|
|
|
 Re: من يملك حق تعديل الوثيقة الدستورية وجعل س� (Re: زهير عثمان حمد)
|
لا أحد يملك حق مط وتمديد الفترة الانتقالية الاتوافقوا عليها ..
وإلا أصبح الأمر مجرد لعبة واستهبال سياسي من الأحزاب ..
الأحزاب تستخدم حملة السلاح والحركة الشعبية لمد الفترة ..
الانتقالية لعملهم في قرارة أنفسهم بفشلهم المرير والمدقع ..
في إدارة شأن البلاد خلال الفترة الماضية وتأكد لهم ..
بأنهم لن يبارحوا دور المعارضين قيد أنملة فعايزين يصنعوا ..
من حملة السلاح حصان طروادة يتدسوا وراه لتمديد الفترة ..
ثم حملة السلاح ليس في مقدورهم إيقاف هذه الحرب ..
ولو وعدوا بايقافها يبقوا كضابين ساي وبيضحكوا على أنفسهم ..
لأن حملة السلاح مجرد أداة ووكلاء حرب ليس إلا ..
الحرب لها من يمولها ويديرها ولن يوقفها قبل أن يبلغ مأربة ..
ويتم تقسيم البسودان على الأقل انفصال منطقة أخرى ..
فما في داعي للضحك على الذقون وبيع الوهم والسراب ..
الفترة الانتقالية بند دستوري لايجب التلاعب به ..
وبنهاية الفترة الانتقالية يتم عمل انتخابات كوفاء بالعهد ..
| |
 
|
|
|
|
|
|
|
|
Re: من يملك حق تعديل الوثيقة الدستورية وجعل س� (Re: جمال ود القوز)
|
بعاعيت مايو 1969 وايتام الترابي 1989
https://top4top.io/
رايح ليهم درب لو قعدو مليون سنة ضؤية مت بحلو مشاكل السودان
لانهم هم مشكلة السودان بعد الاستقلال وما بستحو ابدا
مش قال عليهم د منصور خالد النخبة السودانية وادمان الفشل ؟؟
والله لو مسكو درب جون قرنق دستور 2005 كنت احترمتهم او حتي كحد ادني دستور 1974 ما قبل الانقاذ
لكن البلادة المؤدلجة والنرجسية اعيت ما يداويها في السودان
وفعلا يتجلي فيهم امر الله
ومن نعمره ننكسه في الخلق
وسيرك جوبا مدور والازمات متفاقمة في السودان في المركز وفي 18 ولاية حاصل فارغ
دستور2005 فيه كل ذلك وفيه وثيقة اعلان حقوق الانسان وفيه محكمة دستورية وكان عايز هيكلة ونظافة بس
بدل مركز=18 ولاية
مركز= 5اقاليم فقط
وكل الدساتير في العالم ثابتة بس تتطور عبر الزمن نحن الدستور عندنا تقليعة ذى الشارلستون والقميص تحرمني منك وكل زول عايز يجي يقعد في راسنا يفصل الدستور علي مقاسو
والبعاثي بتاع مايو 1969 طاشي شبكة
في دستور 1974 لماذا لا يرجع الحكم الاقليمي اللامركزي ويسقط الولايات لو عنده مخ مش القانون الجنائي فقط العايز تصليح وتشليح في السودان
وفي دستور 2005 يحترم الفصل الاول المتعلق بتعريف الدولة السودانية والسيادة للشعب (الانتخابات ) ويثبت المحكمة الدستورية في الفصل الخامس
يعني دستور 1974+دستور 2005= الدولة الديمقراطية الفدرالية المكونة من خمسة اقاليم فقط وتحكم بواسطة السيادة للشعب (الانتخابات) وبي هيمنة المحكمة الدستورية علي جميع السلطات وبها 9 قضاة محترمين ما حثالة ذى افيها هسة ديل
بعدين دستور 2005 جدعو بن عوف بتاع انقلاب 2019 والدستور مرتبط بي اتفاقية نيفاشا العالقة حتي الان جدعو الجنرال الساقط ده هرب لي مصر مكب السياسيين الما نافعين عبر العصور وفتح البلد علي الفوضي والتوهان والهذيان الهسة ده
هل ابن عوف ده في ق ح ت ؟؟ عشان تسلمو بي قراره المشين ده ؟؟؟وترجعو تاني سيرك جوبا تلفو الصحون الصينية من جديد مع متسكعين قطر والامارات وارزقية قطر والامارات في الهامش
بدل تنزلو للشعب طوالي (المشورة الشعبية )في السودان وترجعو الاقاليم وتعملو انتخابات اقليمية وتجدعو ال18 ولاية المليانة زواحف لحدي هسة دي اول حاجة ترجع الاقاليم باسس جديدة ومشروحة مليون مرة
| |
|
|
|
|
|
| |
زهير عثمان حمد
جمال ود القوز
adil amin
فيس بوك
تويتر
انستقرام
يوتيوب
بنتيريست