|
Re: يا عمر الدقير .. وقت الخطابة و الهتافات الك (Re: يحي قباني)
|
الان وقت التنفيذ ... و انت يا صديقي لا صيبة لك في هذا ... انت رجل مميز و مفوه و محترم جدا ... و انت كما تعلم حينما عملنا سويا في اللجنة الرياضية في اوائل تمانيانت القرن الماضي في الجامعة اكن لك كل احترام .. و لكن لمعرفتي الجيده بك ... اعتقد ان دورك العظيم جدا قد انتهى ... و عليك الان دعم زملاءك الاكفاء العمليين في ادارة شئون البلاد ...
دع الناس تعمل لتنجز ...
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: يحي قباني)
|
😂😂😂 سفيه ولاقى شليق
خلينا في عمر الدقير
Quote: و لكن لمعرفتي الجيده بك ... اعتقد ان دورك العظيم جدا قد انتهى |
كيفن دورو إنتهى؟ أذكر أيام الترشيحات لإختيار رئيس الوزراء كان عمر الدقير أحد الخيارات المطروحة. اليومين دي في حملة مكثفة على حكومة حمدوك تطالب بتغيرها وإحتمال كبير يعود طرح عمر الدقير كخيار لرئاسة الوزراء.
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: يحي قباني)
|
سلامات يحي قباني
Quote: مشكلة المستقليين انه صعب الاعتماد عليهم |
انت لو داير تبني دولة فالدول تبنى بالكفاءات وليس بالانتماءات كلام الدقير صحيح ١٠٠٪ لانه بيدعو للعدالة الأنت بعتها بثمن حزبي بخس الشعب السوداني كله من حقه ان ينافس على الوظائف العامة ومن حق أي مستحق ان ياخذ حقه وليس من حقك يا قباني ولا من حق حمدوك ان يحرم الاكفاء من حق وطني ويقصر ادارة الدولة على شللياته وزملاء حزبه
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: عمر التاج)
|
Quote: انت لو داير تبني دولة فالدول تبنى بالكفاءات وليس بالانتماءات كلام الدقير صحيح ١٠٠٪ لانه بيدعو للعدالة الأنت بعتها بثمن حزبي بخس الشعب السوداني كله من حقه ان ينافس على الوظائف العامة ومن حق أي مستحق ان ياخذ حقه وليس من حقك يا قباني ولا من حق حمدوك ان يحرم الاكفاء من حق وطني ويقصر ادارة الدولة على شللياته وزملاء حزبه |
اسمع كلامك اصدقك اتذكر تاريخك استعجب
يا ريتك لو قومت نفسك ده وقت حكم الكيزان .. و انت قاعد تخدم فيهم و (تطور) ليهم في السيستم و غيره و عينك للخراب و النهب ...
يا راجل و الله عيب عليك ساكت كل الزمن داك و جاي حسة تثبط في الهمم و تكسر في جهد الناس ...
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: يحي قباني)
|
يا قباني حمدوك زاته شغال يركب في الكيزان راجع وشوف عين كم كوز لغاية هسي الدقير كلامه صحيح حمدوك اقصر قامة من هذه الثورة العظيمة والشلة الحوله عاوزين يجرعوا الشعب السوداني للمساومة التاريخية مع الإسلامين
يا زول الثورة انتكست انتكاسة كبيرة
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: عبدالعظيم عثمان)
|
Quote: اسمع كلامك اصدقك اتذكر تاريخك استعجب
يا ريتك لو قومت نفسك ده وقت حكم الكيزان .. و انت قاعد تخدم فيهم و (تطور) ليهم في السيستم و غيره و عينك للخراب و النهب ...
