الاخ علي بعد سفري لقريتي الشوال النيل الابيض بعد قفل المدارس مع تخطيطي للبقاء هناك حتى عودة الحياة لسابق عهدها ما قبل الكرونا ولكن حملتني الاحداث بأن اعود يوم امس السبت للخرطوم للعزاء في وفاة عزيزة لدينا وساعود صباح غدا ان شاء الله ولكن ما يفرح أن زراعة القمح عندنا في النيل الابيض تبشر بخير وفير هذا العام واقترب وقت الحصاد الذي سيبدأ في النصف الثاني من ابريل 2020 ولكن ما يؤسف له انعدام الجازولين وشحه في الولاية مع انتشاره في السوق الاسود في شارع الخرطوم كوستي خاصة في المنطقة ما بعد الكوة حتى ربك وبكل اسف اُجبرت لشراء جالون الجاز من السوق الاسود بمئتين وخمسين جنيه أي صفيحة الجازولين بالف جنيه تقريبا طبعا الشراء لري المساحة التي قمت بزراعتها مما يهدد بارتفاع تكلفة الانتاج كما أن هناك مخاطر في أن الحصاد لن يتم آليا لانعدام الجزولين مما ينتج عنه هبوط الانتاج بأكثر من النصف الانتاج المتوقع والله يستر يا ابو علوة كيف نشجع على الانتاج ولا نوفر الموارد اللازمة التي تصاحب عملية الانتاج خاصة منتج القمح؟
03-22-2020, 02:08 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الحبيب الكنزي .. تحياتي عندنا في دنقلا يبدو أن الوالي وباقي الجماعة كانوا عاملين حسابهم عشان الحصاد .. في شوية أمل أن الحصاد حيكون بخير جماعتنا غايتو مخزنين كمية تكفي الحصاد بإذن الله الجميل أن الوالي ( اللواء الساعوري ) زول شايقي ود بلد من كلامه ظاهر انه زول تربال يعرف اسرار الزراعة وفاهم الموضوع كويس .. يعرف سر الموضوع
بالنسبة لحمدوك .. ظاهر هو زول نضيف ومؤدب حتى في عباراته عنده طولة بال وصبر وغير عدواني.. أنا دائما تقييمي للشخص بالسلوكه وأدبه ولكن المرحلة صعبة جداً .. ويحتاج إلى مساعدين على مستوى عالي ولا تنسوا كمان العسكر
الجميل كمان رفعوا السعر 3500 جنيه .. يا ريت اربعة آلاف .. اليوم كمان قرار من حمدوك البيع حصرياً للبنك الزراعي .. وصرح البنك الزراعي أن كاش متوفر والدفع فوري
الموسم حيكون تاريخي .. لأن الشتاء عندنا كان براري كندا
تحياتي اللهم احفظ الوطن من كل سوء
تحياتي الحبيب الكنزي ..
03-22-2020, 02:41 PM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
مبروك عليكم با ابو علوة ولكن نحن نترقب موسما ناجحا إذا وفرت الدولة المعينات للانتاج
ما يؤسف له ان الجزولين متوفر السوق الاسود وفي عرض الشارع وعلى عينك يا تاجر ولكن في محطات الوقود عليك بالانتظار لايام وان لم تعالج هذه الازمة في الايام القادمات فستحل بنا كارثة في حصاد القمح أعني ولاية النيل الابيض
03-22-2020, 02:53 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الكنزي الحبيب .. عندنا في الشمالية ما في الكثافة السكانية العالية والتواصل المجتمعي عالي جداً زي ما قلت ليك من كلام الوالي زول ودبلد بيفهم اللعبات ولف ودوران كويس كمان الشباب الثوار ما مقصرين في الرقابة
تحياتي الحبيب الكنزي .. الحصاد هو الأهم وإلا يصيب شخص مرض نفسي غير الخسارة المادية .. أنا جربت الحكائة زمان مع الفول ومرض العسل
قالوا الكورونا قللت الصفوف شوية
تحياتي الحبيب الكنزي
03-22-2020, 02:53 PM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
الكنزي الحبيب .. عندنا في الشمالية ما في الكثافة السكانية العالية والتواصل المجتمعي عالي جداً زي ما قلت ليك من كلام الوالي زول ودبلد بيفهم اللعبات ولف ودوران كويس كمان الشباب الثوار ما مقصرين في الرقابة
