|
|
|
 Re: المرة دي ذو النون جابها كبيرة (Re: محمد البشرى الخضر)
|
عمر التاج ظنون دا من البداية كان معروف إنو كوز بعمل على بقاء الكيزان أيام الثورة
و كوز بعمل لتثبيت الكيزان بي صورة مختلفة ....
يعني كان كوز و لا زال ...
فا شنو أنا عن نفسي كنت مقتنع تماماً بي إنو فاااااااشل و كذاب و منافق زي كل الكيزان
| |
 
|
|
|
|
|
|
|
|
Re: المرة دي ذو النون جابها كبيرة (Re: علاء سيداحمد)
|
| Quote: اطلع لايف رد عليه, اصلوا دا الباقي ليك |
ذو النون ده وحات الله انا كنت خاتيهو للمستقبل، مشروع تكامل وكده
قلت الود نشيط وفصيح ومقددا، شوية وزنة وممكن يركب معانا في الخط
لكن بطريقته دي حايركبنا المصرية ههههه
| |
|
|
|
|
|
|
|
|
|
Re: المرة دي ذو النون جابها كبيرة (Re: عمر التاج)
|
حبابك ابو حسين
Quote: ظنون دا من البداية كان معروف إنو كوز بعمل على بقاء الكيزان أيام الثورة
و كوز بعمل لتثبيت الكيزان بي صورة مختلفة ....
يعني كان كوز و لا زال ... |
كونه كوز دي هو اصلا ما دساها، وصوره مع الترابي مالية النت
بس الكان متابع الأحداث بين المؤتمرين الشعبي والوطني يقول تاني ما بتلموا
وما اظن زول عاقل - ما منتفع بصورة مباشرة - كان بتمنى إستمرار حكم الكيزان
| |
|
|
|
|
|
|
|
|
|
Re: المرة دي ذو النون جابها كبيرة (Re: أحمد محمد عمر)
|
حبابك علاء
Quote:
قبل يومين شايف ذوالنون فى مخاطبة جماهيرية فى الصحافة منقولة لايف
الشباب ذانقنو فى فتيل الزول دا زفوه زفة عريس انا لو ماخايف الكضب وصلوه بيتو |
ذو النون كتر المحلبية
و بيفتكر ان الواقع الحقيقي زي الواقع الافتراضي
ومن حادثة دخوله في اعتصام القيادة يفترض يتعظ
انت زول ناجح في اللايفات وعندك صيت وسمه بارزة
ما معناتو حاتنجح في اللقاءات المفتوحة وتصادم الواقع بنفس أدوات الفيس بوك..
| |
|
|
|
|
|
|
|
|
|
Re: المرة دي ذو النون جابها كبيرة (Re: عمر التاج)
|
بالله ليه بالسرعه ده صنف كوز و رفض تماما من قبل الثوار .
الزول ده كان شغال كويس ايام الثورة و قبل سقوط الانقاذ .
هو و اولاد الضي .......
حاجه تحير .
و الله كنت متوقع اكون فاعل في قحت .
الزبير الختمي
| |
|
|
|
|
|
|
|
|
|
Re: المرة دي ذو النون جابها كبيرة (Re: الزبير بشير)
|
ذوالنون واحمد الضي ومتصم لهم اسهامات كبيرة جدا في تحريك الشارع ولايفاتهم كانت مؤثرة جدا ..بعد تعود الناس علي الخروج وكسر حاجز الخوف انتهي دورهم وجا تجمع المهنيين
ليخطط للتظاهرات تحت هدف وتوقيت معين ..بعد السقوط انتهي تجمع المهنيين وجات قحط وجاء المجلس الانتقالي والسيادي وانتهي المجلس العسكري ...يعني في كل مرة في زول او جهة دورها بنتهي .محاولة القفز
للمرحلة التانية تعتبر خصما علي الانجاز الاول ..لو روقت في الواطة واحترمت نفسك الدور بجيك تاني في شكل مرحلة جديدة ..لانو كل مرحلة عندها ناسها وعندها ادواتها ...
