|
|
|
 Re: بعد ما رفع (البدوي) الدعم ، ان شاء الله لقى (Re: Kostawi)
|
تقول الطرفة أن الرباطابي جابوه للمحكمة متهما في سرقة فلنكة سكة حديد ،
القاضي وقت مالقى بينة على المتهم قال ليه بنهرة :( وليه واقف ومحكر طاقيتك كده؟ نزل الطاقية يازول !)
المتهم (بتذمر): أها يامولانا الطاقية نزلناها ، (ان شا الله تلقى الفلنكة تحتا )
وزير المالية ليهو ثلاثة أشهر بفتش في مشكلة الاقتصاد مكانا وين ؟
وقت ماعرف مكانا وين شبكنا (حا نرفع الدعم حانرفع الدعم )
أسه بعد رفع الدعم انشاالله يكون لقى الفلنكة ..
..
..
طيب الفلنكة مكانا وين؟
قلنا زمان أن الهبوط المستمر لسعر العملة المحلية هو سبب المشكلة
وسبب تدني سعر العملة يجب البحث عنه بين تلك الأرقام ..
..
..
تحياتي كوستاوي،
ان كنت تسأل عن مصادر الأرقام، فالسودان حاليا ما فيهو مصادر معتمدة للإحصاء ..
وان كنت تسأل عن مصادر رفع الدعم ، فالواقع يقول أن الدعم اترفع وشبع رفع ..
| |
 
|
|
|
|
|
|
|
 Re: بعد ما رفع (البدوي) الدعم ، ان شاء الله لقى (Re: Kostawi)
|
سلام عليكم
الكارثه الاعظم على المواطن هى عدم زياده الرواتب
يمكن بعض الناس تابعو اجتماع تجمع اساتذه التعليم العالى مع الوزيره وبيانهم جول ذلك
لاتوجد زياده مرتبات وحتى الخيكل الراتبى المقرر فى 2018 ولم ينفذ لاطريق لتنفيذو مع مشاورات مه الماليه (لتسييل جزء من الفصل التانى) -الاقتصاديين زى عمر يشرحو لينا النقطه دى.
طيب لوفرضنا فى زيادات حسب هيكل 2018 هل حتكون معتبره ومؤثره كزياده فى 2020 ؟
طيب لو تم رفع الدعم بشكل كامل من وين الدعم المباشر حتتوفر ميزانيتو (خلونا من زياده الرواتب)؟
| |
|
|
|
|
|
|
|
|
|
Re: بعد ما رفع (البدوي) الدعم ، ان شاء الله لقى (Re: Asim Ali)
|
ما اسمه نجر يا خردة؛ ممكن تقول تقديرات
أو تحليل مبنى على مشاهدات خاصة زي ما قال ود البشرى؛
هذه التقديرات هي ما تفتقدها وزارة المالية حتى تخطط صاح
وحتى تعرف بالضبط تأثير رفع الدعم على فئات الشعب؛
البدوي لا أعرفه معرفة شخصية أو مسبقة؛
ولكن عرفناه من خلال الاشهر القليلة التي قضاها في الوزارة
ونشكرك علي رفع الفيديو الذي يزيد معرفتنا به؛
ولكن بالله ومن خلال معرفتك به؛ اسأله هل يعرف شيئا عن الأرقام أعلاه؛
وهل يملك احصاءات محدثة تمنح تقديراتنا أعلاه هامش خطأ أو صواب
وهل يعلم أن الشعب السوداني هو أكثر الشعوب عطالة وبطالة مقنعة
وهل يعرف ان عدد السماسرة والوسطاء وتجار العملة في السودان
أكثر من عددهم في كل العالم مما سواه..
