|
|
|
 Re: سودانيزاونلاين sudneseonline عشرون عاما من العط (Re: بكرى ابوبكر)
|
شكرا ما بتكفى ليك والله يا ابابكر
يمكن اكتر زول متفائل فينا زمان قبل العقدين المرو ديل
ولما جينا وسجلنا اسامينا هنا ، ما كان بتوقع كل النجاح الكتير والسمح ده
وكل الإنجازات الباهرة دى
وبإذن واحد أحد لسه الجاي أجمل وأكبر واسمح
بالله عشرين سنة عديل ؟
معناتو نحن كبرنا خلاص
ياخ والله بتذكر زى أمس لما رسل لى صديقنا وزميلنا عادل صديق حمد
وكنا كلنا لو تتذكر يا بكرى أعضاء فى سودان دوت نت
قال لى ارح سجل ياخ أخونا بكرى عمل موقع جديد
وجينا فعلا
ثلة من الناس السمحين
وكل واحد من شدة الفرحة والاحتفاء
إختار أحب الأسماء لنفسه تكريما للمولود الجديد
تتذكر يا بكرى اول إسم انا سجلت بيه ؟
أبو امنه
وتانى غيرنا الإسم وبقى
THE RAIN
وأخيرا وللمزيد من إجلال الموقع وتقديره
وللمزيد من المصداقية والجدية خصوصا بعد ظهور حاجات ما سمحه فى الفترة ديك
نتيجة للأسماء المستعارة والرمزية
إخترنا الكتابة بالأسماء الحقيقية
لأنه سودانيزاونلاين هى شمس الحقيقة
| |
  
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: محمد محمد قاضي)
|
شكراُ لك اخى الباشمهندس بكرى ابوبكر
شكراُ لكم الزملاء والزميلات اعضاء وعضوات سودانيز اون لاين
شكراُ لكم جميعا قراء منبر سودانيز اون لاين
ونحن نستشرف العيد الاول للثورة السودانية الظافرة شكراُ لكم جميعاُ
على وحدتكم التى كانت سبباً كبيراً من اسباب نجاح الثورة المباركة
شكرا لكم وانتم تعبرون بالوطن العزيز بشرف الكلمة الى رحاب وآفاق شمس الحرية
التى حجبها الظلاميون لفترة ظويلة من الزمان .
والتحية والخلود لارواح شهداء ثورتنا الظافرة .
والتحية لسودانيز اون لاين منبر من لامنبر .
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: علاء سيداحمد)
|
الاخ بكري
دون مبالغة ودون وصف انشائي
اقول لك صادقاً اخي بعد ان اسأل الله لك بطول العمر في عافية وصحة وايمان
ابشرك قائلاً:
سيضاف اسمك للرجال السودانيين الذي خلدهم التاريخ
ستكون يوما صنواً
لمحمد احمد المهدي
وثوار اللواء الابيض
وللازهري
وعبدالرحمن المهدي
ومحمد احمد محجوب
وبابكر بدري
والطيب صالح
وجون قرنق
ولرتل من الرجال والنساء النوادر في تاريخنا المعاصر
والله لقد حفرت اسمك على ضفاف واعماق النيل الابيض والازرق والنيل
وفي رمال الشمال وهضاب وجبال الشرق
وفي الانقسنا ومريدي
وانهر الجنوب بكثرتها
وفي قرى وروابي بلادي
خاصة في دارفور وكردفان وجبال النوبة
لا ابهرك ولا ابهر قارئو موقعك (موقعنا)
ان قلت لقد صرت لسانا وقلما وذراعاً وسيفاً ودرقة ونخلاً ومنبرا لكل بلادي
بشتى عرقها الاثني وعرقها الفكري ان صح التعبير
الديني والعلماني والجمهوري والصوفي والسني
ومن لا دين له والشيوعي والبعثي
لسان حلفا التي غرقت ولسان جبل مرة الذي هد هدوئه قنابل الطائرات التي تزوره وتزور من حوله
إن قُلتُ هذا
فقد اوفيتك بعض حقك
لأن حقك صار على ظهر كل سوداني عاصر سودانيزاونلاين
فلسودانيزاونلاين القدح المعلى
بل هي شريك اصيل في ثورة ديسمير ٣٠١٨
وليس القوات المسلحة والتدخل السريع والشباب من الجنسسين والمهنيون فحسب