تحياتي الحبيب الكنزي .. الحصاد هو الأهم وإلا يصيب شخص مرض نفسي غير الخسارة المادية .. أنا جربت الحكائة زمان مع الفول ومرض العسل
قالوا الكورونا قللت الصفوف شوية
تحياتي الحبيب الكنزي
03-23-2020, 03:57 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: كيف نشجع على الانتاج ولا نوفر الموارد اللازمة التي تصاحب عملية الانتاج خاصة منتج القمح؟
الكنزي الماسورة https://top4top.io/
شايف هنا في جزلين ولي عمود كهرباء ؟؟ البس النظارة وركز معاي كويس حتي الدروس المجانية في البورد ما بتنفع فيك وفي ق ح ت يا عدو العلم والاستاذ محمود كان تخلي الاستاذ الاذكي منك عمل سد في رشاد جبال النوبة سنة 1957 لحدي هسة قاعد المهندس محمود محمد طه وانت ترفس في القرن21 ما عارف تنجز مشاريع السيد عبدالرحمن كيف ؟؟ تولول بالجزلين انت ق ح ت وجهين لعملة واحدة عايز تشكر الراكوبة في المطر الزراعة تاني في النيل الابيض وفي كل السودان بالطاقة الشمسية دولة المركز والراعي والرعية والريع والرعاع ما بتنفع بلادة شديدة وهرولة الي مصر ودول الخليج غير مفيدة يستوردو هسة قبل نهاية السنة دي كمية كبيرة جدا جدا من مدخلات الطاقة الشمسية في السودان في كل اوجه الحياة عايزن اسواق السودان كله من اصغر قرية الي اكبر مدينة يكون فيها محل بيع مدخلات الطاقة الشمسية المستوردة من الصين والهند واليابان وكوريا الجنوبية والبطاريات الجيل البتقعد 12 ساعة مليانه فل مسيوبتشي ياباني انتهت الميزانية التقليدية بتاعة النفط والذهب دي وكلو منهوب لحدي هسة بواسطة جنرالات زمن الكورونا ديل ويا علي ما تشكر لي الجنرالات في زمن الكورونا الساعوري لي ورا دي مصرية ساعور قرية في مصر واي جنرال سوداني منبطح لي مصر ما بنفع معانا والتهريب بتاع الذهب والماشية شغال تش لحدي الليلة ما وقفتو الي الكرونا تقدس سرها يرجع الاقليم الشمالي بس وننتخب حاكم الاقليم المدني برانا وبرلمان الاقليم ايضا ونخت 2 قاضي ماركة ابو رنات في المحكمة الدستورية ما يلزمنا لا حمدوك ولا حميدتي نحن بنينا الخليج ما بغلبنا نبني الاقليم الشمالي بالفدرالية بس ما تشكر لي البلد الذي خبث العبرة بي الخواتم ونشوف القمح ده كلو بمشي وين بعدين ونشوف الرغيفة بتبقي بي اب قرشين الفريني الزمان ؟؟؟ ولي هذيان انقاذي مستمر وغير مفيد النتائج الحقيقية للاقتصاد الزراعي الرشيد بتنعكس طوالي في السوق وفي قيمة الجنيه السوداني قصاد الدولار والسودان زمن مشروع الجزيرة والقطن بس واقتصاد المؤسسات وليس الراسمالية الطفيلية الجنيه = اربعة دولار امريكي عشان نصدق انو قح ت دي احسن من السيد علي والسيد عبدالرحمن ؟؟
03-23-2020, 04:08 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: والسودان زمن مشروع الجزيرة والقطن بس واقتصاد المؤسسات وليس الراسمالية الطفيلية الجنيه = اربعة دولار امريكي عشان نصدق انو قح ت دي احسن من السيد علي والسيد عبدالرحمن ؟؟
https://top4top.io/
ه جنيه مشروع الجزيرة ومشاريع الاعاشة القعد عزيز لحدي 30 يونيو 1989 وفيروس الانقاذ البشير الترابي ادولار كان 12 جنية سوداني قديم ذى ده طبعا التدهور كان مستمر بعد الاستقلال لحدي وصلنا الحضيض الان مع الذهب والبترول ومخ العفن وحكم الحثالة في السودان
