|
|
|
 Re: فشل حكومة قحت (الكذابون الجدد) والرجل الذي (Re: عبدالقادر محمد)
|
النائب العام يعتذر لـ”حمدوك” عن تسليم تقرير مليونية (رد الجميل)
الخرطوم- أم سلمة العشا
كشفت مصادر موثوقة، عن اعتذار النائب العام تاج السر علي الحبر لرئيس مجلس الوزراء د. عبد الله حمدوك، بشأن المهلة المحددة لتسليم تقرير اللجنة العليا لأحداث مسيرات الخرطوم الخميس (20 فبراير).
وأبلغت مصادر (الصيحة)، بأن النائب العام عند أدائه القسم أمام رئيس مجلس الوزراء اعتذر عن تقديم التقرير النهائي لعمل اللجنة في فترة أقصاها (7) أيام، وطبقاً للمصادر فإن حمدوك قَبِل اعتذار الحبر، ولم يتم تحديد موعد آخر من قِبل الطرفين لرفع التقرير النهائي للجهات المختصة.
وكان مُقررًا أن يكون أمس الأحد الموعد المُحدّد من قِبل رئيس مجلس الوزراء لتسليم النائب العام التقرير النهائي للجنة.
وكان حمدوك أعلن تشكيل لجنة تحقيق عليا برئاسة النائب العام تاج السر الحبر في الأحداث التي جرت خلال مليونية رد الجميل التي نُظِّمت بالخرطوم تُطالب بإعادة بعض الضباط للخدمة بالجيش، انتهت بأعمال عنف أصيب فيها عدد من المواطنين.
الصيحة
| |
 
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: عبدالقادر محمد)
|
بيان من أسود البراري
شعبنا البطل .. رفاق دربنا لجان المقاومة الشرفاء
كانت لجان المقاومة و الأحياء علامة فارقة في تاريخ الثورة السودانية قلادة من مجد أبتكرتها عبقرية شعبنا وسلميته من عمق أرثه الثوري المقاوم أرث أكتوبر و أبريل وسبتمبر 2013 أرث الهب الجماهيرية و الأنتفاضة الشعبية و الأضراب السياسي و العصيان المدني ، طريق الشعب المدني والسلمي المجرب و درب الأمل و الخلاص وكانت لجان المقاومة البوصلة الثورية الذي علم شعوب المنطقة ما معني الثورات و الأنتفاضات في وقت مبكر ، كانت لجان المقاومة أول أنموذج حي لخلايا المقاومة الشعبية في دوائر العمل و السكن و مزيجا متفردا لم يسبق له مثيل في تاريخ الثورات الحديثة ، كان.ثوار الليل و كتائب الثورة و حماة التروس آملين في الفجر الجديد ، هادمون لأعمدة الطغيان و بناة و مشيدين للوطن الحلم الذي نروم، حراساً للديموقراطية و حاملي شعلة الثورة و التغيير و البناء .
أستيعاب دروس الماضي و أنهيار تجارب الأنتقال السابقه علي مستوي تاريخنا السياسي الحديث جعل إستمرارية لجان المقاومة و أستقلاليتها هي صمام أمان العبور و الضامن الشعبي و الجماهيري و الثوري لأستكمال مهام الثورة
وشروط الأنتقال والجندي المجهول دون من او اذي
الذي يبني و يحمي و يصون و لا يبدد وحائط الصد الأول و الأخير لأي ردة علي مسار الثورة
لكل هذا كان مبدأ أستقلالية اللجان و مراقبتها تجاه العملية السياسية ومعيارها في تحقيق مهام واهداف الثورة التي نصت عليها وثيقة الفترة الإنتقالية وبرنامج واهداف الحكومة المتفق علبها وموقف لحان المقاومة الداعم لكل خيارات البناء و النهضة و التغيير و حراسة مكتسبات الجماهير و الدفاع عنها هو الخيار الذي توافق عليه الجميع و تواثقوا علي صونه و أعتماده ..
الجهة الوحيدة التي ظلت تشوش و تتغول علي هذا المبدأ علي الدوام و تتقاطع معه بصورة مستمرة علي طول الخط وبلا كلل و لا ملل هي لجنة العمل الميداني لقوى الحرية و التغيير و التي كانت قد التزمت مسبقاً و في اأكثر من مرة بصيانة أستقلالية لجان المقاومة و تعزيزها إلا أنها ما فتئت تنتهك هذا المبدأ في حين وتتدخل في خصوصية اللجان و مهامها و تركبيتها الداخلية و تنسيقياتها و أشكالها التنظيمية في احايين اخري كثيرة وتحاول تطويعها و أستمالتها وتجييرها خدمه لمصالحها و أمتيازات أطراف متعددة وتمارس عليها دورا وصائيا و أبويا ، و تتعامل معها علي أنها مجرد أدوات يمكن أستخدامها لرفع المد الثوري في الشارع والضغط من خلالهم لتحقيق أجندة و تصورات معينه و من ثم ركنهم جانبا لحين الحوجة إليهم من جديد ..