بل سودانيزاونلاين كانت ملح الثورة ووقودها
كانت وما زالت سودانيزاونلاين لكلُ اؤلئك وهؤلاء واللاتي،
تعكس صوتهم وارادتهم وتصميمهم على العطاء والفداء
ليرجع صداه من سودانيزاونلاين
فترج ارض السودان رجاً وتؤزهم ازاً
لهذا حري بك اخ بكري
ان تفخر وتفتخر
وحري بك ان تنام قرير العين هانيها
وحري بنا ان نمجدك ونساندك ففيك بعض ترابنا أي سودانيزاونلاين
وفيك بعض عطورنا (الخمرة)
وفيك بعض شرابنا (حلو مر)
وفيك بعض طعامنا (عصيدة وقراصة وكسرة)
وفيك بعض فرحنا (محمد وردي ود الامين وعركي وزيدان وخلف الله حمد واولاد الماحي)
وفيك بعض انسنا ( الفاضل سعيد )
وفيك بعض قراءتنا (ارمي إلى الكتاب لو عددتهم لاسقط منهم من يستحق الذكر فقارئ سودانيزاونلاين يعلمهم باسمائهم)
وفيك بعض فخرنا وصرخة الشباب (حرية سلام وعدالة) و (تسقط بس)
وختاما اعتز بعلاقتي بسودانيزاونلاين التي لا تعرفها حتى أنت فهي مصدري الوحيد لكل ما ذكرت آنفاً فلا استخدم الصحف ولا الراديو ولا التلفاز ولا غيره )
فقد كتبتُ عنها اكثر من مقال في الصحف السودانية عندما تعرضت للهكر عدة مرات
فعلاقتي بسودانيزاونلاين مثل الزواج كاثوليكي
كل الامنيات الطيبات لك اخي بكري ولاسرتك الصغيرة والممتده ولكل من يضخ ماء (اي حرفاً) في نيلها ولاهل السودان قاطبة
ولعلي اختم قولي هذا الذي اتي دون استعداد مني
(فقد كتبتُ دون استعداد مني مثل ذلك الشاب الذي قيل له بعد ادى صلاته ما احسن صلاتك فاجابهم الحالبة بدون وضوء)
ووالله لو توضيت لهذه المداخلة
أي لو جهزت نفسي وقلمي لقلت قولاً تهتز له كل موقع اسفيري طربا وفرحا بسودانيزاونلاين
فهذا ما يليق بها
مع مودتي وشكري
| |
|
|
|
|
|
|
|
|
 Re: سودانيزاونلاين sudneseonline عشرون عاما من العط (Re: Ali Alkanzi)
|
Quote: وبرضو يابكرى
دايرين كشف باسماء
الامهات المؤسسات ناس نجمة وكدا |
كل سنة وانت واعضاء المنبر وسودانيزاونلاين بخير وعمرانة بناسها
ياااااه زمن يابكرى ٠كنر خيرك ع التزكير
بدر الدين الأمير😂😂😂😂 وين يااااااه ايامها انا عزابية وفي الجامعة وبت مواكبة للتكنلوجيا حليل زمن سودابت اها سمعته بيها ولالا 😉
تحية خاصة لجيلى الجيل الاول بسودانيز اونلاين 💜💜💜
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: Kostawi)
|
سلامات وتحايا
شكراً سودانيز اونلاين ...
مفروض تكتب كتاب مذكرات يا حبيب بالاحداث دي..
واكيد ما بتنقصك الداتا الموثقة ليكون تاريخ عن هذا الصرح بكل ماحوته المسيرة من مساهمات ومحاولات كيد إفشال ..
واحداث مثيرة وما الي ذلك مما تذكره ..ومنها تضيف نفسك لقائمة أدباء المنبر :)
تحياتي وشكرا للمجهود
| |
|
|
|
|
|
|
|
|
 Re: سودانيزاونلاين sudneseonline عشرون عاما من العط (Re: HAIDER ALZAIN)
|
اعوام قادمة اكتر يا قريبي
هذا المكان كان لنا دار وملتقى في فيافي الغربة والمنافي البعيدة
شكراً ليك ولسودانيزاونلاين
مهم تطوير الموقع ده ومواكبته لثورة الشعب وبقى في شباب/ات كتابين ياريت ينوروا المكان ده بمساهماتهم
نحنا اجيال صغيرة لقينا ناس ودالامير ده بي عكازهم يقدلوا في المكان ده كشيوخ سبقونا .
