت ماش راكبو دا بيخلس منكم تمن تذاكرو مدافرة من الشباك قبال
ترفع كراعك و لا برجاك لامن توصل ميسك. ياخ ناس عارغة شغلا صاح
تاني تعال قواللي (شبكة)مجاري الصرف(الصَّحِي) كان فيها فساد!!

♧ قلنا قبل كدا إنو كورونا رضي الله عنه و أرضاه٩
، يبقى

جُندياً مجنداً من أضعف جُند الله التي لا يعلمها إلا هو ، و
ربما أودع فيها سره الخفي. ليثبتَ لنا العكس تماماً بأنما في ضعفه و تخفِّيه يكمن سرُّ جبروته الهادم للملذات المفرق للملمات.

● شأنه في ذلك شأنُ الكثير المثير من مخلوقاته التي
لم تُخلق هكذا عبثاُ كالثعابين و العناكب و العقارب التي
من سُمِّها نستخلص بلاسمَ و { تراييق } لمعظم علَلِنا و
أوبئتنا " ربنا ما خلقتَ هذا باطلاً، فقنا عذاب النار" .

● و ذكرنا منها على سبيل المثال كائناتٍ شائعةٍ في أمثالناالشعبية السائرة.و قد بدأنا بأصغرها ثم الأمثل
فالأمثل و لله المُثُلُ العُليا حينما يضرب لنا مثلاً ما
بعوضةً فما فوقها" أي في كونها متناهية الصِغر
و المدعاة للاستهانة و الحقارة في أعيننا.

 ● إلى أن جاء ذكرنا على الخنافس، ما نمسيه 
أبو الجُعران الذي" في عين أمه أجمل من فراشة"
مثلما أن "القرد يبقى في نظر أمه غزاله".نقول
قولنا هذا، و { اللَّهُ أَعْلَمُ حَيْثُ يَجْعَلُ رِسَالَتَهُ}

تربت يداي و يسلم ضراعك أخوي أحمد موسى. بصراحة
بعبارة" الشحن و التفريغ" دي أوقفتني كما وقف حمار الشيخ في
العقبة ؛ و الذي لا أعتبره شخصياً مجرد جحشٍ مكاديٍّ نشحن على
ظهره و نفرغ أحمالاً لنبلغ بها بلداً لم نكن ببالغيه إلا بشق الأنفس ،
بقدرما أقف أمامه لأوفيه التبجيلا، لكونه معلماً لقننا في صمتٍ
و بدون أن بنبس ب"نهقة" شفة واحدةٍ، متى و كيف يكون
العصيان المدني ولو بالنظر. فإلام نظل نحن تلاميذَ أغبياء.

▪إذن، هلمَّ معي ندلف إلى أقرب مكبٍّ للنفايات لكي نقف
بدورنا و لا مؤاخذة ، على جانبٍ من حكاية تلكم الخنفساء
اللي برضو مسمينها أبو الجعران و في راوية أخرى بل هي
الأحرى، يكنونه بأبي الدرداق من ظاهر مهنته الشاقة.و ما
أدراك ما حكاية خطوبة أبو الدرداق لستي القمراء و التي
تشبه كثيراً فصول أسطورة سيزيف للروائي ألبيرت كامو.

● أبو الدرداق يا سادة يا كرام، هو حشرةٌ من الخنافس
الحقيرةٌ الهائمةٌ على وجهها بالكوش و البلاليع و مجاري
صرفنا اللا-صحي . و في ذات غفوة كان ماخدلو تعسيلة
مفترشاًقشرة موزةٍ مأكولة و ملقاةً على قارعة الطريق
و ملتحفاً قبة السماء و ترعان لامن يتجشأً و هو مستلقٍ
على ظهره و خالفٌ كراعاً فوقَ كراعٍ و قاعد يكتح كاساً
وراء كاسٍ من (عبقري رباب) موية مجارينا البولية المعتقة.
لحدت ما طشم وقف لمبة. يلا بقى يشوف ليك الجعرانة دي
غزالة، و أبو الدنان هيلكوبتر. قعد يهضرب برة من راسو.
● يلا خلينا ناخد سندة هنا، ثم نواصل حين ميسرة:

●ولدي قاللي: يابوي الكلام دا ما أي زول بفهمو ليك. و ثبتني في حتة : "كرونا رضي الله عنها" دي ماظبطت معاه. و بصراحة معذور. و أنا زاتي ما صدقت إنو زي هرطقاتنا دي تلقى ليها أذن صاغية لدي جيل (حبيبي أمسك لي و أنا بكطع ليك). فدي ظاهرة صحية جدن.

● عمومن قلت ليه: لو كملت قراية للنهاية ح تفهم إنو جندي
من جند الله المجندة التي أودع فيها أخفى أسراره التي لم يفهم
الناس حتى الآن منها شيئاً إلا بمقدار ما يأخذ المَخيط إذ يُغمَس
برأسه في عُرض المحيط.
● ما يمكن ربنا عاوز يشك لعبة الدنيا الجايطة دي من جديد
و يعيد ترتيب أوضاعها. و شايف الناس مهلعين من كورونا من
ناحية و متنافسون من ناحية في المتاجرة بمأساة ضحاياه .

●دي ذكرتتي كنا في قلب حادثة حريق منى الشهير ،
و أنا جاري بولدي دا زاتو على كتفي و ألسنة اللهب ماسكة
في هدومنا في عز معمعة التدافع و الزحام. و في وسطنا ناس مجانين كانو شايلين معاهم أنابير غاز تباخة و مهرولين من موت محقق. فشفت جنس عواقب طول الأمل و الطمع.

على أية حالٍ الموضوع لسة محفوف بهالة غموضٍ
بين قِوى العالم العظمي؛ مثلما بينا ضمن بوستينا الآخر
(كرونا و لعب الكبار بالنار ) و لم ير الناس بعدُ من ديك
الكرونة إلا رأسه. فيا ريت نعيش و نشوف.

قبل ما نرجع نسترسل في قصة غرام أب الدرداق غير
المتكافئة للقمرة دايرين شبابنا ديل وكت فتحو معانا خط،
نوريهم كيف يمكن لهذا الكورونا أن يعيد غشاء بكارة الطبيعة
سيرته الأولى، بعدما عبثت بعذريتهأصابع العابثين. و يعيد
دايناميكا منطق الأشياء إلى صوابها و سبيل رشادها .

● فمثلاً لقد سمعنا أنه بسبب احتباس الناس ( للتبول )
في منازلهم تعطلت المصانع و المعامل و المطابع و الطائرات
و القطارات و حتى المخابز عن العمل رفعى فقدانها للأيدي
العاملة التي كانت تديرها ليل نهارمما خفض بنسر مقدرة انعاثات
الغازية الضارة من عوادمها ، و هذا مما ساعد على انتعاش الحياة
البرية من صيدٍ و طيور و سباع و ضباع و دببة ، إلخ. و الحياة
البحرية من أسماك و تماسيح و دلافين و شعب مرجانية و أنوع
كادت تنقرض سلالاتها . فخرجت تتمشى حرةً طليقة !!!

● تحتل إيطاليا المركز الأول أوروبياً و عالمياً بجدارة
بين المتأثرين بتفشي وباء كورونا . و رئيسها في خطاب
مكاشفته لشعب بلاده، نطق بحقائقَ صادمةٍ حين قال : " إذا
لم يعكس منحى الإصابات بالوباء خط مساره نحو العد النانزلي حتى
يوم غدٍ الأربعاء ، فنحن مضطرون لفرضنا حظراً شاملاً للتجوال و نغلق
حدود البلاد نهائياً بحيث سوف لن يأتيها أو يخرج منها كائنٌ حيٌّ من كان
بين يديها و لا من خلفها ؛ و سنقوم بتعطيل دواليب العملبكافة المصانع
و المزارع و المعامل. مما سيضطرنا لدفع أجور الأياديالعاطلة عن العمل
بها من الخزانة العامة للدولة. لا بل ، و سوف نتكفل عنهم بسداد فواتير
الماء و الكهراء و التدفئة و الصرف الصحي. ونوصل إليهم رغيف
الخبز يومياً إلى أعتاب أبوابهم . و كل ذلك حتى يبقوا ملتزمين لنا
بالمكوث في ديارهم حفاظاً على سلامتهم و عوائلهم."

● ثم استطرد قائلاً: نقول ما تسمعون و نحن مدركون
تماماًأن اقتصاد بلادنا على شفا جُرفٍ هارٍ من الانهيار.لكننا
ندرك كذلك أنه قد آن الأوان لدولة إيطاليا أن تضحي ،و لو
بالفناء في سبيل تأمين سلامة أبناء شعبها . ففي ظل الحروب
السالفة كان على الشعب أن يفنى من أجل أن تحيا إيطاليا. أما
اليوم فقد أتى الدور على أيقونة الدولة لكي تذهب مع الريح
فداءً لأرواح من سوف يبنون مثلها و أمتن منها مجدداً.

▪وصلن لما كنا قطعناه من سرديتنا لدرامة عريس غفلتنا اللينفض كبس حفلتنا االلي هو أخونا أبو الجعران و بي تحت تحت قال ينادوه أبو الدرداق من وحي طبيعة الكار و مهنته الشاقة.
● ففى عز المزاج، فجأةً كدا عينو تقع ليك في مخلوقةٍ ؤا سبحان الله ، حسناء لامن قايلة للسماحة دي بس . و عليها جنس رقة و طعومية ياخي ترمي في الشوق المشيت ليهو .
يلا أخينا دا راح زازل ليك فؤها تعشيقة بي نمرة 5 من أول نظرة ..و رشقتني عيونو و جذبتنؤ فنونوو بقبت مجنونو
من أول نظرة .. و 《 الليل و القمرة ضدين و اجتمعو》.

♡ الشاهد: الود عسقها و أحب ناقتها بعيره . مسكتو ليك
أم هلَّا هلَّا و كب جرس صاح لامن غلت.. و يلا قعد يتودد
و يكسر تلج لحدت ما نقش ليك اسما قالو: قمرا .. و ست السنسنة الحمراء ؛ و بقى مساقد الليالي يبحلق فيها و يتأمل
فى {وشها الصبوح و منور }. و يلا فضل مِتَّلحا ليك عامل
وجع وش؛ لحد ما كرها الطلة زاتا المسخت خلق الله.
♡ ففيوم قررت(تشوكشو) رسلت ليو تاخدو على قدر عقلو
بكلمتين عسل. و أصلن( شوف العين ما ببكتل غزال}؛ ركب
ليها تكاسي الغرام وطار فللي يسابق في الريح .. و بالجد كدا
صاحبنا ما مصدق ظاتو يخاطبا مشافهة و كفاحاً هكذا.قالتلو تعال و يلا فرح لامن كبرت كراعو من الفرح نص فى اللرض..
و نص فى النعال"و اتلخبت الشوق بالزعل و اتحاورو ..
و الخوف و الكــلام راح لي بقالي ساي سمبهـــار" !!

♧ كرونة صخشياً من الصين اتصلت تطمئن علي جريواتا
اللي كان رسلتم لينا هنا. لكن لومك علي حشرناهم ليها في فتيل عديل كدا:
~أها اخباركم شنو يا شفع ياشُطار ، عاملين كيف!!؟
~ شطار شنو، و الله يا مامي السودان فظيع سخانة تلحم العصار دا لولبي حلزوني يقوم ليك من (قنيطة) راسك و نحن هسه راقدين سكَّت عِمَي ، تحت زير سبيل في أمبدة كرور ؛ راجين الواطة تبرد شوية نركب ركشة كرونا ونمشي جبرونا قامو دقَّسونا.
~ سمح، و أخوكم الصغير عامل شنو؟!
~ ماقلت ليك يامامي كارينا دا ما يجي مبارينا الجنا دا شليق انا وصيتو يدخل حلق الزول بعد الوجبة قاام من شلاقته خش ليه في حلقواحد قبل الفطور و الزول فطر بحاجة يقولوا عليها ملوحه واسمهاالعلمي تركين و بعداك عوما لي ( كوز) بقنية غليد و قفلا بي سفة ود عماري جيد بس دُقار دفار !!
~ أها والحصل شنو يا ولدي، قول ، قلقتوني عليكم !!!؟

~ الحصل يا مامي الحاجة دي أولن عليها جنس عفُّونية بس تقولي شنو عاد: فسوة أبو العُفين بس. حصل شميتبها بالله ؟!
يا زولة دي أصلن عبارة عن سلاح دغاع نووي بايولجي خطير من مشتقات ثاني أوكسيد اللعوتيك المُنضَّب. أها الحيوان السغير دا لامن يكون ساكيه وحش كاسر ولا (فكي) مفترس، بس ياهي دي حيلتو ؛ يقوم يفك ليك فيهو العفنة دي دقيق دقيق من الصلب و طوالي على النخرين ، تجيبو ليك بردلب
واقع نجيض ؛ شخرة كدا و يلحق أمان طه.
● يلا شويفعك الشالق دا كانت الملوحة دي عاوزه تجيب
خبرو من أول عطسة جانا متلب يرجف و هسع جبناهو مشمشناهو و عقمناهو ولبسناهو كمامة و عليك الله يامامي تكلمي بابي يرسل لينا منطاد جوي و لا بساط ريح هوا تجلينا من هنا قبل الجماعة ديل يمصُّو علينا قرضة يقرضونا.