و منذ توقيع الأتفاق السياسي و حتي الأن ظل تساؤلنا قائما ؟ ما هي مهام لجنة العمل الميداني فعليا ؟ ولماذا هي موجودة بالاساس طالما انتهي عهد الهدم والتخطيط لاسقاط النظام؟ علي اي مشروعية قانونية تستند!! ؟ و ماهي صلاحياتها و حدودها و معايير أختيارها ؟ و هل هنالك ضوابط ولوائح موضوعه لضبط تجاوزاتها و تفلتاتها التي لا تحصي و لا تعد أم أن الحبل متروك لها علي القارب؟!! و هل أستمرارها بشكلها الحالي قد يكون خيارا مقبولا أم لا ؟
كانت لجنة العمل الميداني في أثناء مد الحركة الجماهيرية و عنفوان الثورة و الفعل اليومي التراكمي ضرورة مرحلية وخيارا حتمي لا مناص منه ، و حاليا مع أختلاف السياق السياسي يفترض تحديد أدوارها و ضوابطها و بمنتهي الوضوح والشفافية و محاسبتها و مسائلتها علي كل التجاوزات التي قد تبدر منها تجاه لجان المقاومة و غيرها من المكونات و تحويل أدوارها لصالح مهام الأتصال الجماهيري والحوار المجتمعي أو حلها تماما
و نحن أذ نرفض تماما التدخل السافر من لجنة العمل الميداني في خصوصية لجان المقاومة و تجاوزها و مساسها لمبدأ حياديتها و أستقلاليتها و تماديها في ممارساتها هذه ، فأننا و في نفس الوقت نرسل رسالة واضحة و أخيرة للمجلس المركزي لقوى الحرية و التغيير و تنسيقيتها المركزية بضرورة ضبط هذه اللجنه ووضع ضوابط و لوائح و محددات واضحه تحسم و تضبط تعاملها مع الشارع و لجان المقاومة وبقيه المكونات التي تنتمي لقوي الحرية والتغيير الأخري وإلا فأنها ستكون كعبء أخل بهياكلها التنظيمية و السبب الرئيسي لفقدان الصلة و التواصل بينها و بين الشارع و الجماهير.
#استكمال_اهداف_الثورة
#الرحمة_والمغفرة_لشهدائنا_الأبرار_الخزي_والعار_للجبناء_قتلة_الثوار
أسود البراري
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: عبدالقادر محمد)
|
#اولا اهني الشعب السوداني بزيارة الرئيس الالماني للسودان
وامثن جهود السيد حمدوك ومعاونيه في اخراج هذه الزيارة التاريخية بأحسن مايكون..
#ثانيا
بالنسبه للطلس العملو ناس تجمع المهنيين السودانيين مع الرئيس الالماني في شرح كيفية الإعداد لي خطه موكب 6 ابريل التاريخي
انو ي سيدي الرئيس الالماني الناس ديل طلسوك ساي
انا شاهد عيان دخلت في الموكب بتاع اسود البراري من ناحيه طرمبه النحله يوم 6 ابريل انا ومعي رفقه كرام من الشباب المقاوم الماعندو اي انتماء سياسي
وماطلعنا من القيادة الا يوم 21 ابريل
البحب ااكدو الاتي
تجمع المهنيين السودانيين ما ياكل حق الناس الاعتصمو
في القيادة والاتحدو الموت
واتحدي قيادات تجمع المهنيين السودانيين انو تجي وتتفاصح تقول انها دخلت بي كرعينا في موكب 6 ابريل
واتحداهم لو ماجو بعد 11 ابريل
وانا طه عواض
من ضمن الالاف من شهود العيان
بقولا بالفم المليان
اعتصام القيادة الحقيقي
كان من يوم 6 لي يوم 11
ال5 يوم ديل هم الاعتصام الحقيقي
الشجاعة
الخوف
البساله
الموت
الفداء
التضحية
الحب
الامل
كلو في ال5 ايام دي
ومعاها يوم فض الاعتصام
اما الباقي دا كان شكليات ساي
#واقول كمان
اتحدى كل قيادات تجمع المهنيين السودانيين والأحزاب السياسية لو انها نظمت او وضعت ترس واحد في القيادة
او حتي نظمت اي فعاليات او مخاطبات
الناس حلوقها راح منها الصوت
وتفت الدم بدل اللعاب
لا مكبرات الصوت
لا مسارح مضاءه
لا كميرات
عشان ما تزورو التاريخ ساي
وحاشرح بالفيديو والصور كل يوم علي حدي في الذكري السنوية للاعتصام
وحنوري اول ناس اتقدمو للمفاوضات مع المجلس العسكري
لمن قيادات الحريه والتغيير زاغت من الاجتماع في استراحه الأساتذة في جامعه الخرطوم واتقدمت لسته من لجان المقاومة.