يا ريت مع الثورة وروحه الحية يرجعوا كل الناس البعدوا ويملوا المكان جمال زي ما كان .
تابر
| |
|
|
|
|
|
|
|
|
|
أيمن السر تابر (Re: Aymen Tabir)
|
حبيبنا و قريبنا أيمن السر تابر
شكرا ليك
لكن التطوير مع لايف بتاع الفيس ببقي صعب خلاص
المهم
ميزة سودانيزاونلاين انو حافظ علي شكله طوال ٢٠ سنة الماضية
بلغ تحياتي لخالتي علوية تابر
| |
|
|
|
|
|
|
|
|
|
Re: زغبير حارس مرمى الهلال والسودان السابق في (Re: HAIDER ALZAIN)
|
;كل عام وجميع البورداب بالف خير وانعم حال..
شكرا يا باشمهندس بكري فقد كان البورد وطن لمن لا وطن له وبالرغم
من اننا نملك وطن ووطن عظيم ولكن تشردنا في المنافي وتبعثرنا
ونحن شباب بسبب الانقاذ فكان البورد الحضن الدافئ الذي
ضمنا وتفيأنا ظلاله في هجير الغربة..رغم انني مقل في التداخل
ولكني ابدا واختم يومي بالدخول لهذا الصرح العاتي..
سلمت وسلمت يداك ودمت للبورداب..
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: النصرى أمين)
|
Quote: كل عام وانت و كل اسرة سودانيز بخير يا بكري
حقيقة كان - ولايزال - لسودانيز اونلاين أثر كبير في اثراء معلوماتنا و فتح آفاق معرفة أعمق بالسودان و مشاكله ومميزاته و جقيقته |
سلام يا ود البشرى،
قبل كدا أنا قلت ليك الكلام دا ضحكت فيني، وقلت ناس سودانيز عنقالة ساكت
كسرة: بالجد أي زول ما ممتن لبكري يكون زول جاحد، لو المنبر دا نقصوا كلهم أنا ضامن الاربعة ديل ح يكتبوا وأكثر الناس امتنانا لهذا الموقع، وهم:
النذير حجازي
كوستاوي
دينق
ياسر الشريف
😁😁
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: Mahjob Abdalla)
|
سودن شبكتك وخليك سوداني
سودانيز اون لاين ((بيتنا ))
مفروض تفتح مقاهي في المدن الرئيسة في السودان بي اسم سودانيز اون لاين معها معهد تعليم ثقافة الكموبتير في 2020
ويكون لها دار طباعة ونشر للكتب وصالة عرض كتب كتاب سودانيز اون لاين حتي ولو بصورة تجارية وشراكة بين الموقع والؤلف ايضا
https://up.top4top.net/
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: adil amin)
|
الأخ بكري
تحية طيبة
و أهنئك على هذا الانجاز السامق و الذي يعتبر مؤسسة صحفية إعلامية و ثقافية و سياسية...و اجتماعية..
فسودانيز اون لاين عبارة عن سفارة سودانية كونية تجدها في كل مكان في العالم و تجد من يكتبون فيها و من يتابعونها في كل مكان.
بالنسبة لي شخصيا تدربت فيها على الكتابة و نشرت فيها انتاجي و استخدمت المنبر لتقييم ما أكتبه و لتطوير أسلوبي..
على الصعيد الاجتماعي تعرفت على أصدقاء أعزاء و تعاملت معهم في العام و الخاص..
المنبر كان و لا زال بالنسبة لي واحة ألجأ إليها عندما أشعر بالوحدة أو الملل أو الكآبة فأجد فيها ما يفرج همي..
