|
Re: ***** بـيـت الـعـــــزابــــة ***** (Re: حيدر حسن ميرغني)
|
زمان زمن البعثات في أوروبا الشرقية في واحد مشى يدرس زراعة تخصص غابات كسر ركبة قبلو ما اتخرج ٢٠ سنة قالوا ليه انت لو دخلت الغابات دي ككو لي هسه كان اتخرجت, يا كافي البلا انت من ٢٠٠٢ تستقبل في الجدد ديل عزابة وديل مشلخين بي نجومك الخمسة دي قوم لف يلفك صلاح الزبير مليتنا فقر
| |
|
|
|
|
|
|
Re: ***** بـيـت الـعـــــزابــــة ***** (Re: حيدر حسن ميرغني)
|
Quote: زمان زمن البعثات في أوروبا الشرقية في واحد مشى يدرس زراعة تخصص غابات كسر ركبة قبلو ما اتخرج ٢٠ سنة قالوا ليه انت لو دخلت الغابات دي ككو لي هسه كان اتخرجت, يا كافي البلا انت من ٢٠٠٢ تستقبل في الجدد ديل عزابة وديل مشلخين بي نجومك الخمسة دي قوم لف يلفك صلاح الزبير مليتنا فقر |
ياها الـ 331 يوم دي .... ؟؟؟؟؟
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
Quote: غايتو منتصر ختاك في فتيل معامل عديييل |
قايلني وهم زيك ....؟؟؟ مشكلتك ما بتستفيد من الحياة حولك و ما بتمني خبراتك و مداركك من إختلاطك بالمبدعين و الناجحين القدامك .... حا تقعد كدا باقي عمرك كلو إنسان فاشل ما حا تستفيد أي شي ....
قوم لف ....
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
و أحذرو المصيبة دا :- HAIDER ALZAIN أبيخ و أمسخ و أبلد زول في المنبر لو سلم عليكم ما تردوا ليه السلام ما بصدق تووووووووووووش بدخل فيكم شمال و يملاكم لياقة و عنكبة و شنكبة و أي حاجة كعبة ... أحذروه و ما تدوه فرصة نهائي أو البتة كما يقول هناي داك ....
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
=
برز "أبو الحُصّينُ" يوماً في ثياب الواعظينا ومشى في البورد يهذي ثم يحصي الغائبينا جال أبو الحصين حول البورد جولة..ليبث الخوف فينا دار دورة إثر دورة .. يترنح مثلما السكران طينة ثم يسأل: صاح أبو الحصين فينا:
مالهم طُراً ضكورا .. ما لي لا أبصر عوينا؟!! أين إخوات مهيرة .. أينهن رحن انزوينا واختفينا يا عِباد الله، لِفوا.. فهْوَ بورد مونسينا وازهَدُوا في حوش بكري، فهو (حوش العازبينا)
ثم يمضي يتلفت وينادي: أين (حيدرنا الحنينا) .. أين (حاج الطيبينا)؟؟ أين (إبن الصائمينا) .. أين (عادلنا الأمينا)؟؟ أين إطلالات بكري .. أين قبطان السفينة؟ أين صلعته الحنينة وهي تُلمع وترحب بالرفاق القادمينا أين باقات زهوره وعطوره.. للضيوف الأكرمينا ؟!!!
صاح أبو سطرين فيه": (مخطيٌّ من ظنّ يوماً أَنّ للموهوم دِينا) أبا حسينٍ فلا تعجل علينا .. وأنظرنا نخبرك اليقينا بأن (أم سُهى) عادت إلينا .. ودخلت ضمن كشف القادمينا وأن حروفها تُحدث رنينا .. تخر لها الجبابرة ساجدينا وكيف لعين موهوم ملفلف، بأن تبصر (جواهرنا) الثمينة وإخوات كثار قادمات.. سيدخلن بخطوات رزينة.
-------------------------- ترحيب حار بالقادمات ووفود القادمين الجدد وواضح أن النقرات الأولى لكيبورداتهم التي عزفت أجمل السيمفونيات تُنبئ بالكثير المثير..
ثم، قوم لِف يا أبو حسين .. ولك التحية
.... .. .
(عدل بواسطة الصادق عبدالله الحسن on 02-18-2020, 01:36 PM)
| |
|
|
|
|
|
|
Re: ***** بـيـت الـعـــــزابــــة ***** (Re: علي عبدالوهاب عثمان)
|
Quote: يا سلام أبوحسين حبيبنا .. واصلوا البوست جميل .. ناقصنا فقط قريبي ( عووضة ) يا رب يكون بخير ..
|
و الله ذكرتني قريبك يا ابو علوة ..... اها جدكم عووضة دا رأس الحية .... مداخلتو كلمتين تلاتة بالكتير لو كتب الرابعة الغضروف بقوم عليه ..دا ابعدو منو بعييييييد ....
