|
Re: ايهما اسهل في العودة النهائية للوطن مغترب (Re: خضر الطيب)
|
سلام يا حمد
طبعاً العودة النهائية تتوقف على الشخص الذى يريد العودة سواءا كان مغتربا او مهاجرا . ومن حيث المبدأ هنا يمكن الركون الى الضغوطات والصعوبات التى يواجهها الفرد سواءا فى بلد الاغتراب او بلد المهجر . وعلى ضوء تلك الضغوط والصعوبات يمكن تحديد من يسهل له امر العودة .
| |
|
|
|
|
|
|
Re: ايهما اسهل في العودة النهائية للوطن مغترب (Re: خضر الطيب)
|
الحبيب حمد تحياتي ،، طبعاً الخليج سجن كبير تذكرت قصيدة محمود سامي البارودي ( ابيت في غربة لا نفس راضية بها ) الغرب حقوقك كاملة فقط وحشة المكان ممكن تكون رئيس وزير قائد تعليم وعلاج وسكن .. يمكن في المستقبل (جماعة اليمين ) ولكن مازال بدري ( بدأها ترامب نوعا ما )
المهم والأهم : ((((((((((((((((( بدون كفيل ))))))))))))))
| |
|
|
|
|
|
|
Re: ايهما اسهل في العودة النهائية للوطن مغترب (Re: حمد عبد الغفار عمر)
|
حمدنا يا حبيب مع تقدم وسائل الاتصال المرئى وتوفرو ورخصو ,, تعريف الوطن ذاتو مفهومو اتغير .ما بمعنى انو ما شغالين بالسودان ,لكن احساس انو الواحد بقى متابع الحاصل ثانية بثانية بخلى الناس تتعامل مع الغربة والوطن بمعطيات مختلفة انا بالنسبة لى اللد الفيها بتوفر للاولاد تعليم جيد و دا بمهد لى اتساع فرص دراسة الجامعة فى أوروبا. الحركة فى أوروبا اسهل بكتير من ناحية الأمان الوظيفي . الشى التانى ,بتجيك زهجة كدة من الجو الكعب ,تفكر تقول تتخارج معظم السودانيين فى اوربا مستقرين ببيوتهم لكن معظمنا تقريبا بعد الثورة, الارتباط بالوطن حتى على مستوى الزيارات بقى اكبر ومفكرين نمشى كل سنة على الأقل نساهم فى الموارد ونشجع سياحة الداخل . تسلم
| |
|
|
|
|
|
|
Re: ايهما اسهل في العودة النهائية للوطن مغترب (Re: مرتضي عبد الجليل)
|
سلام يا حمد ناس الغرب ديل ما تقارن بيهم الواحد فيهم يا عندو جواز واللا إقامة دائمة! عادي الواحد يزهج ويلم عفشو ويرجع وبعد سنتبين يجي راجع عادي لا مشقة. ولاتعب مادام هو مواطن او مقيم في الدولة الغربية !
الناس في الغرب محكومة بأولادها ومصالح اولادها في العلاج والتعليم وعشان كدة القرار محكوم بالأطفال -إقامة او عودة -ودائما ماتكون الموازنة هي مابين تربية وتنشئة الأطفال ودف الأهل هنا او هناك والتعليم والصحة. هناك ! وكمان ضمان وظيفة ورأس خيط يوفر الاحتياجات الأساسية بالسودان ، وأحيانا لم يصل الأولاد مرحلة عمرية مطمئنة. جامعات وتخرج تجد الوالد يقضي شهور عديدة بالسودان ويسافر يرجع بمزاجه !
ناس الخليج محكومين بحسابات مختلفة - العقد والإقامة والكفيل وربما صعوبة العودة للخليج من السودان الخ
| |
|
|
|
|
|
|
Re: ايهما اسهل في العودة النهائية للوطن مغترب (Re: كمال عباس)
|
سلام يا حمد يبدو لي العودة اسهل بالنسبة لمغتربي دول الخليج .. في دول الخليج ربما يكون قرار العودة - اذا توفرت ظروف المعيشة الكويسة في السودان - متروك للاب و الام. اما في دول الغرب فهناك لاعبون اخرون .. و هم الابناء و البنات .. الذين ولدوا في الغرب. الارتباط بالوطن (السودان) بالنسبة لهم ليس بذات القوة مثلما عند الاب و الام .