مزهمر أنا يا ود مهدي ، مقبولة منك الكف من يد الحبيب
ترها متل مدغ الدبيب (شغل ناس نجيخاو الطلق فينا كرونة).
ثم تعال هنا ياخ مالك مع ود التاج متنابزين بالألقاب بئس الاسم الفسوق بعد الإيمان. عيب عليكم تتشاكلو، أكتر اتنين بحبكم.

●يلا نرجع لونستتا مع أبو الدرداق. فالحقيقة، القمرة حنكوشة رافعة القزاز حبتين ، فما حبت تضيع زمن مع واحدن شماشي هليفيت ، و نازل فيها غزل كدا من قولة تيت .. فأخدتو على قدر عقلو نادتو  بي غنج شديد: شوف يا دردوقتى أنا موافقة نعقد قرانا سوا و بدل هنا في شُرفتي المطلة على حديقة صاحباتي ناس زحل و الثُّربا ؛ ممكن أنزل ليك لحد عندك في حضيض البواليع و المجاري الأرضية. بس أنا لي شرطن فرد وحيد طلب حسيس: صاحبنا اتنفخ و قال ليها : "إنتى تأمري يا ست الحسن تشرُطي بطني دي، إهــي و نحنـا في ديك الساعـة أقولك حاجة:
لو دايرانى أجيب ليك كاس العالم قبال الدوحة 2022 و مليان لبن طير بجيبو. و بضحكة هنجكة غبشا كدا، القمرا قالت ليهو : دردقوتى إتَّا كمان ما تبولغ ؛ خليك من (تقيل المحلبية) دى القاعدين يسووهن لي ناس قرمبع و قراد و ما شابه ديل ؛
أنا شرطى الوحيد إنك بس تكنس ليا كوكبكم الأرضي دا
تنضفو تخليه بس زي صالة للأفراح و ليالينا الملاح و لا
سائلة في (سبارك سيتي) و تكون(كوشة) زفاف جاهزة من مجاميعو لساعة الصفر ( ليلة القبض على الكديسة).

♡مودتي و كل حاجة،،،
♤ ود الحيشان التلاتة؛؛؛
◇مؤذن بجزيرة مالطة !!

《 ما يتحيَّر إلَّا مغيَّر 》
♧ جاتني فكرة ياخ نكسر بيها روتين الحبسة الكاتمة دي :
♤ إنو في ظل حظر(التَّبوُّل) و التناصل اللا-اجتماعي الحاصل دا نقوم نجمع القروبات دي كولها في لمة ونسة و لا عضةافتراضية ، على غرار قمة العشرين الكبار الفاشلة العقدوها أمس مع الدب الداشر بن سلمان بالفيديو كونفرنس(كلب يلحس خشومكم) .

▪ يلا ، نجيب شواهينا و لقيماتنا و آبرينا و مدايد عمباج كمان ، و نجي تمرين عادي(بدون رسوم لود الجمالي) ، و لا نمشي البر نعيش بقى مع الطببعة: نتعتشى برشوشة من وراكين (دفرنش) نملة، و لا أصابعين بعوضة مكشنة بفحلين بصل كلاب مع قدحة زيت خِروِع؛ عليها (كوزين) غولاد موية من ترس الحقنة ؛ لزوم (تعويم اقتصادي ). بعداك نحلِّي قرض و صفق لعوت مع شاي ح باجقلي مدنكل و مقنن بلبن حليب عُشَر ؛ و لا تجونا في أم هبج بطانة أب علي في مرقة قنيص. و نبقى ضارببن الهم بالفرح في همبريب العراء الافتراضي. و الزارعنا هناخليه كدي يجي يقلعنا.

▪بس أوعة ينط لي عمو الباشا يقوللي: يا مزهمر و لا شارب
ليك عجين حامض و كدي. و مو عارف نحنا و نحنا العجين
المُر دا مفطومينبو.. و قرن الشطة القبانيت بنتكحلبو..و اللسد النتر و لا تمساح جزاير الكرد بنسلخو و نعلق جلدو .. و كان لكرونة الهويِّن دا بنقرشرو ساااه (مكرونة ) و لا بنكابس ودُّو.
لا، بل نقول ليه: ربنا و ربك الله. هييييععع أنا أخوك الراسية.

○ شهقة لون و تكية خط: خلى عمك سمعة يجي يتيرب المربوعة دي !!!
ود اا ح ب س ا ن ال ت ل ا ت ة،،،
رافع أذان ع الفاضي بجزيرة مالطة!

Salah Figada
• يا سلام عليك يا صلاح ياخ. دايمن تعيدنا إلى أجواء
حنتوب الجميلة. كيف ما بذكر شاعرنا الفُطحُل/ يحي إبراهيم.
▪ تصدق تلاقينا ذاتَ مرةٍ بمحض مصادفة "من غير ميعاد و اللقيا
أجمل في الحقيقة بلا ميعاد). جمعنا ظهر باخرة و نحن نمخر العباب
في عرض المحيطات عبر بلاد الله الواسعة. نفس ملاقاتنا أنا و أنت
في عز معمعة رمي الجمرات سنة حادثة حريق منى الشهيرة. فشوف
بالله مفارقات الدنيا دي! زي ما قالو عنها ضيقة لكن غريقة لتحت.

▪ و على طاري المفارقات العجيبة مما فرضه علينا هذا الوباء المستجد
(كرونة) أنه مثلما (أغلق) دور العبادة ؛حتى صار المؤذنون في مشارق الأرض
و مغارلها يرفعون عقائرهم بنداء( حي على الصلاة ..حي على الفلاح)..و كأنما
لا حياة لمن ينادون؛ و كأنما اختُزِلت خارطة الكوكب بأسره في (جزيرة مالطة).
و لكن بالمقابل فها هي ذي السجون نراها(تفتح) أبوابها على مصاريعها لتُفرِغَ
بطون زنازنها ممن كانوا قابعين خلف قضبانها. و يا ما في الحبس مظاليم.

《 منقول》
♡ كورونا ليس شراً مطلقاً.. أخبار إيجابية لأنصار البيئة،
لكن القصة أكبر بكثيرتراجع نسب التلوث بأكثر من الربع في ظرف أسابيع قليلة.
محتويات الموضوع
~ ماذا حدث؟
~ ما فائدة هذا التراجع؟
~ لكن للقصة وجه آخر!!
~ 6 دروس من الفيروس
●بينما يواصل العالم جهوده لاحتواء تفشي وباء كورونا الذي يحصد الأرواح بالآلاف والمصابين بمئات الآلاف، وأصيب الاقتصاد بحالة شلل تهدد بموجة ركود قد تكون الأسوأ على الإطلاق، ظهر للفيروس وجه إيجابي يتعلق بتراجع ملحوظ في نسبة تلوث الهواء في المدن الكبرى، فما قصة التغير المناخي الذي يبدو أن كورونا قد جاء لصالحه؟
●ماذا حدث؟▪ أظهرت صور التقطها قمر صناعي، اليوم الإثنين 30 مارس/آذار، تراجع تلوث الهواء في المناطق الحضرية بأنحاء أوروبا خلال الإغلاقات المفروضة لمكافحة انتشار الفيروس، فقد أوضحت صور القمر الصناعي سنتينل-5 تراجع متوسط مستويات ثاني أكسيد النيتروجين الضار في مدن من بينها بروكسل وباريس ومدريد وميلانو وفرانكفورت في الفترة ما بين الخامس والخامس والعشرين من مارس/آذار مقارنة بنفس الفترة العام الماضي، بحسب تقرير لرويترز.

▪ تتزامن تلك الفترة مع الإغلاق في الكثير من الدول الأوروبية التي قيدت النقل على الطرق، الذي يعد أكبر مصدر لأكاسيد النيتروجين، وأبطأت انبعاثات غازات المصانع، وتظهر الصور الجديدة التي نشرتها وكالة الفضاء الأوروبية وحللها التحالف الأوروبي للصحة العامة، وهو منظمة غير ربحية، وجود تغير في كثافة ثاني أكسيد النيتروجين الذي يمكن أن يسبب مشاكل في الجهاز التنفسي والسرطان.
▪ وأظهرت بيانات صادرة عن وكالة البيئة الأوروبية اتجاهاً مماثلاً خلال الفترة من 16 إلى 22 مارس/آذار. فقد تراجع متوسط مستويات ثاني أكسيد النيتروجين في مدريد بنسبة 56% على أساس أسبوعي بعدما حظرت الحكومة الإسبانية السفر غير الضروري في 14 مارس/آذار.
▪ وكانت صور التقطتها الأقمار الصناعية للهواء فوق الصين مطلع مارس/آذار الجاري قد أظهرت تغيراً ملحوظاً في اللون من الأحمر القاني – الدال على وجود مستويات عالية من التلوث – إلى الأصفر الشاحب، وعلق الدكتور كلاوس زينر مدير مهام في وكالة الفضاء الأوروبية لصحيفة ذا ناشيونال بقوله: “هناك انخفاض بنحو 30% في مستويات ثاني أكسيد النيتروجين”.《صورة توضح تراجع التلوث بصورة ملحوظة في الغلاف الجوي》
● وخلال أسبوعين فقط اختفى ربع الانبعاثات الحرارية فوق الصين مع توقف حركة السيارات والشاحنات ومحطات توليد الطاقة والمصانع، وعلق فاي ليو باحث في جودة الهواء في محطة ناسا للفضاء بالقول: “هذه أول مرة أرى فيها هذا الانخفاض الدرامي فوق منطقة بهذا الحجم الشاسع بسبب حدث محدد”.
● والأمر نفسه ينطبق على كاليفورنيا –المعروفة بنسب تلوث هواء عالية للغاية– حيث انخفض تلوث الهواء بصورة ملحوظة، بحسب تقرير لموقع كوارتز الأمريكي عنوانه: “فيروس كورونا خفّض من الانبعاثات الحرارية عالمياً، لكن هل يستمر ذلك؟”.

● ما فائدة هذا التراجع؟

▪ التحالف الأوروبي للصحة العامة يقول إن الأشخاص الذين يعيشون في مدن ملوثة قد يكونون أكثر عرضة لخطر الإصابة بفيروس كورونا (كوفيد-19) لأن التعرض لفترة طويلة لهواء ملوث يمكن أن يضعف الجهاز المناعي ما يزيد صعوبة مكافحة العدوى، كما أن تلوث الهواء قد يتسبب في حدوث أو تفاقم الإصابة بسرطان الرئة والأمراض الرئوية والسكتات الدماغية.
▪ هذا التراجع في الانبعاثات الحرارية الضارة بالبيئة والذي كان قد تم رصده أيضاً فوق الصين أثناء فترة تفشي الفيروس هناك منذ يناير/كانون الثاني حتى 10 مارس/آذار الجاري، يؤكد أنه من الممكن فعلياً اتخاذ خطوات جادة في اتجاه الحفاظ على البيئة، حيث يرى العلماء وخبراء المناخ أن التراجع بسبب خطوات مكافحة الفيروس ليس كافياً للتغلب على تأثيرات التغير المناخي، مطالبين بوجود تغيير في الأنماط السلوكية بعد أن أثبتت محاولات الحكومات لمكافحة الوباء أن الأمر ممكن فعلياً، بحسب تقرير صحيفة ذا ناشيونال.
▪ المعادلة إذاً تبدو واضحة؛ التلوث بسبب الانبعاثات الحرارية يؤثر على الجهاز المناعي للإنسان، وهو ما يجعله أكثر عرضة للإصابة بفيروس كورونا المستجد وأقل قدرة على مقاومته فترتفع فرص أن يقضي الفيروس على حياته، وهذا يحتم على الحكومات أن تغير من طريقة عملها عند اتخاذ قرارات اقتصادية بحيث يكون العامل البيئي حاسماً في اتخاذ القرار.