وكيف اتبدلت اللسته بعداك
6 ابريل بتعرفو ليه شنو ي تجمع المهنيين غير الخريطة
الاعتصام ذات نفسه اتقرر من قيادات لجان المقاومة
بعد ساعه من الوصول للقيادة
وبيانكم جا تحصيل حاصل ساي
حق الثوار الاحرار ولجان مقاومة
ما بتاكل اونطه
والفيديوهات والصور قاعدة
وكفي
طه عواض
#معا_لتفكيك_دولة_الكيزان_العميقه
#لم_تسقط_بعد
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: عبدالقادر محمد)
|
| Quote: وقد قيل ان محمد ناجي قرأ البيان الاول للتجمع خلسة ولم يكن يجب ان يكون هو قارئي البيان وانه مستخدم من قبل صلاح قوش الذي اتفق معه قبل الظهور |
في دليل ولا قيل وقال Quote: قامت الثورة بصورة عفوية ولم يكن لتجمع الوهميين اي دور حيالها الا من بعض بيانات علي شاكلة ياو ياو والسان
ولم يكن الشعب يحتاج حينها لاي جسم يوجهه او يرسم له خارطة المسير لان الشعب السوداني خرج من تلقاء نفسه ليضع حداً
لتسلط حكومة الاخوان بقيادة اب قلبا ميت |
اي طفل في الابتدائي يعرف الف باء في السياسة يعلم أن الفضل في نجاح الثورة من بعد توفيق الله يرجع لتنظيمها و أن لها قيادة لم تتوفر لحراك سبتمبر 2013 و يونيو 2012 وما قبلهم وإلا كان سقط النظام من سنين!
Quote: الشيئ المقزز ان محمد ناجي الاصم والدقير قد كذبوا علي الرئيس الالماني بانهم هم من حددوا خارطة للثوار للاعتصام بالقيادة وفي هذا كذب صراح
لان اعتصام القيادة لم يكن موجه من هذا التجمع الفاشل ولم يكن حينها بين الثوار اي عضوء من التجمعين الوهميين اوالخزية والتغيير
فيوم ان اعتصم الثوار بساحة القيادة كان اعضاء التجمع يجتمعون بقوش واحمد هارون من اجل تقاسم الكعكة |
في دليل ولا قيل وقال برضو!
| |
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: محمد البشرى الخضر)
|
| Quote: اي طفل في الابتدائي يعرف الف باء في السياسة يعلم أن الفضل في نجاح الثورة من بعد توفيق الله يرجع لتنظيمها و أن لها قيادة لم تتوفر لحراك سبتمبر 2013 و يونيو 2012 وما قبلهم وإلا كان سقط النظام من سنين! |
ما كان عندي نفس ارد عليك
بس الشي الحابب اوصلو ليك انا كنت في عمق هذا الحراك وعلي الارض مع الثوار ولا ادري اين انت كنت وقتها
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: عبدالقادر محمد)
|
تنسيقية لجان مقاومة البراري
توضيح هام
شعبنا المناضل...
ثوارنا الأحرار...
لعبت لجان مقاومة البراري دوراً محورياً وحاسماً منذ أنطلاق ثورة ديسمبر المجيدة بانتظامها في قلب الحراك الظافر الذي قاده ثوار وثائرات شعبنا لاسقاط نظام المؤتمر الوطني المُباد وحلفائة الساقطون في امتحان الوطن.
شعبنا الثائر...
ثوارنا الأحرار...
انعقد بالأمس مؤتمر صحفي للجنة العمل الميداني للحرية والتغيير فيما يتعلق بالرقابة علي الخبز والوقود برغم تحفظاتنا عما ورد في المؤتمر الصحفي والتي سنوضحها في بيان آخر، شاهدنا في وسائط الإعلام المختلفة شخص يدعي محمد سعيد صالح عرف نفسه بانه عضواً في لجان مقاومة البراري ومتحدث بأسمها ما لزم توضيحة بأن المذكور ليس عضواً في لجان مقاومة البراري ولم يتم تفويضه للتحدث في أي منبر من المنابر باسم لجان مقاومة البراري، وان لجان مقاومة البراري لها تنسيقيتها ومكاتبها ومتحدثيها المعروفين.