يا راجل و الله عيب عليك ساكت كل الزمن داك و جاي حسة تثبط في الهمم و تكسر في جهد الناس .. |
كل يوم تبث لي يا قباني انك اما جاهل بالوضع أو مغيب وكونك تاخد الكلام أو ترفض قول الحق لمجرد انطباعك عن خلفيه قائله فده منتهي الجهل .. اعرف الحق يا اخي تعرف اهله.. الكيزان ديل انا لمن كنت بنقد فيهم وبكتب فيهم مثل ما اكتبه في قحت اليوم كنت قاعد في نصهم، وبتعرض لمضايقات يومية، بينما هربت انت وحمدوك واحتميتوا بالخواجات.. وبعدين شغلي في السودان ما كان مكرمة من كوز، وكوني اطور نظام فده ما معناتو اني طورته للكيزان فهمك ده زي فهم جماعتك الرفعوا بوستراتهم أمام البيت الأبيض لكي يزيد الحصار على السودان وجاؤوا اليوم يتباكون من نفس الحصار العملوه على الشعب السوداني الأنظمة العملتها انا استفاد منها الطلاب والمصرفيين والجيش السوداني، وحتي اليوم وفي ظل حكومتك دي هم بستفيدوا منها، والي ان تأتي الحكومة الديمقراطية ستعم فائدتها على السودانيين.. وبعدين لو شايف الشغل في وظائف الدولة في زمن الإنقاذ عيب اقول لك العيب كان في العطالة والأرتزاق وليس العمل، وأقول لك ان اغلب قيادات الدولة قرأت في جامعات الكيزان، واغلبها اشتغلت في وظائف عامة والبعض ترقى ووصل درجات عليا أهلته لان يكون وزير أو مسؤول في حكومتك الفاشله دي .. اصحى يا قباني وانزع عنك قناع الشمولية المابشبهك ده.
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: عمر التاج)
|
هندسة سلامات اتفق معك تماما...و الله مافي انسب من حمدوك لهذه المرحلة نحن مشكلتنا الاساسية التطبيع مع المجتمع الدولي وأعني امريكا تحديدا حمدوك بحكم خبراته السابقة يعرف كيف يصل للنهاية المنشودة.
حقو الناس تعرف حقيقة اولى الاولويات رفع العقوبات عشان السودان يدخل في المنظومة الدولية، عشان نعرف نبيع و نشتري و يستثمروا في بلدنا عشان ندخل في النظام المصرفي الدولي غير كدا البلد ح تكون تحت رحمة سماسرة السياسة و صراع المحاور و ابتزاز الدول الانتهازية زي الصينيين و الروس وهو نهج النظام المباد.
وأوربا رغم اقتصادياتها القوية تخضع لنظام الحظر وإن غازلت حكومة الثورة،شركاتها لن تتعرض للعقوبات الامريكية بسبب خرقها لقانون دولي.
هل عمر الدقير و لا الصادق المهدي أو ايا كان بأقدر من حمدوك ؟
كل المصاعب دي سببها العقوبات ودي عايزه شخص بمواصفات حمدوك.
فئة من جماعة ق ح ت "نداء السودان" يظنون أن الحل في ارضاء احد المحاور ووضح ذلك في خطاب استقالة مريم الصادق من الآلية اليوم.
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: Nasser Amin)
|
عبد العظيم يا حبيب
صدقني ... دي ما شركة ممكن تغير مسارها في ستة سبعة شهور دي بلد اتنهبت من جزورها ... و ابسط الف باء الخدمة المدنية انتهت في عهد الكيزان ... سنتين شوية عليها ...
الناس تروق بس و تدس الناس دي مساحة ...
خبرات كبيرة انضمت لتسيير المركب ادوهم فرقه شوية ...
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: يحي قباني)
|
Quote: الكيزان ديل انا لمن كنت بنقد فيهم وبكتب فيهم مثل ما اكتبه في قحت اليوم كنت قاعد في نصهم، وبتعرض لمضايقات يومية، بينما هربت انت وحمدوك واحتميتوا بالخواجات.. وبعدين شغلي في السودان ما كان مكرمة من كوز، وكوني اطور نظام فده ما معناتو اني طورته للكيزان |
ولد له ... 🙃 قت لي مضايقات يومية ...
عمر ... ممكن ترحم نفسك شوية ...