♧ للقصة وجه آخر£
● قصة تأثير الفيروس على التغير المناخي لخّصتها ميهان كرايست، كاتبة العلوم البيولوجية في صحيفة نيويورك تايمز، في مقال لها بعنوان: “ماذا يعني فيروس كورونا لتغير المناخ؟”، بالقول إن وباء كورونا مأساة وكابوس بشري يكشر عن أنيابه في المستشفيات المتكدسة ومكاتب إعانة البطالة المنهكة والجو العام المعبأ بمؤشرات سوداء على كارثة اقتصادية، لكن هذه الكارثة العالمية هي أيضاً نقطة انطلاق لعدوى تتعلق بتلك الكارثة العالمية الأخرى الأبطأ لكن ذات المخاطر العالية المؤكدة، والتي لا تزال تحتل مرتبة متدنية في أولويات الحداثة، والمقصود هنا هو التغير المناخي.

● لكن المؤكد أن التأثير الإيجابي للفيروس على حالة المناخ في الكرة الأرضية هي أمر مؤقت، وبمجرد أن تتراجع الجائحة وتعود الحياة لطبيعتها، ستعود الانبعاثات الحرارية لمستويات على الأرجح ستكون أعلى مما كانت عليه قبل الجائحة، كما أن انخفاض أسعار النفط -حال استمرارها وهو المتوقع على المدى القصير والمتوسط- سيمثل خطراً داهماً على البيئة، بحسب خبراء تغير المناخ.

《التغير المناخي لا يقل خطورة عن كورونا》
● وقد عبر الأمين العام للأمم المتحدة مؤخراً عن تلك العلاقة بين فيروس كورونا والتغير المناخي بقوله في تقرير لمجلة يو إس إيه توداي إن “التهديد من فيروس كورونا مؤقت بينما التهديد من موجات الحرارة والفيضانات والعواصف العاتية التي ينتج عنها فقدان الحياة البشرية سيظل قائما لسنوات طويلة”.

♡6 دروس من الفيروس€
○المؤكد أن الحل لمواجهة التغير المناخي ليس الإغلاق الكامل والتباعد الاجتماعي والبقاء في المنازل -الذي تتطلبه مكافحة الجائحة- لكن الدرس الواضح حتى الآن هو أن كارثة التغير المناخي لا تقل خطورة على حياة البشر من الجائحة نفسها.

○ومع حلول الذكرى الخمسين لليوم العالمي للأرض (22 أبريل/نيسان)، من المهم استخلاص الدروس التي فتحت جائحة كورونا أعين العالم عليها، وهذه أهمها، بحسب موقع يوم الأرض:

–    أهمية العلم: يمكننا إنقاذ حياة الملايين عن طريق تمويل وإتاحة وفهم أفضل العلوم المتاحة، وقد كان علم تغير المناخ واضحاً على مدار عقود ولكننا فشلنا في توصيل حجم الخطر للعامة، ما أدى للبطء في اتخاذ الإجراءات الضرورية وإنكار الحقائق.

–  كيفية تعاملنا مع الطبيعة يؤثر على حياتنا: إن القضاء على التنوع البيولوجي الطبيعي يخلق الظروف المواتية لظهور فيروسات قاتلة مثل كوفيد-19 وينشره بين البشر، وإذا ما واصلنا تدمير أراضينا فإننا نستنزف مواردنا ونضر أنظمتنا الزراعية.

–  كلما أسرعنا في اتخاذ الخطوات الضرورية، كلما قلت معاناتنا: التصرف السريع والدرامي يمكنه أن يوقف النسق التصاعدي لتفشي فيروس كورونا ويخفف الضغوط عن موارد الرعاية الصحية ويقلل معدلات الوفاة، وعلى نفس المنوال يمكن أن يقلل التحرك السريع بشأن تغير المناخ من أزمات نقص المياه والغذاء وارتفاع مستويات مياه البحار ويحمي الأفراد والمنتجات.

–  لدينا القدرة على إجراء تغيرات درامية بسرعة كبيرة: عند الضرورة يمكننا أن نوقف نمط حياتنا المعتاد وأن نساعد أنفسنا وغيرنا، ونرى الآن حول العالم كيف يغير العاملون في مجال الصحة من نمط حياتهم لحماية المرضى في مجتمعاتهم، ويمكن لكل فرد أن يحدث اختلافاً ويلعب دوراً هاماً في إيجاد الحل.

–  جميعنا مُعرّض للكارثة، وإن كان بنسب مختلفة: من يعانون من صعوبات اجتماعية أو اقتصادية أو مشاكل صحية يعانون أكثر من غيرهم، والمجتمعات التي تعاني من الظلم والطبقية وتفاوت توزيع الثروة تكون أكثر عرضة للتفكك أثناء الأزمات، كما أننا لابد أن نعترف بأن الصناعات والأفراد المستفيدين من الوضع الراهن سيحاولون مقاومة التحول الاجتماعي الذي فرضته كارثة فيروس كورونا.

–  التمسك بالحفاظ على نظام اجتماعي عادل و مسالم والحفاظ على نظام
بيئي مستدام هو السبيل الوحيد لضمان مستقبلٍ واعدٍ لأبناء البشرية جمعاء.

ههههاااااااييييي ما ترا كب الزيت!!!
يجازيك ي عصمان موسى و يخلي لي محنك .
ياخي من ( كرونتك بالمنقة) نضحك لامن قربنا
نشرق بس " أنا ما شرقتا بس أنا جيت أعاين".

● معقولة ياخ هيَ حصَّلِتْ الإنسان يبني عمارة من
بولان أخيه الإنسان ! لا ، دي جات دقلا يكركب فعلن .
● ياخ إذا كان الباشمهندس(معمار ) أبو الدرداق هداك شغال
إصحاح بيئة عاى ودنو و لله كدا في لله. أبو الدرداق للأسف
جندي مجهول الهوية ، بدون ذكرى و بدون ميلاد. شأن غيره
من المجاهيل و الدراديق في الأرض، و هم كثر منخرطين
في مسيرات حشود أهلنا {الغبش أبان مسوحن موية}.

● ثم معروف إنو الحب العذري عقيمٌ بحيث
لا ينجب أطفالاً، منذ عهود معتوه ليلى و قيس
لبنى ، و مرورا بابن الملوح ؛ و حتى محلق تاجوج .
فكلها عذريات رهبانية كانت مشرطة فواتير حاجات
اسمها زي ناس/ بامبرز و حليب أطفال و الذي منو.

● طبعن، دا بخلاف عشق أخينا بو الدرداق هنا
لستنا القمرة ، دا بالذات يعد إيجابياً إلى النخاع .
ياخ ، يكفي إنو لاحس لينا ضهر كوكبنا المختطف
دا من تلال {العفونيـــات} المتحركة حيثما كنا.

تخريمة مع سهة لون مع تكية خط:
● و طبعن سامعين بلبنان الشقيق كان داخل
سلسلة من تداعيات أزمة ( نفياتها ) بسبب تراكم
القاذورات . فمن هنا يبرز سوعال مهم ليطرح نفسو
بإلحاح شديد : فيا ربي بس الحكاية دي من شنو؟!
فيا إمتن يكون ناس { تؤبرني } ديل ما عندهم أيِّ أبو
(الدرداقات} ؛ و يا إمتن كمان نكون نحنا و نحنا يمكن
ماسكانا جضمارة ، يابوسة ، أم بعيرة مزمنة ، فالتالي
ما عندنا أيتها { فضلات } عشان نرميها نفايات؟!

● عمومن ، راجين الجواب بعد الفاصل و نواصل .
و لو إنو عندي جواب منطقي موش خارم لارم ، إنو
نحنا فضلاتنا قاعدين نعمل لها إعادة تدوير في شكل
سماد عضوي ( ماروق ) و الله صحي. و كمان مرات
ايخموه بالمسحة حار من تحت سيدو قبال يقوم.

<<ود ال ح ي ش ان ال ت ل ا ت ة>>
مؤذن في كوكبنا وكأنما بجزيرة مالطة!!

《 منقول》
♡البيئة "المستفيد الأول" من فيروس كورونا♡

 ● أظهرت صور التقطها قمر صناعي، الاثنين، تراجع تلوث الهواء في المناطق
الحضرية في أنحاء أوروبا خلال الإغلاقات المفروضة لمكافحة انتشار فيروس كورونا.

● وأظهرت صور القمر الصناعي سنتينل-5 تراجع متوسط مستويات ثاني أكسيد النيتروجين الضار في مدن من بينها بروكسل وباريس ومدريد وميلانو وفرانكفورت.

● يتزامن هذا مع الإغلاق في الكثير من الدول الأوروبية التي قيدت النقل على الطرق، الذي يعد أكبر مصدر لأكاسيد النيتروجين، وأبطأت انبعاثات غازات المصانع.

● تظهر الصور الجديدة التي نشرتها وكالة الفضاء الأوروبية وحللها التحالف
الأوروبي للصحة العامة، وهو منظمة غير ربحية، وجود تغير في كثافة ثاني أكسيد النيتروجين الذي يمكن أن يسبب مشاكل في الجهاز التنفسي والسرطان.

● ظهرت بيانات صادرة عن وكالة البيئة الأوروبية اتجاها مماثلا خلال الفترة من 16 إلى 22 مارس، فقد تراجع متوسط مستويات ثاني أكسيد النيتروجين في مدريد بنسبة 56 بالمئة على أساس أسبوعي بعدما حظرت الحكومة الإسبانية السفر غير الضروري في 14 مارس.
● وقال التحالف الأوروبي للصحة العامة إن الأشخاص الذين يعيشون في مدن ملوثة
ربما يكونون أكثر عرضة لخطر الإصابة بفيروس كورونا (كوفيد-19) لأن التعرض لفترة طويلة لهواء ملوث يمكن أن يضعف الجهاز المناعي مما يزيد صعوبة مكافحة العدوى.

 ● كذلك قد يتسبب تلوث الهواء في حدوث أو تفاقم الإصابة بسرطان الرئة
و الأمراض الرئوية والسكتات الدماغية.

-----------------------------------------------------

أخوانا عبد العظيم و عادل القاسم بسألوني : 
قلت لينا القمرا غرودت عيوناتا لي دردوقي رقدتو خل 

***(((+)))***
® قلنالو: خل و طرشي عديييل بس ي الحبايب/
عبضولي، بل هناك ملاحظةٌ أهم: إنو دردوقتي دا طلع
فناناً شاملاً، والله صحيو كمان من بين مواهبه المتعددة،
أنه معماري نحاتٌ بارعٌ من الطراز الأول.و يتمتع بعبقريةٍ
خلَّاقةٍ و ذات رؤيةٍ رمزيةٍ سيرياليةٍ {فائقة الواقعية} . 

● فهو عادةً ما تلقاه منطلقاً بسيقانة الرفيعة 
(حركة ورا ورا) ، لكي يشكل لينا من شتات تلك
{الفتافيت المتعفنة}، تحفةً فنيةً دائريةً متكورةً
على هيئة ربما تشابه وجه محبوبتهالخالق الناظر،
أو ممكن نصلحا شوية نقول (أخاً تُفْ).تذكرني هذه
بأغنية لمحمود تاور بنقول: { الشمش غابت ، وينو
القمر طيب؟!! }؛ و لكأنه يضاهي بصنعته تلك
{إزميــــــل فديــــاس و روحــــاً عبقريةً}

● حتى ليذكرني بذاك الشاعر الأموي أو لعله كان
عباسياً عاليَ خصوبة الخيال ، حين يقول: "إن أنسى 
ما أنسى خبازاً مررتُ به يحو الرقاقة وشك اللمح بالبصرِ 
فكأن ما بين رؤيتها في كَفِّه كرةً .. ثم رؤيتها قوراءَ كالقمرِ
إلا بمقدار ما تنداح دائرةٌ في لجة الماء يُلْقَى فيه بالحجرِ.