03-23-2020, 04:18 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: يرجع الاقليم الشمالي بس وننتخب حاكم الاقليم المدني برانا وبرلمان الاقليم ايضا ونخت 2 قاضي ماركة ابو رنات في المحكمة الدستورية ما يلزمنا لا حمدوك ولا حميدتي نحن بنينا الخليج ما بغلبنا نبني الاقليم الشمالي بالفدرالية بس
دي اخر مرة اقول ليك الصاح شنو في الاقليم الشمالي لا جنرالات ولا دولة مركزية ما بتنفع معانا ونحن بينا الخليج لمن كان الخليج بحكمو رجال مش المايعين ديل محمد بن زايد ومحمد بن سلمان واستثماراتهم الوسخة والمخزية في الاقليم الشمالي وشراء الجنود السودانيين مرتزقة https://top4top.io/
تعرف ده منو المع الشيخ زايد الله يرحمه والحميمية دي واحترام السودانيين من اعلي راس في الامارات ؟؟؟في زمن الجميل ؟؟؟
انت سوداني حر الزم سودانك ده بس وسييك من مصر وعربان الخليج والساعوري وبن عوف وعوض الجاز ...ديل وصمة عار علي الاقليم الشمالي يرجع الاقليم ونحكم نفسنا برانا ونراجع الاستثمارات والمشاريع الزراعية والصناعية ومصانع الاسمنت دي كلها والسياحة اصلو المركز المجرم=الخرطوم ده ما بفيد السودان ولو بعد مليون سنة ضوئية واحسن نشوف مركز جديد لسودان جديد = كوستي ولي مش كده يا الكنزي
Quote: يرجع الاقليم الشمالي بس وننتخب حاكم الاقليم المدني برانا وبرلمان الاقليم ايضا ونخت 2 قاضي ماركة ابو رنات في المحكمة الدستورية ما يلزمنا لا حمدوك ولا حميدتي نحن بنينا الخليج ما بغلبنا نبني الاقليم الشمالي بالفدرالية بس
نحن راجعين في المغيرب لمن راي ق ح ت دي وكيزان الانقاذ يكمل ويرجعو البلد لي زمن الحكم الاقليمي للامركزي قبل 30 يونيو 1989 باسس جديدة نحن بنجي نخلي السودان زي ماليزيا الناس ديل رايح لهيم درب ...اجي اسوي شنو برنامجي واضح نجدع الولايات ال18 المخستكة دي وترجع الاقاليم الخمسة بس انتخابات اقليمية ثم مركزية ثم راسية باشراف المحكمة الددستورية او الامم المتحدة ما بتفرق https://top4top.io/
Quote: عادل المتكلس انت بدل تحاضر في الناس بالطاقة الشمسية ما تجي تزرع بيها خايف من أب فرار ديل زرعوا قمح انت تعال حش بدقينتكيحشك شيخ العير
انا عندي قبتين في السودان ذى الفل وعندي المولد وعندي الراتب وعندي مك ناظر شيخ العيير عندو لي شنو يا ورل شيخ العير ده شيخ الناس الما عندهم قبة ولا ناظر ولا مك ولا كجور في سودان قاعدين في راسنا بي مشاريع الصرف الصحي عبر 64 سنة من الاستقلال الشيوعيين والبعثيين والناصريين والكيزان والسلفيين ديل جماعة شيخ العيير في البورد وفي السودان والتظير شنو في الطاقة البديلة اهو الصورة قدامك حاجة بسيطة جدا ما تكلف اكثر من 10000 دولار تاني شمس الله بس وزير الطاقة والزراعة الغبيين ديل وووزير المالية الاكثر غباءا ما عارفين العالم وصل وين واكون انا المتكلس ولي هم كويس لو باريتني بتوعي زي جحبوري خضر الطيب
03-23-2020, 06:22 AM
Ali Alkanzi Ali Alkanzi
تاريخ التسجيل: 03-21-2017
مجموع المشاركات: 9253
شكرا اخ علي والشكر موصول للاخ عادل والف شكر للاخ منتصر اطرح هذه القضية أي شبه انعدام الجزولين في هذه الايام ستكون نتائجه وخيمة على المزارع وعلى ممول زراعة القمح وحتى الدولة فمن مصلحتها أن يرتفع انتاج القمح بل كل انتاج في اي موقع منتج ولن ينهض اقتصادنا إلا اذا عملنا جميعا نحو فلسفة الانتاج مهما كانت قليلة فالجبل يتكون من احجار صغيرة بل قل ذرات صغيرة تجمعت وكونت جبلا وطرحي هذا ليس خوفا عن ما يصيبني من ضرر ولكن تنبيها للدولة ان تعطي الامر ما يستحق من اهتمام وسأغيب عنكم لايام قد تطول أو تقصر فإني عائد لقريتي هذا الصباح وسأبقى هناك حتى تعود الحياة لطبيعتها في الخرطوم المدينة التي اجبرنا على البقاء بها ليواصل ابنائي من المرحومة خديجة الصغرى دراستهم وإلا فالريف افضل للاقامة من الخرطوم لانسان في عمري لكم ودي وسلامي