| |
|
|
|
|
|
|
|
|
 Re: المرة دي ذو النون جابها كبيرة (Re: muntasir)
|
الحمد لله ما قال ميركل وصت الرئيس الالماني " عليك الله يا شتايني وصلتك الخرتوم اول حاجة
تسلم لي على ذوالنون كتير السلام وتقول ليهو الآبري ما وصلني ما يكون وصل لي مرة ماكرون بالغلط
بعرفا زايعة وكريهة ، آآي آآ يابا تتبارك ، اها ودعتكم الله
| |
|
|
|
|
|
|
|
|
|
Re: المرة دي ذو النون جابها كبيرة (Re: Abdullah Idrees)
|
عثمان ذو النون أول واحد اتكشف
فيما عدا اللايفات فكل مساهمته في الثورة - على الشارع - كانت ربع ساعة في ميدان جاكسون شالوهو فيها وصوروهو وبعديها شرد ماليزيا
حاول يختلق بطولات ويقول إنه هرب من السلطات الحكمت عليه واصدرت أمر قبضه بإنه سافر اثيوبيا بالبر ومنها مشى ماليزيا لكن ظهر في النهاية إنه سافر بمطار الخرطوم عادي
تاني ما رجع إلا بعد سقطت
وبعد رجعته جعل همه مكابسة المناصب وتسويق نفسه كرب السياسة وأبدى غيرته من الأصم وقال إنه هو المفروض يتم تعيينه كناطق رسمي بإسم تجمع المهنيين
عثمان ذا النون ما اتصنف كوز بسبب معارضته لي قحت لكن لأنه فعلاً كوز وكان كادر خطابي للحركة الاسلامية وكادر سيخ برضو وبعد المفاصلة انضم للمؤتمر الشعبي
| |
|
|
|
|
|
|
|
|
|
Re: المرة دي ذو النون جابها كبيرة (Re: أحمد محمد عمر)
|
كتب الكوز عمر التاج:
| Quote: ذو النون ده وحات الله انا كنت خاتيهو للمستقبل، مشروع تكامل وكده |
كيف لكوز مثل ذو النون كان جزء من مشروع حكم الإنقاذ الفاشاي الفاشل أن يكون جزء من مشروع مستقبلي متكامل؟؟
يا له من مستقبل ومشروع فاشل
ولكنك ككوز لن ترى في الكيزان أي عيوب.
| |
|
|
|
|
|
|
|
|
Re: المرة دي ذو النون جابها كبيرة (Re: Deng)
|
Quote: ذوالنون واحمد الضي ومتصم لهم اسهامات كبيرة جدا في تحريك الشارع ولايفاتهم كانت مؤثرة جدا ..بعد تعود الناس علي الخروج وكسر حاجز الخوف انتهي دورهم وجا تجمع المهنيين
ليخطط للتظاهرات تحت هدف وتوقيت معين ..بعد السقوط انتهي تجمع المهنيين وجات قحط وجاء المجلس الانتقالي والسيادي وانتهي المجلس العسكري ...يعني في كل مرة في زول او جهة دورها بنتهي .محاولة القفز
للمرحلة التانية تعتبر خصما علي الانجاز الاول ..لو روقت في الواطة واحترمت نفسك الدور بجيك تاني في شكل مرحلة جديدة ..لانو كل مرحلة عندها ناسها وعندها ادواتها . |
100% محمد ابراهيم، كلام في السليم مع التحية والشكر
..
..
| Quote: يا ود البشرى خلي عمر يرسل سيلفي أول نشوفوا فوتوجينك ولا لا |
احسن أفاجئكم يا منتصر ، الزمن بقى زمن مفاجآت
وفي ناس كثيرين منتظرني أباري اللايفات عشان أكسح من المنبر وأسيبهم يتفسحوا فيه
أمثال هؤلاء أقول لهم، إن اللايفات ستكون في صدر المنبر ، وسأصنع مع بكري نافذة كنافذة عمر دفع الله وبتاع خالتي المؤتمر الوطني داك
..
..
| Quote: وصلتك الخرتوم اول حاجة تسلم لي على ذوالنون |
أنا اتخيل لي الرئيس الألماني بيكون سلم على ذي النون وقال ليهو ان جيتنا زيارة لزوجناك انغيلا ميركل إن أنت رضيت
..
..
| Quote: عثمان ذا النون ما اتصنف كوز بسبب معارضته لي قحت لكن لأنه فعلاً كوز وكان كادر خطابي للحركة الاسلامية وكادر سيخ برضو وبعد المفاصلة انضم للمؤتمر الشعبي |
هو بنفسه قال أنه لم يكن يوما مع المؤتمر الوطني، وان بدايته كانت مع المؤتمر الشعبي المعارض ، ولذا أتوقع أن تكون معارضته للانقاذ صادقة ، ولكن كونه كان كوز معروف وكادر عنف خطابي اسلامي فدي ما بقدر ينكرها ..
..
..