*****ود ال ح ي ش ا ن ال ت ل ا ت ة ******



¤ طيب قبال نقفل حتة البلاليع و المجاري
الكاتمة دي لو سألنا : عن أبو الدراديق دا أصلاً
و أساسن ممكن يكون اسمو منو قبال ما يتولد
ولدو دردايقو ¿! كمان غايتو بعد التعب دا كلو
إن شاء الله يعجب القمرة و هي فرصة وجاتا
لحدت عندها. و زي ما قالو : هن عشقتَ حقو
تعشق قمر ، و هن سرقتَ تسرق (جمل )!! 
 * ود الحيشان التلاتة؛؛؛
مؤذن في جزيرة ماطة ،،،

من قفشات الكورونا..صحبي التافه قال لي:
ياااخي فاتك فلم عجيب جدا..😅بتذكر صحبك
ود الحاج المعرس المره الشرسة ديك و البنخاف
منها كلنا والمسميها هو (الجمرة الخبيثة)..؟😰
قلت ليهو : كيفن ما بتذكر (بغلة) ود الحاج ..يااخ ده
كان بتشهد و بحوقل وبتحصبن لمن يكون معانا في
عشرة ونسة و تتصل بيهو وكلنا بنتنشن خيفتن..😅

● قال لي: اها ود الحاج سواها شينة وتراهو عرس ليهو
شافعة نجاضة بالسر قبل 3 شهور..لكن الفلم وين..مع ظهور
الكورونا عالميا ..قامت ( الجمرة الخبيثة ) فرضت على زولنا
الأحكام العرفية بالإقامة الجبرية مع حظر كامل على (التبوُّل)
برة البيت. كانتإجراءات احتراوية غير قابلة للنقض أو الكسر..😠

● أها الشويفعة العروس بقت تتصل على ود الحاج في كل ساعة..وأنو
لازم شرعاً يتحبس تارةً عندها..و عند الجمرة تارتن أخرى..و هددت بإنها
باقتحام بيت الجمرة لو ماجا رمى نفسو في (حِجْرِها) الصحي في ظرف
48 ساعة واليحصل يحصل.. سجن سجن.. غرامة غرامة. و تنقد الرهيفة😰

● قلت ليهو: لا حول ولا قوة الا بالله..وي وي وي😢..أها والورطة دي عملتوا
فيها شنو.. القصة دي اقل شي بتجيب ليها يد فندك في النافوخ ولا قدحة زيت
حار يشلوِط في النخرين؟😭 قال: اضطريت مشيت لصحبك ود الازيرق (الهوائي)
تعرف ،لأنو الهوايات القاعد يمارسا دي بتديهو أفكار وحلول ذكية مستدامة😉😅
وفعلاً..حلاها المعلم والله.. إن شاء يا رب البياكلو ينفعو😇أول شي طلب مننا مبلغ
و قدرو 75 ألف جنية + 100 جنية بالجنبة..😳وقال ال 75 الف تكاليف ايجار عربية إسعاف و معاها 4 تنفار عتاولة لابسين لبس طبي واقي وكمامات وجونتات..و حايجوا
البيت يخموا ود الحاج على اساس انو مصاب بكورونا ولازم يودوهوا العزل الطبي فورا😲

● قلت ليهو: وحيات الله ده تمثيل اجرامي روبرت دينيرو ما سبقكم عليهو..😅 لكن ما قلت لي ال100 جنيه البي جنبة دي لشنو..؟قال لي : ال100 جنية مشيت اشتريت بيها كمية شطة خضرا زي النار وديتا لود الحاج قرشا على بطن فاضية ومعاها شمتين بالأنف بتاعت بدرة فلفل أسود..عليك أمان الله الزول ده بدا يعطس و يقح و العيون ديل حمرن والوش إلتهب مع النخرين السايلة و الجسم قعد يوشِل عرق .يا زول الكورونا ذاااتا ما بتعمل كده..😅أها وحيات الله الإسعاف جا والحلة كلها مرقت..والعتاولة الاربعة شالوا
باب البيت معاهم وهم داخلين..وخموا ليك ود الحاج..😂
لا وكمان فيهم واحد مسطول قليل أدب هرش ليك الجمرة الخبيثة ..وقال ليها هووي يا مدام..عندنا معلومة انك عطستي وقحيتي..! قالت ليهو: برري يا يمه..أبررا واستبرا ..هداك زول الكورونا خموهو تخمو الخمت ابوي😠..انا واولادي كويسين واصلا بعيدين منو..😏😂 أها هسه ود الحاج مع العروس الشافعة بعد زوال اثار الشطوط )🤪😂و قال يمكن يقعد معاها شهر او شهرين حسب العلاج..واللذيدة نسوان الحلة كلهم قاطعوا الجمرة الخبيثة بعد ما بتاع الاسعاف قال ليها قدامهم تعزلي نفسك انتي واولادك في البيت
..تلفون لراجلك ما تضربيهو عشان ما تتعادي 😲😂. بالمناسبة رقم المعلم ود الازيرق عندي لو في أي واحد من الاحباب محتاج لخدماتو..وأهو كلو بحقو و ثوابو😉😎😂
# يا زول اعقل و ما تبقى جاهل وخليك حساس..
وكان ما خايف على نفسك خاف على الناس😡
♧بتصرف بسيط: حباً و كرامة عمنا كوباني ♡

● جلستً منزوياً كراهبٍ في صومعته . إلى طاولة عرجاءَ
إذ فقدت إحدى سيقانها إثر عراكٍ عبثيٍّ نشب ليلاً بين ثُمالى
في حانةٍ لتجمع للصيادين. و يتربع على متنها صحنٌ فغر فاه لأفرغ فيه علبة ساردين لسد الرمق بقدر معدتي الفارغة. و هنا كسرة رغيفٍ يابس مبتسمةٌ في سكوت كعلامةٍ للرضا بأقل القليل و على أهبة الاستعداد ليوم الرحيل.

● علبة الدخان تأخذ زاويةً جانبيةً بجواري..تتهادى
راقصةً علىأنغام مضغي لقرقوش الخبز الناشف..و الأجواء
خارج المكان منتفضٌةٌ كذر رماد السجار على الذقون مع
غبار النور يتطاير من قطعة سجادٍأعجميٍّ تنفضها سيدةٌ
غاضبةٌ من زوجها االمحجور منزليَّاً منذ أربعةَعشرَ يوماً،
قابلةٍ للتمديد إلى حظر تجوالٍ لأجل غير مسمَّى..

● و القطط المغرورة بمناعتها ضد الطاعون تتجالس
القرفصاء تارةً،و تاراتٍ تنطط (العيتنوبة) في شوارع
و نفافيج قاع المدينة المهجورة كبيوت الأشلاح. و هي
تصرخ دونما نية لدى أحدٍ لينهرها لما في صخبهامن سلوى لتشق جدار الصمت و تكسر عنق الرتابة .وصوتٌ طاحونة
أنينٍ ينبعث من بيتٍ مجاور، من حُنجرة كهل ينهر عجوزاً مزهمرةً لكي تكف عنالثرثرة في كل فاضية و مليانة ، كي
يسمع آخر مستجدات أخبار تفشي الجرثوم المستجد.

● أفرغت جوف الصحن وأخذت بتلابيب علبة السجار
بأصابعي . و (هي) بقميصها الأحمر القاني ..مالت نحوي خجلى ففتحت فمها و أخرجت سيجارة وحنت رأسها للولاعة..الصمت عاد مرعباً و صوت النسمة يحفز الجسد لقشعريرة الملل.

● كم هو موحشٌ الليل بدون أولئك المترنحين على قوارع الطرقات..و بدون سواري الليل و هم يهزون كعوب أرجلهم بزلة خطوة إلى لأمام و مثليها القهقرى.. كم هو موحشٌ حين تتبدل ألوان إشارات المرور و لا أحد ينتظرها..فلم تعد ثمةَ خشيةٌ من سيف الوقت ، و النجومُ ناعسةٌ و السهرُ حمَّى و الأنام هجودٌ .

《ﺻﺒﺎﺡ ﺍﻟﺨﻴﺮ .. صباح رمضان .. صباح كرونة .. و قبايل العيد 》
ﺻﺒﺎﺡ ﻭ ﻣﺴﺎﺀ أﻭﻝ أﻣﺲ ﺷﻬﺪﺕ ﺍﻟﺤﻠﺔ ﻭﻓﺎﺗﻴﻦ ﻃﺒﻴﻌﺘﻴﻦ ( موت الله)
ﻟﻬﻤﺎ ﺍﻟﺮﺣﻤﺔ ﻭ ﻟﻨﺎ و لذويهما ﺍﻟﺼﺒﺮ و السلوان و حسن العزاء لفقدهم الجلل.

● لكن ياخونا ﺍﻟﺒﻠﺪ لايص ﻓﻴﻬﺎ طاعون . أﻫﻞ ﺍﻟﻤﺘﻮﻓَﻴﻦ ﻣﺎ ﻛﺎﻥ ﺑﻘﺪﺭﻭﺍ
ﻳﻤﻨﻌﻮﺍ ﺍﻟمعزين ﻳﺠﻮﻫﻢ . ﻟﻜﻦ ﺍﻟﻨﺎﺱ ﻛﺎﻥ ﻣﻤﻜﻦ ﺗﺸﺎﺭﻙ ﻓﻲ ﺍﻟﺪافنة ﻭ ﻫﻢ
ﻣﺘﺒﺎﻋﺪون ﻭ ﺗﺠﻲ ﺗﻌﺰﻱ ﻓﻲ ﺍﻟﺪﻳﻮﺍﻥ ﻭ ﺗنصرف راشداً. ﺍﻭ ﻣﺎ ﺗﺠﻲ ﺍﻟﺪﻳﻮﺍﻥ
أساسن ؛ ﻛﻔﺎﻳﺔ الأﺟﺮ ﻭ الثواب من المشاﺭﻛﺔ في ﻣﻮﺍﺭﺍﺓ ﺍﻟﺠﺜﻤﺎﻥ الثرى .

● ﻟﻜﻦ الحصل العكس تمامن: ﺍﻟﺤﻠﺔ دي بي صمتا ﺟﺎﺕ ﻓﺎﺗﺤﺔ في بيوت
البكا زرافاتٍ و وحداناً .. اللعمى شايل المكسر ﻭ ﺳﻼﻡ ﻭ ﺃﺣﻀﺎﻥ ﻭ ﻓﻄﻮﺭات
صواني ﻭ ﻋِﺸوات رقاق باللبن ﻭ ﺳﺤﻮﺭات حتى تبين الخيط الأبيض من أخيه
الأسود ﻭ هديلك ﺻﺎﺑﻨﻬﺎ لحد ﻫﺴة ﻭﻧﺴﺎﺕ ﺣﻤﻴﻤﺔ و ﺍﻟﻨﺎﺱ ﻣﺘﻼﺻﻘﺔ النخرين
في اللضنين ﻭ ﺍﻟﻨﺎﺱ ﻓﻲ ﻭﻧﺴﺘﻦ ﻧﺎﻛﺮﻳﻦ إﻧﻮ ﻓﻲ ﺣﺎﺟﺔ ﺍﺳﻤﺎ (كوروانااااااو) .