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: منتصر عبد الباسط)
|
Quote: هندسة سلامات اتفق معك تماما...و الله مافي انسب من حمدوك لهذه المرحلة نحن مشكلتنا الاساسية التطبيع مع المجتمع الدولي وأعني امريكا تحديدا حمدوك بحكم خبراته السابقة يعرف كيف يصل للنهاية المنشودة.
حقو الناس تعرف حقيقة اولى الاولويات رفع العقوبات عشان السودان يدخل في المنظومة الدولية، عشان نعرف نبيع و نشتري و يستثمروا في بلدنا عشان ندخل في النظام المصرفي الدولي غير كدا البلد ح تكون تحت رحمة سماسرة السياسة و صراع المحاور و ابتزاز الدول الانتهازية زي الصينيين و الروس وهو نهج النظام المباد.
وأوربا رغم اقتصادياتها القوية تخضع لنظام الحظر وإن غازلت حكومة الثورة،شركاتها لن تتعرض للعقوبات الامريكية بسبب خرقها لقانون دولي.
هل عمر الدقير و لا الصادق المهدي أو ايا كان بأقدر من حمدوك ؟
كل المصاعب دي سببها العقوبات ودي عايزه شخص بمواصفات حمدوك.
فئة من جماعة ق ح ت "نداء السودان" يظنون أن الحل في ارضاء احد المحاور ووضح ذلك في خطاب استقالة مريم الصادق من الآلية اليوم. |
و كأن الناس ادمنت الهوان يا ناصر ...
مافي شي ينقال غير الصبر بس ...
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: منتصر عبد الباسط)
|
أصبحت المبادي وأداء واجب واستحقاق الثورة والثوار والشهداء وتحقيق مطالبهم والدعوة لما يوصل لسودان كما يريده الثوار صار ذلك في نظر صاحب البوست مجرد هتاف تجاوزته أكاذيب من أمسكوا بالحكومة عن طريق الدمية الجديدة دمية اليسار التي حلت محل دمية الكيزان (عمر القشير) أعني حمدوك.
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: يحي قباني)
|
قباني كمان .... اتحلجت وبديت تهضرب خلاس نصرف ليك بندول https://top4top.io/
وتجهز شنطتك نوديك لي شيخ العيير الاطار الشغالين فيه ناس ق ح ت ديل (الدولة المركزية الفاسدة والفاشلة والفاشية ) ذاتو ما نافع ما تقعدو تمشطو في الانقاذ بي قملا وتحاصصو وبعد شوية وتولولو الشعب بعرف الانتخابات والدولة الفدرالية والزمن بينا
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: منتصر عبد الباسط)
|
صديقي يحى أولاالناس عشان ما تتوقع من حمدوك اكتر من طاقتو حمدوك ده جاء باتفاق بين العسكر و المدنيين يعني زي خالتكم نيكولا ديك فالناس تكون واقعية حمدوك زي مابعبر عنك بعبر عن حمتي وبرهان الكتاب الذي يقرأ منه حمدوك هو الوثيقة الدستورية والاتفاق السياسي حمدوك بهتدي بالتسوية وهو نقطة التوازن بتاعة التسوية يعني لازم يرضى الطرفين عشان كده نحن المتشنجين ديل لازم نعرف انو حل مشكلتنا ماعند حمدوك حل مشكلتنا في قدرتنا على الضغط وتغيير موازين القوى على الأرض لتجبر حمدوك على فتح كتاب الثورة لان الي الان الغلبة لصالح العسكز وحمدوك عنصر محايد تماما لابودي ولا بجيب مهمته إيصال الفترة الانتقالية الي نهايتها دون مشاكل عشان كدة بقدم خطاب بتاع ترضية للثوار دون أن ينجز شيئا لانه يعرف تماما السلطة التي يمتلكها حمدوك قائد الاوركسترا بتاعة التسوية دي مهمتو يسيطر على الشارع وعلى