03-23-2020, 07:00 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: وريناك الحل قدامك الطاقة الشمسية في الزراعة الان موجودة في كل العالم الصين قريبة جدا الناس ديل يجييو الطاقة الشمسية للناس قصرنا معاك ؟؟
إن شاء الله اقوم بتنفيذ فكرتك واستخدام الطاقة الشمسية ولكن في طرحي هذا لا اتكلم عن الاشكال الذي يواجهني بل اتكلم عن الاشكال الذي يواجهه مزارعو النيل الابيض والممولين ولمن ادخل الطاقة الشمسية ساقوم باخطارك مودتي
03-23-2020, 09:33 AM
علي عبدالوهاب عثمان علي عبدالوهاب عثمان
تاريخ التسجيل: 01-17-2013
مجموع المشاركات: 12482
حبيبنا الكنزي .. سمعت أمس في التلفزيون أن هناك 2 مليون جالون جازولين افتكر كلام لصرف الانظار كلها تصريحات فارغة تجد مسئولين في وسط المزرعة ومعهم عشرات الموظفين ولا يراعون حتى المزرعة .. أكثر ما يؤلم المزارع ان تطأ القدم الزرعة ليس فقط للخسارة المادية ولكن كنوع من الاحترام وكقيمة وسلوك ما ممكن عشرات المسئولين داخل المزرعة ومعهم مراسل تلفزيون في وسط حوض القمح .. ده عيب عند أهلنا الترابلة يظهر لهم كأنك تطأ شيء مقدس
كله كلام .. ووقف ووجه وأعلن
يا ريت الواحد يعرف معنى ( تضافر الجهود )
تحياتي الحبيب الكنزي
03-23-2020, 10:12 AM
adil amin adil amin
تاريخ التسجيل: 08-01-2002
مجموع المشاركات: 37012
Quote: إن شاء الله اقوم بتنفيذ فكرتك واستخدام الطاقة الشمسية ولكن في طرحي هذا لا اتكلم عن الاشكال الذي يواجهني بل اتكلم عن الاشكال الذي يواجهه مزارعو النيل الابيض والممولين ولمن ادخل الطاقة الشمسية ساقوم باخطارك مودتي
ليس انت فقط يا كنزي ده مفروض يكون ثورة زراعية ثقافية جديدة السودان والطاقة البديلة بدل الضجيج الما نافع ده يجب ان تقوم وزارة الزراعة والطاقة ووزارة الصناعة باستيراد كل مدخلات الانتاج بتاعة الطاقة الشمسية لكل السودان ولكل الاستخدامات ان شاء مكنة حلاقة بالطاقة الشمسية وتعمل كليات ومعاهم متخصصة من الان تخرج كوادر هندسية في الطاقة الشمسية مفروض تكون في كل مدن وقري السودان قبل الكرونة والطاقة البديلة هي عالم كبير حتي ثقافتو معدومة في السودان وبعضهم لا يعرف الواو الضكر عنها خصوصا وزير المالية ا تقول ما كان قاعد في الامارات في الحشرو عباس درجة حراراة السودان 37 كويسة جدا تولع كل السودان وتقتل فيروس كوررنا اصلو بتاع مناطق باردة شوف علااقات الانتاج المشوهة لنظام الانقاذ الرخيص والنشاط الرسمالي الطيفيلي بتاع بنك فيصل وقطط الانقاذ السمان الما شاركو في انتاج القمح ما عليهم يشترو اطلاقا ويهربو كمان اذا احتكر البنك الزراعي القمح كويس بس يعمل شراكة مع المزراعين والوزارات المعنية ويلحقهم بي الصوامع والخيش والطاقة الشمسية والسكة الحديد الجديدة عشان نقفل ملف الخبز في السودان نهائي
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Ali Alkanzi
علي عبدالوهاب عثمان
adil amin
فيس بوك
تويتر
انستقرام
يوتيوب
بنتيريست