في الختام لك الشكر الجزيل على ما قدمته لنا و للوطن
و أتمنى لك دوام التوفيق
| |
|
|
|
|
|
|
|
|
|
النصرى أمين (Re: النصرى أمين)
|
صدقت و الله يا حبيبنا النصرى أمين لو لا سودانيز اونلاين كنا امريكا و كندا دي ما بتنقعد ...مع سودانيزاونلاين ما تغمد عينيك
| |
|
|
|
|
|
|
|
|
|
رجاء العباسي (Re: Raja)
|
الحبيبة رجاء العباسي سعيد بتلتك البهية
انشاد الله الاخوات هدي و راوية بخير بلغيهم تحياتي
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: Mutasim Idris)
|
التحية والتهنئة والتقدير لك على مرور عشرون عاما على تأسيس الموقع
بلا شك ظل الموقع يعمل والبلاد تعانى من عسف الدكتاتورية وتكميم الأفواه والتضييق على الأعلام
فى تلك الظروف لعب الموقع دورا مؤثرا وقويا جدا فى نشر المعلومة والمعرفة يل كان نافذة يتم من خلالها التعرف على أحداث السودان
دورك أخى بكرى هو علامة مضيئة وأنجاز يحق لك أن تفخر وتباهى به .
بالنسبة لى شخصيا تعرفت على كثير من الكتاب المجيدين من خلال سودانيز أونلاين وأيضا خلق لى صداقات أعتز بها جدا .
أترحم هنا على كل الزملاء الذين رحلوا الى الدار الآخرة وكانت لهم أسهامات بينة ..... لهم الرحمة وحسن القبول
أكرر لك تقديرى أخى بكرى وأتوقع أستمرار دور سودانيز أونلاين من أجل ترسيخ الدولة المدنية ... دولة الحرية والسلام والعدالة
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: عباس محمود)
|
سلام عليكم وألف مبروك العيد العشرين
بلا مجاملة، إنجاز مثل سودايزاونلاين دليل على رؤية ثاقبة و حب للوطن و سعة
صدر وقدرة على المثابرة.
أحمد لسودانيزاونلاين أنها الرئة التي تنفسنا من خلالها و المجهر الذي محّص كل
أكاذيب النظام التي حاصر بها الشعب.
من ضمن ما قدم المنبر من أعمال الخير قبل 3 أعوام تقريباً، ستر جثمان سيدة
سودانية كان في أحد مستشفيات دولة عربية، بعد ساعات من نشر الموضوع
قام أحد أعضاء المنبر بتسديد حوالي 80 ألف دولار للمستشفى، تبرع بها أحد
الخيرين و رافق الجثمان إلى المقابر ثم أرسل الصور للمنبر. فهنئياً لك يا باش م
هذا الخير العظيم و الخدمات الجليلة.
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: عبدالله داش)
|
Quote: سلام يا ود البشرى،
قبل كدا أنا قلت ليك الكلام دا ضحكت فيني، وقلت ناس سودانيز عنقالة ساكت |
وعليكم السلام يا نذير, يمكن لأنو الذكرتهم وقتها كانوا - ولا زالوا - فعلا عنقالة!
منبر سودانيز اونلاين تميز بأنه ليس منبرا صفويا أو نخبويا اعضاؤه مختارين على الفرّازة و ليس منبرا فئويّا يخص مهنة ما أواتجاه سياسي أو عرقي أو اي تصنيف كان دون الآخرين, أجمل ما فيه وسر تميّزه انه كان ولا زال منبرا عاما لعموم السودانيين الأون لاين, وطبعا حاله حال السودان نفسه فيه العنقالة و العاهات و الآفات البشرية جمبا إلى جمب مع الأسوياء و المميّزين! فيه كل ألوان الطيف
و يحمد للمنبر و لعضويته قدرتهم على فرز الصالح من الطالح, فكان المنبر ينفث خبثه كل حين و البقاء كان دوما للأسوياء.
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: بكرى ابوبكر)
|
كل عام و انتم بخير الحبيب بكري و جميع أعضاء سودانيزاونلاين
كنت متابع و بشغف كل المقالات و الاخبار في الموقع
و لم اقاوم فكرة التسجيل
و كانت إضافة كبيرة ل على المستوى الشخصي
مواكبة للأحداث
زيادة في المعلومات
قدرة التحليل
فهم المتحاورين و احترام الرأي الآخر
شكرا جزيلا بكري
و إلى الامام دوما
و كتر خيرك
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: عماد الدين الطيب عمر)
|
سودانيزأونلاين لها دور ريادي في صناعة الثورة السودانية
ومكافحة والتوثيق لفساد النظام السابق
وجمع كلمة السودانيين
وكانت لنا الملجأ الرئيسي لمكافحة النظام ومنبراً لحرية التعبير
سودانيزاونلاين توثيق لمواقف الكثير من السودانيين من النظام السابق
عايز تعرف ماضي زول في النضال ومواقفه من الثورة المستمرة
اكتب اسمو في سودانيزأونلاين
لذلك لازال الخطر قائماً على الموقع وسيظل
تحية لبكري وأسرته التي صمدت معه
وتحية لكل الكتاب الذين ألهمونا وألهموا الثورة في السودان
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: 3bdo)
|
.
