|
Re: مهربة الهيروين الإثيوبية وصلت الخرطوم من (Re: Osman Musa)
|
انت ياعثمان بتتكلم عن الجمارك حقتنا دي ....ماجادي انت ...بعدين ياتو كلب دا العندنا في المطار ..الضابط الواقف في الاسكانر دا شوف عيني ...جينا باليل عين مفتحة والتانية مغمتة ...والاسكانر زاتو من زمن جدي شاشتو ضاربه ..غايتو الزولة دي بس منحوسة ساكت ..بعدين الهروين والكوكاييين ديل رفاهية في السودان منو القعد يشتريهم ..ناسنا ديل بشجعو الصناعة الوطنيه البنقو والعرقي المحلي لايعلي عليو ..لو فتحت بار الويسكي والكونياك ديل يبورو عادي ..الجمارك دي لازم كل شوية تعمل ليها دعاية كنوع من الارهاب اللفظي وبرضه عشان الحوافز .....يااخ دهبنا دا كلو مشي الامارات ولي يوم الليلة كل يوم بتطلع شحنة ...
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: Asim Ali)
|
يا سيد عاصم ياخي لعبة الباودر الأبيض المغلف انكشفت بالصدفة . ربك هو الساتر علي الامة . في هادي البلاد الحبيبة اي مصيبة قاعدة تتكشف صدفة . سايق حمدوك خفض السرعة صدفة . والسيول لفت من مناطق السكن صدفة . دي بلاد الصدف يا زول
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: Osman Musa)
|
الكلاب البوليسية لتكشتف الصنف لا بد أن تكون متعودة عليه ومدمنة كمان .. يبدو إما الصنف غريب عليها يا ذاكرتا ضعفت لعدم تنشيطها بشمه سؤ تدريب على رأس العمل
يا عثمان ما وريتنا المستوى الفنى للإثيوبية ومدى إرتباطه بملاحظتها وصدفة كشفها؟
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: نادر الفضلى)
|
أخونا نادر سلامات في الحبيبة أمريكا توجد أحدث وأكبر معاهد ترويض وتدريب الكلاب البوليسية . حضرنا وشفنا كيف قدر الكلب مور b يفلفل ويجرجر المتهمين من بين الصفوف . كلب شبعان ومتعلم ومخلص في العمل . في هادي البلاد يا نادر كلو شي عندي من وشك . الكلب جعان والبوليس مساهر في صف حلاوة رغيف . المهربين ناقشين الوضع .
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: Abureesh)
|
Quote: أخونا ابو الريش سلامات البوست محاولة عن كيفية تلافي الأضرار البتسبب فيها مطار الخرطوم . أضرار كثيرة . صحية واقتصادية . المطارات والمواني السودانية أصبحت معبر معروف .
|
بالمناسبة يا عثمان على ذكر اضرار كثيرة صحية، الل يكرمك ويكرم الجميع تذكرت الحمامات الطافحة بمطار الخرطوم .. لو لسة طافحة .. الكلاب البوليسية ذات حاسة الشم الحادة بتكون معذورة حصل ليها تشويش من الروائح النفاذة ما قدرت تعمل فلترة.
حممات براها عاوزة ليها مليونية
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: نادر الفضلى)
|
سلامات يا أخ نادر عان جاي لو واحد ود حلال من مدربين الكلاب نضم في الحق . من تنظيم وغذاء وجو وعلاج واهتمام للكلاب . ح يلاقي نفسو اتنقل الفاشر تاني يوم . الكلاب يا أخ نادر ضلت بين فوحان الحمامات و خليط أكياس الدهب المدروش . والمهرب كل صباح وبين بدرة الهوروين . الإثيوبية يا جماعة كانت جوكي . مرسال شوق . احتمال شغالة بي الكوميشن زيها وزي عشرات العبارات للبلد المطعون بالبلاوي والأحزان .
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: Osman Musa)
|
كلامك صحيح يا أخ نادر والله يا استاذ نادر انا وتمنيت تقوم مليونية تكسر وتحاكم مكاتب النفايات . مليونية للنظافة . مليونية للمواصلات مليونية للأسعار مليونية لمكافحة الكذب علي الشعب . مليونية لمحاسبة الحرامية . مليونية لمساعدة المساكين . الشغلة صعبة ومتشعبة .
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: Osman Musa)
|
ذكرتني الحاجة الجاية من بره و معاها شنطة من شنطها مليانه قزاز وسكي و كونياك و فودكا و عمتك مسكها ضابط الجمارك و بالرااااحة قفل الشنطة كده و سالها: أنتي يا حاجة عارفة الشنطة دي فوقها شنو ؟ الحاجة دايره تنكر قالت ليو: ادوني ليها جماعه اوصلها لي اهلهم قالوا فيها دوا .. قال خلاص يا حاجة لانك طيبة أنا كمان حاشيل شوية من الادوية دي و امرر ليك الباقي .. بس صاحبك فتح الشنطة بالراحة يلقى قزازة شيفاز يمرقها لي روحه يلقى وايت هورس يخليها لما سحب اخر قزازة بلاك ليبل ... الحاجة ختت يدها في الشنطة و قالت ليو: لكن كدي يا ولدي ما عصرت علي شدييييد ...؟
| |
|
|
|
|
|
|
Re: مهربة الهيروين الإثيوبية وصلت الخرطوم من (Re: يحي قباني)
|
هههههههه مبالغة . دي طريقة مجنونة لمكافحة تهريب الشربوت . ياخ،أكبر كارثة عملها النميري كانت تقفيل البارات . وزي الداير يقول نبدل البيرة بي العرقي . يا قباني عمك النميري بي جاي طلع القرار . وبي جاي طلعت اغنية كدا كدا يا الترلا القاطرا قندراني . من داك اليوم بقت تدخل الترلات المقشوطة اسكتلندي اصلي . والفتيات البغنن قدر ما سجنوهم برضو الأغنية انتشرت وعمت البلدين الشقيقين البلد الجالب البيرة والبلد المستهلك الشغلة . المكافحة يا قباني اخوي صعبة . وفي جهات كتيرة دايرة المطارات والمواني تكون هشك بشك ساكت . والله يا قباني حبوب الخرشة في السودان أخطر من الكورونا زاتو .
| |
|
|
|
|
|
|
|