● ﺃﻧﺎ ﺑﻌﺒﺮ ﻋﻦ اندهاشي ﺑﺲ ﻭ ﻣﺴﺘﻨي بس ﺍﻟﻨﺎﺱ ح ﺘﻮﻋَﻰ ﻣﺘﻴﻦ؟ ﻧﺤﻦ راجين ﺷﻨﻮ؟
العدو الخفي دا يمرق في الصقيعة و يمد لينا قرينات استشعارو متل مدافع الدلاقين!¿
ﻭ لا كمان مالك من ﺍﻟﻜﻮﺍﺩﺭ ﺍﻟﻄﺒﻴﺔ ﺍﻟﺠﺎﺕ اتَّفَّنت وسط ﺍﻟﻨﺎﺱ . أﻧﺎ ﺃﺛﻖ ﻓﻲ ﻋﻠﻤﻜﻢ ﻛﻴﻒ!!؟
ﻭ ﻓﺎﻳﺪﺓ ﺍلقلم ﺷﻨي المابزيل بلم ، ﺇﺫﺍ ﻣﺎ ﺇﺗﻨﺰﻝ ﻋﻠﻰ أﺭﺽ ﺍﻟﻮﺍﻗﻊ ؟ . ﻭ لا ﺍﻟﺴﺎﺩﺓ ﺍﻟﻤﺮﺑﻴﻦ!!¿ .
ﻭ ﻧﺎﺱ ﺍﻟﺪﻳﻦ ﺭﺍﻳﻦ ﺷﻨﻮ ﻓﻲ ﺻﻼﺓ ﺍﻟﺠﻤﺎﻋﺔ ﺩﻱ ﻭ ﺣﻜﻤﺎ كدا ﺷﻨﻮ ﻃﺎﻟﻤﺎ ﺻﻼﺓ ﺍﻟﻤﺴﺠﺪ ﻣﻤﻨﻮﻋﺔ
ﻛﻨﺖ ﺍﺗﻤﻨﻰ ﺯﻭﻝ ﻳﻘﻮﻡ في دبر أﻱ ﺻﻼﺓ ﻳﻜﻠﻢ ﺍﻟﻨﺎﺱ ﻋﻦ ﻣﺨﺎﻃﺮ ﺍﻟﻮﺑﺎﺀ ﻳﻘﻮﻝ: ﻳﺎ ﻗﻮﻡ يا وهم. ﻟﻜﻦ شايف كل ﻭﺍﺣﺪ يملا ﻛﺒﺎﻳﺘﻮ ﻭ ﺑﻤﺪﻫﺎ ﻟﻠﺠﻨﺒﻮ ﻭ يعزمو حَّم تصلي ﻋﻠﻰ ﺍﻟﻨﺒﻲ و تشرب.
ﻧﺤﻦ ﺭﺍﺟﻴﻦ ﺷﻨﻮ ﺗﺎﻧﻲ¿ بكرر كلمة أخيرة : أيها الناس انتبهوا ألا هل بلغت، اللهم فاشهد .

▪ تسلم خالنا الحلاوي . فقط ، ننوه إلى أن تفشي الوباء
عالمياً هكذا كالنار في الهشيم ناجم بالأساس عن متاهة
تخبط الطب، جشع الساسة و تضليل الإعلام . كتبت عنه
و ناشرو في العريباب تجمعنا و في حدقات العيون :

《خواطرُ محجورٍ منزليَّاً》

: دفع الله ود الأصيل £

《 هكذا يتوِّهنا الأطباء مع الكرونة 》

● بتخبطات تشاخيصهم . ثم لعلع بها ناس ساس يسوس
( البغال و الحمير) ، و طارت بها القنوات و منصات التناصل اللا- اجتماعي، و سارت بها الركبان.
●مجموعة أطباء في مقهى على جانب الطريق يستمتعون بأحتسائهم أكواباً من الشاي أبو غزالتين و الشاي ما عادي!!

♤ ..رأوا رجلاً كهلاً قادماً يعرج في مشيته.. فقال أحد الأطباء: "عمكم دا مصاب بالتهاب المفاصل غالباً يكون في ركبته اليسرى"

~و قال ثانٍ:"بل لديه التهابٌ أخمصيٌّ مؤثرٌ في عظمة فكه السُّفلى"
~و قال ثالثٌ ، "لا، بل مجرد التواءٍ في كاحله أي : عظمة الشيطان .."
~ ثم أردف رابعً ، "انظروا ، إنه لا يستطيع رفع ركبته ، إذن، يبدو أن لديه خللاً هيكلياً في الخلايا العصبية الجذعية لنخاع حبله الشوكي" شفاه الله و عافاه . إلى أن جاء الدور على:
~ خامس (الأثافي) ليدحض كل ما ذهبوا إليه بزلة قلم .. قال :" كلا ، بل بالنسبة لي يبدو أن لديه شلَلاً رعاشيَّاً نصفيَّاً "و قبل أن يتمكن~ سادسهم من يُدلي بدلوِ دراب تشخيصه الخاص،إذا بلكهل يفاجئالمجموعة بسأله إياهم :"هل يوجد هنا مكان إسكافيٍّ (نُقُلتيٍّ) قريبٍ يمكنه إصلاح حذائي المنقوب هذا؟"
♧ و هكذا ينظر الخبراء في و تلت و تعجن وسائل
التناصل اللا-اجتماعي و تشحننا عبر أثير الفضاء الأسفيري
( صفيراً) بتنظيرات خارم بارم ما أننزل الله بها من سلطانٍ
عن جائحة "كوفيد 19" فيهذه الأيامات العصيبة !!
مع خالص مودتي و تجلتي كل شيء؛؛؛
ود ال ح ي ش ان ال ت ل ا ت ة ؛؛؛
مؤذن محجور في جزيرة مااالطة؛؛؛؛

《طقوس ابتدعها بعض الجهلة لمواجهة الأوبئة》
على مدى قرون متطاولة لم تزل الأوبئة والجوائح تجتاح العالم،
و في أحايين كثيرة كانت لا تبقي و لا تذر و يطال تأثيرها الإنسان
والحيوان وحتى النبات أحيانا، و كل ما اشتد الوباء بالناس، و وطئهم
المرض بكَلْكَلِه لجئوا إلى مقاومته بالوسائلهم المتاحة، فإن عجزت عن
مواجهته تطلعت نفوسهم إلى اختراع وسائل أخرى يعتقدونها خارقة
قادرةعلى قلب المعادلة بين كل لحظة وأخرى، وما لم يهتد البشر بنور
الهداية الحقة و العلم الصحيح فإنهم سيقعون لا محالة بشراك الخرافة.

●و لا يخفى ما ستجره عليهم من ويلات تفاقم ما هم فيه من ويلاتٍ
و بلايا ؛ فينقلب الدواء داء والمنقذ مهلكا ، و على مستوى أمتنا يمكن رصد
الكثير من التصرفات الخاطئة التي تعامل بها بعضالناس مع الأوبئة ، و هي
استراتيجيات خاطئة ؛ أدانها الدين الإسلامي الحنيف أولا قبل أن تثبت
أبحاث علم الأوبئة و الطواعبن خطورتها و من هذه التصرفات ما يلي:

● أولا: الاجتماع على صعيدٍ واحد للتضرع و الدعاء:
اجتاح العالم منتصف القرن الثامن الهجري و باء الطاعون؛
الذي عرف باسم الطاعون الأسود، و يذكر مؤرخوا مصر أحداثا
جساما رافقت هذا الوباء؛ حيث بلغ من فداحة الخطب أن طاشت
العقول وعم البلاء بمصر حتى خرج الأمر عن الحدّ ، ووقع العجز
عن العد، و امتلأت الأماكن بالصّياح، يقول ابن تغري بردي :
فلا تجد بيتا إلاوفيه صيحة، ولا تمرّ بشارع إلا وترى فيه
عدّة أموات، واشتد الوباء بعد ذلك حتى عجز الناس
عن حصر الموتى ، و يستطرد في ذكر الأعراض:

● يجدها المرضى و يذكر منها: أن المصابين
كانوا يحسّون بارتفاع في درجات حرارتهم ، ويجدون
غثيانا فيبصق الواحد منهم دما و يموت، ثم يتبعه أهل
داره واحدا بعد واحد حتى يفنوا جميعا بعد ليلة أو ليلتين.

● وعن التدابير التي اتخذها الناس للوقاية من المرض يقول مؤرخ
القاهرة: لم يحتج أحد في هذا الوباء إلى أشربة و لا أدوية و لا أطبّاء
لسرعة تفشي الموت ، و فى شعبان تزايد الوباء بديار مصر ، و عظم في
شهر رمضان و قد دخل فصل الشتاء فما كان من الحكام إلا أن أمروا الناس
بالاجتماع في الجوامع للدعاء، فنودى أن يجتمع الناس حاملين الأعلام
و المصاحف، إلى قبّة النصر خارج القاهرة، فاجتمع الناس بعامّة جوامع
مصر و القاهرة ، و خرج المصريّون إلى مصلّى خولان بالقرافة.

●》لكن تعال شوفنا نحنا الخمجنا البحر طحينة. و بي وزير صحتنا
لا اسكت الله له و لا لنا حسّا. مارقين في مسيرة تصحيح مسار ثورتنا.
•》عمومن، معاي صورة واطس غالبني أنزلا هنا؛ لاكين معبرة للطيش، عن
مدى تحدينا للكرونة ، عبارة عن : أسد ملك الغابة الضرغام الواااحد دا و الله
صح في دور (كرونة)، و فاتح خشمو يزأر في وش قرد شمبانزي؛ طبعن في دور :
(أهلي الحٌونان) يعاين ليه بي تحدي و فرسنة جد .فجاء تعليقي الخاص عليها
كالتالي : دا ذكرني حكاية الزول الواقف قدام القاضي حكم عليه بمؤبد و هو
يعاين فيه ينخس في سنونو بي مجغفيسة. قام القاضي نهرو : يا وهم إتا
ماك سامع و لا شنو ! دا مؤبد عدييل كدا يعني ياكا المعدي بقية عمرك وراء
مغيب الشمس. قالليه: يا وهم إتا ، ما خلاس سمعنا ، عامل راسك الغليد دا ؛
ماني عارفو زاتو يوم ولدوك الداية سلتو مرقتو من بطن أمك كيف!!؟

♧جهجهة في قسم للحوادث》

●》ذات مرة ، كان معاي مصاب. فضلنا لايصين و مطوطحين
بينات موظف الاستقبال و حراس أمن (الاستدبار) و كان للإجزخانة
الشاش دا بي حقك، و علا بواسطة. ثم أشعة. و إسعافات . و كمان الليلة،
ما كنا ح ننسى وكر الأسعافات) دي عاد خليها ساكت حيث اختلاط حابل
عتة الوطاويط بنابل ريحة( الزبير/تو) ، مع مزيج عرق الأباطات و الذي
منو، في عز صنانة تفور المخيخ و تقوم لك كتاحة العصار من نص راسك.
و الأدهى و أمر لامن فقدنا الكاشير ، عشان ندفع دم قلبنا. قالو دا من قبيلك
فرتق و شتت مشى نام.
●》 لكن الأشد دهاءً ومرارة بقى ، لامن مشينا نشكيه لسعادتو/ مدير طبي
المستشفى لقيناه دا كمان في عش الظبور شويفع حنكوشة، شكلو كدا
غايتو شهادة (طب وراثي) منجعص جوة مكتبه المنيف: حيث لا يقربه
زوار و لا مرضى لا من بين يديه و لا من خلفه . فهيهات هيهات لا جن
و لا سحرة بقادرين على أن يجدوا له أثراً. كان عبارة عن حجرة مكندشة
خمسة نجوم ، بصحبة نخبة منتقاة من الغيد الحسان طابقن في صفلقة بس
جيزان حمام لزوم يلاطفنه و يلاطفهن ؛ و يضعن له( اللقيمات و الخصل)
سائغاتٍ بين شفتيه، على إيقاع آخر الأحداث الساخنة لمسلسل (مهند و نور).

●》فلما طرقنا له الباب طرقن خفيفن خجولاً، يبدو أننا شوشنا على
خلوته في جوٍٍ روماتسيٍّ من ألف ليلة و ليلة فوقعنا في أفعالنا يا زول
قامت قيامته ؛ و ثارت حفيظته. ثم عبس في وجوهنا و بسر ، ثم أدبر
و استكبر، حين فتح ليطردنا شر من طردة الكلب داك الأكل الدريش .

ود الأصيل/

♧الجهجهة الجاية المرة دي حصلت للأسف، في أكبر مستوصف5 نجوم
في البلد؛ من الطراز اللي يشار ليه بالبنان. بس أجلناها بعد ضحوة العيد ،
مراعاة لأصحاب القلوب الرهيفة ، لما فيها من مشاهد مقززة للغاية.

