انت عارف كيف يا مولاي الشعب الاسمر.. جايزة نوبل دي توفيق من الله.. زي السكرة كدا بالضبط في إجابة السكرجي على انو كم كأس بكفيه انو يسكر.. فقال انو توفيق.. مرات كاسين بظبطو.. ومرات يشرب كل الحانات ولا يسكر 😍.. وللقصة رواية أخرى لا تخدم السياق هنا..
المهم.. قديماً غنى المغني: ناس تغوص عمق البحار.. لا تلقى لؤلؤ لا صَدف.. وناس برة في رمل الشواطئ.. تلقى اللالئ بالصُدف!
شخصياً ح اكون مبسوط لي ايييييا زول.. أييييا زول (تقرأ "سوداني") يحصل على جائزة نوبل ول على أي جايزة في الدنيا.. وح اكون فخور بيو جداً.. الشعب السوداني يستحق كل خير.. و عانينا بما فيه الكفاية.. وانظلمنا كفاية.. ح نفرح.. ايوة ح نفرح
الصورة المرشحة إلتُقطت بكاميرا مصور وكالة الصحافة الفرنسية الياباني (ياسويشي تشيبا ) لشاب يلقي قصيدة على ضوء الهواتف النقالة خلال انقطاع التيار الكهربائي في الخرطوم في 19 يونيو 2019, بينما كان المتظاهرون يرددون شعارات تدعو إلى الحكم المدني. - الزمن داك دسيس مان لسه ما ظهر :)
02-28-2020, 05:51 PM
محمد على طه الملك محمد على طه الملك
تاريخ التسجيل: 03-14-2007
مجموع المشاركات: 5592
ياخي ظهورك برا جائزة نوبل لسودانيز .. غايتو كل العرفتو عنك في غيابك الطويل راسك أقوى من ود الصايم اما تمبس فظلط عديل .. مشتاقون والله يا قيقا ومنتظرين باقي الشلة تعود تنور المنبر.
02-28-2020, 06:47 PM
Sinnary Sinnary
تاريخ التسجيل: 03-12-2004
مجموع المشاركات: 2770
وانت اللآلي بالصدف ولله سعيدين بطلتك يا قيقا وحنكون أسعد لو عندك تواصل مع عزيزنا محمد قرشي عباس توصل ليه رغبتنا في عوتكما للكتابة في البورد فقد عاد كثير ممن توقفوا من قبل جيتكم بتشجع البقية وترقي في شكل الحياة والكتابة في البورد
03-01-2020, 02:28 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
حبيبنا سناري والله انا الاسعد بوجودي بي جاي قرشينا متوفر ولاذع في وش الكتاب.. زي ريق الحمضيات .. بحاول اوصل ليهو اشواقكم وسؤالكم عنه
-------------
ما ملاحظ اني بقيت نقال كلام .. جبت لحيدرنا من هناك .. وهانذا انقل منك لقرشينا.. لكن زمان في الجامعة كنا بنقول معية الرصين للاخوان رجالة كن بخير يا صحبي
03-01-2020, 02:21 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
يا حيدرنا كيف في 16 يونيو دسيس مان ما ظهر, الراجل صابيها من ستة ابريل
يا قيقا رغم انه الكلام ما مؤكد - وكمان ما منطقي بيني وبينك - ألا أنه كعادة الشعب الاسمر - جناح الغبينة - دورت اللايفات من أمس و التبخيس و القيامة الرابطة, كيف يرشحوا الشيوعية* دي العملت دور مرسوم و زابطه ليها الحزب في حين ما شاركت اي مشاركة في الثورة بل و تبرعوا بمرشحات كأم هزّاع و رفقة و غيرهن
__________________________
* طبعا جهلاء اللايفبوبات ملخبطين بينها وبين ولاء صلاح
يا ود البشرى هي آلاء دي لو بقت شيوعية ما بختها.. على الاقل بتكون لقت ليها حاضنة سياسية.. ليه الناس دي ما عاوزة تفهم انو الشغلة دي توفيق من الله.. مافي قاعدة معينة بتحكمها ..
----------
اللايفبوي الكبير الذي علمهم الخرخرة قال عرضوا عليو رئيس وزراء عديييل لكن رفض ما عارفو طمعان في شنو .. يكون ملك على السودان ويورثوا لاولادو مثلاً
03-01-2020, 02:52 PM
Abdullah Idrees Abdullah Idrees
تاريخ التسجيل: 12-05-2010
مجموع المشاركات: 3692
وفى الأعياد وفى أحزان عيون الناس اكيد اي جائزة هي مصدر فخر كبير ابوالفتوح يا حبيب الروح في الفرح في الامسيات السعادة الليلة جات مشتاقين ياخ وين الغيبة ؟ زمان قلنا الصرافة كانت السبب
03-03-2020, 06:47 AM
Yousuf Taha Yousuf Taha
تاريخ التسجيل: 05-03-2013
مجموع المشاركات: 1034
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
قيقراوي
محمد على طه الملك
Sinnary
محمد البشرى الخضر
Abdullah Idrees
Ahmed Yassin
Yousuf Taha
فيس بوك
تويتر
انستقرام
يوتيوب
بنتيريست