العسكر في نفس الوقت حمدوك دورو بنتهي اذا أصر الشارع على ثورته وكذلك اذا أصر العسكر على الاستحواذ على السلطة حمدوك ينتهي دوره اذا استطاعت القوى التي تريد إكمال الثورة على فرض ارادتها وينتهي دوره اذا انقلب العسكر على الوثيقة حمدوك ابن الاتفاق السياسي واي قوة تتجاوز الاتفاق تكون قد ابعدت حمدوك عن المشهد حمدوك موجود تحت شرط اذا واذا فقط كانت التسوية حاضرة لا جود لحمدوك في كتاب الثورة كما لا وجود له في كتاب الردة
التسوية والوثيقة لا حمدوك والطاقم الذي معه توصل لها بل هم ناس عمر الدقير وزملائه فحقيقة الواحد يستغرب من نقدهم الهدام هذا ،،، يمكن طلب أجتماعات والتوصية كشركاء لكن لدي أحساس بأنهم مازالوا يحملوا على حمدوك لأنه كان يطالب بأن يعين حكومته ويتحمل المسؤؤلية ... أما تعيين بعض فلول الأخوان تسأل منه القوى السياسية لأنها تقدم مقترحات ٣ أسماء وهو يختار
| |
|
|
|
|
|
|
Re: يا عمر الدقير .. وقت الخطابة و الهتافات الك (Re: NEWSUDANI)
|
Quote: صديقي يحى أولاالناس عشان ما تتوقع من حمدوك اكتر من طاقتو حمدوك ده جاء باتفاق بين العسكر و المدنيين يعني زي خالتكم نيكولا ديك فالناس تكون واقعية حمدوك زي مابعبر عنك بعبر عن حمتي وبرهان الكتاب الذي يقرأ منه حمدوك هو الوثيقة الدستورية والاتفاق السياسي حمدوك بهتدي بالتسوية وهو نقطة التوازن بتاعة التسوية يعني لازم يرضى الطرفين عشان كده نحن المتشنجين ديل لازم نعرف انو حل مشكلتنا ماعند حمدوك حل مشكلتنا في قدرتنا على الضغط وتغيير موازين القوى على الأرض لتجبر حمدوك على فتح كتاب الثورة لان الي الان الغلبة لصالح العسكز وحمدوك عنصر محايد تماما لابودي ولا بجيب مهمته إيصال الفترة الانتقالية الي نهايتها دون مشاكل عشان كدة بقدم خطاب بتاع ترضية للثوار دون أن ينجز شيئا لانه يعرف تماما السلطة التي يمتلكها حمدوك قائد الاوركسترا بتاعة التسوية دي مهمتو يسيطر على الشارع وعلى العسكر في نفس الوقت حمدوك دورو بنتهي اذا أصر الشارع على ثورته وكذلك اذا أصر العسكر على الاستحواذ على السلطة حمدوك ينتهي دوره اذا استطاعت القوى التي تريد إكمال الثورة على فرض ارادتها وينتهي دوره اذا انقلب العسكر ع لى الوثيقة حمدوك ابن الاتفاق السياسي واي قوة تتجاوز الاتفاق تكون قد ابعدت حمدوك عن المشهد حمدوك موجود تحت شرط اذا واذا فقط كانت التسوية حاضرة لا جود لحمدوك في كتاب الثورة كما لا وجود له في كتاب الردة
التسوية والوثيقة لا حمدوك والطاقم الذي معه توصل لها بل هم ناس عمر الدقير وزملائه فحقيقة الواحد يستغرب من نقدهم الهدام هذا ،،، يمكن طلب أجتماعات والتوصية كشركاء لكن لدي أحساس بأنهم مازالوا يحملوا على حمدوك لأنه كان يطالب بأن يعين حكومته ويتحمل المسؤؤلية ... أما تعيين بعض فلول الأخوان تسأل منه القوى السياسية لأنها تقدم مقترحات ٣ أسماء وهو يختار |
قراءة واضحة يا صديقي ...
و المشهد واضح ... اذا ليه ناس عمر الدقير و المتشنجين على حد قولك ... متشنجين ؟
التشنج الزايد حيجيب العسكر لانهم اصحاب السلاح ... و ندخل في نفق اضيق للمرة الالف ...
| |
|
|
|
|
|
|
|