تنسيقية لجان مقاومة البراري
1مارس 2020
#استكمال_اهداف_الثورة
#الرحمة_والمغفرة_لشهدائنا_الأبرار_الخزي_والعار_للجبناء_قتلة_الثوار
#لجان_احياء_البراري
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: عبدالقادر محمد)
|
ود البشرى سلام اسع انا اذا فتحت خشمى وقولت كلام فى صاحب البوست بكرة يقابلنى بكرة
الما مفهوم ويقول لى دى حرية رأى فى حين فى زمن الانقاذ قبيحة الوجه اذا كتبت بوست موضحا وجهتى نظرى فى تصرفات بؤساء رجال الانقاذ
طوالى يسحب البوست فى اقل من خمسة ثوانى لذا عينة عبدالقادر دا دى العينة التى يريدها بكرى الماسك العصا من نصها هههههها
والمثل بقول الكضب حبلو قصير لذا يا ود البشرى إترك قدورة يكتب ما يحلو له لانه مؤيد من بكرى هههههههههها
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: محمد البشرى الخضر)
|
سلام يا عبدالقادر
Quote: تصحيح مسار الثورة واجب حتمي ولا بد من مليونيات ضد حكومة حمدوك والمجلس الكيزاني بقيادة العميلين حميدتي والبرهان
حكومة ثورة لا يقودها الشباب والثوار فهي لا تمثلنا |
متفق معاك في إنو الحكومة الحالية لها إخفقاتها
وبكرة دا بطلع معاك في مليونيتك
بس وريني آلية إختيار الحكومة الشبابية الثورية التي ستمثلنا في ما بعد إسقاط الحكومة الحالية.
وعشان نكون واضحين أنا حأطلع المسيرة من أجل وسيلة إختيار أفضل لو وُجدت وليس فقط من أجل تغير أسماء.
والحاجة التانية العميلين حميدتي والبرهان ديل بمليونيتنا حنسقطهم ونبعدهم من مناصبهم السياسية لكن ماهي آلية تجريدهم هم وأي عملاء آخرين من قوتهم العسكرية؟
او السؤال بطريقة أخرى: هل المشكلة في عمالة البرهان وحميدتي وحدهم أم أن المشكلة في المنظومة العسكرية بكاملها؟
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Hafiz Bashir)
|
| Quote: او السؤال بطريقة أخرى: هل المشكلة في عمالة البرهان وحميدتي وحدهم أم أن المشكلة في المنظومة العسكرية بكاملها؟ |
بالظبط كده
دا هو السوال الجوهري والمفترض الاجابة عليه وفهم الواقع الحقيقي على الارض
هم خيارين لا ثالث لهما :-
اما هبوط ناعم
او ثورة حقيقية تمضي الى مآلاتها واهدافها حرية سلام وعدالة
يعني الثورة الحقيقية هى ضد البشر ونظامه كامل بمليشياته وامنه ومؤسساته وجيشه والخ
والاخيرة دي معناها لا مفر من المواجه الحتمية مع النظام البائد بكامل مؤسساته المسلحة والغيرمسلحة وماتسالني الثمن شنو...لانو الثورات ثمنها باهظ ويدفع كامل وعاجل
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Hafiz Bashir)
|
Quote:
متفق معاك في إنو الحكومة الحالية لها إخفقاتها
وبكرة دا بطلع معاك في مليونيتك
بس وريني آلية إختيار الحكومة الشبابية الثورية التي ستمثلنا في ما بعد إسقاط الحكومة الحالية.
وعشان نكون واضحين أنا حأطلع المسيرة من أجل وسيلة إختيار أفضل لو وُجدت وليس فقط من أجل تغير أسماء.
والحاجة التانية العميلين حميدتي والبرهان ديل بمليونيتنا حنسقطهم ونبعدهم من مناصبهم السياسية لكن ماهي آلية تجريدهم هم وأي عملاء آخرين من قوتهم العسكرية؟
او السؤال بطريقة أخرى: هل المشكلة في عمالة البرهان وحميدتي وحدهم أم أن المشكلة في المنظومة العسكرية بكاملها |
مولانا حافظ سلام..
نسمي الاشياء بأسمائها.. دا ما اخفاق دا فشل.
تعيين الولاة والتشريعي ولجان التحقيق ما اخفاق.
اما آلية الاختيار حتما ح تكون افضل من آلية اختيار
حمدوك نفسه وتيم الفشل المصاحب من البوشي ومدني
وفيصل ووووو مدنيين السيادي.
الناس ديل معينين باسم الشعب ينفذوا حاجات محددة
اما ينفذوها او ينكشحوا. تسيس الثورة تمنه ما ح
يدفعه الشارع مغلف بكلمة (اخفاق) لانه تمن وصولهم
هنا كان ارواح ودماء.