الخملة العميل ..
| Quote: كيف لكوز مثل ذو النون كان جزء من مشروع حكم الإنقاذ الفاشاي الفاشل أن يكون جزء من مشروع مستقبلي متكامل؟؟ |
نحن لا نصادر حرية أحد ولا نسلبه حق يكفله الدستور ..
البرهان وحميدتي كانا جزءا من مشروع الإنقاذ واليوم هم أصحاب السيادة في السودان وبالدستور الجديد
سلفاكير وريك مشار والحلو وعقار كانوا جزء من مشروع حكم الإنقاذ الفاشل واليوم هم حاضر ومستقبل جنوب السودان وجزء من شماله
ذو النون من حقه أن يكون جزءا من مستقبل البلاد إذا عالج اخطاءه وسمع النصح قبل الضحى
| |
|
|
|
|
|
|
|
|
|
Re: المرة دي ذو النون جابها كبيرة (Re: Yousuf Taha)
|
Quote: عثمان ذو النون أول واحد اتكشف
فيما عدا اللايفات فكل مساهمته في الثورة - على الشارع - كانت ربع ساعة في ميدان جاكسون شالوهو فيها وصوروهو وبعديها شرد ماليزيا
حاول يختلق بطولات ويقول إنه هرب من السلطات الحكمت عليه واصدرت أمر قبضه بإنه سافر اثيوبيا بالبر ومنها مشى ماليزيا لكن ظهر في النهاية إنه سافر بمطار الخرطوم عادي
تاني ما رجع إلا بعد سقطت
وبعد رجعته جعل همه مكابسة المناصب وتسويق نفسه كرب السياسة وأبدى غيرته من الأصم وقال إنه هو المفروض يتم تعيينه كناطق رسمي بإسم تجمع المهنيين
عثمان ذا النون ما اتصنف كوز بسبب معارضته لي قحت لكن لأنه فعلاً كوز وكان كادر خطابي للحركة الاسلامية وكادر سيخ برضو وبعد المفاصلة انضم للمؤتمر الشعبي |
بالضبط ده ذو النون بإختصار شديد
| |
|
|
|
|
|
|
|
|
|
Re: المرة دي ذو النون جابها كبيرة (Re: حيدر حسن ميرغني)
|
| Quote: اللايف بوي دا كذااااب كذب |
ياخي قصة الزول يطلع على الناس و يخاطب عشرات و مئات ويكذب او يسوق لكذبة و يعيد نشرها و يتكلّم كأنه عارف تفاصيلها قصة عجيبة جد
لاحظت الحاجة دي في اغلب لايفات المسمين نفسهم ناشطين مستقلين, الواحد يلفح من الواتس او الفيس ولا يتأكد ولا يبذل ادنى مجهود ولا خجل يكذب على الهواء وكأنه ناسي انه كذبته دي بتتوثق في الفيديو ويجي تاني يوم ولا يعتذر حتىّ.
ذو النون تحديدا انكشف أكتر من مرة بأكاذيب عجيبة من قصة خروجه لماليزيا القال عن طريق اثيوبيا بالبر و اتضح انه مرق من المطار و لما يزنقوه يقعد يلف و يدور ويقول الناس في شنو
صراحة ممارسة الكذب بالطريقة الفجة دي و عدم الاخجل او الاعتذار حاجة مخزية في الممارسة السياسية السودانية, ايام الانقاذ اوكي ديلاك كذابين معروفين فما بال العهد الجديد, ودا يشمل الجميع بما فيهم الحرية و التغيير و الحكومة الانتقالية برضو
| |
|
|
|
|
|
|
|
|
|
Re: المرة دي ذو النون جابها كبيرة (Re: محمد البشرى الخضر)
|
طبعا الايام دي ظهر تحالف عجيب وغريب بين بعض ناشطي اللايفات، التحالف ده ممكن يتوسع ويخدم اجنده غير وطنية، هذه النقطة تتطلب ان تجلس مكونات الثورة مع ناشطيها لاستيعابهم وتوعيهم لضرورة الالتزام بالخط الوطني الداعم للمدينة والديمقراطية السمحاء
| |
|
|
|
|
|
|
|
|
|
Re: المرة دي ذو النون جابها كبيرة (Re: محمد البشرى الخضر)
|
Quote:
ولكنك ككوز لن ترى في الكيزان أي عيوب:
___________________________
▪ تفحيطة قوية يا دينق يعني شكل عاوز
تقول بالعربي الفسيخ كدا إنو"شكارتا دلاكتا"!!؟
لكن ود التاج دا ود لزينة و مخاشناتكم أنتو
و هو مصدر متعة و تشويق بس يا ربت تبيضو النية
أنتو الاتنين و تخلوها إخوانية اكتر؛ و نحن في عهد
عافية مع حرية التعبير.لكن الزول دا أبدن ما من
الساهل بنبرش يجي في القاطرة زي انزلاقات
الغر المتهور و ركاب الأمواج ، ذي النون .