.
عييييكـ حوش بكري أبو صلعة
بداية بث الوعي وكشق زيف الإنقاذمع آخرين .
حوش سودانيز أون لاين جزء من تاريخ بلدي الحبيب ، سبب لنوعية الهندي والبطل الهلع حتى تم إقتلاعهم .
ولكن أين هو الآن ؟؟؟
محاولة بعثه الآن من جديد صعبة جداً في ظل سرعة أي شي الآن بالفيس والواتس وباقي نفاجات السوشال ميديا !!
طيب !!؟؟
لماذا لا يتبنى شيئا ما كما كنت دائماً أدعو لذلكـ
ياخي قول مبادرة نظافة حي بكري أبو بكر بشمبات
والرجال حولكـ كتار حيث تنام :)
يا بكري تبنى شيئاً ما ونحن معاكـ ، كناشر للأخبار والمقالات ستكون بتكرر في كل شي أصلا وصل جيوب الناس .
لكـ الود الذي تعـــــرف
| |
|
|
|
|
|
|
|
|
|
عمران حسن صالح (Re: عمران حسن صالح)
|
حبيبنا عمران حسن صالح
انت و كل الزملاء و الزميلات هنا صنعنا و كتبتنا تاريخ السودان المعاصر عبر سودانيزاونلاين
واتفق معك تماما بان سودانيزاونلاين لا يمكن تنافس او تحل محل عمالقة الوتساب او الفيس و خلافه فهولاء طلعوا شركات كبري هنا برة الشبكة يا اخي حتي القنوات الفضائية الكبري هنا يقت تعتمد عليها.......
اما ادارة القش و الرش من هنا صعبة شوية
| |
|
|
|
|
|
|
|
|
 Re: سودانيزاونلاين sudneseonline عشرون عاما من العط (Re: بكرى ابوبكر)
|
يااااا أب صلعة ياخ إبداع .. قلت لي صابر على البشرية دي 20 سنة!! 
كل سنة وإنت طيب وسودانيز طيبة ياخي ..
والله الأشواق طن .. لكن الأشواكـ طن برضو 
رحم الله من رحل عنّا في هذه الفترة .. ومتع الله البقية بالصحة والعافية ..
أزيكم يا الباقين هوي!!
___
نواسي من فقد عزيزا .. ونبارك الأفراح للجميع
ثم نقول: #شكرا_حمدوك
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: أيمن دياب)
|
أبكراي .. تحية من القلب مليئة بالتهنئات المباركات لمرور
عقدين من الزمان ملؤها العطاء المقدر الذي ساهم في
إصرار عنيد في خلق سودان جديد كيفته الأقلام في هذا
الصرح العظيم .. التحية لك ولكل من كتب حرفاً في هذا
المكان ونسأل الله الرحمة والمغفرة للذين رحلو عنا .. ولم
يكتب لهم حضور هذا الميلاد العظيم ....
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: محمد عبد الماجد الصايم)
|
وطن النجوم انا هنا ...
وكل عام وانتم بخير اخي بكري وكل عام وكل الاخوة والاخوات بسودانيز اونلاين بخير وعافية وصحة وسلام ..
لك جزيل الشكر والعرفان اخي الباش مهندس بكري على كل هذا العطاء وهذا الوفاء وهذا الصمود وهذا الوطن الذي منحتنا إياه حين غاب عنا الوطن والمواطنة ,,
والكلام كثير ولكن أرى من سبقوني قد سطرو حروفا جميلة وندية في حقك وفي حق هذا الصرح العظيم ,,, فاعذروني اذا لم تجرو حروفي لمجاراتكم جميعا أيها الاوفياء الانقياء .... فقد علمنا هذا المنبر أشياء كثيرة من ضمنها احترام الكبير واحترام الراي والراي الاخر فانتم كبارنا لذلك وجب احترامكم ... وقد عرفنا هذا المنبر باناس قل ان يجود بمثلهم الزمان ومازالو يشكلون عبقا خاصا في وجداننا وفي معرفتنا ومداركنا ... فالتحية لهم فردا فردا ...