اما السؤال عن عمالة البرهان وحميدتي كانت معروفة
للشارع وثواره قبل مجئ حمدوك لكن الليلة وجدت
شرعية وقبول وكمان اشادة منه.
السؤال دا يفرق توقيت سؤاله قبل وبعد حمدوك يا
مولانا حافظ.
سلام يا صاحب البوست وضيوفه.
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Mutasim Idris)
|
الاخ محمد عبدالقادر
ليتهم يفهمون مرادك وخاصة قولك
Quote: حكومة ثورة لا يقودها الشباب والثوار فهي لا تمثلنا
|
يا اخي لن يحكم السودان إلا رجالا ونساء اكتوا بضنك العيش داخل السودان خلال الثلاثين عاما الماضية
والشباب اولى بها
وحمدوك انا من زيارتو لنيويورك وباريس قلتا ماسورة
وماسورة مصدية كمان
لا اظن ان هنك بلد في القرن الواحد وعشرين تكون من اولوياته توفير
الخبز
الدواء
الوقود
فقد تخطى العالم كله هذا الثالوث
إلا نحن فهي مشاكلنا لنصف قرن أي من عهد نميري كنا نقيف في صفوف البنزين والرغيف والدواء إلا يرسلو ليك من الخارج
خمسون عاما ولم تظهر قيادة تحل هذه المعضلة
وشيطانها الاكبر الدولار
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Ali Alkanzi)
|
عارف الناس ديل فشلوا ليه ؟ ..
عشان الجشع والطمع الملا نفوسهم ..
كوم اليسار ده كله عارف وموقن في قرارة نفسه ..
إنه الفرصة دي لن تتكرر لهم حتى يحكموا ..
لأنه بالانتخابات ما حيحكموا مطقا ..
ولن يحصلوا على أصوات الناخبين ..
فقالوا نحكمها عنقلة كده ونتشبث بالحكم ونقصي الكل ..
سرقوا الثورة ونكصوا بكل وعودهم ..
من شاكلة وعدهم بوزراء تكنوقراط ..
حتى الارتماء في أحضان العسكر استفواء ..
تنكروا لكل وعد قطعوه في طريقهم لكراسي الحكم ..
الآن التمكين المضاد شغال على ودنه ..
اقصوا وابعدوا الجميع حتى الشباب المهروا الثورة بدمهم ..
لانهم جشعين والطمع في كراسي الحكم يملأ نفوسهم ..
حاولوا في البداية فرض ايدلوجياتهم ففشلوا ..
الآن مافضل ليهم الا التشبث بالكراسي بأي صورة ..
حيلفوا ويدوروا ويداهنوا ويتملقوا ويكذبوا ..
سيفعلوا كل شي للتشثبث بالسلطة ..
ومرحلتهم القادمة هي التمكين لمن يواليهم ايدلوجيا
ماقدروا يعضوا يد العسكر الآن واقعين فيها بوس ..
هؤلاء سرقوا الثورة ومسّخوها في نفوسنا ..
ما توجه ثوار البراري توجها وماسلكوا مسلكا ..
إلا وكان الحق معهم ...
انظر أين يقفوا وستجده المكان الصحيح ..
الجشع أعمى عيون قحت وجوابهم كان باين من عنوانه ..
مارسوا الإقصاء ضد كل من استشعروا أنه مخالف لهم ..
ولازال مسلسل الاقصاء والتخوين ..
والضحك على الذقون مستمر ..
الأعجب بقى إنه البعض لا زالوا مغشوشين ..
ومصرين يغشوا نفسهم إنه قحت ..
وحكومة حمدوك لازال فيها باقي رقشه ..
حمدوك ضعيف وضعفه هو سبب الكوارث ..
لا أحد يطعن في نزاهته وصدقه..
لكن ضعفه ده سبب البلاوي التي يفعلها ارزقية قحت ..
| |
|
|
|
|
|
|
|
|
 Re: فشل حكومة قحت (الكذابون الجدد) والرجل الذي (Re: جمال ود القوز)
|
Quote: حمدوك ضعيف وضعفه هو سبب الكوارث ..
لا أحد يطعن في نزاهته وصدقه..
لكن ضعفه ده سبب البلاوي التي يفعلها ارزقية قحت .. |
الكيزان صدرو حمدوك للواجهه فى الجانب الاخر منهم بترشيحو وزير ماليه ويصبح ليهو شعبيه فى ويلتف الشعب حولو واعتقد انو ماكانو حريصين على تعيينو وزير ماليه بقدر ماقصدو توريطو فى السياسه وهم مابقى خيار الا خلق مسرحيه انقلاب العسكر ويتشاركو السلطه مع ق ح ت بزى كاكى حتى يعودوا فى نسخه جديده وبوجوه جديده بعد اخبط الشعب من شخص حمدوك وحكومتو بسبب الفشل والعجز عن مواجهه التحدى بثوريه .
