الإختلاف في وجهات النظر شي عادي جداً و لكن في ثقافاتنا دائما ما ينخفض صوت الحكمة و العقل و يرتفع صوت الجهل و الصراخ و الشتيمة ما هو السبب او الاسباب نحلل مع بعض بدون شتيمة و نحاول الإجبة علي السؤال بهدوء
02-06-2020, 08:45 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
ضوابط عامة للبوست - الموضوع عام وليس مقصود به أي زميلة او زميل في المنبر. - كل الأمثلة التي سوف أتعرض لها كلها من خارج بوستات المنبر و من حياتنا العامة. - مرحب بكل المتخصصين في علم النفس و علم الإجتماع و الباحثين في جذرو الثقافةىالسودانية. - أي مداخلة لشخصنة الموضوع غير مرحب بها إطلاقاً. - أرجو ان تكون المداخلات قصيرة بقدر الإمكان
نبدأ بالشتيمة الغير مقصود بها الشتمة أصلا و لكن نستخدمها في المزاح ... دي تسخينة للبوست بتكون بين الاصحاب غالبا مثلا عمك يقول ليك انعـــ ــــــل ابوك و يكون سَبَ اخوهو و نواصل
02-06-2020, 09:31 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
بنتي الكبيرة نشأت في كندا ذهبت السودان و عمرها ٧ سنوات اول ما عمي شافها و بفرح و شوق و لهفة و حِنّيه قال ليها بصوت عالي :(( تعالي هنا يا بت الكــ ـــــــلب)) المسكنة قامت جارية تبكي و خافت منو عديل كده لدرجة انو اذا سمعت صوتو تدخل تحت السرير هنا الشتيمة تعبير عن الفرحة باللقاء مثال أول و نواصل
02-07-2020, 03:40 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
من المشاهد المألوفة اتنين يكونوا بتكلموا مع بعض الأصوات تبقي عالية شوية . لو كانوا قاعدين يقيفوا علي حيلهم الاتنين بتكلموا في وقت واحد تبدأ الشتيمة التي تطال الأمهات و الآباء و الدين زاتو يتدخل الاجاويد و ناس يا جماعة باركوها و يتحول المشهد الي ساحة عراك. ده مشهد مألوف جداً ملحوظة .... لا أتحدث عن المشهد السياسي.
02-07-2020, 04:19 AM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
المساجد منابر لنشر التسامح و القيم النبيلة للأسف بعض من يعتلي منابرها لا يتقيد بآداب الحديث ... و الحكاية جابت ليها تُفاف علي الناس من أعلي المنابر أدعوا الي سبيل ربك بالحكمة و الموعظة الحسنة مشت وين يا شيخنا .... مش حاجة تَحَزِن يا جماعة
02-07-2020, 08:14 PM
Hamid Elsawi Hamid Elsawi
تاريخ التسجيل: 09-22-2005
مجموع المشاركات: 3450
Quote: سلام يا حامد الصاوى عادى بعض الآباء السودانيين اذا زعلوا من واحد من اولادهم يقول ليه : يا ابن الكلب او ينعل ابوك .. هههههه
شكراً علاء عشان كده سميتها ثقافة لكن لمن تصل الاعلام و منابر المساجد ال ح يوعي الشعب منو؟ ال ح ينشر ثقافة التسامح منو؟ عندك برنامج ساحات الفداء كلو نشر لثقافة الموت. كمان تهليل و تكبير و عرس شهيد ... التخلص من هذا الإرث عاوز مواجه و تسليط ضوء من كل مؤسسات المجتمع المدني و الاحزاب و بالطبع المساجد و المؤسسات الاكاديمية
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Hamid Elsawi
علاء سيداحمد
فيس بوك
تويتر
انستقرام
يوتيوب
بنتيريست