●》 حكي لي صديق قال:" أبونا شيخ كبير ، و مضروب سكري. مرة
أضايق علينا أسعفناه جرينا بيه هناك. دخلوه طوالي عناية مكثفة. و فضلنا
مرزوعين في قاعة الانتظار نزرعها جيئتن و ذهابن بخطانا الضائعة.

●》في الأثناء خرج علينا أحد التمرجية شايل كراع أبونا ملفوفة
و يصيح: يا أولاد فلان الفلاني هاكم امشو ألحقو أدفنو دي سريع!

●》 فشلناها و مرقنا نشوف لينا أقرب فاروق و لا أحمد شرفي . و قبل
ما نلقى لينا ركشة. تاني جاء نفس التمرجي، يكورك: الجماعة ديل نعلهم أبعدو .
رجعونا ليه ، قال: تعالو لحقو الحاج لموه على بعضو و استروه مرة واحدة"

(كرونة رضي الله عنها ، و حظر البوس)
الفيروس لديه رسالة ربانية يصر على إيصالها إلى المعنيين:
صناعة السينما المصرية تواجه كابوساً تهدد بالإفلاس المحقق :
بعد وفاة أشهر نجوم الشاشتين الكُبرى والبلورية الصغرى عن دنيا الناس
مثل الراحلة المقيمة رجاء الجداوي مؤخراً، و الذي هز أركان الوسط الفني ،
فقد اضْطُرَّ معظم أهل الفن للارتداع عن ممارسة عادة البوس والتِّبِوِّس : سواء
سراً أو على عينك يا تاجر ثم هُرِعوا كما انصرفوا إلى ارتداء الكمامات التي باتت
بمثابة دافعٍ إجباريٍّ للتحجُّب التَّنقُّب أو التبرقُع (لبس البُرقُع) لجميع السادة و السيدات
والسيدات و بالذات الآنسات العوانس منهن وال م ع رصات ، الأحياء منهم و الأموات
و الحيَّيات منهُنَّ المر الذي ألقى بظلاله عاتمةً كاتمةً على صدور أرباب الإنتاج السوء
نمائي لما يعرف ب(أفلام شبابيك التذاكر) الجاذبة لجمهور الذواقة لهذا النوع من الفن
الهابط . مما كان يمثل بنداً هاماً لإهدار الخزانة العامة للدولة في سبيل متعة زائلة لا
تعدو كونها عمل من(يَدْعُو لَمَن ضَرُّهُ أَقْرَبُ مِن نَّفْعِهِ ۚ لَبِئْسَ الْمَوْلَىٰ وَلَبِئْسَ الْعَشِيرُ)
فعلن ،عالم تخاف ما تختشيش. كلب يلحس خشمكم ؛ تحين ما قلتو نوبة !!؟

كرونة رضي الله عنها و أرضاها ؛ بقتنا ليك
"سلفيات" رغمت أنفونا : نقاب و قفَّازات ، مع
منع المصافحة . فاضل لينا بس حظر السفر إلا
مع ذي محرمٍ أو في حضرة رفقةٍ مأمونةٍ .

عنترة 2020 والكرونا:
قالوا عندما ضرب فيروس كورونا ديار بني عبس قال عنترة بن شداد هذه الأبيات المشهورة: 😇

يا دار عبلة بالفناء تكلمي
فاليوم قد مُنع التجول فاعلمي🧐

إن البقا في البيت أصبح واجبا
لا تخرجي يا عبلتي كي تسلمي😇

كوفيد لا يدري بأنك عبلة
وبأن عنتر فارس لم يُهزَم😒

قد كنت قبل اليوم أهزم جحفلا
واليوم ها أنا ماكث في غرفتي
و بمفردي مثل البعير الأجذمِ😢

أصحو فأطبخ وجبتي متثاقلًا
ليس الطبيخ على الفتى بمحرّمِِ🤷‍♂️

ولقد ذكرتكِ و الصحون مليئة
أكلًا وكأس الشاي يسكب في فمي😊

وودت تغسيل الصحون لأنها
لمعت كبارق ثغرك المتبسمِ😬

لا تعجبي من حالتي و لتسألي
إن كنت جاهلة بما لم تعلمي🙄

هلّا سألتِ الغربَ يا ابنة مالكٍ
كم مات منهم كم بغير تكتّمِ🤔

فلكم أذاقهمو كرونا ذلةً
ويسومهم قتلًا بغير تكلّمِ🤨

فدَعي عنادكِ عبلتي و استسلمي
وتعقّمي و تقفّزي و تكمّمي !!! كي تسلمي.

*عنترة 2020* 🤪😂

* شوف يابو حراز نجيك من الباب للطاق كدا.
دي تاني أو تالت مرة نتلاقى و نمر في بعص حوفا،
مرور الكرام . فياخي لو أنت من أبحرازنا الواحدة دي,
كمان خريج كلية زراعة أبو حراز مسجلا ود عمتي/أحمد
عثمان منصور..ففي الجحلة دي تنسى لي فتيحابك مربع
(9) و تجي خاشي في أخوك بدفء الأحضان.بانسبة لي،
لو خشيت على بروفيالي بتلقاني في عبك لحم و دم .

* يلا، وبقى ود دا اللصيل خشم بيت كبير في شدرة أنساب أهلك الأعراك. وجدي اللمين ود حمد العمسيب ؛ والحلة الورا المناقل المشيتو ليها للبكا ديك لو ميها الكريمت ولا أبو حوة
ولا ود الضو العكريين ـ بتبقى كمل نومك. فياخيفلو الاحداثيات دي واقعة ليك سمح خليني اونسك بحاجة ظريفة كدا عندنا من أدبياتنا في بحراز و طبعن عارونا هنا بنسو للبكا شندوق و راس و لا كأنو عرس عديل كدا ناقصو الفرقة والساون بس. حيث الونسات الدقاقة و القهقهات، بالذات لامن يتلمو ليك ظرفاء عاقالمدينة ناس على كي و حلو الجوار بوكال مِدو و عمنا العمدة الشريف ود الناجي . كمان لو جضر ود وجع راس
و ود البي قروشو تكون تمت الناقصة و زاد الطين بلة.

* فمرة قاعدين في فراش أعمانا برعي دفع الله ود أبادريق ، بأبَكر حمد النيلوعمنا دقع ا لله اللمين عبد العزيز معلم الأجيال
و صاحب الصوت الجهوري. بعد فطرو و ضربو ملاحت أم دقوق والنعيمية العجيبة و بقو متبطحين يتَّرَّعوا في الدهن. قامو احد كان شكلو قاعد يدافع الأخبثين، فأفلتت منو أصوات نياص كدا غريبة من جراء نفاخات البهارات من متقلات البطون.أها ديل
بهنا قرررر فعقوها ضحات مجلجلة لامن أخونا زاتو خجل.

* لكن كما تدين تدان و الديان لا ينسى،؛فكانت ثالثة الأثافي
و الطامة الكبرى لامن عمنا أستاذ دفع الله اللمين زاتو بطنو زي كركبت، فختف إبريقو و مشى جري دخل بيه المُستُراح يستريح من متقلات البطن. فبقو الجماعة راخيين أضنينم يسمعولم منو حاجة يعلموها (قهة). و فعلن، أول ما قعد بدأ مهرجان إطلاع الألعاب النارية و عمنا طبعن زي ما قلنا كل أصوتو جهوريةبحيث إذا تكلم اسمع، و إذا مشى أسرع و إذا وة إذا ضرب أوجع. يلا حدس ما حدس واللي كان كان ؛ و الديوان دا عن بركة أبيه قعد يضحك يقول قررر. فلامن جاهم مارق قاللهم، : دا عشان تعرفو كيف نحن بنفجر" مُخرجات الحوار الوطني"في مواقعا صح.

∆ أها يا جماعة أخبار الكورونا شنو؟!
وكت لسة مابين تجيبو لينا شمار مطار
« هيثرو » نسيناه زاتو في زحمة مصايب
گفطع الليل يضاهي بعضا بعضا. سمعنا ٱخر
شي قالو الوهمة حققت أرباحا و طافت.

♧صراعُ العمالقةِ بين جعليٍّ و كرونا£

● دخل الكائن التاجيُّ اللعين إلي أرض السودان يتلفت
يمينةً و يسرةً متعجباً من مظاهر الفقر و الفاقة المرسومة
علي وجه الإنسان و الجدران

● فقابله أول من قابل جعليُّ قرفان لامن
أخلاقو هنا، محدر طاقيتو و مبرّم شنيباتو
و كافّي ضراعو عن سكين متر إلا ربع و لا هاميهو
البنا و لا البنوا الطين. ضرب الجعلي الواطة بي (كالوت)
عكازته المانعة الغليظية؛ غايتو كان أداك بالحتة الفيها
الحديد بفوتك أمات طه لي غادي ؛ وقال للكورونا :*

• من وين يا اللعين جاي و كمان تتقدل
• ومالك فارد العضلات وماشي متندل
• جيت بلد التلوب الحالا كلو مبدّل
•وكان خشيت قسم ما نشوفك إلا مجندل

● نظر الكائن التاجي بإزدراء إلي الجعلي
المتحفز لقتالٍ و متحيِّز إلى فئةٍ و قال :*

°ها يا سجم الرماد أسحف بعيد لا أدوسك
° أنا ما ضبان كوش وةلا شبه ناموسك
°أمش كوسلك علاج ودق للخطر ناقوسك
°و أنا وحيات ذو الجلال ما اخلي إلا ضروسك

●الجعلي تفاّ سفّتو جدعا هناك متل دقار مجروس
وجرّا عكازو ركز و قال للكرونا :*

•إن جيت للرجالة ما أظنك ارجل مني
•أنا أخوك يا البدور والعازة لي بتغني
•راسمالك قرض اختّو بس فوق سني
•أمش ألعب بعيد يا ( طيرة) لا تزعلني

●الجعلي رفع عكازو وهجم علي الفيروس
.. والفيروس زي الشيطان الرجيم طار فووووق
وجاء داخل نخرة الجعلي و نزل جري على حلقو
وفشافيشو؛ وصاحبنا الجعلي رررب دقّ الدلجة
وشخرتين ما زادن وسلم رويحتو لي باريها!!

○أهاا الكورونا جا مارق و اتمدد فوق نخرة
الجعلي وخلف كل رجلين من كرعيهو الكتار
ديل فوق بعض وقعد (يجر النم مع الحردلو
في الدوباي) استعدادا للهجمات الجاية :*

°أنا بحر الدمار معروف مأّصل صيني
°تلات أرباع البشر في وجبة ما بكفّيني
°لا عسل النحل ...و لا القرض بنفيني
°ولا درجة حرارة زاتو يمكن تأثر فيني

°فرتاق للصفوف أنا كم نسفت جماعة
°إيطاليا وفرنسا قالوا السمع والطاعة
°جيت لي بلدا فقران وضاربا مجاعة
°وحالف باليمين أضايرو في فد ساعة

○أنا مصنوع من نار غضب و يلا من حيسو:
عوووع أخخخن تُف قبال يتم المربوعة مات

▪والعلماء جو وشرحو الفايروس ولقو سبب موتو
اختناق بسبب فتفوتة من سموم سفة التمباك التفاها
الجعلي قبيييل ديك اللتاريها دخلت في نخرين
الكورونا و جابت خبرو.

¤ بت أم زقدة القضارف، ما قُتُّو نوبة!!

♡يلا مطرو و دنكلو سِفو ساي كلكم
و تنقد الرهيفة؛ الحبة دي ما بتجيكم 😂

✍️ هذا ، و من حر البليلة ما يضحك
حتى يسيل لعابك ثم يجهشك البكاء.

تحت تأثير هواجس الخوف من كوفيد-19
♤ عقارب الساعة الآن تتراجع بزماننا القهقرَى
لتُشير إلى لحظات جنون عظمةٍ متوهمةٍ ليست إلا؛
تماماً على غرار مدينة أفلاطون الفاضلة حين تسلم
مفاتيح شفرتها لجهال التتار و غوغاء المغول!!
♤ فدايناميكا منطق الأشياء من حولنا راكبةٌ صهوة ذاك الجنون.
فهذه مباسم السجائر في المنفضة تتبادل القُبلات و تشتعل كجمرات
البخور و هي تذوب أنيناً و تتلاشى عشقاً في حضن مسرجةٍ تفوح بعبق
البارود..الليل بهيمٌ و أسراب النجوم متكئةٌ متثاقلةً على كتفيه تغالب جاذبية
السقوط ارضاً ، وبس،إمام سلطان النعاس كشأن من يُدافع الأخبثين!!