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
بعد بقيت آخذ و أدّى مع اساتذة المنبر مثل محمد حيدر المشرّف و معاوية الزبير و د/ سنّاري و سنوسي بدر و مولانا الملك و عبد اللطيف حسن على و اخرين كثر تواضع منى ساكت فتحت البوست ده و تواضع منى تانى ح ابّرك بى مداخلة ___ الرشقة الاولى من تسجيلات الرياض واضح عليهم مفترين شديد و لا واحد فيهم عبّرك و حسناً فعلوا بالتالى بوستيك ده ***** لا يؤبه به ***** المهم فى انتظار باقى الرشقات الرياضية و التى قد تأتى فردية او جماعية _____ هسّى انا جبت سيرة حبوبتى لمياء فى المداخلة دى يا مفترى
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
Quote: بعد بقيت آخذ و أدّى مع اساتذة المنبر مثل محمد حيدر المشرّف و معاوية الزبير و د/ سنّاري و سنوسي بدر و مولانا الملك و عبد اللطيف حسن على و اخرين كثر تواضع منى ساكت فتحت البوست ده و تواضع منى تانى ح ابّرك بى مداخلة |
برضو كتر خيرنا الأديناك الفرصة تعرف بيها هؤلاء الأساتذة و الدكاترة الأجلاء فلولانا لكنت منزوي في غرفتك البائسة في صحاري كلهاري الناشفة ...
Quote: الرشقة الاولى من تسجيلات الرياض واضح عليهم مفترين شديد و لا واحد فيهم عبّرك و حسناً فعلوا |
يبدوا أنك لا زلت في غباءك المعروف و لم تلتقط الرمزية في هذا الخيط الذي لا يفهمة إلا الأذكياء و أحسبك لست منهم
Quote: هسّى انا جبت سيرة حبوبتى لمياء فى المداخلة دى يا مفترى |
أبداً و طبعاً لا يا روح حبوبتك لمياء ....
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
😜😜😜😜 شكلك دعيف في الجغرافيا ...
Quote: غرفتك البائسة في صحاري كلهاري الناشفة ... |
كلهاري دي في جنوب افريقيا ... بعدين لسع ما قادر تستفيد من المعرفة المتبادلة او ال mutual learning التي يوفرها هذا المنبر يعني بدل تكتب :-
Quote: الرمزية في هذا الخيط |
تقوم تشف من الشيخ الكنزي وتكتب :- ((الطرح في هذا الخيط)) وهكذا .... حاج العوض ...
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
Quote: بعدين انا قاصد نيفادا القال ليك منو أريزونا |
ههههههههههههه قاصد كمان ... علي كل حال جلال يسكن ولاية أريزونا نواحي العاصمة فينكس (بيكون في ضهاري فينكس) ... وعندهم صحراء اسمها صحراء أريزونا أو الصحراء الملونة او الصحراء المرسومة ... بعدين نيفادا دي ولاية تانية وعاصمتها لاس فيجاس وفيها صحراء نيفادا ... يا كافي البلا قدمتا لي اللوتري عشان تمشي واقادوقو ...
| |
|
|
|
|
|
|
Re: ***** بـيـت الـعـــــزابــــة ***** (Re: ABUHUSSEIN)
|
استغفر الله العظيــم .. الليلة الجمعة والصدقة فيها مبروكة .. والكلمة الطيبة صدقة وتبسمك في وجه اخيك صدقة ..
القطامة والبياخة اصلوا ما شكروا بيها زول فرجاء يآخي أخي صاحب البوست تبسم .. وخليك صاحب وجه بشوش للزملاء الجايين جداد.. وجاء في الأثر ان بعض الائمة عرف المصليين بالطلمبة الجديدة وشارك ست الطلمبة في الأجرة.. وتذكر ان هنالك من سحمل ذنب ووزر تعريف البرالمة وجمعهم بهؤلاء الرجرجة العملت ليهم كولينك وذكرتهم في هذا البوست .. :)
هذا وصلوا وسلموا على نبينا الاكرم ..
| |
|
|
|
|
|
|
Re: ***** بـيـت الـعـــــزابــــة ***** (Re: HAIDER ALZAIN)
|
جزاك الله خيرا اخي في الله حيدر الشهير بالطريفي حفظك الله و انت تذكرنا بطاعة الله في هذا اليوم المبارك و اثابك الله عن كل كلمة طيبة كتبتها في هذا البوست اتمنى من الجميع ان يتخذوك قدوة و يسيرو على اثر خطاك حتى يكتب الله لهم النجاة من النار و الفوز بالجنة
قوم لف بلا دجل معاك يا عربي يا وهم اصلو ما خايلة فيك خشمي وجعني يا عواليق 😂😂😂😂😂😂
| |
|
|
|
|
|
|
Re: ***** بـيـت الـعـــــزابــــة ***** (Re: HAIDER ALZAIN)
|
جزاك الله خيرا اخي في الله حيدر الشهير بالطريفي حفظك الله و انت تذكرنا بطاعة الله في هذا اليوم المبارك و اثابك الله عن كل كلمة طيبة كتبتها في هذا البوست اتمنى من الجميع ان يتخذوك قدوة و يسيرو على اثر خطاك حتى يكتب الله لهم النجاة من النار و الفوز بالجنة
قوم لف بلا دجل معاك يا عربي يا وهم اصلو ما خايلة فيك خشمي وجعني يا عواليق 😂😂😂😂😂😂
| |
|
|
|
|
|
|
|