فإن كان يدرك ذلك فالحل في توظيفهم وفتح مسارات للعمل والإنتاج بهم؛
وان كان لا يدرك فاسأله عن رأيه في كلام الشاب أدناه؛
وخبره ان اسمه مدون بالاسفل
وعنوانه طرفنا اذا رغب في معرفة المزيد..
| |
|
|
|
|
|
|
|
|
|
Re: بعد ما رفع (البدوي) الدعم ، ان شاء الله لقى (Re: Deng)
|
والشئ بالشئ يذكر؛ مرت بنا قبيل ايام ذكرى حادثة حرق وتدمير حقول النفط بهجليج
من قبل ما يعرف بمليشيات الحركة الشعبية التي تحكم جنوب السودان اليوم..
تتزامن تلك الأحداث المؤسفة والاعتداء الحاقد البغيض مع تعطل الأنبوب الناقل للنفط قبل أيام
وتنعكس مظاهر الحدثين في المعاناة التي ظل ومازال يعيشها شعبا السودان.
الاحداث القاسية تلاحقنا؛ ولكن الحل في ايدينا وليس المنظمات الدولية يابدوي..
رفع الدعم كما قال الأخ عاصم وفي ظل مؤشرات سالبة للاقتصاد الوطني يعتبر كارثة بكل المقاييس
كارثة تفوق كارثة فصل الجنوب التي تسبب فيها عملاء الحركة الشعبية مع مصلحجية الكيزان.
ما يجب الان وقبل استكمال تنفيذ رفع الدعم عن الوقود:
# على السودان ان يتوجه نحو الإنتاج الان قبل كل شى..
# على الحكومة الإنتقالية فتح مشاريع زراعية وصناعية وتقنية ضخمة تستوعب طاقات الشباب والعطالي..
# على وزراء الحكومة الإنتقالية العمل على توفير مقدار من الرفاهية لهذا الشعب حتى يشعر بجدوي العمل والإنتاج كبديل للشحدة وطلب المعونات الخارجية..
| |
|
|
|
|
|
|
|
|
|
Re: بعد ما رفع (البدوي) الدعم ، ان شاء الله لقى (Re: عمر التاج)
|
| Quote: أو تحليل مبنى على مشاهدات خاصة زي ما قال ود البشرى |
يا عمّك متين قاولتك؟ أنا قلت دوت دريمز و اضف عليها أمنيات هههه
بالنسبة للفحة الواتس بتاعة المهندس المزعوك معقول ما لاقتك دي:
قلت ليك ما تلفح ساي و إن كنت ولا بد فاعل فلتفرز ما تخم من طرف
| |
|
|
|
|
|
|
|
|
Re: بعد ما رفع (البدوي) الدعم ، ان شاء الله لقى (Re: محمد البشرى الخضر)
|
كيف ما قاولتني وانت كتبت كلمة تاج اولا؛
لو ختيتها دريم فقط كنا فهمناها احلام زلوط وردينا عليها الرد المناسب؛
وبعدين بدل انت ما تفسر المصدر؛ حقو تفسر المعلومة؛ وتجيب معلومة معايرة ليها..
بس ماتكون بتاعة وليد ديك؛ لأنها جاية من الفيسبوك الأنت بتشكك فيهو اصلا..
ثم إن شركة رام دي انا كنت بعرفها من مديرها لاصغر موظف؛
واسم وليد ده ملاقاني الا بتاع حسابات؛ يعني محتاجين نثبت اسم وليد كمدير مشروعات اولا وبعدين نثبت انه َافي واحد اسمه مصطفى ابراهيم..
وبعدين الموضوع اكبر من إثبات ونفى اسماء؛ الموضوع موضوع تخريب اقتصاد قومي ويفترض تتكون ليه لجنة كلجنة نبيل توضح وقوع المسؤوليه بالضبط على منو؟ وتفصل في الأسماء والعقوبات الموقعة على المذنبين؛ اخيرا الراحل الفوق داك زاتو ماقال انا شغال في رام؛ راجع كلامه وحاتلقاه بتحدث عن شركة تابعة لبتكو
| |
|
|
|
|
|
|
| |
عمر التاج
Kostawi
محمد البشرى الخضر
Asim Ali
Deng
فيس بوك
تويتر
انستقرام
يوتيوب
بنتيريست