●و هذا الشفق الممتد عريضاً بلون ردائه الكستنائي .. راح يتقلص
كما العرجون القديم من رقعة كانت تبلغ مليون ميلٍ مربعٍ.و النُّسيمات
و الخُصَل تتمايل بهستيريا رقصة الفلامنكو على ضفاف بحيرة البجع
على أنغام نايٍ مبحوحٍ و قيثارة جنائزية لا أكاد أعيها بيدَ أنِّي فقط
أتحسس أنينها كما يستبين بريحٍ وشواشُ عشرجٍ زَجِلٍ..
● أضواء الإنارة بالمكان تتقافز كأسراب الفراشات الحيارى..
و هناك عاشقٌ ولهانٌ تمدَّد على أريكةٍ خشبيَّةٍ متراقصةٍ كسن
الورم يدعو شريكته لمماسة عادة الجنون (سرِّيَّاً) ثم مدّ
ساقيه ليكشف عن جواربَ مزركشةٍ الألوان .. مجازفاً
عبثاً إشعالَ ولاعةٍ في فمه من رأسِ سيجارٍ كوبيٍّ!
♤ود ال ح ي ش ا ن ال ت ل ا ت ة /
مُؤذنٌ محجورمنزلياً بجَزيرةِ مالِطَة!!

و هنا وجه آخر لذات اللوحة يستحق الفرجة
فعلى الشارع المحاذي للرصيف تماماً هناك قطٌّ
خفيف الظل و كلبٌّ يلهث وقد راحا يستبقان، حبث
يفوزالقط و يعترض الكلب فيعيدان الشوط كرتين .
● و جاء من أقصى المدينة ذئبْ بريٌّ هَرِم يسعى و
يتابع باندهاشٍ حلقات إشارة المرور.. و ينتظر دوره .
فإذا بدجاجةٍ وقِحةٍ تكشف عن ساقيها لثعلبٍ وسيم فتقدم
له بغنج الغواني الفاتنات بيضةً مسلوفةً كعربون ملاطفةٍ.

● يعود الجنون ليوقظ كروانة من نومها و هي تشق عتمة
الليل بصراخ صمتٍ صاخبٍ و تتساءل مذعورةً عمَّّن بعثها
من مرقدها هذا.. يهدئها نسرٌ..و يطمئنها بأنها كانت تحلم..ثم
تغفو.. أطفئ المدفأة لأخلع ملابسي.. وافتح النافذة لأدفأ قليلاً.

●لحظات الجنون محجورة و محظورة لكون أشياءها عادةً
تكون مطقوعة و ممنوعة و لكون كل ممنوعٍ مرغوب فلحظات
الجنون تبدأ بعد نواح مكبوتات الغرائز بصافراتٍ إنذار مرعبةٍ..
الجنون يبدأ بدخول زوجةٍ ثرثارةٍ في نوبة صمتٍ رهيبٍ و متململٍ
..و تداعي الجنون يبدأ بهدوء زوجٍ حَذرٍ كالذي يسبق العاصفة ؛
كلما ضاقت به نفسه ذرعاً يُهرَع ليداعب كيبورد هاتفه و
يبتسم وحيداً. و نهاية الجنون تماماً حينما ينسلخ تربالٌ
كادحٌ من عناء بقاقة (دانكسيت) من قدمه كما تت
خلص الأفاعي من كتمان قمصانها!!

♡ اجتمع نفرٌ من عُظَماء المجانين حول مائدةٍ مستديرةٍ في واحةٍ
غناءَ على تلة زعترٍ بوادي عبقرَ. و قد خرجوا في بيانهم الختامي بقرارٍاتٍ
استثنائيةٍ تاريخيٍةٍ و غير مسبوقةٍ . بحيث لا يمكن أن يصدقها إلا شاعرٌ مجنونٌ
و يتبعه الغاوون.. تراهم في كُلِّ وادٍ بهيمون.. و يقولون ما لا يفقهون.. ؛ أو فارسٌ
مغوارٌ و قد ترجَّلٌ من على صهوة حصان طروادةٍ خشبيٍّ.. كالمنبت..فلا ارضاً قطعَ
و لا ظهراً أراح؛أو مخلوقٌ دايناصوريٍّ منقرض السلالة و قد امتطى طبقاً طائراً و عاد
أدراجه ليعيش على سطح فلقة القمر.. حتى لا تعود قدماه تلامسان أرض واقعنا المرير
.. و حالنا المايل الذي لم يعُد يسر عدواً و لا صليحاً. فيا ترى ماذا قرر هؤلاء¿

● خرخ علينا القومُ بحقيقةٍ صادمةٍ و لكن لعلها تبدو حكمةً بالغةً.
ألا و هي أن أضخم أكذوبتين عرفهما كوكبنا هما 1} ما عُرِف إعلامياً
بطاعون العصر (Covid-19) كرونة اللعين رضي الله عنه و قدس
سره (و مصدر تفشيه الغامض كما النار في الهشيم)
2} و أفظع منها ما ظلِّ يُعرَف منذ بدء الخليقة ب "الحب" الواحد
دا حيثَ الطيرٌ يسقُط حيثما يُلتَقَط الحُبُّ. هكذا بضم حاء مهلة.

● اللهم قالوا: إلا بشرطٍ وحيدٍ و لكنه قاسٍ جداً؛ هو ألا ينتهى الهوى
الغلاب مهما بلغ به حمو الوطيس، بطرفََي العلاقة إلى أي نوعٍ من أعراض
الجنون كنظرةٍ فبسمةٍ فلقاءٍ و لا حتى زواجٍ ميمونٍ . بعبارة أفصح: أن يظل
شأنه كشان االشعر تمامن أي أنَّ: "أعذبه هو أكذبه". و بناءً عليه يكون
أصدقحالاته وتجلياته هي أن يظلً عُذرياً، كحب مجانين ستي ليلي
العامرية ، وهم كُثرٌ؛ فلا ينبت بذوراً و لا يُنجب أطفالاً.

♧ ربًّ ضارَّةٍ نافعةٍ £
● يا سبحان الله. كنا بنعرف نفسنا بي"ود الحيشان التلاتة
مؤذن محجور منزليا في جزيرة مالطا" . لكن الليلة ، و في ظل
حظر التجوال المفروض علينا قسراً بأوامر ديكتاتور خفي يقال له:
المشير خلا/ كورونا، تحول المؤذنون في مشارق الأرض و مغاربها
إلى مؤذنين في مالطا. يرفعون الأذان للصلوات الخمس و الجمعة
و لكن كأنما لا حياة لمن تنادي. فاللهم ارفع مقتك و غضلك عنا.
▪ و للمفارقات السارة على غرار أنه رب (ضارةٍ نافعة) ، أن قِوىً
علمانيةً عُظمي مثل فرنسا، ظلت تحارب كل مظاهر الإ سلام بلا
هوادة على أراضيها؛ و هاهي تعلن اليوم أن النساء اللائي يرتدين
البرقع و النقاب(لثام كامل للوجه) يعتبرن " ألا خوفٌ عليهن و لا
هم يحزنون" من الاتصال المباشر مع فيروس كورونا. و نحن لا
نجد تعقيباً أنسب من قولنا لهم"كلب يلحس خشومكم، ما قلتو نوبة"
*French/ Hijab/ Niqab and Coronavirus*

*French newspapers have announced that Muslim women who wear the Niqab* (full face covering) *have no fear of contacting the Coronavirus* since they do not shake hands or kiss other people and have their face covered.

*It seems that every day the west is discovering that Halal / Islamic Sharia has benefits*. However I am holding my breath for French women to start wearing Hijab let alone the Niqab.

Aussies are panic buying toilet tissue rolls as well as other commodities. *However some are now using water to wash* (instead of wiping with tissue). Water which is more hygienic, cleaner and refreshing. *Another Sharia requirement*.

*Early Muslims in a village in Arabia had the plague* and it was mentioned to them by the Holy Prophet Muhammad (pbuh) that they had to stay in their village until the disease is conquered. *That was 1400 years ago*, now modern countries are applying the same Shariah rule, they call it " *Quarantine* ".

*Muslims are only allowed to eat herbivores animals* who do not have protruding canine teeth like monkeys and elephants. Carnivores like cats, dogs, tigers and the like. Amphibian animals that live on earth and in the water like crocodiles and frogs. Also no birds of prey like eagles, etc, ... Finally no omnivores, no pigs, rats, mice, flying foxes, bats, geckos etc...

Had the inhabitants of Wuhan been Muslims the world may not have known Covid-19.😅

But then, everything is *Kadha Qadr*.
SubhanAllah!
{يا حبيبي، كل شيء بقضاء... ما بأيدينا خلقنا تعساء
ربما تجمعنا أقدارنا... ذات يوم، بعد ما عز اللقاء فإذا أنكر
خل خله... وتلاقينا لقاء الغرباء ومضى كل إلى غايته...
لا تقل شيئا وقل لي الربُّ شاء}

