|
|
|
 Re: لكل نساء الأرض (Re: أبوذر بابكر)
|
Quote:
02:15 PM March, 08 2020 سودانيز اون لاين
أبوذر بابكر-
مكتبتى
رابط مختصر
(adsbygoogle = window.adsbygoogle || []).push({});وعلى رأسهن أمى
صفية بت آمنة
ومعها إبنتي آمنة
وأم آمنة
واخت آمنة
لكن ولجميع نساء الأرض
كثير التقدير وغزير التوقير
كل المحبة و الإحترام
وعليكن المحبة والسلام
اليوم 8 آذار/مارس
ولتكن كل أيام العام لكن
فأنتن الحياة
كل الحياة
|
يا سلام عليك يا أبا ذر ياخ ...
نعم فعلا هن كل الحياه ....
خالص التحايا والمحبة لكل نساء بلادي وكل نساء الدنيا ....
مع فائق ودي وتقديري ؛؛؛؛
| |
 
|
|
|
|
|
|
|
 Re: لكل نساء الأرض (Re: إدريس محمد إبراهيم)
|
معليش ابو ذر ...
واحد شاعر حبيبنا ناشر قصيده في الفيس بوك بمناسبة اليوم العالمي للمرأه ... اسمه صلاح سيد أحمد الغول ... أستأذنته وأنقلها اليكم هنا ....
صلاح سيد أحمد الغول
٦ ساعات ·
سلام وتحيّه لكُنَّ شقيقاتنا الفُضليات وكل عام وأنتُنَ عَبَق الإنسانيّة
ومعين المودة والمحبّة الذي لا ينضب تسنيمُهُ الطيّب المبارك .
....
كل ثانيه وانتِ طيبه يا شقيقه
..
و لـك احــترامي
.....
بت الـبلــد يـا درَّتــو يـا كـنـزو يـا أغـلى الجـواهـــرْ
يا رمــز مجــدو وعــزَّتـو يـا فخــرو في كل المنابــر
يا ست سماحـتو وعـفَّتـو يا وعـدو بالفـال والبشايـــر
يا بـسـمه تحـمل روعَــتو يا نسمه مِن نَفَس الأزاهــر
..
بت الكـرام القــومه ليــك تعظـيم سـلام لى حضـرتـِك
كـل الخصـال السَّــمحه فيــك حُسـنٍك ودَلـِّك وجـبرتِك
خَلَّـو التُراب يشـتاق مشـيك ومَس الحـرير من قدلتك
وبقـينا منـّـو نغــــيرعليـــك وكتـين يقــبِّل خطــوتـك
..
قلبـاً يـمــيل لى غــيرك ابقـى عمــيل دخــيل مــا منَّنا
وعيناً تشوف غير حِشمتِك إن شا الله ما تشوف الهنا
وزولاً عناهـو لغــير رضـاك ضـيَّع حياتو شـقا وعـنـا
و دمـاً يسـيل لى غــير فـداك مسـفوح هـدَر مـا دمنـا
..
مـين غـيرك إنتِ بِقـولّه تسـلم يا ضنـاي يا ود حشاي
ومين البقـول لي يا عشاي تعـدمني قـوم اقعـد حـداي
ومـين قبلي بِفــرح لمــا أفـرح و ببكي لي قُبال بُكـاي
ومـين اللفيهــو كتبت أشـعاري و مسـاديري وغنـاي
..
إنتِ البِنـــيَّه حفــــيدة الكنـــداكـه لـيـــكي الإحـتــرام
وإنت الكنانيــــه الوفيـَّــــه الأدلجَـــتْ والنّـاس نيـــام
وإنتِ المهـــيره الفَجـَّـرتْ زغـــرودة المـوت الـزُؤام
إنتِ النِظـــام وإنتِ الثَّبــات في الإعتقـــاد والإلتــزام
..
يا فخـــــر شـــعـبك وأمَّــتـِك قودينــا لى بـر الأمــان
بى طيبتك المعهـوده فيكِ و صـدرك المسكون حنـان
ظلموكي والله وطففوا و جعـلوهو عيدك يـوم زمـان
وما عـدلوا لو جعـلوه سنه لوعملوا كل يوم مهرجان
مع خالص ودي وتقديري ؛؛؛؛
| |
|
|
|
|
|
|
| |
أبوذر بابكر
إدريس محمد إبراهيم
فيس بوك
تويتر
انستقرام
يوتيوب
بنتيريست