| |
|
|
|
|
|
|
Re: ايهما اسهل في العودة النهائية للوطن مغترب (Re: كمال عباس)
|
هلا كمال عباس عساك طيب يا كمال اسباب القعاد الطويل في الغربة كلها العامل المشترك فيهو ياهم الأبناء وهسه موضوع الكفيل والتعقيدات الزمان ديك اتلاشت هسه كفيلك لو قلت ليهو ماشي منك بكون فرحان. بس انت ذكرت الحتة البتخلي امر المغادرة النهائية دون رجعة لدى ناس الغرب صعبة هي مسألة المواطنة البدوك ليها دي يعني انت كان زهجك زولوفي السودان تاني يوم بتطبق جوازك وتكسح في حين مغترب الخليج بحرق مراكبو وبمشي
| |
|
|
|
|
|
|
Re: ايهما اسهل في العودة النهائية للوطن مغترب (Re: مرتضي عبد الجليل)
|
دكتور مرتضى اخبارك ياخ فعلا مسألة التعليم دي محورية جدا في التمسك بالبقاء في الخليج التعليم نوعا ما جيد حسب الجيب عندك الخيارات بس المشكلة الانسداد البحصل بعد المرحلة الثانوية والحاجة لدراسة الجامعات والانقسام الممكن يحصل للاسرة بسبب الامر دا لذلك مرات قبول الابناء وخاصة البنات في جامعات السودان بصادف هوى لدى البعض وسبب انو يتخارج من الغربة
| |
|
|
|
|
|
|
Re: ايهما اسهل في العودة النهائية للوطن مغترب (Re: عمر سعيد علي)
|
مرحب عمر سعيد مغتربين الخليج دائما بتواجههم مسألة الدراسة ودا بكون شأن مقلق للآباء من ناحيتين الناحية المالية وانشطار الأسرة لما تخلص الدراسة في واحدين اولادهم برجعوا وبيشتغلوا هنا الأب لو وضعوا جيد في السودان وعندو سيولة كويسة بتشجع للرجعة ناس الغرب الحاجات دي ما بتدخل في حسابات رجعتهم
| |
|
|
|
|
|
|
Re: ايهما اسهل في العودة النهائية للوطن مغترب (Re: طارق عبد الله)
|
الأسهل عودة مغتربي الخليج وذلك لعدة أسباب ومنها: ١-نجد أن أبناء مغتربي ، أو لنقل مهاجري ، الدول الغربية انهم نسوا اللغة العربية ومن الصعب عليهم أن يعيشوا في السودان ، وخاصة هؤلاء الذين لم يدرسوا اللغة العربية ولا يعرفون النطق بها ...ولذا نجد قرار الأسرة صعب في العودة النهائية من أجل الأبناء ٢-الدراسة في الدول الاوربية والأمريكية أفضل من الدول الخليجية ، ولذا يفضل مغاربي الدول الخليجية العودة السريعة السودان من أجل الأبناء بينما يفضل مهاجري الدول الغربية البقاء هناك أيضا من أجل مستقبل الأبناء ٣-مغتربي دول الخليج يعانون من نظام الكفيل ، وقد أخبرنا عمنا و استاذنا علي عبد الوهاب عن مساوئ هذا النظام ، ولذا يتمنى المغتربين هناك العودة للوطن والتخلص من ذلك النظام القمئ ،،ولكن سمعنا أن السعودية في طريقها لإلغاء ذلك النظام إثر الثورة التي يقودها ولي العهد السعودي... ٤-الحياة سهلة والمعيشة سهلة في الدول الغربية ولذا يفضل المهاجرين الإقامة هناك، وكذلك النظام الصحي الجيد هناك يغريهم بالإقامة هناك، وخاصة انهم يحصلون على جنسية البلد الذي يقيمون فيه بسهولة .. ٥-مغتربي الخليج اغنى من مهاجري الدول الغربية، لان مهاجري الدول الغربية يصرفون كل ما يجمعون من مال في ايجار السكن وفواتير الكهرباء والماء والغاز ، ولكن مغتربي الخليج يجمعون المال ويبنون القصور الشاهقة في الخرطوم ويسهل لهم العودة..ونجد أن معظم القصور الشاهقة في الأحياء الراقية في الخرطوم يمتلكها مغتربي الخليج أو لصوص نظام اللصوص والحرامية...أما مهاجري الدول الغربية ، ما عندهم التكتح....لأنهم صرفوا كل مالهم حيث يقيمون...ولذا اسهل لمغتربي الخليج العودة النهائية فمحل سكنهم موجود .... ...كفاية ولا نزبدكم ....عندي تاني ١٠ أسباب أخرى...
| |
|
|
|
|
|
|
Re: ايهما اسهل في العودة النهائية للوطن مغترب (Re: امتثال عبدالله)
|
Quote: ١-نجد أن أبناء مغتربي ، أو لنقل مهاجري ، الدول الغربية انهم نسوا اللغة العربية ومن الصعب عليهم أن يعيشوا في السودان ، وخاصة هؤلاء الذين لم يدرسوا اللغة العربية ولا يعرفون النطق بها ...ولذا نجد قرار الأسرة صعب في العودة النهائية من أجل الأبناء |
تعميم مخل يا بتنا ...