المهم الكيزان لعبوها صاح وورطو حمدوك وساقو الشعب فى اتجاه مخططهم
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Asim Ali)
|
تعرف يا عاصم انا قبل كده فكرت في نفس فكرتك دي ..
لانه ضعف حمدوك ده ورغم الهالة الكبيرة الجا بيها ..
أمر يدعو للدهشة والاستغراب ..
تحس كأنه بينفذ سيناريوهات تم الزامه به ولايستطيع أن يرتجل
والا شنو يعني كل مرة يجي يتحجج بالالتزام بوثيقة دستورية فالصو ..
تم العبث بها ولازال والتنصل من بنودها وتحويرها مستمر ..
يفتقد الرجل لثورية ثورة مهرها الشباب بالدم ..
أبعد كل هذه الثورة الساخنة يجي بالبرود الهو فيهو ده !! ..
الا يدعو هذا الأمر للدهشة !!! .....
غايتو انا وانت قاعدين نتفق في كثير من وجهات نظرنا ..
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Asim Ali)
|
حولاااا !! جادي يا عاصم!
اللفة الطويلة واضانك بي وين دي كلها عشان الكانوا حاكمننا يعملوا مسرحية الثورة و القيادة و القيامة الرابطة دي عشان يمشوا ويقوموا يرجعوا يحكموا تاني!!
اي نظرية المؤامرة لازم لها شوية خيال, لكن كمان ما قدر دا!
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: محمد البشرى الخضر)
|
الواقع بقول كدا يا ود البشرى
الكيزان انسحبو -بعد ما ادركو انو شكل وجودهم ورموزهم ديل موضوع انتهى واتخرق -كواجهات سياسيه وتركو فى الساحه كيزان بزى كاكى شركاء فى وضع جديد وحتى يحكم الكيزان -بالكاكى- سيطرتهم يبزك شخصيات زى الهسى دى حمدوك وكتير من الوزراء زناس مالمستوى حكومه ثوره -غايتو للان غير وزير الصحه ماشابف وزير افضل حالا من الباقين-حكومه ضعيقه قدام الشق العسكرى ومن (يمثلو).مفاتيح اة شى عند العسكر اقل شى موضوع نتنياهو - البرهان وين المؤسسيه لفروض يكون فى حرص عليها فى حكومه ثوره لاوزيره خارجيه ولارئيس وزراء ياكافى البلا ناعارقين شى الا من اعلام اسرائيل .
. وزير اعلام وناطق رسمى باسم الحكومه فى اكتر من مناسبه اخرها تمرد هيئه العمليات يقول اعلم من اجهزه الاعلام ولا علم لى عن طريق قنوات رسميه.
يمكن فى ناس شايفين انو الواحد بعمل من الحبه قيه .
طيب نشوف لى قدام يمكن انا علطان
| |
|
|
|
|
|
|
|
|
 Re: فشل حكومة قحت (الكذابون الجدد) والرجل الذي (Re: اخلاص عبدالرحمن المشرف)
|
Quote: السلام عليكم
كيف حكومة ضعيفة والان الاتحاد الأوربي زاد
ما خصصه للشباب ، كيف حكومة ضعيفة والان
لا حظر علي المعاملات البنكية ، كيف حكومة ضعيفة
والان بدل الصرافات فارغة والمرتب م بتصرف والان
الجميع يسعي لزيادة الراتب ، كيف صادراتك كانت بتتصدر
ب ( كفيل ) والان انت كفيل نفسك . المشكلة ما في
الحكومة المشكلة في الحلم .
الحلم من غير شئ علي أرض الواقع ، الصين ما وصلت
الا بعد معاناة والهند الان خامسةاقتصاد أما ثورتنا
فقصر وقصور الرؤيا هو الذي اقعدنا. |
المشكله شنو فى مطالبه بزياده المرتبات
المرتب الان فى ظل الازمات ونفلات السوق ممكن يخلص فى اول خمسه يوم مش اسبوع وديل مسكو مناصب وصلحو مرتباتهم بزياده البدلات /الحوافز ليهم كمسئولين والمنتسب العادى مرتبو مايكفيهو مواصلات يبقى حرام عليهو يطالبو بزياده مرتب زيهم وزى المسئولين القفلو مكاتبهم عليهم ؟؟؟
الازمات
الناس بقت تخلى شغلها وتقيف الغاز او البنزين والرغيف والمواصلات معاناه يوميه وتعريفه على حسب مزاج صاحب المركبه .الكهربه بتقطع من فبراير والعاصمه غير مختمله بسبب النفايات
شفت ليك مداخله قبل شويه عن الانتاج
والحكومه مافعلت الطاقات باتجاه الانتاج (بالمتاح من الامكانيات ) عشان نقدر نصدر للاتحاد الاوروبى والاستفاده من التسهيلات المقدمه وبعدين حمدوك دا من جا لافى من بلد لى بلد برا وجوا الناس ماشه تضيق عليهم زياده طيب وين اثر نجاح الزيارات الاولى ؟؟؟؟؟ الالمانى والاتحاد الاوروبى ديل اثرهم بهد 8 شهور على الاقل.
