|
كتب الكاتب الفاتح جبرا المتوفرة بمعرض الدوحة
|
|
 Re: شنو مبررات زيادة أسعار التمباك (Re: نعمات عماد)
|
| Quote: شنو مبررات استعمال مادة مسرطنة؟ |
سلام يا دوك ...
مسرطنة دي هل في تقرير طبي يثبت كلامك
دا ولا نعتبرو زي الخمرة بتليف الكبد ...
لي هسي ما لاقاني واحد عندو سرطان بي
سبب التمباك مع انو كلامك دا سمعتوا من
سبعينيات القرن الماضي ...
سرنا (كسر السين) ود موسي عوافي ...
| |
 
|
|
|
|
|
|
|
|
Re: شنو مبررات زيادة أسعار التمباك (Re: نعمات عماد)
|
د. نعمات سلام
طبعا انتو ناس الأسنان جنكن وجن قبيلة السفافين.
عندنا خال حلف قال مره سمع كلام دكاترة الأسنان واضرب
عن صحبة الحقة 3 أيام كانت كلها هضربة من الخرمة.
وفي اليوم الرابع قال جاهو إمساك شديد.
ورجفة ونعاس و وجع اضان و وجع حنك.
مشي المستشفي والدكتور سالو عن الهستري والاسباب.
قال للدكتور انا تركت العماري .
الدكتور قالو ارجع هسع دردم ليك سفة 60 جرام .
الخال قال بعد عشرة دقايق من ختيت السفة 60 جرام
وهاك يا هرولة نحو ال wc .
| |
|
|
|
|
|
|
|
|
Re: شنو مبررات زيادة أسعار التمباك (Re: Osman Musa)
|
عثمان موسى
القصة مضحكة ضحك هستيري.
الظاهر الرجل ما ترك التمباك بالتدريج.
السفاف صلاح الزبير
أحيلك لي قوقل شوف مايو كلنك و CDC و غيرهم.
معقول ما لاقاك في السودان شخص تم زراعة ضلع
او قطع بلاستك في جراحة constructive بعد علاج أحد
انواع السرطان الناتج عن التمباك؟
| |
|
|
|
|
|
|
|
|
|
Re: شنو مبررات زيادة أسعار التمباك (Re: نعمات عماد)
|
زمان الأسعار زادت وفي بناي شغال لي في البيت قال يزيدوا القروش عشان الطُلَب دايرين زيادة يومية
قلت ليه أنا بفهم زيادة اسعار مواد البناء وكل السلع المستوردة بسبب زيادة الدولار ولا التضخم لكن انتو شنو الزاد عندكم عشان تزيدوا اجركم؟
قال لي وهو الأجر دة نحن مخزنينو في البيت؟ ماا بندخل بيه السوق نشتري بيها السلع الزايدة دي ذاتها! يعني إذا اليومية بتشتري كيس خدار وسعر الخدار زاد شئ طبيعي الطلبة يقول داير زيادة عشان تجيب ليه كيس الخدار ذاتو
| |
|
|
|
|
|
|
|
|
|
Re: شنو مبررات زيادة أسعار التمباك (Re: أحمد محمد عمر)
|
التمباك صديق المزارع. ياخي عندي قصص مع التمباكة ديل بالهبل ... وكلها تثبت أهمية التمباك وعظمتو ... خسوساً عند ناس الخلا والرواعية. وعندهم له تقدير مو زي شغل هسه.
الواحد وكت يفتح الحقة ويشمها كدي، تاني مو ساعل في الحكومة ظاطا. ثم ثالثاً، التمباك ما عمل أيتها سرطان لزول. لو بيعمل كان أهلي كلهم ماتوا وقبالهم نسابتنا الهدنودة. السرطان الجد جاكم هسه مع الزبالة المشعّة. دحين ما تلموا تمباكنا على اليورانيوم.
المهم أسعارو تكون معقولة لأنه سادّي فرقة كبيرة خلاس وعندو شعراء ومدّاح وأرابيب وكييفين.
رحم الله ود بشارة، كان بيقيف في نص شارع القضارف-الفاو ويوقف الباصات ويقول لهم ها ناس ما في زول عندو تمباك، وهو ضارب الوعر ويجي كداري لا عند الشارع عشان يعطل المسافرين ديل ويلقالو سفة ويمكن واحد يتكرم عليه بأكثر من سفة.
| |
|
|
|
|
|
|
| |
Osman Musa
نعمات عماد
Salah Zubeir
Shinteer
Abureesh
فيس بوك
تويتر
انستقرام
يوتيوب
بنتيريست