وكل عام والوطن ينعم بالحربة والسلام والعدالة ... وطن خير ديموقراطي وطن حدادي مدادي ..
شكرا اخي بكري شكرا لكم جميعا ,,,
تحياتي : ياسر العيلفون ...
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: zico)
|
الحقيقة منبر سودانيز اون لاين ساهم وبما لا يقاس في نشر الوعي والتثقيف والتبشير بالقيم الجميلة والقيم الراقية وكان مشعلا للضوء حينما كانت الارجاء معتمة ، امتاز سودانيز اون لاين بتقديم حوار راقي موضوعي جاد في معظمه وكان الواجهة السودانية الاكثر اضاءة واشراق طيلة عقد او يزيد من الزمان قبل ان تتكالب وسائل التواصل علي السايبر وتسيطر عليه ساحبة البساط من منابر الحوار وكذا تاثر سودانيز بتلك السطوة الجديدة. عن نفسي اعتبر المنبر ساهم في تشكيل وعي نوعي داخلي ما كان يتوفر لي لولا سودانيز وتلك النخب التي مرت عليه من مثقفي السودان حاولت ان اجد موطأ قدم بينهم ووفقت في كثير من الاحيان ، في الاجمال المنبر ايجابياته غطت علي سلبياته فكان ان استحق فعلا "شعار وطن من لا وطن له"
اترحم علي ارواح الاصدقاء الذين زاملناهم هنا ورحلو عنا وازجى التحايا لكل الاخوة والعفو والعافية لكل من اخطأنا في حقه
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: اساسي)
|
انا شخصيا تعلمت الكثير من هذا المنبر المحترم الراقي ..بالذات الحقبة القديمة ايام المشاكل والمناقرات بين الاستاذ عزام فرح والاستاذ هشام ادم وفترة الملجم وحاتم بنانا والخواض وغيرهم ..الي فترة تكوين روابط البورداب في المنطقة الشرقية وام سهي ومسهامات الناس وتضافرهم
لعلاج الراحل المقيم زهير ..كلها كانت شرارت وبداية عمل ووعي للنتيجة التي ادت الان الي قهر نظام متسلط يعتبر من اشد الاننظمة شراسة وقمعا علي مستوي التاريخ الانساني المعاصر كله ...
تواجدات كثير من المنابر والمنتديات ولكن سودانيزاون لاين كان ولايزال دوما متميزا بالمصداقية والعلمية بالاضافة الي كثير من الثقافة السودانية والفكرية حس الدعابة المميز في البورد ومن هذا المنبر تعرفت علي مختلف القبائل السودانية وثقافاتها المتباينة والمدهشة ..
تعرفت علي طريقة تفكيرهم وتطورنا في طريقة التخاطب والفهم مع بعضنا البعض ..طبعا تولدت الكثير من المشاحنات والسلبيات ولكن يبقي هذا البورد هو البيت الكبير لكن الناس من مختلف الاعراق والثقافات ...وشكرا للبشمهندس بكري الذي ظل دائما يقف علي مسافة واحدة من كل الاطراف وكثيرا مايطنش عن التدخل حتي يستنفذ كل الحلول الممكنة ويضطر الي اللجؤ الي اساليب الحذف والايقاف كااخر علاج..هو شخص يحمل قلبا كبيرا صافيا له قدرة مدهشة علي تحمل الاذي والاخرين وطالما تحمل بصمت وانفه التبعات المادية وتبديد وقته الخاص في وظيفة 24 علي 7 بدون مقابل مادي وتجرد تام ..له اف تحية وكل عام وكل الناس حلوين وحامضين واخوه متحابيين ..
| |
|
|
|
|
|
|
|
|
|
السماني مبارك ابراهيم(اساسيandرومانسي) (Re: اساسي)
|
الحقاني صاحب عدة اسماء بالمنبر السماني (اساسيandرومانسي)
عرفتك لاكثر من ١٦ عاما تقول الحق ولا تجامل و لا تنافق و مرات تناقش و تجادل بصورة حامضة واثرت مواضيع و مداخلاتك تركت و تعلم منها كثيرا من الاعضاء و الزوار
نعم اثر الفيس و غيره في المواقع الحوارية وهذه هي سنة الحياة ....الموت و الحياة ...حيث مات البالتوك و الاسكابي ..الخ و ولد الفيس و الوتساب و ما معروف بكرة حا يظهر شنو...الله اعلم
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: بكرى ابوبكر)
|
فعلا .. هذا الصرح يعتبر وطن لما لا وطن له ..