ولو انو بالنسبه لى انو يكون موضوعنا انتجنا كذا وصدرنا كذا زراعه وثروه حيوانيه بالذات
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: اخلاص عبدالرحمن المشرف)
|
Quote: لو ما لحقنا تحصد حقنا كلنا راح ، البلد ماشية
بالبركة ودعاء الشعب الطيب ، لو ديل ما ظبتو المرتب ذاتو
في تلتلة ، من اسع فكر في زيادة الدخل من غير الحكومة ، وبعدين
التجار متحكمين في السوق بس ح يجي وقت ما ح يلقو زول
يشتري ف لازم يخفض السعر |
حاليا البلد الناس العايشه هم اصحاب النشاط الطفيلى والناس الشغاله تجاره
شغله تانيه اصلا الناس شغاله فيها لما تلقى استاذ جامعى شغال سواق ترحال على سبيل المثال لا الحصر
التصدير ثروه حيوانيه ما الا السعوديه والعرب ديل ..ليه ماقادرين يكون فتح لاسواق جديده ووعندك على الاقل زى مصنع لحوم الجيش (الصناعات الدفاعيه) ممكن يصدر لحوم جاهزه ويستفيد من الجلود فى الصناعه المحليه وبالمناسبه بالنسبه للحوم حتى قبل افتتاح مصنهع لحوم الجيش علاجات التصدير شغاله شغل شديد دا غير الماشيه الحيه عن طريق مصر وجى ممكن تصل غير مصر لبنان والاردن واحتمال كبير اسرائيل.
فى مشكله ضبط واداره للموارد والانتاج
.
الحال الليله يصفو البوشى فى الاتى
Quote: يا ناس لمن بنقول اقرعو الحل سريع عشان ما نفقد الشارع يا رفاقنا في قوي الحريه والتغير ويا حمدوك
ما بكون كلامنا ساي
لانو لمن الازمات تصل لي انو الدولار يصل لسعر ال ١٢٢ جنيه من ١٠٠ في اسبوع واحد بس
ولمن سعر الدهب في يوم ونص بس سعرو يرتفع من ٤٨٠٠ الي ٥٢٥٠
ولمن في الشتاء وفي ايام خلاف ايام الفيضان او الخريف تقطع فيها الكهرباء بالشكل المزري وبالساعات الطوال زي الحاصل يوم الليله ده
ولمن الغاز يكون معدوم تماما وبدون مبرر للانعدام ده لانو متوفر في المستودعات
ولمن البنزين رغم حل المشكله الفنيه في الخطالناقل منذ عشره ايام وعمل المصفاة بشكل طبيعي يكون برضو الحصول عليهو بالمعاناة ديوحتي التجاري زاتو والله اسي كبيتو بالصف..
ولمن الجاز يكون صفو واقفه فيهو الشاحنات بالاسبوع والله العظيم
..
ولمن العيش يكون شبه معدوم والناس بتكون واقفه يوم كامل عشان تحصل علي عيشلوجبه واحده بس
..
لمن تكون حاصله كل الحاجات دي
معناها بالجد الوضع مستفحل والبلد منهاره تماما
وده معناها الناس ميتين ابو اهلا طالع وزيت زيتا اتصفا
..
ومعناها الحل محتاج جراحه واستأصال عديل كده يا ناس
فالحقو البلد
قبل فوات الاوان
..
الا قد بلغت اللهم قاشهد
#زيادة_الاجور
#معاش_الناس |
وبالمناسبه من حوالى تمانيه واغايه قبل شويه (ساعتين تقريبا) صوت رصاص مدور سامعينو فى وسط بحرى وغالبا ياتجاه الشمال من احياء وسط بحرى.
منو الحيجازف يجى يستثمر فى جو زى دا سواء اجنبى او مواطن
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: منتصر عبد الباسط)
|
يامنتصر
اولا يوم بعد يوم بيزيد احتمال كلام توفيق مكى عن احتمال 1% بتاع تجمع المهنيين.