دفع الله ود الأصيل
● أما هذه الدراما و قد حصلت لي فعلاً و أنا بكامل قِوايَ العقلانية
المعتبرة شرعاً و غانوناً. فلا بأس أن نُحدِّث عنها و لا حرحَو لا هم يحزنون.
● يومتا في الشغل على وشك نهاية دوام بدأت عصافيرُ بطنِ الصيامِ (تصَوصِو) ،
و النُّعاسُ يرخي أجفاني كما تُسدَل أستار ُ مسرحٍ إغريقيٍّ على نهاية عرضِ عبثيٍّ
لمشهدٍ رتيبٍ و مملٍّّّ لمأساة {أسطورة سيزيف}.
▪وعلى شفا حفرةٍ من الدخول في تعسيلةٍ قسريةٍ لرجلٍ أشعثَ أغبرَ
مشردٍ متسولٍ هفتانَ هائمٍ على وجهه بخفَي حُنَينٍ ، و يدافع الأهبثين
بين أزقة و نفافيج حي بن يقظان.أو إن شئت تقريب الصورة و توسيع
بؤرة البانوراما قلت :كنومة ديك البطانة ( مُدلدلاً ) فوق حبل غسيلٍ .
يكوكع بهنا وبهانك بصلتو يكشنو فوقا ، ناصة بس قدحة دموم المكادة
▪ فلم ينقطع سلسبيل أضغاث أحلام ظَلَوطٍ في عز تلك الغفوة العصرية الحالمة
إلا على وقع رنةٍ مزعجةٍ لهذا الهاتف الذي يلازمني كما يلازم ُ(ظلُّ دليبةٍ) عودُها.
● ~ألو ، و عليكم السلام( الرقم دا غريب و الصوت خميييير
و أجش) مين ياربي معاي، ياخي لو سمحتَ ؛ ما عرفتك معليش؟!
~ ألووو يا دفع الله ود الأصيل ولا أنا غلتان، معاك ديكتور ياسر .
~ مرحبنبك و مسهلنبك، ديكتورنا (قلتها متوجساً خيفةً من حكاية ديك/ و تور دي
بصراحة كبدتي مابياها ساي لله في لله، جني و جن تركيب الألقاب المهجنة (Hybrid)
دي ؛ مركبين مكنة" ديك" ووقير بوكس" تور" . لالا ، كدا ماينفع فيا إمتن ديل راسو عدي
ويا غمتن تور راسو عديل ، أيوة ، موش قالو : "ركاب سرجين وِقِّيع..و مسَّاك دربين ضِهِّيب}.
يلا ما علينا؛ أهلن يا أخ ياسر اتفضل؛ مالك و من وين ضارب إتا (بقلبي: أوعة السايب يكون
من كرنتينة في البلد المتل الفتيل دي) وحجم أصاباتا غير مكافئٍ لحجم اليشة حقها؟!
~ ياخ أنا من الطب الشرعي . و أنت وين هسة موش في المشرحة (خُد ، يا لطيف؛
دا جابا من الآخر ، أبو هامور نفر باللفة ، يلا من هنا حيبدن يتلخبتن اللختساسات)
~ (الليلة عاد يبِلَّنا البلَّ حَلَّة ؛ هي بسم الله قصدي: يحلنا الحلَّ بلَّة من القيد و المذلَّة).
يا زول هوي أتكلم زي الناس ياخ و ما تسيِّح ركبينا..نحنا طب شرعي
هدي متعارضة لينا في البلاعيم كمان تردف لينا الكية بمشرحة. شكلنا
بعد كدي يانا المتحمدين أبو هامور راسنا عدييييل.
▪و بصراحة من هنا حصل لي انفصال في الشبكية بقيت
اشوف زوالي(أصبحت رغم البين .. روح واحدة في جسدين )
و شبه تليُّف بفسيفساء كيماء الدماغ، طار على إثره عقلاي ظاهرعلى
باطنٍ من برجيهما تاركين باقي حواسيَ الخمسَ تتطاقش كخبط عشواء
.فلم أعد أشعر بأيتها حاجةّ سوى اللهم طفران حرارة جسمي إلى درجة ما
دون التوهج و فوق الغليان على صفيح مقياس ريختر ؛ مع سيلان قطرات
عرق النسا طبعن، بسداغاتي كهطل المُزنِ هتوناً على جذع تبلديةٍ
صماءَ أو حرازةٍ حمقاءَ عاشتْ طوال عمرها في جفوةٍ و حربٍ
ضروسٍ قمطريرٍ مع ريحة دعاش المطر.
▪و الزول بهناك سامع الصنة فاكرني في حالة إصغاءٍ تامِّ له.
و هو سادرٌ كالكلب في قييِّه ليأتيني طشاشاً، سيلً عَرِمّ منحدرٌ من بالغِ
سلاماتِه و رقائقِ تحيَّاتِه و لطائفِ تمنِّياتِه و كثائفِ أكفِّ ضراعاتِه بصادق
دعواتِه من القلب للقلب لي بشفاءٍّ عاجلٍ غير آجلٍ و تامٍّ لا يُغادر سقماً؛ و
مشفوعة باعتذاراته لامتتاعه (مُكرهاً أخاك لا بطلَ)، نظراً لعينِه البصيرة
و يدِه أو الأصح رجلِه القصيرة عن المجيء لمواساتي في خضم وعكتي
المخيفة و ترا المؤمن مصاب .. و باب الجرح فاتح.
~ لامن جاي لجاي قدرت أخيرن جدن أستجمع له آخر ما بقي لي من قوَّةٍ و من
رباطة جأش خيلي : اسمع يا بني آدم ياخ رفعت كثافتنا براها مولعة.فرجاء ممكن
تبطل هترشة و توريني برواقة كدا إنت ياسر مين و عاوز دفع الله الزفت دا مين؟!
~ ياخ إنت موش دكتور دفع الله ، مناوب في المشرحة و سمعنا قالو لاقط
العدوى من واحد من ضحايا هذا الوباء اللعين رضي الله عنه وأرضاه!؟
أنا متأكد و هدا رقم تلفونك نفس المعاي. فا شنو أوعك تتهرب من الحيقية
~ و كمان مُصر ، ياخ إنعل أبوك لأبو اللي خلَّفوك وخلفو ديك/ تا /تور دفع الله
بتاعك و كان جايبنو مشرقط من كمل نومك حشرو عباس عشان يتخصص مشرحة.
طيب ، عرفناكم دين ما عندكم ؛ كمان دكاترة لابسين أبرولات الجيش الأبيض؛ و لكن
وفاضكم خالية من أبسط أبجديات الطِّبابة. ياخ موش درسوكم إنو فايرس الما يتسماش
كورونا دا يبقى أحادي الخلية شبه الميتة، و محتاج لخلية حيَّة كعائلٍ (Host) ليبقى
عايشَ عليها على قيد الحاياة. و بالتالي ضحاياه أوَّل ما يموتوا كخلايا هو بيموت
معاهم .يعنى الميت بكرونة عشان ينقل ليك عدوى إلا يصحى بفجة الموت
فيُبعث من مرقد قبره المندثريقوم بحراق الروح ثقالدك ويحضنك و يبوسك
يبارك ليك العيد الجاب الناس لينا ما جابك حتين يفك ليك عطسة في
مناخيرك ثم يعود إلى برزخه ليواصل موتاً على راحتِه.

●جزيتم خيراً أحبتنا العُزاز ، و لا رأى الله لكم بأساً .
و ربَّ ضارة نافعة.و يكفيها نفعاً أنها جابت لينا الحبان
يا سلام. ود عمي شرف المقدم و النعمان ود حِميد
خلي و الباقيين خلاس الفيهم انعرفت.
● عمومن ، أمس المي بيعيدة دي حصلت لي درامة "تجربة خطيرة جدّْ و اجتزتها".
كنت فاطر مع صاحبنا ، كوز زاحف لسة مرطِّب من الجماعة الكان بسافرو (الصين)؛
الله لا طراهم و لا جاب باقيهم. عندو (كرونا) آاي والله صحي؛ كروناالواحدة دي بس"
ماكنت عارف يا ريت..و يا ريتني كونتا عارف"و هو غتيت و حاقد أصلو ما ورَّاني.
♡ مشيت ليه من ضواً بدري في البيت. و بكل محبة.. هاك يا
سلامات بالأحضان ..و الشوق والريد بحر.. و الشمارات كمِّيَّات.
◇ و يلا مع وقعة الشمش كدا جهزوا الفطور و جكاكت العصائر الميها
خمج و مستنين الآذان داب وردة بفارغ الصبر يفتح خشمو يقول لينا:صلوا
في بيوتكم ، و نحن مركزين بحواسنا الخمسعلى: "افطروا في رحالكم"
▪ و حتى اللحظة أنا ماني ناقش إنو الزول دا عندو الما تتسماش
.أتاريه كان ناصب لي فخ جقور يرميني حتف أنفي، في شر أفعالي.
● يلا ، من قولت تيت، الله أكبر بس ختفناها من خشمو كبَّرنا ( هي لله)
و هجمنا على العدة خشينا المعمعة لهمقة شديدة. وزولي يشيل في البلح الغُلاد
و يجدع لي في وشي متل دُقارات لواري شريان الشمال..و يكب في العصاير
و الحلو مر يجغم منها شفطة طويييلة لامن يشفقني و يشحتف رويحيت حتين يقول
لي: هاك ، عارفك ما بتشرب بارد شديد لكن دا ما بطال (نان أنا ما بحب الترابدا).
و لا النشاية بالمحريب و روس النال دي براكم عارفني بموت فيها أكطع
وراها شنبي عديل. و العبد لله على اللهفة و الشلاقة العلي واقع أعمى و أطرش
..بس كالنار في الهشيم عامل شغل الجنجويد: (الأرض المحروقة)
●الشاهد : قضينا على اللخدر و اليابس وصلينا المغرب سريع ، في أمان الله ؛
و قال كدي ولَّع ليه سيجارة شفط منها نفس عمييق جدن و مدَّ لي قال لي هاك (خمِّس)
. مسكت السجارة دي بالخرمة شربتها في نفسين بس ؛ لامن شعرت لي بدوخة . و دا كولو
و يا مؤمن يا مصدِّق ماني جايب خبر انو الراجل(مِكْروِن) دي طبعن موش مِكَرٍ مِفَرٍ
بتاعت امرؤ القيس ؛ لا لا ياخوي دي يعني عندو( كرونا عديل).
☆ بعد كدا الونسة الدقاقة مع الشاي: ياخونا الشاااي..الشاي بجاي..
بي موية صحة..و معاو كيكة..ياخ ماركة (كوفتي). عجيب. و لا كمان
الجبنة بريحة البن و المستكة بس ترُد الروح لكن وين ، بالعكس إلى بارئها ؛
يعني توديها أبو هامور راسو عديل! و للمو عارف يمش أحمد شرفي!!
● بعد دشوة كاربة كدا أتمغَّيت و قلت لزولي : خلاص أنا بعد كدا بمشي
أخد تعسيلة عشان أهضم الفطور الاستثنائي؛ دي "عضة ما منظور مسيلا"..
قال لي أوكي ، بس انتظر نوصِّلك.. في اللحظة دي اسمع ليك بنتو شافعة
مدت راسا بالحيطة تناديه: يابا (كرونتك) دي مولعة.
☆ يلا أخوك من سمعتها عينك ما تشوف إلا النور ؛ فعلن عرفت ليك اللي طفى
النور منو. خلاس الكلام دخل الحوش و بقيت أمش سبعة تمانية خطوة لقدام و تلاتة
لورا ورا. في اللحظة ديك ساعة المسا..فردالجناح و الليل لملم مصاببح النهار"و فجأتن
كول اللي لهمقناه هسة ومعاه سفاسف من عمنول كول اللغاويس دي اتكومت و نزلت
لي جاني في قعر لهاتي:《هي ياخوانا الليلة عاد أمانة ما كِتِل راجِلن مو ساهل》
شكلها يا ربي دي تكون زاتا (ثالثة الأثافي) اابسمع بيها .
♤ لولا أنو قام أخونا شاف حالتي و جرى فللي يُنقذ الموقف و فعلن زي ما
قالو:( الرجال مواغف ).. دوَّر العربية جزاه الله خير، و قال لي اركب يا جبان
يا رعديد، دحين ما قلتو نوبة¿! حتين تنفست الصُّعَداء و استغفرت و رجعت لصوابي..
○والله أنا ما عارف أنو المعفن عندو كرونا لقيتا ليك كرونا قرمبعة كلاسيكي موديل
التمانينات ؛ لاكن بصراحة يا واطة احفظي ما عليكي، عروووسة نضيفة شديد. ياخي
أنا كنت مفتكر عندو كريسيدا و لا كراون ديلوكس سوبر صالون؛ و لا كارينا ما
تبارينا. الليلة بس اكتشفت غيَّر عربيتو ل(كرونا) ما عارف متل العفاريت
ديل متين فكوهم لينا من الأصفاد في نص رمضان!¿

يا حليلك يا كرونة و حليل زمانك الذهبي
دا كان زمن زارنا الفيروس التاجي و لسان حاله
كمن يرفع لنا قبعته بتقديم فروض التحية و يلتمس
الاستئذان بالدخول ضيفاً مهذباً خفيف الضُّل.
+ بالجد جد كانت" تجربة جميلة جد و اجتزتها"، و مناسبة
ليهب الجميع إلى نجدتنا و يسعون في خدمتناو تم تخييرنا بين قضاء
فترة العلاج والنقاهة في مستشفيات الأمراض الانتقالية و بين نقلنا
إلى فنادقَ سبع نجوم ، و طبعن اخترنا هذه الاخيرة فكانت مَجَدة إقامة
طيبة بكل المقاييس " كم تمنيتُ وكم من أملٍ مُرِّ الخداع لو كانت
"جبرية" إلى أن يرث الله أرضه و من سوف يكونون عليها .
خليك من النغنغة و الرعاية الطبية و البذخ التمريضي
طواقم الجيشالأبيض، يزورنك صباح مساء كحمائم
السلام يشوفن ليك قياساتكالحيوية ، في بكامل
هندامهن مثل رجالات الفضاء .

+ يلا تعال شوف الللية ، كيف تدهورت الاحوال لامن
وتضعضعت الخدمة الفندقية ، و بقت المصائب يجمعن المصابين في
مراكزً للإييواء أشبه ما تكون بخيام اللاجئين ، لجد ما الليلة وصل
الحال بقو يقولو ليك جاتك كرونة تاكل نارك بس و ليسع بيتك
و تمسك عليك خشمك و لتبكي على خطيتك.
+ أيوة، مافي زول فاضي ليك ، وحتى لو دقيت جرس تسمع
بس تنق تنق كمن يمد لك لسانه حالك و يقولليك " كرونة بتاع مين
ياخي قوم لف بالله ثم ياخ دي ريحتك و لا عملت بورك ينا فاسو؟!
" ثم منو ياخي القالليكم تتمحركو لامن تجيك كراويش كرونة.أنت
ظنيتك ياخي ما سمعت بحكمة جدك العراف بالله الشيخ فرح
ود "تثكْتُك" لامنقالك "" ارزعي من بدري "حِشِّي "من
بدريو , و بعيدينك تعالي شوفي كان تنقدري.