اولادنا بتكلموا عربي عادي زينا ... صحيح ما ساهل عشان تصلي الحتة دي ... لكننا و ناس كتار معانا نجحوا اولادهم يتكلموا و يقروا و يكتبوا عربي ...
و للعلم اكبر عيالي جات كندا عمرها 4 سنوات فقط ...
فقصة اللغة ما سبب ...
تحياتي شيخ حمد ... :)
| |
|
|
|
|
|
|
Re: ايهما اسهل في العودة النهائية للوطن مغترب (Re: نادر الفضلى)
|
الحبيب نادر تحياتي .. مقارنة بالمصريين .. عندما فرضت الحكومة السعودية الرسوم على العائلات المصريين نزلوا أولادهم الى مصر وبدون أي تردد وكأنهم ذاهبين إلى الرياض مصري محاسب في الشركة شقة بـ (90) ريال سعودي .. صدقني في السودان تكون أكثر من 200 الف ريال
90 الف ريال ولا بيت جالوص في الاحياء الشعبية البعيدة التحية للاحباب والتحية للحبيب حمد
| |
|
|
|
|
|
|
Re: ايهما اسهل في العودة النهائية للوطن مغترب (Re: علي عبدالوهاب عثمان)
|
المعضلة التي يواجهها المغتربون والمهاجرون السودانين، هي أن بلدهم السودان يسير إلى الأسوأ... بلد كأنه يسير إلى الجحيم... وما أن تهم بالرحيل عنه، إلا ولسان حاله يقول لك: اهرب يا بني وانفد بجلدك! جل المهاجرين والمغتربين في العالم يبحثون عن رأسمال لأن من لديه رأسمال لن يحتاج إلى الرحيل، إلا السودان فإن أصحاب رؤوس الأموال قد يهربون منه بحثا عن حياة كريمة تتوفر فيها الخدمات للغني ومتوسط الدخل. كل يوم تقل فيه جدوى العيش في السودان، ويقل فيه الأمل في أن يصير هذا البلد كمثله من البدان المتخلفة التي يتوفر فيها الحد الأدنى من الاستقرار والخدمات والنمو. أرقام قياسية في الثورات... وأرقام قياسية في الصفوف... وأرقام قياسية في الفشل السياسي. جوابا عن سؤالك أخي حمد، ليس هناك عودة نهائية سهلة إلى السودان... غالبا ما تتم على أسنّة الرماح. عندما يركّب الوطن مكنة السفينة اليابانية الموبوءة بكورونا، يصعب العودة إليه. وطن يكاد يستنجد بالعالم كله لمساعدته على إيجاد حل لمشكلة صفوف الخبز!
| |
|
|
|
|
|
|
Re: ايهما اسهل في العودة النهائية للوطن مغترب (Re: طارق عبد الله)
|
معذرة يا اخوان
Quote: مغترب الخليج سوف يعود للسودان سواء باختياره أو رغمًا عنه بخلاف المهاجر الذي يعود باختياره مع توفر خط الرجعة له
|
هلا طارق عبدالله ومرحب بيك مسألة التفكير في الرجعة دي ذاتا تحتها خطين انا قصدي فكفكة نهائية وقعاد في الوطن بصفة زول حياتو تكون في السودان بشكل نهائي
| |
|
|
|
|
|
|
Re: ايهما اسهل في العودة النهائية للوطن مغترب (Re: عبدالمنعم الطيب حسن)
|
حمد قوم لف :)
اول ما اتخرجت عملت في السودان لمدة تقارب ال 8 سنوات
لم افكر فيها مطلقاً في مغادرة السودان بالرغم من أن والدي كان مغتربا حينها بالسعودية
قال لي نشتري ليك فيزة؟
كانت اجابتي: لا وانا السودان ما بفوتو شبر واحد
بعدها ونتيجة لبعض الظلم خرجت من السودان وقعدته 5 سنوات ما رجعته ليهو
لانني خرجت مستاء ومعي اسرتي ...
الان انا راجع بقناعة تامة ... بعد 20 سنة غربة
ويا حمد رزقك هنا ولا هناك واحد ... بس اعتقد الناس استسهلت الحياة السهلة وقاعدة تضرب في المندي ونص حبه على الفحم دي
وما قادرة تفارقها ... نعم الحياة في السودان صعبة ومرات بقروشك في حاجات ما بتلقاها ولكن بتحس انك عايش في بلدك
يا حليل ام جلود والوساع وابقمري ياخ
| |
|
|
|
|
|
|
|