▪ با ود التاج تيك إت إيزي.إتا عارفنا
ما لينا لا في البنا و لا البناول الطين؛ بس
مع اللعبة الحلوة و الأوسكارات 5 نجوم.
| |
|
|
|
|
|
|
|
|
|
Re: المرة دي ذو النون جابها كبيرة (Re: دفع الله ود الأصيل)
|
| Quote: اللايف بوي دا كذااااب كذب كان كوز جناح المؤتمر الوطني في جامعة سنار والعينة البتم... لناس ابوخجيجة ايام المظاهرات. |
مرحبا طه، البتم.. دي غلبني اتمها
ولكن كلامك عن ذو النون ما اظن يقع واطة
لانه شايلها أكثر من اللازم ومدعي الشفتنه أكثر من الشفت ذاتو..
َفي نفس الوقت بيحاول يظهر بمظهر المرشد المخلص
ودي صفة عكس الأولى عايزة زول راكز ورزين
وعملية الجمع بين المتناقضات عمرها ما حاتحل مشكلة ولا توصل لنهاية
..
..
حبابك صديقي ود الاصيل، وكيف الحي بيك..
Quote: با ود التاج تيك إت إيزي.إتا عارفنا
ما لينا لا في البنا و لا البناول الطين |
طبعا الجندي نفر ده اعتاد يختار كل فترة زول ويتسلي بيهو
قام المرة دي وقع في زول بفتش لزول يتسلى بيهو، اللي هو انا
فمعليش، نحن بنتسلى ههههه.
| |
|
|
|
|
|
|
|
|
|
Re: المرة دي ذو النون جابها كبيرة (Re: عمر التاج)
|
قلت ما سمعت كلامي! غلطة السادات في اكتوبر انه ظامر بتطوير الهجوم شرق القنال وما سمع نصيحة ابوغزالة و الاكتفاء بما تحقق و التحصين فتسبب بالثغرة و كادت القاهرة تسقط! و حوصر الجيش الثالث!
انت كنت متقدم بارتياح و سجلت نتيجة ما حصلت بسبب طلاشة دينق البودّيك تهابش و تلعب ليه في ميدانه شنو!
كان تكتل الكورة في نص ملعبك!
| |
|
|
|
|
|
|
|
|
|
Re: المرة دي ذو النون جابها كبيرة (Re: عمر التاج)
|
| Quote: بوستي بتاع العميل المرتزق الانفصالي الحصل فيهو شنو؟ |
حتي الان البعرفهم 3 بوستات مضروبة كرونا ودوهم الحظر الصحي اقصد الخور من ضمنهم البوست بتاعك العايز تشتهر فيهو علي حساب دينق
خخخخخخخخخخخ
| |
|
|
|
|
|
|
|
|
|
Re: المرة دي ذو النون جابها كبيرة (Re: اسامة محمد ابوبكر)
|
| Quote: بالله ليه بالسرعه ده صنف كوز و رفض تماما من قبل الثوار |
عشان يعطوا صك براء لكل من هو ليس بكوز!
يعني أنت كعب معناتو أنت كوز ما كوز كوز!
أنت لست كوزا أنت كويس وثوري !
أنت ضد من ليس كوز معناتو أنت كوز ؟!
ما عرفاناها سذاجة حمق
أم اسفاف أو ابتزاز ومزايدات وشغل سماسرة.
أنا غير مقتنع بذو النون لعرض نفسه وليس لعرض أفكار
ولكن هذا لا يعني أنه كوز لو كان كوز ما كان عمل كدا اطلاقاً
| |
|
|
|
|
|
|
|
| |
عمر التاج
محمد البشرى الخضر
ABUHUSSEIN
علاء سيداحمد
الزبير بشير
Mohd Ibrahim
Abdullah Idrees
Deng
Yousuf Taha
حيدر حسن ميرغني
دفع الله ود الأصيل
Arif Nashed
اسامة محمد ابوبكر
منتصر عبد الباسط
فيس بوك
تويتر
انستقرام
يوتيوب
بنتيريست