تانيا سؤال خيارات الكيزان شنو قدام الثوره ؟
فى اعتقادى اما سلوك طريق فتوى التلت اوالتلتين ومجازر لقمع الثوره اللى حتى تحجت قمعها حيزيد حصار نظام الكيزان غير موضوع الجنائيه ودعم الارهاب وحيجر كم منهم وحيضرب شبكه دوليه تفضح كتير من بلاوى الارهاب ودعمو ورعايتو
التسليم تماما ودا معناهو كل المخاوف من نهايه التنظيم (مش الواجهات السسياسيه المتعدده اللى كلها تؤدى ادوار ضمن مخطط التنظيم) ومحاكمات داخليه وفى الجنائيه والكشف عن كزيد من الجرائم تتجاوز القيادات السياسيه و تطال حتى القيادات التنظيميه فى الظل
يبقى الخيار الاخير -الاستخبارى-اختراق الثوره بواجهات سياسيه زى مشاركه (شباب الشعبى مثلا واولاد رموز فى الحكومه) وعملوهم مسمار جحا وادعاء المشاركه فى الثوره وعسكرهم اضافه الى مليشيا فريق الخلا وخدعه الانقلاب وانحياز للثوره والثوار كانها اعاده شريط لتجارب اكتوبر وابريل رغم الفارق انو فى اكتوبر وابريل ماكان فى دوله عميقه ببعد فكرى غقائدى متغلغله فى المجتمع والجيش.وعليه لعبه المشاركه فى السلطه وجبهه سياسيه معارضه تتكامل ادوارهم اضافه لدور الطائفيين المستخدمين كجزء من المخطط حتى ولو كان بمبدا المغفل النافع يبقى عندك عسكر ومليشيا وجبهه معارضه سياسيه بتناغم مخطط مرسوم فى مواجهه تحالف ق ح ت المتباين والتنافر ومشهد انفراد احد مكوناتو (الثوريه) بالتفاوض مع الجسم يوضح مدى ضعف التحالف دا فى مواجهه مكونات فريق الكيزان على الساحه .خاصه بعد حاله تشتيت الشارع واضعافو من خلال ناشطي اللايفات (المستقلين) وغيرهم فى العمل على انقسام الشارع وتحييد قطاع منه
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: Asim Ali)
|
شكراً يا عاصم علي ايراد التقدم في صناعة اللحوم
طمئنتني الله يطمئنك . بالنسبة لوصفة صندوق النقد الدولي
نحن ضمن منظومة لها ألياتها ومن خلالها الناس بتتحرك
الترابي رغم الرأي السالب حاول وبالذات مع الصين واوربا
لكن الصين واروبا ذاتهم محكومين بالسوق الأمريكي وروسيا
رغم كل شئ لا زالت متفردة لحد ما .
وأول من نادي باعتماد اليورو وتكوين محفظة هو الترابي ، و
استعان بالصين وماليزيا لاستخراج البترول و عدم الكفأة المصاحبة
لاستخراج البترول سببه تخلف الصين في هذا المجال .
ببساطة تجريب المجرب ح يكون محاولة تجاوز البدوي
الصبر ومحاولة المساعدة لسبب بسيط الجميع ح يغرق بخلاف
هذا وخيار الانتخابات المبكرة ح يكون ما خيار بل فرض ، والا
العودة للكيزان.
مع الود والاحترام للجميع
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: اخلاص عبدالرحمن المشرف)
|
تجربة بروفسور قنيف في زراعة القمح كانت ناجحة
شكلاً وفاشلة في المحصلة حيث انتج قمح يكفي للخبز
ولكن المحصلة النهائية كانت علي حساب باقي المحاصيل
والتي تجلب العملات الأجنبية ، التحرك يجب ان يكون
ضمن آليات السوق ومتطلبات السودان ، وفكرة ان نصير
دولة عظمي بين يوم وليلة ده حلم ، الطريق طويل والعوائق
كثيرة فقط نبدأ بالخطوات الصحيحة في الاتجاه الصحيح
| |
|
|
|
|
|
|
|
|
|
Re: فشل حكومة قحت (الكذابون الجدد) والرجل الذي (Re: اخلاص عبدالرحمن المشرف)
|
الصبر يا شباب ، حمدوك ما بين مطرقة الكيزان وجيف العسكر ، هنالك من هم أخطر من الكيزان
في المجلس السيادي ، تحديدا وبالترتيب حميدتي كضباشي ثم برهان ، دييل هم اللي حيغطسوا حجر السودان
دييل عبيد الامارات والسعودية وكمان بالله مصر ، دييل حيودونا لدرك اسفل مما وصلنا ليهو سيئ الذكر عمر البشير
| |
|
|
|
|
|
|
| |
عبدالقادر محمد
محمد البشرى الخضر
صديق مهدى على
Hafiz Bashir
Hatim Alhwary
Mutasim Idris
Ali Alkanzi
جمال ود القوز
Asim Ali
منتصر عبد الباسط
ترهاقا
فيس بوك
تويتر
انستقرام
يوتيوب
بنتيريست