شكرا للباشمهندس بكري على اتاحته الفرصة لنا للانضمان لهذه الكوكبة النيرة
( طبعا هنااي داك لا كوكبة ولا حاجة )
وكل سنة وهذا الصرح الجميل واعضائه الميامين والقراء الكرام بخير وعافية .
التحية للجميع ....
____________________________
عااالم بطاالــــــــــــــــــة ,,
| |
|
|
|
|
|
|
|
|
|
Re: سودانيزاونلاين sudneseonline عشرون عاما من العط (Re: ABDALLAH ABDALLAH)
|
هذا الموقع عظيم في رسالته وعظيم في مكانته وفيه نجد الشخصية السودانية واضحة جلية وتفردها كامل غير منقوص وعبقريتها التي خلقت فيها هذا الكبرياء ممتزجة بطبعها ولم يكن بالشيء اليسير أن تخضع هذه العبقرية وهذا الاعتداد المهيب
لنظام بغيض قضى حياته في حروب داخلية وفتن خارجية، قضينا تلك الفترة بين حسرة وأسف وسخط ومقت، ولم نجد ملاذا يصفي مزاجنا من كل رجس، وينقي طبيعتنا من كل كدر سوى هذا الصرح الشامخ
شكراً باشمهندس أبو بكر على هذا الجميل الذي لا ينهض به شكر أو يستوفيه ثناء
| |
|
|
|
|
|
|
|
|
|
Re: لطفى العمده (Re: بكرى ابوبكر)
|
أهلا باشمهندس
سبق لي ان سألتك عمن يقرأ سودانيزاونلاين أكثر:
هل هم من في الخارج؟ وأين بالتحديد أكثر؟
ومانسبة من يقرأها في الداخل؟؟
الإجابة على هذا السؤال مهم لأن الكاتب قبل أن يكتب بوسته يجب ان يعرف من سيقرأه، وإلا فانه يكون قد أرسل الرسالة للجمهور الخطأ..
طبعا سؤالي هذا إذا كان تحديد مقروئية المنبر ممكن ولو بشكل تقريبي
| |
|
|
|
|
|
|
|
|
|
zola123 (Re: zola123)
|
الدكتور ايناس-zola123
سعيد جدا بشوفة اسمك بعد اكثر من عشرة سنوات غياب من هنا .... والله فرحة عظيمة و انشاء الله تدوم
| |
|
|
|
|
|
|
| |
بكرى ابوبكر
محمد نور عودو
أبوذر بابكر
محمد قسم الله محمد
محمد محمد قاضي
اسامه العريفي
علاء سيداحمد
بدر الدين الأمير
Ali Alkanzi
ابو جهينة
Kostawi
HAIDER ALZAIN
Yasser Ali
Aymen Tabir
احمد حمودى
محمد البشرى الخضر
عزالدين محمد عثمان
osama elkhawad
Osman Musa
Raja
Yasir Elsharif
elsharief
النذير حجازي
بشير دفع الله
Mahjob Abdalla
adil amin
محمد عبد الله الحسين
باسط المكي
محمود محمد ياسين
Mutasim Idris
عباس محمود
نعمات عماد
شتات
Elawad Eltayeb
عبدالعظيم عثمان
فيصل محمد خليل
النذير بيرو
Ahmed Yassin
عمران حسن صالح
Kamal Alalla
حافظ كنجال
محمد عبد الماجد الصايم
Sidig Rahama Elnour
بابكر قدور
ياسر السر
Nasser Amin
Mohd Ibrahim
الزبير بشير
جمال الباقر
مرتضى احمد عبد القادر
محمد مجيدو
لطفى العمده
ABDALLAH ABDALLAH
الطيب عبدالرازق النقر
zola123
فيس بوك
تويتر
انستقرام
يوتيوب
بنتيريست